الأحد، 29 أبريل، 2012

اقوى حب... الحلقة 34 والاخيرة

الحلقة 34 والاخيرة
قضى مازن اغلب الليلة فيه اللف بالعربية فى الشوارع والكافيهات
كل مايقعد فى مكان...يزهق ويقوم يقعد فى مكان تانى
هيتصرف ازاى... مفيش غير انه يستنى امل لما تهدا ويفهمها

امل طول الليل اخدة عمر فى حضنها وبتعيط... معقول الفترة اللى فاتت دى كلها مخدوعة فى مازن...اوهمها انه بيحبها وهو اتجوزها شفقة... طيب استمر معاها ليه... اكيد الحمل ووجود عمر هو اللى ربطه بيها انما مش علشان بيحبها
تانى يوم مكنش فيه غير انها تفضل قاعدة فى البيت من ناحية علشان عمر ومن ناحية تانية علشان متقابلش مازن
بس هتفضل متروحش المجلة لحد امتى؟؟ وازاى هتقابل مازن تانى

ايناس لما راحت بيت باباها ومامتها
مكنش حد منهم موجود ..دخلت على اوضتها
معرفتش نام لانها افتكرت المكالمة اللى بينها وبين ايهاب
صوت ايهاب وهو بيقولها انه بيحبها  وميستحملش بعدها عنه... احساسها بيه كان واجع قلبها... بس كانت تعبت من عدم الاستقرار
سمعت صوت الباب بيتفتح... راحت ناحية الباب
"ماما ... انا هنا"
واتنفضت الام من الخضة
"بسم الله الرحمن الرحيم... خضتينى ياايناس"
"انا بقولك انا هنا علشان متتخضيش"
"ايه اللى جابك دلوقتى الساعة 1ونص بالليل"
"انا هنا من 11"
"حصل حاجة بينك وبين جوزك... انتى غضبانة"
لفت ايناس وشها بعيد عن مامتها
"مش غضبانة ولا حاجة... حسيت انى محتاجة ابقى هنا شوية ممكن؟؟"
راحت مامتها وقفت قصادها...حست بدموع محبوسة فى عينيها
"طيب تعالى نقعد نحكى مع بعض شوية وتحكى لى مالك"
دخلوا قعدوا مع بعض فى اوضة ايناس
"مش عارفة اقولك ايه ياايناس... كل ده كان متوقع "
"عارفة ياماما لو كان ايهاب وحش معايا كنت اقدر احسم قرارى واقول ان جوازنا فشل انما بالعكس كل يوم بيعدى ايهاب بيحبنى اكتر وبيخاف على زعلى بس مش فى ايده حاجة"
"لو عايزة فلوس انا ممكن اساعدك من غير ماحد يعرف"
"هو رافض الموضوع ده نهائى ... ساعات لما بشترى لبس ولا حاجة جديدة احس انه زعل ان مش هو اللى جابهولى وانا مش زعلانة منه انه مش معاه فلوس بس الوضع ده مش مريحنى"
"ونويتى على ايه"
"انا جيت اقعد هنا علشان افكر... ومش عارفة هترسى على ايه"
"ده بيتك وتقعدى زى ماانتى عايزة... ربنا يحلها ان شاءالله...تصبحى على خير"
"وانتى من اهله ياماما"

تانى يوم الصبح راحت ايناس المجلة... كان ايهاب هناك من قبلها
ومكنش فيه غير ولاء
دخل ايهاب وراها المكتب
"وحشتينى ياايناس"
"وانت كمان ياايهاب"
"بجد وحشتك... طيب سيبتينى ليه"
"انا مسيبتكش ومش هسيبك.... انا اعصابى تعبت اوى بقيت بكره اروح البيت لانى مش مرتاحة ...اى حد بيبقى عايز يرجع بيته بعد الشغل علشان يرتاح انا لأ... حاسس بيا"
"حاسس بيكى وحاسس انى ظلمتك معايا... وانا مش انانى فى حبى ليكى... اى قرار هتاخديه انا موافق عليه حتى لو قرارك كان اننا نبعد عن بعض"
سابها ايهاب وخرج ملحقتش تقوم وراه لان ولاء دخلت
"الساعة 11 فيه معاد مع مُعلن جديد ... مين هيقابله"
"مفيش حد النهاردة غيرى وانا مليش فى موضوع الاعلانات ده مازن وايمن هما اللى بيتصرفوا... بصى شوية كده وهتصل بمازن واشوف ينفع ييجى يقابله ولا لا.. وان مقدرش نأجل المعاد"
"بلاش حكاية نأجل دى مش حلوة"
"طيب ساعة كده واكلم مازن "
شافوا مازن داخل عليهم عند ايناس... وقعد قدام مكتبها بعد ما القى التحية
ولاء"طيب كويس مش هنحتاج نأجل المعاد"
خرجت ولاء من المكتب
"ايه اللى جابك يامازن.. امل بقت كويسة؟؟"
"معرفش... انا مبتش فى البيت امبارح"
"اخص عليك يامازن اتخانقت معاها وسيبتها وهى تعبانة"
بسرعة مسح دمعة كانت هتنزل من عينيه قدام ايناس
"امل سمعت جزء من كلامى مع ايمن وفسرته انى مش بحبها وانى اتجوزتها بس علشان صعبت عليا"
"مفهمتهاش ليه"
اتكلم مازن بعصبية
"حاولت ... مدتنيش اى فرصة كانت بتزعق وتصرخ... كانت مصدومة اوى وانا خفت عليها... خفت اضغط عليها .. انا كنت خايف اوى عليها ياايناس وسمعت كلامها ومشيت من البيت علشان حسيت ان وجودى هو اللى مضايقها.... بس اللى مش هقدر عليه انى اطلقها زى ماقالت"
"هى وصلت للدرجة دى"
"انا طول الليل بلف فى الشوارع... تعرفى انى فكرت ارجع البيت ع الفجر كده بس رجعت قلت زمانها نامت وهديت ولو روحت ممكن تصحى تانى وتفتكر وتزعل... كلميها طمنينى عليها"
"هكلمها طبعا"
واتصلت ايناس بأمل...
"امل اخبارك ايه النهاردة... انتى كويسة...اهدى طيب ومتعيطيش... انا جاية لك ..يالا مش هتأخر...سلام"
"بتعيط؟؟"
"اه يامازن صوتها مخنوق اوى... وردت بسرعة يعنى شكلها كانت صاحية... انا هقوم اروح لها وانت قابل العميل الجديد"
"طيب... هنزل معاكى اجيب حاجات للبيت ولبن لعمر توديهم وانتى رايحة علشان متحتاجش حاجة وهى لوحدها... فهميها ياايناس انى بحبها اوى ومقدرش ابعد عنها هى وعمر"
"حاضر يامازن... هتكلم معاها وافهمها"

شروق وايمن وهما بيلبسوا الصبح... شروق بطيئة فى تحضير حاجتها
"يالا ياشروق بقى انتى لسه بتحضرى الشنط دلوقتى"
"اقولك حاجة ومتزعلش "
"قولى ياحبيبتى"
"مش عايزة اسافر"
"ليه"
"مش عارفة... عايزة افضل هنا وعايزة اروح للدكتور النهاردة"
"ماشى مش مهم سفر بس عايزة تروحى للدكتور ليه"
"عايزة اروح لدكتور تانى واحدة صاحبتى بتروح عنده"
"يا حبيبتى ما الدكتور بتاعك كويس وماشية معاه على العلاج هنروح ليه لحد تانى نبدأ من اول وجديد"
عيطت شروق كعادتها كل ماتيجى سيرة العلاج والدكاترة والحمل
"بتعيطى ليه... حاضر هتروحى للدكتور اللى انتى عايزاه.. اضحكى بقى"
كان بيقولها وهو بيمسح دموعها حضنته وهى بتبتسم له
"انا عارفة انى بضايقك كتير... من حبى فيك نفسى يبقى عندنا اطفال"
"ان شاءالله هيبقى عندنا اطفال... نقول يارب"
"ياااااااااارب"

وصلت ايناس البيت عند امل
اول مافتحت لها قعدت تعيط وهى بتحكى انها اتغرت كتير فى مازن اللى خدعها وهو مش بيحبها وده باين من تصرفاته سمعتها ايناس تخلص كل كلامها
"ماشى ياامل انا حاسة باحساسك ...بس احساسك مش صح مازن بيحبك بجد... انتى مشفتيش شكله عامل ازاى وهو بيحكى لى... مازن ميقدرش يستغنى عنك انتى وعمر حرام القسوة اللى انتى فيها دى... ليه مسمعتيهوش يمكن هو غلط لما محكلكيش عن سبب الخطوبة المفاجئة السريعة دى بس ده ميمنعش انه حبك فعلا بعد كده ياما ناس بتتخطب وتتجوز تقليدى بس بيحبوا بعض بعد كده"
"بس معاملته معايا انا بس اللى احسها حاجات تتحس ياايناس يعنى مقدرش اقوله قولى بحبك... هو من نفسه مش بيقولها ... حاساه بعيد عنى"
"بصى ياامل لحد هنا ومش هقدر ادخل جوه احساسك"
"اوعى تكونى فاكرة انى مبسوطة وهو بعيد عنى... انا منمتش طول الليل وهو مش موجود... بس بتصعب عليا نفسى"
"وهو حالته صعبة اوى... اتكلموا مع بعض ياامل.... اسمعوا بعض يمكن توصلوا لحل"
"مش عايزة اتكلم معاه ولا اشوفه"
"لازم هتشوفيه ده ابو ابنك وانتى عارفة عمر متعلق بمازن ازاى وكمان هتشوفيه فى المجلة مع بعض"
"زعلانة منه اوى ... ومش مصدقة انه بيحبنى فعلا ممكن يكون عايش معايا علشان عمر ولا علشان زوجة وخلاص يعنى انا او غير مش فارقة"
"مكنتيش عِندية كده ياامل"
"مش هو اللى علمنى اختار واقرر... انا دلوقتى بقرر اننا لازم ننفصل"

فى المجلة... اتفاجئ مازن بايمن وشروق
"ايه ده مسافرتوش"
"لا ... اجلناه شوية... امل اخبارها ايه"
وحكى لهم مازن على اللى حصل بعد ما مشيوا
ايمن"هو ده اللى كنت قلقان منه وعارف انه هيحصل"
شروق"وبعدين يعنى هتسيبها كده"
مازن"ايناس راحت تتكلم معاها... وكويس انك جيت تحضر معايا المقابلة اللى مع المعلن الجديد"
ايمن"هو معاده امتى"
بص مازن فى ساعته "على وصول"
شروق"انا نازلة هروح لامل ... وعلى فكرة ايناس كمان سايبة بيتها يعنى هما الاتنين محتاجين اللى يواسيهم"
مازن"مقالتليش حاجة"
شروق"تلاقيها اتلبخت بمشكلتك"
ايمن"بس سايبة البيت ليه"
شروق"نفس الحكاية... مش مرتاحة وعايزة شقة وايهاب مش قادر يجيب شقة"

لما شروق راحت لامل.. قضوا ال3 اليوم كله مع بعض
كل واحدة فيهم كانت بتحاول تنسى مشكلتها بالتخفيف عن التانيين
واتصلت شروق واخدت معاد عند الدكتور الجديد تانى يوم
وده زود الامل عندها شوية
واتصل بيهم ايمن... وكلم شروق وبعد ماقفلت معاه
"ايمن قالى اخبار حلوة"
واستنوا ايناس وامل انها تكمل
"المعلن الجديد بيعلن عن مشروع سكنى كبير... وعامل تسهيلات فى السداد بمقدم معقول واقساط ثانوية... ايمن اتفق معاه وحجز لنا شقة وقال لايهاب كمان ... والاتنين اتفقوا معاه على تفاصيل يعنى مبروك لينا انا وانتى ياايناس هنبقى جيران"
ايناس"بجد؟؟؟ ايهاب هيحجز شقة... طيب منين؟؟
وقامت ايناس دخلت البلكونة واتصلت بايهاب
"ايهاب..شروق قالتلى انك هتحجز شقة صحيح"
"اه صحيح... بس مفيش استلام قبل 3شهور فى المشروع اللى قرب يخلص والتانى كنا هنستنى سنة"
"حلو اوى مش مشكلة3 شهور...بس هتجيب فلوس منين"
"الشقة دى هتدفعى انتى مقدمها وهكتبها باسمك وانا هشتغل شغل تانى بعد الضهر وابقى ادفع الاقساط"
"ياحبيبى مفيش فرق بينى وبينك ...انا كنت بقولك كده من زمان"
"مكنتش عايز احس انى قليل اوى كده ياايناس ...بس لما حسيت اننا ممكن نبعد عن بعض بسبب الشقة اضطريت اوافق "
"مش هنبعد عن بعض ابدا ان شاءالله"
"مش هترجعى بقى علشان وحشتينى"
"لا معلش خلينا ال3شهور دول كل واحد فى بيت اهله وهنتقابل كل يوم فى المجلة "
"انتى مش عايزة ترجعى البيت زعلانة منى"
"لا مش زعلانة بالعكس انا مبسوطة اوى ان مشكلتنا اتحلت وياسيدى خلينا نسترجع ايام الخطوبة شوية"
"حاضر ياحبيبتى اللى تشوفيه"
بعد ماقفلت ايناس... حبت تطمن مازن..اتصلت بيه
"الو...ازيك يامازن... مصممة على موقفها... احنا بنقولها لازم تتكلموا مع بعض... هقولها تانى لو وافقت هكلمك... بقت اهدا من الصبح... عمر كويس طول اليوم هو وشروق بيلعبوا مع بعض ...متقلقش هما كويسين.. يالا سلام..حاضر مش هنسى"
دخلت ايناس لشروق وامل
ايناس وشروق حاولوا يقنعوا امل انها تقابل مازن
وواقفت بعد ضغط منهم انها تقابله تانى يوم

تانى يوم... اتقابلت امل مع مازن... وكان معاها عمر
عمر اتعلق فى مازن طول ماهما قاعدين وهو قاعد فى حضنه
"ازيك ياامل... وحشتينى"
"انا كويسة"
"انا هدخل فى الكلام على طول انا اسف انى خبيت عليكى"
"مش عايزة اتكلم فى اللى فات انا اتجرحت منك اوى يامازن وده كفاية... عارف احساس الخيانة هو ده اللى انا حاساه"
"انتى ليه مكبرة الموضوع اوى كده... ارتبطنا صدفة ماشى انما حبينا بعض ياامل وده المهم"
"انت محبتنيش... انت لقيت زوجة كويسة وخلاص يعنى انا او غيرى مش فارقة"
"ليه بتقولى كده"
"حاجات صغيرة انت مكنتش بتاخد بالك منها بس كانت بتجرحنى لما تنزل وتسيبنى واحنا لسه متجوزين ولما كل شوية تقول الشغل الشغل لما مسمعش منك كلمة حلوة يبقى اتجرح ولا لا... شوف ايمن بيعمل ايه مع شروق.. لما كنت بشوف معاملته ليها ومعاملتك ليا كنت بتضايق اوى"
"ياامل كل واحد وليه طريقته.. انا اتعودت ان الحب مش كلام الحب انك تسعد اللى بتحبه باللى يفرحه... انا عشت سنين كتير لوحدى عارف ان ماما وبابا بيحبونى بس مش بيقولولى كده هما بيعملوا اللى يريحنى ويسعدنى اتعودت ان الحب كده... قوليلى على حاجة كان نفسك فيها مجبتهاش... فاكرة مسابقة الصور انتى كنتى تعرفى عنها حاجة..انا اشتركت لك فيها علشان افرحك.. وقفت قدام اخوكى من اول لحظة بقيتى فيها على ذمتى علشان افرحك.. يبقى كده مبحبكيش"
"انت حرمتنى من احاسيس حلوة اى ست بتتمناها"
"فهمينى افهم منين احساس الست وانا لا عندى اخت ولا ام تفهمنى ولا حبيت قبل كده... عايزانى اعرف اللى جواكى ازاى من غير ماتقوليهولى"
"ده احساس مينفعش اطلبه"
"انا اسف ياامل على كل حاجة ضايقتك فيها... وعندى امل انك تسامحينى ومش هكدب عليمى واقولك هتغير لان محدش بيعرف يغير طبعه بس خليكى متأكدة انى بحبك واليومين اللى فاتوا دول كانوا اسوأ ايام حياتى علشان بعيد عنكم... اللى يريحك هعمله بس ارجوكى متقوليش طلاق... ده الطلب الوحيد اللى مش هقدر انفذه"
سكتت امل... دموعها نازلة ومش بتتكلم
"مسامحانى واللى فات مات ولا لسه مش عايزانى"
دورت امل وشها بعيد عنه وهى بتعيط
"خلاص ياامل فهمت... يمكن الايام تداوى الجرح ده... يمكن انا فشلت كحبيب بس فيه حب اقوى بيربطنا .. حب ربطنا من قبل مانفكر فى جواز... ربطتنا الصداقة والطموح والحلم... وده اقوى حب ... انا هعيش فى بيت بابا وماما وكل طلباتك وطلبات عمر هجيبهالك... وياريت علاقتنا فى الشغل متتأثرش بخلافاتنا... وممكن ابقى اشوف عمر كل يوم لو سمحتى لانى مش هقدر مشوفوش كتير"
هزت امل راسها موافقة على كلام مازن وهى بتعيط
"انا ماشية"
"هوصلكم"

ايمن وشروق عند الدكتور..وبعد الكشف عليها
ومراجعة التحاليل والاشعات السابقة والادوية اللى بتاخدها
"معلش كل اللى فات ده حاجة واحنا هنبدا مع بعض من جديد... انا عايز تحاليل جديدة علشان اعرف الحالة وصلت لحد فين"
شروق"يعنى ممكن اخلف"
الدكتور"انتى معندكيش حاجة تمنع الحمل وبعد التحاليل هقدر اقولك انتى حالتك ايه بالظبط... بس عموما الاطفال دول رزق من عند ربنا ومحدش يعرف رزقه جاى امتى ولا هيكون قد ايه"
ايمن"كله على الله ان شاءالله... هنعمل التحاليل ونجيبها لحضرتك ان شاءالله"
قاموا ايمن وشروق من عند الدكتور... والامل فى عيون كل واحد فيهم

تانى يوم فى المجلة...
ايهاب وايناس هما الاسعد حالا رغم ان كل واحد فيهم فى بيت بس مستنيين يستلموا شقتهم وبيحلموا باليوم اللى هيقيموا فيها مع بعض

ايمن وشروق مش موجودين لان شروق بتعمل التحاليل المطلوبة

امل ومازن العلاقة بينهم شغل وبس فى الظاهر
وكل واحد فيهم مش قادر يمنع قلبه من حب التانى

راح مازن لامل
"مامتك راجعة بكرة ان شاءالله ممكن اجى معاكى المطار نجيبها"
"اه طبعا...انت عارف ماما بتعتبرك ابنها"
"عمر فين"
"عند الفت... متقلقش عليه"
"ماشى هاتيه معاكى بكرة علشان اشوفه واحنا فى المطار.. هتقولى لمامتك ايه لما تسأل كل واحد فينا فى بيت ليه"
"هقولها الحقيقة"
"اللى تشوفيه... انا نازل عندى شغل ..اشوفك بكرة"

فى المطار... مازن شايل عمر طول الوقت
وعمر بيضحك وفرحان مع مازن
لما وصلت الام... وصلهم مازن البيت
وطلع معاهم علشان يطلع الشنط
وبعد ماقعد معاهم شوية... قام يستأذن
الام اعتقدت انه نازل كعادته عادى وهيرجع بالليل
دخلت الحمام وبعدين خرجت على اوضتها
عمر بص لمازن وهو عند البابا... ونطق لاول مرة
"بابا"
الكلمة وقفت مازن من عند الباب... ورجع لعمر يحضنه ويقوله يقولها تانى
"قول بابا تانى ياعمر... عايز اسمعها تانى"
امل فرحت بعمر اللى نطق كلمة بابا لاول مرة
واول كلمة ينطقها... حست انها فعلا قاسية اوى مع مازن
وانها هتحرمه كمان من ابنه ومنها وكفاية انه محروم من مامته وباباه
"انت هتنزل؟؟"
"متضايقة من وجودى للدرجة دى"
"لا.. انا يعنى بقولك لو مش وراك حاجة مهمة ادخل غير هدومك لحد ما اخلص العشا"
حس مازن انه متلخبط ياترى هى تقصد اللى فهمه فعلا
"حتى لو ورايا حاجة مهمة مش اهم منكم... لسه زعلانة منى"
سألها وهو بيبص لها فى عينيها بكل حب
ابتسمت له ابتسامة خجولة
"اللى بيحب حد مبيعرفش يزعل منه"
عمر قال بابا... تانى وتالت ورابع
مازن"هو عمر علَق ولا ايه؟؟"
ضحكت امل وحضنت عمر.. لف مازن دراعه على كتفها وباسها من راسها وهو بيحضن عمر اللى كان بينهم هما الاتنين

ايمن وشروق عند الدكتور الدكتور بيبص فى التحاليل وبيقراها
شروق وايمن بيبصوا له بترقب واللحظة بتعدى كانها ساعة
حط الدكتور الورق قدامه وبدأ يتكلم
وشروق مع كل لفتة من الدكتور روحها بتتسحب
"واضح ان العلاج اللى كنتى بتاخديه كان ممتاز"
بصوا لبعض وهما فرحانين
شروق"يعنى ممكن احمل"
الدكتور"حاليا... انتى حامل فعلا"
انفجرت دموع الفرح من عيون شروق وكأنها شلالات
وايمن حس ان الدنيا كلها فرحانة بفرحة شروق

                    النهاااااااااااااااااااااااااااااااااااااااية

هناك 103 تعليقات:

  1. راح افتقد شخصيات القصة
    بس اخيرا خلصت عشان دماغي تصفى ورايا اختبارات وانا كنت كل يوم استنى اليوم اللي بعدو على نار
    تسلم يدك دينا

    ردحذف
    الردود
    1. اللـــــــــــــــــــه يحبيبى على حبك وهنايا معاه ..

      حذف
    2. هنشل بعد ده كله وفي الاخر يحصل كده حراااااااااااااااااااااااام

      حذف
  2. بجد رهييييييييييييييييييييييييبه وفعلا اقوى حب والحب اللى بينهم كلهم جميييييييييل اوى وقدرت موقف مازن بع اللى قاله بس بجد تسلمى ومستنيين قصصك الحلوة ونهايه حلوة
    من لى سواك الله

    ردحذف
  3. يا سلام قصة حلوة كالعادة متل كل قصصك..
    دائما بتحسسيني بالامل بس اقرا قصصك دايما نهيايات سعيدة وكل واحد بعيش مع يلي بحبه وبتفاهمو يا ريت بالحياه الواقعية نقدر نضل مع يلي بنحبهم
    شكرا كتير وبانتظار القصة القادمة

    ردحذف
  4. to7faaaaaaaaa taslam 2edak ya dodo

    ردحذف
  5. رووووووووعه يا دينا والله روعععه

    ردحذف
  6. بجد تحفة القصة حلوة اوي ... و النهاية جميلة جدا ... بس ليه ما حصلش حاجة لحسن زوج منى اخت ايناس كان نفسي يتفضح و منى تتعرف على حد كويس و كده يعني

    انا مستنية القصة الجديده على نااار انتي مبدعه يا استاده دينا

    أمل التونسية

    ردحذف
  7. bgd story rhybaa w nhaya gamda w sa3yda enti f3ln y dina ensana mawhoba gedn rbna ywaf2k y rab kman w kman w tmt3yna aktr w bgd hatw7ashni el story awiiiiiiii kant mn a7la el kess eli 2arytha bgd mstneen el gdid isa
    rbna m3aki

    batot

    ردحذف
  8. bgd 7lwa awiiiii rbna ywf2k fe 7yaatk ya dina bgd w mstnya l gdida b2aa isa .3la 2d mna z3lana anha 5alst 3la 2d mna fr7ana awii be l nhaya de

    nOUr

    ردحذف
  9. ميرسى كتييييييييييييييييييير ليكم
    اسعدتونى جدااااااااا برأيكم فى القصة
    واتمنى تتابعونى دايما ان شاءالله
    وكام يوم كده وتنزل الجديدة باذن الله

    ردحذف
    الردود
    1. رؤؤؤعه والله جدا ... بالتوفيق ان شاء اﻷه

      حذف
    2. القصص بتاعتك والله تحفة يا دينا

      حذف
  10. Bossy I'm One of ur biggest fans aslun :D !
    Bgad ur writting bet5alenii a3esh m3 el story awii w andameg m3aha w sa3at bta5aialha w b3aiat kaman :D !
    You're Gifted Mashaa' Allah So keep up the good work ;)

    3andy bas note so3'aiara xD !
    Enty bet5aly el story malyana a7daaas w de 7aga 7elwa bas fag2a u jumb to the end ! El nehaia bte5las bsor3a w mb7esesh beha ba7es fe a7daas kan mmkn tetketeb t5aleha wake3eya w mo2assera aktar mn kda.. Da el ana shaifah y3ne w tb3an u know aktar mennii bas ana 7abet a2olek ra2iee :)

    Waiting for more stories b2a ;)

    ..Maro..

    ردحذف
  11. تحفه جدااااااااااااااا...تسلم ايدك

    ردحذف
  12. الحمد لله
    والله عنيا وجعتني قريتهم كلهم امبارح
    بجد تسلم ايدك
    روعه .. روعه
    تحياتي

    ردحذف
  13. نهايه جاااااااااااااااااااامده جداااااااااااااا
    انا عندى سوال هوا فى قصه تانيه حتنزل و يا ريت لو فو تقولى المعاد

    ردحذف
  14. بصراحة القصة نحفه يا ديناااا ..وزعلانها وى انها هتخلص ..بجد القصه كانت بتدينا تحميس وتشجيع وطموح كده...بجد هفتقد اشخاص القصة اوووى ..ومبسوطه انها خلصت على خير كده وسعاده..مع انى فعلا زعلت لما عرفت انها الحلقة الاخيرة

    بجد حلوة اوى ...وبصراحة تفوقتى اوى فى القصص الاجتماعيه ..ياريت واحده تانيه نفس النوع ده...بصراحة حلو اوى لانه جامع مابين الاجتماعى ومابين الرومانسى ومابين الطموع والشغل..بجد ربنا يوفقك ويديم عليكى موهبتك
    مريم Mar Iam

    ردحذف
  15. اهئ اهئ تحفه والله ،، تسلم الايااااادى يا ديناااااااا :)

    2T_^

    ردحذف
    الردود
    1. تحفه بجد اوي
      رااأاااااائعه

      حذف
  16. روووعة اوووي اوووي اوووي
    ="( حقيقي دعمت اهئ اهئ
    جاامدة اوي
    ماشاء الله كتاباتك روووعة
    مشووقة جدا جدا جدا
    و النهاااااية تحفة اوووي
    بصرااحة (اقوي حب ) دي اروع قصة قريتها حتي الان حااجة وهم كدا بجد . . . .
    تسلم الاياي يا دندوون
    انان من اشد المعجبات بطريقة كنابتك بجد
    اتمني لك ارروع مستقبل
    سلاام اتمني بجد ان القصة دي بكوون فيلم او مسلسل ف رمضاان هتبقي فظيييعة
    تحيااتي
    مريم خاطر =)

    ردحذف
  17. حلووووووووووووووووووة اوى انا عايزة من الحب ده وهو فعلا فى كده؟

    ردحذف
  18. عايزة اهنيكى على أدائك الرائع فى الكتابه يا دينا بجد انا كنت مستعجله جدا انى اقرأ القصه دى لان احداثها شدتنى جدا وحسيت انى موجوده وسط الابطال من اسلوبك البسيط و تعبير واحساسك بجد انتى رائعه ............ تحياتى ليكى

    ردحذف
    الردود
    1. مش جديد عليكى..,راااااااااااااااااااااااااااائع جداااااااااا
      قصه بجد حلوه قووووووووووووووووووووووووووووووووووى
      sama

      حذف
  19. حلوه اوووووووى بجد

    ردحذف
  20. 7lwaaaaaaaaaaaaaaaaaa aweee ana aretha mt25r shoia bs 3gbbtny aweeeeeeeeeeeeeee bgd , anty bgd ea dina katba mmtaza f3ln
    tu2aa

    ردحذف
  21. el qessa bgd wahmya w to7fa w 7elwa gedan w entee bgd tganeneeeee to7faaaaaaaaaaaaaaaaaa 7elwa gedaaaaaaaaaaaaaan :))

    ردحذف
  22. bgad kesa to7faaaaaaaaaaaaaaaaa

    ردحذف
  23. فوق الرائعة يا دينا ربنا يزيدك وتمتعينا بقصصك الحلوة


    مونه

    ردحذف
  24. بجد هاااااااايلة

    ردحذف
  25. جميلة جدا جدااااااااااا بجد روعة

    ردحذف
  26. Gameela Gdaaaan Kl3aDa taba3an :)
    Bs bgd a7la wa7Da Qara2taha l7d DlwaQty (^^)

    ردحذف
    الردود
    1. القصة دى جميله جداااااااااااا وبجد انتى رائعة

      حذف
  27. مع انها اطول قصة ليكي بس بجد محسيتش بملل ولا لحظة وانا باقراها عندك اسلوب سلس جميل ومريح تسلم ايديكي بجد

    ردحذف
  28. بجد احيكي على القصه الرائعه دي

    ردحذف
  29. بجد قصصك كلها تحفة يادينا وانا باتعلم منها يارب تفضلي دائما مبدعة كدة

    ردحذف
  30. بجد بجد أنا مش عارف أقولك ايه من روعة القصة ولحد دلوقتي أنا متضايق أوي ان القصة خلصت (مفيش مازن - أيمن - إيناس - أمل تاني) :(
    عجبتني أوي الشخصيات وانهم كانوا اربع أركان لحد مبقوا نقطة واحدة .. كلهم بيكملوا بعض من الإرتقاء بالمجلة للتفوق ومن صداقة لحب صادق .. واللي عاجبني أكتر ان ف أي حدث بيحصل مكانش في واحد لوحده بيحل مشكلة، كانوا اتنين ع الأقل .
    انا عرفت القصة دي من واحدة صاحبتي عزيزة عليا وخليت حوالي 8 يقروها :) ودي كانت أول قصة أقراها ليكي ومن بعدها خلاص مبقتش أخر قصة .. مستني جديدك وبالتوفيق ف كتاباتك وانتي دلوقتي خلاص بقيتي واحدة من المفضلين عندي :) وف انتظار قصص تاني أحسن وأروع من كده O:)

    ملاك جوزيف

    ردحذف
  31. يا لهوى دى قصه اجمل من الخيال فعلا تسلم ايدك .

    ردحذف
  32. hwa ana kol shwia ha3ait kda mn qesask elgamda d ya dina wla a? Bgd enty ra23a. . . . Nfsy a3ish qesa zai de

    ردحذف
  33. this story remind me of me n my bffs we r closelike them really great one i lv it n i lv all ur storys great job well done :)

    ردحذف
  34. بجد بجد قصه تحفه
    وانتى رائعه
    انا قرأتها ف يومين
    وهتابع كل قصصك

    ردحذف
  35. بجد نهاية حلوة اوي وحقيقي انت كاتبة بارعة مشاء الله انا قريت قصصك وبجد عجبتني واكتر قصة عجبتني قصة0لسه بحبه0امنياتي لكي بالتوفيق دائما0H.A

    ردحذف
  36. رووووووووووووووووووووووووووووووووووووووووووووووووووعة بجد انتى احلى كاااااااااااتبه بجد تسلم ايديكى قصه روووووووووووعة

    ردحذف
  37. انا بقيت مدمنة قصصك كل يوم بخلص قصة كاملة
    سلمى

    ردحذف
  38. انتي مبدعة تستحقي التقدير و الشكر

    ردحذف
  39. انتى رائعة يا دينا بجد .. وقصصك كلها فوق الوصف والجيال .. بس بجد القصة دى بالنسبالى غير اى قصة قريتها .. انا حبيت القصة اوووووووى وحبيت شخصيتها .. لدرجة انى والله حلمت باحداث القصة وانا نايمة .. بجد بجد تسلم ايديكى الاتنين يا قمر

    ردحذف
  40. لاء بجد القصة روووووووووووووووعة اوووووووووووووووووووى

    اجمل حاجة فيها التفاصيل و البدايات يعنى من اول ما دخلوا الكلية لحد ما بقوا قريبين مع بعض اوى كده بجد مفيش اجمل من الصداقة الحقيقية دى فضلوا مع بعض لحد ما اتجوزوا و خلفوا كمان

    بجد بحيكى يا أ/ دينا القصة تحفة جداااااااااااااااا جداااااااااااااااااااا

    ردحذف
  41. القصه دي روعه جدا وكمان هي فيها شئ من الواقع اكتر من الحب الملعون كنت حاسه انها خياليه اوي متتصدقش بس دي احنا عشناها بكل ماتحمل الكلمه من معني خليكي دايما واقعيه في قصصك يا دينا علشان مهم ان الناس تصدقك وتعيش مع القصص بتاعتك ودايما في تقدم ربنا معاكي وتنمي موهبتك اكتر واكتر

    ردحذف
  42. مش عارفه اقولك ايه يادينا بس قصصك ديمن بتعيشني فيها وبتخليني انفعل ومودي يتقلب مع كل حدث فيها واي قصه بتنتهي بحاجه حلوة زي حب اتنين بحس بأمل كبيرررررررررررررررررررررررررررررررررررررررررر في كل حاجه وبجد بجد اتمني افرح ف حياتي زي ما بفرح بفرحة اي اتنين في قصصك AS

    ردحذف
  43. جميله اوى اوى اوى تحفه مش قادره اوصفلك اد ايه قصصك تجنن

    ردحذف
  44. بجد قصه جميله جدااا

    ردحذف
  45. bgd raw3aaaaaaaaaaaaaaaaaaaaaaaaaaaaaaa w a7la nehayaaaaaaaaaaaaaaaaaaaaaaaa <3 ^___________________________^

    ردحذف
  46. القصة حلوة اوى فعلا الحب افعال مش كلام شكرا ان قصتك اكدت ده

    ردحذف
  47. انا مرضيتش اعلق قبل ما اخلص القصة كلها
    انتى تقريبا لخصتى كل مشاكل جيل الشبأب من كل الطبقات و الافكار فى شخصيات قصتك الرائعة انا عشت معاهم الكام ساعة اللى فاتوا دول كانهم اصحابى فرحت و زعلت و حبيت و اتجرحت مع كل واحد فيهم
    هقرا قصة تانية و اقولك راى مع انى متاكدة انها هتكون حلوة زى اللى قريتهم

    ردحذف
  48. بجد قصة تحفة فوق الوصف واتمني اعيش حاجة حلوة كده يا رب

    ردحذف
  49. القصة دي تحفة و اكثر من رائعة بجد
    وبجد حبيتها جدا جدا جدا
    كل قصة بتكتبيها بتبقي احلي م اللي قبلها

    ردحذف
  50. تحفةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة تجننننننننننننننننننننننننننننننننننننن يا دوودووووووووو

    ردحذف
  51. جمييييييييييلة ♥

    ردحذف
  52. Gamilllllaaaaa awiii Teslam eidk ;) <3

    ردحذف
  53. شكرا يا دينا انتى كاتبة رائعة وجميلة انا مبسووووووووووووووووووووووووووووووطة اوى علشان امل ومازن وشروق وايمن بجدة شكرا

    ردحذف
  54. To7faaaaaaaaaaaaaaaaaaaaaaaaaaaaaaaaaaaaaaaaaaaaa :)

    ردحذف
  55. نهاية تحفة تحفة تحفه وقصه جامدة جدا جدا جدا بجد رائعه يا دينا
    بالله عليكى تخلى نهاية هل يشفع الحب كمان سعيدة احسن هاتشل لو عليا جرالها حاجة

    ردحذف
  56. بجد مملة

    ردحذف
  57. بجد حلوة اووووووووووووووووى اكتتتتتتتر من رائعة فعلا تسلم ايدك

    ردحذف
  58. جميلـــه اووووي و مؤثره جداآآ .. تسلم ايــــدك بجد :)

    ردحذف
  59. قصة جميلة جدا جدا جدا جدااااااااااااااا يا دودو ونهايتها اجمل اتاثرت بيها جدا ولاول مرة اتشد لقراءة حاجة تسلمى

    ردحذف
  60. حلوة اوى اوى وانا قراتها اكتر من مرة وعجبتنى اوى

    ردحذف
  61. الله حلوووووووووة اوووووووووى انتى عبقريه <3

    ردحذف
  62. مبدعة كعادتك روعة وتحفة وكل حاجة حلوة في الدنيا شكرا جدا









    مها

    ردحذف
  63. تحفة رووووووووووعة الرواية

    ردحذف
  64. لا بصراحة هى عجبانى جدا جدا جدا
    بس ف حاجة بسيطة خالص مش عاجبانى وهى:ان مجابوش سيرة ايناس وايهاب ف الخلفة
    بس حلوة جدا جدا جدا

    ردحذف
  65. تحفة واهم حاجة عجبتنى الصداقة القوية اللى بتربطهم واﻻخوة ......تسلمى ع مجهوداك الرائع

    ردحذف
  66. القصه كلها كانت روعه لكن للاسف وبدون احباط النهايه مش حلوة خالص ومكنتش متوقعه كدا الا لو كان فى جزء تانى ومش بعد كل التشويق دا دى تبقى النهايه :/

    ردحذف
  67. رااااااااااااااااااااااااااااااااااااااااااااااااااااااااااااااااااااااااااااااااائعه
    وممتعه وصداقة قوية لأبعد الحدود
    طموح وإصرار وحب تستحق الإسم أقوي حب

    ردحذف
  68. تسلم ايديكى بس النهايه متوقعه

    ردحذف
  69. واللة القصة جامدة جدااااااااااااااااااااااااااااااااااااااا تسلم ايديكى يا دندونة

    ردحذف
  70. رووووعة بجد سلمت اناملك

    ردحذف
  71. جميله جدااااااااااااااااااا

    ردحذف
  72. القصه حلوه جدا .. خلصتها ف كام ساعه .. تسلم ايدك :)

    ردحذف
  73. القصة جميلة جداااااااااا

    ردحذف
  74. روووووووووووووووووووووووووووووووووووووووعه تسلم ايدك بجد انتى مبدعه جدااااااااااااااااااا ربنا يوفقك يااااااااااارب

    ردحذف
  75. تحفففففففففففففففففففففففففففففففففففففففففففففففففففففففة قصة رؤؤؤؤؤؤؤؤؤؤؤؤعة تسلم ايديكى وبتوفيييق

    فاطمة

    ردحذف
  76. بصراحو لو فيها حاجة اكتر من روووو9وووووو9و9و9999999عة كنت قلتها تسلم ايدك ودايما تمتعينا بابداعك

    ردحذف
  77. قصه جميله جدا بس نهايتها عاديه اوى احنا كنا مستنين ان النهايه تكون بنفس مستوى صياغه الحلقات الرائع ياريت يكون ف تغيير ف النهايه بعد كده وبجد تسلمى على الروايه الجميله دى

    ردحذف
  78. قصه جميله اوووي والله انا تعبت عقبال ما قراتها كلها بس بقولك يا دينا استمري انتي فنانه اووووي وليكي مستقبل باهر استمري مع الشكرا والتقدير لكل الشخصيات (امل و مازن وايناس وايمن وشروق وابراهيم وايهاب وحسن وعادل)

    ردحذف
  79. ana nfsy a3ysh 7aga zy dy aloa7d m4 laky nas kda kl alnas fy msal7ha m4 hammhom 7d ana bayat mn elksa elhaloa dy
    beba

    ردحذف
  80. وااااااو فنانه يا دينآآآآآ

    ردحذف
  81. بجد وجميلة اوي انا اول مرة اقري قصة وتطلع بالحلاوة دي تسلم ايد اللي كاتبها ومالفها

    ردحذف
  82. القصة دى تحفة شكرا جمييييييييييييييييييييييييييييييييييييييييييييييييييييييييييييييييييييييييييييييييييييييييييييلة جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
    :* ممكن قصة تانية

    ردحذف
  83. جااااااااااااااااااااااااااااااااامده اووووووووووووووووووووي والنهايه عجباني خصوصا شروق وايمن وامل اخيرا مسمحها ومازن بيحبها من قلبه وهي بتحبه بجد وهم عيشين في سعاده هي ومازن وعمر

    ردحذف
  84. روعة بس مش ينفع تخلص على كدة مفرود ايناس وايهاب برضو ازاى برضو بس جامدة برضو

    ردحذف
  85. بصراحة انا مو عارفة اجولجش ايه ولا ايه بسلم هى اليدىن المبدعتين وهالقصة المدهشة والله العظيم قصصك هاى ما بقرأ متلا لا بلبنان ولا بغيرا تسلمى يا مصر يا ام المدعين. /انيتا جورج /من لبنان. ،تحياتى

    ردحذف
  86. ToOooooooooooooo777777777777777fa Begad agml ksaa kraThaaaa fe heatl

    ردحذف
  87. جميله اوي تجنن

    ردحذف
  88. جـــااااامدة جدا جدآآآآ
    برااافو يا استـاذة دينا
    انا قريتلك قصص كتير زى الحب على كفة ميزان - لسة بحب - آر
    بس بجججد القصة دى مختلفة خااالص .. حسيت كأنها حقيقية وكنت بفرح اووووى لما تحصل احداث حلوة
    واتفاعل جدا مع الاحداث الوحشة واقعد ادعى على حسن وعادل ههههههه
    وحسيت بروح الاخوة والصداقة وزعلانة جدااا انها خلصت
    فعلا هو دة اقوى حب

    ردحذف
  89. فعلا كل شخص له طريقته الخاصة فى التعبير عن حبه
    رائعة

    ردحذف
  90. law sm7ty ya dina kont 3awz a3rf hya elstory deh 7slt bgd wlla ktaba 3adya :D

    ردحذف
  91. kont 3awz atwasl m3 7drtek fb 3andy mawdo3 mohm :D

    ردحذف
  92. بجد كلها مشاعر صادقة وجميلة وحب الاصدقاء لبعض ده فعلا اقوى حب بجد دمعت لحبهم الجميل ده انا بتابع كل قصصك بجد انت كاتبة هايلة وكل قصصك تحفة

    ردحذف
  93. بجد كلها مشاعر صادقة وجميلة وحب الاصدقاء لبعض ده فعلا اقوى حب بجد دمعت لحبهم الجميل ده انا بتابع كل قصصك بجد انت كاتبة هايلة وكل قصصك تحفة

    ردحذف
  94. يارب تعليقى يظهر بقى

    ردحذف
  95. عنجد مكنتش بدي ياها تخلص من كتر ما هي ر9و9وعة
    ومن تقدم لتقدم دودو
    #فلسطينية

    ردحذف

قول رأيك بلاش تقرا وتقفل من سكات...ارائكم تهمنى