الحلقة 30والاخيرة
فى المستشفى
طارق وراوية فى العمليات
وبره العمليات بسنت وايمن ومامة طارق
ومامة راوية وواحد من اعمامها
خرج الدكتور وخرجت راوية من العمليات
راحت مامتها وراها... وكانت راوية لسه فى البنج
عم راوية" ايه الاخبار يادكتور"
الدكتور" اصابتها الحمدلله مش خطيرة بس فقدت الجنين وعندها كسور متفرقة يعنى محتاجة وقت بس مش اكتر"
ام طارق" وابنى يادكتور"
الدكتور"حالته اصعب شوية لان اصابته كلها فى العمود الفقرى"
مشى الدكتور وكان طارق فى العمليات ومعاه اكتر من دكتور
بسنت ومامتها متحركوش من قدام العمليات وهما بيعيطوا
بعد ساعات خرج طارق من العمليات
ايمن"حالته ايه يادكتور"
الدكتور"عنده كسور فى العمود الفقرى والحوض"
ايمن"يعنى هيرجع طبيعى"
الدكتور"كام يوم ونتأكد... بس غالبا لازم هيحصل تأثير"
كان طارق فى اوضة وراوية فى اوضة وكل واحد معاه مامته
تانى يوم لما فاقت راوية
"ماما...طارق فين"
"كويس ياحبيبتى حمدالله على سلامتك"
"هو فين"
"عامل عملية وميقدرش يتحرك"
"حصل حاجة للجنين"
"بكرة تعوضيه المهم انك انتى وطارق ربنا نجاكم الحمدلله"
عيطت راوية من صدمتها ان حلمها ضاع والالم المعنوى اللى حست بيه كان اكتر من الالم اللى كانت حاسة بيه من اثر العمليات
اما طارق لما فاق
"راوية فين ياماما"
"كويسة بس تعبانة من العملية"
"انا تعبان اوى... جسمى كله بيوجعنى"
"الحمدلله ان ربنا نجاك والوجع ده من الكسور يابنى ربنا يشفيك"
"انا عايز اشوف جودى وسيف"
"حاضر ياطارق... هبعت بسنت تجيبهم لك"
"الحادثة اثرت على حمل راوية؟"
"مفيش نصيب ياطارق ربنا يعوضكم"
"والنبى ياماما خلى بسنت تجيبهم بسرعة...وحشونى اوى"
لما راحت بسنت بيت بسمة كنا فى معاد غريب...الساعة 2 الظهر
وكانت بسمة لسه راجعة من الحضانة
"بسنت...اهلا وسهلا تعالى اتفضلى"
ودخلت بسنت وهى بتقعد
"ازيك يابسمة...وازى طنط وعمو والولاد"
"كويسين....مالك"
وعيطت بسنت
"طارق عمل حادثة امبارح بالليل وعايز يشوف الولاد"
اتصدمت بسمة... وعيطت
"حصل له ايه؟؟؟ هو كويس"
"عنده كسور كتير والموضوع شكله هيطول... انا خايفة ميرجعش يمشى على رجليه تانى"
"بعد الشر...ان شاءالله هيبقى كويس ويرجع احسن من الاول"
"لسه بتحبيه يابسمة"
"وانتى تفتكرى انى بكرهه مثلا... طارق الراجل الوحيد فى حياتى وابو ولادى يعنى اكيد زعلانة عليه طبعا بس هو انتهى من حياتى بعد ما صدمنى وخاننى"
"انا عارفة انك بتحبيه بس مش هاين عليكى كرامتك"
"ميفيدش بحاجة يابسنت خلاص بقى... المهم ربنا يشفيه ويقومه بالسلامة الولاد اتعلقوا بيه اوى الفترة اللى فاتت ودايما فى سيرته ان شاءالله يرجع كويس علشان ولاده وشبابه"
"طيب ما تيجى تزوريه معايا"
"لالالالا مينفعش اكيد مراته هناك وانا مقدرش احط نفسى فى موقف محرج زى ده"
"مراته كانت فى الحادثة معاه وهى فى اوضة بعيد عنه ومش بتقوم من السرير تعالى حتى علشان الولاد ميتخضوش على باباهم وتطمنيهم"
بسمة كانت فعلا نفسها تشوفه بس مترددة
"ها يابسمة جاية معايا ولا لأ"
"جاية"
اول ما دخلت بسمة والولاد على طارق
كان حاول يقوم حتى بجزء من جسمه مقدرش
فرحته بيهم كانت اقوى من اى ألم
بسمة قدرت تتحكم وتحبس دموعها علشان طارق ميفسرهاش انها رغبة فى الرجوع ليه
كلام بسمة كان مختصر جدا...بس قلبها بيتقطع
طارق حس بالحنين لبسمة ولمتهم كلهم مع بعض
خرجت مامته من الاوضة ووراها بسنت
"سامحينى يابسمة"
"خلاص ياطارق الموضوع ده فات عليه وقت والوقت بيداوى كل حاجة"
"انا عارف انى ظلمتك"
"مش وقته المهم صحتك وسلامتك "
"يعنى هنتكلم مع بعض بعدين"
"انا جيت ياطارق بحكم العشرة جيت ازور ابو ولادى وهو تعبان متفسرش زيارتى اى تفسير تانى... ومتنساش انك دلوقتى متجوز"
كلماتها كانت كافية لصده... وسكوته
بدأت راوية تتحسن وخرجت من المستشفى وكان فى كسر رجلها
قعدت فى بيت مامتها وكانت حالتها النفسية سيئة بعد فقد الجنين
طارق كانت الامه كبيرة وعدم القدرة على الحركة طالت
فات اسبوع وكل اللى بينه وبين راوية اتصالات لظروفهم الصحية
وحالة طارق مفيش اى تحسن... واتطلب وضعه عملية جديدة
بعد العملية... استدعى الدكتور مامة طارق
"خير يادكتور"
"خير ان شاءالله... بس حضرتك عارفة ان الاصابة كانت فى العمود الفقرى والحوض... وبكل اسف هتؤدى لعجز"
وكتمت الام صرختها
"مش هيمشى تانى"
"لا هيمشى ان شاءالله بس بعد فترة وبالعلاج الطبيعى"
"اومال عجز ايه؟؟"
"للاسف فقد قدرته على الانجاب "
خرج طارق من المستشفى على بيت مامته
لان راوية مكنتش قادرة انها تقوم بخدمته
شهور مرت لحد ما بدا طارق يمشى تانى
طول فترة وجوده عند مامته وعلاقته براوية زيارات منها
ومكالمات تليفون... وبدأ البرود يدخل بينهم
راوية لما عرفت انه فقد قدرته على الانجاب اتغيرت مشاعرها ناحيته... مبقتش مهتمة بيه زى الاول
وده بسبب حالتها النفسية اللى بتسوء من بعد فقدها الجنين
رجع طارق وراوية بيتهم
الحياة بينهم بقت مملة... راوية مش طايقة نفسها ولا طايقة طارق
بتعيط كتير من غير سبب... حساسة من ناحية اى كلمة تتقال لها
الحياة بينهم بقت لا تتطاق
طارق لما كان فى بيت مامته كان ولاده بيروحوله كتير
وكان احيانا بيكلم بسمة يسال على الولاد وتسأل على صحته
اما لما رجع فكان كل مايكون رايح يقابل ولاده
راوية تتخانق وتفضل تزعق وتصرخ
ولما افتكر الحل السحرى وحلف عليها بالطلاق ماتجيب سيرة ولاده
"طلاق طلاق حتى يبقى ارحم من عيشتى معاك"
واتفاجئ طارق من ردها
"ليه عيشتك معايا مالها"
"انت مش حاسس انك بتروح وتيجى مع ولادك ومش حاسس بيا ولا مقدر مشاعرى ان اى امل انى اكون ام راح خلاص"
"معقول...انا كنت فاكر ان حبك ليا اقوى"
"غصب عنى انا نفسى اكون ام"
"ده حقك ياراوية... انا اسف انى مش هقدر احققلك رغبتك دى لو عايزة نتطلق معنديش مانع"
"واضح ان مفيش حل غير كده انت عندك ولادك بيعوضوك عن حرمانك ده انما انا معنديش بديل"
"انتى طالق ياراوية"
بعد الطلاق سابت راوية المكتب نهائيا
وبقى يتقابلوا زى اى اتنين زملاء فى المحكمة
بس من غير اى تبادل لاى كلام بينهم
طارق مكنش عنده الجرأة انه يطلب من بسمة انها ترجعله
حس ان اللى هو فيه ده عقاب ربنا ليه عن ظلمه وانانيته
فاتت شهور وهو عايش فى بيت مامته بعد ماساب شقته اللى كان متجوز فيها راوية لبسنت وايمن
اتصل بيه حماه وقاله انهم هيعملوا عيد ميلاد لجودى وممكن يحضر
فى عيد الميلاد...كان كل الاسرتين موجودين
وهما واقفين يطفوا الشمع... كان طارق واقف جنب بسمة وقدامهم جودى وسيف... صورتهم بسنت صورة
وبعد ماطفوا الشمع
بسنت"شوفوا الصورة دى حلوة ازاى"
بصت بسمة وطارق لبعض وهما فاهمين قصدها
طارق"ياريت بسمة تقدر تسامحنى ونبدأ صفحة جديدة"
سكتت بسمة... وردت مامة بسمة
"سكتتى ليه يابسمة... شفتى صورتكم وانتوا كلكم مع بعض حلوة ازاى"
دمعت بسمة... مسح طارق دموعها ومسك ايدها
"انا مش هتسبب فى دموعك تانى... بس ارجعيلى"
رد باباها
"انت مش هتقدر تزعلها والا هتلاقينى عندكم واخدها تانى"
طارق"خلاص ياعمى حرمت والله"
ضحكت بسمة لما فهمت من رد باباها انه عايزها ترجعله
بسمة لطارق "هتزعلنى تانى"
طارق"ابدا وحياة جودى وسيف "
مبروك على انتهاء الروايه وعقبال الروايه الجديده انشاء الله
ردحذفرانيا فوزى
الله يبارك فيكى يارانيا
ردحذفميرسى اووووووووووووى
حلوه بس زى نهايه اى روايه عربى ياريت فى اللى جاى يبقى فى اختلاف بس دى حلوه اوى
ردحذفغير معرف
ردحذفميرسى كتير
وطبيعى انها تكون نهاية زى النهايات العربية لاننا نفس المجتمع ونفس التقاليد ونفس الواقع
نورتينى وان شاءالله الجاية تعجبك
دمعت وفرحت شكرا كتيييير علي الروايه الرائعه دي .....ايه
ردحذفلا بجد جميله جدا جدا انا بشكر مجهودك دا حقيقي انتي رائعه
ردحذفيا الله والله انو دمعت عليهم ..كتييييييير حلوووووه كتييييييييييييييييييير عنجد يا دينا انهااا روعه ونهااايتها حلووووه ..انا من هلأ رح تابع كل قصصك ع طوووووول وموووفقه يا رب
ردحذفnero
جاااامدة بجد
ردحذفانا عجبتني جدا
بشكرك جدا
معأن النهاية مكنتش متوقعاها بس جااامدة
جميلة اووووووى الرواية دى بجد
ردحذفاشكركم جزيلاااااااااا
ردحذفوسعيدة برأيكم فى القصة
ويارب تتابعونى دايما وكل كتاباتى تعجبكم ان شاءالله
أعجبتني القصة .. وأحتوتني أحداثها ..
ردحذفنهاية مستحقة لراوية .. ماكان عليها إن تهدم بيتاً ...
عن جدددددددددددد النهاية حلوا كتييييييييير
ردحذفتسلم إيدك يا دينا على الفصة دي ♥
ميرسى كتييييييييييييييييير
ردحذفليه يا دينا اعتبرتى الزواج من زوجه تانيه جريمه يعاقب عليها القدر هو مظلمش بسمه بالعكس هى كانت مقصره حتى لو غصب عنها وربنا حلل الزواج تانى مش سعيده بالنهايه خاااااااااالص
حذف7lwa awe bs hwa brdo fel a5r kan anane w ana lw mn basma mrg3loo4
حذفالعقاب مش ع فكرة الجواز التانى. الفكرة انه كان شخص انانى بيفكر ف راحته بس وعايز كل شيء. واهو اتحرم م اﻻنجاب عشان يعرف قيمة اﻻوﻻد ال مكانش طايقهم وشايف ان مراته بعيد عنه بسببهم. الجواز مش حب واهتمام ودلع وبس. ﻻزم يكون الطرفين فاهمين انهم مش هياخدو كل شيء في نفس الوقت. ويكون فى استعداد للتضحية. ايه يعنى لو كان صبر واتحمل السنتين دول لحد ما ف اﻻخؤ يستقر الوضع ومراته تقدر تهتم بيه. ما ياما ستات يتتحمل سفر جوزها عشان الشغل سنين ومتشتكيش. بﻻش انانسة بقي
حذفبجد حلووووووووووووووووووووووة اوى اوى اوى واحلى حاجة انه رجع لبسمه ولاولده
ردحذفwoOoOOoOoOW RO3A bgd w mo2ehra :'(
ردحذفbgd nty mawhobaaaaaaaaaaaaaaaaaaa w malkesh 7aaaaaaal
ردحذفyou know ? Bgd nhaya 7lwa
ردحذفLaken leh 5ltiha trg3lo ?
Lw kant rfdt enha ttgwzo tani kant htb2a mokn3a aktr men keda.
Bas bgd estmt3t gdn w ana b2rah.. Keep up the good work
حلوة اووووووي يادينا النهاية مبروك علي نهاية القصة ومرسي علي تعبك معانا وانا ال يعجبني فيكي كلامك
ردحذفالمتابعة الجديدة
جميلة اوووي بجد واتمني اني في يوم من الايام اني اكون زاي حضرتك وكتابتي تعجب الناس زاي حضرتك كده واتمني ليكي دايما السعادة والنجاح بأذن الله .. صاحبة القلم الحزين
حذفايوو كده يا شيخة خفت تفاجئيني زي رواية حكم القلب
ردحذفالله ينور عليكي
مونه
to7faaa aweeeeeeeeeeee m3 2ny bsra7a mst5sraha f tarek bs hea kant 3'ltana bardo f 7agat
ردحذفTu2aa
7lwa awiiiiiiiiiiiiiiiiiii w nhaitha gmela bgd l7l2ten lly 3shhom m3 rawia dol 5sara feha w flly ytshddlha D: :D bs bgd tslm edk ;)
ردحذفللاسف بسمه تنازلت عن حقها في الرفض لانها خلت نفسها محرد شئ علي رف كل اما يحتاجها يقول لها كلمتين حلوين وسبب رجوعه مجرد احتياج لاولاده خاصة بعد ما فقد قدرته علي الانجاب وليس حبه ليها فانا رافضه موقف بسمه رفض قاطع
ردحذفgmiiila bgd
ردحذفloma
رواياتك كلها اجمل من بعض وبتأثر فيا اوييي
ردحذفاستمررررررري
سلمى ♥
مش عارفه حاسه ان القصه فيها حاجه غلط
ردحذفBgd teslam edeky gamila awi w mohema lekol bent f awel 7ayatha
ردحذفMENNA EL HALAFAWY
طارق ميستهلش بسمة
ردحذفجميله يا ديناااااااااااااااااااااااااااااااااااااااا
ردحذفlikeeeeeeeeeeeeeeeeeeee
ردحذفعيب رواياتك كلها انها زى الافلام العربى لازم تنتهى بالنهاية السعيدة..الدنيا مش كده فالحقيقة
ردحذفانا قريت القصه كلها ف يوم واحد حلوه اووووووووووى حبتها لان انا م النوع اللى بيحب النهايات السعيده وكنت خابفه تقفليها غير كده ميرسى ليكى كتييييييييييييييير ............. جى جى
ردحذفللاسف انها رجعتلها مش مبسوطه من النهايه لو مكانها مش هرجعله لانى مش لعبه بمزاجه
ردحذفواااااااااااااااااااو فناااااااااااااانه كبيره جدااااا جداااااا
ردحذفانا حبيت اسمى علشانك يا دينا
دينا
النهاية كانت احلى لما بسمة وطارق رجعوا لبعض بجد تسلم ايدك يا استاذة دينا
ردحذفالنهايه مش حلوة سماحيني على كلامي بس حاسه بضعف بسمه يعني مافيش مانع يكون ف حلقتين زل :D
ردحذفالنهاية جميلة ,...وكأن ربنا بيعوضه بعجزة فى الانجاب بانوا جاب البنت والولد ورا بعض فى اول جوازة ...حكمتك يارب :)
ردحذف-
ردحذفبجد حلووووه آووووووى ،، عجبتنى بجــد
انا اول مرة اعمل كومنت على رواية الصراحة بس بجد رواية تحففففففففففففففة و جابرلي الضغط في نفس الوقت و حقيقي طارق و راوية عابزين الحرق و كان نفسي يمووت في الحادثة اه انا شريرة بس صعب عليا ولاده .. بس بجد ميستاهلش خالص إنه يرجع لبسمة .. معقولة الجرح يطيب توى كده و ترضى انها تسامحه و ترجعه .. و هو معقولة بجد فب رجالة بالأنانية اللى هو فيها طول القصة .. انا حسيت بجد ان قاسي جدا و اناني .. اما راوية دي موضوععها غير و بجد هي ليها دور برده كبير في النكد .. مكنتش قادرة تنسى حبها و تعيش حياتها عادي .. ساعات في حاجات أهم من الحب في الدنيا .. في وعود في مسئوليات .. كانت ريجت نفسها و ريحتنا و بعدت من الأول بس بجد تسلم ايدك يا دينا .. مستنيين رواياتك و انا اصلا لحب اتابعها جدا :)
ردحذفHeba
7elwa Awiii Bas Ana 7asa Eno 5oasara Feh En Hya Terg3lo La2eno Bgd Anany Awiii Wi Law Makntsh Rawya De Sabto Maknsh Fakr Yarg3 !!
ردحذفرواية حلوة اوي
ردحذفوفرحت ف راوية اوي الصراحة
انا اول مره اعمل كومنت ليكى يا دينا بس انا قريت تقريبا كل قصصك بجد انتى فنااانه ما شاء الله عليكى والقصه دى بجد جميله اوى وبتحكى عن حاجات فعلا بتحصل ف مجتمعنا استمرى وامتعينا بقصصك :)
ردحذفجميلة اوى وعجبنى رجوعه لبيته وولاده لانه كان انانى مع بسمة اوى وعجبنى مواقف والد بسمة اوى
ردحذفجميلة جدا انتى متميزة
ردحذفالقصه فعلا تجنن بس كان نفسي افرح ف راويه دى اكتر
ردحذفازاي الراجل بتهون عليه مراته ويتجوز عليها و يظلمها كدة ليه
ردحذفانا نفسي تعملى قصة نهايتها حزينة .. مش الكل يبقى سعيد ف النهاية .. لازم اللى غلط يتعاقب
ردحذفوفى النهاية انت فنااااااااااااااانة .. انا ادمنتك
ايوووووووووووووووووووووووووووووووووووووووووووه كده تستاهل راويه وكويس انهم رجعوا لبعض
ردحذفانا كان نفسى بس فى القصة دى طارق يسيب راوية بطريقة تحرق دمها مش هى الى تبقى عاوزة تطلق عشان تخلف
ردحذفدا كان هيشفى غليلى من خرابة البيوت
عموما قصة روعة يادينا
iron heart
انا مش موافقه انا بحب النهايات السعيده اه لكن مش بعد ما عمل فيها كده ترجعلو بالبساطه دى
ردحذفقريت اخر حته من هنا ودمعت من هنا
ردحذفبجد تسلم ايديك على الروايات :)
النهايه رائعه بجد يا دينا وواقعيه جدا ودا اللي كان باين لان راويه انانيه ودا طبعها ومكانتش هتوافق علي تعلقه بولاده وهي بسببه مش هتخلف وبسمه بعد احتكاكها بقت اعقل واكتر تحمل للمسؤليه ودا كان عيبها الدور علي طارق بقي المرض هده وجاب اخره وهيخليه يبقي مخلص
ردحذفهند
وجعتنى قووووى القصة دى
ردحذفتحفة اوى القصة دى دا انتى عبقريه
ردحذفانتى محصلتيش ولا تحصلى انتى اونلى نوع بجد
ردحذفروووووووووعه ^_^
.
.
maro
متالقة كعادتك جميييلة جدا بس هتنزلي امتى رواية جديدة بعد القصر الهادي انا من اشد المعجبين برواياتك
ردحذفمها
حلووووووووووووه اووووووووى وبجد مش قادره اوصلك احساسى بعدم المقاومه للقرايه وانى اكمل القصه
ردحذفبجد كتابتك مشوقه جدا واسلوبك رائع لا يوصف بجد ماشاء الله ع موهبتك دى وانا نفسى اعلق ع كل حلقه بقراها من اى قصه بس مش بقدر عشان فضولى لانى اقرا الخلقه اللى بعديها وبجد بهنيكى ع النجاخ وع الموهبه دى يا استاذه/دينا
ايـــــــــات
انا قرفانه منه بس انتي لحد تحفه ربنا يحفظك
ردحذفايون بقا ايون بقا هو ده الكلام الحمد لله بجد فرحت اوووووى الحلقه دى جامده انتى بجد بجد كاتبه رائع فوق الوصف ربنا يحميكى وتبهرينا دايما كدا
ردحذفرووووووووووووووووعه يأدينأ
ردحذفبس تعرفي أنأ أدمرت خيأنه فلوأقع وخيأنه فلقصص تعبت وكرهت ألرجأله وألجوأز
يﻻ ألحمد لله علي كل حأل
تسلم أيدك يقمرأيه♥♥♥♥♥♥
حور
جمياه جدااااااااااااااااااااااااا هى صحيح مستفذه شويه شخصية طارق بس بجد روعه
ردحذفجميــــــــــــله جدا وبجد رائعه ومعبره عن الواقع تسلم ايدك يادندون :*
ردحذفبجد قصة حلوة اوي بجد انتي كاتبه مميزة جدا ويارب في تميز اكتر ان شاء الله
ردحذفجميله اوووووووووووي الروايه...ودايما كتاباتك كلها رووووعه
ردحذفحلوة اوي رواية بس فيها جاجة ان سريعة اوي احنا بنحب نتشحطط :-D
ردحذفجميله وعجبتني اكتر لما طارق حس بقيمة بسمه وندم لما حب راويه او بمعني تاني كانت فتره بيقضي فيها وقت حلو الاقوي من اي جمال وثقافه العشره وحب السنين :| هي دي الورابط القويه انتي مبدعه يا دينا ^_^
ردحذفطارق ده أناني وميستحقش بسمة ترجعله يلا كله نصيب
ردحذفطارق خد جزاؤه وراوية الكلبة دى كمان :D
ردحذفانا دمعت ف الاخر .. كويس ان التم شمل الاسرة من جديد :)
رااااااويه دى رخمة اوووووووووووووى
ردحذفبالنسبة لبداية القصة ... رآئعة
ردحذفاما وسطها و (المشكلة)... لم تعجبني
نهأيتها... جداً جداً جميلة
أتمنى لكِ مزيد من التقدم.. تحيآتي لكِ
بجد جميلة جدا جدا ربنا يوفقك ومن نجاح لنجاح ان شاء الله
ردحذفانا لو مكان بسمة كنت تفيت في وشه جاي يرجعلي بعد ما بعته و كمان بقى عاجز ايه الرجالة الهم دي
ردحذفاني سوسو
ردحذفروايه جميله جدآ الله يديم الفرحه انشاء الله
اني سوسو
ردحذفروايه جميله جدآ الله يديم الفرحه انشاء الله
طارق ده مثال للرجل الانانى الزواج الثانى مش حرام لكنه محاولش يصلح عيوب زوجته لا ده استسهل ولجا لواحدة تانية
ردحذفبجد جميلة
ردحذفتحفه
ردحذفتحفه
ردحذفجميله اوي انا خلصتها كلها في نفي اليوم من جمالها
ردحذفمايستحقش انه يرجع لبسمه دا انااااااانى
ردحذفجميلة خلتيني ابكي
ردحذف