الاثنين، 16 مايو 2011

الحلقة 28

وقعدت انا ونادية نسمع لاسماء وطبعا انا كنت متوقعة انها جوازة فاشلة بس مكنتش اتوقع السرعة دى وحكت اسماء
"بعد ماسيبنا بعض حاول يكلمنى اكتر من مرة وكنت بصده ولما مامته ماتت كلمنى وقعد يعيط ويقوللى انه بقى لوحده وانى حبه الوحيد وسمعته من باب العطف وبعد كده بقى يلاحقنى بمكالماته ويجيلى عند الشغل ويوسط لى ناس وكل ده كان بيعاملنى بمنتهى الحب والذوق والاحترام لما لاحظت انه بيوسط كل الناس الا رانيا اخته رغم اننا كنا قريبين من بعض اوى وبعدنا لما فسخنا الخطوبة قاللى ان جوزها عمل معاه مشاكل علشان عايز ياخد نصيبها فى الشقة وصدقته ولما رفضتى اننا نرجع لبعض وصممتى زود جرعة الحب وبقى يقوللى انى مبحبوش ولو بحبه اتجوزه غصب عنكم ونحطكم قدام الامر الواقع... ولما رفضت رفض قاطع فكر فى الكدبة اللى عملتها ونجحت بسرعة طبعا.. والله ياماما كنت بتقطع وانتى فاكرانى عملت كده بس كان بيقنعنى انى صح وانى مش هلاقى حد يحبنى زى ماهو بيحبنى ... وطبعا كان كل صحباتى بيحسدونى عليه من وسامته وشياكته ومعاملته معايا ...وموضوع ال5000 جنيه القديمة ده كانه محصلش خالص ومكنش بيجيب سيرته...المهم بعد الجواز قلت له هسيب الشغل قاللى ان الست لازم يكون لها كيانها وتحقق ذاتها فى شغلها... فرحت بكلامه وهو اللى اقترح انى لو تعبانة ممكن اقعد عندكوا علشان مبقاش ورايا مسئولية البيت ... ولما اروح واقوله نجيب حاجة فى البيت اكل ولا فاكهه ولا حلويات يقوللى انه معاهوش فلوس لان السايبر مديون وبيخسر واضطر انا اجيب كل اللى يلزم البيت فى الكام يوم اللى بروح فيهم برغم انه كل شوية يجيب لبس غالى وبرفانات ومهتم بمظهره اوى ولا عارضين الازياء ...وفاكرة ياماما لما قلتيلى اقعد من الشغل وهتدينى المرتب لما حكيت له وافق جدا ... كنت بخاف منه اوى لانه لما بيتنرفز كان بيقعد يشتم ويزعق وكذا مرة حاول يضربنى بس كنت بجرى واقفل الاوضه عليه... علشان كده كنت بطمن وانا قاعدة هنا فى وسطكم وكنت مش قادرة اتكلم ولا اشتكى ولا حتى احكى لانى انا اللى صممت عليه... نيجى بقى للى حصل النهاردة قمت من النوم بدرى تعبانة وزهقانة ومش عارفة انام تانى ...قلت اقعد ع الكمبيوتر شوية لقيته مش شغال فاخدت اللاب توب بتاع اشرف لحد مايصحى ويشوف الكمبيوتر ... فتحته وقلت ادخل ع الفيس بوك واول ماكتبت لقيته فتح على اكونت معرفش عنه حاجة وفوجئت باللى شفته الاكونت باسمه بس كل اللى مضاف فيه بنات وباين من صورهم انهم مش كويسين وشفت الرسايل كلها مواعيد واماكن وكلام فظيع مقدرتش اتحمله وجريت صحيته وانا بقوله ايه ده ... لقيته قام وثار وبقى يزعق ويشتم ويضرب فيه ويقوللى انا حر اعمل اللى اعمله وملكيش دعوة ودى حياتى ومش هغيرها وانا مش قادرة ادافع عن نفسى من كتر الضرب لحد ماجيتوا انتوا"
"يا حبيبتى يابنتى ربنا ينتقم منه ومش هنسكت"
لسه بتكلم لقيت احمد داخل من بره ولما شاف منظر اخته وحكيناله لقيناه اتنرفز جدا وجرى وهو بيقول
"والله ماانا ساكت له وهدفعه تمن اللى عمله ده غالى"
وجرى نزل تانى واحنا ننادى عليه ومسألش فينا
وبعدين قلت لنادية
"مش لازم نعمل للبنت كشف طبى ومحضر علشان لو رفض الطلاق يبقى معانا سبب"
"طيب اتصلى بيوسف ييجى بس متقليلوش حاجة خالص دلوقتى"
اتصلت بيوسف وقالى نص ساعة وجاى وقلت لاسماء تدخل ترتاح لحد ماابوها ييجى ونشوف هنروح مستشفى ولا قسم الاول ولا نعمل ايه؟ ... وكنت خايفة من مواجهه احمد مع المجرم ده ليعمل فى ابنى حاجة وهو شكله بتاع مشاكل
فعلا نص ساعة وجه يوسف ولسه بنحكيله لقيت احمد داخل
"ايه يااحمد عملت ايه؟"
"مفيش روحت وقعدت اخبط مفتحش مع ان وانا طالع البواب قاللى انه فوق ولما نزلت علشان اسأل البواب اذا كان نزل ملقيتوش تحت"
"الحمد لله يابنى ده مجرم ومابيهموش حاجة احنا ناخد حقنا بالقانون"
"ماما انا هتصل بمى وتشوف ايه الاجراءات وتعملها معاكوا"
وطيت راسى موافقة على كلامه وانا مكسوفة من نفسى ... ولما كلمها قاللى انها مستنيانا فى المكتب وهتعمل اللازم كله
لقيت اسماء بتندهلى وتقول الحقينى ياماما جريت انا ونادية عليها لقيناها بتنزف نزيف شديد وبتصرخ من الالم فعرفنا انها بتسقط جه يوسف واحمد وسندوها ويوسف سبقنا يقرب العربية قدام باب العمارة لحد ماننزلها انا ونادية واحمد ... قبل ماننزل واحنا لسه هنفتح الباب ...لقينا خبط جامد ع الباب
فتح احمد .... بوليس
الضابط قاله "انت احمد يوسف"
"ايوه"
"مطلوب القبض عليك بتهمة قتل اشرف منير جوز اختك"

هناك 27 تعليقًا:

  1. يااااااااااااااااانهاااااااااااار اسووووووووووووووود ايه المصايب دى ههههههههههههههههههههههههه لا لا وجع الضرس اهون هههههههههههههههههه

    جامده الحلقه دى هههههههههههه

    ................... ميرا

    ردحذف
  2. ميرا
    هههههههههههههههه
    غلبانة بولادها ياختى الست دى

    ردحذف
  3. هااااااااااااااااااااااااااااا قتل اشرف ازااااااااااي؟؟

    انا قولت فيه حاجه لما ما فتحش الباب وهو فوق .. ربنا يستررررررر.. جات الحزينه تفرح ما لقيتلهاش مطرح بجد

    ردحذف
  4. يا نهااااااااااااااااار قتل
    ايوه كده يا دينا كنتي جيبتي القتل دا من بدري عشان الساسبنس

    ايناس

    ردحذف
  5. هاني ابو الخير16 مايو 2011 في 10:44 م

    اشططططططططططه كده بقت لوووووووووووووووووووووووووز

    ردحذف
  6. و الله عرفت فى نص الحلقه أنه مات و هايتهموا أحمد و هاتطلع فى الأخر واحده قتلته كانت ضاحك عليها

    ردحذف
  7. ههههههههههههههههه يالهوى عالمصايب اللى ورا بعض

    ردحذف
  8. توتا
    التفاصيل كلها الحلقة او الاتنين الجايين ان شاءالله

    ردحذف
  9. ايناس
    ههههههههههه انا كنت بعمل ساسبنس من نوع اخر

    ردحذف
  10. هانى
    فرحان انت انا عارفة هههههههههه

    ردحذف
  11. خالد
    يالا اهو اخد الشر وراااااااااح

    ردحذف
  12. ايه
    ربنا مابيقطعش بيها

    ردحذف
  13. هههههههههههههههههههههههههههههه

    و تينة غضة الأفنان باسقة قالت لأترابهاوالصيف يحتضر
    هو مفضلش غير ان ايمان تطلق وبكده يبقي كله رااح ههههههههههه

    تسلم ايدك يا استاذتنااا

    بس ونبي وحياة كنزري يا شيخة يااا رب تشوفيها عروسة زي القمر اعملي دوور ليوسف متخلهووش سلبي اوووي كده عشان انا ابتديت اكرهه بجد هههههه

    أد مهندس طيار اللواء /فرج عبد الرحمن
    وكفاية كده عشان مبحبش اتكلم عن نفسي

    ردحذف
  14. أد مهندس طيار اللواء /فرج عبد الرحمن
    بص يادكتور باشمهندس سعادة الباشا

    يوسف شخصيته كده ومش هتتغير فى الحلقات الاخيرة
    وهو بيعبر عن ناس بتحب ولادها غلط"سلبيته مقصودة"
    وكفاية كده علشان مشاغل حضرتك يافندم
    بس ايه بيت الشعر الجامد ده ههههههههه

    ردحذف
  15. يلاهوووووووووووووووووووووى بجد انت والله بقيتى تكئبينى بالقصة دى بقيت اصلى حساهم ناس بجد وعندهم مصايب ياعينى
    اوعى يادينا النهاية تكون حزينة ربنا يسترك خليها حلوة وفرايحى

    امل

    ردحذف
  16. امل
    خطر لى سؤال على بالى من الكومنت بتاعك
    تفتكرى يعنى حياتنا دى مافيهاش اسر كتيييييير مابيشوفوش الفرح الا كل فين وفين؟؟؟؟
    حد يجاوبنى

    ردحذف
  17. يا نهاااااااااار ابيض
    الست دى يا عينى مصابة دايما ليه كده
    دى وصلت للقتل
    وكمان دوافع القتل موجوده ومبرره
    اخته مضروبة وامه مشتومه
    وهو اللى راح له البيت وسأل عليه البواب
    والبواب ما شفهوش وهو نازل
    يعنى لابسها رسمى
    ربنا يستر عليكى يا ام اسماء يا غالية
    ههههه

    ردحذف
  18. ابو تميم
    ماهو علشان كل الاسباب اللى قلتها دى
    مجرد مااكتشفوا الجثة كان احمد المتهم الوحيد
    بس ليه بتقول لابساه لابساه...مش يمكن عملها فعلا
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ردحذف
  19. اوووووووووووووووبا هيا وصلت للقتل
    اهو شويه المشاكل دول هيدخلوا مي في الصوره بقي بدل مهي مركونه يا ضنايا وملهاش دور معانا ههههههههههههههههههه

    Eman Osama

    ردحذف
  20. :((((((((((((((((((

    خد الشر وراح برده
    طيب احمد ذنبه ايييييييييه

    شيماء مصطفى

    ردحذف
  21. ايمان
    خليها ياايمان تظهر صحيح
    حتى ع الاقل يبان ان كانت كويسة ولا وحشة

    ردحذف
  22. شيماء
    هو طبعا خد الشر وراح
    وربنا ينجى احمد بقى

    ردحذف
  23. حلوة اوي تسلم ايدك


    مونه

    ردحذف
  24. يارب ينجي احمد ويظهر الحقيقة يارب ..ماما زيزي

    ردحذف
  25. ايه الحلقة الاكشن دى

    ردحذف

قول رأيك بلاش تقرا وتقفل من سكات...ارائكم تهمنى