الأحد، 27 نوفمبر 2011

الحب الملعون... الحلقة 7 والاخيرة


الحلقة 7 والاخيرة
فى بيت زياد تانى يوم...على التليفون
"ايه رأيك فى اللى حكيتهولك ده ياعمتى...زياد مش مصدقنى وزعلان منى"
"هو فين ...هاتيه وانا اكلمه"
"لسه مجاش من الصلاة...لما ييجى هخليه يكلمك"
وقبل ماتخلص جملتها سمعت صوت زياد بيفتح الباب
"اهو جه ياعمتى اهو... زياد عنتى عايزة تكلمك"
وجه زياد اخد منها التليفون
"ازيك يا عمتو عاملة ايه؟"
"ازيك انت ياحبيبى... مزعل ماما ليه"
"انا برضه؟؟ هى اللى بتقول كلام غريب عن البنت اللى بحبها"
"انت بتثق فيا ولا لا"
"طبعا ياعمتو"
"ايه رايك اجى انا معاك واشوف البنت بس اللى اقولهولك تعمله بعد كده... ماشى"
"ماشى"
"كلمهم النهاردة وخد منهم معاد تانى واعتذر عن اللى حصل وقول ان مامتك افتكرتها واحدة تانية تشبه لها كانت حصل بينهم مشكلة قبل كده وان مامتك لما رجعت عرفت انها اتلخبطت... وقولهم ان عمة ماما جاية معانا علشان تعتذر"
"حاضر ياعمتو"

كعادة ابو هالة... راح يزور قبر ابنه بعد صلاة الجمعة
وجه التربى قرب منه
"ازيك يااستاذ"
"الحمدلله"
"انا عايز اقولك حاجة وندمان انى مقلتهاش من زمان"
"خير ...قلقتنى"
"بص يابيه... القبر اللى اللى بنتك وقعت فيه ده ملعون"
"ملعون ازاى يعنى"
"من سنين طويلة كانت فيه بنت انتحرت محروقة واتدفنت فيه... ومكنش حد ابدا بيزورها وبعد سنة جت واحدة قعدت جنب قبرها تعيط كتير وزى طبع الستات مراتى راحت قعدت جنبها وقعدوا يتكلموا ويحكوا مع بعض عرفت ايه بقى؟؟"
"ها..كمل"
"دى كانت خالة البنت المنتحرة وكانت لسه راجعة من السفر... كانت مع جوزها بره من سنين...المهم البنت دى ابوها وامها ماتوا قبل انتحارها ب5سنين وكانت عايشة مع اخوها الكبير... كان بيعاملها وحش اوى بحجة انه راجل وهى بنت...ضرب وبهدلة وخدمة ليه ومفيش اى حاجة هى عايزاها يعملهالها... وكانت بتشتكى لخالتها ومع ذلك مكنتش قادرة تعملها حاجة... اللى زاد بقى انها حبت واحد صاحب اخوها اوى وكان بيعاملها كويس وفضلت مدة طويلة بتحبه فى صمت وكل املها اليوم اللى هيطلبها من اخوها لحد مااتفاجئت يوم انه هيتجوز ...مقدرتش تستحمل الصدمة وحرقت نفسها"
"طيب كل ده ماله ومال بنتى"
"احنا كنا بنسمع اصوات فى القبر ده... وبعد فترة لقينا غطا القبر مكسور وكل مانصلحه يتكسر سبناه... ومرة حصل نفس اللى حصل لبنتك واحدة وقعت فيه وبعدها بقوا اللى حواليها يتأذوا واهلها جابوا حد وخرجت الروح من بنتهم من ييجى سنة... لما بنتك وقعت انا خفت اقولك بس لما عرفت ان ابنك مات ضميرى عذبنى وقلت لازم اقولك"
بعد ماخلص التربى كلامه... وقف ابو هالة مش مصدق اللى سمعه
معنى كده ان هالة هى اللى حرقت ادم وهيثم...يتصرف ازاى... يقول لمين؟؟؟

اول ما دخل بيته...كان هيحكى لمراته بس خاف
وفضل انه يستنى لما يسأل عن حد من اللى بيفهموا فى الارواح وهو اللى يتصرف
اتفاجئ بمعاد بالليل(زياد وهله)...وفضل السكوت وهو خايف وقلقان

لما وصلوا اهل زياد... والعمة...استقبلوهم اهل هالة بالترحاب
واعتذرت الام زى ماعمتها قالت ... ودخلت ام هالة تنادى عليها
اول ما وصلت هالة... وقفت قدام العمة
والعمة قاعدة فى مكانها تبص عليها
واشتعلت عيون هالة... وابيضت
واشتعلت عيون العمة...وابيضت
حطت هالة ايدها على وشها... وكانت هترجع اوضتها تانى
قامت العمة بنطة واحدة وكانها بصحة شاب فى العشرين
مسكتها من ايدها... وبصت للموجودين
"سيبونى مع العروسة شوية"
خرجوا كلهم من الاوضة وعلى وشهم تعابير مختلفة
ام هالة وابو زياد مش فاهمين حاجة
ام زياد وزياد فاهمين... وابو هالة محتار هى تقصد ايه؟؟

هالة... تحولت الى واحدة محروقة
العمة... تحولت شاب قوى بعيون حادة النظرات
وكان مازال ماسكها من دراعها
"انتى مين؟؟وفين هالة"
"انا هنا علشان انتقم من كل الرجالة"
"ليه"
"اللى حبيتهم أذونى... يعنى مفيش حب واى حد بيحب يبقى لازم يتحرق"
"اشمعنى هالة اللى اختارتيها"
"انا مختارتش حد... هى اللى قربت من مكانى وانا كنت مستنية اى حد علشان ألبس جسمه واقدر انتقم من اللى أذونى وكل اللى زيهم"
"ارجعى مكانك... ومتخرجيش تانى لاى حد"
"لا...لازم انتقم"
"اسمعى الكلام... واخرجى من هالة"
"لا...انا ما صدقت لقيت حد "
ومسكها الشاب وبص فى عينيها
واشتعلت العيون... وصرحت البنت المحروقة
واشتعلت نار كبيرة بلعت البنت المحروقة
هالة واقعة على الارض
والعمة رجعت لشكلها الطبيعى
نادت على ابو هالة
"شيل هالة نيمها... ولما تصحى هتلاقيها ناسية كل حاجة عن الشهور اللى فاتت...قولولها انها كانت فى غيبوبة ومحدش يحكى لها اى حاجة عن اللى فات لانها مش هتفتكر حاجة خالص"
ام زياد"والروح اللى كانت لابساها"
العمة"خلاص مبقتش على الارض خالص...راحت عالم الارواح"
ام هالة وهى بتعيط"روح ايه؟؟ انتوا بتقولوا ايه"
ابو هالة"انا هحكيلك اللى عرفته النهاردة... انا مش فاهم حضرتك عملتى ايه ياحاجة بس انا متشكر ليكى جدا"
العمة"الحمدلله انى قدرت اريح الناس من الروح دى لانها كانت هتفضل تحرق فى الناس للابد"

بعد شهر... كانت خطوبة زياد وهالة
وكل اللى تعرفه عن الشهور اللى فاتت
ان وقعتها فى القبر سببت لها اصابة فى المخ دخلتها فى غيبوبة
وان هيثم وادم ماتوا فى حريق واحد...قضاء وقدر
وطبعا ابو هالة ومامتها... فى اسرع وقت نقلوا لشقة فى منطقة تانية لاكتر من سبب منها يحاولوا يبعدوا عن الشقة اللى بتفكرهم بهيثم
ومنها ان هالة متعرفش من اى حد من الجيران حكاية حريق ادم وهيثم الغريبة جداااااااااااااااا.
                    النهااااااااااااااااااااااااااااااااااااااااااااية

هناك 70 تعليقًا:

  1. تحفة يا دينا انا اول مرة اقراها على بعضها عشان زى ما قلتلك انى بخاف بس بجد تحفة اوى اوى اوى ومالهاش حل

    ردحذف
  2. مشمشة
    ربنا يخليكى ياااااااااااااارب
    هى علشان مخيفة انا مطولتش فيها اهو
    مراعاة لشعور ذوى الاحساس المرهف ^_*

    ردحذف
    الردود
    1. بصراحه قصه جميله جداااااااااا وبجد انا اول مره اشوف القصه دي وعجبتني اووووووووويوان شاء الله هتابع حضرتك اول باول بس
      هيكون احسن حاجه والله لو حضرتك سجلتي القصص دي بصوت وعملتلها مواثرات عرب والكلام من دخ هتكون جميله جدااااااا ^_^
      وانا بشكر حضرتك جداااا علي القصه دي ^_*

      حذف
    2. ههههههههههههههه كويس انك مكملتيش انا كونت هموت من الرعب بس القصه حلوه

      حذف
    3. مخيفة بس ده انا عيطت

      حذف
    4. القصـه ع اد ماهي مخيفــه ع اد ما هي تحفه

      حذف
  3. ياريت ياريت يااااااااااريت الاقي قصه زي دي تاني بحب الحاجات دي اوي :D

    ردحذف
  4. دينا انا خوفت اووووووى

    ردحذف
  5. حرام انا مش هعرف انام ابدا بعد كده
    آيه

    ردحذف
  6. هي القصة مرعبة بس جامدة و مثيرة احييكي عليها يا دينا و ياريت اقرا منها كتير

    ردحذف
  7. فظيعه
    عجبتنى جدا تسلم الايادى
    مخيفه ومثيره وممتعه

    ردحذف
  8. بجد انتى خيالك جامد اوى بس هى فعلا قصه مشوقه اوى

    ردحذف
  9. القصة حلوة اوى بجد .. xD .. بس كان عندي استفسار كدا عن الحتة اللى بتقولى فيها انهم هيقولولها انها كانت ف غيبوبة ف الشهور اللى فاتت دي و كدا يعنى >> طيب هى إزاى هتصدق كدا و هى المفروض كانت بتروح جامعتها ودخلت الامتحانات و طلعت الاولى كمان فا دا بيوضح انها كانت مُتواجدة ف الفترة دى ودى حاجة مش هيقدروا يخبوها ؟!.. بس بجد حلوة اوى .. وانا متابعة ليكى كتابات كتييير و قصصِك و بجد ما شاء الله عليكي اسلوبِك و خيالِك و ترتيب احداث قصصِك يشد اوي و جامد جدااا x))..!

    HeNd

    ردحذف
  10. tslm edeeeek bgd 7lwa awwwwweeeeeeeeeeeeeeeee

    ردحذف
  11. الحمد لله ان ربنا ستر وخرجت الروح منها

    ردحذف
  12. بجد تحفه جدا جدا

    ردحذف
  13. 100000000000000000000000000000000000000000000 لايك يا دينا الصراحة القصة عجبتني مع انها مخيفة والواحد مش هينام النهاردة بس حلوة ومستنين منك الجديد ... أحمد

    ردحذف
  14. انا خوفت جداااااااااااااا وبرتجف بجد مش عارف اعمل ايه

    ردحذف
  15. جميلة جدا تسلم ايدك انا اول مره اقرا لحضرتك بس ان شاء الله هتابعك علطول

    ردحذف
  16. بصراحه رائعه رغم اني بخاف بس حلو

    ردحذف
  17. تسلم الايادىبجد روعه انا واحد من الناس بحب لما اقرأ او اتفرج على حاجا زى كده انى اكون لوحدى واقفل النور عليه

    ردحذف
    الردود
    1. ده يبقى فلم رعب اخر حاجة :(

      حذف
  18. الفصة كتير حلوة مع انها خوفتني شوي,, بس عجبتني كتير

    ردحذف
  19. مش معقولة تجنن الرواية دى اول مرة اشوف رواية مرعبة قصيرة وتجنن تسلم ايدك يا دينا

    ردحذف
  20. تحفة كعادتك يا دندونة


    مونه

    ردحذف
  21. l2 w7sha ana b5aaaaf :(((((

    ردحذف
  22. ازاي العمة اتحولت راجل

    ردحذف
  23. 7elwa aweeeeeeee msh2a allah =D

    ردحذف
  24. بجدجلوة اوووووي

    ردحذف
  25. قمةالجمال والله فعلا رائعه

    ردحذف
  26. الف ليلة وليلة12 سبتمبر 2012 في 12:05 ص

    حرام كده اني اقرأ قصاد عينيه كامله ودي كمان كامله في ليله واحده انا حسه اني مش هعرف انام خالص

    ردحذف
  27. انتى بجد هايلة والله ماشاء الله عليكى انا قريتها كلها ع بعضها وبجد رعب اخر حاجة هى وقدام عينيه ماشاء الله ع حضرتك

    ردحذف
  28. بجد انتي هايلة يا دينا بتكتبي في كله رومانسي وقتل وكمان رعب
    بجد ماشاء الله عليكي ربنا يحميكي

    ردحذف
  29. الحمدلله انتى مطولتيش ف القصه انا اترعبت مش خوفت انتى خلتيني اشغل قران جمبي بس ياريت بلاش القصص اللي بالشكل ده فعلا انا قلبي ضعيف جدا

    ردحذف
  30. ايه الرعب دا يا دينا
    انام ازاي انا دلوقتي
    بس جميله اوي القصه تسلم ايدك
    توتا

    ردحذف
  31. بجد قصه روعه هى قصيرة صحيح بس
    انا بجد مش هعرف انام طول الليل لانى بترعب من اقل حاجة هى فكرة القصه جامدة جدا
    بس بصراحه كل مرة القصه بتبقى اجمد من اللى قبلها تسلم ايديكى

    ردحذف
  32. انا خفت جدا بس بجد تسلم ايديك جميييييييييييييله جدا ومرعبه جدا جدا جدا

    ردحذف
  33. دينا بجد تبقى غلطانه جداً لو ما اتفقتيش مع حد يعمل قصصك افلام
    حرام عليكي انا عايزه اشوف قصصك فيلم
    حتى لو همثله مع نفسي
    بجد حاولي تدوري

    ردحذف
  34. بجد يا دينا تبقى غلطانه جداً لو متفقتيش مع حد يعمل قصصك افلام
    مع اني كالاء بحب القراءة عن المشاهده اصل عندي خيال شويتين
    بس بجد حاولي تدوري قصصك تستحق فعلا

    ردحذف
  35. حلوة اوى بجد رغم انها اكيد خيالية

    ردحذف
  36. القصة جميله جدا بس ليه الكل بيقول عليها مرعبة اوي
    انا ماخفتش مع اني بخاف من خيالي
    يمكن عشان قريتها بسرعة
    بس تسلم ايدك قصة تحفة

    ردحذف
  37. نحفففففففه اووووووووووووووووي القصه دي بجد ربنا يحفظك كتاباتك كلها جمييييييييييييله جداااااااااااا

    ردحذف
  38. انا حسه اني اعصابي فلتيت

    ردحذف
  39. حلوة اوى مع انى بخاف اووووى

    ردحذف
  40. جميلة يا دودو والحمدلله حصل لنا الرعب ده انا متعودة ع افلام وقصص الرعب بس دى بجد رعبتنى

    ردحذف
  41. بجد انتي كل كتاباتك رائعه وبحب اوي الرعب اللي بتكتبيه والبوليسي بيبقي تحفه انا بجد عيزاكي تعملي قصه بوليسيه بس طوليها شويه مش كام حلقه وتخلص كدا زي R اللي كانت بجد رائعه وتسلم ايدك
    هند

    ردحذف
  42. القصة روعة

    ردحذف
  43. انا بحب الحاجات الرعب دى كل الكتب اللى بجبها رعب بجد القصة دة جامدة موووووووووووووووووت وئام

    ردحذف
  44. قصة وأحداث جميلة ومشوقة جدا
    تفسير الاحلام

    ردحذف
  45. دينا دى تانى مرة اقرالك انا مرعوبة لدرجه انى نسيت اول قصه قرتهالك اسمها كان اى مع انى لسه قرياها امبارح .. انتى بجد ربنا يحميكى اسلوب وكل حاجه تحفه دى اول مرة اكمل قصه رعب للاخر ربنا يستر واعرف انام :)

    ردحذف
  46. تسلم ايدك رائعة

    ردحذف
  47. جميله ااوى

    ردحذف
  48. روعة روعة ايه الكلام الجامد ده

    ردحذف
  49. ماشاء الله جمييل جدا انا كنت متلخبطة في الاول والوقتي فهمت رغم اني كنت بقرأ كل جملة بخوف ههههه
    بس حلوة اووي برافو ي دندونة :*

    ردحذف
  50. ليه الرعب ده هي واللي قبلها واللي قبلها بس تحفه بصراحه

    ردحذف
  51. تحففففففففففففة خاااااالص ابدااااع بتوفيييق الى الامام فاطمة

    ردحذف
  52. بجد اكتر من رائع ياريت لو ينفع تتعمل مسلسل ع نفس عد الحلقات متزدش عن كده علشان الناس كلها تشوف الابداعات دي بجد ويارب ف تألق دايما ان شاء الله

    ردحذف
  53. جميع كتاباتك رااااائعة انا قريت معظمهم تقبلى تحياتى واحترامى

    ردحذف
  54. روووووووووعة جامدا جدااااااا

    ردحذف
  55. جميله جدا جدا ممكن تبقي تكملي قصص رعب وتبقي طويلة انا بحب الرعب اوي وبحب تأليفك لحلقات استمري

    ردحذف
  56. جميله بس خايفه اقوم من مكاني

    ردحذف
  57. جميله بس خايفه اقوم من مكاني

    ردحذف
  58. جميله بس خايفه اقوم من مكاني

    ردحذف

قول رأيك بلاش تقرا وتقفل من سكات...ارائكم تهمنى