الحلقة 6
فى بيت زياد تانى يوم الصبح...ام زياد بتتكلم فى التليفون
"الو... ازيك ياعمتى"
"اهلا يا نجوى ازيك"
"الحمدلله...بس عايزة احكيلك على حاجة غريبة حصلت امبارح"
"خير..انا حسيت صوتك مخضوض"
"امبارح بالليل فجأة حسيت ان فيه روح غريبة فى البيت ولما خرجت من اوضتى قلبى اتقبض اوى من ناحية اوضة زياد... لما دخلت الاوضة حسيت ان الباب مقفول معايا بس قريت عليه اتفتح معايا"
"وبعدين شفتى حاجة"
"حسيت بتقل كتير فى الاوضة ولما فتحت النور حسيت ان اللى كان موجود اختفى"
"شفتى بعينك"
"لا حسيت"
"وعملتى ايه"
"زى ماقلتيلى لما احس باى روح غريبة عملت كل اللى كنتى قايلالى عليه"
"وحصل حاجة تانى"
"لا بس انا قلقانة اوى على زياد"
"متخافيش... لو حسيتى بأى حاجة تانى ابقى قوليلى بس خلاص انتى كده بيتك اتحصن ومن هيدخله اى جن "
"اللهم احفظنا...والنبى ياعمتى ماتقوليها كده صريحة"
"ماتخافيش ابقى ابعتيلى زياد ارقيه واطمن عليه"
"حاضر ياعمتى... هجيلك انا وهو النهاردة"
"تعالوا... بس زى ماانتى عارفة تيجوا وتمشوا قبل المغرب"
"حاضر حاضر... انا عارفة"
"هستناكم...مع السلامة"
اتصال بين زياد وهالة
"ها ياهالة ...كلمتى باباكى ومامتك"
"ايوه يا زياد... وبيقولوا لو يوم الخميس يناسبكم"
"اكيد طبعا يناسبنا... احنا مستنيين انكم تحددوا معاد من زمان ولولا اللى حصل لهيثم كام زماننا اتخطبنا من زمان"
"خلاص يوم الخميس ان شاءالله"
واشتعلت عيون هالة...وابيضت... ورجعت لطبيعتها تانى
"طيب مش هشوفك قبل الخميس"
"لأ... يوم الخميس"
واشتعلت عيون هالة تانى... وابيضت...ورجعت تانى
فى معاد المقابلة كان زياد اسعد حالاته
راح زياد ومامته وباباه بيت هالة
رغم الحزن الواضح جدا فى بيت هالة على الام والاب
الا انهم كانوا بيرحبوا جدا بزياد وبأهله
دخلت الام لهالة
"يالا ياهالة... تعالى علشان تسلمى على الناس"
"طيب"
"انتى مش فرحانة ياهالة ليه زى كل البنات"
"عادى"
"مش انتى بتقولى زميلك يعنى تعرفيه والولد من كلامه باين انه بيحبك يبقى فيه ايه؟"
"مفيش... انا جاية اهو"
ومشيت الام ووراها هالة
اول ما دخلوا على الناس
انتفضت ام زياد.... وبصت لهالة
ارتبكت هالة... وبصت لام زياد
قامت ام زياد وقفت... وهالة ثابتة فى مكانها
الاتنين بيبصوا لبعض
وكل الموجودين مستغربين وقوف هالة وام زياد بالطريقة دى قصاد بعض
ام زياد"يالاااا... احنا لازم نمشى من هنا"
ابو هالة"خير يا حاجة... فيه ايه؟؟"
ام زياد"مفيش حاجة... يالا يا زياد"
وقام ابو زياد وراها وزياد حاول يخليها تستنى...وفشل
فى بيت زياد
"ايه اللى حصل ياماما... اول ما شفتى هالة ايه اللى حصلك"
"مش هينفع تتجوزها"
"ليه ياماما... انا بحبها"
"مستحيل... مش ممكن"
"ليه ياماما...انتى تعرفى عنها حاجة"
"هالة دى مش طبيعية... انا شفتها"
"يعنى ايه ياماما"
"مش من الانس"
"انتى بتخوفينى علشان متجوزهاش"
"لالالا انا خايفة عليك دى عايزة تأذيك"
"تأذينى ازاى"
"معرفش...كل اللى اعرفه انها مش من الانس...دى روح شريرة"
فى اوضة التربى...وهو قاعد مع مراته
"على فكرة انا ضميرى مش مستريح"
"ليه بس"
"الراجل اللى كانت بنته وقعت فى القبر دى قلبى وجعنى عليه اوى وهو بيدفن ابنه"
"واحنا مالنا..ده قدر"
"بس لازم كنت اقوله اللى اعرفه من اول مرة"
"اللى حصل حصل"
"لا انا ضميرى مش مستريح... هو بييجى كل جمعة يزور ابنه ... بكرة لما ييجى لازم اقوله"
طب عمتها ازاى اتحولت لشاب ...!!؟
ردحذفعليها عفريت "اللهم احفظنا"
ردحذفجميله جدا والله روعه
ردحذفهى كده خلصت المسلسل يا دينا ؟؟ بس ولله حلوى اوى
ردحذفNosa
قصة رائعه
ردحذفتفسير الاحلام
يماما ربنا يستر فاطمة
ردحذفشركة رش مبيدات بجازان
ردحذفشركة مكافحة حشرات بجازان
شركة مكافحة حشرات بجازان
شركة مكافحة حشرات بابها
شركة عزل اسطح بالرياض
شركة كشف التسربات
http://www.artisteer.com
شركة تسليك مجاري بالخرج
شركة تنظيف فلل بالخرج
شركة تنظيف منازل بالخرج
شركة تنظيف شقق بالخرج
شركة تنظيف خزانات بالخرج
شركة مكافحة الصراصير بالخرج
شركة مكافحة الفئران بالخرج
شركة مكافحة بق الفراش بالخرج
شركة رش مبيدات بالمدينة المنورة
ردحذفشركة رش مبيدات بجدة
شركة رش مبيدات بالدمام
شركة مكافحة حشرات بالمدينة المنورة
شركة مكافحة حشرات بالدمام
شركة مكافحة حشرات بالرياض
شركة رش مبيدات بالرياض
شركة مكافحة النمل الابيض بالرياض
شركة تنظيف خزانات بالرياض
شركة تنظيف خزانات بجدة
شركة تنظيف خزانات بالدمام
شركة تنظيف خزانات بالمدينة المنورة