الأربعاء، 7 نوفمبر 2012

البيت القديم... الحلقة 2

الحلقة 2
وقفت مكانها وهى بتحاول تكتم صوت انفاسها المتلاحقة
حست ان فيه ايد بتمسكها بقوة من كتفها
صرررررخت من الرعب
ورفعت ايديها اللى ماسكة بيها الجزمة وقعدت تضرب الايد اللى ماسكاها
سمعت صوت بيقول
"ميييييين"
"انت اللى مين"
"سهام؟؟؟"
"حمدى... الله يخربيتك اللى ياخدك يا شيخ"
"انا؟؟ انتى رعبتينى"
"انت اللى كنت هتموتنى يا شيخ ربنا ينتقم منك"
"وانتى ماشية ف الضلمة كده ليه زى الحرامية"
"وانت داخل تتسحب كده ليه...مش معاك ولاعة"
"النور قطع والولاعة وقعت منى لما سمعت صوت خطواتك قلت يبقى فيه حرامى"
"حرامى هييجى يعمل ايه بس"
جه النور... والاتنين واقفين قدام بعض فى الطرقة
"انتى ايه اللى مقعدك لحد دلوقتى"
حطت جزمتها ع الارض ولبستها وراحت على مكتبها وهى بترد عليه
"بشتغل هكون بعمل ايه يعنى"
"ههههه بتشتغلى حافية"
بصت له وهى بتبرق له
"مش عارف تعمل اى صوت ولا تنادى وانت داخل"
"وعاملالى فيها شجيعة... انتى ليه مقولتيش مين وانا كنت هرد عليكى"
"خلاص اسكت بقى وروح جيب لى كوباية مياه بدل الخضة دى"
"طيب واجهزى علشان تنزلى معايا متقعديش لوحدك كده"
"مقلتش ايه اللى جابك"
"محمود بنته تعبانة فاخدت منه الشغل وجيت اخد من مكتبه شغل تانى واوديه المطبعة واروح"
"كويس...خد شغلى معاك وانت رايح علشان شكل ابويا هيطردنى الليلة دى بسبب التأخير"
"طيب ما تيجى معايا وبعدين اوصلك"
"توصلنى ليه هخاف؟؟"
"ههههه لا العفو... تخافى ايه هو انتى بتخافى .. انا اللى كنت واقف حافى وبصرخ من الخوف"
تجاهلت سهام كلامه... اخدت حاجتها وشنطتها وهى خارجة من المكتب
"نزل الشغل ده المطبعة ومش عايزة غلاسة "

سهام داخلة البيت... بتفتح بالمفتاح
"كنتى فين"
شافت باباها قاعد مستنيها
"فى الجورنال يا يابابا"
"قابلتى معتز"
"والله العظيم ولا قابلته ولا كلمته وانا لسه مخلصة شغلى ويدوب خلصت واخدت تاكسى وجيت"
قام باباها يدخل
"طيب... متتأخريش كده تانى...تصبحى على خير"

بعد 3 ايام
سهام بتتصل بحمدى
"الو... حمدى انت فين؟؟ انا عايزاك معايا النهاردة ف شغل... هتخلص امتى... لما تيجى هفهمك... بقولك ايه المكان اللى هنروحه عايزاك تصور من غير ما حد يحس... متجيش بكاميرا كبيرة يعنى... انا هروح البيت وانت تعالى لى هناك...سلام"
               *****************
فى البيت... ام سهام ف المطبخ ...دخل لها الاب
"بقولك ايه يا ام سهام... اعملى اكل زيادة"
"حاضر... الخير كتير الحمدلله... بس لمين؟؟"
"سهام جت وبتقول حمدى جاى وهيروحوا شغل مع بعض"
"هعمل حسابه حاضر... كنت عايزة اسألك على حاجة من زمان"
"اسألى"
"اشمعنى يعنى حمدى بتخليه ييجى هنا عادى ولما سهام تقولك انها مع حمدى تطمن وعادى مع انه راجل وهى بنت"
"حمدى ده راجل جدع وانا بحبه...شوفى بقاله قد ايه زميل بنتك عمرك شفتى منه حاجة وحشة"
"الشهادة لله لأ"
"كان نفسى يبقى من نصيبها بس دايما يقول سهام اختى سهام اختى ففهمت انه فعلا بيعاملها زى اخته وهى كمان ..وان جيتى للحق بطمن عليها وهى معاه"
"مع انك كنت بتتعفرت لما تعرف ان معتز جاى ولا لما تخرج معاه"
"اهو معتز ده مقبلوش كده لله ف لله"
"يالا اهو غار بقى ربنا يسهله بعيد عننا"
رن جرس الباب
"هروح افتح وانتى اعمليلك همة شوية علشان يتغدوا قبل ما ينزلوا"
"حاضر"

سهام سبقت وفتحت الباب...دخل حمدى
وجه باباها يستقبله
"اهلاااا...ازيك ياض ياحمدى واحشنى"
"ازيك يا عم عبيد...اخبار صحتك ايه"
"الحمدلله"
وقعد حمدى مع باباها
"انت لسه هتقعد...يالا انا جاهزة"
الاب"اختشى با بت ...بدل ماتقولى تشرب حاجة الاول ولا تتغدا الاول تقوليله قوم"
سهام"غدا ايه يابابا...مش وقته"
حمدى"انتى ليه قطاعة ارزاق...انا جاى على غدا"
الاب"تنورنا يا بنى والله... يا ام سهاااااام لسه كتير"
صوت ام سهام من المطبخ
"لا حالا اهو... ازيك يا حمدى"
حمدى بيرد وهو مكانه
"الله يخليكى يا حجة"

سهام وحمدى ماشيين فى الشارع
سهام لابسة عباية وطرحة سودة
"احنا رايحين للحاجة زينب... الحاجة زينب دى دجالة بس صيتها مسمع والناس مصدقينها اوى وبيحلفوا بكراماتها... هنعمل اننا رايحين علشان الخلفة ونسجل ولازم تصور"
"بس حلوة عليكى العباية"
"بتاعة ماما...بص يا حمدى لازم نعمل اننا مصدقينها"
"طيب ماشى...بس علشان كلامنا يبقى واحد هنقول اسامينا عادى ولا هنقول ايه"
"اه هنقول اسامينا واننا بقالنا 5 سنين متجوزين ومخلفناش ولما لفينا ع الدكاترة سمعنا عنها وجينا لها"
"وافرضى فقستنا"
"تفقسنا ازاى يعنى...بقولك دجالة يعنى هتعوز تقلبنا ف قرشين وخلاص"
رن موبايل سهام
"كويس كنت هنسى اقفله"
بصت ف اسم المتصل
"ده معتز"
"وبعدين"
"بيتصل بيا كتير ومبردش عليه"
"بصى يا سهام لو خايفة م الحلفان ابعتيله رسالة واكتبى فيها انك هتسمعى كلام باباكى وانه ميتصلش بيكى تانى....بدل ما كل شوية بيتصل بيكى تبقى جبتى معاه م الاخر"
فكرت سهام ف كلام حمدى
"مفيش غير كده...هبعتله الرسالة واقفل التليفون علشان ميتصلش واحنا هناك"

سهام وحمدى دخلوا حارة... سألوا ولد صغير بيلعب عن بيت الحاجة زينب...شاور لهم على بيت من 3 ادوار وانها ف الدور التالت
وقفوا على باب البيت....بصوا جوه
"ايه الضلمة دى يا سهام... ده كحل"
سهام بتبلع ريقها وبتحاول تتجرأ
"ما احنا مع بعض نشجع بعض... اومال الناس اللى بتجيلها دى بتيجى ازاى"
"بسم الله الرحمن الرحيم... خليكى ورايا ولو لقيت اى حاجة كده ولا كده هننزل تانى...ماشى"
"ماشى"
مد حمدى رجله بخطوة جوه البيت... ولع ولاعته
سهام مسكت فى ضهره وهى وراه على ضوء الولاعة
طلعوا السلم بخطوات مرتبكة....سمعوا صوت خطوات على السلم
"تقريبا فيه حد نازل"
قالها حمدى علشان يطمن سهام
وصلوا للدور الاول بدأوا يشوفوا شعاع ضوء خافت
وقبل ما يوصلوا للدور التانى
شافوا 2 ستات نازلين... استجمعت سهام شجاعتها
ولما بقت جنبهم
"لو سمحتى هى الحاجة زينب فوق"
ردت واحدة عليها
"اه... اطلعى هتلاقى الباب موارب ...خبطى وادخلى"
نزلوا الستات وطلعوا سهام وحمدى.... الضوء بيكون ازيَد لما بيطلعوا
وصلوا للدور التالت...شافوا لمبه سهارى منورة بره الباب
والباب متوارب زى الست ما قالت
خبط حمدى خبطتين...زق الباب بشويش
"سلامو عليكو"
مد راسه يبص جوه... البيت ضوئه خافت اوى
مسك ايد سهام
"تعالى ندخل"
سهام مسكت ايده وبايدها التانية دراعه
"لما انتى جبانة كده جبتينا ليه"
"انا مش خايفة ولا حاجة"
"اومال مكلبشة فيا كده ليه"
كانوا داخلين وهما بيعملوا صوت بخطواتهم...حمدى صقف
"سلامووو عليكوووو"
خبطت فى رجلهم قطة سودة
صرخت سهام من الخضة
التفتت القطة... وعينيها نورت وهى بتموء
ارتعشوا الاتنين م الخوف
مشيت القطة... ولفت راسها ناحيتهم ووقفت
بصوا لبعض سهام وحمدى وايديهم بتترعش ومش فاهمين
هزت القطة راسها وكأنها بتقولهم
"تعالوا ورايا"
همس حمدى لسهام
"ماتيجى نرجع...الجو كله مرعب هنا"
"اه... يالا "
لفوا ناحية الباب... نطت القطة سبقتهم وقفلت الباب
حمدى"لالالا دى مش قطة...دى روح اكيد...انتى عملتى فينا ايه"
سمعوا صوت من بعيد بيقول
"ميييين بره"
حمدى"سلامو عليكو ...الحاجة زينب؟؟"
الصوت"اتفضل"
مشيوا ورا الصوت... لحد ما وصلوا اوضة بعيدة
الاوضة ضلمة ماعدا ابليكات ورا الحاجة زينب
وهى قاعدة على كنبة تشبه المصطبة... ومربعة رجليها تحتها
سبقتهم القطة السودة ونطت فى حِجر الحاجة زينب
زينب بتطبطب على القطة...وبتبص لهم
"اقعدوا"
قعدت سهام وجنبها حمدى على كنبتين جنب بعض
زينب"خير"
سهام"احنا سمعنا عنك يا حاجة.... انا وجوزى نفسنا فى حتة عيل بقالنا 5 سنين...لما لفينا ع الدكاترة ومحصلش نصيب قلنا مفيش غيرك"
بصت زينب فى عين سهام.... بصة طويلة لحد ما سهام دورت وشها
زينب"جاية تأذينى وانا عمرى ما أذيت حد"
بصت سهام لحمدى اللى رد بسرعة
"اذية ايه يا حاجة... ربنا ما يجيب اذى"
بصت له زينب وبعدين بصت لسهام
"انتى لاعمرك اتكشفتى عليه ولا هيتقفل عليكم اوضة نوم ابدا"
ارتبكوا الاتنين وبصوا لبعض
"انا افتكرتك جاية لحاجة تانية"
سألتها سهام
"حاجة تانية زى ايه"
زينب"قربى هنا جنبى"
فضلت سهام مكانها
زينب"قربى يابنتى...يا عينى عليكى"
قربت سهام وقعدت جنبها... سألها حمدى
"ياعينى عليها ليه"
حطت زينب ايديها على راس سهام...غمضت عينيها وقعدت تقرا بصوت غير مفهوم... وحمدى وسهام ساكتين زى المغيبين
خلصت زينب قراية... وبصت لسهام
"هتجيلى تانى... بس ياعالم هنتقابل ولا لأ"
حمدى"انتى قريتى عليها ايه... هو فى ايه"
زينب"خلى بالك منها"
سهام"هو فى ايه"
زينب"صلاتك هى حِرزك وحمايتك...اوعى تفوتى فرض وخدى البسى دى متقليعاش من رقبتك ابدا"
اديتها سلسلة فضة وعليها آيه الكرسى
حمدى"ماتفهمينا في ايه"
زينب"كله مكتوب... فى العتبة الجديدة"

هناك 45 تعليقًا:

  1. حلووووووووووه اوووي ومشوقه جدااااااااا تسلم ايديكي

    ردحذف
  2. eh elro3b da 7aram 3leki ya dndn

    ردحذف
  3. مش عارفه يا دندون ليه حاسه\\سورى يعنى\\انك طلعتى الدجاله صادقه وعارفه الغيب؟؟مع ان الناس دى طيعا اكيد كذابين و نصابين

    ردحذف
  4. الحلقه تحفه يا دندون ومتشوقه للحلقه الجايه وربنا يستر

    ردحذف
  5. جميله اووووووووووووي تسلم ايدك

    ردحذف
  6. حرام عليكي انا ميت اساسا
    ههههههههههههه

    ردحذف
  7. to7faaa awiiiiiiiii

    ردحذف
  8. دينا بصراحة اول مرة حلقة متدخلش دماغى
    حكاية القطة اللى نطت وقفلت الباب
    والدجالة اللى مكشوف عنها الحجاب دى !!

    سورى لو كان رأيى دايقك :(

    AyA

    ردحذف
  9. ميرسى كتير لمتابعتكم وارائكم
    دينا وآيه
    رأيكم يُحترم بس انا قلت قبل كده ان كتابة الرعب لازم فيها خيال
    يعنى مش لازم تستنوا تفسيرات منطقية للقصة
    ولا علشان حطيت حاجة زى الست دى فى القصة ان الناس تصدق الدجالين
    القصة خيال × خيال مالهاش اى تفسيرات واقعية

    ردحذف
  10. شكلها حلوة اووووووووووى يا دينا القصة انا بدأت فيها النهارده للاسف كان عندى مشكلة مع الكمبيوتر بس الحمدلله انى لحقتها فى الاول
    مع انى قلبى ضعيف جدااااااا ومش بحب الرعب بس انا مبقدرش افوتلك قصة ومقدرش اكدب انتى شوقتينى اوووى على متابعتها


    ddy dody

    ردحذف
  11. واو القصه روعه يادينا ربنا يوفقك ياااااااااااااارب


    mohamed shalaby

    ردحذف
  12. يالهووووووووووووووووووووووووي يالهووووووووووووووووووووووووووووووي

    يالهووووووووووووووووووووووووووووووووووووووووووووووووووووووووووووووووووووووووووووووووووووووووووي

    ردحذف
  13. ana mouch fahma hiya isit di izay 3irfit ?????????w 3amalet li sihem eih w izey 2alet qor2an!!!!!!! mich momkin tikoun sad2a w il 9it il aswid da ma3nah eih ??

    ردحذف
  14. حلووووووووووووووووووووووووووووووووه اوووووووووووووووووووووووووووووووووووووووووووووووووووووووووووووووووووووووووووووووي

    ردحذف
  15. حلوةكتير

    ردحذف
  16. جميله اوي

    ردحذف
  17. الحلقه فظييييييييييييييييييعه بجد
    انا اترعبت م القطه وكنت حاسه انها قدامى اصلا
    بجد بحييكى :)

    ردحذف
  18. سؤال وااااحد بس من ساعة ما بدات اقرا فى المدونة دى هو انتى ازاى على طول روووعة كده ؟

    ردحذف
  19. القصه حلوه قوى ياريت بس الحلقه تطول شويه عشان بزعل لما تخلص و بجد يا دينا أنتى مبدعه ربنا يوفقك. نودا

    ردحذف
  20. هههههههههههههههههههههه لا بجد حلقه فاجره بس قصيره أوي بصراحه .. بس أدائك عالي جدا يا دينا

    ردحذف
  21. جمييييييلة جدا يا دينا بجد بستمتع بقصصك قوى وقد اى انتى كاتبة جميلة

    ردحذف
  22. اوك يا دودو

    ردحذف
  23. تحفة يا دندن يا حببتي بس يا ريت الحلقة تكون أطول شوية من كدة :)

    ردحذف
  24. بجد رااااااااائعه
    عجبتنى وشدتنى اوى

    ردحذف
  25. واااااااااااااااااااااااااااااااااو تحفه يادينا
    هو دا الكلام انا بموت ف القصص دي

    ردحذف
  26. لا الحلقه دى خوفتنى بجد اوووى

    ردحذف
  27. ههههـ .. حلوة حته القطة دي بجد ..
    عجبتني
    متابعة

    ردحذف
  28. ana 3ayza afhm b2a

    ردحذف
  29. قصه مشوقه جدا انا بحب الرعب بجد انا استمتعت

    ردحذف
  30. روووووووووووووووووووووعة بجد يا ديناااا
    فظييييييييييييييعة اوى
    amira slama

    ردحذف
  31. 7lwa gdn ya dody tslm edk

    ردحذف
  32. شكلها قصه جامده يا دودو

    ردحذف
  33. جميلة اوى بجد

    ردحذف
  34. القصه جميله اووووووووووووووووووووووووى ومشوقه

    ردحذف
  35. ملكت الحزن4 مايو 2013 2:12 م

    خامده ومشوقه زى كل مرة

    ردحذف
  36. Eh ya dina ro3b we al3'az men awelha bas teslam 2eedek 7elwa

    ردحذف
  37. هو اية الغباء دا ميقوم يضربهالكمية فى وشها :D

    ردحذف
  38. القصص دى روعة

    ردحذف
  39. انا عرفت القصص من يمين

    ردحذف
  40. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    ردحذف

قول رأيك بلاش تقرا وتقفل من سكات...ارائكم تهمنى