الاثنين، 20 يونيو 2011

ذكرى سارة...الحلقة 3

الحلقة 3
ضحكت سارة وقالت
"ياترى ياغادة هييجى ابن الجيران بعد مااستنيتيه السنين اللى فاتت دى كلها"
"هو انا لحقت اشوف حد دول لسه ساكنين امبارح"

الايام اللى بعد كده كانت غادة بتحاول تعرف اى حاجة عن الجيران الجداد ولكن يدوب لمحت شاب وسيم وخمنت ان سنه فى النص التانى من العشرينات... بس مش عارفة تعرف حاجة اكتر من كده... وقعدت ايام كتير تحاول ان تلفت نظره ولو بنظره ولكنه كان دايما مش بيبص على حد وخلال شهر كانت حفظت مواعيده وعرفت اسمه

ادهم... شاب عنده 27سنة صيدلى من اسرة شرقاوية ميسورة الحال استقر فى القاهرة هو ومامته بعد جواز باباه من واحدة تانية ...قررت مامته ميرفت انها تعيش مع ابنها وتسيب البلد ولكنها لسه على ذمة جوزها ويواليهم بالحضور كل فترة... اما المصاريف فهو لايبخل عليهم ابدا بالاضافة ان ميرفت لها ورث يكفيها جداااا

كانت غادة متابعة ادهم وحفظت مواعيده...الا معاد نزوله الصبح لانها بتكون فى الكلية وبيرجع الساعة 3 وبتشوفه قاعد فى البلكونة بيشرب الشاى الساعة 7 وينزل 7 ونص... ويرجع 12 بالليل...ده كان الروتين اليومى لادهم اللى نادرا لما بيتغير مثلا يوم الخميس ممكن يرجع متأخر ومتلحقش تشوفه رجع امتى.

كانت غادة بتحاول لفت نظر الشاب الوسيم ابن الجيران بنظرة حتى ولكنه كان لما بيقعد فى البلكونة كان يدوب وشه فى شاشة اللاب توب طول النص ساعة اللى قاعدها
وفى يوم سمعت مامتها بتقولها
"تصدقى ياغادة الجيران اللى قدامنا واضح انهم ناس كويسين اوى"
"انتى عرفتى حاجة عنهم"
"اه وانا نازلة الصبح وخارجة من العمارة شفت ام ادهم خارجة هى كمان من العمارة اللى هما فيها"
"هو اسمه ادهم"
"هو مين"
"ا ..ا..انا لمحت واحد فى البلكونة بتاعتهم فبسأل بس"
"اه لقيتها بتسألنى عن اقرب كهربائى وعرفتنى بنفسها انهم جداد على القاهرة وعايزة تعرف المنطقة كويس علشان لما تحتاج حاجة وابنها مش موجود"
وحكت سوسن لغادة كل اللى عرفته عن ميرفت وادهم

كانت غادة بتحكى دايما لسارة عن ادهم وانها مش عارفة تلفت نظره ليها وكانت كل مرة سارة بتروح لغادة يكون بعد معاد نزول ادهم وف مرة قالت سارة
"تعرفى ياغادة انى نفسى اشوف ادهم الغامض ده"
"ماانتوا كل مابتيجوا عندنا بتيجوا بعد 8 ويكون نزل"
"خلاص انا هقول لماما نيجى نتغدى عندكوا بكرة... علشان نلحق بقى المواعيد كلها... شوقتينى اشوف الواد التقيل"
وتانى يوم فعلا روحت سارة مع غادة على البيت وكانت مامتها سبقتها على بيت سوسن
وفى لمحة بسيطة قدرت سارة تلمح ادهم وهو طالع البيت وبعد مااتغدوا
"بصى بقى ياغادة مش معقول طول الوقت ده وانتى بتبصيله وهو مش دارى اصلا... لازم ياخد باله منك بس ازاااااااااى؟؟"
وطول المدة اللى ادهم قاعد فيها فى البلكونة والبنتين واقفين وهو ولا دارى وفجأة
"بت ياغادة هو بينزل الساعة كام بالظبط"
"7ونص"
"انا هخليه ياخد باله منك حالا... احنا 7وتلت يدوب"
"يدوب ايه بس"
"قومى تعالى وهقولك تحت"
جرتها سارة وقالت لمامتها
"ماما احنا نازلين نجيب عصير من تحت"
ردت رجاء
"وعصير ليه دلوقتى... واحنا مروحين نبقى نجيب"
ردت سوسن
"سيبيهم يجيبوا اللى نفسهم فيه... انزلوا ومتتأخروش"
جروا البنات بسرعة
"يا سارة فهمينى هتعملى ايه"
"احنا هنجيب عصير ونشربه واحنا ماشيين... ونستنى قرب الباب وسى ادهم معدى اخبطى فيه.. واعملى ان العصير غرق هدومك بسبب خبطته فيكى... هيعتذر نقوله مفيش مشكلة وانك ساكنة هنا ونشاور له على البيت وياخد باله منك ونخلص بقى"
"تفتكرى ممكن"
"يالا احنا لسه هنفكر"
وراحوا اشتروا العصير وهما راجعين ناحية بيت ادهم ظهر ادهم فى اتجاههم
"يالا ياغادة استعدى... اول مايقرب"
"لالالالا مش هقدر... انا مكسوفة... مش هقدر"
ولما حست سارة ان خطتها هتضيع هباءا...اول ماادهم قرب
بسرعة زقت غادة ناحية ادهم ونفذت جزء من الخطة... بس اللى مكنتش عاملة حسابه ان غادة مخبطتش فى ادهم بس العصير اتهز فى ايدها وطراااااخ فى وش ادهم وهدومه
من كتر احراج غادة جريت بسرعة على بيتها وهى بتقول
"اسفة اسفة...مش قصدى"
ووقف ادهم وسارة متواجهين تماما بدون اى كلام.

هناك 18 تعليقًا:

  1. امممممممممممممممم
    واضح ان سارة حترتبط ب ادهم فى الاخر

    ردحذف
  2. التاااااااالته ؟
    نَزلتيهم امتى دول ؟
    ..
    عاااااا .. بقى يا دينا ..
    استني عليا هقراها م الأول .. :((

    ردحذف
  3. ههههههههههههههههه صح من الواضح هيحب ساره مش غاده
    ربنا يستر بقااااا

    يويااااااااااا

    ردحذف
  4. قَريتهم .. :DD

    اممممم .. مِش عارفَه اخمن بَقى ..
    إذا كان ادهم هيعجب بساره أو لأ ..

    بس صحيح أحب اقولك .. حلو اسم ساره ..
    - مش اكمنه اسمي ولا حاجه بتاتاً :PP -

    ردحذف
  5. ههههههههههههههههههههههههههههههههههههه من حفر حفرة لاخيه وقع فيها خخ

    هيقع ف حب ساره وراحت عليكي يا غاده يا هبله خخ

    ردحذف
  6. غير معرف
    اممممممم مش عارفة
    هنشووووووووف هههههههه

    ردحذف
  7. حباية بندول
    يعنى مكنتيش بتتابعى الايام اللى فاتت عاااااااااا
    واسم سارة لازم يطلع حلو علشان اسمك يا قمراية

    ردحذف
  8. يويا
    امممممممم
    يمكن ههههههه

    ردحذف
  9. توتا
    يعنى الاتجاهات كلها بتتوقع انه هيحب سارة
    ياااااااامسهل

    ردحذف
  10. هى الناس كلها فعلا بتقول ان الاتجهات بتقول انه هايحب سارة بس انا ببص ايه اللى هايحصل بين سارة وغادة بعد ما ده يحصل هو ده التحدى اللى صح

    امتعينا امتعينا

    بس على فكرة انا مستغرب من حتة ان واحده تحب المكان (الجيران) وبعدين يطلع المكان اللى بتحية فيه ولد وسيم غريبة صح
    أبدعتى

    ردحذف
  11. واضح ان جو القصة رومانسى وفعلا يا دينا اسلوبك حلو اوى انا قريت التلات حلقات النهاردة وكويس انك نزلتى القصة بسرعة لان كنت متشوقة اقرا القصة الجديدة بس يارت الحلقة تبقى اطول من كدة انا لو كنت قريت اول حلقة بس وفضلت مستنيه التانية كان ممكن يجرى لى حاجة يالتوفيق دايما يا قمر

    مي

    ردحذف
  12. ودي كانت بدايه تعارف ادهم بساره ويحبها وهي تبقي في صراع بين غاده وادهم وتبقي ممزقه
    حلوة ممزقة دي صح :)))))))))))))))))
    اوعي يكون كلامي صح
    ههههههههههههههههههههههههههههه

    ردحذف
  13. محمد حجاز
    لو التوقعات صحيحة هيبان بقى ايه اللى هيحصل
    ومش غريبة ولا حاجة البنات بتحب الحب قبل الحبيب
    دى طبيعة يعنى عادى
    وميرسى لمتابعتك وكلامك الجميل

    ردحذف
  14. مى
    ربنا يخليكى على ذوقك وكلامك الحلو
    والقصة بتطول مع الدخول فى الاحداث
    وهتبدأ الاحداث متقلقيش والتطويل كمان
    نورتيييييييييييينى

    ردحذف
  15. شذى
    هههههههههه حلوة ممزقة دى
    اممممممم مش هقووووووول صح ولا

    ردحذف
  16. شكل الموضوع هيجى فى ساره مش غاده :))
    جميله اوى يا دينا
    مستنيه الحلقه الجديده :)

    ردحذف
  17. بنت من الزمن ده
    تقريبا توقعك صح ههههههههه
    ميرسى ياجميل
    ومنورااااااانى

    ردحذف
  18. حلوة قوي يادينا واحداثها لغاية دلوقتي منطقية ..تسلم ايديكي

    ردحذف

قول رأيك بلاش تقرا وتقفل من سكات...ارائكم تهمنى