السبت، 3 ديسمبر 2011

بين نارين ... الحلقة 4

الحلقة 4
فى المعاد المحدد...راح طارق ومامته وبسمة  بيت بسنت
تمت المقابلة مع باباها ومامتها بكل ود وترحاب من الطرفين
محصلش اى اختلافات بينهم على اى حاجة... لان كل واحد فيهم ماشى حسب الاصول
ام طارق حددت مؤخر وقايمة زى ما عملت لبسنت بالظبط
اهل بسمة محددوش اى حاجة فى الشبكة ولا العفش وكل اللى على لسانهم...احنا بنشترى راجل
ولما كل حاجة كانت سهلة... قرأوا الفاتحة
واتفقوا خلال سنة يتم الجواز... بعد مايكون طارق جهز شقته

بعد قراية الفاتحة باسبوع
وفى المكتب اللى بيشتغل فيه طارق... اول ما دخل المكتب
السكرتيرة"ا\طارق..الاستاذ عايزك"
طارق"هو جه بدرى كده النهاردة"
السكرتيرة"اه جه بعد المحكمة على طول"
طارق"ماشى...انا داخل له"
وراح طارق خبط على المكتب ودخل
"سلام عليكم يا استاذ"
"اهلا يا طارق...تعالى عايزك "
"خير يافندم"
"انت طبعا معايا هنا من يوم مااتخرجت وانت محامى شاطر وانا بعتز بيك فى مكتبى"
"ربنا يخليك يافندم...البركة فى حضرتك لولا انك استاذى مكنتش قدرت يكون لى اسم"
"طيب انا مش عايزك هنا"
واتخض طارق وقام وقف
"خير... انا صدر منى حاجة غلط"
"اقعد ياطارق متتخضش... انا محتاجك فى المكتب الجديد"
"مكتب المهندسين؟؟"
"ايوه... طبعا انا صحتى على قدى يعنى مش هقدر اتابع شغل المحكمة والمكتب هنا والمكتب هناك ومراجعة المذكرات وكتابة المذكرات المهمة... فانا ملقيتش حد اثق فيه زيك علشان يمسك المكتب هنا وتبقى تتابعنى باللى بيحصل بس تكون انت المسئول قدامى"
"دى ثقة كبيرة اوى من حضرتك"
"وانت تستاهل الثقة دى... وهيكون لك مرتب شهرى ونسبة من اتعاب القضايا اللى هتشتغل فيها"
"من غير اى حاجة يافندم كفاية الشغل مع حضرتك"
"لا ازاى انت لازم تتكافئ على تعبك... المهم انت شوف هتاخد مين معاك من المكتب هنا من الناس القدام وهنعمل اعلان عن سكرتيرة وساعى وشوف عايز كام محامى تانى يشتغل معاك"
"هو المكتب هيكون معانا قضايا من هنا ولا هنبدا على جديد"
"اكيد هتاخد شغلك بس انا عايز منك حاجة"
"عايزك تبدا تأسس المكتب على كل التخصصات يعنى على المدى القريب يكون عندك حد متخصص فى الاسرة والمدنى والجنائى "
"بسيطة هشوف الفترة الجاية المتميز فى كل حاجة واحاول اضمه للمكتب"
"خلاص... المكتب جاهز وشوف هتروح امتى"
"كام يوم ان شاءالله لما استقر على مين هيكون معايا وننقل ونكون اختارنا السكرتيرة والساعى"
"ماشى ياطارق... ابقى قولى تقرير يومى عن اللى هتعمله"
"حاضر يافندم...بعد اذنك"
وخرج طارق من المكتب وهو مش سايع نفسه من الفرحة والفرصة اللى وفرت سنين كتير عليه...لحد ما يمسك مكتب له اسم وسمعه كبيرة

فى نفس اليوم وبعد مارجع طارق من المكتب
مسك التليفون واتصل ببسمة علشان يفرحها
"ازيك يا حبيبتى وحشتينى"
"حمدالله ع السلامة... انا قاعدة مستنية مكالمتك من بدرى"
"انا لسه داخل من بره اهو وجيت اكلمك على طول... عايز اقولك انى عندى ليكى خبر يجنن"
"خير.. هنتجوز قريب"
"جواز احنا احنا لسه قريين الفاتحة من ايام... انا همسك مكتب لوحدى وابقى انا المسئول عنه"
"بجد ... هتفتح مكتب لوحدك"
"لا .. الاستاذ فتح مكتب تانى فى المهندسين وهيخلينى انا المسئول عنه "
"مبروك يا حبيبى الف مبروك"
"الله يبارك فيكى... بصى انا هبقى مشغول الفترة الجاية علشان كده بكرة بعد المحكمة هعدى عليكى نتغدا مع بعض وابقى اروح انا على المكتب اشوف شغلى"
"خلاص هستناك بكرة"
"ماشى... هقوم انام علشان هلكان"
"اوك ياحبيبى تصبح على خير"

تانى يوم... اتقابلوا طارق وبسمة واتغدوا مع بعض ورجعها على البيت وطلع على المكتب القديم علشان يكمل باقى ترتيباته
ودخلت له السكرتيرة
"ا\ طارق...الاستاذ بيقولك انه نزل الاعلان وكتب عنوان المكتب والمقابلة بكرة وبعده من الساعة 6للساعة 10ولازم تكون موجود هناك"
"الاستاذ فين"
"مشى وكان عندك موكلين فقالى اقولك انا"
"طيب ماشى هروح ان شاءالله"

كانت كل الاسابيع اللى بعد كده طارق مشغول فيها جدا
لدرجة انه كان لقاءاته ببسمة يدوب اتصالات
وبيشوفوا بعض بالصدفة ولمدة قليلة اوى
ووفى يوم اتصلت بيه بسمة
"ازيك ياطارق"
"ازيك يا حبيبتى عاملة ايه"
"انت خطبتنى ليه ياطارق"
"يعنى ايه ليه؟؟"
"انت لا بتكلمنى ولا بتشوفنى زى كل المخطوبين يبقى ليه "
"انتى مش شايفة انا مشغول ازاى"
"مشغول لدرجة انك بتكلمنى بالعافية ومش عاز تشوفنى"
واتنرفز طارق وزعق
"انتى مش شايفانى مطحون فى الشغل من المحكمة للمكتب ده للمكتب ده غير انى لازم اكون مركز فى كل خطوة بعملها وانتى جاية تقوليلى مكالمات ومقابلات"
"يعنى شغلك اهم منى"
"شغلى اهم حاجة فى حياتى وانتى عارفة انى واقعى وماليش فى دلع البنات"
"بس يوم خطوبة بسنت مكنتش كده"
"كنت على طبيعتى معاكى وقلتلك اللى جوايا من غير مااكون مضغوط.. انا دلوقتى مضغوط فى الشغل ومش مستحمل كلام خالص"
وبدأت بسمة تعيط
"كل ده علشان بقولك اهتم بيا"
"انا كنت فاكرك اعقل من كده... انا مش لسه هقعد ادادى"
"خلاص ياطارق لا تدادى ولا تهتم... وكويس اننا لسه ع البر"
وقفلت بسمة التليفون فى وشه

هناك 13 تعليقًا:

  1. ازيك يا حبيبتي يا بسمه ؟؟ اهلا حبيبي طارق ؟؟؟ حب ايه بس و حبيبتي ايه ؟ المشكله عندنا في مصر ان الناس دايما بتخلط الحب بالقبول المتبادل في اول الخطوبه ؟ هو لو فعلا بيحبها مكنش هيوصلها لنقطة انها تطلب منه الاهتمام !! لاء و كمان بيقولها ادادي اللي بيحب بالنسبه ليه ان حبيبه يدلع عليه او يكلمه احب حاجه علي قلبه مش مدادية عيال صغيره

    ردحذف
  2. على فكرة مش معنى الحب انه لازم يقول كلام حلو
    فيه ناس الحب عندهم تصرفات واهتمام مش كلام
    وناس عندهم الكلام اهم
    يعنى بتختلف من شخص لاخر

    ردحذف
  3. l2 hwa bi7bha bas hwa sha5s 3amly msh romantic bas hwa y3ny shklo bi7bha

    ردحذف
  4. basma de shklha mgnona :D

    ردحذف
  5. البنات بتحب الاهتمام والكلام الحلو لكن الرجالة ممكن يكونوا زي طارق ف الاول كدا وبعد كدا بينشغل ويفكر ان الحب موجود فحين ان البنت بتفكر انه بطل يحبها

    ردحذف
  6. heya 3mdha 7a2 tb3an w b3den howa 2asa 3leha awy w ana 3n nfsi m2drsh a3od yom mn 8er ma aklm 5tiby w low mklmnesh yom wa7d bz3l mno





    yasmen

    ردحذف
  7. بصوا انا مع راى انه فعلاً بيحبها بس عملى اوى اوى ودا بيكون صعب على اى بنت عشان مفهوم الخطوبة عندنا زيارات ومكالمات و ورد وهدايا عشان كدة بتحصل الصدمة مع الواقع

    ردحذف
  8. هو تعبان ف شغله جدا
    فطبيعي انه ما يكلمهاش كتير وما يخرجش معاها
    وهي المفروض ما تزعلش اوي كده المفروض تراعي ظروفه

    ردحذف
  9. شركة طيور الجنة افضل شركة تنظيف بالدمام شركة متخصصة فى تنظيف المنازل بالدمام والخبر حيث لدينا طرق خاصة عن باقى شركات التنظيف وعندنا افضل عمال التنظيف حيث انهم متخصصون فى اعمال النظافة حيث اننا نعمل على رضاء العميل حيث نعطية مايرضية من اعمل التنظيف فنحن شركة تنظيف فلل بالدمام والخبر نتخصص فى نظافة الفلل بالدمام فتنظيف الفلة من الاعلى الى الاسفل حتى الحوش ونقوم ايضا كــ شركة تنظيف شقق بالدمام والخبر بنظافة الشقة من ارضيات وجدران وحمامات ومطابخ فهناك اشكال مختلفة من الشقق بالدمام ولكن الشقة التى نقوم بتنظيفها لابد وان تكون مختلفة فشركة طيور الجنة تعطيك ما يرضيك ولدينا كــ شركة تنظيف منازل بالدمام افضل طرق نظافة المنازل بالدمام والخبر وهناك شركة تنظيف موكيت بالدمام والخبر حيث اننا نقوم بغسيل الموكيت بافضل طرق التنظيف وافضل ماكينات التنظيف وهذا ما يميز شركتنا عن باقى شركات الرياض لاننا افضل شركة تنظيف بالخبر والخبر وعندنا تجد شركة تنظيف مجالس بالدمام والخبر حيث غسيل المجالس بطرقنا الخاصة ولدينا فرع شركة تنظيف كنب بالدمام ونقدم لكم فرع شركة جلى بلاط بالدمام للقيام بخدمات الجلى

    شركة مكافحة حشرات بالدمام تقدم افضل مكافحة للحشرات باستخدام افضل المبيدات الحشرية القوية والقادرة على مكافحة كافة انواع الحشرات والقضاء عليها نهائيا تعبر شركة طيور الجنه افضل شركة رش مبيدات بالدمام

    ردحذف
  10. نقدم لكم خدماتنا المميزة بطبعها فقط في شركة تسليك مجارى بالدمام الخدمة الاكثر جودة و الاقل ثمنا الان و لاول مرة احصل على مجاري نظيفة و ليست بها اية روائح كريهة فنحن عبارة عن فريق دو خبرة سنوات في تسليك المجاري بالدمام باحدث الطرق و التقنيات التي لم يسبق لاحد تجربتها كما لدينا فرع شركة تنظيف بيارات بالدمام ,
    طيور الجنه تعتبر افضل شركة كشف تسربات المياه بالدمام فهى تمتلك احدث اجهزة كشف التسربات الالكترونية العالية الدقة في تحديد مكان التسرب مما يوفر الوقت والجهد بدون تكسير الارضيات او الحوائط

    تعتبر شركة نقل اثاث بالدمام من ارخص الشركات التى تقوم باعمال النقل فلا داعى للقلق من شان النقل الان وعليك ان تنتظر من شركة نقل عفش بالدمام المزيد من الخدمات زورو صفحات موقع شركة طيور الجنه للخدمات المنزلية بالدمام

    ردحذف

قول رأيك بلاش تقرا وتقفل من سكات...ارائكم تهمنى