الأحد، 17 يوليو 2011

ذكرى سارة...الحلقة 30 والاخيرة

الحلقة 30 والاخيرة
رجع ادهم وغادة على بيتهم... واكتشف ادهم انه بيحب غادة فعلا وخصوصا بعد الحمل وحس ان ربنا بيعوضه بزوجة وحبيبة وابن او ابنة ... عاشوا فى سعادة وكل واحد فيهم بيسعد التانى اكتر
وبدأوا تجهيز اوضة البيبى حتة حتة مع بعض ولما وصلت غادة للشهر السابع كانت الاوضة مستعدة المولود يشرف فى اى وقت
وولدت غادة فى ميعادها الطبيعى ...كان المولود ولد وسموه محمد
وعملوا سبوع كبير احلى من سبوع ذكرى
ومرت الايام وانفصل ادهم عن شريكه واشترى صيدلية تحت بيته علشان يكون قريب من غادة وابنه محمد
وبعد 3 سنين جابت غادة ولد تانى"احمد"
وكانوا مثال للاسرة السعيدة
اما ادهم فكان بيفتكر سارة على فترات...كان بيفتكرها مع غادة واتفقوا انهم يعملوا صدقة جارية باسم سارة
وفكروا كتير ايه احسن حاجة ...لحد ما توصلوا ان كفالة اليتيم هى اكبر ثواب وفعلا كان فيه مبلغ شهرى بيبعته ادهم لدار ايتام فى ظرف من غير ما يكتب اسمه او عنوانه
كان دايما بيبعته مع العامل اللى عنده فى الصيدلية لانه قريب من بيته وكان بيطمن ان المبلغ وصل من ايصال الاستلام اللى كان بيرجع له باسم "فاعل خير"

فتحى كان كبر فى السن وصحته تعبت ومكنش بيقدر ينزل القاهرة كتير فكانت كل فترة يسافروا ادهم وغادة والولاد وميرفت يسافروا عنده فى البلد ويقعدوا كام يوم ويرجعوا

سوسن وجوزها فرحانين بسعادة بنتهم الوحيدة ومحمد واحمد اللى ماليين عليهم الدنيا سعادة

كبر محمد وبقى عند 12 سنة وكان ادهم فقد الامل نهائى انه يلاقى ذكرى...ويوم اتكلم مع غادة
"غادة حبيبتى... عايزين نجيب اخت للولاد "
"ياريت يا ادهم انا نفسى فى بنت...بس انا بقالى سنتين مش بستعمل اى وسائل منع حمل ومحصلش نصيب"
"خلاص نروح للدكتور يمكن يكون فى اى سبب بسيط ولا حاجة"
ووافقته غادة وراحوا فعلا للدكتور ...بس اتفاجئت بعد تحاليل واشعات ان عندها ما يمنعها من الحمل تانى نهائيا

قعدت فترة وصلت لشهور زعلانة وعلى وشك الاكتئاب بسبب معرفتها انها مش هتقدر تحمل تانى... مع انها مكنتش تعبانة ولا بتشتكى من اى حاجة...وكانت مفاجأة لها
كان ادهم متواجد معاها للتخفيف من حالتها النفسية
"يا غادة انتى زعلانة كده ليه...الحمدلله على كل حال"
"انا زعلانة لانى لسه فى عز شبابى ومقدرش اخلف"
"مش امر ربنا...احنا راضيين بيه"
"انا افرق ايه عن بقية الستات علشان يحصلى كده"
"استغفر الله العظيم... احنا ربنا رزقنا بمحمد واحمد والحمدلله"
"انت كان نفسك نخلف تانى...كلها شوية وتقوللى انك عايز تتجوز"
وفهم ادهم ان اللى مضايق غادة احساسها ان ممكن ادهم يسيبها
وزاد من قربه ليها وحبه لولاده...لحد مارجعت حياتهم طبيعية سعيدة زى الاول

وفى يوم بعد مارجع ادهم من الصيدلية...اتصلت بيه ميرفت
وقالتله ان فيه جواب جاله على بيتها وهو مفتحتوش...فاستغرب فى الاول وبعدين قالها انه هيروح ياخده منها بالليل

بعد مارجع من عند مامته
"جواب ايه اللى جالك ياادهم"
"والله ياغادة حاجة مش فاهمها... دار الايتام اللى ببعت لها الصدقة بتاعة سارة كل شهر بعتالى جواب مكتوب فيه برجاء الحضور للاهمية القصوى...عايزينى فى ايه ولا جابوا العنوان منين مش عارف"
"خلاص روح الصبح وافهم كل حاجة...يمكن عايزين تبرع ولا حاجة"
"اشمعنى المرة دى...وبعدين هما ميعرفونيش اساسا...الصبح اشوف"
قضى ادهم ليلته وهو مستغرب من الجواب واول ما طلع النهار راح دار الايتام...وقابل المديرة بتاعته
"صباح الخير...انا ادهم فتحى جالى جواب امبارح"
"اااه...اهلا وسهلا ا\ادهم اتفضل"
"يا ترى خير"
"خير..انا بس مش عارفة ابدأ الحكاية ازاى... من حوالى13 او 14 سنة جت لى واحدة ست ومعاها بنت صغيرة كانت تقريبا سنة ونص وقتها.. وقالتلى ان بنتها وجوزها عملوا حادثة وماتوا وحفيدتها عاشت وهى مالهاش بيت وعايزة تيجى تقيم فى الدار هى وحفيدتها وتشتغل فيها...وطبعا احنا كدار ايتام بعد مااتأكدنا من الاوراق اللى معاها ان كلامها صح  لما لاقينا انها هتقيم فده بالنسبة لنا بتبقى ام بديلة لمجموعة من الاطفال"
قاطعها ادهم وهو مش مصدق
"هو حضرتك بتقصدى بالطفلة الصغيرة ...ذكرى"
"ايوه...بس دلوقتى هى مش طفلة دى بقت عروسة زى القمر"
"اشوفها...عايز اشوفها...وجدتها فين؟؟اخيرا سمحت انى اشوفها"
"انا مقدرة لهفتك بس هكملك اللى حصل"
"اسف لمقاطعتك بس غصب عنى...كملى"
"احنا عاشت معانا مدام رجاء وهى واحدة مننا وذكرى مكنتش حاسة باليتم زى بقية الولاد لان معاها جدتها وبصراحة حنانها كان كبير على كل الولاد وكان كل الولاد بيحبوها... من اسبوع توفت رجاء وكان الطبيعى ان ذكرى هتقيم فى الدار عادى زى ماهى...بس اتفاجئت ان واحدة من الامهات اللى فى الدار بتسلمنى جواب وقالتلى ان رجاء اديتهولها من 5 سنين وقالت لها لو جرالها اى حاجة تسلمنى الجواب ده...اتفضل اقراه
"لما هتقرأوا رسالتى دى هكون مش موجودة... انا لما اموت مش عايزة ذكرى تعيش فى الدار...ابوها عايش مش مات فى الحادثة زى ماقلت ...انا معرفش غير عنوان مامته وعنوان الصيدلية اللى بيشتغل فيها...لو موصلتلوش هكتب عنوان اختى ياريت ذكرى تعيش معاها او مع ابوها انما بلاش فى الدار"
وعلى فكرة فى جواب منها لاختها لو تقدر توصلهولها نكون شاكرين جدا"
"اه طبعا ممكن... بس ذكرى عارفة انى عايش ولا ميت"
"فى الحقيقة انها كانت قايلة لذكرى ان الحادثة لما حصلت محدش عارف ان كنت عايش ولا لأ ...تقريبا هى كانت عاملة حسابها للموقف ده وعلشان تدى امل للبنت انها هتشوفك... احنا كنا بنستغرب من حبها لذكرى"
"ممكن اشوفها"
وبعتت المديرة عاملة تجيب ذكرى
"تعالى ياذكرى احنا دورنا على باباكى ولقيناه وهو جاى علشان ياخدك"
اتفاجئ ادهم ببنته ...كانت نسخة من سارة...وكانت فعلا عروسة زى القمر مش طفلة زى ماكان متخيل...هى عندها حوالى 15 سنة
اخدها فى حضنه على قد شوق السنين وذكرى كانت مشتافقة تشوف باباها اللى متعرفش عنه حاجة...كانوا هما الاتنين بيعيطوا بفرحة كبيرة...فرحة مش متخيلينها هما الاتنين
اخد ذكرى ...والجواب بتاع سوسن...وسأل المديرة عن المكان اللى اتدفنت فيه...فقالت انها اتدفنت مع بنتها لانها كانت موصية بكده وسايبة المكان وفلوس دفنها كمان

طول الطريق وذكرى ماسكة فى ايد ادهم وفرحانة وسألته
"بابا انت عايش مع مين"
"مع مراتى وولادى...اخواتك"
"ومراتك مش هتقول حاجة لما تتفاجئ بيا"
"هتشوفى بنفسك...انتى لو تعرفى انتى كلنا مستنيينك من امتى...ودورت عليكى كتير لحد مافقدت الامل"
لما وصل البيت وهو بيفتح الباب...وذكرى وراه... نادى على غادة
اول ماغادة وصلت عند الباب...اتفاجئت
"سارة؟؟؟"
"لا ذكرى يا غادة"
جريت عليها غادة واخدتها فى حضنها بحب وحنان ولهفة واشتياق لانها كانت بتفكرها بسارة...ونادت على اخواتها محمد واحمد واتعرفوا عليها...واتصلوا بسوسن وميرفت اللى جم بسرعة لذكرى
حست ذكرى بالالفة بسرعة وسطهم وخصوصا انهم حكوا لها كتير عن السنين اللى فاتت بس محدش كان بيجيب سيرة رجاء بسوء قدامها لانها كانت بتحبها اوى فوق الوصف

لما سوسن فتحت الجواب اللى اداهولها ادهم قراته بدموعها
"اختى الوحيدة
كان نفسى منبعدش السنين دى كلها عن بعض... بس خفت تاخدوا منى ذكرى وهى الذكرى الوحيدة لسارة...وعوضتنى عنها مكنتش هقدر ابوها ياخدها منى...انا بعد مااموت امانة عليكى خلى بالك منها ومتسيبيهاش لمرات ابوها تعذبها وتعاملها وحش"
عاشوا مع بعض وكانت ذكرى قريبة اوى لغادة وكأنها بنتها اللى خلفتها وذكرى حبيتها اوى لانها كانت بتكلمها عن سارة وعن حكايات طفولتهم وكانت مبتفرقش فى المعاملة ابدا بينها وبين اخواتها ...كانت البنت اللى اتمنوها ومقدرتش تخلفها غادة
وكانت الاخت الكبيرة الحنينة على اخواتها
وكانت الحفيدة لميرفت وسوسن اللى بتحظى بالحب من الجميع.
                   
                    النهاااااااااااااااااااااااااااااااية

هناك 125 تعليقًا:

  1. اللــــــــــــــــــه يا دينا ...حلوة اووووووووووووى القفلة دى ...بجد نهيتها باحتراف ...اخيرا...تمت بحمد الله

    ردحذف
  2. وااااااااااااااااااااااااااااااو جاااامدة جاااامدة جااامدة تحفة تحفة بجد تسلم ايديك والف مبروك نهاية القصة

    ردحذف
  3. تسلم ايدك بجد ابدااااااااااااااااااع ...ربنا يوفقك ياااارب ...والف الف الف مبرووووك وعقبال الجديدة كدة وبسرعة :D:D

    ردحذف
  4. هنودة
    ربنا يخليكى ياحبيبتى
    والحمدلله ان النهاية حلوة

    ردحذف
  5. اااااااااااااااااااه يا قلبي ياني اااااااااااااه
    بجد روووووووووووعه القصه فظيييييييييييعه
    تصفييييييييييييق حااااااااااااااااااد

    ردحذف
  6. فروتى
    الله يبارك فيكى يارب
    ميرسى كتيييييييييييير

    ردحذف
  7. محمد
    الله يبارك فيك
    والله كلامكم ده بيسعدنى ويشجعنى
    ميييييييرسى
    والجديدة ان شاءالله قريب اوووى

    ردحذف
  8. شذى
    سلامة قلبك ياقلبى
    ومييييييييييرسى على متابعتك وتشجيعك ليا من اول ما بدأت المدونة
    ربنا يفرحك دايما يارب

    ردحذف
  9. الحمدلله خلصت علي خير و من غير اي نكد بس ممكن طلب لو سمحتي القصة اللي جاية تكون رومانسية اكتر شويتين 3 4 5 9879876 كدة ههههههههههههه

    ردحذف
  10. فووووووووووووووووووت يا دندن ياقمر ايه القصه الجامده دى والنهايه الجامده دى .. ومش هقول اكتر من الكلام الحلو اللى قرأته .... (انا خلاص بقيت مدمنه قصص دينا عماد )

    ردحذف
  11. nhaya sa3eda ya dina 7elwa el7ala2a w men nga7 lnga7 isa
    nona

    ردحذف
  12. اسراء
    ههههههههههه الحمدلله انها خلصت على خير
    وبالنسبة للرومانسية
    اقولك سر من غير ما حد يسمعنا
    لما حاولت اكتب رومانسى قلبت نكد
    فخلينا نشوف الجديدة هتروح بينا على فين

    ردحذف
  13. رودينا
    ميرسى ياحبيبتى على كلامك الحلو ده
    وادمانك على راسى
    هحاول متأخرش فى الجرعة ان شاءالله

    ردحذف
  14. نونا
    ربنا يخليكى ياقمر
    متحرمش منك ابدااا

    ردحذف
  15. انا متابعه قصصك من اولها لااخرها ومعجبه جداا بطريقه كتابتك وافكارك رااااااااائعه جداااا
    ونهايه القصه نهايه جميله جميله بجد تسلم اناملك ياااارب
    القصه من بدايتها لنهايتها مبدعه جدا انا اول مره اكتب تعليق في مدونتك بس احب ابدي احترامي واعجابي الشديد
    وفي انتظار القصه القادمه ..........

    ردحذف
    الردود
    1. رجاء. انا. اصبحت. مدمنة. قصص. دينا. عماد. مدوني. بعناوين. فصص. اخري

      حذف
  16. لا بجد ابدعتى فى الحلقة الأخير كان فيها مفاجأة جميلة

    وانا الحقيقة ما اعرفش ظروف اختفاء رجاء وذكرى
    لكن وصفك النهائى بتاع ذكرى كان جميل أول

    ويعجبنى فيكى انك حاولتى تفرحى الناس
    حاسة بالمشاهد مش زى الكتاب الرخمين اللى زى حالاتى

    تحياتى الرائعة ليكى يا دينا
    :)

    ردحذف
  17. غير معرف
    ربنا يخليكى على كلامك الحلو
    ويارب دايما تتابعينى وكل القصص تعجبك
    وبجد كلامك فرحنى وشجعنى جدااااااااا
    واتمنى متكونش اخر مرة تكتبى كومنت فى المدونة
    وتنورينى بتواصلك الدائم ان شاءالله
    والقصة الجديدة بكرة او بعده ان شاءالله

    ردحذف
  18. حجاز
    صديقى العزيز
    ميرسى على كلامك
    وهعمل نفسى مخدتش بالى من عدم متابعتك
    يالا انا عارفة مشغولياتك

    وبالنسبة لانى فرحت الناس دى حقيقة لان الناس اتنكدوا معايا كتير اوى فى القصة دى

    ومن فضلك متقلش على الكاتب محمد حجاز رخم
    لان كتاباته بتعجبنى جداااااااااا
    فكده انت بتطعن فى ذوقى

    ميرسى على التحية ...تحياتى الاروع ليك يا صديقى

    ردحذف
  19. برافو برافو يا دينا بجد نهايه جميله اوى واهم حاجه انك فرحتينا فى الاخر كنت خايفه اوى تكون النهايه دراميه


    بالتوفيق يارب ومستنيه الققصص اللى جايه

    ردحذف
  20. اميرة
    ميرسى يا قمر
    متقلقيش انا قلت كفاية نكد

    تنورينى بمتابعتك

    ردحذف
  21. تحفه يا دينا الحلقه الاخيره
    جميله اوى بجد
    تسلم ايدك على القصه الحلوه دى :))

    ردحذف
  22. بنت من الزمن ده
    تسلميلى ربنا يخليكى يااااااااارب

    ردحذف
  23. انا عيطت كتير اوي :(:(

    ردحذف
  24. ranosh
    طبعا انا مقدرش انكر انى عيط كتير جدا جدا بس بجد هى قصة فى قمة الروعة وبجد لو فى كلمة شكرا علشان اشكرك بيها كنت قولتهالك انتى بجد قصصك فى قمة الروعة

    ردحذف
  25. بجد انتى قصص روعم واكيد انتى احلى بجد جااااااااااااااااااااااااااااامده

    ردحذف
  26. مش قادرة اقولك حاجة غير الله عليكى
    ربنا يحفظك

    ردحذف
  27. مش قادره اقولك انا كملتها ازاي بالعافيه بعد انهيار بس بجد رائعه

    ردحذف
  28. بجد قصه روعععهههه يا دينا ابدعتي فيها جدا جدا انا فعلا اتاثرت جدا بموت ساره و الله خليتني اعيط يا شيخه علي عكس كل الناس هنا انا شايقه ان النهايه حزينه القصه اصلا بقت حزينه من موت ساره يس لازم كانت تبقي كده ولا مكنتش تبقي ذكري ساره

    ردحذف
  29. ياااااااااااااااااااه يا دينا وجعتي قلبي على سارة وادهم والبنت انا مش قادرة اوقف دموعي .. ابدعتي بجد وقصة رائعة وصدقتها جدا لدرجة اني حسيت اني شايفة سارة وعارفاها ودعيت من قلبي لادهم بنته ترجعله .. تسلم ايدك ولو انك جريتي الدموع نهر من عينيا ومش عارفة انام ..

    ردحذف
  30. القصه جميييييييييييلة جداااااااااااااا بجد يادينا تحفه تسلمى ياعبقرينو الروايات بس انا قلبى لسه واجعنى على سارة :(((

    ردحذف
  31. بجد تحفه اووووووووووووى

    ردحذف
  32. bgd bgd to7fa u stories is amazing i love them

    ردحذف
  33. بجد قصه رائعه بس قد ايه انا حزينه علي ساره حتي بعد ما ماتت
    بس هي بجد قصه هائله بدام الي كتاباها حضرتك

    ردحذف
  34. هاى أنا اسمى ساره ومن ساعة ماقريت القصه وأنا بعيط وشدتنى قوى أنا بشكرك من كل قلبى وأول مره حد يحرك إحساسى جامد قوى كده..... بتمنالك مزيد من التقدم والنجاح يادينا

    ردحذف
  35. انا عايزه اقولك انى قريت ال30 حلقه فى يوم واحد بس فى حلقه اقريتها على بيدج عالفيس بصراحه بس جميله جدا بس كنت هكسر الكمبيوتر عشان ساره ماتت حبيتها بصراحه حسيتها صاحبتى انا ^_^ بس انتى ما شاء الله الله اكبر انتى فنااااااااااااااااااانه

    ردحذف
  36. بجد تحفه تسلم اييييييييييييييدك انا قريتها كلاه ف يووم واحد .... بجد قصصك كلها روووووووووووووووووووعه .................. ايمان

    ردحذف
  37. جمييييييييله جدا. من اجمل ما قرأت :) ،، نهايتها ممتازه بصراحه ^^

    تسلم ايدك يا دينا وعقبال نهاية اقوى حب بقاااااااااااااا ..


    2T_^ tooty..

    ردحذف
    الردود
    1. بجد انتى اسلوبك كثر من رائع انا قريت الروايه وانا بعيط وقريتها كلها مره واحده.. مقدرتش اسيبها غير لما اخلصها ودا وان دل فبيدل على مهارتك وتميزك وتميز اسلوبك .. بالتوفيق ويارب دايما فى تقدم
      sama

      حذف
    2. بصراحة القصة رووووووووووووووووعة بس خلتيني اعيط

      حذف
  38. بجد بجد القصه دى تحفففه وكمان انا قريت شبح الماضى كمان تجنن بجد ميرسي اوى يا دينا على الحجات الجميله دى

    ردحذف
  39. كل قصصك جميله جدا

    ردحذف
  40. nhia bgd gmela awiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

    la bgd fo2 l5iaaaaaaaaaaaaaaaaaaaaaal

    ردحذف
  41. هو عماد حمدى هيجى امتى
    P:

    ردحذف
  42. الله لله الله بجد انتى روعة يا دينا نهاية بصراحة مكنتش متوقعاها نهائى انا ايوة كمن عارفة انهم اكيد هيلاقوها بس مخطرتليش الطريقة دى
    تسلم ايــــــــــدك

    ردحذف
  43. حلوة اوى يا دينا تسلم ايديكى بجد رائعة

    ردحذف
  44. انا قريت الحكايه يمكن متاخر شويه .. هي حلوه اوي يا دينا بجد تسلم ايدك .. انتي بجد مبدعه .. لا ده بجد فوق الابداع .. مايحرمناش منك يارب ^___^

    ردحذف
  45. بجد قصة رائعه جدا جدا جدا جدا
    والنهاية اروع ما يكون
    تسلم ايدك
    بالتوفيق الدائم ان شاء الله

    ردحذف
  46. جميييييييييييييييييييييله

    ردحذف
  47. gameeeeeeeeeeeeeelaaaaaaaaaaaaaaaaaa


    مونه

    ردحذف
  48. تسلم ايدك يا استاذه ع القصه ممتعه جدا :)

    ردحذف
  49. حلوووووووووووووووووووووووووووووووة اوى يا استاذة دينا قسما بالله انتى مش محتاجة اى تقييم قصصك كلها رائعة و اسلوبك تحفة :))))) ربنا يكرمك يا رب
    د.علاء

    ردحذف
  50. اكتر قصة عيطت فيها اوى ودموعى بجد مش عارفة اوقفها
    خلتينى افكر فى حاجات كتير خلتنى احس بالخوف والامل فى نفس الوقت ويمكن جت المشاعر دى فى معادها اوى
    خلتينى افكر يا ترى مش هخلف لما اجوز وانا فرحى كمان شهر ؟؟ ويا ترى لو دا حصل هعمل اية مع حب عمرى وروحى وحياتى ؟؟
    خلتينى افكر يا ترى لو جرى لى حاجة هطمن على حبيبى وروحى وحياتى ازاى ؟؟ هوصيه بإية وهطمن عليه مع مين ؟؟
    خلتينى افتكر وصية جوزى حبيبى ليا من اول ما عرفنى انه لو مات محزنش اوى عليه وافضل قريبة من ربنا ومستسلمش لاكتئاب لانى قوية ولازم افضل قوية طول العمر
    خلتينى افكر لو جرى له حاجة بعد الشر هيجرى لى اية ؟؟ هموت وراه ولا هتجنن ولا هيحصلى اية ؟؟

    اللهم أجرنى فى مصائبى وأخلفنى الخير منها أمين يا ري العالمين

    بحبك اوى يا محمد
    ربنا يخليك ليا ويخلينى ليك وربنا ما يجعل ساعتى قبل ساعتك ابدا يارب

    آية الاسلام

    ردحذف
  51. جميييييييله اوووووووووووووووى يا دينا تسلم ايدك والصراحه هى جاااامده جدا وانتى قصصك كلها جميله

    ردحذف
  52. aNa FadLi 4 QsS w ab2a 5aLsT koOL kTabaTk .. maknTsh bkTb commenTs 5aLs 3Shan aRg3 22Rahm Tany w 23L2 3aLa koOL wa7da .. bS bGd L ksa d n L zaaaaT T3bitLi 23saby waLahy .. bgd 7Lwa awiiiiiiiiiiiiiiiiiiiiiiiii .... :)
    b L TawFeeK daYmn w mn naGa7 L naGa7

    knOwLOve..knOwpaiN

    ردحذف
  53. بجد تحفة تسلم ايدك

    ردحذف
  54. جامدة جدا وتحفه اووووى
    بجد انا عيطت فاخر القصة تسلم ايدك

    ردحذف
  55. جميلة جداااااااااااااااااااااااااااااااااااااااا وحزينة

    ردحذف
  56. جميله اوى

    بس توجع القلب

    ردحذف
  57. بجد اول قصة اعيط فيها كده ........بس فعلا رائعة كعادتك

    ردحذف
  58. الله عليكى انا مش هقولك غير روووووووووووووووووووووووووووووعه
    مشمش

    ردحذف
  59. بجد تحففففففففففففففففففففففه انا قراتها كتيررررررر اوي

    ردحذف
  60. بصراحه جميله جدا

    ردحذف
  61. انتي فعلا اسلوبك فوق الفظيع واختيارك للقصص والاسماء والاحداث روعة انتي المفروض تكوني كاتبة ومخرجة عالمية

    ردحذف
  62. احييييييييييكي بجد ع اسلوب الرائع بجد اسعدتيني صحيح بكيت كتير بس تسلميلي

    ردحذف
  63. قصة جميلة جدا حلوه كتييييييييييييييير

    ردحذف
    الردود
    1. قصة جميلة جدا ايميل محمداحمد

      حذف
  64. الله بجد جميييلة جداااااااااا ،،، روعة بجد
    استمتعت بيها جداا وهكمل قراءة ليكى دايما :))

    ردحذف
  65. دى تقريبا رابع مرة اقرا القصة دى .... هو لسه فيه جمال و لا روعة كده :))))

    ردحذف
  66. الله عليكى يادينا بصراحه انا بعد ما قرات القصه دى حاسه بشعور غريب
    ببتسم وعينى بدمع فى نفس الوقت
    تسلم ايد يادينا

    ردحذف
  67. تسلم اييييييييدك يا فنانة بجد ....

    ردحذف
  68. الله الله عليكى يا دندن يا مبدعه بجد القصه جمييييييييييييييييييييييله اوووووووووووووووووى تسلم ايديك

    ردحذف
  69. بجد تسلم يدك حلوة اوى بس رجاء دى انانيه اوى انها تحرم الاب من بنته كل السنين دى مهما كانت صدمتها قويه و مهما كانت درجه تعلقها بساره
    استمرى ا/دينا فى مزيد من ابداعاتك اللى عمرنا ما هنشبع منها ابدا

    ردحذف
  70. انا مش عارفة ابطل عياط.......بجد جميلة جداااااااااااااا

    ردحذف
  71. قصة حلوة كتير و تأثرت فيها كتير و كمان ذكّرتني بأحداث مررت فيها
    على فكرة أنا بقيت بتابع كل قصصك و اليوم قريت 3 قصص بس هذه القصة أثرت فيي كتير و حبيت قول إنّو أسلوبك رائع رائع رائع و أتمنى لك التوفيق :)

    ردحذف
  72. القصة حلوة قووى من كتر ماعجبتنى مش لاقيه كلام اقوله بس قلبى وجعنى من كتر العياط
    وسام

    ردحذف
  73. تسدئي اني اشعرت وانا بقراء بالنهاية بجد انك رائعة

    ردحذف
  74. حلوة اوووووووووووووووي بجد النهايه مش سعيده بطريقة تقليدية اوفر ولا هي حزينه .. تســــلم ايدك يا استاذه دينا :)

    ميس

    ردحذف
  75. بجد انتى انسانة عظيمة اووووووووووووووووى و القصة تحفة اوووووووووووووووووووووووووووووى :) :)

    ردحذف
  76. القصة حلوة اوووووووووووى تسلم ايدك بس مش النهاية اللى انا كنت عايزاها

    ردحذف
  77. نهايه جميله اوي بجد كل قصصك تحفه اساسا تسلم ايدك :)
    هند

    ردحذف
  78. جميييييييييييييييييييييييييييله

    ردحذف
  79. جميله جدا جدا جدا قصه مؤثره قوى

    ردحذف
  80. حلوه اوي ده انا دمعت من نهايتها تسلم ايدكي
    رنا

    ردحذف
  81. تسلم ايدك بجد روووووعة شكرا جدا بس معرفش حاسة انو ناقصها حاجة بس انت دايما في المقدمة والى الامام

    ردحذف
  82. حلووووووووووووووووووووووووووووووووووووووة قوى بجد تحفة تسلم افكارك :)

    ردحذف
  83. رؤؤؤؤؤؤؤؤؤؤؤؤؤؤؤؤعه بجد قصـــــــه جــامده اخــر حــاجه وتسلم ايدك بجد دندون وانا بهنئك على عملك الرائــع :*

    ردحذف
  84. مع انك وجعتى قلبى اوووووى بس القصه جميييييييييييييييييييييله اوووووووووووى تسلم ايدك

    ردحذف
  85. قصة روووووووووووعة يا دينا بصراحة يا دود انتى خلتينى احب الروايات مكنش ليا فى كدة خالص وقرات ليكى ليست عذراء وكان حلم واقوى حب وقام عنيه وتحت سقف واحد وفوق احتمالى مبدعة ياااااارب على طول ومزيم من الابداع
    موما

    ردحذف
  86. رائعه جدااااااااااااااااااااااا

    ردحذف
  87. تعرفي يأدينأ أنأ يعتبر قريت قصصك ودي ألقصه أللي عيط فيهأ حسيت بأحسأس مختلف فيهأ
    قصتك روعه بس محتأجه دعأئك ربنأ يفك كربي
    بحبك يأ دينأ♥♥♥♥♥♥♥
    حور

    ردحذف
  88. والله دي القصه الوحيده اللي انا عيط فيها وانا من النوع اللي مش بيعيط بسهوله "هوبه"

    ردحذف
  89. جميله بس توجع القلب اوى انا قريتها على بعضها مره واحده وعيطت فيها كتير

    ردحذف
  90. تحفة تجنن بجد

    ردحذف
  91. تحفة اووووي قصصك تتميز ان مانقدرش نتوقع نهاية :-D

    ردحذف
  92. تابعت القصه كلها لكن ولا مره كتبت كومنت بس كان لازم تعرفى انت عيطتينى قد ايه وبجد القصه رائعه جدا <3 وحبيتها جدا

    ردحذف
  93. هاي انا نورهان بجد القصه جميله جدا جدا جدا انا قارتها في يوم واحد وده عن طريق بوست علي الفيس بجد القصه جميله واسلوبك في ادراج الاحداث مشوق جدا يارب تكوني في تفوق كده علطول ....

    ردحذف
  94. دينا...
    انا دى اول قصة اقراها ليكى و انا متشوق لبقيت القصص لو فية مجلة بتنزل فيها القصص دى قوليلى اسمها و انا بحيكى على القصة دى و انا متاكد ان هيكون ليكى شأن عظيم فى الاجيال القادمة
    ......شكرا

    ردحذف
  95. وااااااااااااااااااااااااااو بصراحه قصة فظيعة وجميلة اوى تسلم ايدك يا دينا

    ردحذف
  96. بسم الله ماشاء الله القصة روعة بجد تسملى يا أستاذة

    ردحذف
  97. انا قرأت القصه دلوقتى من اولها لاخرها ومزهقتش منها خااااااااااااااالص بس بصراحه القصه ديه جااااااااااااااااااااااااااااااااااااااامده جداااااااااااااااااااااااااااااااا ورؤؤؤؤؤؤؤؤؤؤؤؤؤؤؤؤعه

    ردحذف
  98. بجد القصه دى جميلة ياريت قصص احلى بقى

    ردحذف
  99. قصه جمیله جدااا شکرا کتییییر لیکی یا دینا علی القصه الاکتر من رائعه

    ردحذف
  100. قصة رائعة وجميله جدااااااااا شكرا ليكى يا دينا لانك بتعيشينى اوقات جميلة مع نفسى وانا بقرا قصصك وخلاص ادمنتها هههههههههه

    ردحذف
  101. القصة رائعة بجد

    ردحذف
  102. القصه جميله جدا جدا انا عارفاها من زمان كنت حاسه انها حزينة من غير ما اقراها ومن 3 سنين وانا بتعمد اعدى عليها وماقراهاش عشان مش بحب القصص الحزينة بس بجد جميله بتخلى الواحد يحس ان عقله موجود جنب قلبه لازم يستعين بيه وكمان يؤمن اكتر بقضاء ربنا ويرضى بحياته

    ردحذف
  103. انتى بجد فناااانه تسلمى على زوقك الراقى فى التعبير

    ردحذف
  104. الله لله الله عليكي انت انسانه فظيعه ايه الاسلوب الرائع ده ........ رومانسيه تلاقيي - حب - بكاء - غصه انا بقيت مش عارفه مسك نفسي من الدموع ..... حتى البوليسي قرأت لك ليلة حمراء فظيعه ..... وايه الافكار دي بتجيبيها من فين ..... أستاذتي دينا تحياتي لك في تقدم دائم باذن لله

    ردحذف
  105. تسلم ايديكى تحفة بجد

    ردحذف
  106. جمييييييييييييييييييييييييييييله اووووووووووووووووووووى

    ردحذف
  107. تسلم ايدك يا دينا انا بقرا القصص متاخرة بس فعلا هيا اجمل مدونة قريتها

    ردحذف
  108. مش عارفة اقول ايه بجد بعد القصة الرائعة دى بس فعلا انتى احسن كاتبة انا قريت لها فى حياتى ♥
    يارب كده على طول من نجاح لنجاح
    و على فكرة مينفعش كده كل ما اقرالك قصة تخلينى اعيط ههههههههه ;-)

    ردحذف
  109. بجد تسلمى ايدك يا دينا نهاية جميلة جدااااااااااااا

    ردحذف
  110. روعععععععععععععععععهعععععععععععععععععععهعهععععععة يا دينا بجد شكرا
    .
    .
    .
    عبدالله

    ردحذف
  111. يالهوى على العياط اللى عيطة بسبب القصة دى
    رااااااااااااااااائعة
    مشاعر جميلةا وووووى ومشاعر ادهم جميلة
    كان نفسى احس بالمشاعر دى من حد بيحبنى

    ردحذف
  112. ارفع القبعه لهذه القصه المذهله
    بجد انتى مؤلفه راءعه

    ردحذف
  113. انا عيطت جامد بجد علي القصه دي احلي قصه قريتها في حياتي كلها انت رائعه بجد يا دينا وانا بحيكي جاامد

    ردحذف
  114. القصه جميله تسلم ايدك بس بصراحه مش قادره اتخيل انه قدر ينسي ساره بالسهوله دي كنت احب انه يعيش علي زكراها احسن

    ردحذف
  115. بصراحة وجعتى قلبى وبكيتينى

    ردحذف
  116. حلوة اوي بس الهايه جريتي بيها اوي

    ردحذف
  117. اكثر من رائعة النهاية جميلة و غير متوقعه الله يسامحك على المشاعر المتباينة اللى حططينا فيها وشكرا

    ردحذف

قول رأيك بلاش تقرا وتقفل من سكات...ارائكم تهمنى