الثلاثاء، 6 نوفمبر، 2012

البيت القديم... الحلقة 1

الحلقة 1
سهام بتلبس فى اوضتها
دخلت مامتها
"ابوكى عايزك"
"معلش ياماما متأخرة ع الشغل"
"انتى امبارح رجعتى متأخرة برضه وقلتيله نتكلم الصبح"
سهام بضيق
"الكلام اللى هيقوله عارفاه وردى هو عارفه... ايه لازمته بقى حرق الدم ع الصبح"
"المرة دى مصمم على رأيه يا سهام...وبصراحة معاه حق"
"هو فين"
"بيشرب الشاى ف البلكونة"
"ماشى...هخلص لبس واشوفه عايز ايه"

باباها قاعد ف البلكونة ... وماسك الجورنال وكوباية الشاى على سور البلكونة
سهام جاية وبتحاول تبتسم علشان تخفف حدتها...وحدته المتوقعة
"صباح الخير يا حجوج"
"يومين بتتهربى منى ليه"
"ماانت عارف يا حاج الشغل وبرجع هلكانه"
"وسى معتز... ايه اخر اخباره"
"كويس الحمدلله... هستأذن انا بقى "
"استنى هنا...هو انا بسأل عليه حبا ف اهله"
"الله يرحمهم... طيب عايزنى ف ايه يا بابا ...انا بجد هتأخر كده"
"عايزُه هو... الكلام معدش ينفع معاكى"
"بابا... انت عارف ظروفه هو بيشتغل وبيعمل اللى عليه"
الاب وهو بيزعق
"4 سنين ... بيشتغل ايه وراكنك جنبه بدبلة"
"معلش بكرة ربنا هيفرجها"
"قسما بالله لو ما جه النهاردة يدينى كلمة وفضلتوا تماطلوا فيا كده لاقعدك ف البيت غصب عنك ولا شغل ولا خروج"
"الا شغلى يابابا"
قالتها ودخلت من البلكونة
قام دخل وراها وهو بيكمل زعيقه
"اهو انا حلفت ...ودينى احبسك ف البيت...انتى فاكرة علشان يعنى صحفية هتكبرى عليا...لا يا ماما طول ما انتى ف بيتى كلمتى هتتسمع ورايي هو اللى هيمشى"
شافت مامتها بتلم الفطار
"مش قلتلك عارفة هيقولى ايه"
الام"ابوكى معاه حق"
الاب"اتحامى فيها ... كلمة واحدة لو مجاش النهاردة مش هتشوفى الشارع تانى ...كل مرة اتكلم معاه يلف لك من ورايا ويأثر عليكى ... يبقى يورينى هيعمل ايه"
فتحت سهام الباب وخرجت وهى سامعة صوت باباها لسه بيزعق

سهام داخلة مكتبها ف الجورنال
"صباح الخير"
ميرنا زميلتها ف المكتب
"صباح النور... ايه يا بنتى مالك"
"مفيش ...حاجة تقرف ع الصبح"
"ايه بس اللى حصل"
"مفيش يا ميرنا خلاص بقى"
"خلاص خلاص انتى حرة... انا رايحة مشوار"
"طيب"
قعدت تنفخ وتخبط ع المكتب بزهق
دخل حمدى مكتبها
"صباح الخير يا قمر"
"اهلا"
"ايه مالك شكلك اخدة قلمين"
"حمممدى انا على اخرى ومش ناقصاك"
جر كرسى وقعد قدامها... طلع علبه سجايره
"ماتجيب سيجارة"
رد وهو بيناولها سيجارة
"الموضوع كبير ...ايه مالك"
"بابا"
"قافش على معتز"
هزت راسها وهى بتنفخ دخان سيجارتها
وسألها حمدى
"وانتى ايه دماغك"
بصت له ودورت وشها بعيد عنه
"متمسكة بيه طبعا...هو بيحبنى وانا بحبه"
"بس مش شايفة ان باباكى معذور"
"ومعتز كمان معذور...هيعمل ايه يعنى بيشتغل وبيحوش علشان نتجوز"
"بيشتغل وبيحوش... يا بنتى ده معملش اى حاجة طول السنين اللى فاتت دى... انا عارف انه لسانه الحلو وقلبك اللى بيحبه بيخلوكى تضعفى بس لو مشدتيش مش هيعمل حاجة"
سهام بتبص له وبتفكر
"جربى كده بينى له انك ممكن تستغنى عنه وشوفى هيعمل ايه"
"هو ف ايده ايه يعمله"
"بدل ما بيشتغل شغلانة واحدة يشتغل اتنين...بدل ما بيحرق له علبتين تلاتة سجاير يحرق واحدة ...بدل ما بيتشيك ويلبس ويتمنظر يشيل شوية وان شالله يأجر شقة وتتجوزوا "
"عارف يا حمدى... يمكن لو بابا وماما اتكلموا معايا زى ماانت بتكلمنى كده كنت فكرت...انما الامر والنهى بتاعهم ده مبحبوش"
"يا ستى انا زى بابا برضه"
ضحكت سهام
"لا والله... بابا ودفعتى ف الكلية ...حلوة دى"
"الحمدلله انك ضحكتى... بس بقولك ايه لما تكلمى معتز مش عايز حنية وسهوكة... عايز ابوكى هو اللى بيتكلم"
"ماشى... فين الصور"
ومد ايده بفلاشة
"اهى كلها هنا... انا ورايا شغل مع محمود عزام عايزانى ف حاجة النهاردة"
"لا النهاردة مفيش...بس فيه موضوع كده هعمله كمان كام يوم...عايزة اسد معايا"
"اروح اجيبلك اسد من جنينة الحيوانات عيونى"
"مبهزرش...الموضوع عايز قلب حديد"
"وانا ماليش ف الحديد...مفيش مرة تقوليلى هنعمل موضوع مع رقاصة ولا فى فرح شعبى ولا حتى فى بيت دعارة"
"لم نفسك يا حمدى... وانت اللى هتكون معايا ف الموضوع الجديد"
"عن ايه طيب؟؟"
"هجمع معلوماتى واقولك"
"حاسس انك مش عايزة تقوليلى علشان تفاجئينى"
"حافظنى انت...يالا روح بقى خلينى اكلم معتز واشتغل"

سهام ومعتز ماشيين مع بعض ف الشارع
"هوصلك واخلع انا"
"لا يا معتز...تعالى كلم بابا"
"اتصرفى انتى زى كل مرة"
"مليش دعوة ... المرة دى بابا حلف عليا لو انت مجيتش واتكلمتوا مع بعض انه هيحبسنى ف البيت"
"ابوكى ده بؤ وكل مرة ينزل على مفيش"
"احترم نفسك يامعتز... بص بقى لو مجيتش معايا واحترمت كلام بابا انا مش هعرفك تانى"
مشيت وسابته جرى وراها
"خلاص يا حبيبتى...انا جاى معاكى وربنا يستر"

فى البيت...سهام قاعدة ومامتها وباباها ومعتز
معتز قاعد يفرك ايديه من التوتر ويبتسم لحماه... وهو مكشر
سهام بتبص لمامتها وباباها... ومعتز... وترجع تبص ف الارض
الاب" اححححم اححححم"
انتبهوا كلهم للكحة اللى افتكروا بعدها كلام... بس سكت
معتز بيسأل سهام بعينيه.... سهام ترد انها مش عارفة ليه السكوت ده بعينيها
الاب"هااا مش عايز تقول حاجة"
معتز"حضرتك اللى عايزنى"
الاب"يعنى مش عارف عايزك ليه"
معتز"ليه؟؟"
الاب"انت هتفضل معلق البنت كده وداخل طالع نازل خارج معاها"
معتز"مش انا خطيبها وعادى لما نخرج مع بعض يعنى"
الاب"وهتفضلوا مخطوبين طول العمر"
معتز"اكيد ربنا هيفرجها"
الاب"امتى"
سهام"يابابا.."
الاب"ششششش... انا بكلمه هو"
معتز"يعنى ياعمى اصبر عليا شوية بس"
الاب"قد ايه 4 سنين كمان... 8 ...10؟؟"
معتز"قولى حاجة يا سهام"
الاب"هى هتقول ايه... بقولك ايه انت عملت ايه طول ال4 سنين اللى فاتوا"
معتز سكت ومردش
الاب"هاتى الدبلة دى"
سهام"يا بابا"
الاب متنرفز
"بقولك هاتيها... لما تبقى مستعد تتجوز ابقى تعالى...غير كده معنديش بنات للجواز... وانتى هاتى المصحف ده احلفى قدامى وقدامه ما هتكلميه ولا هيكلمك من ورايا"
سهام قاعدة مكانها وبتبص لمعتز
زعق باباها
"اقلعى الدبلة وهاتى المصحف"

تانى يوم فى الشغل...سهام قاعدة مع حمدى...وميرنا على مكتبها
"وبعدين عملتى ايه"
"سمعت كلام بابا طبعا...مش ده كان كلامك"
"ومعتز عمل ايه"
"ساب الدبلة وقام مشى"
"كلمك النهاردة؟"
"اه اتصل بيا ومردتش علشان الحلفان"
"مقتنعة؟؟"
"بصراحة اه... معتز من كلامه تحس انه مش ناوى يعمل حاجة...كلامك امبارح اقنعنى اوى"
"يالا معلش خطوبة تفوت ولا حد يموت... انا ماشى عايزة حاجة"
"لا عندى شغل كتير مش همشى الا لما اخلصه"
                       ********************

سهام قاعدة على مكتبها فى الجريدة... بالليل
ميرنا"سهام هتقومى امتى"
سهام"لسه مخلصتش"
ميرنا"الساعة بقت 10 ومفيش غيرنا"
سهام"روحى انتى وانا قاعدة لما اخلص شغلى... لازم الشغل ده يروح المطبعة الليلة"
بصت ميرنا ف ساعتها
النهاردة امتى... الساعة دلوقتى 10"
"عادى يا ميرنا وانا ماشية هعدى ع المطبعة"
"طيب ...مش هتخافى تقعدى لوحدك"
"لا مبخافش انا"
"طيب سلامو عليكو"
"وعليكم السلام... اطفى الانوار كلها واقفلى الباب وانتى خارجة"
"حاضر"
مشيت ميرنا وهى بتقفل انوار المكاتب اللى بعضها نوره كان منور والطرقة الطويلة لحد الريسيبشن وقفلت الباب وخرجت

سهام قاعدة فى مكتبها... بتكتب على الكمبيوتر اللى قدامها
بصت ف الساعة كانت 11ونص... مسكت الموبايل تتصل بمامتها تطمنها انها هتتأخر... وهى بتتصل
"ده وقته يفصل شحن... اجيب شاحن منين دلوقتى"
سمعت صوت ف الريسيبشن... صوت خطوات
قامت تشوف الصوت ده ايه... مفيش حد بييجى دلوقتى ولا حد معاه مفتاح الجريدة غير الساعى اللى بيفتح الصبح
بلعت ريقها بصعوبة من القلق...وقبل ما تخرج من المكتب للطرقة
انطفت كل الانوار... خافت ... صوت الخطوات سامعاه
فكرت ... تنور بإيه؟؟ الموبايل فاصل... ومتعرفش مكان شمع
صوت الخكوات بيقرب... بتحاول تكتم نفسها...قلعت جزمتها ومسكتها ف ايدها ...كل همها توصل للباب وتنزل قبل الصوت ده ما يقرب
مشيت فى الطرقة وهى لازقة ضهرها فى الحيطة علشان توصل للباب بأأمن طريقة
هى بتمشى والخطوات بتقرب
حست ان الخطوات قريبة منها... اوى
وقفت مكانها وهى بتحاول تكتم صوت انفاسها المتلاحقة
حست ان فيه ايد بتمسكها بقوة من كتفها
صرررررخت من الرعب

هناك 45 تعليقًا:

  1. :0
    ايه يا دين الجو دااا لااااااااءا :\

    ردحذف
  2. يااااااااااه يا دندون علي طول كدا مشوقانا

    ردحذف
  3. يا حلااااااااااااااااااااااااوة ليلتك فون يا معلمة سهام انا ذات نفسى خوووووفت

    ردحذف
  4. الصراااااااحه رووووووووووعه روووعه بجد شوقتينا للحلقه الجايه

    ردحذف
  5. ياااااااماماااا انا بخاف موت من الرعب بس بحبه معرفش ليه شكلها هتبقى قصه جنان

    ردحذف
  6. حلو اوىىىىىىىىىىىىىىىى اول حلقة

    ردحذف
  7. اوبببااااااااا

    ردحذف
  8. هاااااار ابييييض يااا دينا انا بترعب ربنا يستر
    تسلمي ع الحلقة ^_^
    آلاء الهواري

    ردحذف
  9. yalla 3ala baraket allah :D
    enty bada2teeha ro3b a donna!
    Mashy mashy

    ردحذف
  10. اوووووووووووووووووووووووووووووووووا شكلها تجنن يا دندون كملى بسررررعه
    دنيتى الاهلى

    ردحذف
  11. اية الرعب دة بس شكلها هتبقى جامدة الله ينور
    yasmeen

    ردحذف
  12. هى بتنزل كل قد ايه يعنى الحلقة الجاية هتنزليها امتى ؟

    ردحذف
  13. حـــــــــــــــلوة اوووووووي و هستني الحلقة التانية ان شاء الله

    ردحذف
  14. بجد انتي اسلوبك رائع والقصه مشوقه جدا بالرغم من اني بخااااااف اوي من قصص الرعب

    ردحذف
  15. eslooop ra23 keda .. w nhaya fze3a ht5lena mstnyeen el 7l2a el tnya ....waiting :D

    ردحذف
  16. حلو الرعب ده

    ردحذف
  17. انا حاسة انه هيبقى معتز بس بجد القصة تحفة تسلمى

    ردحذف
  18. هيطلع معتز

    ردحذف
  19. يالهوووووووووووووووووووووووووووووووووووووووووووووووى

    ردحذف
  20. ايوه حلو الأكشن و الرعب ده

    ردحذف
  21. هههههههههههه شكله مجدى

    ردحذف
  22. جميله جدا يادينا مشوقه

    ردحذف
  23. السلام عليكم
    وحشااااااااااااااانى جدا يا دينا ووحشانى كتاباتك
    القصة الجديدة شكلها من النوع اللى بحبه
    وفعلا بداية مثيرة جدااااااا ...ربنا يوفقك وتمتعينا كالعادة

    ردحذف
  24. الصقه جميله بائن عليها من اولها بس بجد يا دينا بلوز متتأخرش غليانا معندكيش صبر استنى الحلقه الجائع
    يويو

    ردحذف
    الردود
    1. إنتي كل حروفك ضايعه ليه دا مفيش كلمتين ع بعض صح يا بنتي XD

      حذف
  25. ياللهول هوا دا الكلام ولا بلاش .. استمري استمري استمري

    ردحذف
  26. حلو اوي يا دينا
    شكلك كده ناوية علي اكشن

    ردحذف
  27. حلووو بس حاساه معتز او حمدي
    كممملي

    ردحذف
  28. رووووووووووعة يا دينا بجد انتى جبارة والله
    تسلم الايادى
    amira slama

    ردحذف
  29. جميله شكلها كده رعب :(

    ردحذف
  30. جميله ورعب فعلا

    ردحذف
  31. ايه اللى حصل بعد كدة افهم ايه انا

    ردحذف
  32. انا عايزة الحلقة التانية بسرعة

    ردحذف
  33. ممكن يطلع حد من المكتب
    او معتز ده

    ردحذف
  34. جامدة اوى زى الكتاب ماقال

    ردحذف
    الردود
    1. ملكت الحزن4 مايو، 2013 3:23 م

      انا ملكت الحزن

      حذف
  35. من اولها كدة :D

    ردحذف
  36. akeed marna
    beba

    ردحذف
  37. انا حاسه ان معتز ده نهيتو وحشه
    بجد تحفه يا دينا تسلم ايدك

    ردحذف
  38. بجد الحلقه دى حلوه اوى تسلم ايدك يا دندن الحمدالله انى بقراها بالنهار والا كنت هربت تحت البطانيه من الرعب ده

    ردحذف

قول رأيك بلاش تقرا وتقفل من سكات...ارائكم تهمنى