الاثنين، 9 أبريل، 2012

اقوى حب... الحلقة 17

الحلقة 17
انتبهوا كلهم علشان يشوفوا مازن هيقول ايه...وكمل
"الاجازة اللى سافرت فيها نفعتنى اوى وخلتنى واحد تانى احسن من الاول"
ايمن"انت مكنتش وحش علشان تفرح كده"
مازن لا كنت وحش اوى ... المشكلة اللى حصلت بينى وبين عادل قبل مااسافر خلتنا نبعد عن بعض وده كان احسن ليا ولما سافرت كان احسن واحسن"
ايناس"هو عمل معاك مشاكل احنا منعرفهاش"
مازن"لا خناقة فى التليفون وانا خوفته وبعدها متصلش تانى وانا كنت عارف انه جبان...متقلقيش مش دى المشكلة"
امل"ايه المشكلة طيب"
مازن"هى مش مشكلة هى فكرة "
وانتبهوا كلهم اكتر وردوا
"ايه\\ فكرة ايه\\ قول الفكرة"
مازن"حلمنا... نكمل حلمنا بس متبقاش مجلة حائط"
ايمن"تبقى ايه"
مازن"اعداد ننشرها اسبوعيا بس على النت ونعملها bdf واللى هيتابعنا هيحملها ونعملها صفحة ع الفيس بوك ونتوسع بدل ماالمجلة بيشوفها اللى فى الجامعة بس يشوفها اى حد فى اى حتة"
وبصوا كلهم لبعض مستحسنين الفكرة
ايمن"يابن الايه... جبتها ازاى الفكرة دى"
مازن"طول عمرى افكارى جامدة"
ايناس"هى من ناحية جامدة ...جامدة"
مازن"امل وشروق...ايه ليه ساكتين كده"
شروق"انا مع ايمن فى اى حاجة"
مازن"هاااا وانتى ياامل"
امل"انا سرحت فى حلمنا...معاكم طبعا"
ايناس"ياابو قلب حديد ياامل ياجااااااامد"
ايمن"بس مش هنقدر احنا ال5 على المجلة"
امل"اللى عنده موضوعات حلوة وعايز يشارك معانا يشارك"
ايناس"صح واكيد هنلاقى كتير عايزين يشاركوا معانا"
ايمن"احنا نبدأ الاسبوع ده بمجلة حائط ونكتب فيها اننا من الاسبوع اللى بعده هتبقى الكترونى ونعلن ان اللى عايز يشاركنا يبعتلنا"
امل"تمام ونعمل ايميل للمجلة نتابع منه موضوعات المشتركين"
ايناس"تمام اوى كده.. شكلنا كده مفيش محاضرات النهاردة انتوا قاعدين ولا ايه"
امل"لا انا همشى بقى"
ايناس"طيب يالا بينا.. سلام ياجماعة"
ومشيوا ايناس وامل... وهما فى العربية
"اخبار بنت اختك ايه يا ايناس"
"الحمدلله بقت عسولة خالص بس مش بشوفها كتير"
"هو لسه بيضايقك"
"انا عملت زى ماقلتى ومرة وهما عندنا فى البيت دخلى المطبخ وبيقولى عايز اتكلم معاكى ضرورى... قمت مزعقة وقلت له هقول لبابا على عمايلك دى وهو يتصرف معاك.. من ساعتها بقى بطل ييجى عندنا الحمدلله"
"احسن اللى زى ده بيبقى جبان زيه زى عادل لو خفتى منه يزودها لو اديتيله على دماغه يبعد عنك"
"خلاص اتعلمت الدرس الحمدلله"

امل وهى بتفتح الباب بالمفتاح
سمعت صوت ابراهيم... وحد تانى متعرفوش
كملت فتح الباب... كان ابراهيم قاعد بيتغدا مع واحد تانى
بعد ما القت التحية دخلت على مامتها فى المطبخ
"مين ده ياماما"
"واحد صاحب اخوكى"
"وعندنا ليه؟؟"
"هو يعرف اخوكى من الشغل بس من اسكندرية ولما اخوكى بيروح هناك اسامة ده بيعزمه وبيرحب بيه"
"ومعزموش فى بيته ليه"
"ماانتى عارفة الفت ملبوخة بالعيال ولا فاضية تعزم ولا حاجة واخوكى اتصل بيا وقالى اجهز غداء"
"طيب مش هنتغدا احنا بقى"
"غيرى هدومك وتعالى نتغدا هنا لحد ما يخلصوا"

امل ومامتها لما اتغدوا... دخل ابراهيم عليهم
"ماما اعملى الشاى...وابقى هاتيه انتى بلاش امل"
"حاضر"
ورن تليفون البيت... وصوت ابراهيم بينادى على مامته
"ماما تعالى كلمى ام نجوى"
"يوووووه هتقعد ترغى ياختى وانا مش فاضية"
"اقول لابراهيم يقولها انك نايمة"
"لالا لاحسن تزعل...لو طولت ومعرفتش اقفل معاها ابقى ودى الشاى لاخوكى"
"حاضر"
ووقفت امل تعمل المطبخ... والشاى خلص واتصب ومامتها لسه بتتكلم...واضطرت امل تطلع لهم الشاى قبل ما يبرد

فى الكلية... وفى امتحانات اخر السنة
بعد الامتحان واقفين الاربعة مع بعض
ايناس"على فكرة احنا كده هنقعد شهر من غير المجلة ماتنزل وانا خايفة الناس تنسانا"
امل"هنعمل ايه بس ضغط الامتحانات واحنا شايلين مواد من السنة اللى فاتت يعنى هنذاكر ولا ننزل المجلة"
مازن"مااحنا هيبقى عندنا الصيف ننزل المجلة ونرجع نشاطنا تانى اقوى من الاول"
ايناس"بس امل فى الصيف مش بتعرف تنزل كتير علشان اخوها انما فى الدراسة عارفين نشتغل"
مازن"الا امل... امل مهمة جدا وانا بحب شغلها تصويرها ممتاز "
ايناس"ماتحاولى ياامل تبقى حتى تنزلى الصبح ونعمل شغلنا واخوكى بيبقى فى شغله"
امل"بس ساعات بيبقوا قاعدين عندنا ومراته بتبقى موجودة واخاف لو نزلت كتير يعملى مشكلة"
ايمن"ماتقوليله عندك تدريب فى الصيف تبع الكلية واليوم اللى تكونى هتنزلى فيه قوليله انه تدريب وحاولى تخليها يومين تلاتة بس فى الاسبوع"
مازن"حلوة فكرة ايمن... واحنا مينفعش نشتغل من غيرك"
امل"اوك ...ربنا يستر"

فى بيت مازن مامته وباباه قاعدين بيتفرجوا على التليفزيون
ومازن راجع من بره
الام"مازن كنت فين طول النهار"
مازن"كنت مع اصحابى بنحتفل بالنتيجة"
الاب"باين ان اصحابك دول كويسين من ساعة ماعرفتهم وانت بتنجح وانا فرحان بيك"
الام"ها ياحبيبى عايز ايه هدية النجاح"
مازن"اللى انا عايزه هتجيبهولى"
الام"طبعا"
مازن"وعد"
الاب"شكلك طمعان فى حاجة كبيرة"
مازن"بصراحة اه"
الام" ايه هى... مفيش حاجة تغلى عليك"
مازن"عايز شقة فى مكان حلو"
واستغرب الام والاب وبصوا لبعض وردوا الاتنين
"ليه"

ايمن هو ومامته بعد ما رجع من شغله
"ماما بقولك ايه...مش كفاية كده بقى"
"كفاية ايه"
"عايز اخطب شروق"
"الف بركة ياحبيبى... انت جاهز يعنى"
"حاليا ممكن نقرا فاتحة بدبلتين وربنا يسهل بعد كده واهو اللى حوشته معقول بس نخلى الشبكة وكتب الكتاب السنة الجاية لما اخلص ولحد ماهى تخلص يكون ربنا فرجها وكونت فلوس للعفش وابقى اشوف اى شقة ايجار على قدنا"
"انت مرتب كل حاجة ما شاءالله عليك"
"انا بقالى سنين بشتغل علشان ايه مش علشان اصرف على نفسى وعلشان اقدر اخطب شروق"
"بس تفتكر اهلها هيوافقوا على كل اللى انت قلته ده من غير شروط"

امل قاعدة فى اوضتها بتشتغل على الكمبيوتر
دخلت عليها مامتها وهى فرحانة
"مبروك ياحبيبتى الف مبروك"
"الله يبارك فيكى ياماما...ماانتى باركتيلى الضهر لما رجعت"
"انا مش بباركلك على النتيجة بس"
"اومال على ايه"
"اسامة خطبك"
"اسامة مين"
"صاحب اخوكى اللى كان اتغدا عندنا قبل كده"
"وهو يعرفنى منين"
"ده اخوكى طاير م الفرحة وبيشَكر فيه اوى وقال ييجى هو واهله يوم الجمعة"
"هو ايه الهبل ده... ييجى فين هو واهله من غير مااعرفه اصلا"
"ماهو جاى علشان تشوفيه وعلشان اهله يشوفوكى"
"ماما بلاش استعجال... انا معرفوش"
"استعجال ايه.. ده شاب كويس وابن ناس وجاهز وشقته جاهزة وعايز يناسب اخوكى واخوكى يعرفه من فترة كبيرة وعارف اخلاقه ومتدين زينا وكمان مبسوط هو واهله"
"معرفوش ياماما ازاى كده بس"
"بكرة تعرفيه... بقولك ايه بقى مش معنى انى بوافقك على حاجات كتير انى هوافقك على كلامك ده... العريس كويس وابن ناس واخوكى يعرفه وهنبقى مطمنين عليكى... واحنا نعرف اكتر منك بكرة تعرفيه وتاخدى عليه وهتفتكرى كلامى ده كويس"

هناك 12 تعليقًا:

  1. Amazing Bgd Y Dina Astmry (; !!

    ردحذف
  2. فيه تطورات واحداث كتيرة في الحلقة دي ^__^
    وكالعادة متشوقة جدا جدا جدا للحلقة الجاية
    دودو انتي انسانة وكاتبة رائعة ومفيش كلام يوفيكي حقك وانا عن جد بحبك كتيييييييييييييير ... ربنا يخليكي لينا وميحرمناش من ابداعك
    ميما من العراق

    ردحذف
  3. غير معرف
    ميرسى كتير لمرورك

    ردحذف
  4. ميما
    حبيبتى ربنا يخليكى يارب
    وانا والله بحبك فى الله كتيييير
    وبفرح لما بشوف كومنتك
    ويارب تفضلى دايما منورة المدونة ياقمر

    ردحذف
  5. بجد كتاباتك دي ملهاش وصف وانت كاتبه متميزه وانا بحبك جداااااااااااااااااااااا وبحب كتاباتك جداااااااااا وربنا يوفقك يا رب ويا رب من نجاح لنجاح
    نودي alex

    ردحذف
  6. الحلقه رووووووعه بجد وشكل اخوها هيغصبها ع العريس ده ربنا يستر

    ردحذف
  7. ههههههههههـ عسولة اوووي امل
    سهونة اوي وبريئة اوي فى نفس ذات الوقت
    وبعدين سعات اتنين ميعرفوش بعض وبعد الجواز بيحبو بعض
    طالما هي قلبها مش متعلق بحد تاني .. فيها ايه لو تشوف أسامة
    وباين عليه ابن ناس أصلا .. بس لو طلعت حاجة منه كده او كده
    ساعتها ليها حق انها تتكلم
    ومازال الوقت فى القصة بيجري بسرعة اوووى

    ردحذف
  8. انا بتابع كل قصصك بجد جمده و ربنا معاكي يا رب

    ردحذف
  9. حلوه القصه بصفه عامه
    بس سامحيني يا دودو
    الجزء ده ممل شويه
    مفيش اثاره او أي مشكله مثلا
    مثلا لو عادل رجع
    او حصلت اي مشكله بقى افهمي انتي
    المهم متزعليش مني
    انا مش بقووول انها وحشه
    انتي قمر وكل قصصك زيك
    اهلاويه وافتخر

    ردحذف
  10. تحفة الحلقة يا دينا بجد انت مبدعة

    ردحذف
  11. تسلم ايديك يادينا انا حبيت الرواية اوووووووي

    ردحذف
  12. مش قدره اقولك قد ايه الحلقه دى جميله انا بحب اقراها

    ردحذف

قول رأيك بلاش تقرا وتقفل من سكات...ارائكم تهمنى