الأحد، 19 يونيو، 2011

ذكرى سارة...الحلقة 2

الحلقة 2
كانت مفاجأة سارة وغادة مش فى صوت الفرملة اللى كانت على قطة فى الشارع... لا دى كانت لانهم لاول مرة بيشوفوا الشقة اللى قدامهم بالظبط مفتوحة... وواضح ان فيها عمال بيوضبوا فيها
"ايه ده ياغادة الشقة اللى قدامكم مفتوحة"
"اه تصدقى اول مرة من سنين اشوفها مفتوحة"
"طيب اكيد جايلكوا جيران جداد زى ما كان نفسك ههههه"
"خلاص بقى بعد ايه... فاكرة اما كنت اقعد اقولك كان نفسى الشقة اللى قدامنا دى الاقى فيها شاب حلو كده ونحب بعض علشان ابقى حبيت ابن الجيران زى مابسمع"
" يعنى مفيش ابن جيران فى اى شقة تانية فى العمارة"
"ياختى فيه طبعا... بس فى ابتدائى او بنات...هنعمل ايه بقى ماليش نصيب احب ابن الجيران"
طيب ياستى...يمكن يكون فيه امل فى الجيران الجداد"
كملوا ضحكهم وحكاياتهم وخلص اليوم على كده
تانى يوم فى الكلية لقيت سارة محمود بيوقفها
"سارة ...عايزك"
"نعم"
"تعالى نقعد فى اى حتة نتكلم"
"لا معلش مبقعدش مع حد فى اى حتة"
"هو انا حد"
"انت عايز ايه"
"انا بحبك ياسارة وعايز نقرب من بعض اكتر... ومستعد اكلم مامتك من دلوقتى بس لما نخلص ابقى اتقدم رسمى"
"قلت لك قبل كده انت بالنسبة لى زميل وومكن اخ انما مش اكتر من كده"
"انا داخل رسمى مش بهزر ولا عايز صحوبية"
"وانا مقلتش حاجة وانت كويس واى واحدة تتمناك بس انا بعتبرك اخ.. ومش بفكر فى اى ارتباط دلوقتى ...انا رايحة المحاضرة انت مش هتحضر؟"
وقبل ماتسمع رد سابته ومشيت على محاضرتها وهى مش عارفة تقول ايه اكتر من كده.. هى فعلا مش بتكرهه بس مش بتحبه

وبعد مارجعت سارة وبتحكى كعادتها لمامتها اتغيرت رجاء وقلبت وشها بتكشيرة وبوز وردت
"هو الواد ده ماله ومالك... شكله لازم يقف عند حده"
"مالك يا ماما انتى اتضايقتى كده ليه... هو مش بيضايقنى اوى او بطريقة فيها قلة ادب بالعكس هو قالى عايز يخطبنى بس انا اللى مش عايزة ارتبط بيه مش عيب فيه بس انا مش بحبه الحب اللى يخلينى اعيش حياتى كلها معاه"
"يعنى ايه .. يعنى لو كنتى بتحبيه كنتى وافقتى عليه"
"طيب ايه الغريب فى كده ياماما"
"لسه بدرى عليكى... جواز ايه دلوقتى"
"ماما انا عندى 21سنة وكمان كام شهر اتخرج من الكلية يبقى ازاى لسه بدرى"
"وانتى تقصدى ايه باستعجالك ده انتى تعرفى حد"
"اعرف حد ازاى يعنى لو قصدك حب وكده اكيد معرفش حد ولو كان فيه كنت هقولك زى مااتعودنا"
وكأن رجاء كانت مستنية الكلمتين دول ورجعت فكت التكشيرة وغيرت الموضوع بحكايات تانية من هنا وهناك
وعدت الايام من غير اى جديد ومحمود كل كام يوم يحاول يكلم غادة او سارة علشان يتقدملها وكل مرة الرد مبيتغيرش
 لحد يوم وسارة وغادة فى الكلية
"معرفتيش يا سارة اخر خبر"
"خير"
"مش الشقة اللى قدامنا سكنت"

هناك 11 تعليقًا:

  1. هههههههههههههههههههه
    هو بقي ده فارس الاحلام
    بس الحلفات قصيره موووووووووووووت طوليها شوية بقي

    ردحذف
  2. شذى
    ان كان هيبااااااااان
    هههههههه هحاول حاضر من عونيا

    ردحذف
  3. ههههههههههههههههههه يبقى هتلاقى ابن الجيران
    عريس المستقبل ههههههههه

    الحلقه قصيره اوى يا دينا طولى شويه

    ردحذف
  4. غير معرف
    هههههههه يمكن تلاقيه ويمكن لأ
    هحاول اطولها شوية

    ردحذف
  5. wallahe so short... Try to make to make it longer next time..

    I still don't have a good reflevtion about this story

    good luck and c ya next post

    ردحذف
  6. توتا
    ولو انى مش عارفة ليه قلبتى على انجليزى
    بس عموما هحاول اطولها شوية كمان ان شاءالله
    واكيد فى الاول لسه مبانتش اوى

    ردحذف
  7. كنت بكلمك من الاي باد ومش بعرف اجيبه عربي.. اتخنقت منه وفتحت اللاب اريح هههههههههه

    حاولي كتير احسن ازهق والله.. لسه ما حفظتش اسم من كترهم.. كل شويه بنط فوق علشان اعرف مين الي يتكلم فيهم

    ردحذف
  8. هههههههههه ولا يهمك
    ياستى بكرة تحفظيهم

    ردحذف
  9. الله ينور يا دينا ..والقصة محبوكة قوي ..تسلم الأيدين ..

    ردحذف

قول رأيك بلاش تقرا وتقفل من سكات...ارائكم تهمنى