الخميس، 30 يونيو 2011

ذكرى سارة...الحلقة 13


الحلقة 13
ردت ميرفت"مااحنا بنتفق اهو...خلاص على بركة الله نكتب الكتاب الاسبوع الجاى ونبدأ نجهز للفرح الكبير بعد ما سارة تخلص امتحانات"
رجاء"بسرعة كده"
سوسن"ربنا يتمم بخير ياولاد...يالا قوموا افتحوا لنا اغانى وارقصوا وهيصوا...لولولوى ى ى ى ى"
وقامت غادة فتحت الاغانى وقعدوا يزغرطوا ويسقفوا وسارة وادهم قاعدين جنب بعض وكانوا فى قمة سعادتهم...اما رجاء فكانت حاسة انها اتحطت قدام امر واقع وانهم كلهم اتفقوا عليها

راحوا تانى يوم جابوا الشبكة وكان ادهم فاهم كل تلاكيك رجاء ومش بيرد عليها... وكان اللى مساعده على كده التفاهم اللى بينه وبين سارة على كل حاجة مخلى محاولات رجاء كلها بتبقى هباء
وتم كتب الكتاب وبعدين بدأت الدراسة وكان الروتين اليومى ان ادهم بيعدى على سارة بعد الكلية ويروحوا مع بعض...وكانوا بيعزموا على غادة انها تروح معاهم بس غادة كانت بتتكسف  واصبح لكل من سارة وغادة طريق مختلف بعد ارتباط سارة بادهم
ومرة بعد الكلية وهما راجعين
"حبيبتى..تعالى نتغدا مع بعض النهاردة"
"بس ماما ياادهم"
"مالها ماما نكلمها فى التليفون ونقولها"
"طيب بس انا قصدى انها مش بتتغدا لوحدها"
"ياحبيتى احنا من يوم ماكتبنا كتابنا من شهر مخرجناش يوم من اوله مع بعض...ومش بقولك اليوم كله نتغدا واروحك على طول"
واتصلت سارة برجاء
"ماما انا مع ادهم ...هنتغدا بره وارجع على طول"
"لالالا خليها مرة تانية وبلاش النهاردة"
"ليه ياماما اشمعنى النهاردة"
"مفيش بس انا مستنياكى والاكل جاهز"
"معلش ياماما هنروح ومش هتأخر عليكى..خلاص...سلام"
وقفلت سارة بسرعة قبل مامتها ما تتطلع لها حجج جديدة وراحوا اتغدوا مع بعض وقضوا ساعتين من احلى اوقات حياتهم...يأكلوا بعض وياكلوا مع بعض وكانت سارة حاسة انها منطلقة ونفسها مفتوحة للدنيا بحالها... وادهم كمان كان فى منتهى السعادة... وبعد مااتغدوا واتمشوا شوية روحها ادهم وقالت سارة
"ماتيجى تقعد معايا شوية"
"لا ياحبيبتى لاحسن ماما تكون نايمة ولا حاجة"
"تعالى شوية وابقى انزل"
"حاضر علشان خاطرك"
وطلعوا مع بعض واول مافتحت بالمفتاح سمعت صوت رجاء
"لسه فاكرة تيجى دلوقتى...مكملتيش لبكرة مع بسلامته ليه"
وبصت سارة لادهم وهى مكسوفة من كلام مامتها وبص لها ادهم
"ماما ادهم معايا"
وجت رجاء
"اهلا ياادهم...بص بقى مينفعش اللى بيحصل ده"
"خير ياطنط هو ايه اللى بيحصل"
"كل يوم تروح تجيبها من الكلية والنهاردة تاخدها تلف بيها مينفعش كده...الناس تقول ايه..ناقص تبات عندنا"
"ناس مين ياطنط...سارة تبقى مراتى"
"مراتك ده ايه....قصدك ايه واوعى تكون اخدت بنتى بيتكوا "
"ياطنط سارة مدخلتش بيتنا خالص"
"تبقى اخدتها حتة تانية"
"انا اقصد مراتى ان محدش يقدر يتكلم عليها لانها مع جوزها مش مع واحد من الشارع رايحة وجاية معاه"
"انت كده بتشغلها عن المذاكرة...وهى فى بكالوريوس"
"يعنى حضرتك عايزة ايه بالظبط"
"تخف مقابلاتك معاها بقى لحد ماتخلص امتحانات...وبعدين انت قاعد ولا عملت حاجة ولا شفت شقة ولا اتقدمت خطوة ولا هو كان كلام مدهون بزبدة وطلع عليه النهار ساح"
"عموما اللى تشوفيه وانا مكلم اكتر من سمسار ومستنى لما اشوف شقة تعجبنى"
"تعجبك انت...وبنتى اللى هتعيش فيها"
"اللى سارة تقول عليه انا موافق عليه واللى هتقول عليه لأ خلاص"
كانت سارة واقفة تسمع كل الكلام ومش عارفة ترد وحست بالذنب انها هى اللى مسكت فى ادهم يطلع معاها... وكانت نفسها تعتذر له بس لقت ادهم قبل ما تتكلم
"طيب بعد اذنكوا...مش عايزة حاجة ياسارة"
"ادهم استنى اقعد شوية"
"لا معلش كفاية كده"
ونزل ادهم وسارة كانت زعلانة على زعله...بعد مانزل
"ليه كده ياماما الكلام البايخ ده"
"امك دلوقتى بقى كلامها بايخ...خلاص ملا ودانك ضدى وكرهك فيا"
"هيكرهنى فيكى ليه...احنا مجبناش سيرتك خالص"
"طبعا ماانا العدوة اللى سيرتى هتعكر مزاجكوا...تجيبوا سيرتى ليه...انتى تسيبينى مرزوعة لوحدى وسط ال4 حيطان ...مش مهم انا ...انا اللى طول عمرى شايلة همك انتى ولا حاطانى فى دماغك"
واتأثرت سارة بكلام مامتها وخدتها فى حضنها
"ياماما انتى اهم حد عندى فى الدنيا كلها ومش ممكن انشغل عنك تانى ابدا حتى لو بأدهم...انا بحب ادهم بس انتى حبك نوع تانى"
وحست رجاء بالرضا من كلام سارة
"خلاص اسمعى كلامى وركزى فى مذاكرتك ادهم مش هيطير"
"حاضر ياماما"
وقررت سارة انها تتعامل مع مامتها بالطريقة اللى تريحها علشان تبطل تضايق ادهم ودخلت اتصلت بادهم واعتذرت له عن كلام مامتها واتفقوا ان نظامهم كل يوم مش هيتغير بس مش هتقول لمامتها انها بتشوف ادهم كل يوم... وعاشت فترة من الصفاء الى حد ما لما بعدت التعامل بين ادهم ورجاء وكانت بتتعامل مع كل منهم على حدة...وارتاحت رجاء جدا لما عرفت ان سارة وادهم مش بيتقابلوا كل يوم
وبعد اسبوعين تقريبا وبعد ماسارة رجعت من الكلية
"ماما ادهم كلمنى النهاردة وبيقول فى شقتين السمسار جابهم وعايزنا نروح نتفرج عليهم ونشوف المناسبة فيهم"
"لا مش مهم"
"مش مهم ايه"
"انا كنت مكلمة سمسار وجاب شقة وشفتها امبارح وعجبتنى واتفقت معاه انكوا تخلصوا فيها"
"من غير مانشوفها"
"انا قلت انها مناسبة وكويسة...ووالله ان ماوافقتى ع الشقة دى ماانا راضية عنك ولا عن جوازتك ولا داخلالك بيت"

هناك 17 تعليقًا:

  1. bsara7a hya keda mzawedaha awiii y3ni ezay b3d ms shafet bntaha t3bet men 3mayelha t3mel keda ...
    nona

    ردحذف
  2. نونا
    هى مش عايزة تصدق ان بنتها فعلا هتتجوز وتبعد عنها
    وكمان بتكره ادهم لان بنتها بتحبه

    ردحذف
  3. لا بجد ست ممللللللللللللللللللله
    بويز دي بو خااااااااااالص

    ردحذف
  4. شذى
    هههههههههه هيثم دبور يانااااااس

    ردحذف
  5. ايه مامت ساره دى
    دى عايزه تخنق عليهم فى اى حاجه وخلاص
    انا زهقت لساره سلف ههههههههههههه

    ردحذف
  6. ايه الوليه النكديه دى
    نوسه القاضى

    ردحذف
  7. القصة دى بتفكرنى ب فيلم عريس من جهة امنية الست دى بالظبط زى عادل امام وانا خلاص اتخنقت منها واضيقت من تصرفتها ....

    ردحذف
  8. بنت من الزمن ده
    هههههههههههههه انا كمان اتخنقت لادهم سلف

    ردحذف
  9. نوسة
    ههههههه نكدية رجاء فعلا

    ردحذف
  10. محمد
    هى فعلا بتتشابه فى موضوع التطفيش
    بس طبعا مش دى المشكلة الاساسية فى القصة

    ردحذف
  11. ايه الرخامة بتاعة الست دى

    ردحذف
  12. بس اكيد في حاجة تانية هتحصل و العالعموم انت يادينا بجد هائلة وانا بحب اقرء قصصك H.A

    ردحذف
  13. لو سمحتي فين الحلقات الباقيه :(

    ردحذف
  14. رجاء دي رخمه اوووووووووووووووي :(

    ميس

    ردحذف
  15. ههههههههه انا دلوقتي عرفت ابو ساره مات ليه =D

    ردحذف
  16. شكرا يا دينا بجد قصصك جميله اوي

    بس بجد رجاء دي رخمممممممه اوي

    مريم

    ردحذف
  17. شكرا يا دينا بجد قصصك جميله اوي

    بس بجد رجاء دي رخمممممممه اوي

    مريم

    ردحذف

قول رأيك بلاش تقرا وتقفل من سكات...ارائكم تهمنى