الأحد، 24 يوليو، 2011

فوق احتمالى...الحلقة 7

الحلقة 7
يوم كتب الكتاب كانت سالى ونجوى مع هديل عند الكوافير
اما الامهات وسالم ورشاد كانوا فى القاعة لاستقبال الناس
وحازم كان مع شريف وراحوا للكوافير يجيبوا العروسة
واول ما سالى سمعت صوت العربية
"العريس جه"
وانطلقت الزغاريط حوالين هديل من ناس تعرفهم ونا متعرفهمش
كانت مستنية عريسها ييجى يستلمها...واول ما دخل شريف
زعق"ايه القرف ده"
كل الناس انتبهوا وبدأوا يبصوا لبعض
راحت سالى جنبه بهدوء
"ايه يا شريف وطى صوتك...فيه ايه"
وكمل بصوت عالى جدا
"انا عايز اعرف مين اللى عامل الماكياج الزبالة ده...ايه المنظر المقرف ده...هو مفيش حد هنا بيفهم فى الذوق"
نجوى"اهدا بس ايه الوحش اللى فيه"
شريف"انا موجهتلكيش كلام...مين اللى عمل الارف ده"
نجوى اخدت كسفتها وسكتت علشان اختها اما هديل ففضلت تعيط لحد ما فعلا كل الالوان اللى فى وشها اختلطت ببعض
وشده حازم ناحية الباب
"وطى صوتك يا شريف ...ايه اللى بتعمله ده"
واتقدمت الكوافيرة اللى عملت الماكياج
"احنا اسفين يا استاذ..اتفضل استنى نص ساعة بس وهنعملها اللى انت عايزه"
"نص ساعة...وانا لسه هستنى نص ساعة"
الكوافيرة"احنا كنا ممكن نخفف الماكياج بس بعد ما عيطت لازم نبدأ فيه من اول وجديد"
سالى"استنى يا شريف مش هيحصل حاجة"
حازم"تعالى بقى يا شريف انت زودتها اوى"
وخرج حازم وشريف
كانت سالى محرجة من اللى عمله اخوها ومش عارفة تراضى نجوى ولا هديل وكان لازم تقول اى حاجة وخلاص
"متزعلوش يا جماعة اوعى تزعلى يا نجوى اصل شريف بيتكسف فتلاقيه متوتر يعنى انه هيبقى قاعد فى كوشة والناس بتبص عليه"
نجوى"حصل خير"
سالى"هديل حبيبتى اكيد شريف اتنرفز كده علشان غيران عليكى لما لقاكى زى القمر..خاف الناس تحسده على القمر اللى معاه"
بصت لها هديل وابتسمت ابتسامة خفيفة لسالى ومتكلمتش

اما اخده حازم بره
"ايه ده يا شريف فى حد يعمل كده"
"عاجبك منظرها"
"اه عاجبنى مالها كانت زى القمر ومالوش لازمة اللى انت عملته"
"اهو اللى حصل اتنرفزت لما شفتها"
"طيب يا ريت تهدى بقى علشان اليوم يعدى على خير... واحدة غيرها كانت قالتلك مش عايزة اشوف وشك تانى"
"ايه ياعم حازم...ولا تقدر تقول كده"
"ليه يعنى ماسك عليها ذلة"
"لا مكنتش تحلم هى واهلها بجوازة زى دى"
"خلاص يا شريف لو مش مقتنع بيها سيبها"
"اسيبها ايه... انا بس عايز اعرف رد فعلها فى المواقف تقدر تقول بمتحنها"
"تمتحنها؟؟ انت بتهينها"
"مالك ياحازم بتدافع عنها كده ليه"
"بدافع عنها لانها صعبت عليا...روح هات لها عصير ولا حاجة لانها عيطت كتير"
"ياعم كبر دماغك"
"قلبك بقى جامد اوى مكنتش كده"
"قلبى...هو فين قلبى ده ما اخدته رحاب وخرجت بيه من حياتى"
"ده يوم تجيب فيه سيرة رحاب"
"خلاص بقى غير الموضوع...هما لسه مخلصوش انا زهقت"

كانت نجوى مش مبسوطة طول الفرح وكل شوية رشاد يسألها مالك اقوله مفيش حاجة
واكدت نجوى على هديل انها متقولش لمامتهم اللى حصل علشان متزعلش
عدى كتب الكتاب على خير وروح كل واحد بيته فى سلاااااام

فى بيت نجوى
"انتى مش طبيعية فى الفرح ليه"
وهمت انها تحكيله بس خافت من رد فعله مع شريف
"مفيش يا رشاد انا بس مش مرتاحة للجوازة دى...حاسة ان هديل مش هتبقى سعيدة"
"ليه بتقولى كده...حصل حاجة"
"محصلش... مجرد احساس"

بعد كام يوم من كتب الكتاب كانت ماجدة وحازم عند فايزة فى البيت وكان موجود شريف وسالى
ماجدة"عروستك زى القمر يا شريف"
شريف"مش اوى يعنى ياطنط"
ماجدة"انت خايف نحسدك عليها ولا ايه...متخافش مش هحسدك"
شريف"اخاف على ايه يعنى اهى بنت زى بقيت البنات"
فايزة"لا ياشريف مش زى كل البنات.. حسن معاملتك معاها شوية"
شريف"ان شاءالله"
ماجدة"انتوا هتتجوزوا هنا ولا هتاخدها معاك السعودية"
شريف"لا انا بدور على شقة ومش هينفع اخدها معايا لانى ساكن تبع الشركة ومش لوحدى معايا زمايلى"
ماجدة"تصدق ابن حلال...انا عرفت ان الشقة اللى جنبى بعد ما الحاجة فوزية ماتت ولادها بيبيعوا الشقة... ايه رأيك واهو تبقى قريبة لمامتك وتبقى جنبى كمان وتسافر وانت مطمن"
فايزة"والله فكرة كويسة ايه رأيك يا شريف"
شريف"كويس ...اتفق يا حازم مع الناس ونخلص فيها"
ماجدة"مش تتفرج عليها انت والعروسة الاول"
شريف"ماانا عارف نظام الشقة والعروسة تتفرج ليه...هى ليها ان تسكن فى شقة وخلاص مالهاش فى حاجة تانى"
فايزة"ازاى يا شريف مش هى اللى هتعيش فيها"
شريف"خلاص تبقى تختار العفش والتوضيب على ذوقها...انا عايز اخلص من موضوع الشقة قبل مااسافر"
حازم"انا هقوم اتصل بمحمود ابنها الكبير ونتفق...هتكلم من البلكونة علشان الشبكة"
وقام حازم يتكلم وبعدين قام وراه شريف
"هااا قالك ايه"
"قالى هييجى بكرة الساعة 8 وتتفقوا على التفاصيل"
"انا عايز منك خدمة"
"اؤمرنى يا شريف"
"ربنا يخليك...بص انا طبعا مش هلحق اوضب حاجة قبل مااسافر عايزك تتولى الموضوع ده مكانى من ناحية ان الشقة جنبك واقدر تواليها ومن ناحية تانية انك تمسك الناحية المادية لان هيبقى سهل ابعتلك الفلوس عن طريق البنك اللى بتشتغل فيه...قلت ايه"
"من غير ماتطلب يا شريف انا كنت هتابع كل حاجة متقلقش"
"طمنتنى"
"انا عايز اكلمك فى موضوع كده بخصوص سالى"
"ايه خير"
"سالى جايلها عريس وعايز يقابلك ويكلمك"
"مين...تكونش انت ههههه"
"لا مش انا ..انت عارف انها اختى علشان كده انا سألت على العريس علشان لما اتكلم عنه اكون واثق انه يستاهل تدخلى"
"ايه ظروفه يعنى..بيشتغل ايه "
"هو زميلها فى الكلية بس اكبر منها بسنتين...يعنى اتخرج خلاص وباباه جايبله الشقة وهيساعده فيها...باباه عنده محل مفروشات ومستواهم معقول زينا كده يعنى...بس ياسيدى هو عايز يقرا فاتحة قبل ما يروح الجيش وبعد ما يخلص الجيش محتاج سنة يجهز نفسه فيها ويتجوز تكون سالى خلصت كليتها"
"لسه جيش؟؟؟ولسه متخرج..انا ليه ارمى اختى كده"
"مش ترميها ولا حاجة...هما بيحبوا بعض"
"حب زمالة تانى...احنا هنعيده...اصرف نظر عن الموضوع ده"

هناك 31 تعليقًا:

  1. bakrahoooooooooooooo sherief daaaaa zwedha awi w ye7'bet elsalbeya w elsazaga bta3etha eh da!!! deh btzel nfsaha m3ah 3la eh y3ni gato sten neela
    nona

    ردحذف
  2. ايه الواد المستفز ده ياختى يغور بأرفه

    الواد ده لازم يضرب علقه حلوه هههههههههههههههه

    شكل كده التوقع بتاع حازم وهديل هيطلع صح ههههههههههههههه

    ................. ميرا

    ردحذف
  3. الواد شريف ده مستفز اووى
    مش عارفه ليه حاسه ان حازم ده هيحب هديل
    فى انتظار الباقى
    تسلم ايدك يا دينا

    ردحذف
  4. تييييييييييييييييييييييييت شريف ده معفن اوي وقليل ادب ومحتاج حد يعرفه قيمته.. بجد زباله ورخم ومش وش نعمه خااااااااالص

    حازم عاوز ضرب هو كمان.. المفروض يديه قلم بدل ما البنت بتتبهدل قدامهم كده وهما مش بيعملوا حاجه غير الكلام.. يلعن ابو السذاجه الي يعمل ف البت كده

    ردحذف
  5. ايه الواد الرخم ده انا لو منها بجد مكنتش اكمل مع واحد زى ده خالص
    بس عندى احساس ان هديل هتحب حازم وهتسيب شريف
    لانه بجد رخم اوى وزودها اوى

    يويااااااااااااااااااا

    ردحذف
  6. لالالالالالالالالالالالا ...ايه حرقة الدم دى يا دينا ...شكلنا هنشوف ايام مع شريف ده ..وانا م الاول مش مرتحاله ...امممممممممم شكل توضيب الشقة هيقرب حازم من هديل وهتحبه ويحبها وبعدين تفاجئ بشريف ومعاملته اللى محدش يستحملها ...انا مش قادرة اتخيل ان ممكن بنت تقبل الاهانة يالشكل ده ...بجد حرق دمى....

    ردحذف
  7. بجد يا دينا كدة حرام شريف دة مستفز اوى ومينفعش هديل تفضل كدة لازم تاخد موقف دة انسان معقد يا بنتى يروح يتعالج احسن من العقدة اللى عملتها له رحاب بدل ما هو بيطنط على بنات الناس كدة واللى زى هديل تستاهل انسان عسول كدة زى حازم وقلبه كبير

    مى

    ردحذف
  8. نونا
    اشتمى براحتك
    يستاااااااااااااهل

    ردحذف
  9. ميرا
    تفتكرى لو عملنا رحلة لضرب شريف
    ناس كتير هيشتركوا فيها
    ههههههههههه

    ردحذف
  10. بنت من الزمن ده
    توقعك هيبان ان كان صح ولا لا
    تسلميلى يا جميل

    ردحذف
  11. توتا
    هههههههههههه اهدى بابنتى متعمليش فى نفسك كده

    ردحذف
  12. يويا
    هههههههههه الاتجاه الجماهيرى ليه رايح السكة دى

    ردحذف
  13. البني ادم دة معندوش دم و لا احساس حد يعمل كدة دة لو حصلي انا هقلع اللي ف رجلي و اديلو بيه يعني اي و لما انت شايف ان هو هيبقي قرف وديتها لي الكوافير اصلاو فاكر ان العروسة دي صنم هي اكيد كرهتو انا لو منها اسييييييييييييييييبه و شكلها هتبقي من نصيب حازم و دة ليه حكاية تانية خااااااااااااالص بمعني انه صاحب صاحبه و ابن بلد قوي و سالي دي كل ذنبها ان ليها اخ معقد و بس اففففففففففففففففف

    ردحذف
  14. هنودة
    بصى قلة الخبرة ممكن تخلى الواحد ميفهمش الامور صح
    زى هديل كده اكيد ماخدتهاش انها اهانة

    ردحذف
  15. مى
    ماهو الكل شايف انه اتغير فعلا بعد رحاب
    بس محدش قادر عليه

    ردحذف
  16. اسراء
    شكلك اتعصبتى اوى
    معلش لما نشوف هديل هتتصرف معاه ازاى

    ردحذف
  17. حوشى شريف ده عني لحسن وكتاب الله حولع فيه هو وعيلته كلها
    ده ايه الانسان المستفز ده , وازاي نجوي تسكت ؟ طيب هديل وهبله لدرجه تغيظ هي سكتت ليه؟
    بس زي ما توقعت لما حازم حيوضب الشقه مع هديل حيتقرب منها وحيعرف انها بنوته مافيش زيها وحيحبها
    وبردو لازن حد يتمزق
    هههههههههههههههههههههه

    ردحذف
  18. انا شايف غير اللى انت بتقلو خالص على موضوع حازم وهديل
    حسن عبده

    ردحذف
  19. تصدقى انا نفسى امسك فى خناق الزفت شريف دا عيل مش كويس بجد ودا بقى مهندس ازاى

    ردحذف
  20. شذى
    ههههههههههههه
    انا بقيت كل مااسمع الكلمة دى افتكرك
    شذى تمزق هههههههه

    ردحذف
  21. حسن
    طيب قول انت شايف ايه؟؟؟

    ردحذف
  22. حمدى
    ههههههه هو بقى كده بعد مابقى مهندس
    يعنى الهندسة مش هى السبب
    رحاب السبب

    ردحذف
  23. شريف ده قلييييييييييييييييييييييييييل الزوق

    ردحذف
  24. ايه شخصيه شريف دى الرخمه اوووووووووى

    ردحذف
  25. شريف ده بجد قليل الذوق ده انا دمى اتحرق

    ردحذف
  26. شريف ده عايز قلمين على وشوا عشان يتعدل

    ردحذف
  27. ربنا ينتقم منك يا شريف

    ردحذف
  28. ايه الواد المعقد ده يا خووووووووووووووفى لحازم يحب هديل

    ردحذف
  29. شريف ده عيل بارد رخم أوي عايز يمشي رأيو وخلاص ومش بيهتم بمشاعر الآخرين
    بس حلوة يا دينا

    ردحذف
  30. ايه الواد المقرف ده جته الارف في شكله الي ينشك في افاه البعيد ده عايز 143 قفا على سهوه علشان يتلم عيل تلم

    ردحذف

قول رأيك بلاش تقرا وتقفل من سكات...ارائكم تهمنى