الثلاثاء، 3 مايو، 2011

يوميات حماة الحلقة 14


قام يوسف من نومه على صوتى وجت اسماء تجرى واحمد بيتصل تانى وكل ده وانا منهارة وبعيط بحرقة...منها من ابنى اللى بينصف مراته عليه وبيحاسبنى على كلامى ليها...ومنها من حرقة قلبى وخوفى ليكون جوزى بيعرف واحدة تانية
بس انا ليه بشك فيه مش يمكن بيتهيألى؟؟؟بدأت اهدأ شوية ورديت على احمد
"ياماما متزعليش بس انا مش عارف انتى مش طايقة ندى ليه"
"من تصرفاتها"
"هى عملت ايه بس؟؟"
"بص يااحمد انا مش مصدقة انها متعرفش ..عموما خلاص وبكرة الايام تثبت لكم انى صح"
"معلش ياماما حقك عليه وانا هخليها برضه تيجى يوم الجمعة زى ماهى متعودة"
"لالالا سيبها مش مهم تيجى"
"يبقى انتى لسه زعلانة منها "
"لازعلانة ولا فرحانة عايزة تيجى تيجى هو انا هطردها يعنى"
بعد ماقفلت مع احمد قعد يوسف يقوللى انتى مكبرة الموضوع كده ليه شيلى البنت من دماغك شوية ودخل نام
وانا الصبح فى الشغل قلت كفاية بقى لازم اقطع الشك باليقين واتصل بالرقم اياه وقلت اول مايرد هقول اى اسم وكأن الرقم غلط
وانا بطلب الارقام كنت حاسة ان ايدى بتترعش وقلبى هيقف...صوت جرس...الخط اتفتح.....صوت ...صوت...صوت واحدة...مقدرتش انطق ولا كلمة قفلت الخط بسرعة ولقيت الدموع شلالات بتجرى من عينى...ولقيت كل اللى حواليه...مالك..حصل ايه...بتعيطى ليه...قلت لهم تعبانة وقايمة اروح البيت.
دخلت اوضتى وعملت نفسى نايمة اول ماسمعت صوت يوسف وهو جاى من الشغل...وطبعا استغرب لما لقانى نايمة
"ايمان..ايمان اصحى"
"نعم"
"انتى جيتى من الشغل امتى"
"انا هنا من الساعة 11"
"ليه فى ايه؟؟"
"مفيش حسيت انى تعبانة قلت اجى ارتاح...وعلى فكرة انا معملتش اكل لما تيجى اسماء ابقوا اطلبوا اى حاجة ومتعملوش حسابى"
"طيب مااتصلتيش بيه ليه كنت جيت اخدتك...ومش مهم الاكل ارتاحى انتى بس واحنا هنتصرف"
ياااااااااااه قد ايه حنين وطيب طول عمرك وقد ايه انا بحبك وعمرى ماخطر على بالى انك تخوننى او تجرحنى الجرح ده
اعمل ايه؟؟اواجهه ؟؟؟اسكت؟؟اطلب الطلاق؟؟؟اعيش معاه وانا مش محترماه بعد خيانته؟؟؟
قطع تفكيرى وهو بيقوللى
"ايمان قومى اشربى العصير ده لحد الغدا"
"مش قادرة"
"علشان خاطرى اشربى بس وانا بحكيلك"
"تحكى ايه"
"انا قابلت سمير النهاردة واديته دبلته والولد كان ذوق وقالى.."
"قالك ايه؟"
"قاللى ان ندى..."
قلت بعصبية "كانت عارفة كل حاجة"
"لالا..ده قاللى ان ندى زعلت علشان فسخ الخطوبة"
حسيت انه بيكدب عليه علشان مايضايقنيش وغير الموضوع
"ده انا طلبت لك الجمبرى اللى بتحبيه...ربع ساعة وهيوصل"
"انت لسه بتحبنى؟؟"
رد بضحك"لا طبعا"
مقدرتش احوش دموعى
"انتى صدقتى ولا ايه؟؟ده انتى كل حاجة ربنا يخليكى لينا"
مش عارفة جرعة الحب والحنان الزيادة دى سببها ايه؟؟؟ياترى بيدارى على خيانته...اكيد كل الرجالة لما بتخون بتعامل ستاتها بحب زيادة
جه الاكل واسماء لما جت من الكلية ولقيتنى فى السرير اتخضت عليه بس طمنتها انه هبوط عادى من ارهاق الشغل بس
وضغطوا عليه علشان اتغدى معاهم وكملت نوم او بمعنى اصح مثلت انى نايمة...وفعلا غفلت شوية وقمت ادخل الحمام سمعت يوسف بيتكلم فى التليفون فى البلكونة..قربت شوية شوية من غير مايحس بيه...سمعته بيقول
"سمير قاللى ان ندى هى اللى قالتله ميقولش على موضوع الشهادة ده...يعنى مامتك كانت معاها حق...شوف انت بقى خطيبتك ليه تعمل كده...مامتك تعبانة وانا مش هقولها حاجة"
فهمت طبعا انه بيكلم احمد ومكنش عندى قدرة انى اتكلم فى الموضوع ده...اللى فيه مكفينى...اتسحبت ورجعت من غير مايحس.
بعد المغرب بشوية حسيت بيوسف بيلبس ونازل...لقيت نفسى بدون وعى قمت لبست فى اقل من دقيقة ونزلت وراه واخدت تاكسى ومشيت وراه لحد ما وقف قدام عمارة...وطلع فيها...وانا طلعت وراه...شفته بيخبط على باب شقة..اتفتح الباب ودخل...طلعت وراه وانا دموعى سابقانى خبطت الباب....فتح لى الباب...وشفت واحدة ست جاية من جوه وبتقوله مين ع الباب.

هناك 34 تعليقًا:

  1. والله يوسف هيطلع مظلوم في الاخر .. فعلا ان كيدهن عظيم

    ردحذف
  2. هههههههههههههههه والله يا اوختى الستاااات دول ماليهم حل يحبها زياده يبقى بيخونها مايحبهاااش يبقى باردوو بيخونها
    بس انا حاسه ان يووسف هيطلع براءه ههههههههه
    ةالبت ندى الى تنشك دى ياختى بتعمل كده ليه هههههههههههههههههههه هبتدى ازعل منها
    تحفه يابرنسس وباردو بتعلقينا فى الاخر ههههههههه

    ...................ميرا

    ردحذف
  3. غير معرف
    طالما بتدافع كده عن يوسف تبقى مذكر

    نورتنى وطبعا كيدنا عظيم

    ردحذف
  4. واااااااااااااااااااااااااااااااء.. يعني لازم يفتح الباب وست معاه.. كنتي سبتيه وهو طالع الشقه

    ايه الي هيصبرني لبكرا بس..

    كملي شويتين بس وسيبي الباقي لبكرا اهي اهي

    ردحذف
  5. ياااااااااااااه يا دينا حررررررررام عليكى شوقتينا برضه اكتر بس انا حاسة انها هتطلع الشغالة ويوسف هيطلع مظلوم
    البت ندى ندى طلعت سوسة قلبي مرتحلهاش

    ردحذف
  6. غير معرف"ميرا"
    انتى كمان بتدافعى عن يوسف ماااااااااااااااشى
    وندى دى حكايتها حكااااااااااااية

    ردحذف
  7. دعاء
    ؟؟؟؟؟؟؟؟؟ عن ايه بالظبط هههههه

    ردحذف
  8. توتا
    والله كنت هكمل بس لقيتها هتطول شوية قلت اقسمها
    معلش يوم مش هيفرق

    ردحذف
  9. استر يارب هههههههههههههههه ربنا يكفينا شر خراب البيوت ده اكيد هيطلع فى السليم بس لازم الحركات القرعة ويسيف رقم الست باسم سعد وبتاع خليه يقااااااابل بقا

    امل

    ردحذف
  10. دودو
    ليه كلكم واثقين كده فى يوسف ههههههههههههه
    وطبعا ندى دى رهيييييييييييييييييبة
    دورها جاى متقلقوش

    ردحذف
  11. امل
    سليم ايه بس ده متلبس ههههههههههههههه
    مين الست دى طيب؟؟؟؟؟؟

    ردحذف
  12. انتى هتعملى زى الافلام العربى والنهايات المفتوحة ماشى ماشى ....عموما هو اكيد مش بيخونها وده هيطلع مجرد سوء تفاهم

    وبعدين مالها مارى منيب ...دى عسسسسسسسسسسسسسسسسسل
    منتظرة الحلقة الجديدة

    ردحذف
  13. هنوووووووووودة
    لالالالا مفيش نهاية مفتوحة ده مجرد تشويق هههههههه
    وحد يقدر يجيب سيرة مارى منيب
    نورتييييييييييييينى

    ردحذف
  14. حنان؟؟؟؟؟؟

    كفاااية تشويق يا دينااا ههههه

    تسلم ايدك

    فرج

    ردحذف
  15. يا راجل يعني ينفع كده يا دينا لا انا زعلانه طيب كنتي كمليها عشان نعرف مين اللي جوه وبكره ابقى قوليلنا هاتعمل ايه معاه


    ايناس

    ردحذف
  16. فرج
    حنان دى حبه القديم وتبقى ام العريس اللى سابوه
    وميييييييييرسى لوجودك وتعليقك الجميل

    ردحذف
  17. ايناس
    بكرة ان شاءالله هنعرف مين
    وايه الاجراءات اللى هتتخذها ايمان ههههههههه
    ومنوراااااااااااانى بمتابعتك ياقمر

    ردحذف
  18. اوباااااااااااااا
    اديلووووووووووو
    كله مفرقعات الحلقه دي
    ندي وعم يوسف
    انا بصراحه اتضايقت من ندي شيليها هههههههههههه
    ام زياد

    ردحذف
  19. ام زياد
    ههههههههههههههه
    شفتى انا من الاول مش مستريحالها
    قلب الام بقى
    نورتيييييييييييييييييينى

    ردحذف
  20. على فكرة انتى بتعذبينا مش بتشوقينا مش قادرة استنى انا لبكرة انا عايزة اعرف حصل اييييييه مليييييييييش دعوة اتصرفى الفضول سوف يقضى على :D

    ردحذف
  21. رووووووووووعه بجد حلو اوي يا دودو
    مبدعه موت ومستنيه الحلقات التانيه بلهفه
    انا احتست لحد ما اشتركت في المدونه بجد طلعت عيني

    ردحذف
  22. ايه
    والله مش قصدى تعذيب انا قصدى شرييييييييييف
    هههههههههههه
    معلش ده الكل الحكاية يوم بين كل حلقة والتانية

    ردحذف
  23. شوشوووووووو
    ربنا يخليكى ياحبيبتى
    ومعلش علشان تعبتى فى الاشتراك
    ههههههههه انا كمان طلعت عينى وانا بعمل المدونة وكنت غرقااااااااااااااااااانة فى نقطة ميه
    مستنية رايك فى اللى جااااااااى ومتابعتك

    ردحذف
  24. ههههههههههه
    مانا اشتركت قبل كده باسم shiny بس معرفتش ادخل بيه تاني بعد خالص
    هههههههههههههههه

    ردحذف
  25. ههههههههههههه
    وانا اقول من شينى دى ولا ده وكنت هتجنن واعرف
    كويس انك قلتيلى قبل الجنان

    ردحذف
  26. مش عارفة يا دوندون حاسة ان يوسف هيطلع مظلوم
    انا وصلت انى ابتديت اكرهه البت ندى السوسة دى
    كأن القصة حقيقيه بجد بدأت اتعايش معها ههههه

    ردحذف
  27. دودو
    البت ندى بصراحة تتكره من عمايلها السودة
    وانا سعيدة بتعايشك مع القصة
    وهنشوف ايه حكاية عم يوسف اللى مدوخنا معاه ده

    ردحذف
  28. كل الرجال كده :((

    شيماء مصطفى

    ردحذف
  29. شيماء
    ياااااااريييييييت

    ردحذف
  30. اوباااااااااااااااااااااا الرجا راح فى داهية:D

    ردحذف
  31. b3d el3omr da kolo ykon bi5onha :(
    a5s 3leeeh

    ردحذف
  32. دينا الجميلة كملي كلنا عقول منتبهة واذن صاغية ..ماما زيزي

    ردحذف
  33. ندى دىطلعت مصيبة ايه مصلحتها لما تخبى و كمان تكدب على ايمان
    يوسف ده شكله وراه مصيبة

    ردحذف

قول رأيك بلاش تقرا وتقفل من سكات...ارائكم تهمنى