الثلاثاء، 30 أكتوبر 2012

لسه بحب... الحلقة 17

الحلقة 17
"كل تصرفاتى بتقولك انى بحبك... انى بحبك... انى بحبك"
كلمة انجى فضلت تتردد ف ودان محمد وهو قاعد لوحده بعد ما مشيت
"بتحبنى؟؟ هو انا متفاجئ ولا مستغرب ولا مكنتش متخيل انها هتقول؟؟"
"طيب وانا؟؟معقول اكون بحبها... لو مبحبهاش ايه اللى ضايقنى لما قابلت زفت ده... غيرة ؟؟ يمكن... هو فيه غيرة من غير حب؟؟ لو بحبها يبقى انا كده نسيت اميرة... اه ..اكيد نسيت اميرة زى ما نستنى... الحمدلله انى قدرت انساها وابدأ من جديد... "
حس بإيد بتخبط على كتفه
"محمممد"
التفت على الصوت
"اهلا يا دكتورة اتفضلى"
قعدت نجوى وهى بتتلفت حواليها
"اومال انجى فين"
"مشيت"
باستغراب
"مشيت!!! ليه"
"انا هحكى لحضرتك كل اللى حصل بالتفصيل"
وبعد ما حكى محمد لنجوى اللى حصل
"ها ...رأى حضرتك ايه"
"فى ايه؟؟ انت اللى رأيك ايه"
"مش عارف"
"خلاص يا محمد لما تبقى تعرف تبقى تسألنى... انا هروح البيت لان زمانها متضايقة..علشان كده لما كلمتها كان تليفونها مقفول"
محمد كان ساكت تماما... مش عارف يفكر ولا ياخد قرار

اول ما دخلت نجوى البيت...دخلت لانجى اوضتها
"ماما... اسفة انى مكلمتكيش"
"ولا يهمك يا حبيبتى...انا روحت النادى ومحمد حكى لى اللى حصل"
"شفتى يا ماما... انا مبقيتش عارفة اتعامل معاه ازاى... بيعاملنى على انه بيحبنى ومبيقولهاش مش عارفة اعمل ايه"
"كويس اللى حصل النهاردة ده حصل وكويس انك رديتى عليه كده"
"وبعدين"
"لو بيحبك فعلا هياخد خطوة ...انا مش عارفة واحد زيه ايه اللى مخليه واقف مكانه كده مش بيتحرك... انتى بطلى تخرجى معاه وخلى كلامك معاه ف الشغل بس علشان لو مبيحبكيش متفضليش متعلقة بيه وهو اخدك تسلية"
"تسلية؟؟"
"مش لاقية تفسير تانى... انا اه بحب محمد بس مش اكتر منك انتى ولازم تحافظى على مشاعرك ومتهدرش ف حب من طرف واحد"
ردت انجى باقتناع
"معاكى حق"

طول اليوم والليل ومحمد بيفكر
تانى يوم ف الشغل انجى بتشتغل ومش بتروح مكتب محمد... بتبعتله اى شغل مع حد من المحاسبين
قبل معاد انتهاء اليوم...راح لها محمد
"انتى مخاصمانى ولا ايه"
انجى وهى بتتجنب تبص له
"لأ هخاصمك ليه"
"طيب متغيرة معايا ليه"
"مش متغيرة انا كنت غلطانة وبصحح الغلط ده"
"غلطانة ف ايه"
"محمد ...متهيألى امبارح اتكلمنا ومفيش داعى نعيد الكلام وخصوصا اننا هنا ف الشغل"
"طيب بعد الشغل نتكلم"
"معنديش حاجة اقولها بعد اللى قلته امبارح"
"بس انا عندى"
بصت له انجى بتساؤل
"هاجى لكم البيت بالليل ...كلمى الدكتورة وقوليلها اجى الساعة كام بالظبط"
خرج محمد من المكتب... وانجى مش فاهمة قصده
بتبص عليه وهو خارج خايفة تفرح تكون فهمت غلط

اميرة رجعت من بره
معاها شنط كتير ودخلت على اوضتها
دخلت وراها سلمى
"ايه كل الحاجات دى"
"ماما فين"
"بره"
"طيب تعالى اتفرجى"
بدأت اميرة تتطلع حاجات من الشنط
"بصى ايه رأيك ف البدلة دى"
"حلوة اوى...لمين"
"لمحمد... بصى كمان... طقن الاقلام ده...حلو صح؟؟"
سلمى ساكتة بتتفرج بس
"وبصى... الميدالية دى عملتها عمولة عليها حرف اسمى واسمه متداخلين ...ايه رأيك شكلها حلو صح؟؟"
سلمى بتهز راسها وهى مستغربة الحماس اللى فيه اميرة
"انا كمان روحت اتفرج على الدبل بس خفت اجيب هو يزعل"
ردت سلمى كأنها بتصحيها من حلمها
"امييييييرة"
"ايه"
"هو محمد فين"
"معرفش... بس اكيد هعرف"
"انتى مش خايفة تكون السنين غيرته"
"قصدك على مقاس البدلة...معتقدش هيكون اتغير كتير"
"لا انا خايفة تكونى فى وادى وهو ف وادى تانى"
"لا انا عارفة انه لسه بيحبنى زى ما بحبه... لو كان قدر ينسانى مكنش راح لخوخة يسأل عليا"
"الكلام ده من 4 شهور"
"يعنى هو هيفضل فاكرنى 3 سنين وهينسانى ف ال4 شهور دول"
"وهتوصلى له ازاى"
"من المدرسة طبعا"

فى نفس الوقت ...محمد عند انجى ف البيت
التلاتة قاعدين... انجى ونجوى مش عارفين سبب الزيارة
بدأ محمد الكلام
"انا اسف يا انجى على اللى حصل منى امبارح... انا غيرت عليكى لما لقيتك بتتعاملى مع الولد ده كده"
مع كلمة غيرة...نجوى وانجى بصوا لبعض
"انا اترددت كتير قبل ما اتكلم معاكم...انا هقولكم كل حاجة بصراحة... انا من كام سنة اتقدمت لبنت اترفضت بسبب ظروفى ... خايف يتكرر اللى حصل ده تانى لو اتقدمت لانجى...انا عارف ان باباها اكيد مش هيوافق على واحد لسه ف بداية حياته زيي"
انجى"ومين قالك ان بابا بيتدخل ف قراراتى"
نجوى"غلطان يامحمد انك تقعد تفكر وتستنتج كده لوحدك"
محمد"يعنى لو اتقدمت لانجى مش هترفض"
نجوى"لو... ولا بتتقدم فعلا"
اتردد محمد لحظات ورد وهو محرج وبيبص ف الارض
"بتقدم فعلا"
انجى حست انها مش مصدقة اللى بتسمعه
عايزة تتنطط م الفرحة... نجوى فرحانة لفرحتها
نجوى"خلاص يا محمد انا هتكلم مع باباها وارد عليك"
محمد"طبعا... بصى حضرتك انا من سنة كده قدمت على شقة وبدفع اقساطها من ارباح الشركة... وربنا يقدرنى وافرشها كويس ان شاءالله"
نجوى"يامحمد الماديات دى اخر حاجة هنتكلم فيها... اهم حاجة انتم الاتنين"
محمد"معلش علشان تبقى كل حاجة واضحة وحضرتك بتقولى لباباها... والشبكة برضه مش هتكون قليلة"
انجى"مش مهم كل الحاجات دى... المهم اننا هنبقى مع بعض"
محمد بيبص لانجى... فرحان بالردود اللى بيسمعها
فرحان انه هيبدأ من جديد ومع ناس بترحب بيه مش رفضاه

اميرة بتقفل الشنط
علاء"يالا يا اميرة... خلصتى ولا لسه"
اميرة"خلاص يابابا اهو"
اخد علاء شنطتين واميرة شنطة
                        *****************
اميرة ف العربية...بتتصل بانجى
"الو... ازيك يا جيجى... احنا رايحين المطار اهو... مبروووووك بسرعة كده قريتو الفاتحة... الخطوبة امتى؟؟وقت ما تحددوا ... كويس انى هحضر اكيد... عملتى ايه ف موضوع الشغل... حلو اوى يعنى اعتبر شغلى موجود... بكرة هجيلك واجيبلك الورق... على تليفون اكيد... مع السلامة"

انجى داخلة المكتب عند محمد
"حبيبى حبيبى حبيبى"
"ايه يا انجى... مالك"
"ايمى صاحبتى جاية بكرة تقدم ورقها هنا"
"ماشى يا بتاعة الواسطة انتى... انتى جيتى بالواسطة وكمان صاحبتك جايباها بالواسطة"
"بلاش غلاسة فاكر لما قلتلى واسطة اول يوم جيت هنا... اتغاظت منك اوى اوعى تغلس عليها كده"
"وانا اغلس عليها ليه هو انا اعرفها"
"يارب تلاقى اللى بتدور عليه"
"بتدور على ايه"
"بص يا سيدى ... كانت بتحب واحد اوى اوى واتفرقوا سنين وجاية تدور عليه"
"قلبها ابيض صاحبتك دى... قليل اوى اللى زيها"
"قليل اه...بس فيه"
قامت انجى
"هروح مكتبى اخلص شغل ورايا قبل ما تيجى"
خرجت انجى من المكتب
                 ***********************
اميرة وصلت مبنى المجموعة...سألت الامن عن مكتب انجى
اميرة طلعت حسب الوصف... وصلت للدور اللى فيه انجى
قابلها ساعى
"لو سمحت فين انجى عبد الله"
"حضرتك المكتب المفتوح اللى هناك ده...اللى بعده على طول"
مشيت اميرة مع الوصف

محمد قاعد فى مكتبه... بيريح ضهره لورا من التعب
لمح اميرة معدية من المكتب اللى قدامه
"اميرة؟؟؟؟اكيد واحدة شبهها"
قام بسرعة من ع المكتب... راح نفس الاتجاه اللى مشيت فيه اميرة

انجى ف مكتبها...دخلت عليها اميرة
"جييييييييييجى"
"اييييييييييييمى"
قامت انجى ... الاتنين بيسلموا على بعض وحاضنين بعض
اميرة ضهرها للباب... انجى وشها للباب شافت محمد داخل
"محممد...تعالى"
التفتت اميرة .... شافت محمد....قلبها وقف
محمد شاف اميرة بتلتفت.... اتجمد مكانه
انجى"تعالى اعرفك على اختى وحبيبتى ايمى... محمد خطيبى"
محمد بيقرب بخطوات بطيئة
اميرة ثابتة ف مكانها
الاف الاسئلة بتدور فى دماغهم هما الاتنين
محمد بيمد ايده يسلم على اميرة... اميرة بتسلم عليه
عينيهم متقابلة وكلها عتاب... سحبت اميرة ايدها بسرعة
انجى"اقعدوا ... انتوا هتفضلوا واقفين"
قعدت اميرة وهى كل اللى بتفكر فيه تسيطر على ردود افعالها علشان انجى
قعد محمد قدامها واول حاجة اختلس نظرة لايدين اميرة ..اليمين والشمال علشان يتأكد ان مفيهاش دبلة
انجى فرحانة برجوع اميرة... قامت من مكانها
"هااا... تشربى ايه"
اميرة"لا ولا حاجة... انا هقوم علشان ورايا مشوار مهم... انتى محتاجانة ولا كفاية الورق"
محمد بيحاول يبعد نظراته عن اميرة
انجى"ااااه رايحة المدرسة تسألى عنه...خلاص روحى انتى علشان تلحقى وهبقى اقولك هتستلمى امتى"
محمد فهم ان اميرة كانت مخططة تسأل عنه ف المدرسة
عايز يتكلم معاها وخاف على العلاقة اللى بين انجى واميرة
سكت... اميرة سلمت على انجى...بتتجنب تسلم علي محمد
"هستأذن انا.... سلام يا جيجى"
خرجت اميرة... انجى بتوصلها لحد باب المكتب
"كلمينى عرفينى عملتى ايه لما تقابليه"
ابتسمت اميرة ابتسامة مصطنعة وهى بتهز راسها
مشيت اميرة ف الطرقة.... ضهرها للمكتب سابت دموعها المكتومة تنزل وهى بتحمد ربنا انها قدرت تمسكها نفسها قدام انجى
محمد وانجى واقفين جنب بعض بيبصوا عليها وهى ماشية
انجى فرحانة برجوعها...ومحمد بيقتله الندم

هناك 42 تعليقًا:

  1. برضه لسه مافات الاوان انجي اكيد حتعرف عاجلا ام اجلا وحتتنازل

    ردحذف
  2. قصييييييييييييييرة يا جماعة اوى
    حلقة زى دى المفروض ينزل وراها تلت اربع حلقات عشان التشويق ف الاحداث :)

    ردحذف
  3. بجد بجد تسلم ايدك يادندونه

    ردحذف
  4. تحفة بجد

    ردحذف
  5. يا قلبى-- يا حبييتى يا اميره ليه الحزن ده بس يا دينا ده انا بعيط عياط على المشهد --بس مش متخيله ان ده اللقاء ازاى بعد كل المده دى اميره ومحمد مسكوا نفسهم من نظرات الشوق والامل والحب والحنين والعتاب والدهشه والندم ومبانش عليهم اهىء اهىء اهىء

    ردحذف
  6. حراااااااااااااااام

    ردحذف
  7. اخس عليكى يا دينا بجد خلتينى اعيط :( .... جباااااااره يا دينا

    ردحذف
  8. الحلقة رووووووووووووووووووووووووعة وبجد نفسي اقرى الحلقة اللي بعدها بسرعة قووووووووووي

    ردحذف
  9. انجي صعبانة عليا اوي مش متعاطفه مع اميره ولا محمد لأن بايديهم كانوا يتمسكوا ببعض

    ردحذف
  10. انجي صعبانة عليا اوي مش متعاطفه مع اميره ولا محمد لأن بايديهم كانوا يتمسكوا ببعض

    ردحذف
  11. ياااااااااااااااااااااااه على المفاجاة الله يكون فى عونها بس راى يحكي محمد لانجى كل حاجة ويرجع لاميرة دى حب سنين

    ردحذف
  12. بع الفرحة الى كانت فيها والدبلة وكل حاجة انهدت لما شافتة وعرفت انه خطيب صديقة عمرها بس هى الحياة ساعات كدة وبجد قصة حلوة وجو الاثارة دة بيجننى علشان استنا ليوم تانى علشان اعرف الى حصل

    ردحذف
  13. قلبي اتوجع اوووووووووووووووووي

    ردحذف
  14. يلهوووووووووووووووووووووووووووووووووى انا من اول ما ايمى طلعت المجموعه وانا قلبى عمال يدق جااااامد اوى من الى هيجرالها ياعييييييينى :( انا دمعت وربنا :( جميله اوووووووى بجد ربنا يستر من الى جاى مع انى متفائله مش عارفه ليه




    مايســه

    ردحذف
  15. والله انتي حد جاااااااااااااااااااااااااااااامد جديييييييييييييي آآآآآآآآآخر حاجة ربنايحميكي

    ردحذف
  16. استاااااااااااااااااذة جامدة جدا الحلقة دية

    ردحذف
  17. جامدة اوى يادندونة بجد تسلمى

    yasmeen

    ردحذف
  18. to7faaaaaa bgd ya dondon

    ردحذف
  19. ايه ده يا دينا انا هعيط والله
    بيبو

    ردحذف
  20. دندون تسلم ايداكى يا قمر طول عمرك معودانا على التشويق والاثارة بجد احلى مشاهد كانت فى حلقة النهاردة على الرغم من انها كانت محزنة وحسيت اوى بشعور اميرة فيها مع انى محبتش قبل كده بس كلامك كان مؤثراوىىىىىىىىىىى
    اية

    ردحذف
  21. to7faaaaaaaaaaaaaaaaaaaaaaaaaa bgad bs leh 5ality m7amed ytadem lengy 3ala ela2al kan 7yb2a fy kalam bs msh ertbat rasmy

    ردحذف
  22. انا صعبان عليا انجى اووووووووووى
    بس مامتها هتكون معاها ياحبيبتى ياانجى
    وياريت بقى محمد واميرة يحكولها صراحة ومش يخدعوها

    DODY

    ردحذف
  23. يالهووووووووووووووووووى بجد انا دمع من كر المشه
    بجد حاجةصعبة اوى اوى
    سلم ايك

    amira slama

    ردحذف
  24. انا مش متعاطفة مع اميرة هى لو بتحب محمد فعلا كانت اتمسكت بى ومش سابته او على الاقل كانت يتفقوا انها تستناه لحد مايكون نفسه وكانت عرفوا اخبار بعض ومكنتش اتخطبت لحد اشمعنا عملت الى عملته ده دلوقتى
    ونفترض انها مكنتش عملت كده كانت هتفضل تبعد عنه ومش هترجع انا مش معاها وربنا مايكتب علينا

    ردحذف
  25. دندووووووووووووووون حراااااااااااااام عليكى بجد انا صعبان عليا اميرة ومحمد اوى وكمان انجى ملهاش ذنب نزلى 3 او حلقات كدا ايه الى حيحصل بقااااااااااا

    ردحذف
  26. كان ايدي ع قلبي وانا بقرب لحظه اللقاء وبسرع في القرايه المشهد روووووووعه بل اكثر من دلك تسلميييييييييييييييي يا مبدعه

    ردحذف
  27. حرااااااااااااااااااااااااااام بجد انا عيطت كتير ربنا مايكتب الفراق ع حد وبالطريقة دى

    ردحذف
  28. حررررررررررررررررررررررررررررررررررررررررررام

    ردحذف
  29. انا كنت عارفة ان ده هيحصل بس لما قربت تعببببببببببت انا هعيط خلاااااااص
    دودو

    ردحذف
  30. جااااااااامده اوووووى يا دينا الحمدلله انهم اتقابلوا يارب يرجعوا لبعض

    ردحذف
  31. فرحااااااااانة جداااااا انهم اتقابلووو واتأكد انوو كان ظالم اميرة

    ردحذف
  32. انتى اكتر من رائعه يادينا

    ردحذف
  33. بجد تسلم ايديكي حلقة تجنن حلوه اووووي بجد

    ردحذف
  34. ana 3ayzz el7l2a ely b3dhaa plzz ana esraa hamam 3ala fkraa

    ردحذف
  35. 7araaaaaaaaaam keda etsrafy w rag3ehom l ba3d :(

    ردحذف
  36. جامدة اوى الحلقه ديه يا دينا بجد مالهاش حل

    ردحذف
  37. قوية جدااااا جدااااااااا الحلقة دى شوقتينى اكتر اعرف ايه اللى هيحصل

    ddy dody

    ردحذف
  38. 2lby wg3nyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy

    ردحذف
  39. Omg!! 5atira ya mrs Dina, msh adra astana el 7ala2a el gaya

    ردحذف
  40. ليه الدنيا وحشة كده

    ردحذف
  41. اللى يحصل ده كتييييييييييييييييييييييييييييييييييييير :(

    ردحذف
  42. احب اقول لمحمد ده كل البنات بتحبك كل البنات حلوين طبعا ياسيدى يابختك وانت اللى زيك مين ههههههههههههههههههههههههههههههه

    ردحذف

قول رأيك بلاش تقرا وتقفل من سكات...ارائكم تهمنى