السبت، 2 يوليو، 2011

ذكرى سارة...الحلقة 14


الحلقة 14
"ليه ياماما بتحلفى كده...طيب استنى لما نشوفها مش يمكن تكون مش مناسبة"
"انا قلت لك انها كويسة ومناسبة...تعالى شوفيها"
ودخلت رجاء على اوضتها...ودخلت وراها سارة
"اشوفها فين ياماما...انتى هتطلعيها من شنطتك"
"لا يا فالحة هوريهالك من بلكونة اوضتى"
"اااااه قولتيلى ...علشان كده مناسبة وكويسة"
"عندك اعتراض...ولا البيه عايز ياخدك بعيد"
"وانا اقدر ابعد عنك برضه يا ماما"
واتصلت سارة بادهم وحكت له
"ادهم فى شقة هنا جنبنا تعالى نشوفها الاول"
"والراجل اللى مستنينا النهاردة"
"عادى يعنى ياحبيبى لو معجبتناش دى نبقى نشوف الشقق التانية"
"حاضر يا حبيبتى اللى تشوفيه"
وراحوا اتفرجوا على الشقة...وكان ادهم معترض على بعض حاجات فيها بس سارة قالت انها مرتاحة للشقة وعلشان تبقى قريبة من مامتها وسمع كلامها وفعلا اشترى الشقة وبدأ يوضب فيها وانشغلت سارة بامتحاناتها والنتيجة وكانت الشقة خلصت واشتروا كل اللى كان ناقص وفرشوا الشقة
وطبعا الحياة مكنتش بتخلو من المنغصات اللى بتفتعلها رجاء بس ادهم كان بيعديها علشان سارة...وسارة كانت بتحاول تراضى مامتها من ناحية وادهم من الناحية التانية
غادة كانت مع سارة وادهم فى كل حاجة بناءا على رغبتهم
واتحدد معاد الفرح

من يوم مكالمة ميرفت وادهم وفيه قطيعة بينهم بسبب جوازة ادهم
ميرفت من ناحيتها شايفة ان فتحى مش من حقه يحرم ادهم من اللى بيحبها زى ماهو اتجوز من غير مايراعى شعورهم
وفتحى شايف ان ميرفت ووقوفها جنب ادهم وتكفلها بكل مصاريف جوازه ده تحدى ليه
وكان ادهم بيكلم باباه كل فترة بس دايما كان بيرد عليه بطريقة بايخة بس ادهم كان بيحاول ميقطعش صلته بيه
وقبل الفرح باسبوع...قرر ادهم انه يحاول مع باباه يمكن يحضر واتصل بيه فعلا
"ازيك يابابا...وحشتنى"
"اهلا ياادهم...اخبارك ايه"
"انا الحمدلله بخير...انا فرحى الاسبوع الجاى"
"يعنى مفيش فايدة نفذت اللى فى دماغك"
"يابابا معدش له لازمة الكلام ده...انا نفسى تيجى تفرحنى...انت حتى متعرفش عروستى "
"كفاية عليك امك اللى عملت كل حاجة غصب عنى"
"يابابا ارجوك مالوش لازمة الكلام ده...هستناك فى الفرح"
"معتقدش انى هقدر اجى...مع السلامة"
وحس ادهم بخيبة امل بعد رفض باباه انه يحضر الفرح

الفرح كان فى قاعة شيك وكانت كل حاجة حلوة بس ادهم كان ناقصه حاجة...وجود باباه
وحاول ان محدش يحس باى حاجة وخصوصا سارة
وفجأة شاف باباه داخل القاعة..مقدرش يستنى من فرحته ونزل من الكوشة وراح استقبل باباه وباس ايده
واتبدل الحال الفرح بقى فرح فعلا العروسة والعريس بيرقصوا ومبسوطين وغادة معاهم وسوسن وميرفت
اما رجاء فكانت قاعدة فى جنب ومش بتشارك معاهم خالص
وخلص الفرح وروحوا البيت وراح معاهم رجاء وميرفت وفتحى وطلعوا معاهم...كان ادهم عايز يصالح مامته وباباه قبل ما ينزلوا وفى نفس الوقت مش قادر يتكلم فى خصوصيات حياتهم قدام رجاء
وفكر ان اول ما رجاء تمشى يفتح الموضوع...ولقاها قاعدة مش بتقوم وسارة قاعدة معاهم بالفستان... وكل واحد قاعد فى كنبة ومحدش بيتكلم
ميرفت"انا قايمة ياادهم تصبح على خير يا حبيبى"
ادهم"لا استنى ياماما عايزك انتى وبابا"
رجاء"يبقى انا اللى وجودى غير مرغوب فيه...متشكرين اوى"
سارة"ازاى ياماما متقوليش كده ده انتى منورانى"
رجاء"لا ماهو ادهم ماسك فى امه وابوه وبيقولى بالمحسوس كده قومى انتى"
ادهم"لا ياطنط مقصدش طبعا بس انا كنت عايزهم فى موضوع خاص"
رجاء"ماهو انا اللى غريبة وسطكوا...خدتوا البنت خلاص"
فتحى"ياست انتى مفيش فايدة فيكى...انا تانى مرة اشوفك والمرتين ماشاءالله لسانك بيطول اكتر واكتر"
رجاء"انت بتشتمنى...اما راجل قليل الادب"
فتحى"ماتتلمى يا ست انتى"
سارة بتعيط"ايه ده...انت بتشتم ماما ليه"
ادهم"جرى ايه ياسارة ماهى اللى بدأت"
رجاء"انا عملت حاجة انا كنت قايمة ماشية رايحة بيتى لقيت ابوك بيشتمنى...على العموم لو كانت بنتى عاملالى كرامة مكنش حصل كده"
سارة"ازاى ياماما انتى على عينى وراسى والبيت بيتك"
فتحى"شفتى ياست ميرفت انى كان معايا حق...دى جوازة هم من اولها كده البت بتقول لامها البيت بيتك واحنا بره"
ادهم"لا يابابا اكيد سارة متقصدش وهتعتذرلك"
فتحى"تلاقيها لسانها طويل زى امها"
رجاء"انت كمان بشتمنى تانى وبتشتم بنتى كمان ومن اول يوم...اومال بعد سنة هتعملوا فيها ايه"
سارة"شكرا يا عمو...ماما يالا بينا من هنا...طلقنى ياادهم"

هناك 16 تعليقًا:

  1. ههههههههههههههههههه
    مافيش فااااااااااااايده
    رجاء دي حتفضح البنت والله العظيم
    والله ادهم كان مفروض يقولهم كلكو بررررررررره
    هههههههههههههههههههههه
    انها حقا هائلة مجنونه

    ردحذف
  2. هههههههههههههههههههه اية الغم دة يوم الدخلة

    ردحذف
  3. اففففففففففففففففف اي القرف دة يعني قولنا الدنيا اتعدلت نلا قيها و ليلة الفرح طلقني نعم يا ..... يعني احنا مستنيين انهم يتجوزو و يخلصو منها و تنكد عليهم يوم الفرح يا ربي افففففففففففففففففففف كمان مرة

    ردحذف
  4. شذى
    هههههههههههههههه
    طبعا عائلة مجنونة...رايحين وقاعدين وبيغيظوا بعض كمان يبقوا ايه غير مجانين
    وبقيتى اول كومنت اهو ههههه

    ردحذف
  5. فروتى
    هههههههههه رجاء بدأت الغم معاهم من زمان
    وابو ادهم استلم منها الراية

    ردحذف
  6. اسراء
    هههههههههههههه طيب اففففففف من عندى انا كمان
    بس من رجاء وابو ادهم اللى عاملين زى عكس عكاس

    ردحذف
  7. hhhhhhhhhhhhhhhhhhhhhhhhhhhhhhhhhhhhhhhhhhhhhhh eh elleila elbeda deh !!!! msh momken bgd hate7'reb 3la bntaha kda men awelha hhhhhhhhhhhhhhhhhhh

    ردحذف
  8. والله انا قولت دى نكدية وست غريبة وعندها حب امتلاك دينا بجد حاولى تغيرى مجرى القصة بسرعة علشان انا خلاااااااص سارة صعبانة عليا وشكلها كدة غادة هاتتجوز ادهم فى الاخر ودى تكون القافلة الصح ...

    ردحذف
  9. ايه ده بأه ايه التهريج ده من ليلة الدخلة كده

    هو كان فرح ولا خناقة

    لا حاولى تغيرى شوية دا احنا ما صدقنا الدنيا اتعدلت
    :)

    ردحذف
  10. حلوة اوووووووووووووى كل قصصك بجد تحفة تحفة

    ردحذف
  11. والله بت جددددددددددددددعه ،، اصلا ادهم هو اللى غلطان وابوه زباله ..

    2T_^

    ردحذف
  12. هو فى حد بيدخل حد عنده الشقه ليله الدخله المفروض مافيش حد يدخل خالص أيه الناس الغريبه ديه انا لو من أدهم بعد ماأخلص فرحى وأطلع على شقتى هأحط كلبين حراسه على السلم يمنعوا أى حد يطلع ده الاحساس نعمه حتى اهى الجوازه باظت ^_^

    ردحذف
  13. ههههههههههههههههههههههههههههههههههههههههههههههههههههههه مش قادرة أبطل ضحك
    جااااااااااااامدة جداااااا

    ردحذف
  14. ههههههههههههههههههههههههههههههههه
    يامجانين

    ردحذف
  15. ههههههههههههههههههههههههههههههههههههه ايه الجنان ده هههههههههههههه .. ربنا يستر علي اللي جي بقي :D

    ردحذف
  16. هههههههههههههههههههههههههههه ايه الجنان ده .. ربنا يستر علي اللي جي بفي :D

    ميس

    ردحذف

قول رأيك بلاش تقرا وتقفل من سكات...ارائكم تهمنى