الخميس، 19 مايو 2011

هام لكل من تابع قصة يوميات حماة

اصدقائى الاعزاء كل من تابع القصة
كنت قد وعدتكم بحوار ومناقشة مفتوحة للقصة
نتناقش فيها وتقولولى ملاحظاتكم واعتراضاتكم
وكل حاجة عايزين تقولوهالى انا تحت امركم
وياريت اللى مكنش بيتفاعل معانا فى الكومنتات
يتفاعل معانا واعرف ملاحظاته
والمناقشة هنا مفتوحة طول الوقت
يعنى حتى لو حد قرأ القصة بعد فترة طويلة
ممكن يقول ملاحظاته هنا
معاااااااااااااااكم فى اى وقت
وشكرا لكل اصدقائى اللى بسببهم نجحت المدونة والقصة

هناك 48 تعليقًا:

  1. اولا احب اهنيكى على القصه الى تجنن دى وبجد تسلم ايدك

    تانى حاجه انا ليا ملاحطااات اولا على دووور يوسف تقريبا ايمان هى ست وراجل البيت ويوسف دور محورى مش أساسى وده مش نافع

    تانى حاجه ضسقتى فى حكاسه جوازه اسمااااء بجد دمى فاااار ماكنش تنفع تبقى كده عارفه انه عشان الاحداث بس كان ممكن تتجاب بطريقه تانيه وتمشى بادرو مع الاحداااث
    والحلقه الاخيره حاسه اننا اكروتنا اوى كان تبقى اطوول من كده شويه بس

    يارب ماتضربينى ههههههههههههههههههههههه

    ................ ميرا

    ردحذف
    الردود
    1. انا شايفه انها قصه ممتازه جدا
      وكمان مش لازم كل ده كفايه انها فعلا واقعيه 100% وبيحصل زيها بالظبط حقيقى

      حذف
  2. السلام عليكم ورحمة الله وبركاته
    بجد احب اهنيكى على هذه القصة الرائعة والواقعية جدااااااااااااا..معلش انا مكنتش ملتزمة بالكومنتات اوى ..بس متابعة جيدة للقصة

    القصة هايلة فعلا ....بس الاحداث سريعة ومتوقعة الى حد كبير ...خصوصا الحلقة الاخيرة ...انا قبل ما اكملها عرفت ايه اللى هيحصل...انا رايى المتواضع وطبعا دى وجهة نظرى مش اكتر ...انك كنتى تطولى شوية و موضوع هشام واسماء مكنش ضرورى يحصل ...يعنى كان ممكن تشوفيلها اى مخرج تانى ...كمان زى ما اشار التعليق اللى قبلى ...دور يوسف هامشى جداااااااا ومش المفروض يكون كده حتى لو كانت اليوميات خاصة بزوجته...احلى حاجة عجبتنى انك انصفتى مى ...لان فعلا فى بنات زيها كتير بيتظلموا ...وبصراحة انا نفسى مكنتش متوقعة انها حد كويس...كمان كان نفسى ندى تتربى شوية اكتر لانى كنت متغاظة منها اوى

    عموما كل النقد اللى قلته لا يقلل من جمال موهبتك اللى امتعنا طوال ال30 حلقة....واتمنى انى اقرالك مدونة جديدة ان شاء الله ...لانى فعلا كنت بستناها...وان شاء الله ديما للافضل وتحياتى ليكى
    واسفة على التطويل

    ردحذف
  3. ميرا
    ههههههههههه مش هضربك متقلقيش انا سعيدة بردك
    بصى ياستى دور يوسف طلع كده لسببين
    1-انه وزج ايمان اللى بتكتب اليوميات فهى بتكتب من وجهه نظرها هى
    2-انه شخصيته الاب اللى بيعمل اى حاجة تفرح اللى بيحبهم ولاده يعنى بصرف النظر هما صح ولا غلط

    جوازة اسماء.. انا قصدت انها تكون صدمة وتنرفز علشان دى فكرة اشرف وهو انسان سئ بكل ماللكلمة من معنى فطبيعى تكون افكاره زيه

    وميرسى يا دندن للمتابعة ولرأيك الجميل

    ردحذف
  4. د.هنودة
    انا سعيدة جدا بمتابعتك ورأيك فى القصة بجد كلامك فرحنى اوووووووووى
    وان شاءالله قريب فيه قصة جديدة
    ارد عليكى جزء جزء
    موضوع يوسف رديت عليه فى الكومنت السابق
    اسماء وهشام انا حبيت اقول ان النصيب غلاب يعنى هو اتقدملها فى الاول وهى مشيت ورا كلام واحد مش كويس ورغم ان كل واحد فيهم اتجوز الا ان نصيبهم كان مع بعض فى الاخر

    موضوع مى برضه كنت عايزة اقول ان مفيش قاعدة نحكم بيها على الناس والمطلقة دى ممكن تكون مظلومة وكمان مش كل معرفة بسبب النت تبقى وحشة... يعنى مفيش تعميم كل حالة لازم تكون منفردة

    ندى كان اكبر درس ليها انه طلقها

    الكروتة فى الحلقة الاخيرة علشان اظبطها على 30 لانها لو كانت زادت كانت هتبقى الاحداث متوقعة فملهاش لازمة ازود حلقة الناس متوقعاها

    وسعيدة بوجودك جدااااااا

    ردحذف
  5. انا بجد عجبتنى القصة اوى وخصوصا علاقتة يوسف بيك وبالاولاد فيها حميمية اتمنى تكون فى كل بيت بقية الاحداث انا حاسة انها لزوم الحبكة الدرامية
    فى انتظار المدونة الجديدة بشغف

    ردحذف
  6. نانا
    الحمدلله ان القصة عجبتك وميرسى للمتابعة
    وعلى فكرة 90%من احداث القصة واقعية وحصلت فعلا
    والقصة الجديدة قريبا ان شاءالله
    منورانى بوجودك

    ردحذف
  7. طبعا يا دودو مش حقولك راي في كتابتك واسلوبك لانك عارفة وقولتلك خلال الحلقات
    بس حقولك تاني بجد مبدعه جدا وعندك طريقة تشويق حلوه اوي
    ملاحظاتي الصغننه واللى اكيد ما تعيبش في القصه ابدا

    اولا دور يوسف كان شبه معدوم يعني مالهوش اي راي خالص زي جوازة اسماء مهما اصرت الام هو فينه من الموضوع ازاي يقبل بنته تتجوز كده خصوصا انه مش عارف الكارثة اللى عملتها

    ثانيا جوازه اسماء نفسها اللى مدايقني هو رده فعل الان بعد ما عرفت ان اسماء بتكذب عليها شفتها مش منطقيه لانها على الاقل كانت حتخاصم بنتها ولو مده صغننه بس عشان تحسسها بغلطها وبغضبها عليها

    ثالثا بقي النهايه حستها قديمه شويه زي الافلام المصريه القديمه مش شرط كل حاجة في الحياه يبقي ليها نهايه سعيده
    وبردو النهايه كانت متكروته اوي يعنيكانت عايزةتتفصل
    بس بجد مجهود ممتااااااااااااااز ومستنيه القصه الجديده على احر من الجمر

    ردحذف
  8. شذى
    ربنا يخليكى ياحبيبتى على رأيك ده
    بجد فرحتونى بكلامكم ومتابعتكم
    ارد على ملاحظاتك
    1-يوسف دوره او تقدرى تقولى شخصيته مش مؤثرة وده مقصود
    2-جوازة اسماء الام غلب عليها العطف لانها حست ان بنتها داخلة على مجهول فاشفقت عليها
    3-النهاية قصدت انها تبقى سعيدة بعد عكننة الاحداث وحرق الدم اللى عشناه فى القصة فحبيت تكون النهاية مريحة حتى لو تقليدية

    ومنورانى ومستنياكى فى القصة الجديدة ان شاءالله

    ردحذف
  9. وٍالله انتيُ عسسسسسسل يآدينآ وفصصك جمممممميلةُ آويّ

    ردحذف
  10. القصة كانت حلوة اوى كالعادة زى كل قصصك

    بس اتحولت تحول مفاجئ انا كنت بقرأ على انها كوميدية ساخرة حاجة كدا
    فجأة كدا قلبت درامة وحزن غير اول حلقة اللى كانت مهدتنى على انها حلقات كوميدية

    انا بجد بموت فى كتاباتك اوى وهى الحاجة الوحيدة اللى بتسلينى او انا
    اللى متفرغة ليها تسلم ايدك

    salma

    ردحذف
  11. عاوز اقولك قصة هايلة وحياتية جدا جدا جدا .. ودا مكنش رأيي لوحدي كان رأي كل ال انا كنت ريفيرل ليهم انهم يقروا القصة ... بالنسبة لتهميش دور يوسف انتي مش غلطانة فيه لأني شوفت الموقف دا بعيني ودخلت بيت كان قريب خالص من كده وكنت بتجوز من البيت دا بس لما لقيت الست الكل في الكل والراجل ملوش قيمة وحسيت بتناقض كبير خلعت بالرغم اني كنت اعرف البنت وكنا بنحب بعض..بس انا بصيت للصح وعصرت قلبي وقلت مش دول ال المفروض يكونوا اهلي ... شابو مرة تانية عالقصة ... محمد

    ردحذف
  12. القصة بجد لو قولت تحفة هيكون قليل عليها
    كانت ممتعة جدا
    وفى انتظار باقى "ابغض الحلال"
    وربنا يوفقك يارب :)

    ردحذف
  13. القصة جميلة اووووووووي يا دينا وواقعية اوي بس انا كان عندي استفسار مش المفروض أن الأهل بيسألوا عن اللي متقدم لبنتهم من قبل ما يدخل البيت بيبقوا عارفين كل حاجة اخلاقه وشهادته وأهله يعني عرفوا شهادة سمير متأخر وعرفوا اخلاق أشرف بعد ما أتجوز أسماء :\
    شيماء :)

    ردحذف
  14. بجد بجد تسلم ايدك القصة رائعة وابداعك فيها هو سبب روعتها بتمنى جزء تانى منها لانها بجد حلوة :)))))))

    ردحذف

  15. بجد القصة جميلة واسلوبك سلس ومشوق وفى حاجات كتير واضح انها لزوم الحبكة الدرامية
    بس المهم انها ممتعة وربنا يوفقك ان شاء الله ومن تقدم لتقدم .....سمورة

    ردحذف
  16. القصه فوق رائعه ياريت جزء تاني منها وتسلم ايدك قصصك جميله جداً ربنا يوفقك ... سوري ع الرد المتأخر

    ردحذف
  17. بجد فصة في منتهي الجمال واحداثها جميلة اوي يا ريت يا استاذة دينا لو تكتبي قصة زيها في وقت قريب يكون فيها بردة احداث كوميدية وفي نفس الوقت الاحداث الدرامية لا بجد استمتعت اوي وانا بقراها وسهرت مخصوص لغاية مخلصتها ف نفس اليوم

    ردحذف
  18. القصة جميلة جدا والام ايمان دى بتمثل الدور الطبيعى لكل ام خايفة على ولادها ،، انا كنت معاها جدا :)) وابنها طبعا مكانش لازم يبقى ضعيف الشخصية مع خطيبته بس هوا اتعلم بعدها ودى حاجة كويسة ،، اما اسماء فربنا ميكتبش على حد اللى حصلها ويحقق لكل بنت اللى بتحلم بيه وميحصلش لحد كده ابدا ،، انا اتأثرت بشخصية اسماء اوى لأنى نفسى اعيش قصة حب واختار الانسان اللى هعيش معاه بس خايفة يحصل معايا اللى حصل معاها ده ودايما خايفة من اللى جاى ،، يلا ربنا يستر ان شاء الله :))
    وبهنيكى على القصة الجميلة وتسلم ايدك ومن نجاح لنجاح يارب
    .
    .
    .
    مها محمود

    ردحذف
  19. انا قريت القصه النهارده بس وبجد عجبتني اوووووووووووي واكتر حاجه عجبتني ان فعلا اللي بيصبر بيلاقي الخير ومامتهم صبرت كتير بس ربنا كبيييير اووووووووي وعوضها ...........توته

    ردحذف
  20. انا قريت القصه وخلصتها فى يومين بس بجدا هى قصه جامدة جداجدا وتسلم ايديكى وفى انتظار كل جديدك

    ردحذف
  21. انا قريت القصة وخلصتها فى يوم واحد بجد قصصك تحفة

    ردحذف
  22. انا باهديكي غنوة يا مسهرني لأني بقالي ليلتين باسهر مع قصتك وكأني باقراها حلقات وباعلق كمان وعشان كده انا طالبة ردك على تعليقاتي على التلاتين حلقة وعلى هنا كمان ماليش دعوة ..انتي هايلة والقصة رائعة بجد تسلم ايديكي وفي انتظار المزيد ..ماما زيزي

    ردحذف
  23. أحب أقولك ان القصة واقعية فعلا وفعلا آراء الأم والأم أوقاااااااااااات كتير صح وأوقات تانية مش صحيحة زي ما وضحت القصة فلازم الأولاد يحاولوا يفهموا حاجة وهي إن الأب والأم مش محتاجين غير سعادتهم من وجهة نظرهم فلازم نقنعهم ونتكلم معاهم ونصارحهم علشان نستفيد من خبرتهم

    ردحذف
  24. انت رائعة يادينا فعلا وتصوريك للاحداث رائع خيالك واسع ماشاء الله... انابشكرك ع الوقت الجميل اللي بعيشه مع قصصك وفعلا بعرف اغير مودي ..شكرا اوي ليكي .... انا بتمنى ان تفضلي كده وتستمري لانك رائعة...ربنا يوفقك ...وبحيكي انت عندك ذكاء اجتماعي واضح اوووي ماشاءالله ..زبالتوفيق دايما تحياتي
    اروى

    ردحذف
  25. القصه حلوه جداً يا دينا بجد تسلم ايديكي والله
    أسلوبك حلو اوي وكأني شايفه الاحداث مش بقرأها

    ردحذف
  26. انا قريت القصة كلها ف يوم واحد ومن ساعة ما عرفت عن قصصك الرائعة قررت اني كل يوم لازم علي الاقل اقرأ قصة ومن اول المدونة وبجد يوميات حماه قصة جميلة وواقعية جدا وفعلا انتي كاتبة مبدعة

    ردحذف
  27. روووووووووووعة جدااا يا دينا كالعادة انا قريت القصة من فترة وقريتها كلها فى يوم واحد بجد قصة حقيقة جدااا وبتحصل معانا كلنا بالنسبة ليوسف هو دوره كان بسيط وايمان دورها غالب بس اعتقد انه ليه دور كبير اوى ومفروض ان حد يشد وحد يرخى ويوسف كان دايما العقل الكبير والامان بالنسبة ليهم ودا استنتجته من الاحداث اما اسماء بصراحة تستاهل انها تتطلق لانها بنت جوزتها على كذبه مفكرتش للحظة ان الانسان دا مش كويس وهو بيحاول يقنعها تكذب على اهلها اما احمد فبجد ليه كل التحية انه اتمسك بمى ومظلمهاش علشان هى مطلقة والذنب مش ذنبها دايما المجتمع بيتهم الست بكل حاجة وشايفن دايما العيب فيها لو متجوزتش العيب فيها لو اتجوزت ومخلفتش برده العيب فيها لو اتطلقت العيب فيها لو جوزها مات العيب فيها مجتمع ظالم للست بجد انا بحب قصصك اووووووووووووووووووووووووووى واسلوبك الروعة فى الكتابة وطريقة فى شد الانتباه والتشويق

    رحاب

    ردحذف
  28. السلام عليكم الاول
    انا كنت عايزه اعبرك عن اعجابي الشديد بكتاباتك والقصص بتاعتك اكتر من رائعه انا قريتلك حوالى 7 قصص وانشاء الله مكمله اقرالك وربنا يوفقك .
    وشكرا

    ردحذف
  29. بجد القصة تحفة يا دينا وتسلم ايديكى هى فعلا القصة حقيقة انا قريت القصة وخلصتها فى تلات ساعات بس بس فعلا تحفة انا حببتينى فى قراية القصص بتاعتك اوى


    dr.samya

    ردحذف
  30. Bsra7a msh 3arfa 2a2ol eh wala eh. qesasek f montahaa el raw3a w btshednyy gedan. Tslam el ayady bgad

    ردحذف
  31. حبيبتي القصة تحفة وانا على فكرة خلصت كل الروايات بتاعتك ومش بس كدة انا قلت لصحابي ع المدونة بتاعتك عشان يستمتعوا بيها انا بشكرك جداااااااااا ومستنية رواية جديدة بعد القصر الهادي الكانت تحفة الى الامام وع فكرة انا فخووووورة جدا ان بلدي بورسعيد طلعت كاتبة زيك


    مها

    ردحذف
  32. القصه كويسه جدا بس يوسف كان المفروض ان يبقى لى ايمه مش كل حاجه تمشى على راى الام بس المهم انها كانت جميله جدا


    اسراء

    ردحذف
  33. جميلة جدا جدا فوق الرائعه بجد ماشاء الله اسلوبك رائع

    ردحذف
  34. القصة ممتازة جدا وكتباتك رائعة ربنا يوفقك يارب

    ردحذف
  35. انتى بجد اكثر من مبدعة انا بقيت من مدمنين كتاباتك وخليت كل صحباتى تقرألك الحقيقة برافوا عليكى اسلوبك اكثر من سلس وكتاباتك واقعيه جدا شااااااابوا ليكى

    ردحذف
  36. بصراحة القصة روووووعة تسلم ايدك بجد استمتعت جدا بيها
    وانتى انسانة موهوبة وانا قرأت لناس كتييير قبل كده بس قصصك انتى بالذات اللى بستمتع بيها وبحب اسلوبك فى الكتابة جدااا
    وبحس ان انا عايشة جوه القصة وبتكون واقعية وبصراحة بستفيد كتييييير اوى من كتاباتك ربنا يوفقك يارب يا استاذة دينا
    وانا متبعاكى من فترة طويلة بس للأسف مكنتش بشارك بكومنت :( اعتذر منك واحب اعرفك انى تقريبا كده اصغر متابعة ليكى :)
    لان سنى 17 سنة واتمنالك التوفيق فى حياتك ان شاء الله

    ردحذف
  37. بجد رائعه بحب كتباتك اوي واعرفي انا على طول متبعاكي :) بحب قصصك اوووي ♡♥

    ردحذف
  38. جامدة انتى بجد جامدة

    ردحذف
  39. السلام عليكم انا عندي ملاحظة واحدة هي ان استخلصت حاجة من القصة هي الاسلوب يعني الام صح في خوفها و كمان كان دايما او تقريبا في اغلب الاحيان معاها حق بس اسلوبها و خوفها الزيادة ومبالغتها و كمان طريقة تعاملها مع الامور و بالمقابل اسلوب جوزها و اولادها برده في التعامل مع الامور بس انا كالعادة بتخيل نفسي في شخصية معينة او بمعنى اصح بعيشها كنت الحماة اتحرق دمي جامد و خفت عالولاد جامد وكل المشاعر اللي عاشتها ايمان غالبا و كمان خفت من الجواز فكرت انسى فكرة الجواز دي خالص هههههههههههههههههههههههههههههههه

    ردحذف
  40. وبحب اسلوبك وكتاباتك ماشاء الله انتي موهوبة و كمان احب اقولك عبارة سمعتها " ان الكاتب اللي يكتب و لما القارئ يقرا ويقدر يكون يعني يتخيل نفسو في شخصية او يعيشها معنى ده ان الكاتب نجح جدا ده فيما معنى العبارة " وانا مبسوطة جدا من كتاباتك

    ردحذف
  41. تحفة اقل مايقال عنها اصلا كل قصصك بتشدنى ومش بستريح الا لما اخلصها القصة كلها بحس انى متعايشة مع القصة

    ردحذف
  42. الصراحة القصة جميلة جدا واسلوبك كمان جميل جدا ومشوق وفعلا بتعبر عن الواقع اللى احنا عيشينه

    ردحذف
  43. القصه جميلة جدا بس كنت احب ان يكون فيه قصة حب تجمع بين اسماء وهشام وميكنشي جواز نتيجة الظروف فقط _ هاله

    ردحذف
  44. القصه جميلة جدا بس كنت احب ان يكون فيه قصة حب تجمع بين اسماء وهشام وميكنشي جواز نتيجة الظروف فقط _ هاله

    ردحذف
  45. حلووووة جدا واسلوبك رائع

    ردحذف

قول رأيك بلاش تقرا وتقفل من سكات...ارائكم تهمنى