الأحد، 30 أكتوبر 2011

عمارة 8... الحلقة 28 والاخيرة

الحلقة 28والاخيرة
"حمل ايه؟؟؟انتى اتجننتى"
"اتجننت ليه...مش اى اتنين متجوزين بيتمنوا يربطهم طفل"
"بصى يانهلة..بكل هدوء اهو بقولك مش انا اللى اتحط تحت ضغط... انا مينفعش اقول لاهلى انى متجوز"
"وانا اللى ينفع مش كده"
"بصى عندك اختيارين وانتى حرة...يااما البيبى ده ينزل ونكمل مع بعض عادى... يااما احتفطى بيه لوحدك"
"لوحدى؟؟؟"
"ايوه...انا مقلتلكيش انى هقدر اقول لاهلى دلوقتى خااااااالص"
وسابها مروان ونزل بين نارين

فى شقة 3
"اسمع بقى ياحامد انا طول عمرى ساكتة على عندك وكلامك وطريقة معاملتك لينا...انما لما الحكاية توصل ان ابنى عايز يسيبنى ده اللى مش هسكت عليه ابدا"
"يعنى انا اللى اقدر على بعده...بس اعمل ايه"
"احنا لازم نخليه يغير رايه فى حكاية السفر دى.. وانت الوحيد اللى تقدر على كده"
"ازاى قوليلى وانا اعمل اللى شايفاه"
"احنا لازم نروح لنيفين ونحاول نرجعهم لبعض"
"انا اروح لها؟؟؟انتى اتجننتى"
"ايوه هتروح لها وتعمل لها كل اللى هى عايزاه علشان ترجعله... يااما انا كمان هسافر مع ابنى ومش هقعد معاك يوم من غير اسلام"

فى شقة 4
"مالك يانهلة من امبارح وانتى بتعيطى ومش راضية تتكلمى... فيه ايه؟؟"
وحكت نهلة لمامتها كل اللى حصل
"انا كنت حاسة ان الهم اللى شيلتيه تقيل عليكى اوى ومش هتقدرى تستحمليه... بس مكنتش افكر انك تغلطى الغلطة دى"
"انا عارفة انى غلطت واستاهل كل اللى يجرالى... بس هعمل ايه واتصرف ازاى"
"هو فين الواطى ده"
"سابنى ومش بيرد على التليفون... فكرت اروح لمامته بس انا مش قدهم وهتبقى فضيحة وانا مش عايزة فضايح"
"ياااااااارب .. انا راضية بحكمك وقضائك.. استرعلى بنتى يارب"
"مفيش حل قدامى غير انى انزل البيبى ده واحاول معاه انه يبقى يكتب عليا رسمى ان شاالله حتى يطلقنى بعدها ب 5 دقايق"

فى بيت نبيل...الباب بيخبط
نبيل بيفتح... حامد وسامية قدامه
سامية"سلام عليكم...ميرفت موجودة"
نبيل"ايوه موجودة...نقولها مين"
سامية"ابو اسلام ومامته"
نبيل"اهلا وسهلا...اتفضلوا"
ودخل حامد وسامية... وقعدوا
حامد"ياريت لو نيفين موجودة تندهلها"
نبيل"موجودين... ثانية واحدة"
قعدوا حامد وسامية وهما قلقانين من رد فعل ميرفت ونيفين
وبعد دقايق خرجوا ميرفت ونيفين... وكان الترحيب كبير بسامية
اما حامد فكان السلام من ناحية نيفين وميرفت...بارد جداااااا
حامد"انا جاى النهاردة وخايف يكون فات الاوان بعد مانيفين اتخطبت... بس انا عارف انى غلطت فى حق الولاد ونفسى الامور ترجع تانى زى الاول"
سامية"لما اسلام قال ان نيفين اتخطبت استغربت معقول بالسهولة دى الحب اللى بينهم يضيع"
ميرفت"ماهو للاسف الحب مكنش كفاية بينهم لان مكنش فيه تفاهم"
نيفين"انا واسلام كنا متفاهمين... بس لو مكنش حد يتدخل بيننا اكيد مكنتش حصلت المشاكل دى كلها...بس خلاص ميفيدش الكلام"
ردت سامية وهى بتعيط"اسلام من لحظة ماعرف ان نيفين اتخطبت وهو مبقاش فى حالته الطبيعية...ساب لنا البيت ويجهز نفسه للهجرة ومش هيرجع تانى...من حبه ليكى يانيفين... اكيد خطيبك ملحش يحبك زى اسلام اللى طول عمره بيحبك"
نيفين"انا متخطبتش ياطنط... كان متقدملى بس مكملناش"
حامد"طيب يابنتى ...خلاص لازم ترجعوا لبعض واللى انتوا الاتنين هتتفقوا عليه انا راضى بيه...انا كنت بتعامل معاه على انه اسلام ابنى اللى لسه صغير...نسيت انه كبر وبقى راجل ولازم يكون له قراراته وحياته"
واتأثرت نيفين بكلام حامد
"انا هتصل باسلام دلوقتى"
ودخلت نيفين اوضتها بسرعة...واتصلت باسلام
"اسلام...ازيك"
"نيفين...انا مش مصدق ودانى"
"لا صدق... انت جاى امتى علشان وحشتنى اوى"
"وحشتك؟؟ انتى بتتكلمى بجد...وخطيبك"
"خطيبى وحبيبى بكلمه وبقوله يرجع وهو مش فاهم... ماترجع بقى"
"الليلة هكون عندك...بس قوليلى.."
"لما ترجع هنقول كتير ونحكى ونتكلم وكل حاجة... بس ارجع"

فى مكتب المحامى بالاسكندرية
"بعد اذنك يااستاذ...ممكن الكام يوم اللى حضرتك مسافر فيهم اروح القاهرة واجى قبل ماترجع بالسلامة"
"مفيش مانع... بس انت مسافر ليه"
"اجيب اهلى.. الفترة اللى فاتت دى أجرت شقة على قدى كده وهجيب امى واختى يعيشوا معايا"
"طيب لو احتجت اى حاجة ناقصة فى الشقة قولى ومتتكسفش"

فى شقة 1
"اخبار هدى والبنات ايه ياجمال"
"كويسين الحمدلله...هى الجمعة الجاية الدور عند مين"
"عندى... بس امبارح وانا عندكم هدى مكنتش عاجبانى"
"ضايقتك فى حاجة"
"لالالا مش قصدى... انا اقصد كا وشها اصفر كده وساعة الغدا مأكلتش خالص وكانت باينة مش طبيعية...انا خايفة تكون تعبانة ولا حاجة ومخبية"
"تصدقى مخدتش بالى...هلاحظ واشوف"
ورن التليفون وردت انعام
"ازيك ياهدى"
"ازيك انتى ياانعام... هو جمال عندك"
"اه...عايزاه"
"لا استنى...ينفع اجيبلك البنات شوية علشان هروح مع ماما للدكتور"
"لسه كنت بقول لجمال شكلك تعبانة"
"اه...مش عايزة اخضه بس"
"طيب متتعبيش نفسك وتجيبى البنات...انا هاجى اقعد معاهم لحد ماتروحى للدكتور ونطمن عليكى"
"مش عايزة اتعبك...انا بتعبك معايا كتير اوى"
"وبعدين بقى...انتى ليه مش مصدقة انى ببقى مبسوطة اوى وانا مع ملك ومريم...نص ساعة ونكون عندك"

فى شقة 4
"ماما...انا خايفة يجرالى حاجة وانا بعمل العملية الصبح"
"ربنا ينجيكى"
"انا عارفة انك زعلانة منى...وبسمعك كل يوم وانتى بتعيطى طول الليل بس سامحينى وادعيلى"
"انا زعلانة عليكى ومنك....وفى نفس الوقت ايدى متكتفة ومش عارفة اعمل حاجة... لا انا قادرة اغضب عليكى ولا قادرة اسامحك"
"سامحينى ياماما...انا غلطت بس غصب عنى صدقته"
"ميفيدش الكلام خلاص"
وخبط الباب... وقامت نهلة تفتح
صرخت وهى بتقول"حسيييييييييييييييييييييييييييييييين"
دخل حسين"ازيك يانهلة...وحشتينى ياحبيبتى"
حضنها وحضنته على قد اشتياقهم لبعض ودموعهم نازلة
اول ماشافتهم مامتهم...وقعت مغمى عليها من المفاجأة
ولما فاقت ولقيت حسين جنبها...خدته فى حضنها
"انت عايش يابنى...الحمدلله يارب.. كنت فين كل ده"
"هحكيلكم على كل حاجة... بس مالك يانهلة... شكلك متغير كده ليه انتى كنتى بتعيطى"
وعيطت نهلة"ليه سبتنا كل الفترة دى...لو كنت هنا يمكن مكنش حصل اللى حصل"
"وهو ايه اللى حصل"
"هحكيلك ياحسين...الحمدلله انى شفتك مين عارف هعيش ولا لأ"
وحكت نهلة لحسين كل اللى حصل...وهو حكالهم على غيابه وليه مجاش من اول يوم
"بقولك ايه يانهلة...انتى معاكى ورقة الجواز العرفى"
"ايوه"
"خلاص مفيش عمليات هتتعمل... وانا هروح للواد ده وان مسمعش الكلام هنرفع قضية الاستاذ بتاعنا هيتصرف...متقلقيش خالص"
"وانت عارف انه هيقدر يحلها"
"طبعا...ده محامى كبير والمكتب بتاعه عمره ماخسر قضية"

مشاهد بدون حوار
هدى فى غرفة العمليات.... وانعام واقفة بره مع جمال والبنات وام هدى...تخرج ممرضتين بمولودين توأم...انعام تشيل واحد وجمال يشيل التانى لحد ماتخرج هدى من العمليات ويطمنوا عليها

نهلة حامل...وماسكة فى ايد اخوها...ومروان قاعد قصادهم
والمأذون بينهم بيكتب الكتاب فى مكتب المحامى

نيفين واسلام...بيوضبوا شقتهم وبيشتروا لوازم الجهاز لوحدهم
والسعادة والحب فى عيونهم

نهلة بتولد فى المستشفى... مروان يحضر...يشيل البيبى ويبوس ايد نهلة... فى وجود مامته بتطبطب على البيبى

حسين ومامته فى اسكندرية ...فى الشقة اللى اجرها حسين

نهلة ومروان...فى بيت شادية مع ابنهم

النهاااااااااااااااااااااااااااااااااااااااااااية


هناك 57 تعليقًا:

  1. حلوة اووى بجد انا قريت الحلقات كلها فى يوم واحد من كتر ما هى جميله

    ردحذف
    الردود
    1. وانا كماااااااااااااااااان

      حذف
    2. وانا خلصتها فى 6 ساعات بس ونهايتها جميلة اوى اوى اوى

      حذف
    3. بجد المسلسل حلو اوى انا خلصته ف نفس اليوم
      فى 4 ساعات
      بس بجد هو جميل جدا تسلم ايدك يا دينا

      حذف
    4. انا بقى فى ساعتين بس

      حذف
    5. انا قريت 2 في امباح والباقي النهارده

      حذف
    6. اجمل مافيها انها عرضت العلاقه بين الضرتين بشكل عكس اللي متعودين عليه في المسلسلات وأتمنى ان تكون قصصك تبين الجانب المضيئ في العلاقات الانسانيه زي ما انت معودانا وايضا جميل العلاقه بين السكان وسؤالهم عن بعضهم ووقوفهم بجانب بعضهم أشكرك على اعلاء هذه القيم المفقوده

      حذف
    7. اجمل مافيها انها عرضت العلاقه بين الضرتين بشكل عكس اللي متعودين عليه في المسلسلات وأتمنى ان تكون قصصك تبين الجانب المضيئ في العلاقات الانسانيه زي ما انت معودانا وايضا جميل العلاقه بين السكان وسؤالهم عن بعضهم ووقوفهم بجانب بعضهم أشكرك على اعلاء هذه القيم المفقوده

      حذف
  2. ربنا يخليكى ياحبيبتى
    ميرسى كتييييييييييير

    ردحذف
    الردود
    1. بجد كل القصص بتاعتك رووووووووووعه بس النهايه وحشه جدا

      حذف
  3. قصه رائعه بجد انا دمعت من الفرحه وانا بقراها

    ردحذف
  4. الله عليكى يادينا بجد ابداعك يفوق الوصف

    ردحذف
  5. bravooooooooooooooooo

    ردحذف
  6. القصة جامدة جدااا انا مقدرتش اقوم غير لما خلصتها كلها و بدعيلك بالتوفيق
    احمد

    ردحذف
  7. تحفه جداااااااااااااااااا

    ردحذف
  8. حلوة اوى استمرى من نجاح لنجاح ان شاء الله

    ردحذف
  9. جميلة قووووووووووووووووووووووووووووووووووووووووووي بجد

    ردحذف
  10. جميلة فعلا تسلم ايديك وسارب من نجاح لنجاح اكبر


    مونه

    ردحذف
  11. 7lwaaa aweeeeeeeeeeeeee
    TU2aa

    ردحذف
  12. جااامدة اوى كالعادة طبعا يا دينااا

    ردحذف
  13. جميلة جدا جدا جدا
    تسلم ايدك
    اجمل ما فى قصصك بعد القصص وافكارها عن بعض
    جميلة اوى بجد

    ردحذف
  14. القصة تحفة وجميلة بس انا نفسى تطولى النهاية شوية علشان بحس انك بتخطفى النهاية كدابس فعلا تسلم ايـــــدك

    ردحذف
  15. elkess bta3t 7adretk 7lwa awii ana 2ret 3 aw 4 kess fe yomeen... teslm 2idek :)

    ردحذف
  16. فعلا النهاية كانت مختصرة جدا جدا بس ده مياثرش في انك كاتبة تحفة

    ردحذف
  17. قصة حلوة اوي وكل قصصك حلوة وتحفة
    وانا بقراهم حاليا وخلصهم كلهم ان شاء الله

    ردحذف
  18. جمييلة اوى يا دينا
    نفسى اشوفها فى مسلسل خسارة بجد الموهبة دى

    ردحذف
  19. قصه جميله اوى بصراحه كل يوم اعجابى بالمدونه وبقصصك بيزيد اكير واكتر تسلم ايديكى وننتظر كل جديدك

    ردحذف
  20. حلوه اوى يادينا تسلم ايديك

    ردحذف
  21. قصة جميلة جدا كالعادة يا دينا أنا خلصتها كلها النهاردة

    ردحذف
  22. حلوه جداً
    وعاجباني النهايه اللي من غير حوار جداً
    تصور درامي عالي جداً :D

    ردحذف
  23. بجد القصة روعة يا دينا
    تقريبا ناقشتى فيها كل مشاكل المجتمع و الشباب
    يعنى حلولك لمعظم المشاكل زى هجرة حسين و جواز مروان و نهلة متفائلة حبتين بس القصة بجذ حلوة اوى

    ردحذف
  24. القصة جامدة جدا كالعادة
    انا قريتها كلها النهاردة

    ردحذف
  25. لا لا فظييييعة تسلمي يا دينا

    ردحذف
  26. روووووووووووووووعة يادينا بجد

    انا قرأتها كلها فى ساعة ^_^ تسلم إيدك

    ردحذف
  27. انا بئالي فتره بئرا القصص بتعتك بحبهم كلهم بس عمارة 8 احلى قصه فيهم آرتها كلها إنهردا جمييييييييييييييييييييله اوي بحب النهايات السعيده^ـ^

    ردحذف
  28. To7faaaaaa

    ردحذف
  29. انا كل رواياتك بخلصها في ساعتين او ساعتين و نص ما بعرفش اسيبها خالص .. انا عايزة اقول اني كل اخر حلقه من كل روايه بعلق عشان اقول كل حاجه مره واحده معاده رواية ذكري ساره .. بس كلهم الكلام عنهم ما بيخلصش تسلـــم ايدك بجد با استاذه دينا :)

    ميس

    ردحذف
  30. انتي بجد ازاي رائعه كدا قصصك نهايتها رائعه اقعيه جدا
    هند

    ردحذف
  31. رووووووووووعة يا فناااانة :) :)

    ردحذف
  32. بجد انتى عسل يا دينا انا اول مره اعقل بس انا على طول بقرا القصص بتاعتك ربنا معاكى ويزيدك يارب وفى انتظار المزيد ان شاء الله ضحى

    ردحذف
  33. تحفـــــــــــــــــــــــــــــــه ونهايتها جميـــــــــــــــــــــــــــله

    ردحذف
  34. بالفعل قصة رائعه
    تفسير الاحلام

    ردحذف
  35. بصى بقا كده مش هينفع انا لسه عامله عمليه فى عينى قريب والمفروض مش اقعد ع الكمبيوتر كتير وفى نفس الوقت لسه مكتشفه المدونه قريب ومش بقدر اقااووم القصص بتاعتك انا بقعد ع القصه فى يوم لازم تخلص وبجد اسلوبك تحفه وارجع واقولك بسم الله ماشاء الله عليكى ربنا يوفقك ياااارب

    ايـــــــــــــــــــــــات

    ردحذف
  36. انا بقى بقرا قصتين وتلاته فى يوم واحد بجد كتاباتك تحفه

    ردحذف
  37. تووووووووووووووووحفه يأ دندن
    أحبيكي وألله
    متحرمش من قصصك يأقمرأيه♥♥♥♥♥♥
    حور

    ردحذف
  38. روعة القصة يل دينا

    ردحذف
  39. واااااااااااو بجد تحففففففففففة اووووووووي تسلم ايدك بجد روووووووووووووعة




    Esraa.M.S

    ردحذف
  40. قصه رائعه مش جديد عليكي ... وبكيتيني كتير في حوار انعام وووجها وهجي خقيقي بقيت مش عارفه اوقف دموعي

    ردحذف
  41. 7lwa awiiiii bGd ^_^ 3gabtniii gdn :D

    ردحذف
  42. قصة حلوة...عجبتنى خالص

    ردحذف
  43. GamDa gdiiiiiiiiii <3

    ردحذف
  44. قصة رائعة
    نتمنى لو يسود المجتمع المحبه و التفاهم

    ردحذف
  45. يمكنك وضع اعلانات للإستفادة من القصص الجميلة

    ردحذف

قول رأيك بلاش تقرا وتقفل من سكات...ارائكم تهمنى