الجمعة، 9 سبتمبر 2011

حكم القلب ...الحلقة 19 والاخيرة

الحلقة 19والاخيرة
"انت كداب...بنتى مش ممكن تعمل كده"
"اتفضل...دى قسيمة جوازنا...وانت السبب اللى وصلتنا لكده برفضك وعندك"
"انت حقير وواطى ضحكت على بنتى زى ماضحكت على الغلبانة اللى حامل وتخليت عنها"
"لا متقارنش نهى بأى واحدة تانية...نهى دى مراتى وحبى الوحيد"
"مش ممكن بنتى تعمل كده"
وخرج الدكتور وجرى عليه خالد
"طمنى لو سمحت يادكتور"
"خير متقلقوش هى عندها صدمة عصبية بسيطة واخدت مهدئ ونايمة وهتبقى كويسة خالص...مفيش حاجة تقلق"
واول مااطمنوا كلهم... فجأة وقع باباها فاقد الوعى... وتم نقله فورا للعناية المركزة

خالد قاعد جنب نهى وهى نايمة...ماسك ايديها وندمان على غلطته فى حقها... وزى ماقال الدكتور بدأت تصحى بالليل
"مامااا"
"حمدالله على سلامتك يانهى... ماما مش هنا وانا معاكى"
"انت ايه اللى جايبك هنا...امشى من هنا ومش عايزة اشوفك... يا بابااااا...انا عايزة بابا"
"اهدى يا حبيبتى واسمعينى...انا غلطان فى حقك سامحينى"
"اسامحك ازاى... انا قصرت معاك فى ايه... اتجوزتك من ورا اهلى علشان بحبك... بقيت اكدب علشانك...عملت كل حاجة ضد تربيتى علشانك...يكون ده جزائى الخيانة والفضايح"
"انا عارف ان غلطتى كبيرة... بس حبنا اكبر ولازم تسامحينى"
"لا مش مسامحاك...فين بابا وازاى سايبك هنا"
"باباكى... ا...ا... "
"بابا وماما فين"
"متقلقيش باباكى بس تعب شوية ومامتك معاه"
وقامت نهى وهى تعبانة
"رايحة فين؟"
ومردتش عليه وقرب منها يسندها
"ابعد عنى وقولى بابا فين بالظبط"
"باباكى فى العناية المركزة"
وخرجت نهى من اوضتها ووراها خالد... وسألت عن مكان العناية المركزة... لما وصلت وشافت مامتها بتعيط
"ماما...بابا ماله؟؟"
"متحملش انك تتجوزى من ورانا...ليه يابنتى عملتى فينا كده"
الام كانت بتعيط بحرقة من صدمتها من بنتها وعلى مرض جوزها
واتفاجئت نهى ان باباها عرف موضوع جوازها
"انت اللى قلت لبابا"
"ايوه يانهى انا اللى قلت علشان بحبك ومش هسيبك"
"انا بكرهك... انت خربت حياتى وخنتنى وهتموت ابويا وكل ذنبى انى حبيتك... اخرج من حياتى ياخالد"
ودمع خالد وهو بيمسك ايدها...شدت ايدها منه
"ابعد عنى...مش قادرة اشوفك..ولا اسمع صوتك"
"متقوليش كده يانهى انا بحبك"
"روح لم فضايحك بعيد عنى بس قبل ماتمشى طلقنى"
"مش ممكن...مقدرش اطلقك يانهى"
"هتطلقنى... لازم اصلح غلطة عمرى"
"وان قلت مش هطلقك"
"تطلقنى برضاك...والا هخلعك...واظن انت مش ناقص فضايح ...روح اتجوز الست الحامل واسترها حرام عليك مش كفاية ضيعت مستقبلها"
"انتى مش فاهمة حاجة...سيبينى افهمك"
نهى وصلت لمرحلة من العصبية خليتها تصرخ فى وشه
"مش عايزة افهم ولا اسمع صوتك...طلقنى بقى"
واترمت فى حضن مامتها...وهما الاتنين بيعيطوا
"سامحينى ياماما... انا غلطت وندمانة... سامحونى انتى وبابا"
المشهد... صور بموسيقى تصويرية بدون حوار
ثابت نايم على السرير فى البيت وجنبه كرسى متحرك
نهى قاعدة جنبه لخدمته ...تأكله وتشربه وتلبسه
احساس بالندم والانكسار فى كل تصرفات نهى
خالد قاعد فى البيت وحواليه سجاير وخمور ودقن طويلة
نهى تفتح الباب وتستلم ورقة طلاقها وتنزل دموعها
لما توريها لباباها يبتسم لها برضا...وتبوس ايده ندما
تتابع اخبار خالد عن طريق الجرايد...وبعد ماتقرا ترمى الجرايد
حنان بدأت بطنها تكبر ومازالت فى الفضائيات والمجلات والجرايد
خالد بيرفض اى شغل يجيله ومش بيخرج من البيت
خالد على طول صور نهى قدامه ع الموبايل والكمبيوتر
خالد كل فترة يتصل بنهى...لما تشوف اسمه تقوم وتبعد عن التليفون
ثابت بيجيله دكتور علاج طبيعى...وبدأ يمشى تانى
حنان بتولد
قضية نسب بين حنان وخالد

"بابا...فيه واحد زميلى عايز يتقدملى"
"وماله يانهى بس ياترى عارف ظروفك"
"ايوه لما فاتحنى فى الموضوع حكيت له انى متجوزة قبل كده وهو معندوش مانع"
"طيب كويس والله ان فيه شاب وافق بالسهولة دى"
"هو ارمل يابابا وعنده بنتين"
"وانتى موافقة عليه بجد؟؟ ولا عايزة ترضينا انا وامك وتفرحينا وخلاص"
"موافقة بعقلى هو شخص محترم وسمعته معروفة وزميلى من زمان... وكمان اكسب ثواب فى بناته اليتامى"
"على خيرة الله... حددى معاه معاد"

مكالمة بين خالد والمحامى بتاعه
"ها يا استاذ طمنى"
"مبروك ياخالد...القضية كده خلاص"
"مبروك ازاى فهمنى"
"نتيجة تحليل ال DNA طلعت سلبية...يعنى انت مش ابو المولود"
ويتنطط خالد من الفرحة
"انا كنت متاكد انه مش ابنى ..والله كنت حاسس..متشكر اوى اوى"
وبعد ماقفل جرى خالد حلق دقنه واختار اشيك طقم عنده
وجرى على اسماعيلية... لما وصل راح على بيت نهى
خبط الباب... فتحت نهى
"نهى ...حبيبتى.. خلاص الولد مش ابنى.. مش ابنى"
"وانت جاى ليه ياخالد"
"جاى افرحك ونرجع لبعض تانى"
صوت من الاوضة
"مين يانهى"
"حد جه عنوان غلط يابابا"
"خلاص ياخالد...احنا موضوعنا انتهى... وياريت تمشى قبل ماما ماتيجى من بره وتشوفك"
"امشى ازاى بقولك المشكلة اتحلت... ولو على باباكى انا اعتذرله واعمل كل اللى يقوللى عليه"
"انا مبعدتش عنك علشان انت كنت فى مشكلة.. انا بعدت علشان خنتنى... وبعدين خلاص.. انا كتب كتابى النهاردة"
"لا يانهى متسيبينيش... انا بحبك"
"بعد اذنك ياخالد...ربنا يوفقك فى حياتك"
وقفلت نهى الباب ووقف كل منهم بدموعه وبينهم الباب

هناك 124 تعليقًا:

  1. لا بتهرجي بجد.. يعني يا مسلسل كله نكد وكم حته رومانسيه ويتقفل بنهايه سعيده يا مسلسل بدايته سعيده وكله حب ويتقفل بنكد.. انا كرهت الرومانسيه خلاص.. بلاش رومانسيه تاني

    ردحذف
    الردود
    1. صح يتقفل كده بنهايه غم وهو بادىء سعيد يا ريت تعمليلها حلقه اخيره غير دى

      حذف
    2. المفروض يكون فى نهاية حلوة و ياريت يكون فى جزء تانى للمسلسل
      بس يجد انى ممكن تعملى كتب و تنزل و هتكسر الدنيا و بجد حضرتك موهوبة و المفروض ان حضرتك تستخدمى الموهبة دية مش فى النت فقط

      حذف
  2. لا ده المسلسل الوحيد الى فعلا نهايته معجبتنيش
    ranosh

    ردحذف
  3. لا مش حلوه مش عجباني

    ردحذف
    الردود
    1. فعلا الموضوع من البدايه كان ماشي تمام
      لاكن النهايه كده هي اللي مش تمام خالص

      حذف
  4. لا النهاية وحشة اوووووووووووووووووى ياريت لو ممكن تعيدى سياقها مرة تانية :(

    ردحذف
  5. لييييييييييييييييييييييية كدة
    بس بصراحة هيا متجيش غير كدة و الا كانت هتبقة نهاية مش معقولة
    اميرة

    ردحذف
    الردود
    1. ليه كده ليه مش رجعوا لبعض خالد بيحبها بجد وهي كمان بتحبه
      لازم حلقه تانيه يرجعوا لبعض
      خلي النهايه سعيده

      حذف
  6. اييييه النهاية دي !!!
    اممممممممم
    هي القصة حلووة من بدايتها
    بس النهاية معجبتنيش قوي
    معأن ممكن تكون نهاية معقولة
    بس معرفش بحب قصص الحب تنتهي بسعادة
    ولمى تنتهي بالعكس بتشائم قوي
    على العموم القصة بصفة عامة جاامدة
    وتسلم ايدك يا قمر

    ردحذف
  7. قصة جميلة بصراحة ,, والنهاية كمان جميلة جدا للأن لو استمرت العلاقة كدة الحياة ديما هتكون في مشاكل و دي التهاية المفروضة مش لازم كل النهايات تكون فيها الحياة لونها بمبي ,, و بالمناسبة حضرتك كاتبة ممتازة و أنا خلصت كلل الأرشيف في 3 أيام و بستى حلقاتك كل يوم ع الفيس :)
    fatoom

    ردحذف
  8. لالالالالالالالالالالالالالالالالالا مش ممكن ,,, فصة حلوة اوىىىىىىىىىىىىى
    بس كان لازم يرجعوا لبعض فى الاخر ... هوة خلاص ندم ورجعلها ومادام بتحبية يبقى المفروض انها تسامحة

    ردحذف
  9. حراااااااااااااااام والله كده انا عيطت انا واختى من النهايه دى ياريت تعملى حلقه تانيه :(

    ردحذف
  10. نهايه واقعيه جدا وليست بحاجه الى اي تغيير .... انتي كاتبه حلوه اوي

    ردحذف
  11. بصراحه نهايه مش عجبتني بالمره

    ردحذف
  12. لالالالالالالالالالالالالالا ليه كده حرااااام كنتى تنهيها نهايه احلى من دى شوية يا دينا كانو يرجعو لبعض طالما هو برىء يعنى حرام كده :'(

    ردحذف
  13. el nhaya mesh 7lwaa bs f nfs el wa2t mntkyaa dah el kan mafrod y7sl

    ردحذف
  14. bgd waq3ya gdnnn w alnhaya d kant lazm tkon mwgoda bgd tslm edk ya dodo
    emy

    ردحذف
    الردود
    1. هى القصه ممتازه اسلوبك ممتاز
      نهايه معقوله قوووووووووى ومنطقيه جدا
      لو انها حزينه بس دا شئ طبيعى ومتوقع لان هو ليه حياته البعيده جدا عن حياتها..وكمان خانها
      دايما فى تقدم♥♥♥
      sama

      حذف
    2. نهايتها وحشه اوووووووووووووووووووووووووووووووووووووووووووووووووووووووووووووووووووى

      حذف
  15. النهايه حزينه اوى
    سلمى

    ردحذف
  16. el nhaya s3ba awy....ya ret konty nahety el qessa b nhaya romansya

    ردحذف
  17. نهاية نؤلمة


    مونه

    ردحذف
  18. eh dh !!! leh enthy kdh !!
    TU2aa

    ردحذف
  19. دينا حلوة تسلم ايدي بس مش واقعية خالص غير باقي قصصك يمكن لحد دلوقت مش حساها كامله انا حساها حلم مش شرط الا رتباط ببعض بس مش هي دي نهايتهم بردو

    ردحذف
  20. القصه تحفه بس النهاية مش حلوة خالص خالد مظلوم و يستحق فرصه تانية
    Mima

    ردحذف
  21. ايه دا هى القصة كدا خلصت خلاص
    بصى هو انا اينعم كنت عايزاهم يرجعو لبعض
    بس فعلا دى النهاية المفروضة مينفعش غلطته دى تتغفر بسهولة كدا عادى

    ردحذف
  22. بس هو حبها فعلا لكن للاسف جو خالد مش بسهولة يبعد عنه وميستسلمش لاغرات الوسط ده يمكن النهاية دي منطقية ومناسبة للعقل جدا يا دينا بس موجعة للقلب اللي دايما عنده امل ان حبيبه يتغير للاحسن وربنا يهديه تسلم ايديكي يا دينا

    ردحذف
  23. النهاية كويسة جدا والقصة تحفة بجد وهما فعلا لو كانو اتجوزم انا كنت هازعل لانه مايستحقش واحدة زيها وهو لما اقام علاقة مع حنان اثبت بكدة انه مش بيحب نها فعلا وانه ماتغيرش وممكن اي واحدة تغريه

    ردحذف
  24. اول مرة اقرا قصة و تبقى نهاية حزينة ... بس منطقية ... احلى حاجة انك كسرتى القاعدة دى .... بالتوفيق ان شاء الله

    ردحذف
  25. النهاية حتي علي الال كانتي تفجائينا باي حاجة تانية بس بجد يادندن قصصك هايلة بس اهي نهاية مختلفة عشان الناس تحس ان في حب قوي ممكن ينتهي ببعد مش كلو جواز وكدة

    ردحذف
  26. ايه دى لا هى دى الحلقه الاخيره لا القصه دى مش حلوه

    ردحذف
  27. النهاية دى انا شايفاها طبيعية جدا لكل حاجة خالد ونهى عملوها

    ردحذف
  28. لالالالالالالالالالالالالالالالالالالالالالالالالالالالالالالالالالالالالالالالالالالالالالا بجد متهرجيش ايه النهايه دى وحشه اوووووووووووووووووووووووووووووووووووووووى

    ردحذف
  29. لالالالالالالالالالالالا حرام عليكى بقي

    ردحذف
  30. لا بجد دا حرام وحرام عليكى يا دينا المفروض النهايه تبقى احلى من كده دا ظلم

    ردحذف
  31. لالالالالالالالالالا يا دينا ليه كده اهئ اهئ

    ردحذف
  32. عاجبتني القصة و شدتني ليها بس نهايتها محزنة كنت حابة يكون فيها شوية سعادة.

    ردحذف
  33. حررررررررررررررررام ان دى تبقى النهاية

    ردحذف
  34. يمكن اول مرة اعلق مع انى قرايت اغلب روياتك بس كا ممكن تبقى النهاية مختلفة لانى اتععودت منك انى اخرج من كل رواية بحكمة معينة وخبرة جديدة بس المرة دية انا حاسة انى مااستفادتش بحاجة بل بالعكس خرجت باحساس بالظلم لكل من الطرفين ياريت تعيدى صياغة النهاية مرة اخرى ...ولكى جزيل الشكر على كل كتاباتك

    ردحذف
  35. انا سشايفة ان النهاية حلوة اوووى يا دينا مش ضرورى كل نهاية تبقى سعيدة لكن ضرورى كل نهاية تبقى واقعية وتبعد بقدر الامكان عن الخيال ,,خالد خانها وغلط فى حقها وحتى لو كانت سامحته واتهونت فى حقها كان هيخونها بعد كده الف مرة هما اللى اتنين فعلا طريقهم مختلف هو حاجة وهى حاجة واللى فى مصلحتهم وسعادتهم فعلا ان هما يبعدوا عن بعض ,,نهى مش مسئولة عن خيانته ...

    zainab

    ردحذف
  36. كان نفسي النهاية تبقي احسن من كدة هو غلط وعرف غلطته لانه خانها وهي كمان خانت ثقة اهلها فيها يعني كدة هما خالصين..تحياتي..h.a

    ردحذف
  37. اناحبيت القصة فى الاول وحبيت الرومانسية الا فيها
    بس بجد اخرتها وحشة جدا لات خالداتغير علشانها وحبها جدا كان المفروض تسامحه

    ردحذف
  38. النهاية المفروض تبقى انهم يرجعوا متنفعش تبقى دى النهاية ابدا :(

    ردحذف
  39. ليه مش نهايه سعيده !! :/

    ردحذف
  40. la nehaya m4 7lwa 5als y3ne homa 7o b3d bgd w hya 7bto w mafe4 ensan m4 by8lt kan el mafrod tsam7o

    ردحذف
  41. حرام عليكي يعني ليه كده اووووووووووووووووف بقى بقى ,,,

    ردحذف
    الردود
    1. قفلتها يالوولووو اووووووف فعلااا انااا زعلااااااااااااااان ....اهىء اهىء اهىء (ريموو) :( :'(

      حذف
  42. ليييييييييه كده :( :( هى واقعيه ااه بس حزينه قفلتى القصه حرااام كده دى كانت لطيفه اوووى :/ :/ ريرى

    ردحذف
  43. وحشة اوووووووووووووووووى يا دينا للاسف

    كلنا بنغلط مفيش انسان ف الدنيا مش بيغلط و زى ما بابا نهى سامحها على جوازها من وراهم هيا كمان كانت تسامح خالد على غلطة مش قصدها

    SO BAAAAAD Ya Dina

    aYa

    ردحذف
  44. هى حلوة بس النهاية وحشة جدا المفروض يرجعوا لبعض :(

    ردحذف
  45. وهوا ده المتوقع من اى قصه حب

    ردحذف
  46. جمييييييييييييييييييييييييله اقوووووووووووووووووى

    ردحذف
  47. وحشة اوي النهاية لية تنتهي كدة بس

    ردحذف
  48. جامده جدا و ع الاقل معبره عن الواقع

    ردحذف
  49. على فكرة دى فعلا الحقيقة
    وربنا يعافينا ويعافى كل بنت

    ردحذف
  50. لالالالالالالالالالالالالالالالالالا إية القفلة الوحشة دي يا دينا قفلتيني منك لية يا شيخة
    انا زعلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان

    ردحذف
  51. روعة يا دينا زى كل رواياتك وربنا يوفقك

    ردحذف
  52. لالالالالالالالالالا بتهزززري يادينا انا لسة قارية القصه دي كلها دلوقتي .. مكنتش متوقعه ان النهاية تكون كداااااااااااااااااااا :/ لا وحشة اوووي حاسة ان القصه مش خلصت

    ردحذف
  53. لا لا بجد حرام يا دينا لان خالد بيحبها بجد
    وهي كمان بتحبه النهاية مش حلوة خالص

    ردحذف
  54. نهاية معقولة ومنطقية وان كنت اتمنى انها لو كانت تنتهي بسعادة لكل الاطراف
    بس مستغربة بنت متربية التربية دي وتتجرأ تحب ماشي
    لكن زواجها كان صدمة خاصة انها فعّلت الزواج وكان ممكن يحصل حمل
    لكن النهاية كانت ممكن تتركز في انتهاء حكايتهم بشكل يكون غصب عن نهى
    لان نهى لو عاقلة وتقدر تاخد فعلا قرارات صحيحة ماكانتش عملت كدة
    ومش مرض والدها اللي يعقلها

    يعني دي وجهة نظر بعد اذنك يا دينا حبيت اشاركك بيها لاني بحب اقرالك اوي

    ردحذف
  55. leh ya deena 3mltii elnhya keda .. :'( 7raaam bgd elle 7asal dh w el7ob ymot keda ..

    ردحذف
  56. ليه بس كده يا دندن......
    المفروض كان خالد يرجعلها

    ردحذف
  57. لالالالالالالالالالالالالالالا
    النهاية دي مش حلوة
    وبعدين عيدي تفكير في الحلقة الاخيرة دي
    لازم يحصل تعديل

    ردحذف
  58. الزانى لا ينكح الا زانية او مشركة وهى دى النهاية الطبيعية
    تسلم ايديكى يا دينا

    ردحذف
  59. فعلا نهاية جميلة جدا و واقعية اووووووووووووووووووى نسلم ايديكى

    ردحذف
  60. زعلت اووي ع خالد بس هو غلطان بردو

    ردحذف
  61. لالالالالا لازم يحصل تعديل بجد نهايه مؤلمه انا زعلت اوي علي خالد
    بس هي فعلا قصه مؤثره ومعبره تبين ان الطيبين للطيبات والخبيثين للخبيثات بس هو كمان اتغير وكان لازم تديله فرصه
    Rawan

    ردحذف
  62. اوووووووووووووووووووووووووف دا استهبال يعنى اى كدا مش ممكن لازم تغيرى النهايه لازم ماليش دعوه غيريها خليه يعتزل ويتجوزو

    ردحذف
  63. بصي والنبي خليها تتطلق وتتجوزو تانى هى اكيد هتتطلق لانها مش هتقدر اتستحمله عشان قلبها مع واحد تانى وبكدا تكون نهايه سيعيده هييييييييييييييه

    ردحذف
  64. النهاية بشعة بجد !!

    ردحذف
  65. لالالالا دى نهايه غير عن كل نهايتك لالالا
    لو سمحتى اعملى لها جزء تانى وكمليها لايمكن دى تكون النهايه المقصوده

    ردحذف
  66. لا حررررررررررررراااااام

    اول مره اتعاطف مع خالد من بدايه الروايه

    ردحذف
  67. على فكره هى دى النهايه المناسبه واللى مايقدرش النعمه اللى فى ايديه يبقا ما يستاهلهاش اصلا

    ردحذف
  68. ليه كده يا دينا :( كان نفسى يرجعوا لبعض

    ردحذف
  69. القصة حلوة وفكرتها كمان احلىىىى بس النهاية وححححححححححححشة

    ردحذف
  70. استاذة دينا بصراحة انا قريت كتير من قصصك وكانت نهايتها حلوة بس بصراحة انا مش عجبانى النهاية دى

    ردحذف
  71. لاء حرام دول مش يتجوزو في الاخر بجد

    ردحذف
  72. هي ليه ما سامحتهوش اللي بيحب بيسامح وكل بني ادم بيغلط اينعم غلطته ككبيره بس علي اد الحب بيكون السماح بصراحه ااضايقت جدا من النهايه بس بصراحه دي جزاتها انها اتجوزت من ورا اهلها دي غلطه اتسببت في ان كل حاجه تبوظ (من استعجل شئ قبل اوانه عوقب بحرمانه ) …انتي مازلتي بردو كاتبه رائعه وانا كل يوم بقرا قصه واخلصها ومش ناقصلي غير يادوب كام واحده واخلصهم كلهم تسلم ايدك
    هند

    ردحذف
  73. بالرغم ان النهايه قاسيه الا انها اعجبتنى لانهم يستحقوا كده لانهم خائنين مهما كان الحب اللى بيجمعهم و اعتقد ان زواجها من شخص تانى اكبر عقاب ليهم الاتنين

    ردحذف
  74. لا بجد مكنش ينفع دى تبقا النهايه

    ردحذف
  75. نسلم ايدك روووعة بس زي ما الكل قال لازم النهاية تبقى احسن من كدا الى الامام


    مها

    ردحذف
  76. لالالالالالالالالالالالالالالالالالالالالالالالالا بتهزرى بجد
    مستحيل تكوون دى النهايه :(

    ردحذف
  77. اهئ اهئ اهئ اهئ اهئ ليه كدا يا دينا حرام عليكى انا مكنتش مستنيه النهايه دى
    امل ابو الجود

    ردحذف
  78. نهاية صعبة اوى ليه كده بس؟

    ردحذف
  79. هى القصة جميلة جداً و مشوقة لكن النهاية ما عجبتنيش . على العموم أحييكى على هذه القصة الروعة .

    ردحذف
  80. يادينا دي اكتر نهايه وقعيه لان الحياه مش بتبقي حلوه علي طول

    ردحذف
  81. لا يا دينا نهايه مش مقبوله زعلتينا اووووى خالد بيحبها وهى بتحبه مكانتش دى لازم تبقى النهايه ابدا

    ردحذف
  82. ايه النهايه المؤسفه دى لييييه كده

    ردحذف
  83. طيب انتى ختمتيها كده ليه ايه وجهة نظرك

    ردحذف
  84. على فكره النهاية منطقيه اوى بسبب انه خانها ولازم يتحمل غلطته وهى ف الاول مهما حصل بينهم من حب ماكانش ينفع تسلمه نفسها من ورا اهلها بدافع الحب وف المجمل النهاية اتكرووتت وانا عن نفسى القصة حلوه بالرغم من انها اقل قصة من حيث المستوى لو هنقارنها بالقصص اللى فاتت ويمكن كانت ممله ف النص وده لان القصة اصلا خفيفه ومكانش فيها جانب تتسند عليه عشان تبقى مشش ممله يعنى ممكن كان نزود الشخصيات شويه او نحط شخصية عامل روح للقصة او بهجة بس برضو انتى موهوبه جدا ككاتبه

    ردحذف
  85. ليييييييييييييييه كده ليه

    ردحذف
  86. هي نهأيه وحشه بس أحسن يستأهل خألد جزأء خيأنته ألخأين
    بس نهي غلطأنه أنهأ سلمت نفسهأ وأتجوزت من ورأ أهلهأ أنأ بعيبهأ فكده
    وأسأسأ كل ألرجأله خأينين وبتوع بنأت
    ♥♥♥♥♥♥
    حور

    ردحذف
  87. النهايه وحشه اووى يا دينا المفروض تعملى حقله كمان وتسامحه فيها بس علشان متبقاش نكد كده بجد اول قصه اقراها ومحبهاش كده :(

    Lody

    ردحذف
  88. هي دي النهايه يادينا مفيش تكمله للقصه

    ردحذف
  89. هى نهاية واقعية وانا بقرأ القصص علشان مش بحب الواقع اقوم اتصدم كده :(

    ردحذف
  90. هو كدة خلص وربنا حرااااام ايه النهايه دى

    ردحذف
  91. لييييه كده يادينا اول قصه اقراها نهايتها ماتعجبنيش
    بس قصصك تحفه اول مره اتشد لقصص كده بجد موهوبه

    ردحذف
  92. Nahaya w7sha awi bgd :(

    ردحذف
  93. مع انها نهايه حزينه بس طبيعيه ودا المتوقع طبعا تسلم ايدك

    ردحذف
  94. حلوة يا دينا .. بس النهاية مش عجباني :)

    ردحذف
  95. بعد اذن حضرتك يا استاذة دينا :) http://ayahossam122.blogspot.com/
    انا اسفة طبعا لو الرابط هيضايقك احذفي الكومنت لو هيضايق :)) وبالتوفيق دايمااا لانك ممتازة :* :*

    ردحذف
  96. لا النهايه دي وحشه اوي

    ردحذف
  97. لا حطى حلقه كمان اشرحى اللي حصل بعدها وكل واحد عاش حياته ازاي

    ردحذف
  98. لا النهابه وحشه اعملى جرء تانى

    ردحذف
  99. وحشة النهاية مش لذيذة بس هو الى عاجبنى فيها انها على عكس توقعى ودا كووووووويس اوى ربنا يوفقك :D :*

    ردحذف
  100. سندس الحزينة23 يوليو 2014 في 6:33 ص

    بصى انا قرأت كل قصصك تقريبا كلهم عجبونى لان كل واحدة بتبقى فيها حكاية حب كاملة لكن دى نهايتها صعب قوى بس دى النهاية الوحيدة الملائمة شابوووو

    ردحذف
  101. بصراحة أنــا بحب أقرألك اوى و انتى فعلاً كاتبة متميزة و ممتازة بسم الله ما شاء الله ، بصراحة كل قصصك أنــا قريتها تقريباً و كلها حلوة بس إلا دى نهاية وحشة بصراحة و كنت بتمنى إنها تكون أحلى من كده .

    أنــا كاتبة بس صغيرة يعنى كتب قصتين بس بصراحة انتى قدوتى فى موضوع الكتابة ده أنــا عندى 13 سنة أنــا اه صغيرة بس بعرف أكتب قصص حلوة و ده رأى صحابى فى القصص اللى كتبتها و بتمنى إن يكون ليكى قصة حلوة و نهايتها سعيدة قريب إن شاء الله :)

    Rǿńä ^^

    ردحذف
  102. نهايه وحشه اوووي ليه بس كده

    ردحذف
  103. ليه كدا لا يا دينا انتى ابدعتى من بدايه القصه وكله كانت مرحه وسعيده ليه النهايه حزينه جدا كدا لا يا دينا بجد النهايه وحشه جدا انا اسفه لكنها حزينه جدا جدا ليه كدا ؟؟؟

    ردحذف
  104. حرام عليكي تبقى هي دي النهايه

    ردحذف
  105. لا بجد ليه النرفزة دي بجد اوحش حاجة في كتابتك نكد

    ردحذف
  106. kda 7ram leh kda de nhaya mosh 7lwa 5alc khald se3b 3lya awi>_< kan nfsi yrg3o lb3d

    salma~

    ردحذف
  107. بجد بيعجبني اسلوبك وقدرتك علي عنصر الماجأه ونقل الاحداث بصورة مختلفة تماما عن ما هو متوقع

    بالتوفيق
    عادل شلبي

    ردحذف
  108. انا اسفة رغم انوا قصصك روعة بس نهاية القصة حزينة اوي هو فين التسامح والمغفرة في الحب ولا هي بس كلام كان لازم تسامحواومتنساش انوا كان ليها يد في يلي هو عملوا ببعدها وزواجها بالسر ومتنساش انوا اتغير عشانها واتحد كل الناس ونسي شهرتوا وهو معاها ولا دا كلوا ملوش مكان في قلبها هو لو كان مش بيحبها مكنش اتغير بس الله يسمحها ويصبروا وبتمنى ميكنش في نهايات حزينة للحب عشان هذا الاحساس صعب اوي وعن تجربة انا اميرة وبحب وحيد يلي معتبرني زميلة ليه وبس ومش حاسس بيا

    ردحذف
  109. بجد والله حرام انتي كنتي كاتبه ف القصه اللي فاتت فوق احتمالي ان القصه الجايه كلها حب فين بقه الحب ده عاااااااا

    ردحذف
  110. هاي... اولا انا اول مره اعلق علي حاجة ثانيا انا متبعاكي من قريب و قريت ليكي كام قصه و عجبتني اوووووي قصه (لست عذراء) و اللي عجباني في قصصك انها مشوقة وليها هدف و القصه ديه برضو عجبتني اووي و بتمني ان يكون ليها جزء تاني لانها مليئه بالأحداث و ممكن يتعمل منها أجزاء و اللي حباه في قصصك انها ممكن تتعمل افلام و مسلسلات و بتمني انها تتعمل مسلسلات لانها حلوه اوووي و ربنا يوفقك و تنجحي ديما

    ردحذف
  111. هاي... اولا انا اول مره اعلق علي حاجة ثانيا انا متبعاكي من قريب و قريت ليكي كام قصه و عجبتني اوووووي قصه (لست عذراء) و اللي عجباني في قصصك انها مشوقة وليها هدف و القصه ديه برضو عجبتني اووي و بتمني ان يكون ليها جزء تاني لانها مليئه بالأحداث و ممكن يتعمل منها أجزاء و اللي حباه في قصصك انها ممكن تتعمل افلام و مسلسلات و بتمني انها تتعمل مسلسلات لانها حلوه اوووي و ربنا يوفقك و تنجحي ديما

    ردحذف
  112. احسن حاجة ان نها رفضت ترجع ليه تاني لان اولا باباها مش هيوفق نهائيا ثانيا هو خنها بحجة انو بيحبها ثالثا وده االاهم إن حياتهم كانت هتبقى مليانة مشاكل كتير هي اصلا نهى غلطانة انها من البداية استسلمت لحب زي ده من شخص رخيص وسمعتو زفت

    ردحذف
  113. حرام عليكى يعنى بعد اما تعايشت مع الدور وحبيته وحبيت شخصياته يتقفل كدة انا صعب عليا خالد جدا وعيطت على فكرة
    حبيبه

    ردحذف
  114. اعملي جزء تاني طيب يا دينا مينفعش كده

    ردحذف
  115. حرام عليكي يا دينا القفلة دي.ليه دايما الحب يموت كده.اعملي جزء تاني الله يكرمك و اقفليها حلو مش حرقة دم كده

    ردحذف

قول رأيك بلاش تقرا وتقفل من سكات...ارائكم تهمنى