الأربعاء، 25 يوليو، 2012

كان حلم...الحلقة 1

الحلقة 1
ماجد خلص لبس فى اوضته... قفل الهاند باج اللى ع السرير
واخدها على كتفه وخرج من الاوضة
مامته حاطة الفطار وقاعدة مستنياه
"صباح الخير ياماما"
"صباح النور ياحبيبى... انا مستنياك تفطر معايا"
قعد ماجد..وبدأ ياكل بسرعة
"هى نشوى فين"
"نايمة... انا عارفة بنات ايه اللى تفضل صاحية طول الليل وتنام نص النهار"
باب الاوضة يتفتح...وتظهر نشوى
"سامعاكى ياماما"
ماجد"ههههههه شكلك لسه منمتيش"
نشوى وهى بتقرب من ماجد وبتاخد اللقمة اللى ف ايده وبتاكلها
"لا لسه...حسيت انى جعانة قلت افطر معاكم وبعدين انام"
الام"يالا شوفى لك يومين فى بيت ابوكى قبل ماتروحى بيتك وتشيلى المسئولية كلها لوحدك"
نشوى وهى بتاكل"لما انتى عارفة ياماما انى هشيل المسئولية دى قريب...سيبينى اشوف لى يومين"
ماجد وهو بيقوم من ع الاكل
"الحمدلله"
الام"مالك يابنى انت لحقت"
ماجد"يدوب ياماما علشان لازم اروح بدرى عندى اول تمرين الساعة 10"
الام"ربنا يوفقك يا حبيبى ويوقفلك ولاد الحلال"
نشوى"ويرزقك من وسع يااخويا يابن امى وابويا علشان تجيبلى كل اللى انا عايزاه"
الام"وهو بيأخر عنك حاجة"
ماجد"ادعى يالمضة ...بتدعيلى ولا بتدعى لنفسك"
نشوى"وانا وانت ايه مش واحد"
وحدفتله بوسة وهى قاعدة ضحك ماجد وهو بيفتح الباب وبينزل

فى بيت نغم
قاعدين بيتغدوا نغم وباباها ومامتها
نغم"عملت لى ايه يابابا فى الموضوع اللى كلمتك فيه"
الاب"موضوع ايه"
الام"يوووه انت نسيت... مش قالتلك عايزة تشتغل"
نغم"كده يابابا اخد الموضوع باستهتار...انا بجد زهقت من قعدة البيت"
الاب"وايه اللى طلعها فى دماغك يعنى ماانتى بعد مااتخرجتى قلتى عايزة تقعدى ترتاحى وتعبتى من الكلية وقرفها"
نغم"وبقالى سنة قاعدة ...كفاية بقى"
الاب"ماشى انا معنديش مانع بس مش عارف والله تشتغلى ايه"
نغم"يعنى انا خريجة تربية رياضية هشتغل ايه ياتشوفلى عقد فى مدرسة يا تشوف لى عقد فى نادى... اى حاجة وانا من ناحيتى بدور فى اعلانات الجرايد وعلى النت واللى يلاقى حاجة ياريت"
الام"ربنا يقدملك اللى فيه الخير ان شاءالله"
الاب"ان شاءالله"
الام"ايوه خليها تنزل تشوف الناس والناس يشوفوها علشان ربنا يرزقها بابن الحلال"
نغم"كل شئ بأوان ومتقلقيش النصيب هييجى هييجى"
الاب"شفتى بنتك اعقل منك والله"
الام"بقى كده...شايفنى يعنى مجنونة"
الاب"وانا اقدر ...ده انتى ست العاقلين"
الام"ايوه كده "
ضحكت نغم وهى بتبص لمامتها وباباها بحب وهى بتقول فى سرها
"ربنا يخليكوا ليا يارب ومتحرمش منكم ابدا"

ماجد رجع البيت بالليل... شاف مامته قاعدة وفاتحة  التليفزيون وهى نايمة...راح قفل التليفزيون
"ايه ياماجد قفلته ليه...انا صاحية"
"قومى ياماما دماغك مايلة وكده رقبتك هتوجعك"
"استنى احضرلك العشا"
"لا متتعبيش نفسك... انا هتصرف قومى انتى"
قامت الام دخلت اوضتها... ودخل ماجد حط الهاند باج فى اوضته
واخد منها هدوم حطها فى سبت الغسيل فى الحمام
واخد دش وخرج ...قعد قدام التليفزيون يقلب فى القنوات
بص على الساعة كانت 12... وشاف نور اوضة نشوى منور
قام خبط عليها...مردتش...سمعها بتضحك
خبط تانى... مردتش...فتح الباب بهدوء
شافها قاعدة على الكمبيوتر وحاطة السماعات فى ودنها
"طبعا مش سمعانى"
نشوى بتتكلم مع حد تانى"ثوانى وهكلمك تانى"
قامت نشوى من مكانها وقعدت جنب ماجد اللى كان قعد على السرير
"قعدت اخبط مسمعتنيش"
"ياحبيبى انت تدخل اى وقت من غير استئذان"
"كلينى يابت بكلمتين ماانا عارفك"
"ههههه لاوالله ده انت حبيبى"
"كنت حبيبك قبل مايدخل سى كريم قلبك"
"اللى فى القلب فى القلب يا مجاميجو انت اخويا حبيبى وهو يدوب بس خطيبى حبيبى جوزى باعتبار ماسيكون"
"ههههههههه لا واضح طبعا انه يدوب بس...كنتى بتكلميه صح"
"اه عايز حاجة"
"لا خلاص خدى راحتك...انا كنت عايز نتعشى مع بعض"
"عيونى ياحبيبى...اقلب كريم واجيلك"
"ههههه يخربيت ألفاظك"
قام ماجد وهو على الباب كانت نشوى بتقعد على الكمبيوتر تانى
"بقولك ايه...اقلبيه بسرعة الله يخليكى...عصافير بطنى بتستغيث"

بعد اسبوع فى بيت نغم
بعد مارجع الاب بالليل
كانت الام قاعدة قدام التليفزيون
"السلام عليكم"
قامت الام تستقبله
"وعليكم السلام... حمدالله ع السلامة... ادخل غير هدومك لحد مااحضر العشا"
"لا استنى ...فين نغم"
"فى اوضتها...عايزها ليه"
"اندهيلها وانا هتكلم مرة واحدة"
ونادت الام"يا نغغغغغغغغغم"
جت نغم من اوضتها
"نعم ياماما...حمدالله ع السلامة يابابا"
الاب"الله يسلمك...تعالى يانغم عايزك"
قعدوا كلهم
الام"خير يااسماعيل... شكل الحكاية فيها عريس"
الاب"لا يا فاطمة مش عريس... ده شغل"
ونطت نغم من مكانها وهى بتتعدل
"بجد يابابا... ها فين وهبدأ امتى"
الاب"انا من ساعة ماقلتيلى وانا مخلتش حد من معارفى الا وكلمته المهم من شوية قابلت واحد من اصحابى وقالى انه كلم رئيس مجلس ادارة نادى الفيروز يشوفلك شغل وهو قال انهم عندهم مدرب سباحة واحد بس ومحتاجين بنت علشان فيه بنات مش بيوافقوا يدربهم شاب واحنا داخلين على صيف وهيبقى فيه شغل كتير وهو لوحده مش هيقدر"
نغم"حلو اوى كده...هبدأ امتى"
الاب"بصى هو عايزك بكرة تروحى الساعة 12 للاستاذ فاروق غالب هو مستنيكى وهتتفقوا ويقولك المواعيد وكل حاجة"
الام"وهى يعنى هتروح لوحدها ماتروح معاها يااسماعيل"
الاب" وماله..استأذن من الشغل واروح معاها"
نغم"بابا معلش ممكن تسيبنى اروح لوحدى واعتمد على نفسى ...مش معقول اول يوم شغل هروح وبابا معايا"
الاب"كلام سليم...ربنا يوفقك يانغم"

تانى يوم... فى النادى
ماجد قاعد على البيسين بعد ماخلص تمرينين
جه عليه مصطفى
"صباح الفل ياماجد"
"صباح العسل يادرش...اخبارك ايه"
"تمام ..ايه انت بريك ولا ايه"
"اه بريك ساعة وعندى تمرين الساعة 1"
"طيب ماتيجى معايا انا عندى تمرين دلوقتى"
"ماشى يالا بينا"
قاموا الاتنين واتجهوا ناحية ملعب الكورة
                **********************
بعد مادخلت نغم النادى وسألت على البوابه على ا\فاروق غالب
وصف لها الامن مكتبه
لما دخلت النادى كانت ماشية على الوصف بالظبط
بس حست انها تايهه
النادى اغلبه تمارين لاطفال صغيرين لاننا فى بداية الصيف واغلب المراحل الدراسية لسه مخلصوش امتحانات

ملقيتش حد قدامها غير 2 شباب متجهين ناحية ملعب الكورة

اتجهت نغم ناحية ماجد ومصطفى علشان تسألهم

ماجد ومصطفى شايفين بنت متجهه ناحيتهم...اول مرة يشوفوها فى النادى... الاتنين وقفوا يبصوا لها وهى بتقرب منهم

هناك 33 تعليقًا:

  1. حلوة شكل نغم وماجد كده هيسكو سيكو :D

    ردحذف
  2. شكل البدايه حلوة بس عندى احساس غريب كدا يارب يكمل على خير تسلم ايدك يا دندونه ^_^

    سعاد

    ردحذف
  3. ممممممممممممم شكله اكده والله اعلم هتبقي حلوه

    ردحذف
  4. 7lwa Awiii ya Dinaa . . bgd Tslam Edeek . . Nd Na Mstanya l 7ala2a l Gaia w Shaklaha hatb2a QeSsa Gamdaa zay l Ba2e
    w 3la Fkra Na Motab3a Samta :))

    ردحذف
  5. امممممممممم يعني شغالة مقدرش احكم عليها من اول حلقة

    ردحذف
  6. حلوه بس لسه لما تكمل اقدر احكم الحكو النهائى بس بدايتها حلوه

    ردحذف
  7. بداية روعه تسلم ايدك بجد

    ردحذف
  8. بداية روعه تسلم ايدك بجد

    ردحذف
  9. بداية روعه تسلم ايدك بجد

    ردحذف
  10. بداية روعه تسلم ايدك بجد

    ردحذف
  11. بداية جميلة جداااااااااا كالعادة :)

    ردحذف
  12. وااااااااااااااااااااااااو شكلها هتبقي قصة جامدة بس بليز ابقي طولي القصص شوية تكون 30 او حاجة و30 كدة
    هولي

    ردحذف
  13. El bedaya 7elwaa awiii w shaklaha htb2a qesa tganen tslam edek ya Dina w mstnyen el 7ala2a el gaya 3la naar

    ردحذف
  14. بجد بداية جميلة يا دينا واكيد ان شاء الله هستناها كل يوم بس هى ليها مواعيد محددة بتنزل فيها ولا اية !؟!؟!!؟

    ردحذف
  15. مريوووووووووووووم25 يوليو، 2012 11:08 م

    جاااااااااااااااااااااااامدة و بداية جميلة يا دندن

    ردحذف
  16. بداااية حلوووة ويارب تكووون خير على ماجد ونغم
    وشكلهم كدا هيحبوو بعض
    بس خايفة ناخد مقلب في الاخر هههههههههههه

    ردحذف
  17. القصة جميلة اووووووي تسلم ايدك :))
    بس فين الحلقةالرابعة مش لاقيها >_<

    ردحذف
  18. حلوة اوي البداية
    didi makky

    ردحذف
  19. bedaya lazeza ya dondo :)

    ردحذف
  20. ياريت النهاية تكون جميلة ورومانسية زى البداية

    ردحذف
  21. جميييييييييييييييييييييلة

    ردحذف
  22. احب اقولك القصص اللي انتي بتكتبيها حلوه جدا وانصحك تبعتي القصص ديه لاحمد يونس هومذيع علي الراديو بيجي كل يوم اثنين واربع وخميس وجمعه بيحكي القصص الي الناس بيبعتوها يوم الاثنين قصص رعب ويوم الجمعه قصص عاديه علي فكره البرنامج اسمه علي القهوه

    ردحذف
  23. لا اعلم لماذا اكتب لكي هنا كي توصلي له هذه الرسالة
    ستتعجبي لأمري وتقولي انها مجنونة او تتسآلي لماذا انا من كتبت لها هنا والاجابة واحدة انه القدر من اتي بي الي هنا انا لا اعرفك ولا انتي تعرفيني ولا تعرفي الشخص الذي سترسلي اليه رسالتي الا من خلال موقعه لانه حجب عني ان ارسل له بعد ان بعث لي فمن خلالها ثم مسحها قائلا اني لا القي دفئ رجل بعده فهو مخظئ فالذي كان بيننا رغبة منه وسذاجة بنت ف الثالة والعشرون من عمرها ولكنها كانت بمثابة الخامسة عشر ف فهمها للحياة بكل اشكالها وقال لي ايضا انه لم يكن ذئبا بلي انه كان ذئباجائع يهجم ع فريسته عذراء النساء ومن قلائلهم الطاهرات ومازلت عذراء ولكن ..!
    نعم ولكن مااشعره اني لست كذلك لقد دمر برائتي واحتل عفتي فلا انا اشعر اني مازلت انا ولا استطع ان اتقبل مانا عليه ولا استطع ان اكذب ع رجل واتزوجه
    هذا النصاب دخل بيت من اربع سنوات به امرأة ارملة تعد من اشراف القرية وبنتها اليتيمة عفيفة النفس الطاهرة لم تعش مراهقة ولا جامعة وعندما احبت رجمت ومات حلمها قبل ان يولد ثم اتي هذا الملعون الي بيتها تسلل بكل خبث قلبها تمادي ف ظلمه لها وظل يأخذ كل مالا يحق له اضاع سنة من عمرها اضاع اشياء ليس لها ثمن غير القصاص ف الدنيا والآخرة من ربها الذي لن يتركه
    كذب ف كل شئ من شغله لشقته مر شهر واثنان وعشرة ولم يقدم ع الزواج بها اخذ منها فلوس بحجة ان نصب عليه ف شقة ولم يتبقي معه شئ وكان يخطط ان يأخذ الذهب البسيط الذي اتي به طعم لها ثم يرحل كالندل الجبان انه منذ البداية وهو ليس لديه قدرة ع الزواج جنسيا لاني قرأت بعدها ف اشياء كثيرة علمت من خلالها ان قدرته ضعيفة جدا ع هذا الشئ نعم لم يمارسه كليا ولكن وضحت سرعة خروج المنوي منه وانتي ستعلمين وتشعرين بهذا الشئ اذا قرأتي مدوناته التي تدل كم هو وضيع منحظ ف الفاظه ويدخل الجنس ف كل شئ كالمحروم سبحانك ربي حرمه كي لا يغتصب بنات المسلمين ويسلبهم كل شئ وليس معنويا مثلما حدث معي ادعو الله ان يحمي كل بنات المسلمين من امثاله
    لقد خطبت بعده مرتان ومرة قراءة فاتحة لم يمس احدهم شعرة مني ولكني لم اعد قادرة ع مواكبة الحياة لم استطع ان اكذب عليهم اريد ان ابوح حتي يسامحني احدهم ولكني اخجل ولا اعلم ماذا افعل
    اعلم ان هناك من أخطأوا اكثر مني وهم من ذهبوا اليهم ولكن انا كنت ضحية اكثر من مذنبة نعم كان يحق عليهم ان يسألوا عليه جيدا كان يحق عليهم ان لا يتروكوني وحدي معه وبالاخص اني كنت طفلة ف جسد امرأة وشيطان رجيم اسمه ماجد الجلاد
    ويذهبون ليجروا عملية صغيرة ويتزوجون وينجبون انا لست بحاجة عملية اقسم لكي اني عذراء حتي ان كنت غير ذلك ولا اعلم فيمكن انه نتج من شئ اخر او مولودة هكذا اعلم ان لا يوجد هذا ولكني ع يقين انه لم يدخل بي رجل فاتخيل اشياء يمكن ان لا تكون معقولة تسببت ف اني من الممكن ان اكن غير عذراء وهذا لا يهم صدقيني العذرية ليست مجرد غشاء لقد سلبني هذا الشيطان عذرية احساسي ومشاعري وبرائتي وعفتي فماذا بعد كل هذا
    اعلم اني ف صراع نفسي واني اريد ان اشفي وانا ع يقين ان ربي سامحني مثلما انا ع يقين بانه لن يتركه ولكن لا استطيع من نفسي ان انجو وانسي وابدء من جديد بربك مالحل
    http://teain50.blogspot.com/

    ردحذف
  24. انتى قصصك جاااااااااااامده اوى ربنا يوفقك وبدايه حلوة

    ردحذف
  25. ازاى انسخها

    ردحذف
  26. البدايه حلو

    ردحذف
  27. شكل نغم هتحب ماجد

    ردحذف

قول رأيك بلاش تقرا وتقفل من سكات...ارائكم تهمنى