الثلاثاء، 10 مايو، 2011

الحلقة 21


استغربت انى محسيتش بحاجة من اللى حصلت لى امبارح ورجعت افتكرت كلام احمد ...ياااااااه الواد ده ماله ولا الاطفال واى حد ممكن يضحك عليه...لقيت يوسف ونادية جايين وقلقانين لاحسن اكون لسه مفوقتش...ولما شافونى فرحوا وشكروا ربنا انى اتحسنت وراح يوسف يسأل الدكتور...ورجع فرحان وقاللى ان الدكتور قال له انى ممكن اروح بالليل وفضلت نادية قاعدة معايا طول النهار وكل شوية يجيلها تليفون وتخرج تتكلم بره...والمغرب لقيت يوسف هو واحمد واسماء جايين والعيال كانوا فعلا قلقانين عليه واحمد شكله مكسوف من نفسه ولما قلت له
"خلاص هتصرف نظر عن موضوع امبارح"
رد يوسف "مش وقته الدكتور قال لازم تبعدى عن اى انفعال"
طلعت من المستشفى وعرفت انه كان مجرد انهيار عصبى بسيط
وركبنا كلنا مع بعض بس لقيت يوسف ماشى فى طريق غير طريق البيت
"ايه ده يايوسف...انت رايح فى حتة الاول"
"اه رايحين مشوار بسيط"
بس لقيت اننا بعدنا جدا وفى طريق المطار
"يايوسف انت رايح فين"
"مفيش انا قلت اخدك ونروح اسبوع شرم الشيخ بعيد عن العيال الوحشين اللى تاعبينك دول"
احمد واسماء"كده يابابا احنا تاعبينها برضه...قول ان انت اللى عايز تاخدها مننا"
يوسف"ايوه انتوا ياما اخدتوها منى سيبونى بقى اخدها منكم شوية"
كانت المفاجأة كبيرة خلتنى ساكتة خالص ومش عارفة اتكلم ووصلونا المطار...اتفاجئت ان يوسف لما عرف انى هخرج من المستشفى راح حجز تذكرتين شرم الشيخ وقال لاسماء تحضر لى شنطة هدوم وحطها فى العربية ومشفتهاش غير لما وصلنا المطار
لما وصلنا سلموا علينا واتجهنا لركوب الطيارة...واحنا طالعين على سلم الطيارة
"ايمان...هاتى ايدك فى ايدى واعتبرى اننا لسه عرسان ولسه مخلفناش ولاد ال...دول"
اديته ايدى وضحكت"لالالالالالا متشتمش ولادى حبايبى"
"حبايبك...انا بس اللى حبيبك لمدة اسبوع من غير عوازل"
مكنتش قادرة اتخيل السعادة اللى انا فيها مش علشان الفسحة ولا السفر ولا انى هبعد عن مشاكل العيال كل اللى كان مفرحنى انى حسيت انى لسه شابة فى العشرين من الحب والدلع مش قربت ع الستين...وبعدين افتكرت العيال
"طيب هما هيعيشوا ازاى من غيرنا مين هيأكلهم ويشوف طلباتهم"
"بقولك ايه هما مش عايزين يتجوزوا؟؟خليهم يشربوا بقى"
وضحكنا ووصلنا الفندق وحسيت بسعادة كبيرة مش شايلة هم حاجة ابدااااا الاكل بييجى لحد عندى لو مش عايزة انزل...بصحى على احلى منظر فى الدنيا..البحر..جوزى حبيبى جنبى وكل كلامه ليه احلى كلام...وولادى بيتصلوا بيه يطمنونى عليهم ويطمنوا عليه بس من غير اى مشاكل...وخلص الاسبوع وكأنه ساعة...ورجعت تانى البيت
اول يوم وصلت فيه اسماء قالتلى
"ماما مش اشرف ييجى بقى علشان نقرا الفاتحة"
"طيب ياحبيبتى حددى كمان كام يوم بس علشان نستعد"
وفعلا حددنا قراية الفاتحة وجاب لها اسورة مع الدبلة وقال نخلى الشبكة وكتب الكتاب والفرح كله مع بعض كمان كام شهر لما يجهز الشقة.
وبدأت فى تحضير جهاز اسماء والحمدلله انى عاملة حسابى فى فلوس جهازها  وكنا كل يوم بعد مابتيجى من شغلها ننزل نجيب فى حاجات ولحد ماحسيت ان البت عدمت خالص وبقت على طول وشها اصفر ودبلانة فقلت لها تسيب الشغل رفضت بشدة ومرضيتش ابدا وقالت مش هسيب شغلى خالص حتى بعد الجواز فسيبتها بحريتها طالما مبسوطة كده
وفى عز ماانا مشغولة بجهاز اسماء لقيت نادية فى يوم بتقوللى عايزانى انا ويوسف نروح معاها تخطب لهشام ...ففرحت له جدا وقلتلها اننا طبعا هنروح معاها لان هشام زى احمد واسماء وروحنا وخطبناله بنت زى القمر وآية فى الجمال والاخلاق وعيلتها كبيرة ويبقوا جيرانهم فى نفس العمارة.
من يوم ماخرجت من المستشفى وانا واحمد مفتحناش موضوع اللى بيحبها ده خالص كل واحد مننا بيتجاهل الموضوع
وف يوم سألته مباشرة
"احمد انت لسه على علاقة بالست دى"
"بصى ياماما وانتى بتقولى الست دى محسسانى انها واحدة اكبر منى مع انها قد اسماء يعنى اصغر منى ب5سنين...ثانيا متقلقيش انا مش هعمل حاجة انتى مش راضية عنها"
"ربنا يكرمك ياحبيبى"
"بس فى نفس الوقت مش هسيبها ومش هتجوز غيرها"
"غور من وشى ياابن المجنوووووووووووونة"

هناك 34 تعليقًا:

  1. هههههههههههههههههههههههههههههههههههههههههههههههههههههههههههههههههههههههههههههههههههه والله احمد دا عسل وبعدين يا سيدى عالرومانسية يا بختك بيوسف بجد الحلقة جامده موووت يا دينا

    ردحذف
  2. ايه
    انا قلت الست تشوف ايام حلوة بدل الايام السودة اللى فاتت ويمكن تكون اللى جاية كمان ههههههههههه
    قلت يمكن نتابع ونشووووووووووف

    ردحذف
  3. هههههههههههههههههه ده واد عايز الحرق احمد ده
    بس سيبك انتي يوسف ده سيد الرجاله هههههههههههه
    ام زياااااااااد

    ردحذف
  4. ام زياد
    كفاية ان اسمه يوسف هههههههههههه

    ردحذف
  5. هههههههههههههههههههههههههههههههههههههههههههههههه يا ولاد المجانين دي الست لسه طالعه من انهيار عصبي

    بس سي الاستاذ يوسف طلع جاااااااااامد اسبوع شرم مرة واحده بس الحلقه تعتبر حلقه هدوء نوعا ما يا دندن مستنين الاحداث اللولبيه في الحلقه الجايه

    ايناس

    ردحذف
  6. جااااامدة يا ايمانت ربنا يصيرك

    ردحذف
  7. والله والله والله يوسف ده راجل بيفهم اوي
    ,اعتقد انك في الحته دي يا دودو بتكتبي اللى بتتمناه كل واحده في جوزها يارب يبقي حقيقه بقي
    ههههههههههههههههههههههههه
    اما احمد ده فاديني عنوان بيته اروح اخنقه ولا من شاف ولا من دري كده في السكرته

    ردحذف
  8. ايناس
    انا قلت نهدى الاحداث شوية بحبة رومانسية
    ومتقلقيش الاحداث المتلاحقة جاية هههههههه

    ردحذف
  9. دودو
    ربنا يصبر ايمان ويصبرنا معاها على عمايل ولادها

    ردحذف
  10. شذى
    يارب ياختى كل الرجالة يبقوا كده ههههههههههه
    واحمد عنوانه اغلب البيوت هتلاقى منه كتير
    خلصى المهمة وقوليلى ههههههههههه

    ردحذف
  11. يعني فيه امل الواحد يجدد شهر عسله قبل الستين ؟؟؟ والله كتر خيرك يا ايمان خليتيني اتفائل ههههههههههههههههه

    اسماء

    ردحذف
  12. اسماء
    قوللى ممكن اللى معملش يعمل شهر عسل ههههههههه
    بس تفتكرى الرجالة كلها زى يوسف؟؟؟؟؟؟

    ردحذف
  13. جميلة أوي وعفوية تقبلي مروري

    ردحذف
  14. كريمة
    وجودك اسعدنى واتمنى تكونى قرأتى الحلقات من الاول
    وتتابعينا فى اللى جاى ان شاءالله
    نورتييييييييييييييييييينى

    ردحذف
  15. والله عندك حق يا ايمان يختي انا شخصيا اتنصب عليا في شهر العسل واتكروت بس اهو يمكن الحق اشوفلي يومين قبل الستين زيك كده

    اكيد مش كل الرجاله زي يوسف لكن الخير في وفي امتي الي يوم الدين ولا ايييييييييه؟؟؟

    ردحذف
  16. اسماء بس نسيت اوقع هههههههههههههههههههههه

    ردحذف
  17. ههههههههههههههههههههههههههههههههههههههههههههه اكيد كان فى شبشب طار فى البيت بعد ابن المجنونه

    ردحذف
  18. اسماء
    ههههههههههههه لازم نتفاءل

    ردحذف
  19. اسيرة الاحزان
    ههههههههههههه الشبشب اقل واجب معاه

    ردحذف
  20. هههههههههههههههههههههههههههههههههههههههههههههههههههه عسل didi makky

    ردحذف
  21. هههههههههههههههههه حلوة اوووووووووووووووي يادينا وحلو المقطع الاخير دههههههههههههههههههههههههههههههه

    ردحذف
  22. هههههههههههههههههههههههههههههههه شكلك وحشك شبشبي جامدة اوووي يا دينا هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    ردحذف
  23. hhhhhhhhhhhhhhhhh 7elwa awiiiiiii w a7med dh zei l 3asl wrabna :D

    ردحذف
  24. 3asal awiiiii ya dody dgaaad :*

    ردحذف
  25. بجد ابن مجنونة هههههههههههههههههههههههههههههههه

    ردحذف
  26. ههههههههههههههههههههههههههههههههههههههههههههههههههههههههه

    ردحذف
  27. دودي الجميلة ..الأحداث تسير بسلاسة وحبكة جميلة تسلم الإيدين ..ماما زيزي

    ردحذف
  28. يوسف ده طلع دماغ
    احمد ده مجنون بجد

    ردحذف
  29. هههههههههههههههههههههههههه
    بجد قصه مش معقوله ملهاش حل .... انا بقالي فتره متابعه قصصك وقرييت تقريبا 5 لغايه دلوقتي ولما هم مش بعرف انام الا لما تخلص .. ويبمسك واحده وده اول مره اشارك فيها .... بس بجد رووووووعه

    سلمى :)

    ردحذف
  30. ههههههههههههههههههههه هو فيه كدة في الدنيا
    بجد رد فعلها بيقتلني ضحك

    ردحذف
  31. الله عليك يا استاذه انا اول مرة اعلق على حلقة واول مرة اقرأ يوميات حماه بس بجد الحلقة حلوة جدا تسلم ايدك
    ام ادم

    ردحذف
  32. ههههههههههههههههههههههههههههههههههههههههههههههههههههههههههههههههههههه

    ردحذف
  33. هههههههههههههههههههههههههههههههههههههههههههههههههههههههه انتي جايبة العيال دول منين الحقي اتبري منهم و انفدي بجلدك ههههههههههههه

    ردحذف
  34. عجبتنى جدا لما قالت لابنها غورى من وشى يا ابن المجنووووووووووووووونة دى بجد جميلة جدا انا اعتقد فى حاجة مفروض تترمى ورائه

    ردحذف

قول رأيك بلاش تقرا وتقفل من سكات...ارائكم تهمنى