الحلقة 29
اتفاجئت راوية بكلمة طارق
قربت منه ورمت نفسها فى حضنه... وبهدوء وحنان
"قدرت تقولها ياطارق"
وبعدها عنه بشويش
"انتى اللى وصلتينى لكده ومش هسمحلك تانى بفرض سيطرتك عليا"
"مش سيطرة ده حب"
"ده حب تملك وانا اتخنقت"
"خلاص ياحبيبى انا اسفة بس متزعلش منى... ومتزعلنيش تانى وتجيب سيرة الطلاق"
"ماشى ياراوية... خلاص ادخلى نامى"
"وانا معقول اسيبك متضايق كده...قولى مالك"
"مفيش حاجة خلاص..انا هدخل انام"
تانى يوم اول ماطلع النهار وبقى الوقت مناسب
اتصل طارق بأبو بسمة
"ازيك ياعمى...اخبارك ايه"
"الحمدلله بخير"
"كنت عايز اشوف الولاد"
"حاضر حدد الوقت والمكان اللى يناسبك"
"انا محرج اوى منك ياعمى...كنت متوقع انك هتقولى كلمتين فى العضم علشان طول الفترة اللى فاتت دى"
"بص ياطارق انت ابو الولاد ومن اول يوم وانا قلتلك وقت ماتحب تشوفهم هتشوفهم انما لما متطلبتش فانت حر المهم انى ممنعتش الولاد منك علشان متحملش الذنب ده"
"ربنا يخليك ياعمى...انا اسف"
"متتأسفليش انا ...حاول تعوض ولادك عن الفترة اللى فاتت دى وطبعا اقصد بالحب والحنان لان سيف ميعرفكش وجودى تقريبا نسيتك"
كلامه كان رغم ذوقه...مؤلم جدا... ورد عليه طارق
"طيب ممكن يوم الجمعة المغرب نتقابل واشوفهم"
"ان شاءالله"
فى المعاد المحدد كان طارق بيلبس وبيستعد للقاء ده وكأنه رايح فرح... كان فى منتهى السعادة وهو رايح يشوف الولاد
"انت نازل؟؟"
"اكيد مش بلبس علشان اقعد فى البيت"
"رايح فين"
"اشوف ولادى"
"مقلتليش ليه؟؟"
"مش لازم اخد منك الاذن علشان اشوفهم"
"طيب دقايق واكون جاهزة"
وراحت على الدولاب تطلع هدومها
"استنى هنا ...جاهزة ليه؟؟"
"علشان اجى معاك"
"ومين قالك انى هاخدك معايا"
"ومتاخدنيش ليه"
"بقولك رايح اشوف ولاااااادى...ولاااااااااادى فهمتى ولا صعبة"
"وايه اللى يمنع انى اجى معاك"
"انا اللى امنعك...انا عايز اكون مع ولادى عندك اعتراض"
"يعنى ولادك دول هيكونوا لوحدهم ...اكيد معاهم مامتهم"
"لا اطمنى اكيد مش معاهم"
"برضه اجى معاك اطمن بنفسى"
"طيب عليا الطلاق ماانتى نازلة معايا النهاردة ياراوية... اما اشوف بقى حكايتك ايه"
قعدت راوية مكانها متحركتش... لانها فعلا خافت يطلقها
سابها طارق ونزل وراح يشوف ولاده
فى المقابلة
كان طارق مشتاق يشوفهم... بس جودى وسيف اتعاملوا معاه بجفاء لانهم ببساطة مش عارفينه
طارق مزعلش منهم بس زعل من نفسه
وطلب من جدهم انه يشوفهم كل جمعة...ووافق
مع مرور الوقت وتكرار المقابلات اللى تطورت من مقابلة المغرب
لتقضية اليوم كله مع طارق
كان جدهم بيوديهم لطارق فى المكان اللى بيحددوه ويرجع ياخدهم منه...بالاتفاق على المعاد
وكانوا ساعات يقضوا اليوم بره او فى بيت مامة طارق مع جدتهم وعمتهم والبيبى الجديد ابن بسنت
كانت احلى لحظات حياة طارق هى يوم الجمعة اللى بيقضيه مع ولاده اللى اتعلقوا بيه جدا...من غير راوية
اما راوية فكانت اسوأ لحظات حياتها هى يوم الجمعة علشان طارق بيسيبها ويروح لولاده
والسر فى سكوت راوية ...هو الحل السحرى اللى اكتشفه طارق
وبقى على لسانه كل مايتضايق منها
يحلف عليها بالطلاق...لان ده الحاجة الوحيدة اللى كانت بتسكتها
اما بسمة فكانت فرحانة ان طارق قرب من ولاده وشافت الفرحة اللى فى عيون ولادها
وكانت زعلانة لانها كانت بتتمنى انها تكون معاهم...طارق والولاد
فات حوالى 4شهور على الحال ده
وحصل اللى كانت راوية بتتمناه
حملت راوية وقدرت تستغل حملها فى جذب طارق ناحيتها تانى
هى كانت سعيدة وطايرة من السعادة من حملها لاكتر من سبب
اولا هتحقق رغبتها فى انها تبقى ام... الامنية اللى بتحلم بيها بقالها فترة
الحمل هيخلى طارق يقلل من كلمة الطلاق كل شوية ويربطه بيها اكتر
وحاولت انها تتحجج فى اكتر من مرة يوم الجمعة باى حجة علشان طارق يلغى معاد ولاده... بس مقدرتش
حبه لولاده كان اقوى من انه يضيع اليوم الوحيد اللى بيشوفهم فيه
وسلمت راوية بالامر الواقع على امل انها لما تخلف هيهتم بابنها اللى موجود معاه اكتر من ولاده التانيين
وبدات تخفف من شغلها ومتنزلش كل يوم علشان تحافظ على حملها... اللى هو حلمها
وفى يوم وطارق فى المكتب اتصلت بيه راوية وهى بتعيط
"مالك ياراوية"
"عمتى توفيت ياطارق"
"البقاءلله"
"انا لازم اروح العزاء"
"مش دى عمتك اللى عايشة فى السويس"
"ايوه"
"طيب جهزى نفسك وقولى لمامتك تجهز ونروح العزاء ونيجى بالليل"
"ماما سافرت مع اعمامى...انا هجهز واستناك"
راح لها طارق... كانت لابسة ومستنياه
راحوا العزاء ... وبالليل وهما راجعين
"طنط مش هترجع معانا"
"لا ماما هتقعد ال3 ايام"
"طيب يالا بينا"
طارق كان مرهق جدا طول اليوم لانه من ساعة ما نزل الصبح وراح الشغل مارتاحش خالص
الطريق كان كويس ومش زحمة
نامت راوية لانها كانت مرهقة طول اليوم فى العزا
حس طارق انه عايز ينام... فضل يقاوم احساسه ده
بتركيزه على الطريق
غفل لحظة... واتقلبت العربية بطارق وراوية.
noooooooooooooooooooooooooooooooooooooooooooo
ردحذفحرام عليكي يا دينا انا قريت القصه كلها في يوم واحد الله يخليكي كملي الحلقه الاخيره بسرعه بقي
ردحذفوعلفكره اني ماشاء الله هايله جيدااااااا
انا قريتلك كمان تح سقف واحد و فوق احتمالي
اختك \ نووور
بجد ماشاء الله عليكى كل قصصك احلى من بعضها انا تقريبا كده خلصت كل قصصك وكنت سايبه "بين نارين " للاخر عشان اقراها كلها على بعض وما انتظرش كل يوم على نار فا ياريت تخلصيها بسرعه :)) واتمنى اقرالك قصص كتيير الفتره اللى جيه ويكون فى قصص مطبوعه كمان انشاء الله
ردحذفRania Fawzy
نوووووور
ردحذفنورتينى وانا سعيدة بوجودك
واتمنى باقى القصص تعجبك ان شاءالله
رانيا
ردحذفربنا يخليكى وميرسى على كلامك الحلو
وادى بين نارين خلصت ومستنية رايك فيها
واتمنى تتابعينى وان شاءالله مش هبطل كتابة طول ماانتوا بتابعونى
واااااااااااااو مش بس روايه وطارق والبيبي الي في بطنهااا ..لئ كداااااااا كتييييييييييييييير والله صعبووو عليا التنين
ردحذفnero
bgd story gamda gdn
ردحذفاوباااااااااااااااااااااا طيب والله فرحانه اووى فيهم مع انى فى كل القصص كنت بعيط اوووووووى لما يحصل كده انما دلوقتى فرحانه اوى ونفسى طارق يعيش وراويه تسقط ياارب
ردحذفبحد ماشاء الله عليكي
ردحذفبس اوعي تكون النهاية دي كمان غير متوقعت
مونه
heee O.o rabna estooor
ردحذفTu2aa
القصة دى هايلة بس انا مش عارفة اجيب لينك الحلقة الاخيرة
ردحذفعقاب ربنا
ردحذفجمييييييييييييييييييييييييييييييييييله الحلقه دي
ردحذفهييييييييييييييييييييييييه ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ميرسي يا دينا على الحلقه الروعه دى يا احلى مؤلفه ف الدنيا بجد انا ادمنت القصص بتاعتك
ردحذفيالهوووووووووووووووووووووووووووي اه ربنا ينتقم منهم بس مش كده
ردحذفاحسن يارب تسقط
ردحذفيارب راويه تموووووووووووووت
ردحذفيارب تموت راويه ف داهيه اللى بتخرب البيوت دى
ردحذفيلا احسن والله
ردحذفيكش راوية تولع
ردحذفاحسن
ردحذفادحبوللوح
ردحذف