الأربعاء، 17 أغسطس 2011

فوق احتمالى...الحلقة 30 والاخيرة

الحلقة 30 والاخيرة
راحت فايزة وشريف بيت سالم... راحوا مكسوفين
اول ما دخلوا كانت ناهد وسيف بس فى البيت لوحدهم
استغربت ناهد من الزيارة المفاجئة... وسيف جرى على حضن فايزة... ولما جه شريف يحضنه... سيف بعد عنه
ناهد"خير"
فايزة"طب قولى اتفضلوا الاول"
ناهد بتردد "اتفضلوا"
كل اللى خطر فى بال ناهد انهم جايين علشان ياخدوا سيف... وقالت لنفسها انها مستحيل تسيبهم ياخدوه...على الاقل طول ماهو امانة عندهم... ولحظات تفكير انتهت بوصول سالم... اتنفست ناهد وحست ان منقذها جه
اول ما دخل سالم... وشاف شريف
"انت ايه اللى جابك هنا"
فايزة"صلى ع النبى يا حاج احنا جايين نتكلم معاكوا شوية"
سالم"كلام ايه بعد اللى ابنك عمله فى ابنتى... لولا اننا مش بتوع مشاكل انا كنت بهدلته...وعلشان ابننا فى بيننا وبينكم... انت ازاى عملت كده فى بنتى انت مش بنى ادم"
"انا عارف انى غلطت ياعم سالم... انا فعلا ظلمت هديل ظلم كبير وربنا انتقم لها منى... انا كنت عايش فى وهم وفوقت منه... انا عايز مراتى وابنى"
سالم"مراتك اللى اهنتها وضربتها واتهمتها بالخيانة"
"انا عارف انى غلطت... انا فوقت والله.. هى هديل فين"
سالم"هديل نزلت تشتغل علشان تصرف على ابنك اللى رميته من غير ولا مليم ولا حتى سالت عليه بمكالمة تليفون"
"تشتغل؟؟"
"اه ...تشتغل... ومتقلقش اكيد شغل شريف لان بنتى شريفة مش خاينة زى ماانت قلت"
"انا عارف... طيب هى بتشتغل فين واروحلها"
سالم"انا هتصل بيها تيجى... بس مش معنى كده انى مسامحك... انا هجيبها علشان تعتذر لها وترد لها اعتبارها قدامنا كلنا"
واتصل سالم بهديل على المكتبة... ولما ردت عليه قال انه عايزها من غير مايقول السبب
استأذنت هديل وراحت ع البيت بسرعة وكل تفكيرها ان سيف تعبان.. او حصل له اى حاجة لاقدر الله
اول ما دخلت وشافت شريف وفايزة... جريت على سيف وحضنته
واخدته ودخلت اوضتها
شريف"انا عايز اتكلم معاها ياعم سالم لو سمحت... ممكن ادخل لها"
سالم"تدخل فين؟؟ انت عايزنا ننسى بالسهولة دى اللى عملته فيها"
شريف"ارجوك محتاج اتكلم معاها ... لوحدنا"
كل ده فايزة وناهد ساكتين... وكل واحدة فيهم من جواها بتتمنى لم شمل الاسرة من جديد... واتكلمت فايزة
"بعد اذنك ياحاج سالم... سيبهم يتكلموا مع بعض"
وسكت سالم دلالة على موافقته...وقام شريف دخل لهديل
"انت عايز منى ايه تانى"
وجرى شريف على ايدها وباسها وهو بيعيط وقعد جنبها على طرف السرير
"سامحينى ياهديل... انا ظلمتك.. ارجوكى سامحينى"
واستغربت هديل...ازاى بعد ماحازم حكى له على اللى حصل بينهم جاى شريف يقولها سامحينى
"انا عايزة اعرف حازم قالك ايه خلاك تطلقنى وتقول انى خاينة من غير ما تسألنى عن اللى حصل"
"حازم...حازم كل اللى قاله انه دافع عنك لما قلت انى عايز اطلقك.. وانا حسيت من كلامه عنك انه مهتم بيكى فاستغليت الفرصة وعملت كل اللى حصل"
وبفرحة داخلية سالته هديل تانى
"يعنى انت اللى عملت كل ده من غير هو مايقول عنى اى حاجة"
"انا هحكيلك يا هديل كل حاجة"
وحكى شريف لهديل كل اللى حصل من وقت ما بدأ يكلم رحاب لحد ما اخدت منه كل حاجة... كان وهو بيحكى يعيط فى مواقف او يضحك على نفسه  فى مواقف تانية... هديل مكنتش قادرة تتعاطف معاه خالص... ولما خلص كلامه
"يعنى انت عملت فيا كل ده وفاكر انى هقدر اسامحك"
"انتى قلبك كبير واحسن منى الف مرة وعلشان خاطر سيف"
"انا اسفة... مش هقدر اامن على نفسى معاك تانى ولا على ابنى... جاى دلوقتى تفتكرنى وتفتكره...لو على السماح ادعى ربنا انه يسامحك... انما انى ارجعلك ويتقفل علينا تانى باب مع بعض... مش هيحصل ابدا"
"ياهديل.."
"خلاص يا شريف... سيبنى اربى ابنى واهم حاجة عندى اعترافك انك ظلمتنى... وانا مسامحاك... وبالنسبة لسيف وقت ماتحب تشوفه اتصل ببابا واتفق معاه تشوف سيف ازاى"
وخرج شريف من عند هديل... وهو عارف ان هديل معذورة فى ردها عليه

هديل طول الليل بتفكر هى قد ايه ظلمت حازم... هو مقالش حاجة لشريف اى حاجة زى ماقالها فعلا... لازم تكلمه الصبح وتعتذر له عن تسرعها وظلمها ليه

لما صحيت تانى يوم الصبح حاولت تتصل بيه كان تليفونه مقفول
جربت اكتر من مرة...التليفون مقفول
وهى فى المكتبة...شافت ماجدة داخلة
"هديل.. عايزاكى ضرورى"
"اهلا ياطنط ازيك... عرفتى مكانى هنا ازاى"
"انا كنت عندك فى البيت ومامتك اللى وصفتلى هنا"
"طيب اتفضلى اقعدى.. مالك"
"حازم امبارح وقع فى الشغل ولما راح المستشفى قالوا عنده جلطة فى الرئة... ولما قدر يتكلم امبارح بالليل... قالى..."
وقعدت تعيط.... هديل جالها كذا احساس مع بعض
قلق...خوف... وجع... رعب
"قال ايه ياطنط"
"قال...عايز يشوفك قبل ما يم..."
"لالا بعد الشر...انا جاية معاكى حالا"
ومكنش فيه حد موجود فقفلت هديل المكتبة وراحت مع ماجدة

اول ما شفته هديل...كان نايم ...دخلت له العناية المركزة بعد مااكدوا عليها انها متتكلمش معاه كتير
لما وقفت جنبه...كانت بتعيط ومسكت ايده وهى بتعيط
نزلت دموعها على ايده... صحا من النوم...لقى ايده فى ايدها
"هد..."
"بس متتكلمش ياحازم"
"مقلتش حاجة"
"عرفت كل حاجة... متتكلمش علشان خاطرى... انا معاك ومش هسيبك ابدا"
"بحبك اوى"
"وانا بحبك اوى يا حازم"
دموعهم الاتنين كانت مش بتتوقف... وايديهم فى ايد بعض
"كان نفسى اكمل حياتى معاكى"
"هنكمل ياحازم مع بعض...متقولش انك هتسيبنى"
"حتى لو مت... كفاية ان اخر كلمة اسمعها انك بتحبينى"
ودخلت الممرضة
"لو سمحتى يامدام كفاية كده...لازم يرتاح"
خرجت هديل وسالت الدكتور..عرفت انه لو عدى 3 ايام مرحلة الخطر يبقى خلاص مفيش خوف
كانت تقريبا ال3 ايام هديل قاعداهم فى المستشفى مش بتروح غير على النوم بس... كانت طول الوقت ماسكة المصحف وبتقرا قران وبتدعيله ربنا يتم شفاه ويقوم بالسلامة
وعدت مرحلة الخطر... واتنقل حازم غرفة عادية وحالته اتحسنت وبقى احسن... وهديل جنبه مش بتسيبه
وطول الوقت عينيهم بتنطق بالحب الكبير اللى بينهم
واول ما خرج حازم من المستشفى... وقبل ما يكمل علاجه
"تتجوزينى يا هديل... مش عايزك تبعدى عنى تانى لحظة واحدة"
"انا اللى مش ممكن ابعد عنك تانى لحظة واحدة... انا اللى بقولك عايزة اتجوزك واعيش عمرى كله معاك"
واتصلت ماجدة بسالم وطلبت منه ايد هديل... وانها بتستأذنه انهم ييجوا عندها فى البيت علشان يكتبوا كتاب حازم وهديل
لانه لسه تحت العلاج... ووافق سالم لانه من الاول بيحب حازم
واتجمعوا كلهم فى بيت ماجدة... وتم كتب الكتاب بين هديل وحازم
وسيف بيجرى ويلعب ويتنطط فى حضن ماجدة شوية وحازم شوية

النهاااااااااااااااااااااااااااااية

هناك 106 تعليقات:

  1. اااااااااااااااااااه ياقلبى ااااااااااااااه انا عنيا مش راضيه تسكت والله هههههههههههه

    احلى نهايه فى الدنيا هههههههههههههه

    تسلمى يا دينا بجد

    ميرا

    ردحذف
  2. ااااااااااااااااااااااااااااااااااااااااااة
    اخيرا دنا كنت بموت يا ساتر قلبى اتزاح عنة حمل ربنا يريح قلبك زى ما ريحتى قلبى بس يعنى تحرقنى دمى مع زفت الطين اللهى يولع 29 حلقة وهديل وحازم حلقة واحدة بس بجد انا ارتحت اوى دنا كنت حاسة انى حتنقط خلاص يا ساااااااااتر والنبى يادينا بلاش تكروتى الحب الحلقة الاخيرة بس وبجد سلم ايدك اسلوبك مشوق وممتع وجميل يارب تكملى وان شاء اللة كتبك تنزل السوق وتبقى من الكتاب المشهورين

    ردحذف
  3. ميرااااااااااا
    سلامة عينك وقلبك
    مييييييييييييرسى
    تسلميلى ياقمر

    ردحذف
  4. مش بحب النهايات السعيد............................................................................................................................. الا لوكانت بطريقة دى .................عبقرية عبقرية

    حسن عبـــــــده

    ردحذف
  5. نونا
    هههههههههههههههههههههموتينى من الضحك على زفت الطين 29 حلقة
    اطمنوا القصة الجاية كلها حب ان شاءالله
    وميرسى علا كلامك الجميل وياااااااااااارب
    دعواتكم بقى ياحلوين

    ردحذف
  6. حسن
    ربنا يخليك ياااااااااااارب

    ردحذف
  7. طب كويس ادينى ضحكتك ارحمينى بقى ونزلى الحب كدة على طول افتحى نفسنا شوية
    ربنا يوفقك يا قمر

    ردحذف
  8. نهايه مقنعه

    بس ليا سؤال المفروض ان هديل لما تتجوز حازم سيف هيعيش مع شريف ...هل هديل هتضحي ب ابنها ؟؟

    المفروض الجزء ده كان يتناقش ف القصة

    راضي

    ردحذف
  9. طلب اخيييييير


    ابعدي عن جو الرومانسيه ف القصه الجايه انا عايز حاجه اكشن كده ولا رعب :))



    راضي

    ردحذف
  10. دينا بجد انتى الكلام ما ينفعش يوصف جبوتك وقوتك والحاجات الغريبة فى احساسك الفظيع والنهاية الجامدة مووووووووت دى ...بجد انتى اوسكار القصص القصيرة دة لو فية لو مش فية اعتبرى نفسك اخدتيها عن جداااارة ...قصة ممتازة وربنا يوفقك فى اللى جاى ونجاح اكتر ان شاء الله ..مبروووووووووووك وربنا يوفقك ياااارب

    ردحذف
  11. بجد مبدعععععععععععععععععععه
    نهايه رائععععععععععععععه
    بجد كان لازم تكون دي النهايه هديل كانت لازم تكون لحازم
    فاكره الحلقات الاولي لما قولتلك ان حازم حيجوز هديل

    ردحذف
  12. نونا
    الشعب يريد التوقف فى رمضان

    ردحذف
  13. راضى
    اعتقد بعد النكد اللى فى ذكرى سارة وفوق احتمالى
    كله عايز يعيش جو تحت سقف واحد

    ردحذف
  14. ياسلام على الحب وعمايله :D :D
    جميله اوووى يا دينا
    تسلم ايدك :))
    مستنيه القصه الجايه؟

    ردحذف
  15. محمد
    والله ماعارفة ارد علي كلامك الجميل ده واقول ايه
    ربنا ما يحرمنى منكم يااااااااااااارب
    ومحتاجة دعواتكم ان القصص دى تطلع للنور
    بجد ميرسى كتيييييييييييييير
    ورد فعلكوا ده اكبر جايزة بالنسبة لى

    ردحذف
  16. بنت من الزمن ده
    ميرسى ياحبيبتى
    وان شاءالله نكمل بعد رمضان

    ردحذف
  17. جميلة بجد يادندون ودموع فرحتى بعزة هديل وكرامتها اللى اترفعت فى الاخر مش راضية تقف احلى نهاية بجد

    ردحذف
  18. جكيلة جداااااااا :)
    و النهاية جت بطريقة تحفة
    و فعلا اللى زى شريف ده ربنا بينتقم منه و بيفضل طول حياته فى عذاب و ندم ع اللى ضاع منه

    ندى محسن

    ردحذف
  19. بجد نهايه جميله جدا وبأحتراف

    أرفع قبعتى لـقـلمك الرائع وابداعك الدائم

    ردحذف
  20. غير معرف
    ميرسى كتيييييير واسفة لدموعك الغالية

    ردحذف
  21. ندى
    ميرسى كتييييييير ليكى ياقمر
    وشريف يستاهل طبعاااااااا
    نورتينى وهستناكى تتابعينى فى القصة الجديدة
    كمان كام يوم ان شاءالله

    ردحذف
  22. هذيان قلب
    شكرااااااا جزيلاااااااا
    كلامك ده وسام على صدرى
    ميييييييييييييييرسى

    ردحذف
  23. كلمة جميــــــــــــــــــــــلة قليلة جداااااااااااااا عليها بجد تحفة تحفة تحفة :):)

    ردحذف
  24. ميييييييييييرسى كتييييييير
    ليكى ولذوقك
    ويارب كل القصص تعجبك ان شاءالله
    نورتييييييييييييييينى

    ردحذف
  25. بغض النظر عن سخافه البني ادم اللي اسمه شريف اللي جابلي غثيان ده وانا اصلا مش ناقصه بس انا بصراحه فرحانه لهديل ان ربنا عوض صبرها خير هي وحازم ولو ينفع كنت زغرطلهم دلوقتي هههههههههههههههههههه لولولولولولولولوللولوولىىىىىىىىىىىىىىىىىى

    اسماء طارق

    ردحذف
  26. جامده اووووووووووووووووووووووووي بجد ماشاء الله علكي كاتبة ممتازة مستنيين قصة اشجان بس للاسف مش هشفها قبل 26/1 اكون خلصت امتحانات ادعيلي



    menna el-ahlawya

    ردحذف
  27. القصص حلوين كتير وكلهم نهايتهم سعيدة ويا ريت لو قصصنا في الحياه بتكون سعيدة والحب بكون على قد الحب في هاي القصص مشكورة كتير على كل القصص حلوين كتييير

    ردحذف
  28. بتجنن بتجنن بتجنن بتجنن
    بتجنن بتجنن بتجنن بتجنن
    بتجنن بتجنن بتجنن بتجنن
    بتجنن بتجنن بتجنن بتجنن
    واحلااااااااااااااااااا نهااااااايه بالكوون
    والله عيني دمعت عنجد اشي روووووووووعه تسلم اديكي يا دندن
    nero

    ردحذف
  29. يادينا القصة جميلة بس بصراحة كنت عاوزه النهاية ان حازم يموت وهديل تربي ابنها والكلب شريف يهاجر او ينتحر

    ردحذف
  30. قصة جميلة بس كانت تنرفز من اللي عمله الحيوان شريف ده بس فرحت لما هديل وحازم اتجوزوا الملاك دي لازم حد يقدرها

    ردحذف
  31. بجد فوق احتمالي حرام عليكي اللي عملتيه فينا ده والتغير الغريب في الاحداث بعد الحلقة ال24 واللي يغيظ اكتر ردودك محسسانا انك متعرفيش اللي هيحصل بس بجد تسلمي روووووووووووووعه

    حسام :)

    ردحذف
  32. Memo

    ياخبر ابيض يا دينا ...عارفة بجد لو كانت النهايه مش كده .كان هيجيلى سكته قللبيه بجد !!!

    لا ده انا خوفت تموتلنا حازم ف الاخر ...بجد فعلا فووووق احتماااالى

    too much ya nsh2aaat bgd :D:D

    ردحذف
  33. جــمــييييييييييييييييييييله اوى <3 ،، :)

    tooty 2T_^

    ردحذف
  34. بجد يادينا نهااااااااية روعة وحازم لو كان جراله حاجة انا كنت هروح فيها :D انتى بجد كتااااااباتك روعة واسلوبك فى الكتابة شيق جداااااا واتمنى انك تستمرى من نجاح الى نجاح

    ردحذف
  35. يااااااااااااااااااااة بجد بجد نهاية حلوة اووووووووووووووووي اوووووووووووووووووووووووووووووووووي
    و بجد كما تدين تداااااان
    يعني للي شريف عملو في هديل اتردلووو علاطووووول
    و ربنا عوضها هي بحازم
    و اصلا حازم دة محترم اووووووووووووي

    ردحذف
  36. t7faaaaaaaaaaaaaaaaaaaaaaaa bgd
    bgd ea dina ana msh 3arfa a2lk eh anty b2maaaan raa23a
    Tu2aa

    ردحذف
  37. شكرااااااااااااا بجد كاتبتنا الجميلة دينا عماد كان صعب اوي قلوبنا تتصدم بموت ملاك زي حازم شكرا لابداعك وسلاسته الجميلة اللي بتعيشنا لحظات رومانسية وانسانية جميلة كنا محتاجينها في دنيتنا القاسية دي

    ردحذف
  38. ههههههههههه عايزه اقولك قريت ال30 حلقه فى ساعتين من كتر ماكنت مدايقه وعايزه اعرف هتخلص على اييييييه مش جديد عليكى راااااااااائعه

    ردحذف
  39. مفيش تعليق على النهايه الجميله دى تسلم ايديكى مدام دينا
    سلمى

    ردحذف
  40. تحفة تحفة تحفة تحفة تحفة


    مونه

    ردحذف
  41. والنبى عاوزين جزء تانى مينفعش كده والنبى كملى القصه

    ردحذف
  42. بجد نهايه رااااااااااااااااااااااااائعه انا فرحت جدا ليهم جدا جدا جدا جدا :)
    خلود

    ردحذف
  43. ابدعتى فى كتابة القصة يا دينا بس كتبتى النهاية بطريقة سريعة جدا و مش منطقية و لا حلوة


    عموما القصة كانت هتبقى احلى لو فكرتى حتى فى شوية احداث زيادة مع نفس النهاية

    ردحذف
  44. جامده جدااااااااااااااااااااااااااا جدا والله تسلم ايدك وشريف ده ربنا يخده

    ردحذف
  45. افكارك حلوة جدا :)
    mona

    ردحذف
  46. عادي كد وزفت الطين شريف سكت الشريرة دا شطان
    بس نهاية حلوة بجد ليه مفيش نهايه كد ع الحقيقه
    ASmaa

    ردحذف
  47. بجد مش عارفه اقوللك ايه انا بقيت مدمنه قصصك و مش بعمل غير القراءه

    ردحذف
  48. اسلوب حضرتك ف الكتابة رائع بجد انا مهما قولت مش هوفى حضرتك حقك حضرتك موهبة مش هتتكرر ف العالم كلة بجد تسلم ايديكى بجد كتاباتك رائعة ومشوقة ومن جميع الانواع بجد انا عمرى ف حياتى ماتشديت ف كتابات حد زى ماتشديت ف كتابات حضرتك بجد لو كتبت بكل لهجات العالم وبكل حروف البشرية مش هوفى حضرتك حقك

    ردحذف
  49. حلوة اووووووووووووووووووى اووووووووووووووووى بجد

    انا عنيا دمعت :( وكنت هزعل اوى لو هديل سامحت شريف و رجعتله بس بجد النهاية جمييييييييييييييييييييييييييييييييلة يا دودو :-*

    ردحذف
  50. بجد يا ا/‏ دينا انتى اكتر من رائعه انك توصليلى الاحساس ده بالكره لشخصيه و بالحب لشخصيه فإنى احيكى لإنك حسستينى انها قصه حقيقيه و انفعلت معاها جامد و ده العادى مع قصصك كلها طبعا
    استمرى فى مزيد من الإبداع
    amani alshikh

    ردحذف
  51. ايوه كده
    حسبي الله ونعم الوكيل فيك يا شريف يا ابن فااااااييييييزه
    قعدت ادعي عليه كتير قوي بجد
    ينفع كده يعني يا دينا جننتيني وخليتي ادعي على اشخاص خيايليين
    بجد تسلم دماغك وايديكي عالابداع ده
    بس هموت واعرف شريف عمل ايه لما عرف

    ردحذف
  52. بجد القصة روعة والنهاية اروع
    انتي كاتبة اكثر من مبدعة
    اناخلاص بقيت مدمنة رواياتك

    ردحذف
  53. تحفـــــــــــــــــــــــــــــــــــــــــــــــــــــه :*

    ردحذف
  54. مش معقـــــــــــــــــــــــــــــــول بجد القصه دى احلى قصه قراتها ف حياتى وحازم ده من الناس اللى مبقوش موجودين دلوفتى بجد تحفه تسلم ايدك :) :)

    ردحذف
  55. تحفة وجميلة جدااااااااااا

    ردحذف
  56. بجد القصه دى جامده وانا فرحانه اوى ان هديل هتتجوز حازم وفرحانه كمان ان سيف ميعرفش شريف ولا بيحبه وبيحب حازم اكتر منه بجد يا دينا انتى قصصك جامده وجميله اوى

    ردحذف
  57. رواياتك كلها جميلة يا دينا بس دي بجد تحفة تحفة لابعد الحدود ربنا يوفقك وتكتبي حاجات احلي
    مسك الختام:فاتن:

    ردحذف
  58. الله عليكى يا دينا بجد بجد الرواية تحفة واحسن ان شريف اخد جزاءة احسن انا اصلا مش طايقاة ربنا اخد حق الغلبانة منة ـــــــــــــــــmayar mero

    ردحذف
  59. ياريت القصص فى الواقع تبقى كدا بجد الحب موجود بس مفيش حد بيحب بجد والى زى حازم او هديل معتقدتش انهم موجودين بجد انا من كتر اعجابى بيها بتمنى اعيشها بجد تسلم ايدك لانك اسعدتينى بيها ميرسى اوى انتى رائعة

    ردحذف
  60. تحفه اوى

    ردحذف
  61. احلي نهايه في الدنيا بجد مبسوطه كأنى أنأ هْْديل ههههههه بجد حلوه جدا القصه كلها رائعه كنت بقول من الاول شريف دا شكله مش كويس من اول مشهد ليه والاحسن ان رحاب دي بهدلته عشان حق هديل برافوووووووو بجد يادينا القصه تحفه
    هند

    ردحذف
  62. حاجه فوق الوصف بصراحه

    ردحذف
  63. بجد جميييلة اويييي تسلم ايدك


    مها

    ردحذف
  64. الله عليكى يا دندونه يا حبيبتى انا هموووووووووووووووووووت م الفرحه ال ان حاسه بيها دى
    ربنا يخليكى لينا انتى وقصصك ونهاياتك الراااااااااااااااااااائعه

    ردحذف
  65. ياااااااااااااه اخيرا تسلم ايدك يا دينا

    ردحذف
  66. نهاية حلوه اوووووووووووووووووووووووى بجد رووووووووووعه اووووووووووووى القصه

    ردحذف
  67. جميييييييييييييييييله اووي بس ياااريت نهااية الحب داا متبقااش مختصره اوووي كدا

    ردحذف
  68. gaaaaaamda y dina mooooooot

    y

    ردحذف
  69. لا رائعه الحقيقه ومؤثره تسلم ايديكي يا دينا

    ردحذف
  70. حرام عليكي والله يا دينا انا قلبي وجعني من القصه وكرهت اسم شريف
    كمان النهايه سطر وحد يعني فرحتيني 3 ثواني بعد كل العياط والقهر
    بس بجد تسلمــــــــــــــي علي القصه الجامده دي

    ردحذف
  71. جامده القصه والحلقه دي وانا بكيت عشان حازم وشريف يستاهل اللي ميقدرش حب المرأه له ويستعبدها يستحق اللي يحصل له

    ردحذف
  72. بجد رررررررررروعه جدااااااا

    ردحذف
  73. جاااااااااااااامده موووووووووووووووووت
    بجد رووووووووووووووووعه نهأيه زي ألعسل وأحسن أللي حصل لشريف عقبأل ميحصل للي فبألي
    قصصك في منتهي ألجمأل وألرومأنسيه ومبتخﻻش من تعب أﻻعصأب بس كفأيأ أن نهأيتهأ بتكون جميله زيك يأقمرأيه♥♥♥♥♥
    حور

    ردحذف
  74. تسلمى يا دينا
    بجد توووووووووووووووحفه جداااااااا :)

    ردحذف
  75. انتى بجد موهوبه وبالنسبالى الكاتبه المفضله ولازم اساسى كل يوم اقرا روايه من رواياتك وكان نفسى اجى حفل التوقيع فى كتابيكو بس للاسف كنت مشغوله جدااا وربنا يكرمك يااارب ومن نجاح لنجاح

    ردحذف
  76. القصه دي اجمل قصه قريتها.. بجد فنانه والله

    ردحذف
  77. انت ليه يا دينا بتكروتينا ف اللحظاات الحلوة والوحشة تمدي فيها طب راعي مشاعرنا :D :D
    وطبعا يا دينا ابدعتي والقصة فظييعة جداا وحازم شخصية جميلة ربنا يرزق كل بنت بحازم صغنون كده :D :D

    ردحذف
  78. قصه جميله جدا بجد رائعه ونهاية سعيدة

    ردحذف
  79. انا تابعت جميع الحلقات ومرارتى اتفقعت وجالى الضغط والقلب والسكر وامراض الدنيا كلها بسبب زفت الطين شريف
    وبردو فى الاخر معرفتش اتعاطف معاه خالص واصلا اصلا من اول مقابلة حصلت ما بين حازم وهديل لما كانوا رايحين يستقبلوا زفت شريف وانا قولت انهم لايقين على بعض جداااا

    ردحذف
  80. الطائر الحزين22 يونيو 2014 في 4:03 ص

    ايوة كده بئه
    حراااااااااااااام بجد انا كرهت شريف وكنت عاوزة انط جوة القصة واموته
    لازم هديل تلاقى حاجة تعوضها
    بس كنت عاوزة اعرف ايه مصير شريف

    ردحذف
  81. B7bk ya 7aaaaaaaaaaaaaaaaaaazeeeeem
    ya rap 2rzo2ny bwa7d zaio..
    Bs bgd elkesa to7fa awiiiii m3 2no lw kan mat kant htkon agml

    ردحذف
  82. جميلة اوي القصة دي بس هي ممكن يكون ليها جزء تاني ان شريف يطالب بابنة







    ياسمين

    ردحذف
  83. هذه القصة من اروع القصص التى قراتها بحياتى .................كم انت متميزة..

    ردحذف
  84. <3 <3 <3 هييييييييييح حلووة القصة
    رائعة يا دينا :)
    نوره

    ردحذف
  85. حلوة اوووووى
    .
    .
    .
    .
    .
    .كالعادة

    ردحذف
  86. دينا إنتي أجمد واحلي كاتبة في مصر أنا حبيتك أوووووووووووووووووي من غير ما أعرفك

    ردحذف
  87. دينا إنتي أجمد واحلي كاتبة في مصر أنا حبيتك أوووووووووووووووووي من غير ما أعرفك

    ردحذف
  88. وقفت احترام وغصب عنى دموعى نزلت مكنتش اتوقع انك تفجئينا كده ربنا يخليكى يا دينا بجد ربنا يخليكى وميحىمناش من قصصك والقرأه الممتعه الجميله دى

    ردحذف
  89. وقفت احترام وغصب عنى دموعى نزلت مكنتش اتوقع انك تفجئينا كده ربنا يخليكى يا دينا بجد ربنا يخليكى وميحىمناش من قصصك والقرأه الممتعه الجميله دى

    ردحذف
  90. القصة روعة جدا جدا وبجد حضرتك اكتر واحدة بتكتب احسن قصص باللهجة المصرية وكمان بتخلى الواحد يعيش القصة انا بجد بجد بجد مبسوطة وانا بقرأ رواياتك

    ردحذف
  91. دينا انتي بجد جميله اووووووووووووووووووووووووي القصه رائعه تسلم ايدك وزوقك واحساسك

    ردحذف
  92. بجد تحفه انا بحب الرومانتك اوووى واهو الحاجات الى مش بنقدر نحققها فى واقع مبقاش للحب ليه مكان نتخيل شويه 000فى زمن الناس متخبيهفيه ورا اقنعه

    ردحذف
  93. ما عارفه ايش اقولك بس اتمني ربي يوفقك وانتي كاتبه اكثر من رائعه دمتي ودامت كتاباتك

    ردحذف
  94. جميييييييله جدااا نهايتها اجمل واجمل يارب يوفقك ف كتاباتك

    ردحذف
  95. جميييييييله جدااا نهايتها اجمل واجمل يارب يوفقك ف كتاباتك

    ردحذف
  96. جميله جميله جميله جدا اعذريني مش بعلق اول باول اخر كل حلقه بس بيبقى عندى شغف للحلقه اللى بعدها اهنئك قصه جميله واحداثها مثيره ربنا يوفقك

    ردحذف
  97. قصه في منتهي الروعه كنت خايفه ترجعيها لشريف بس الحمد لله قصصك تحفه تسلم ايدك بس يا ريت تطوليلنا في النهايه شويا بعد النكد دا كله ادينا شويا حلويين نغير المود

    ردحذف
  98. بصي القصه دي رررررررررررررررررررروعه ودي مش اول حاجه اقرها ليكي قرات ذكري ساره دي كمان كانت حلوه اوووووووووي وكمان جبت راويه قلوب مغلقه دي روعه بجد حلوه اوي وكمان اللي جمع بين القصتين والروايه اني دموعي نزلت 😭فيهم وجعلي قلبي 😓بس روعه اوي

    ردحذف
  99. بصي القصه دي رررررررررررررررررررروعه ودي مش اول حاجه اقرها ليكي قرات ذكري ساره دي كمان كانت حلوه اوووووووووي وكمان جبت راويه قلوب مغلقه دي روعه بجد حلوه اوي وكمان اللي جمع بين القصتين والروايه اني دموعي نزلت 😭فيهم وجعلي قلبي 😓بس روعه اوي

    ردحذف
  100. رائعه جدا اندمجت معاها وعشت كل تفاصيلها كاني بداخل الروايه

    فرحت واضايقت وزعلت وقرفت حسبت بكل المشاعر بجد انتي فنانه
    ربنا يوفقك

    ردحذف
  101. حلوه اوي اوي بس في الحقيقه مش هينفعوا يتجوزا علشا شريف مايخدش سيف منها و في نفس الوقت ياكد عليها تهمه الخيانه... طبعا اهلها هيقولولها ارجعيله ابو ابنك اولى بيك و الراجل ندمان و لو اتجوزتي حازم هيشكوا فيكوا خصوصا ان ام شريف نفسها شكت في هديل لما شريف حكى لها انه طلقها... نهايه حلوخ اويييي بس صعب جدا تكون حقيقيه... قصصك كلها حلوه بالتوفيق.

    ردحذف
  102. نفسي مرة النهاية ما تكونش مختصرة وكأنك بتتخلصي من القصة بأسرع ما يمكن. بأحس في كل قصة انك بتربطينا بيها وبالشخصيات والأحداث ودايما تكروتي النهاية. حتى ولو كانت النهاية سعيدة بس دايما غير مشبعة وكأنك بتجري وعايزة تقفلي الحدوتة بسرعة قبل ما الديك يأذن. عفوًا ولكن ذلك إحساسي مع كل قصة، إحساس أن هناك شيء ناقص، إحساس مبتور، فرحة غير مكتملة حبكة غير مخدومة بما يكفي.

    ردحذف
  103. حلو جدا جدا برافو عليكى و شيقة جدا مكنتش عارفه اسبها لحد ما خلصتها

    ردحذف
  104. حلوه جدا تسلم ايدك وعاوزين روايات رومانسيه اكتر 😍😍

    ردحذف

قول رأيك بلاش تقرا وتقفل من سكات...ارائكم تهمنى