الأحد، 29 يوليو 2012

كان حلم... الحلقة 4

الحلقة 4
شاور الظابط للعساكر
"اقبضوا عليه"
ماجد"ليه"
الظابط"انت متهم بقتل نغم اسماعيل فيه شاهد شاف الواقعة"
ماجد"قتل!!! هى ماتت؟؟"
الظابط"خدووووه"
هجم العساكر على ماجد وشدوه بره الباب
نشوى ومامته بيعيطوا
ماجد"مكنش قصدى... مكنش قصدى"
نشوى"ماجد... ماجد...ماجد"


نشوى"ماجد....ماجد....ماجد"
فتح ماجد عينيه ونشوى جنبه بتصحيه
ماجد"ايه... نشوى؟؟؟فى ايه"
نشوى"انت كنت بتتقلب وتقول كلام مش مفهوم...فصحيتك"
ماجد"كابوس"
مدت نشوى ايدها مسحت دمعة كانت نازلة من عين ماجد
"مالك ياماجد"
"مفيش يانشوى...كنت بحلم بس ..عادى يعنى"
نشوى بابتسامة"اول مرة تنام من غير ماتيجى ترخم عليا"
ماجد بجدية"معلش يانشوى...انا هنام"
واتدور وادالها ضهره وهو بيقولها
"تصبحى على خير"
"مش هتتعشا طيب"
"لا اتعشيت بره"
فهمت نشوى انه مش عايز يتكلم قامت قفلت النور والباب وخرجت

تانى يوم فى النادى...ماجد راح فى معاده
بدأ تدريباته وعلى الساعة 12 جه مصطفى
"صباح الخير ياماجد"
"صباح النور"
"ايه لسه عندك تمرين"
"اه... لسه ساعة كمان"
"طيب هروح التمرين بتاعى واجيلك"
"ماشى"

بعد ساعة... جه مصطفى وقعد جنب ماجد
"ايه حكايتك بقى"
"حكاية ايه"
"من امبارح وانت مش طبيعى من ساعة اللى حصل لنغم"
ورد ماجد بقلق
"مش طبيعى ازاى يعنى"
"شكلك متأثر اوى يعنى... مع انك مكنتش بتطيقها"
"صعبت عليا"
"يا واد ياحنين"
قالها مصطفى وهو بيضحك
ماجد بيبص له بغضب
"ايه ياعم ...انا بهزر معاك بتبص لى كده ليه"
"مفيش يا مصطفى مخنوق بس شوية"
"احكيلى ياصاحبى...مالك"
سكت ماجد مش عارف يحكى ولا يسكت
قاطعتهم بنت اول مرة يشوفوها
"هاى... مين كابتن ماجد"
قام ماجد وقف...
"انا ماجد"
مدت ايدها تسلم عليه
"انا يسرا ... زميلتك الجديدة"
مد ايده يسلم وهو مستغرب ان بالسرعة دى جابوا مدربة مكان نغم
مصطفى قام ومد ايده يسلم وهو مبتسم اوى
"اهلا ياكابتن نورتينا... انا مصطفى مدرب كورة هنا فى النادى"
"تشرفنا يا كابتن"
ووجهت كلامها لماجد
" ا\فاروق قالى انك هتعرفنى على مواعيد المدربة اللى قبلى وهمسك انا مجموعاتها"
"بسرعة كده لحق ا\فاروق يلاقى مدربة جديدة"
"انا مش جديدة ياكابتن...انا بدرب بقالى 3سنين وجاية هنا بترشيح من مدير النادى اللى بشتغل فيه لانى عارفة ان فيه مجموعات شغالة وغياب المدربة هيأثر على النادى هنا"
مصطفى"ايه ياكابتن انتى افشتى ليه...كابتن ماجد ميقصدش"
يسرا"ولا يقصد...انا حبيت افهمه واوضحله بس... هتقولى مواعيدها ولا ايه"
ماجد"انا معرفش... تقدرى تسألى فى السكرتارية"
"ميرسى"
مشيت يسرا وقعد ماجد ومصطفى تانى
"انت كنت غتت"
"ليه ان شاءالله"
"واحدة رقيقة كده وبتقول هاى وميرسى ترد عليها بالغلاسة دى"
"وحياة ابوك يا مصطفى سيبنى ف حالى"
جه ولد صغير بيشتغل فى النادى
"كابتن ماجد ا\فاروق عايزك"
"ماشى هطلع له اهو"
مشى الولد ... وقام ماجد
"تفتكر يسرا تبع ا\فاروق وهيوصيك عليها ولا يديك كلمتين علشان طريقتك معاها دى"
"معرفش...هطلع اشوف اهو"

فى المستشفى... نغم نايمة فى الغيبوبة
باباها ومامتها حواليها
الام قاعدة ماسكة مصحف وبتقرا وكل شوية تبص لنغم
الاب واقف شوية يكلم نغم باى كلام وكأنها سامعاه
وشوية يسكت لما يتعب من قلة الرد
جت الممرضة
"ياجماعة يالا معاد الزيارة انتهى"
الام"احنا يدوب بقالنا نص ساعة بس"
الممرضة"معلش هى الزيارة فى العناية كده ساعة فى اليوم بس"
الاب"حاضر يابنتى هنمشى اهو"

خبط ماجد على باب مكتب فاروق المفتوح
"تعالى ياماجد"
"حضرتك بعتلى"
"اه...اقعد"
قعد ماجد ... وكمل فاروق كلامه
"طبعا اللى حصل لنغم مكنش متوقع... وانت عارف ان معاد سفر المسابقة بعد بكرة ومفيش غيرك يسافر...حضر نفسك ياماجد"
"معلش ياا\فاروق انا بعتذر مش هينفع اسافر"
"مش هينفع ليه"
"فيه ظروف فى البيت تمنعنى اسيبهم...وبعدين بالنسبة للمسابقة ممكن المدربة الجديدة تروح"
"خلاص ياماجد مش مهم... اكيد يسرا هتوافق تروح"
"تؤمرنى بأى حاجة"
"لا شكرا"
قام ماجد يمشى وهو نازل من المكتب كان بيفكر
"انا ازاى رفضت الفرصة اللى مستنيها... بالعكس مكنش ينفع غير انى ارفض...دى اقل حاجة ممكن اعملها تخفف عذاب ضميرى... انا كده اتصرفت صح...ونشوى وجوازها؟؟؟ اعمل ايه واقولهم ايه؟؟ يارب حلها من عندك وسامحنى على اللى عملته ف نغم"

ماجد بعد ماخلص شغل فى النادى... مشى لحد المستشفى
لما وصل المستشفى دخل زى اليوم اللى قبله
وقابل نفس الممرض فى الدور اللى فيه نغم
وكلمه وهو بيحط فى جيبه ال20 جنيه
"مساء الفل ... اخبار نغم ايه"
"زى ماهى يا استاذ"
"ممكن ابص عليها"
"بس .."
"دقيقتين مش اكتر"
"ماشى يا باشا... اتفضل"
دخل ماجد ووقف الممرض بره
بص ماجد على نغم وهى نايمة
دموعه نزلت غصب عنه... قرب منها
مفيش صوت غير صوت الاجهزة
بصوت واطى ومسموع بدأ يكلمها
"سامحينى يانغم... والله ماكنت اقصد كل كده... انا اسف"

دخل ماجد البيت بالليل...لقى نشوى قاعدة بتعيط ومامتها جنبها
"السلام عليكم...ايه مالها نشوى"
الام"مفيش هى مكبرة الموضوع اوى"
نشوى بعصبية"متقوليش مكبرة الموضوع ...هو الموضوع كبير فعلا"
ماجد"مالك يانشوى ...كريم زعلك"
الام"ابدا ده حتى عايز يرضيها ومش عارف"
نشوى"انا هحكيلك واحك بالحق"
ماجد"احكى"
نشوى"النهاردة كان معادنا مع النجار اللى بيعمل اوضة النوم...روحنا لقيت منظر تانى خالص غير اللى كنا مختارينه"
ماجد"وحش يعنى"
نشوى"وحش اوى ياماجد عارف لما تختار حاجة وتلاقى العكس"
ماجد"وبعدين"
نشوى"اتخانقنا مع الراجل وقلناله مش عايزين الاوضة... وانت عارف ان كريم دفع جزء كبير من تمنها"
ماجد"المشكلة فين بقى"
نشوى"قلت لكريم مش عايزة القرف ده قالى طيب ولما طلب الفلوس من الراجل قاله هديلك الفلوس على شهرين... وكريم مصمم نعمل اوضة تانية عمولة وانا عايزة اوضة جاهزة"
ماجد"ووصلتوا لايه"
الام"وصلوا ان كل واحد فيهم مصمم على رأيه واتخانقوا وكريم نزل من هنا زعلان"
ماجد"كل حاجة بالهداوة يانشوى... انا هتكلم مع كريم"
نشوى"لا لاحسن يفتكر انى انا اللى قلتلك تتكلم"
الام"مينفعش العِند ده يانشوى ... ده انتوا حاجزين الشهر الجاى"
نشوى"انتى ياماما مسمعتيش قعد يزعق ازاى ويقولى انى عندية"
ماجد"هنستنى لبكرة لو متصلش بيكى هكلمه ونشوف الحل ايه"
الام"وانت ياماجد..احنا مجبناش حاجة من اللى قلتلك عليها وانت مدتنيش فلوس زى ماوعدتنى"
ماجد"حاضر ياماما ...هتصرف ان شاءالله"
رن تليفون البيت... قام ماجد يرد
"الو...ازيك ياكريم... كنت لسه فى سيرتك ياراجل... مزعل عروستك ليه؟... اتكلم وانا سامعك... ومقلتش ليه على طول هو احنا اغراب يعنى... لا طبعا متحملش نفسك فوق طاقتك... ماشى ياكريم... اه اهى هندهالك"
وشاور ماجد لنشوى انها تتكلم... اخدت نشوى التليفون ودخلت اوضتها
الام"ايه ياماجد ...قالك ايه"
ماجد"بيقول انه هيعملها اللى هى عايزاه بس هو الفلوس مقصرة معاه شوية وبيقول لو نأجل 3 شهور كمان ويتجوزوا على السنة الجديدة"
الام"هو بيتحجج ولا ايه... هو كان كلام عيال"
ماجد"مامااا... انا كمان مش معايا فلوس اكمل جهاز نشوى علشان كده انا حاسس بيه وحكاية التأجيل دى هتنفعنى انى الحق اتصرف واكملها اللى ناقصها"
الام"ياحبيبى يابنى ومقلتليش ليه"
ماجد"مكنتش عايز اكسر بخاطرها"
الام"ربنا يجبر بخاطرك ياماجد ويفتح لك ابواب الرزق يارب"

على مدى اسبوع... ماجد بيروح المستشفى لنغم يوميا
يسأل عليها الممرض اللى عرفه وبقى ياخد الفلوس ويدخله دقيقتين
وكل يوم ماجد يقولها نفس الجملة وهو حاسس بعذاب الضمير
اليوم ده وبعد اسبوع
وقف ماجد... وقالها
"نفسى تقومى بالسلامة... نفسى اكَفر عن غلطتى واعملك اى حاجة.. انا مش عارف ممكن اعمل ايه بس على الاقل ترجعى لطبيعتك تانى... انا مبنامش وصرتك وانتى نايمة كده مش بتفارقنى... قومى يانغم وارجعى لطبيعتك"
كان بيتكلم بتأثر شديد...نزلت دمعة من عينه على ايدها
جه يمسح الدمعة من على ايدها
شافها بتحرك ايدها... انتفض بفرحة
"نغم... نغم"
جفونها بتتحرك وهى مغمضة... وفتحت عينيها ببطء

هناك 17 تعليقًا:

  1. 7elwa awy awy awy
    teslam edek

    ردحذف
  2. جاااامده اووووووي يا دندون بس يا ريت تطوليها شويه انا خلصتها بسرعه اوي ومستنيه الحلقه اللي جايه على ناااااااااااااار

    ردحذف
  3. دندن الحلقة ديه جامدة جدااااااااااااا و جيملة بس فعلا قصيرة اووووووووي انت مبدعة اوووووووي انا بجد بجد معجبة بحضرتك اوووووووي في انتظار الجديد بفارغ الصبر يا دندن بس بليز تكون طويلة بقااااااااااا

    ردحذف
  4. هيييييييييييييييييييييييييييييييييييييييييييييييييييه

    ردحذف
  5. اللــــــــــــــــــــه جميلة جميلة قوووووووووووي بجد
    دودو

    ردحذف
  6. اخيررررررررررراً .. بجد الحلقة حلووووووة اوي يا دينا

    ردحذف
  7. الله هو ده الكلام
    didi makky

    ردحذف
  8. جامده جدا بس الحلقه قصيره

    ردحذف
  9. حلوة اوى

    ردحذف
  10. El 7ala2a gaaamda awi el naharda kal 3ada ya Dina bas kant 2osayara awiii

    ردحذف
  11. To7fa ya Dina bgd
    Na Muntazra 7ala2et bukra w ya ret tege bsur3aaa
    Bgd Tslam edek :)

    Menna

    ردحذف
  12. 7lwa awiiii :)

    ردحذف
  13. Aiwaaaaa b2aaaaa :D
    7lw aweee ya DanDan , chaklo 7abaha w howa tayb aweee :)
    isA htb2a Kowaysa w tQom Bl slama ^__^
    Tslamy ya Dinaaa Montazra elly ba3Daha b Faaaaaaaaaaaar3' ek saabr :D

    ردحذف
  14. ثقافة الهزيمة.. ناس هايصة و ناس لايصة.

    قال المحامى "خالد على" رئيس المركزي المصري للحقوق الأقتصادية والاجتماعية، في ندوة عقدت في معرض القاهرة الدولي للكتاب، أن راتب المشير حسين طنطاوي، 3 ملايين جنيه، الفريق سامي عنان يتقاضى 2 مليون جنيه شهريا. متسائلاً: "كيف نتكلم عن الثورة والعدالة الاجتماعية وسط هذا الواقع؟"...باقى المقال بالرابط التالى

    www.ouregypt.us

    و نشرت جريدة المصرى اليوم فى 3 يوليو 2012 ذكرت مصادر مقربة من د. محمد مرسى، رئيس الجمهورية، أن الحكومة الجديدة المقرر تقليص عدد وزاراتها إلى 28 بدلاً من 32، بينما فى ألمانيا حوالى 82 مليون نسمة لا يتجاوز عدد الوزراء 14 وزيرا بالأضافة لمنصب المستشار الألمانى...

    ردحذف
  15. fazy3a ya dondon .. n!ce bgd :)

    ردحذف
  16. 7lwa awiiiiiiiii

    ردحذف

قول رأيك بلاش تقرا وتقفل من سكات...ارائكم تهمنى