الأحد، 1 مايو 2011

يوميات حماة الحلقة 12

 بعد ماقررت انى اركز مع تصرفات يوسف شوية...وكنت مكسوفة من مجرد شكى فيه...بس كان لازم ارتاح قلت اول حاجة اشوف تصرفاته مع حنان بس لقيت الامور ماشية عادية ودورت فى تليفونه على رقمها...ملقيتوش...اطمنت شوية على الاقل من ناحيتها
بس حسيت ان ممكن يكون قاعد فى البيت وييجى تليفون على موبايله بعدها على طول يقوم ينزل..ولما اسأله يقولى فلان عايزنى...فلان عنده مشوار...وهكذا
حاولت اطرد الافكار من دماغى وحياتنا تمشى طبيعى...كل خميس بييجى سمير عندنا البيت وكل جمعة ندى بتيجى تقضى طول اليوم معانا لحد بالليل زى ماطلب منها احمد علشان تحس انها مننا وتاخد علينا وناخد عليها حتى وهوغايب.
فى اكتر من مرة جالنا فيها سمير لاحظت انه بيتجنب الكلام فى المواضيع العامة ومش بيقول راى محدد فى القضايا العامة...لو بنتفرج على التليفزيون مش بيهتم بالاخبار ولا البرامج الحوارية...بصراحة استغربته وحسيت انه سطحى وفى يوم اتكلمت مع اسماء وقلتلها احساسى ده...لقيتها هى كمان مش عارفة تتناقش معاه فى حاجة ولو اتفتح موضوع عام يااما بيسمعلها او يغير الموضوع!!!
فى يوم كان عندنا سألته"سمير انت مقلتليش انت شهادتك ايه؟؟"
اتفاجئ ورد"انا معايا دبلوم صنايع"
"دفعة كام؟؟"
"ممم ...ممم...مش فاكر"
مرتاحتش لكلامه وتانى يوم سألت ندى
"مش انتى وسمير جيران من زمان"
"ايوه ياماما...ليه"
"متعرفيش هو خريج ايه"
"ممم..ممم...مش فاكرة بس تقريبا بكالوريوس تجارة"
سكت وفى اليوم ده اتكلمت مع اسماء وسألتها
"انتى حبيتيه يااسماء"
"بصى ياماما مش حب بس هو طيب ومؤدب وانا حبيت حبه ليه...بس مش بعرف اتكلم معاه فى حاجة مهمة"
بالليل بعد مايوسف جه وقبل ماينام اتكلمت معاه
"يوسف..انت لما سألت عن سمير فى الشركة اللى بيشتغل فيها سألت عن ايه؟؟؟"
"سالت عن اخلاقه وعن علاقاته باصحابه وان كان مثلا بيشرب حاجة كده ولا كده"
"طيب سألت هو شهادته ايه؟؟"
"لا مسألتش...حتى لو معاه شهادة متوسطة مش مهم يعنى"
"انا مقلتش حاجة بس انا عايزاك تسأل تانى عن شهادته"
"انتى بتقولى ايه؟؟ازاى"
"معلش خدنى على قد عقلى وروح اسأل عن شهادته وبيشتغل ايه بالضبط فى الشركة"
"حاضر بكرة ولا بعده اسأل...تصبحى على خ..."
رن موبايله...
"الو...ايوه ...لالالا...طيب ...انا جاى"
"مين اللى كلمك"
"واحد صاحبى تعبان ورايح له"
"انت مش كنت هتنام؟"
اتنرفز وزعق"قلتلك واحد تعبان...ايوه نازل"

قعدت طول الليل دماغى رايحة جاية فى المكالمة..يعنى صاحبه ده مالوش قرايب؟؟؟ولاد؟؟؟جيران؟؟؟
تانى يوم بعد الغدا لقيت يوسف بيندهلى وهو مكشر
"انا روحت سألت فى الشركة عند سمير"
"هااااا...وبعدين"
"الولد معاه اعدادية وبيشتغل مشاويرجى فى الشركة...يعنى بمقام ساعى"
"يا مصيبتى!!!"
"اعتقد دلوقتى مفيش غير حل واحد"
"قبل الحل الواحد...يعنى الواد وامه خبوا علينا...والزفتة اللى اسمها ندى دى كانت عارفة وسكتت....اسمااااااااااااااااااااء"
طبعا اسماء جت تجرى بعد الصوت الجهورى اللى طلع منى وحكيت لها على الحكاية من اول شكى لحد تأكدى بعد السؤال عليه
وطبعا ايدت رأينا
قلت ليوسف يقوم يتصل بيهم دلوقتى ويقوله مفيش نصيب ويبقى يبعتله الدبلة بأى طريقة
الحمدلله اننا اكتشفنا الحقيقة دى بدرى وكمان ارتحت من شكى ان جوزى يحن لماضيه وحبه القديم...كده خلاص مش هيبقى فيه تعامل بينه وبين حنان
لسه بقى ندى ...ازاى تخبى عليه وتتآمر على بنتى ...لازم احمد يعرف.

هناك 23 تعليقًا:

  1. لالالالا بقى حررررااام عليكى بجد شوقتينا اكتر لسة هنستنى لبكرة تانى

    ردحذف
  2. يااه يا دينا بجد كده شوقتينى اكتر احنا هنعمل مظاهرة ونطالب انك تطويلى شوية او تنزلى القصة كل ساعة بجد انت كاتبة مبدعة

    ردحذف
  3. ميروووو
    ههههههههههههه معلش يدوب الحلقة قفلت على كده
    نورتيييييييييينى واستنينى بكرة

    ردحذف
  4. دودو
    ربنا يخليكى ياقمراية
    بس الله يخليكى كفايانا مظاهرات ههههههههههه
    اهم حاجة اتمنى ربنا يقدرنى ومتأخرش عن الميعاد اليومى للحلقة
    سعيدة بوجودك

    ردحذف
  5. جاااااااااااااامده جدا جدا يا دينا بجد عجبتني اوي حسيت ان فيها حاحاجت كتير بس شوفتي بقى انا من اول اليوميات وانا مش مرتاحه للبت اللي تضرب ندى دي انتي لازم تظبطيها البت دي بعد كده

    ايناس (( غير معروف )) ;))))

    ردحذف
  6. ما شاء الله عليكى بجد مؤلفة جامدة جدااا منتظرين ....

    ردحذف
  7. ندى فعلا شكلها سوسة كبيره انا مرتحتلهاش من الاول

    ردحذف
  8. ايناس"غير معرف"
    ههههههههههه انا كمان مش مرتحالها خالص
    ايمان مش عارفة تلاقيها من مين ولا مين

    ردحذف
  9. جااامده الحلقه دى .. ماتطولى شويه يا دندن .. حبيبه

    ردحذف
  10. ههههههههههههههههههههه حلوه الاعداديه دى اهو خد مقلب فى حبه القديم

    بس هى لسه حاطه ند فى دماغها مايمكن ماتعرفش بجد

    تسلم ايدك يا برنسس الحلقات فى تطور وتجنن ................ ميرا

    ردحذف
  11. غير معرف وغير معرف
    ميرسى ربنا يخليكوا
    وندى سوسة عملاااااااااااااقة
    ولها يوووووووووووم
    متقلقوش

    ردحذف
  12. حبيبة
    خلينى خفيفة خفيفة علشان متزهقوش
    وجودك اسعدنى

    ردحذف
  13. ميرااااااا
    هنشوف الحلقة الجاية اذا كانت ندى عارفة ولا لا
    وكل الناس اهى مش طايقة ندى مش ايمان بس

    ردحذف
  14. الباقى امتتتتتتتتتتتتتتتتتتتتتتتتتتتتتتتتتتتى

    ردحذف
  15. غير معرف
    بالليل ان شاءالله حلقة جديدة
    ميرسى للمتابعة

    ردحذف
  16. هههههههههههههههههههههههههههههههههههههههههههههههههههههههههههههههههههههههههههههههههه

    وانا بقول ربنا يتمم على خير.. دي اسماء دي طلعت فقر كل عريس انيل من الاول هههههههههههههههههه

    اخيرا هشوف فيكي يوم يا ندى ههههههههههههههههههههههههه

    انا ازاي ما شفتش الحلقه دي الا الوقت واااااااااااااااء

    ردحذف
  17. se7r
    ههههههههههههههههه
    اكيد مقرأتيش القرار الاخير
    انى هضيف كل يوم حلقة
    ان شاء الله
    بس ادعولى ربنا يقدرنى

    ردحذف
  18. امتى يا استاذه طيب.. دي دخلت ع الساعه 2 عندي ولا استنى بكرا ولا ايه الحكايه طيب

    ردحذف
  19. انا مستنيه اهووووووووو
    ام زياد

    ردحذف
  20. تمت الاضافة
    وتم الرد
    وكله تمام

    ردحذف
  21. hhhhhhhhhhhhhhhhhhhhhhhhhhhay
    wlahy lwa7d minf3sh yt5tb 5tobat slonat kda lazm ykon y3rfoo hwa bnfsoooo

    ردحذف
  22. دينا ..ادينا الجرعة بسرعة ..ماما زيزي

    ردحذف
  23. ايه ده بجد فى ناس ممكن تبدا علاقة مهمة زى الجوأز بكدبة بشعة كده
    احمد هيعمل ايه فى ندى

    ردحذف

قول رأيك بلاش تقرا وتقفل من سكات...ارائكم تهمنى