الأربعاء، 25 مايو 2011

تحت سقف واحد...الحلقة 3

كانت شيرين مستمتعة جدا باليوم ده... هى بتخرج كتير بحكم شغلها فى العلاقات العامة وحتى وهى مخطوبة لحسام كانت بتخرج وتتفسح معاه بس مكنتش بتبقى مرتاحة كده... مروة كمان مبسوطة... مامتها مش عاجبها اللى شيرين فيه... وبتستغرب ... هو فيه كده... واحدة فسخت خطوبتها امبارح والنهاردة بتتفسح وتلعب وسعيدة كده؟؟؟ غريبة!!!!!!!
بعد مارجعت البيت ولسه هتنام علشان تستعد لشغل تانى يوم لقت حسام بيتصل بيها اتفاجئت...ترد... تقفل التليفون؟؟؟
فكرت وحسمت قرارها فى ثوانى قليلة
"الو... ايوه ياحسام"
"ازيك يا شيرى"
"انا كويسة جدا الحمدلله...خير فيه حاجة"
"لا انا كنت بكلمك اقولك فكرى تانى فى موضوع امبارح... انا ممكن اتغ..."
قاطعته وهو بيتكلم
"لو سمحت ياحسام موضوعنا انتهى وبلاش تتصل بيه تانى علشان مفيش مجال لرجوعى فى قرارى.. واى كلام بينا مالوش لازمة"
"ياشيرين انا بحبك"
"اسفة يا حسام الموضوع انتهى...تصبح على خير"
قفلت التليفون وهى مرتاحة اكتر انها كانت بالقوة دى وانها حسمت الكلام معاه وقالت حتى لو كلمها تانى هتقول نفس الكلام
تانى يوم راحت شغلها وهى مقبلة على الحياة...وهى اصلا من حبها فى شغلها دايما بتكون مبسوطة فيه حتى لو حاجة مضايقاها... فالنهاردة بالذات حاسة ان كل حاجة حلوة اوى ... وخلال اليوم استدعاها رئيس الفرع لمكتبه...وده عادى وبيحصل كتير
"مساء الخير يامستر على"
"مساء النور يا شيرين... اتفضلى اقعدى علشان عايزك"
"خير"
"اولا مبروك على الجواز..انا عرفت انك هتتجوزى الشهر الجاى"
معرفتش ترد وهترد تقول ايه هو اكيد مخدش باله انها مش لابسة الدبلة فاكتفت بابتسامة خفيفة وهزة راس وكمل كلامه
"انا عندى ليكى عرض جامد وفرصة صعب تيجى لحد"
"ياترى ايه؟؟"
"الشركة فتحت فرع جديد فى المغرب وبتجمع الكفاءات من كل الفروع ده غير الناس المغاربة اللى هيشتغلوا فى الفرع وانا رشحتك لمنصب مدير العلاقات العامة وطبعا المرتب اضعاف مرتبك والسكن هناك تبع الشركة فيه عمارة لعائلات العاملين واكيد هيكون لك شقة فيها لو قبلتى... بس ياترى جوزك هيقدر يسافر معاكى؟؟؟"
"مش عارفة حتى لو مش هيقدر اسافر انا"
"لا للاسف مينفعش... العمارة هناك كلها اسر الموظفين وكان مترشح للمنصب ده مدير العلاقات العامة فى الكويت بس الفرع الرئيسى رفض لانه مش متجوز"
"يعنى لازم اكون متجوزة واسافر انا وجوزى"
"ايوه وعلى فكرة الشركة هناك محتاجة شغل كتير يعنى ايا كان شغل جوزك لو يحب يشتغل معانا ممكن نشوف حاجة تناسبه"
"مش عارفة ارد على حضرتك بسرعة كده"
"بصى هو الافتتاح كمان اسبوعين وانا ممكن اكلمهم يستنوكى هناك اسبوعين كمان بعد جوازك يعنى تعيشى اسبوعين عسل قبل الشغل هههههه بس طبعا انا عايز ردك بسرعة"
"امتى يعنى "
"يعنى بالكتير يوم الخميس تكونى رديتى عليه علشان لو موافقة نبدأ فى الاجراءات ولو مش موافقة نلحق نشوف حد تانى مناسب "
"ان شاءالله يافندم...بعد اذنك"
خرجت شيرين من المكتب وهى تقريبا مش شايفة قدامها... فرصة زى دى استحالة تسيبها... بس الشرط ده هتنفذه ازاى؟؟؟؟؟؟؟

هناك 24 تعليقًا:

  1. هههههههههههههههههههههههههههههههههههههههههههههههههههههههههههههههههههههههههههههههه تشوف واحد وتجوزه وتاخده معاااها وبعد كده يحبوا بعض بقى هههههههههههههههههههههههههههههههه

    لا الحلقه دة عجبااانى ابتدى التشويق

    ............ ميرا

    ردحذف
  2. ميرا
    هههههههههههههههههههه
    وليه مترجعش لحسام؟؟؟؟؟؟؟؟؟

    ردحذف
  3. ههههههههههههههههههههههههههههههه
    لا بجد طلعه حلوة اوي فكرتني بفيلم قص ولزق
    بجد مبدعععععععععععععه يا دودو
    لما ربنا يكرمك بقي وتشتهري افتكرييييييييييييني

    ردحذف
  4. شذى
    ربنا يخليكى ياحبيبتى
    ههههههههههههه قولى يارب
    وانا مش ممكن انسى اللى شجعونى وكانوا السبب فى نجاح المدونة

    ردحذف
  5. بس معقول ترجع لحسام بعد كل ده
    ما تدور على واحد تاني احسن اهو تبتدي من جديد

    ردحذف
  6. هههههههههههههه يخربيت فقرها كان لازم تتفرعن وترفضه

    ردحذف
  7. شذى
    هنشووووووووووووف
    ياعاااااااااااالم
    ؟؟؟؟؟؟؟؟؟؟؟هههههه

    ردحذف
  8. ايه
    ههههههههههه
    وفرق يوم واحد بعد المكالمة

    ردحذف
  9. تسلم ايدك يا دينا بجد بدأت مرحله التشويق
    منتظره الحلقه الجديده

    يويااا

    ردحذف
  10. يويا
    تسلمى ياقمراية
    ويارب اكون عند حسن ظنكم

    ردحذف
  11. يعني هي لازم تاخد المنصب ده..‏ عصفور ف اليد احسن من عشره وتفكر ف رجعتها لحسام ولا عريس تاني..‏ ما منصبها الحالي كويس بردو ولا لازم نطمع

    ردحذف
  12. توتا
    هى طموحة جداااااا
    ومش عايزة حاجة توقفها
    ياترى الشرط ده هيخليها تختار ايه؟؟؟؟

    ردحذف
  13. اممممممممممممم ...لالالالالا اوعى ترجع لسام ...كده مش صح ...كده تبقى انسانة مادية وكل همها الفلوس لا والله ازعل منها اوووووووووووى

    ردحذف
  14. هنودة
    هنشوف هتتصرف ازاى فى المأزق ده

    ردحذف
  15. انا من رأي انها تستخير ربنا في حسام والعرض ده..
    بس بجد القصة شكلها روعة وان شاء الله حكملها وربنا يوفقك

    ردحذف
  16. كنوز
    ربنا يخليكى يا جميل
    منووووووووووورة

    ردحذف
  17. انا رايى ان مادام حسام اعترف وحس بغلطه يبقى ممكن فعلا يتغير بس ممكن بس يحتاج شوية وقت بس وممكن ترجعه وتساعده كمان
    انا اسفة انا عارفة انى اتاخرت اوى بس ان شاء الله اقدر اقرا كل القصص اللى كتبتيها دى

    جنا

    ردحذف
  18. هههههههههههههههههه
    حلو الموقف

    ردحذف
  19. هههههههههههههههههههههههههههههههههههههههههه

    ردحذف
  20. الافضل ترجع تانى لحسام





    رودى

    ردحذف
  21. الحكاية بقت مشكلة بجد ..كلنا في انتظار الأحداث الجديدة..ياللا يادندونة ..ماما زيزي ..

    ردحذف
  22. بجد القصص اللى انتى بتكتبيها دى جاامدة اوى وكل ما ااقرا واحدة احس فعلا ان فيه عندنا ف مصر بنات بعقلانية كبيرة بجد وفيها احترافية بالشكل ده والله انتى فنانة انا مع انى بنت زيك وبشوف بنات كتيير بس مفيش بنت زيك ربنا يوفقك يااارب وتبقى احسن من كده كمان وانا بدعيلك دايما بالنجاح ف حياتك كلها :* :*

    ردحذف
  23. رائعة جداااااااااااااااااا

    ردحذف
  24. Ana lw mn 7osam mrg34 lw talb aw azlha 4waia

    ردحذف

قول رأيك بلاش تقرا وتقفل من سكات...ارائكم تهمنى