الحلقة 19
قبل الفرح بيوم اتصلت فايزة بناهد وعزمتها على الفرح
هديل كانت مرعوبة من شريف انه يفتعل لاى موقف تانى مع مامتها او باباها ... وخصوصا الموقف هيكون قدام الناس فى الفرح
وكانت بتفكر لو عمل اى موقف هتتصرف ازاى وهى ماصدقت انه بقى كويس معاها...وسلمت امرها لله وهى طول اليوم بتدعى
"يارب استر"
وربنا استجاب دعوتها وستر لما اتصلت بيها مامتها يوم الفرح الصبح...وقالت لها انها مش هتقدر تيجى
يوم الفرح هديل راحت مع سالى للكوافير وكانت معاها سيف
ويدوب عرفت تعمل ماكياج وشعرها بالعافية من زن سيف
اما فستانها فكان شيك ومحترم
الفرح كان راقى جدا وفخم لدرجة كبيرة
وكل المدعوين كانوا مستوى عالى
لما بدأ ال dj اندمج الكل فى الرقص والغناء
وكان اولهم شريف... لان اغلب صاحبات سالى وقرايب تامر كانوا بيرقصوا...اما هديل فكانت ماسكة سيف وقاعدة مع ماجدة وحازم وفايزة...حازم قعد لان اغلب اللى بيرقصوا صاحبات سالى
بدأت هديل تتضايق وهى شايفة شريف بيضحك ويرقص مع البنات
مش مجرد رقص وبس لأ ده ممكن يمسك واحدة من ايدها والتانية من وسطها... ولا عامل اى حساب لوجود هديل
اما سيف فكان بيعيط طول اليوم... وبدأت هديل تتضايق اكتر
حازم كان ملاحظ تصرفات شريف وفى نفس الوقت حس بضيق هديل...فقام قرب من شريف ومال عليه
"يا شريف انت مزودها اوى... مراتك هتتضايق"
"سيبك منها...تعالى هيص معانا"
ورجع حازم وهو متضايق علشان هديل
وبدأ زن سيف يزيد
ماجدة"ماله سيف ياهديل النهاردة ماتشوفى ليكون تعبان"
هديل"معرفش ياطنط والله حتى النهاردة مش راضى ياخد الرضعة بتاعته خالص"
فايزة"هاتيه كده ياهديل"
واخدته فايزة...وجست وشه كان عادى...فتحت هدومه وجست بطنه
"ياهديل الواد سخن مولع"
"ازاى انا كل شوية اجس وشه مفيش حاجة"
"ماهو وشه عادى انما ممكن تكون السخونية داخلية"
"انا هقول لشريف نوديه لاى دكتور دلوقتى"
وقامت راحت ناحية شريف وهو وسط البنات وخبطت على كتفه
"شريف عايزاك"
"طيب استنى شوية"
"عايزاك ضرورى"
وراح معاها على مضض بعيد عن الدوشة
"عايزة ايه"
"سيف تعبان تعالى نوديه للدكتور"
"وهو ده وقته...استنى بكرة"
"بكرة الجمعة...ودلوقتى نلحق الدكتور قبل مايخلص"
"روحى بقى دلوقتى...لما الفرح يخلص يبقى ربنا يحلها"
"يا شريف الولد تعبان وهو ضعيف اصلا"
"غورى بقى دلوقتى..ايه القرف ده"
وسابها وراح يكمل رقص ودلع وسط البنات
رجعت هديل للترابيزة وهى بتحاول تخفى دموعها
فايزة"ايه ياهديل...قالك ايه"
"مرضيش نروح للدكتور"
واخدت هديل سيف فى حضنها وهو بيعيط وحاولت تدارى دموعها بيه... كأنها بتتألم معاه وليه
وماجدة وفايزة ساكتين...اما حازم فكان حاسس بيها
وقام راح لشريف
"يا شريف ابنك تعبان ولازم يروح للدكتور"
"ياعم سيبك من الكلام ده تلاقيها عايزة تلبخنى بأى حاجة وخلاص"
ومسألش فى كلامه وكمل اللى هو فيه
رجع حازم ساكت ومش بيتكلم... بعد دقايق وقفت هديل فجأة
واخدت ابنها"انا رايحة ياماما بسيف للدكتور"
ومستنتش رد وف لحظة كانت عند الباب
ماجدة"روح ياحازم معاها احنا متأخر وشريف مش دارى بالدنيا"
فايزة ساكتة ومش عارفة ترد...لانها مش بتقدر على شريف
جرى حازم ورا هديل ولحقها وراح معاها للدكتور
سيف كانت حرارته عالية وعنده ميكروب فى المعدة ده اللى بيخليه يعيط طول اليوم..كتبتله الدكتور ادوية منها حقنة فورية لتسكين الالم
راح حازم اشترى كل الادوية وبدأ سيف يهدا وينام بعد الحقنة
"معلش ياحازم ودينى على البيت"
"ازاى مش هتروحى على الفرح"
"لا...كفاية كده"
ودمعت هديل وهى بتحاول تمنع نفسها انها تنفجر فى العياط
"مالك ياهديل"
"يعنى شريف مش كفاية سايبنى وقاعد يتدلع مع البنات بقلة ادب لأ كمان مسألش فى ابنه وهو تعبان"
ومعرفش يرد عليها لان فعلا ده اللى حصل
ووصلها على البيت...واطمن عليها لحد ما دخلت وقفلت
رجع شريف الفجر من الفرح...كانت هديل نايمة وسيف فى حضنها بعد مااتطمنت عليه... حست بحد بيجرجرها من ع السرير...ولما صحيت لقيت شريف
"بقى بتسيبى الفرح وبتمشى... بتتحدينى"
"لا والله ابدا مش تحدى...انا مقدرتش اشوف سيف تعبان وافضل ساكتة"
"تعبان ايه ؟؟فاكرانى باكل من الكلام ده"
"وانا هكدب عليك ليه"
"علشان انتى ست نكدية وهم ومقرفة"
"انا؟؟"
"اااه... مشفتيش البنات عاملين ازاى ولابسين ايه؟؟ وانتى قاعدالى زى العمل الرضى"
"وانت عايزنى ألبس عريان زيهم وافضل اترقص قدام الناس"
"وانتى ايه جابك ليهم...مهما عملتى هتفضلى مقرفة وتسدى النفس"
"انا؟؟راح فين الحب والاشتياق اللى كنت جاى بيهم من السفر"
"انتى صدقتى ولا ايه؟؟؟ماهو الواحد لما يكون جعان ومش لاقى ممكن ياكل لقمة معفنة تسد جوعه...انما لما يشوف الاصناف اللى تفتح النفس...هيبص تانى ازاى للمعفنة"
"انت تقصدنى انا"
"كويس انك بتفهمى"
كلامه كان جارح اوى وصوته عالى صحا سيف وبدأ يعيط وخرجت هديل عن شعورها وردت عليه بكل قوة
"انت معندكش احساس...انت مش بنى ادم"
وهجم عليها وبقى يضرب فيها بكل قوة...وهى تصرخ
حازم وماجدة سمعوا الصراخ ...وقبل ما يخبطوا عليهم
كان شريف بيرمى هديل بقميص نومها بره الباب
"انا عايزة ابنى...هات ابنى ومش عايزة منك حاجة"
اتفاجئ حازم وماجدة باللى بيحصل...وكانوا الجيران على السلم بيتفرجوا...مقدرش حازم يشوف هديل بتتهان وبقميص نومها على السلم والناس بتتفرج عليها...فى لمح البصر جاب روب مامته وحطه عليها...وماجدة بتزعق لشريف
"ايه يا شريف انت اتجننت"
وردش عليها كل اللى عمله انه جاب سيف وحدفه لماجدة
"خليها تاخد ابنها وتغور بعيد عنى...النكدية الفقرية"
ايه ابن القرعه ده
ردحذفكويس لسه الادان مأذنش
ملعون ابوك يا اخي انسان ناااااقص ومريض نفسي صحيح
ردحذفلالالالالالالالالالالا يا دينا انتي مزودهااا اوووووووي مفيش بني ادمين بالشكل ده
فرج
ﻻ فيه واكتر من كده
حذفغير معرف
ردحذفههههههههههههههههههههههههههه
مش عارفة انت مين بس موتنى من الضحك
حسبي الله ونعم الوكيل دا انسان مريض ايه الغم اللي قبل النوم دا
ردحذففرج
ردحذفلالالالالالالالالالالا فيه اسوأ كمان
ومستفزش واقعيتى لاحسن القصة الجاية اكتب عن شخصية زبالة عن كده...موجودة فى الواقع واكتبها كماهى من غير دراما...ساعتها هتقول شريف رحمة
ايناس
ردحذفغير سوى نوهاااااااااااائى
لا انا مش قادرة حد يشوفلى حل ف زفت ابن البوبى ده عاوز ضرب الشوز واخيرا هديل نطقت انا دمى محروق حد يجبلى لمون متوخذونيش ع الشتايم بس مش قادرة والله
ردحذفAYAA MAHRAN
ايه
ردحذفههههههههههههههههههههه
عايزة لمون...هو الفجر لسه مأذنش عندك
وبعدين شريف لازم يتشتم يوميا لا تقلقى
نورتيييييييييييييييييييييينى
انا عاشرت وشوووفت الي فيهم طبع اليهووود لاكن انساااان اوطي وانتن من شريف افندي ده مشفتش
ردحذففرج
يارب اشوف فيك يوم ده معفن وفيه العبر ربنا ينتقم منه هيخلينى افطر من قبل مصوم يا لهوى
ردحذفayaa mahran
drbha!!! darba fy 2lbo la2 bgd ya Dina hya mestaneya eh 3shan ttlob eltala2 kman rdena belham w elham mrdash bena!!!! tla2ehom bsor3aaaaaaaaaaaaa
ردحذفnona
لو شريف ده كائن حي وقدامي كان بقا ف عداد الاموات وحرق كمان علشان ما يستاهلش يدفن ف ارض.. ده تييييييييييييت
ردحذففرج
ردحذفانا شفت والله
ومستنية اكتب عنه بعد نهايته ماتبان
مع انها بدأت
ايه
ردحذفانتى لسه بتدعى عليه
نونا
ردحذفانتى بجد مش عارفة هى مستحملة ليه؟؟؟
توتا
ردحذفيالاااااااا خلصى عليه
واحنا هنشجعك
بصى يا دينا كدة بجد كتير دة ابن ستين كلب مش بس مينفعش يبقى براجل دة مينفعش يبقى انسان اصلا وانا عارفة ان فى ناس كدة كتير وازفت ميت مرة بس انا تعبت منهم خلاص دة انسان واطى وحقير وعليا النعمة دة لو ادامى لاحدفة باى حاجة فى وشة انا قلتلك الحلقة اللى فاتت انا عارفة الصنف دة معفن وواطى ارحمينا بقى يا دينا وخلية يطلق هديل وربنا مبيسيبش كما تدين تد=ان كفاية يا دينا انا بجد تعبت من هباب الطين دة حقير انا فطرت والحمد للة وكدة كفاية بقى بجد يا دينا اعصابى تعبت
ردحذفنونا احمد
اولا اللهم اني صائم
ردحذفثانيا انا هفضل اعصر على نفسي لمونه واستحمل الواد ابن ال****** ده لغايه ما اشوفبه نهايه سوده
انا عايز اخرته تبقى اسود من الليل يتحرق يتشنق
ولكني بفضل قبل ما يموت يتحسر شويه ويتعذب
راضي
الواد ده حيوان :@ :@ :@
ردحذفالحمدالله ان الواحد لسه مش صام :@ :@
dh mt5lf bs hea 3ndha 72 f ally 3mlto
ردحذفTu2aa
ربنا ينتقم منك يا شيخ حسبي الله ونعم الوكيل فيك بجد
ردحذفبجد حاجة صعبة فى كدة
ردحذفلالالالالالالالالالالالالالالالا لازم اخرج من الصمت قبل ما اكمل الحلقه اللى بعدها واحب اقوول لشريف ابو شكلك روح اللهى تنفجر ما تلاقى حد يلمك يا بعيد ربنا ينجيكى ياهديل
ردحذفايــــــــات
اتفو عليك يامتخلف ياحيوان يازبباااااااااااااااااااااااااااااااااااااااااااااااااااااااااااااااااااااااااااااااااااااله اخص عليك
ردحذفNona
ايه المجنون ده
ردحذفهو مش عارف ان ده ابنه ولا ايه
لولا صايمة كنت شتمت
lames