الاثنين، 9 مايو 2011

يوميات حماة الحلقة 20


ومن هول الصدمة مقدرتش ابطل نواح وندب
"يا دى المصيبة ياخيبة املى فى ابنى الوحيد"
"فيه ايه بس ياماما"
"ايه اللى فيه ايه؟؟يعنى انت ماشى مع واحدة متجوزة"
"لا طبعا"
"لا ازاى يعنى...مش انت بتقول مستنيها تتطلق"
"ياماما ادينى فرصة اتكلم واشرحلك "
"اتكلم علشان انا حطيت صوابعى ال10 فى الشق منك انت واختك روحت اتسربعت وكتبت كتابك على واحدة حرامية ودلوقتى ماشيلى مع واحدة متجوزة والتانية اللى مخصمانى علشان خايفة عليها من جوازة تتعبها...صحيح الناس خيبتها السبت والحد وانتوا خيبتكوا ماوردت على حد"
"خلاص ياماما ...انتى مش مديانى فرصة اتكلم لما تبقى تهدى نبقى نكمل كلامنا"
وسابنى ونزل من غير مايتغدى يادى النيلة ليروح لها ...سمعت الباب بيتفتح واسماء دخلت على اوضتها ولقت الطقم فدخلتلى
"ايه ده"
"ده طقم عجبنى قلت اجيبهولك"
"وده احساس بالذنب ولا بتحاولى تنسينى اللى حصل"
فوجئت بطريقة كلامها وانا بنتى طول عمرها مؤدبة ومفيش مرة كلمتنى كده ايه اللى حصل لولادى
"انتى بتقولى ايه...وذنب ايه اللى هحس بيه"
"انك حرمتينى من الانسان اللى حبيته علشان سبب تافه...والسبب ده كبره فى نظرى ...معنى انه فيه الخير ف مامته يبقى فيه الخير فيه"
"بصى اعملى اللى انتى عايزاه...بس مترجعيش تقولى مامته قالت ومامته عادت"
"يعنى ايه...اقوله ييجى"
"اتفقى مع ابوكى واللى هتتفقوا عليه انا معاكوا"
طبعا زقطتت من الفرحة وجريت عليه وباستنى
"ربنا يخليكى ياماما...وعلى فكرة الطقم حلو اوى"
"مبروك عليكى"
كل كلامى معاها وقلبى حزين انا مش عارفة انا صح ولا غلط كان لازم اقف قصادها ولا اسيبها براحتها
جه يوسف وحكيت له على اللى حصل بينى وبين احمد واللى حصل بينى وبين اسماء
"ياايمان اللى حصل مع اسماء ده مش مشكلة ده اختيارها وهى مسئولة عنه...انما موضوع احمد ده يقلق...كان المفروض تاخديه بالراحة وتفهمى منه علاقتهم وصلت لايه بالظبط وازاى يعنى مستنيها تتطلق "
"انا من صدمتى من كلامه مقدرتش امسك اعصابى"
"ولا يهمك ياحبيبتى لما ييجى نتفاهم معاه"
واحمد مجاش لحد بالليل فيوسف اتصل بيه وسأله عن تاخيره طول اليوم فقاله انى كنت عصبية جدا معاه ففضل يتاخر لحد مااهدى
راح يوسف قايله تعالى علشان نتكلم بهدوء وخلاص مامتك هديت وعلشان كمان نقولك على الجديد فى موضوع اسماء
لما جه قعدنا كلنا مع بعض
يوسف"انت ايه رأيك فى موضوع اشرف"
احمد"والله ده اختيار اسماء وهى حرة وانا اصلا مش شايفه سبب للرفض"
يوسف"طيب خلاص نخليها تحدد معاه معاد لقراية الفاتحة...نيجى بقى ليك...ايه اللى مامتك حكيتهولى ده"
احمد"اكيد اللى حكيته صح"
يوسف"انا مش بسأل صح ولا غلط انا بسأل ازاى تبقى على علاقة بواحدة متجوزة...انت مش عارف قد ايه ده حرام وغلط وممكن يوقعك فى مشاكل كتير"
احمد"يابابا انتو مش مدينى فرصة احكى حاجة"
يوسف"احكى"
احمد" هى اتجوزت من حوالى سنة ونص وقعدت مع جوزها شهر ورجعت بيت اهلها تانى...وحاولت تطلب الطلاق بالتفاهم موافقش ووسطوا ناس برضه موافقش فرفعت قضية طلاق ومستنية الحكم"
انا"يعنى اتعرفت عليها امتى وازاى"
احمد"اتعرفت عليها صدفة ياماما"
انا"صدفة ازاى يعنى اتعرفت عليها فى الشارع"
احمد"لا اتعرفت عليها بعد موضوع ندى على طول وكنت انا تعبان وهى كانت لسه بتعانى فى مفاوضات طلاقها وابتدا التعارف مجرد صداقة وبعدين حبينا بعض"
يوسف"يعنى انت اتعرفت عليها وانت فى دبى"
احمد"ايوه"
يوسف"وهى كانت فى دبى"
احمد"لا اتعرفت عليها ع النت"
انا طبعا بعد ماسمعت الحوار الهايل ده فجأة لقيت نفسى نايمة فى سرير ابيض فى ابيض قلت انا بحلم وخصوصا اننا كنا بالليل بس لقيت ضوء النهار...وشفت واحدة لابسة ابيض فى ابيض وبتقوللى
"حمدالله ع السلامة يامدام...انتى جيتى المستشفى فاقدة الوعى امبارح بالليل "

هناك 36 تعليقًا:

  1. ههههههههههههههههههههههههههههههههههههههههههههههههههههههههههههههههههههه انا مش قادره امسك نفسي من الضحك
    ياعيني عليكي يا ايمان وعلى اللي جرالك كله وراه بعضه والله كويس انهار فاقت بجد بجد جامده يا دينا

    ايناس

    ردحذف
  2. احسن حاجة تتبرى من عيالك دول ... عيالك مرار بصراحه الله يكون فى العون

    ردحذف
  3. ايناس
    شفتى كل يوم يفاجئوها بحكاية شكل
    ربنا يستر والمرة الجاية متدخلش مستشفى المجانين ههههههههههههههه

    ردحذف
    الردود
    1. ياريت مستشفي المجانين انا خايفه المره الجايه يلقوكي في المشرحه علشان يعرفو سبب الوفاه
      هههههههههههههههههههههههههههههههههه

      المجوله

      حذف
  4. ايه
    شفتى دول مرار المرار ولسه ياما هنشووووووووف

    ردحذف
  5. على رأيها الناس خيبتها السبت والحد وهما خيبتهم ماوردت على حد

    بس بجد تسلم ايدك حلقه فيها جديد ودمها خفيف جدا

    ايناس

    ردحذف
  6. ايناس
    ربنا يخليكى يانوسة
    رافعين معنوياتى بمتابعتكم والله

    ردحذف
  7. هههههههههههههههههههههههههههههههههههههههههههههههههه

    انتي بتجيبي العرايس المنيلة دي منين بس
    حررررام عليكي حتموتي الست في ايدك

    مليووووون لايك بجد تسلم ايدك

    فرج

    ردحذف
  8. فرج
    هما اللى بييجوا لولاااااااااااادى
    ههههههههههه
    تسلم ربنا يخليك يارب

    ردحذف
  9. يانهاااااااااااار العيال اتهبلت
    مسروعين ع الجواز ياختي ربنا يعينك ياايمان

    بس انا سعيده قوي قوي قوي ان صاحبتي مبدعه قوي كده
    عايزة اعمل مدونه منافسه يوميات زياد وحازم ههههههههههههه
    ام زياد

    ردحذف
  10. ام زياد
    ربنا يخليكى ياحبيبتى
    نافسينى ولا يهمك بس عمايل ولاد ايمان موردتش على حد هههههههههه

    ردحذف
  11. لالالالالالالالالالالالالالا
    ايمان دي لسه عايشه ولا ايه ؟؟؟
    ولادها حيقضو عليها خلااااااص
    بس انا مش ضد النت لان عندي كذا حد اتجوز عن طريقه بس ماتبقاش متجوزه يعني كده كتييييييييير والله

    ردحذف
  12. يا مرااااااارك يا ايمان يا خيبه املك في ولادك يختي ده ايه ده يا ناس تكونيش خدتيلك عين في ولادك يا حبيبتي


    اسماء

    ردحذف
  13. هههههههههههههههههههههههههه ياعينى ياربى ربنا معاها
    بجد تشويق ابن ستين لزينة هههههههههههههههههه

    ردحذف
  14. شذى
    مشكلتها انهم بيفاجئوها كل مفاجأة والتانية افظع من اللى قبلها
    ربنا يستر وايمان ربنا يديها الصحة لحد ماتكمل القصة ههههههههه

    ردحذف
  15. اسماء
    ايمان شكلها منحوسة فى عيالها هههههههههه

    ردحذف
  16. غير معرف
    هههههههههه الحمدلله انها لسه مشوقة

    ردحذف
  17. ههههههههههههههههههه العيال دى بتستهبل بصراحة واحمد دا مفيش حاجة بتتبل فى بقه قالها انها مجوزة عشان لازم تعرف لكن مكنش لازم يعنى يعرفها نه عرفها من النت حاجة تعصب

    ردحذف
  18. دعاء
    يعنى لو مكنش احمد قالها مكناش هنعرف...كويس انه قال علشان خاطرنا

    ردحذف
  19. ههههههههههههههههههههههههههههههههههههه
    الست دي عسل والله بس ربنا معاها
    Eman Osama

    ردحذف
  20. ايمان
    يارب ياختى ياااااااااااااارب

    ردحذف
  21. ههههههههههههههههههههههههههههههههههههههههههه يا غبتك السودا يا مياااااااااار والله صعبانه عليا كله ورا بعضه كده الست دي حماله اسياا والله كااان الله ف العون

    ردحذف
  22. hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh
    ya 3enii 3lekiii ya eman eh lly bi7sl feki da
    hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh

    ردحذف
  23. جامممممممممممممممدة بجد تسلم ايدك انا مش بحب ارد كتير بس مش قادرة مااردش بصراحة القصة تحفة واسلوبك رائع استمرى :)

    ردحذف
  24. هعهعهعهعهعهعهعهعهعهعهعههعهعهععههعهعهععههعهعهعهعهعهععهععهعهههههههههههههههههههههعععععععععععععععععععععععععععععههههههههههههههههههههعععععععععععععهههعهعهعهعهعهعه

    ردحذف
  25. :D w L n3ma nTy sOokRa y diNa
    L kSa ms5Ra :D
    y 3eni 3La d Oom waLahy :/

    KnOwLOve..knOwpaiN

    ردحذف
  26. هههههههههههههههههههههههههههههههههههههههههههههههههههههههههههه بجد روووووووووووعه يا ديدي دمها خفيف اوي طنط دي وحبيتها موووووووووووت طريقه السرد ف منتهي الرووووووووووووووووووووووووعه وخفه الدم هههههههههههههههههههههه عسل بجد
    Aqua Marine

    ردحذف
  27. ههههههههههههههههههههههههههههه والله انتي عسل يا دينا وعليكي اسلوب في الكتابة روووووووووعة

    ردحذف
  28. هههههههههههههههههههههههههه بجد جامده جدااااااااااااااااااااااا

    ردحذف
  29. جامدة يادينا ..ياللا كلنا وراكي حتى النهاية ..مامازيزي..

    ردحذف
  30. يا عينى الست مستحملتش الصدمة

    ردحذف
  31. ههههههههههههههههههههههههههههههههههههههههههههههههههههههههههههههههههه

    ردحذف
  32. هههههههههههه اسلوبك بيضحكني ...... جاني في لمنام لابس ابيض في ابيض ..........

    ردحذف
  33. يخربيت جمال اسلوبك انا بموت من الضحك على رد الفعل بتاعها بس

    ردحذف

قول رأيك بلاش تقرا وتقفل من سكات...ارائكم تهمنى