الثلاثاء، 13 مارس 2012

شبح الماضى... الحلقة 18 والاخيرة

الحلقة 18 والاخيرة
وقف عمرو مش مصدق المشهد اللى قدامه
قامت رانيا تجرى عليه
لف لها ضهره ومشى ناحية السلم
شدته رانيا من كتفه
"استنى ياعمرو"
لف بسرعة ...بعد ايدها عنه
"خاينة... كلكم زى بعض... ابعدى عنى"
زقها ونزل بسرعة
وقفت تعيط وتنادى عليه... مردش عليها
باباها وسعاد مش فاهمين حاجة
ثروت قام وزعق" هو فيه ايه"
باباها فهم من بوكيه الورد... ومن كلمة خاينة
ان فيه حاجة بينها وبين عمرو... صعبت عليه وهى بتعيط بحرقة
وقبل ما يطرد ثروت
وقعت رانيا من طولها

دخل عمرو بيته... كانت مامته نايمة
صحيت على صوت تكسير
قامت بسرعة... شافت عمرو بيكسر فى كل حاجة فى البيت
"مالك ياعمرو"
رد عليها بانهيار تام
"خاينة ...زيها زى غيرها... مش قلتلك كلهم زى بعض"
كان بيعيط زى الاطفال... اخدته فى حضنها
"فهمنى بس فى ايه"
"روحت لقيت كتب كتابها... اللى لسه من كام يوم كانت بتقولى انها بتحبنى وبنحلم مع بعض الاقيها بتتجوز...ليه ياماما بيحصل معايا كده"
وعيطت مامته من دموعه المنهمرة كالشلال
"اهدا ياحبيبى... يمكن"
"مفيش يمكن...مفيش اى مبرر يخليها تضحك عليا...لو محبتنيش خدعتنى ليه"
"ربنا يعوضك خير"
"اوعى تجيبيلى سيرة اى واحدة ولا حب ولا جواز "

رانيا لما وقعت... طلبوا لها الاسعاف
راح باباها وسعاد معاها...وثروت وراهم
الاب"انت جاى هنا ليه"
ثروت"اطمن على عروستى"
الاب"روح اخبط دماغك فى اقرب حيطة وانا معنديش بنات للجواز"
ثروت"لاااااااااا انت فاكرنى ايه ده انا احبسك"
الاب"احبسنى... الحمدلله انى فوقت قبل مااقتل بنتى بجوازها منك"
ثروت"بقى كده... طييييييييييب"
ومشى ثروت... وقعد ابو رانيا على اقرب كرسى
وسعاد جنبه بتطبطب على كتفه
"معاك حق... حرام انها تتجوز واحد زى ده... بس هتعمل ايه"
"هبيع الشقة ونشوف شقة ايجار... انا عارف انك ممكن تتضايقى من حاجة زى دى بس مفيش قدامى حل تانى"
"مش مهم.. المهم سلامتك وسلامة رانيا"

رانيا بدأت تتحسن بعد الانهيار العصبى اللى حصلها
واللى ساعدها على التحسن بسرعة قرار باباها

صلاح بيتصل برانيا علشان يرجعوا مع بعض... مردتش
طول اليوم مش بترد... قلق عليها
راح لها البيت وعرف من الجيران انها راحت المستشفى يوم جوازها
استغرب جدا...جوزاها؟؟؟
راح المستشفى وهناك باباها حكى له على كل حاجة
"يعنى عمرو لما اخد منى عنوانكم كان جاى يخطب رانيا"
"والله يابنى ده اللى واضح... شكل عمرو وهو جاى ورد فعل رانيا بعد ماشاف الموقف كله يقول ان فيه حاجة"
"ورانيا ليه محكيتلوش من الاول على كل حاجة..هو كمان زمانه اتصدم صدمة كبيرة"
"معرفش ليه مقالتليش كمان انها وعمرو بيحبوا بعض"
"انا مسافر كمان شوية ولازم افهم عمرو كل حاجة"

وصل صلاح بورسعيد... وقبل مايطلع شقته خبط على عمرو
فتحت له مامة عمرو
"اهلا ياصلاح... اتفضل"
"عمرو موجود"
وشاف عمرو جاى من جوه وزعق لعمرو
"انت كنت عارف وانت بتدينى العنوان انها بتتجوز"
"لا طبعا.. اهدا وافهم اللى حصل"
"افهم ايه...انا مش عايز اعرف عنها اى حاجة كفاية انها خدعتنى "
"رانيا كانت مجبرة"
"مفيش حاجة تجبر واحدة تتجوز واحد الا لو كانت عايزاه فعلا"
وحكى صلاح لعمرو كل حاجة... من اول فلوس الفدية لحد قبل ماييجى وهو عند رانيا فى المستشفى

رانيا بتستعد للخروج من المستشفى
والدكتور اكد على باباها انها لازم تعيش فى هدوء بعيد عن اى حزن
سعاد معاها بتساعدها فى اللبس... وباباها نزل يدفع حساب المستشفى
رن موبايل سعاد... ردت بكلام مش مفهوم
"بابا اللى اتصل"
"ايوه... استنينى هنا لحد مااروح له وارجعلك"
"فيه حاجة"
"لا بس بيقول عايزنى فى الحسابات"
قعدت رانيا على السرير تستنى سعاد
سعاد خرجت من الاوضة... وقابلت عمرو بره الاوضة
ابتسمت له... وابتسم لها
وراحت قعدت جنب جوزها اللى كان قاعد بره مستنيها

رانيا بعد لحظات من خروج سعاد... لقيت الباب بيتفتح
"عمرو!!!!"
"ايوه يا حبيبتى"
دخل لها بسرعة واخدها فى حضنه... عيطت كتير وهى فى حضنه
"انا اسف انى شكيت فيكى"
"انا مش مصدقة نفسى انى معاك دلوقتى"
"معايا ومش هسيبك ابداا... بس كده تخبى عليا حاجة مهمة زى دى"
"انت عرفت منين"
"لولا صلاح انا كنت هسافر ومش راجع تانى... يعنى غلطة منك كانت هتضيع حبنا...كنتى هتقتلينى ببعدك عنى"
"انا اسفة...مكنش قدامى غير الحل ده علشان بابا"
"لو كنتى قلتيلى كنا هنفكر ونحل المشكلة مع بعض... عموما خلاص بس من النهاردة محدش فينا يخبى حاجة ولو صغيرة عن التانى"
"حاضر"
"يالا بقى نخرج من المستشفى...ورانا حاجات كتير عايزين نجهز للفرح بسرعة"
وحطت رانيا ايدها فى ايده وخرجوا من الاوضة
شافت باباها وسعاد بره... حضنها باباها
"بس هتعمل ايه فى الفلوس يابابا"
الاب"هتصرف متشغليش بالك انتى"
عمرو"معلش ياعمى اعتبر الفلوس دى مهر رانيا"

عمرو مع ابو رانيا بيدفعوا الفلوس لثروت فى المحل بتاعه
عمرو مع ابو رانيا بيكتبوا الكتاب فى البيت
فى وجود مامته وصلاح ومراته وسعاد ... ورانيا طبعا

مشهد النهاية
دخول العروسين عمرو ورانيا بزفة كبيرة
قاعة الفرح... فى وجود كل معارفهم
ونظرات الحب المتبادلة بين الاتنين وايديهم متشابكة بكل حب وغرام

هناك 101 من التعليقات:

  1. انتى بجد اكبر مبدعه شوفتها ف حياتى ياأحلى دينا
    تسلمى وتسلم ايديكى ياقمر
    والحمد لله ان القصه انتهت على خير بجد كنت هزعل لو نهايتها كانت مش خير
    مستنيه الجديد ها
    اوعى تنسى

    ردحذف
  2. الللللللللللللللللللللللله اللللللللللللللللللللللللللللللللللللله بتجن..والله نفسي اعيييش قصه متل هالقصه هههههههههههه بتجنن يااا دينا تسلم ايديكي..
    nero

    ردحذف
  3. Fazi3aaaaaaa bgd ana f3ln makontsh mot5yla en el nhaya hatb2a sa3yda keda bs bgd 7lwaaaa awiiiiiiiiii w enti mobd3a gedn w rbna ywaf2k isa :)
    batot :)

    ردحذف
  4. هايله يا دينا

    ردحذف
  5. تحفة تحفة تحفة انا بكيت وانا بقراءها بجد حلوة اوى اوى اوى اوى اوى يادينا تسلم ايدك بجد ومخك

    ردحذف
  6. الله جميله اوى تسلم ايدك يا دينا بجد حلوه خالص
    عقبال القصه اللى بعديها

    ردحذف
  7. جمييلة جـــــــــــــدا بجد تسلم ايديك
    وتسم ايديك على كل الققص

    ردحذف
  8. ربنا يخليكم يااااااااااارب
    وبجد نورتووووووووووووووونى
    والجديدة قريب جدا ان شاءالله

    ردحذف
  9. قصه جميلة ... اتمنى لكى كل التوفيق

    ردحذف
  10. واااااااااااااو تجنن
    تسلم ايدك يا دندونة .. منتظرة القصة الجديدة على نار :)
    تحياتي الك
    ميما من العراق

    ردحذف
  11. ميرسى كتييييييير ميما
    وان شاءالله القصة الجديدة تعجبك

    ردحذف
  12. قصة جميلة اوى ... وكل قصصك تحفة بجد

    ردحذف
  13. تنصحينى اقرأ ايه بعد القصة دى؟؟؟


    تغريد

    ردحذف
  14. تغريد
    قوليلى انتى قراتى ايه من المدونة... وانا ارشحلك تقراى قصة ايه؟؟

    ردحذف
  15. فوق احتمالى و شبح الماضى
    تغريد

    ردحذف
  16. يبقى لازم تقرأى تحت سقف واحد
    هتلاقيها فى الارشيف فى شهر مايو 2011

    ردحذف
  17. قراتها

    ردحذف
  18. طيب اقرأى r
    او قدام عينيه
    هتلاقيهم نوع مختلف تماما

    ردحذف
  19. القصة حلوة اوى انا اتاثرت بيها جامد

    ردحذف
  20. أنا بقرأ لناس كتير بس بجد انتي كتاباتك مميزة أوييييي .. تسلم ايدك

    ردحذف
  21. القصة تجنننننننننننننننننننننن وانتي بجد مبدعة

    ردحذف
  22. اتي بجد راااااائعة بجد . . . . انادايما بقرسي قصص و روايات علي موقع ختلفة لاكن بجد اول مرةاقري قصصة و تكون مشوقة لدرجة اني اقراها كلها ف ليلة وااحدة و يووم واحد من اول ما قريت القصة دي و انا من اشد المعجبين بيكي. . طريقتك ف الكتاابة رااائعة جدا جدا جدا و نالت اعجاابي بشدة (شبح الماضي ) قصة رومانسية جدا و فيها اكشن و دراما و بتخليني متشووقة اني اقري كل القصص الي بتقريها . . . .


    مريم

    ردحذف
  23. جاااااااااااااااااااااااااااامده جدا ،، فظيعه بقا :( :(

    بجد ممتعه جدا ..

    2T_^

    ردحذف
  24. انا مدمن قصص بكل ما تحمله الكلمة من معنى والقصة دي تعتبر من افضل القصص اللى قراتها في حياتى
    انحنى اليكي بكل تواضع وارفع لكي القبعة احتراما على هذه القصة الرائعة


    أحمد

    ردحذف
  25. كل قصصك جميييييييييييله جدا بس اتمنى اقرالك قصه من غير حد بيموت

    ردحذف
  26. جميلة جدا جدا جدا بجد رووووووعة تسلم ايدك

    ردحذف
  27. حلوة اوووووووووووووووووووووووووووووووى

    ردحذف
  28. بجد كل قصصك جميلة ونفسى يكون فى الحقيقة حب واحساس بالشكل دة عشان مفيش كدة دلوقتى ومش عارفة ليه

    ردحذف
  29. جمييييييييييييييييييييييييلة اووووووووووووووووووى نفسى بقا اعيش احساس الحب دة بس اللى يبقا حب كدة عشان فى ناس بتحب وتبقا كويسة فى الاول وتتغير بعد كدة

    بجد تسلم ايدك يا دينا قصصك كلها حلوة

    ردحذف
  30. to7faaaaaaaaaaa bgd ya dina malhash 7al

    ردحذف
  31. حلوة اوى

    ردحذف
  32. 7lwaaa awee bs ana aretha mt25r shoia :D
    TU2aa

    ردحذف
  33. قصة رووووووووووووووعةةةةةةةةة بجدددددددددد

    ردحذف
  34. أيوا بقي هو دا الكلام . .. خضتيني يا شيخة وخوفتني علي حسي الاستنتاجي... هههههههههههههههههه
    تسلم دماغك


    مونه

    ردحذف
  35. Gmelaa aweeeee ya DanDan :)
    Bgd Koll Qesask To7fa w Qartha Mn el awel 5aals w mtab3a m3aky mn el awa5r bardo , m7asrake mn el trafen ya3ny :P

    ردحذف
  36. 7elwa aweeeeeeeee bgd 7elwa awee w ktbatk msha2allah 7elwa awee rbna y7fzk =)
    norhan

    ردحذف
  37. اناكنت بموت وانا بقراها وانا شايفه الحب بيموت
    انتى بجد رأئعه انا بجد نفسى ربنا يرزقئنى الحب والحنان كده وانا مستعده ابيع الدنيا كلها علشان الحب ده

    ردحذف
  38. أسناذة دينا بجد قصة فوق الوصف بس انا مستغرب حاجة اسم القصة "شبح الماضى" انا من وجهة نظرى اة بالبدلى كدة لا يصلح انة يكوون اسم لقصة كلها معانى حب ورومانسية وفراق وعشق وغرام ... بس انا احييكى على القصة دى بجد جميلة

    ردحذف
  39. اللــــــــــــــــــــــــــــــــــــه على الجمال انا كنت هعيط

    ردحذف
  40. القصة حلوة جدا جدا تسلم ايدك يا دينا على القصة الحلوة دى ^_____^

    ردحذف
  41. انتى بجد رائعه القصه تهبل

    ردحذف
  42. Anty Gameela u r Amazing and Talented I read most of ur story

    ردحذف
  43. awaaaaaaaaaaaaayaaa b2aaaaa raw3a raw3a raw3a bgad enty momtaza ya dina ......

    ردحذف
  44. حلووه القصه كتير تسلم ايدك

    ردحذف
  45. بجد يا دينا انتى رائعه انا بتفاعل بكل حواسى مع قصصك والقصه دى تجنن

    ردحذف
  46. جاااااااااامده اوى يا دودو

    ردحذف
  47. تسلم ايديكي يادندن دايما مبدعة ^_^

    ريموووو

    ردحذف
  48. نهاية جميلة وسعيدة
    دام لنا ابداعك

    ردحذف
  49. واااااااااااااااااااااااااااااااااااااااااااااااااااااو بجد انتي احساسك عالي جدا والقصه جامدة جدا يسلمولي ايديكي بجد انت كاتبه رائعه ربنا يحميكي ويحرصك

    ردحذف
  50. القصة جااااااااااااااااااااامدة حشد لا يوجد افضل من قصصك

    ردحذف
  51. جميييييييييييييييييييييييييييلة

    عنيا دمعت يا دودو بصراحة بس القصة تستاهل :)

    ردحذف
  52. to7faaaaaaaaaaaaaaaaaaaaaaaaaaaaa bgd waaaaaaaaaaaaaaaaaaaaaaaaaaaaaaaaaaaaaaaaaaww

    ردحذف
  53. عثل يادندن بجد قصه رووووووووووووووووووووووعه

    ردحذف
  54. l Kesa To7faa .. Bgd Ana b7b 2a2ralk Awyy w 2artlk 7agat ktera w lsa Hakml .. bgd rbna ywfaa2ek

    ردحذف
  55. to7faaaaaa bgd :)))))

    ردحذف
  56. جتمدة جامدة جامدة تسلم ايديكى

    ردحذف
  57. القصة فعلا جميلة واتاثرت بيها جاااااااااااااامد تسلم ايديك
    ميار من مصر

    ردحذف
  58. تسلم ايدددددددددددددددددديكي عشت احساسا رائع ف القصه دي شكرااااااااااااااااا يا جميييييييييللله
    اروى

    ردحذف
  59. رووووووووووووووووووووووووووووووووووووووووووعة روعة روعة روعة روعة بجد


    ردحذف
  60. حلوووووووووة جدآآآآ

    ردحذف
  61. ألقصة حلوة اوى
    تسلم ايديكى

    ردحذف
  62. القصة تحفة
    تسلم ايدك يا دندن
    والحمد لله نهاية سعيدة

    ردحذف
  63. BOSY YA DINA HEYA KELMA WA7DA BAS EL HA2OLHALEK















































































    to7faaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa

    ردحذف
  64. بجد القصة تحففففففففففففففة و تجننننننننننن احلى قصة قرتها فى المدونة لحد دلوقتى بجد دى لازم تتمثل فيلم بقا او مسلسل المهم انها تشوف النور

    ردحذف
  65. بجد تحفه بس انا عيط كتييييييييييييير اوي اوي حرام والله

    ردحذف
  66. اجمل قصة قراتها بحياتي رووووووووووعة تسلم ايدك

    ردحذف
  67. القصة رائعة جدا بجد يا استاذة دينا انتى رائعة ومبدعة جدا جدا بصراحة انا ماكنت بقراء القصص تبعك بس بعد هذه القصة رح تابع كل اعمالك ان شاء الله ولتانى مرة انتى بجد مبدعة جدا جدا

    ردحذف
  68. تحفــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
    انا قعدت اعيط وانا بقرأها
    تسلم ايدك بجد
    (_نسومه)

    ردحذف
  69. تسلم ايدك تووووووووووووووووووووووخفةة


    مها

    ردحذف
  70. وااااااو بجد القصة دى جميلة اووووى وعجبتنى مووووووووت :) تسلم ايديكى بجد




    ردحذف
  71. حرااااااااااام عليكى يا دينا بقا مش تراعى ان في بنات single بيتابعوا انام انا ازاى الوقتى .
    امل محمد

    ردحذف
  72. جميله اوى القصه دى بعد ماكانو متعقدين <3

    ردحذف
  73. حلوووووووووووووووووووووووووووة قوى بجد تسلم افكارك :)

    ردحذف
  74. بجد انتى رائعة وكتباتك مميزة واسلوبك تحفة خاصة وانك بتوصفى فى قصصك اشخاص واحداث بتحصل فعلا بتوصلى الواحد انه بيعيش جوا الابطال وبيعيش المشاعر والاحاسيس بتاعتهم انا بحب القراية جدا وقريت لناس كتير سواء مصريين او اجانب بس انتى فعلا اسلوبك مميز ونفسى لو نتقابل فى مكان اقرب من هنا علشان احكيلك قصتى اللى لسة مش عارفة نهايتها واتمنى لو كانت زى نهايات قصصك الجميلة دى ربنا يوفقك ويزيدك من الموهبة

    ردحذف
  75. جامدة اوووى

    ردحذف
  76. تحففففففففه بجد ..
    داااااااام ابداعك
    بس فى شويه اخطاء املائبه خلى بالك منها بس
    غير كده قصصك كلها روووعه ... استمرررررررى

    ردحذف
  77. تووووووووووووووووحفه
    تجنن يأ دندن
    لمأ بﻻقي نهأيه حلوه بزقطط بحس أن دي حيأتي بجد تسلم أيدك يقمرأيه♥♥♥♥♥
    حور

    ردحذف
  78. تسلمى انتى فعلا رائعه

    ردحذف
  79. بجد انتي روعه اكتر من كده مش هقدر اوصفك بحاجه..بس ياريت تعملي من القصص دي افلام او مسلسلات

    ردحذف
  80. روو9و9و9و9و9و9و9و9و9و9و9وعة مش عرفة اقول اة

    رقى

    ردحذف
  81. جميله جدي بس اسم القصه حاسه مش لايق ع القصه نفسها بس النهايه جافه شويه مفيهاش رومانسيه بس ككل تحفه

    ردحذف
  82. حلوة قوى تسلم ايديك

    ردحذف
  83. القصه جميله وفيها احساس الواقعيه
    بالتوفيق ودوام التقدم

    ردحذف
  84. ادعولي يا رب نتزوج اانا و زرزور يارب و يحس بيا قو لوا اااااااااااااااااااااااااااااااااااااااااامين

    ردحذف
  85. انتي ازاي كدة بجد كل قصصك جامدة جدا
    انا من ساعة ما دخلت المدونة دي وكأني دخلت مغارة مش عارفة اخرج منها من جمالها - بجد انتي فوق الوصف

    ردحذف
  86. انا مش مصدقة انا بعد افكر في حل ما بلاقيش انتي بتلاقي حل حلو اوي و مواقف تحفة بجد انتي ازاي

    ردحذف
  87. تسلمي انتي بجد جميله ..وبعشق قصصك ورواياتك

    ردحذف
  88. بجد القصه جميله اوى انتى بجد قصصك كلها جامده اوى انا بحب القصص دى

    ردحذف
  89. عمال اقرأ واقول ازاي دينا مش عاملة مفاجأه في ان اكيد في ان مش معقول حب وسعاده من غير مفاجأه كدة طول ما في دينا في ان


    ربنا يوفقك والي تقدم دائما
    عادل شلبي

    ردحذف
  90. حلووووة جدا .. تنفع فيلم والله
    أنـا بحييكى بجد والرواية جاااامدة جدا طبعا مفيش كلام بس حسة ان الاحداث بتجرى بسرعة اوى
    انا عندى 13 سنة وسايبة واجباتى ودراستى وقاعدة عالكمبيوتر وحالفة انى لازم اخلص الرواية النهاردة
    وماما هتزهق منى وهسقط على ايدك ههههههههه .. فى انتظار المزيد
    انا هقرا سقف واحد والحب على كفة ميزان واقولك رأيى
    ~شـوشـو~

    ردحذف
  91. ممممممممممتااااااااااااااااااااااااااااااااااااااااااااااازة

    ردحذف
  92. ممكن اتكلم معاكى خاص بعد اذنك ضرورى

    ردحذف
  93. دة انا كان هيغمى عليا وربنا لو كان خلاصثروت اجوزها وعمرو مفهمش الليله تسلم الايادى يا اشتاذة

    ردحذف
  94. ايه ده بجد النهايه مؤثر جدا بس حلو اوى بعد كل الصدمات دى اخيرا اتجوزوا ىبنا يخليكى يا دندن وميحرمناش منك ابدا ابدا ولا من قصصك الحلوه دى

    ردحذف
  95. ايه ده بجد النهايه مؤثر جدا بس حلو اوى بعد كل الصدمات دى اخيرا اتجوزوا ىبنا يخليكى يا دندن وميحرمناش منك ابدا ابدا ولا من قصصك الحلوه دى

    ردحذف
  96. بجد رائعه انا معرفتش اخرج من غير ما خلصها انا جميله وقصصك جميله زيك احنا فى انتظار الجديد ويارب يوفقك

    ردحذف
  97. أول تعليق وعمري علقت بس بجد انا مش عارفة انام عماله أقرأ في قصصك الواحدة ورا الثانية وأول ما اصحى بخلص حاجتي بسرعة.واشوف القصة الجديدة ومش بنام إلا لما تخلص بجد ..... انتي جميلة.واسلوبك شيق جدا جدااااااااا

    ردحذف
  98. رائعة بجد.. جميله اوي بس مش عارفه حاسه المشكله مصطنعه شويه.. كانت تقول لعمرو و تخلص.. و برضه سكتت لما سالوها حصل ايه اما انخطفتي كانت تقولهم عربيه جيش انقذتني ليه بتسكت في مواقف لازم تحكي فيها كده!!! ياريت لو فيه فهرس للاعمال انا مش لاقيه فهرس في الصفحه الرئيسيه بس برافو عليكي انتي مبدعه و وموهوبه بجد.. هل يشفع الحب كمان جميله جدا

    ردحذف

قول رأيك بلاش تقرا وتقفل من سكات...ارائكم تهمنى