الخميس، 7 أبريل، 2011

يوميات حماة الحلقة 2(عريس1)

النهاردة يوم مختلف ...اى نعم هو فيه الروتين اليومى لى كأم بس بالليل جاى لبنتى عريس...اه عريس ايه الغريب فى كده...اى نعم بنتى عندها 20سنة ولسه فى سنة 3كلية بس مايمنعش انها تتخطب دلوقتى وبعد ماتخلص تبقى تتجوز...وبعدين ده عريس لقطة شاب وعنده الشقة ويتيم طبعا دى ميزة لاام هتغير عليه منها ولا تتحشر فى كل حاجةولا اب ولا حد غير اخت متجوزة يعنى ملبوخة فى بيتها وعيالها...بس ياترى شكله ايه؟؟؟ اما نشوف هدى زميلتى قالتلى عليه كويس...جارها وبيدور على عروسة ورشحت له توتا بنوتى القمراية...الميعاد كان الساعة 8 قبلها بساعة استعدت توتا ولبست طقم شيك وحطت ماكياج هادى"طبعا هى مش محتاجة هى قمر طبيعى"وفعلا الساعة 8وربع لقينا الباب بيخبط...دخلت توتا اوضتها وقام جوزى يفتح الباب وانا وقفت جنبه لاستقبال العريس
فتح الباب طلت علينا هدى ودخلت ودخل وراها العرييييييييس
فتحت فمى بابتسامة ترحيب وبسرعة قفلت بوئى تانى...هدى بتعرفنى"ميدو العريس"سلم على جوزى وسلم عليه
نوصف بقى الاستاذ ميدو شاب حوالى 35سنة اسمرانى وقصير ومتختخ حبتين لالا 3 او 4 حبات والنظارة بتاعته تجنن عضم اسود اخر مرة شفت واحدة زيها كانت بتاعة جدى الله يرحمه
ماعلينا فضلنا واقفين مستنيين باقى الاسرة اكيد طالعين ع السلم
هدى قالتلى"انتوا واقفين كده ليه مفيش حد معانا"يعنى العريس الامور جاى بطوله؟؟؟؟؟؟؟ واللى لفت نظرى انه ايد ورا وايد قدام مش جايب معاه حاجة خالص واضح انه ذوووووووق
قعدنا وهو ماشاءالله واثق من نفسه ثقة رهييييييبة وقاعد كده نافش ريشه زى الديك الرومى واستقبله جوزى ببشاشة وانا"مضطرة لانه فى بيتى"وتجاذبنا اطراف الحديث واول حاجة سألته "الا قوللى ياميدو هوده اسمك الحقيقى ولا دلع" فطبعا ابتسم ابتسامة صفراء بلهاء سخيفة وتطل منها سعادة خبيثة وقال"هههه لا ده الدلع اصل امى كانت بتدلعنى وتقوللى ياميدو فخلاص لو احد قاللى يااحمد بفتكره يقصد حد تانى هههه"ابتسمت له ابتسامة اصفر من ابتسامته وانا بقول فى سرى"تك ضربة فى تقل دمك"...وسالته امال فين اختك او اى حد من اهلك ..قاللى لا انا مش بحب حد يطلع على اسرارى طبعا مقدرتش امسك نفسى وقلتله باعتبار انك هتتجوزها فى السر قاللى لا ياطنط بس لما نتفق على كل حاجة ابقى اقولهم "طنط فى عينك" طبعا فى سرى وبعدين خدت هدى ودخلنا المطبخ علشان توتا تطلع بالصينية ويشوفها وقلت لها ايه اللى انتى جايباه ده قالتلى عريس هو حد لاقى...طبعا انفجرت فيها وقلتلها ليه هو انا بنتى بايرة...ضحكت وقالتلى انتى هتعملى حما من اولها...معقول اكون كرهته كده من اول نظرة علشان هياخد بنتى...قلت خلاص اكون حيادية شوية يمكن كويس ويعجبها ما هو مش بالشكل
طلعت توتا بالصينية وهو تنح لها "طبعا له حق"وقدمت له الجاتوه اللى طبعا اخد وبدأ ياكل فيه قبل حتى ما البنت تقعد
وقال لنا وهو بياكل احنا نتفق بقى"طبعا توتا بصيت لى وهى رافعة شفتها العليا ومشمئزة"وده كان رد بالنسبة لى معجبهاش"الحمدلله تعالى لطنط ياحبيبى"قال مبدئيا انا عجبتنى العروسة طبعا رديت عليه بسرعة وسألته طيب مش تستنى لما نشوف انت هتعجبها ولا لا...بنفس الضحكة الصفرا الخبيثة قال"اكيد هتتكسف تقول انى عجبتها فمتحرجيهاش ياطنط" بصراحة فوجئت برده مش متوقعة انه فاكر نفسه قمر 14 ماعلينا كلنا خلقة ربنا...بص ياحاج...طبعا بيقول لجوزى...انا شقتى موجودة وجاهزة من كله الاجهزة والعفش موجودين وهى لو عايزة اوضة نوم مفيش مانع هاتوا اوضة نوم وانا عندى الصالون والسفرة واوضة الاطفال والاجهزة كلها وبالمناسبة انا مش بحب الشكليات يعنى مفيش داعى لفرح كبير يدوب كفاية كتب كتاب فى الجامع ...جيت اقاطعه واقوله والشبكة...قاللى لو سمحتى ياطنط اكمل كلامى...سكت وانا حاسة ان فيه دخان طالع من دماغى...بالنسبة للشبكة طبعا مفيش مانع بس هتبقى ساعة كتب الكتاب ونخليها اسورة وخاتم ولا مفيش داعى للفشخرة اللى مالهاش لازمة هو الخاتم كفاية ماانا هجيب دبلة
حسيت بجوزى عايز يلبسه الكرسى اللى جنبه بس بصيتله بمعنى سيبهولى...قلتله قوللى ياميدو انت انت عندك كام سنة قالى 36قلتله وليه مفكرتش فى الجواز قبل كده ..قالى لا ماانا كنت متجوز قبل كده بس مرتاحتش معاها طلقتها وبعدين خطبت مرتين برضه حسيت كده انى مش مرتاح سبتهم...قلتله يارااااااااجل طيب مقولتش من الاول ليه...قال ليه هى دى حاجة تعيبنى انا كل البنات تتمنانى...مقدرتش اتحكم فى اعصابى اكتر من كده انا لقيت الجيران بيشدونى ولقيت كم قميصه فى ايدى.

هناك 34 تعليقًا:

  1. ونعم العرسان هههههههههههههههههههههههههههه

    يستاهل الي جاله.. ده اقل حاجه

    ردحذف
  2. ههههههههه
    عريس مستفز

    ردحذف
  3. ههههههههههههه
    المصيبة انه فاكر نفسه عريس الهنا

    ردحذف
  4. ههههههههههههههههههههههههههههه

    ردحذف
  5. ههههههههههههههههههههههههههههههه

    ايمان صعبت عليا بجد هههههههههه
    شيماء

    ردحذف
  6. شيماء
    ولسسسسسسسسسسسسه
    نورتييييييييييينى

    ردحذف
  7. ههههههههههههههههههههههه
    ده لو كان جالى
    كان بابا رماه من البلكونه
    ههههههه ايه البرود ده

    يوياااااا

    ردحذف
  8. يويا
    البلكونة اقل واجب لعريس كده
    ههههههههههههههههههه

    ردحذف
  9. ميدو ميدو يعنى مش هزار

    هههههههههههههههههههههههههههههههه بجد مش قادره ابطل ضحك

    ردحذف
  10. ههههههههههههههههه عريس لقطه فعلا ربنا يبعد عننا امثاله هههههههههههه
    بس بجد جميله جدا الحلقه تسلم الايادي

    ردحذف
  11. وسام
    لا عريس لقطة فعلا
    كويس انك كم قميصه اللى كان فى ايديها مش ذراعه كله ههههههههههههههههههه

    ردحذف
  12. hhhhhhhhhhhhhhhhhhh3, lesa bade2 shaklo comedy, ha nshoof

    ردحذف
  13. ههههههههههههههههههههههههههههههههههههههههههههههه فظييييييييييييييييييييييييعه يا دودو تسلم ايدك .... ايمان

    ردحذف
  14. hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh Da rabna by7bo eNha Gt 3la ad Kom el Qames Bs xDD

    3rsaan 2a5r zaman :DD

    Great job ;)

    ردحذف
  15. ههههههههههههههههههههههههههههههههههههههههههههههههههههههههههههههههه
    ملهاش حل الحما دي

    ردحذف
  16. ههههههههههههههههههههههههههههههه






    shosho saleh

    ردحذف
  17. ههههههههههههههههه
    ماكانش حد يقدر يحوشنى عن واحد زى ده
    مستفز

    ردحذف
  18. هههههههههههههههههه


    مونه

    ردحذف
  19. ههههههههههههههههههههههههههههههههههههههههههههههههههههههه

    ردحذف
  20. ههههههههههههههههههههههههههههههههههههه

    ردحذف
  21. الله عليكى جميييييييييييله اما العريس هههههههههههههههههههههههه

    ردحذف
  22. يسسسسسسسسسسسسسسستاااااااااااااااهل انا بكرهه بكرهه بكرهه هههههههههههههه
    اروى

    ردحذف
  23. هههههههههههههههههههههههههههههههههههههههههههههه انا قولت اجيب القصص من اول ما بداتى المدونة
    حلوة اوووووووووووووووووووى

    ردحذف
  24. ههههههههههههههههههههههههههههههههههههههههههههههههههههههههههههههههههـ يالهوى × رجاله كده

    ردحذف
  25. هههههههههههههههههه
    ولقيت كم قميصه فايدي
    تعبير جبااااااااار يا دينا

    ردحذف
  26. مش عارفة اكتب من كتر الضحك على اخر جملة
    بس بجد روعة

    ردحذف
  27. ههههههههههههههههههههههههههههههههههههههههههههههه بجد هموت من كتر الضحك هههههههههههههههههههههههه فاكر نفسه قمر 14

    ردحذف
  28. ههههههههههههه حلقة جامدة

    ردحذف
  29. هههههههههههههههههههههههههههههههههههه
    فكرتيني بمسلسل عايزه اتجوز

    ردحذف
  30. أزال المؤلف هذا التعليق.

    ردحذف
  31. كويس انك كم قميصه اللى كان فى ايديها مش ذراعه كله

    ردحذف
  32. تحفففففففففة يا دندونة بجد قلبي هيقف من الضحك تسلم ايديكي يا قمراية

    ردحذف

قول رأيك بلاش تقرا وتقفل من سكات...ارائكم تهمنى