الاثنين، 23 مايو 2011

تحت سقف واحد...الحلقة 1

طول الطريق وشيرين راجعة من شغلها وهى بتفكر ازاى هتعلن عن قرارها اللى طول الاسبوع بتفكر فيه بس مكنش عندها وقت تاخد القرار لانها متأكدة ان القرار هيكون وراه مداولات ومناقشات وضغوطات من كل اللى حواليها ففضلت ان يوم الخميس هتعلن قرارها علشان يبقى عندها الجمعة تنهى فيه كل مايتعلق بالموضوع اللى انتهى بالنسبة لها
لما وصلت بيتها كان كل شئ كالمعتاد مامتها محضرة السفرة فى نفس ميعاد كل يوم ومروة اختها بتكون نايمة وبتصحى لما شيرين بتوصل الساعة 6 علشان يتغدوا كلهم مع بعض... رغم انها كتير اتحايلت عليهم يتغدوا هما لما مروة ترجع من شغلها ومش لازم يستنوها بس كانوا بيصمموا انهم لازم يتجمعوا مع بعض وقت الغدا
... وهما بينتهوا من اكلهم
مروة"تتخيلى ياماما ان فاضل لنا على اللمة الحلوة دى شهر واحد 30 يوم وبعد كده نبقى انا وانتى بس"
الام"ربنا يهنيها ويسعدها  وعقبالك انتى كمان يامروة يابنتى"
حاولت شيرين تفجر القنبلة بس محبتش انها تضايق مامتها واختها الوحيدة وهما لسه مخلصوش غداهم فقررت انها تتكلم بس بعد الغدا
وهما قاعدين بيشربوا الشاى وبيتفرجوا على التليفزيون جت شيرين وقعدت معاهم وقفلت التليفزيون فجأة
"انا عايزة اقولكم حاجة مهمة"
انتبهت الام ومروة بقلق وترقب وسكوت مستنيينها تكمل
"انا قررت افسخ خطوبتى على حسام"
صرخت الام وخبطت بايدها على صدرها وواندهشت مروة
"سيبونى اكمل كلامى"
الام"تكملى ايه... انتى ازاى فجأة كده بعد ماكل حاجة تقريبا هتخلص وبعدين ازاى ترفضى واحد زى حسام بالسهولة دى"
مروة"ياماما استنى.. ليه ياشيرين ماله حسام"
الام"واضح انها نسيت حاجات كتير اوى بتخليها تتبطر"
شيرين"نسيت ايه ياماما"
الام"نسيتى ان عندك 32 سنة ومش سهل انك تسيبى واحد كويس زى حسام... نسيتى ان ال7 سنين اللى فاتوا كان كل اللى بيجيلك مش مناسب... نسيتى ان كلها كام سنة وفرصتك فى الخلفة تقل وانا مش عايشالكم انا نفسى اطمن على كل واحدة فيكوا فى بيت جوزها ومعاها عيالها"
شيرين"ياماما مش الراجل والعيال هما كل حاجة"
الام" اومال ايه؟؟ شغلك اللى عايشة علشانه انتى بتروحى من 9 الصبح لحد 6 المغرب ومفيش راجل هيرضى بكده وحسام وافق وقال وماله انا عايزها بكل ظروفها"
شيرين"يعنى ياماما ده شغل حد يفرط فيه؟"
الام" انا عارفة ان مرتبك بالالاف وعارفة ان منصبك كبير بس انتى لو تعبتى ومقدرتيش تشتغلى هيرموكى ويشوفوا غيرك انما جوزك وعيالك مش هيرموكى"
شيرين"ياماما الشغل مالوش علاقة اصلا"
الام"طيب فهمينى ايه اللى حصل فجأة"
شيرين"انا طول الكام شهر اللى فاتوا دول وبقول هحبه ولما محسيتش الحب قولت هييجى بالعشرة طول ماهو كويس معايا"
مروة"بس فعلا حسام كويس معاكى ومستواه الاجتماعى والتعليمى وكل حاجة مناسب ليكى ومش مهم الحب بتاع الروايات علشان الجوازة تتم ...ده غير ذوقه ووسامته يعنى زوج يشرف من جميع الجهات"
شيرين"بس فيه حاجة مش قادرة اتكيف معاها"
الام ومروة بقلق"ايه هىَ دى"
شيرين"كداب وقبل ماتدافعوا عنه وتقولوا انه مكدبش علينا فى حاجة... انا شفته بيكدب فى حاجات كتير هى اه حاجات صغيرة بس كتير اوى اوى وده خلانى مبقاش عندى ثقة فيه ومش بصدقه فى حاجة خالص وانا مش قادرة اكمل معاه"
الام"وقلتيله؟؟ ولا لسه؟؟"
شيرين"لسه هو عموما جاى على الساعة 9 وانا حضرت الشبكة وكل الهدايا اللى جابها والموضوع بالنسبة لى منتهى"
الام"خلاص انتى حرة بس خايفة انك تندمى عليه وتقولى ياريتنى"
مروة"طيب ماتستنى كام يوم تفكرى تانى؟؟"
شيرين"انا بفكر بقالى فترة وخلاص قررت"
قامت الام وعلى وشها كل علامات عدم الرضا على قرار شيرين وهى بتمتم فى سرها" ياعالم الفرصة اللى ضيعتيها دى جاية تانى ولا لأ"

هناك 43 تعليقًا:

  1. بدايه جيده يا دينا واكيد هتابع ان شاء الله

    ردحذف
  2. ميرسى ياايناس
    كلامك شجعنى
    وتنورى طبعااااااااا

    ردحذف
  3. مبرووووك على البدايه الجميله دى وبتناقش قضيه مهمه اوووى
    هتبعها بشغف ان شاء الله

    ............... ميرا

    ردحذف
  4. الله يبارك فيكى ياميرا
    وتنوريييييييييييينى

    ردحذف
    الردود
    1. بدايه جامده وبتناقش قضيه مهمه ...........................
      ميرو

      حذف
  5. بدايه حلوة اوي يا دودو
    بجد روعه اوي الى الاماااااااااااااام
    بس ابقي حطيها بدري بعد كده بلييييييييييييز

    ردحذف
  6. مكنتيش قادرة تستنى لحد ما امشى وبعدين تبدأيها
    امل

    ردحذف
  7. شذى
    ميرسى يا مشجعانى
    والله انا هحاول بس موعدكيش بحكاية بدرى دى
    ربنا يسهل وألحق اكتبها بدرى وانزلها على طول

    ردحذف
  8. امل
    انا قلت مش هتدخلى اليومين دول
    بلاش تتابعيها يقى ههههههههههه

    ردحذف
  9. جميله البدايه بحب في كتاباتك الواقعيه دي
    يلا بقي ربنا معاكي في الباقي يا قمر

    Eman Osama

    ردحذف
  10. ايمان
    ميرسى ياجميل على كلامك الحلو ده
    وربنا يقدرنى والجاى يعجبكوا ان شاءالله

    ردحذف
    الردود
    1. حضرتك لازم تبقي عارفة يا استاذة دينا ان مفيش حد زي حضرتك كتباتك روعة ده حتي انا كمان بقيت الف قصص وروايات

      حذف
  11. القصة بجد روعة وو ياريت تكمليها
    و انا مستنى التكملة



    konig medo

    ردحذف
  12. ميرسى كتييييييييير
    والقصة فعلا كاملة وهى 24حلقة موجودين كلهم ورا بعض

    نورتنى

    ردحذف
  13. جحميلة اووي

    ردحذف
  14. انا بجد مهما اتكلم مش هعرف اعبر عن اعجابى الشديد بالمدونة والقصص الرووعة اللى فيها بجد تسلم اديكى يا استاذة دينا يا فنانة انتى فعلا خليتى للاجازة طعم بدل الملل واى حاجة تانية مش مفيدة

    جنة

    ردحذف
  15. مرسي خالص يا دينا حلوة اووووي الحلقة الاخير واكيد حتابع فيها المتابعة الجديدةمعاكي يادينا

    ردحذف
  16. ع فكرة القصة جميلة جدا وانا قريتها كلها وعجبتبى جدا زنفسى انزلها ع الجهاز عندى بس مش عارفة

    ردحذف
  17. الله ينور عليكى يا استاذة دينا

    ردحذف
  18. الله يديكي الصحة وتسعدينا كمان وكمان ..ماما زيزي

    ردحذف
  19. اول مرة ابدء قصة مش فاهمة حاجة ولا اعرف مين الشخصيات بس لازم اتابعها عن اعرف شرين دى مالها بقى هههههههههههههههه

    ردحذف
  20. بجد مش عارفة اقولك اية على الكلام الجميل جداااااااااااااااااااااااااااااااا
    يا دينا بجد
    انتى ابهرتينى بالذات بالقصة بتاع تحت سقف واحد عارفة لما تكونى بتتكلمى عنى انا
    بالله حصل معااااايا بالظبط بس الاول انما الاخر لسة مش حصل

    ردحذف
  21. جميله اوي اوي يا دينا بجد انا متشوقه اكملها بجد رووووووووووووووووعه ♥

    ردحذف
    الردود
    1. هتلاقي ف المكتبه ف عين شمس انا جايبو من هناك

      حذف
  22. تحفه بجد بجد تسلم ايدك

    ردحذف
  23. جميلة تسلم ايديكي ....فيها شغف ان اعرف باقي الحلقات هقراها باذن الله

    ردحذف
  24. قصصك حلو اوووى بس ذكرى سارة عيط فيها وحمدت ربناانها مش حقيقية اما فوق احتمالى كان نفسى اموت اليسمى شريف دةربنا يستر المرادى اة ههههههههههههه

    ردحذف
  25. شكرا ليكى ياقمر على كتاباتك الجميله وتسلم إيديكى

    حنان

    ردحذف
  26. انتى زى العسل والقصص بتاعتك جميله جدا

    ردحذف
  27. جميلة دى تقريبا 3 قصه اقراها بس بجد كلهم احلى من بعض ومؤثرين جدا

    ردحذف
  28. جميله.. انا عاشقه للروايات ..وبكتب :D

    ردحذف
  29. جميله جدا تسلم ايديكي يا استاذه دينا و انا متابع كل روايات بتاعتك ' بجد كلهم حلوين وربنا يقدرك دايما

    ردحذف
  30. القصة شكلها كده حلو ويارب تعليقى يظهر علشان منفجرش فيكو هه

    ردحذف
  31. قصة جميلة

    ردحذف
  32. جميله قوي من الواقع

    ردحذف
  33. تحفه وكل روياتك تشد جدا

    ردحذف
  34. جميله يسلم بوح قلمك الرااقى

    ردحذف
  35. شيقة وجميلة تسلمى

    ردحذف

قول رأيك بلاش تقرا وتقفل من سكات...ارائكم تهمنى