السبت، 3 نوفمبر 2012

لسه بحب... الحلقة 20 والاخيرة

الحلقة 20 والاخيرة
اميرة لما محمد قالها بحبك... سكتت لحظات
"انا بحاول اتأقلم مع الوضع الجديد وده بيضغط على اعصابى اوى ومستحملة لحد ما انسحب بالتدريج زى ما قلتلك علشان جيجى متحسش بحاجة... ارجوك متضغطش عليا انت كمان"
"انا مش بضغط عليكى... انا كل اللى عايزة اننا نصارح انجى بالحقيقة ونسيب بعض انا وهى"
"مينفعش... مقدرش اخد خطيب صاحبتى..مقدرش ابنى سعادتى على تعاستها"
"اسعديها على حسابنا احنا الاتنين"
"يا محمد انا وانا معاك بضعف ...بستسلم لقلبى وبنسى عقلى...المفروض متكلمش معاك كده ... لما بروح البيت وافتكر كلامنا احس بتأنيب الضمير... احنا كده بنخونها"
"لا يا اميرة مش بنخونها...انا بقولك نقولها الحقيقة"
"وانا قلتلك قبل كده... هتخسرنا احنا الاتنين لو عملت كده"
بصت بعيد عن عينيه...شافت اميرة خارجة من الفيلا على الجنينة


نزلت انجى الحفلة وهى مصممة انها تحتفظ بمحمد لنفسها
ومتسيبش حد ياخده منها... ومش هتستسلم للخيانة
راحت لل DJ  كلمته وبعدين راحت ناحية محمد واميرة
                             ***************
انجى بتقرب بخطوات متباطئة ناحية اميرة ومحمد
الاتنين ساكتين وبيبصوا لها وهى جاية
بدأ ال DJ وهى بتقرب ولما وصلتلهم سمعوا
"فيه ايه بينك وبينها... ارجوك قولى الحقيقة
نظرة عينك وعينها... صدقنى مش بريئة"
نظرات صامتة من انجى لاميرة ومحمد
ارتبكوا الاتنين وبعدوا عينيهم عنها
محمد"مالك يا انجى"
انجى"مفيش"
اميرة بقلق"انتى معيطة"
انجى"اه... بابا وماما كانوا بيتكلموا مع بعض واتأثرت شوية"
صوت الاغنية
"خونى مع واحدة غيرها مش اقرب واحدة ليا"
انجى"الاغنية دى مؤلمة اوى... فعلا اصعب حاجة الخيانة وخصوصا لو مع حد قريب اوى"
اميرة حاولت تتكلم... معرفتش
محمد"فى ايه يا انجى"
انجى"انتم مشربتوش حاجة... انا رايحة اشرب اى حاجة...ريقى ناشف اوى"
سابتهم انجى ومشيت
اميرة"كلام انجى صعب... شكلها حست بحاجة"
محمد"ما انا م الاول بقولك نقولها"
اميرة"مش هقدر يا محمد...ليه مش حاسس انى فعلا مش هقدر اقولها انك حبيبى ولا هقدر استحمل انها تفتكرنى بخونها"
محمد بيبص على انجى
"شكلها اتجننت... بتشرب ايه المجنونة دى"
بصت اميرة ناحية محمد ما بيبص
شافت انجى عند البار وبتشرب اكتر من كاس خمرة ورا بعض
راحت اميرة ناحيتها ووراها محمد
محمد"انتى من امتى بتشربى"
انجى وبدأ لسانها يتقل
"بجرب... بشوف بتعمل ايه"
اميرة"تعالى يا جيجى"
انجى وهى بتمسك ايد محمد
"تعالى نرقص"
محمد"بس يا انجى...فوقى وبلاش جنان بدل ما اسيبك وامشى"
انجى وهى بتشده
"انت مش بتحبنى... تعالى نرقص مع بعض... قوليله يا اميرة لو بيحبنى ييجى يرقصنى"
اميرة مش عارفة تتكلم... غيرتها على محمد وف نفس الوقت انجى اللى بتقولها قوليله... سكتت
لفت انجى ايديها حوالين رقبة محمد وبايدها التانية شدت ايده وحطتها على وسطها
وشها لاميرة وبتضحك وبتقوله ف ودنه وهى بتبص لاميرة
"بتحبنى؟؟"
شد محمد ايدها وبعدها عنه
"ايه القرف اللى انتى فيه ده... انتى مالك بتعملى كده ليه...فوقى يا انجى"
شافتهم نجوى من بعيد... راحت ناحيتهم
نجوى"فى ايه"
محمد"الهانم سكرانة"
نجوى بصت لانجى... اللى بتضحك وعيونها مليانة دموع
"ايه ياماما...جربت اشرب وبقوله يرقصنى"
نجوى"طيب يالا يا انجى... كفاية كده وتعالى نروح"
انجى"انا هروح مع اميرة ومحمد... هتوصلنا يا محمد؟؟"
محمد بيبص لنجوى
نجوى"هتوصلهم؟؟"
محمد"ماشى"
اميرة واقفة مكانها مبتتحركش ..راحت انجى ناحيتها
"يالا يا اميرة.... محمد هيوصلنا"
اميرة"خليه يوصلك وانا هروح"
انجى"لأ... لما يوصلنا هو"
مسكت انجى ف ايد محمد واميرة مشيت وراهم
راحوا سلموا على باباها اللى كان معاه ناس ومحسش بأى حاجة
                             **************
وهما ف العربية... ركبت انجى جنب محمد...واميرة وراهم
"هنوصل اميرة بيتها الاول"
طول الطريق انجى بتبص لاميرة ف المراية... وبتراقب نظرات محمد ليها
ضحكت انجى... ضحكة طويلة
محمد بيبص لاميرة...وسأل انجى
"بتضحكى على ايه"
"على نفسى... كنت فاكرة انى غبية طلعت ذكية وبفهم"
وكملت ودموعها بتنزل
"وياريتنى مافهمت"
محمد"وضحى كلامك... ولو دى تخاريف سُكر اسكتى احسن"
انجى" حاضر يا محمد...حاضر يا حبيبى... يا خطيبى"
بتقول الكلام وهى بتبص لاميرة ف المراية
اميرة فهمت ان انجى حست بحاجة...كل تفكيرها انها مش عارفة هتدافع عن نفسها ولا تنكر ولا تقول ايه"
وصلوا عند فيلا اميرة... نزلت م العربية
"تصبحوا على خير"
نزلت معاها انجى وهى بتقول لمحمد
"هوصلها لحد جوه وارجعلك"
حطت انجى ايدها ف ايد اميرة... ودخلوا مع بعض
"ليه كده يااميرة"
"ليه ايه"
"انا سمعت محمد وهوبيقول انه بيحبك... ليه تخونينى"
وقفت اميرة والتفتت لها ... متفاجئة من المواجهه
كملت انجى خطواتها وهى ماسكة ايد اميرة
"متقفيش مش عايزة محمد يحس بحاجة"
كملت اميرة طريقها وهى ماشية جنب انجى
"مكنتش اتخيل انك يا اميرة تعملى كده"
"انتى عارفانى كويس... ازاى تتخيلى انى ممكن اخونك"
"يعنى محمد اللى بيطاردك"
"لأ برضه"
"يا اميرة متضحكيش عليا... انا صممت اننا نوصلك الاول ومقلتلوش على عنوانك ومع ذلك جابك عند الفيلا... فيه حاجة بينك وبين محمد وانا مش عبيطة... انتى اخر واحدة كنت انتظر منها الخيانة"
"متقوليش خيانة..انا عمرى ما اخونك ولا اخون غيرى"
"يبقى ابعدى عننا خالص...سيبينا نكمل حياتنا اللى من يوم ما جيتى وهى اتقلبت واتغيرت"
بدأت اميرة تتخنق بدموعها..وهى شايفة صاحبة عمرها بتتهمها بالخيانة
"متخافيش يا انجى...انا كده كده كنت هخرج من حياتكم"
"لو كلمتى محمد من ورايا يا اميرة اعرفى انى هبقى عدوتك وعمرى ما هسامحك وهنتقم منكم انتم الاتنين ...ولو صادقة ف كلامك متوريناش وشك تانى"
وصلوا عند باب الفيلا... سابتها انجى ورجعت لمحمد

دخلت اميرة الفيلا... كانوا كلهم نايمين ...طلعت اوضتها وهى مجروحة من انجى لاتهامها بالخيانة وف نفس الوقت حاسة انها اخدت القرار الصح انها مقالتلهاش حاجة علشان متخربش عليهم حياتها... وقررت انها هتنفذ كلام انجى ومتظهرش ف حياتهم تانى
*****************************************

تانى يوم ف الشغل... محمد مستنى اميرة تيجى
اتأخرت كتير... راح سأل عليها فى الحسابات... قالوا له انها مجتش ومحدش شافها... اتصل بانجى
"صباح الخير يا انجى... انتى جيتى امتى... ما انا بتصل بيكى اطمن عليكى اهو... هى اميرة فين؟؟ يعنى ايه سابت الشغل...انا رئيسها المباشر ومقالتليش حاجة... اتصلى بيها خليها تيجى... مالى ازاى مش بقولك انا رئيسها المباشر وفيه شغل متعلق... خلاص خلاص اقفلى ...مع السلامة"
قفل معاها واتصل ب مى
"الو...مى لو سمحتى هى اميرة علاء قدمت استقالتها امتى... انجى اللى قدمتها... طيب ممكن رقمها من ال cv  اه عايزها ف حاجة مهمة... شكرا مع السلامة"
قفل معاها...وبعد 5 دقايق اتصلت بيه مى وقالتله رقم اميرة
اتصل بأميرة... تليفونها مقفول... كل شوية يتصل وتليفونها مقفول...لحد ما دخلت عليه انجى
"مالك يا محمد... اتعصبت ليه كده لما عرفت ان اميرة سابت الشغل"
وقام محمد وقفل الباب... وكلمها بحدة
"انتى كلمتيها امبارح بعد ما روحتى"
"لأ"
"اومال قالتلك ع الاستقالة دى امتى"
"وانا بوصلها"
"ليه"
"كده"
مسكها من دراعها وهو بيهزها
"ايه اللى حصل بينكم"
شدت دراعها منه
"ايه الجرأة اللى انت فيها دى... انت بتسألنى عليها وكمان عايزنى اكلمها تيجى... انت فاكرنى مش عارفة حاجة... انت من ساعة ما شفتها وانت اتغيرت معايا... انت خطيبى يا محمد واميرة نزوة ف حياتك وهتنساها مجرد ما تخرج من حياتنا"
"نزوة ايه وتخرج فين... انتى مش فاهمة حاجة ابداااا"
خبط الباب عليهم... دخل الساعى
"استاذ محمد ممكن كلمتين"
"بعدين"
"معلش كلمة بس لو سمحت"
راح له محمد ...ومال عليه
"متآخذنيش بس صوتكم بره والموظفين عمالة تتكلم عليكم وهما سامعينكم... انت ابنى وقلت انبهك"
"متشكر اوى"
خرج الساعى وقفل الباب وراه
"تعالى معايا يا انجى"
"فين"
"هنروح مشوار صغير"
نزل محمد ووراه انجى... ركب محمد عربيته ومعاه انجى
انجى"احنا رايحين فين"
محمد"اصبرى عليا وانتى هتفهمى لوحدك"
ساق محمد عربيته... لحد ما دخل شارع بيت خيرية
"جيتى هنا قبل كده...صح"
"آه ...ده بيت جدة اميرة"
وشاور محمد على بلكونة خيرية
"اه ..ده بيت طنط خيرية... واللى جنبها دى شقتنا القديمة"
طلع محمد بطاقته من محفظته
"العنوان اللى ف البطاقة زى ماهو...هتلاقيه نفس العنوان هنا"
اخدت انجى البطاقة وهى بتبص فيها والدموع ملأت عينيها
كمل محمد كلامه
"انا بشتغل ف الخشاب من 3 سنين قبلها كنت مدرس ثانوى تجارى... فاكرة لما قلتلكم انى اتقدمت لبنت واترفضت"
"كانت اميرة...انت محمد اللى هى رجعت علشانه"
"اللى لما عرفت انى خطبتك رفضتنى وانا كنت عايز اصارحك بالحقيقة وهى قالت انى هخسركم انتم الاتنين لو قلتلك... وطلبت منى اكمل حياتى معاكى عادى"
"وانت محبتنيش"
"انا كنت مرتاحلك ولما عرفت ان اميرة هتتجوز ونسيتنى قلت لازم انساها... كنت هتعود عليكى وهعيش معاكى واخلص لك... بس لما شفت اميرة صحت الحب جوايا تانى...مقدرتش انسى ان دى اللى بحبها من وانا لسه صغير...هى حلم حياتى من سنين طويلة"
انجى بتعيط
"كفاية يا محمد.... كفاية انت مش حاسس انت بتقولى ايه"
"عارف ان الحقيقة مؤلمة بس مقدرش اخدعك... انتى انسانة كويسة اوى يا انجى بس القلب مش بإيدينا"
"صح يا محمد... القلب مش بايدينا... ولا بايدى انى استحمل كلامك ده... انا اتجرحت اوى ... روح لاميرة يا محمد وانسونى... انا مش هقدر اورى وشى لاميرة بعد الكلام اللى قلتهولها"
"انتى قلتى لها ايه"
"كلام صعب اوى... جرحتها وغلط فيها... سيبونى وانا هقدر اتغلب على احزانى"
نزلت انجى من العربية... نادى عليها محمد
بصت له وهى بتركب تاكسى ...نظرة وداع

محمد وقف شوية... وطلع لخيرية
اتفاجئت بيه خيرية...رحبت بيه واستقبلته بفرحة
قعد معاها ... وبعد كلام الترحيب
"انا بحب اميرة ومقدرتش انساها... عايز اتقدملها تانى... ممكن تاخدى معاد من باباها ومامتها"
فرحت خيرية... وافتكرت اللى حكتهولها منى..استغربت
"انت مش خاطب"
"انا قلتلها الحقيقة... انا محبتش غير اميرة"
"هتصل بيهم حالا واخدلك المعاد ف اقرب وقت"
اتصلت خيرية بمنى... واتكلمت معاها... وسمعها ف اخر المكالمة
"ايوه يا اميرة... محمد عندى... عايزة تكلميه...يا محمممد تعالى كلم"
قام محمد واخد منها السماعة... وكلام اميرة كان جاهز قبل ما تسمع كلامه
"انا قلتلك لو قلت لانجى حاجة هتخسرنا ... انت سيبتها واكيد هى هتفتكر انى بعدتكم عن بعض...مش انا اللى افرق بين اتنين يا محمد... انا كلمت عمر وهسافر له ونتجوز... وارجع انت لانجى وكلوا حياتكم اللى خربتها برجوعى"
صدمة جديدة اخدها محمد من اميرة...قفل معاها
شافته خيرية وملامحه متغيرة
"ايه؟؟ مالك"
"واضح ان قدرى كده ... مش مكتوب لى الفرح ابدا...سلامو عليكو"
نزل محمد من عند خيرية... واتصلت خيرية باميرة تفهم منها ايه اللى حصل
"ليه كده يا اميرة... كذبتى عليه ليه وقلتيله انك هترجعى لعمر"
"علشان يرجع لانجى... مش عايزة ابقى خاينة زى ماهى قالت"

انجى رجعت ع الشركة...وقبل محمد ما يرجع كانت قدمت استقالتها
رحعت على البيت وهى حزينة
حزينة على قلبها اللى اتجرح من حبها اللى كان من طرف واحد وهى مش حاسة
حزينة على سوء ظنها ف صديقة عمرها
حزينة انها كانت السبب فى الام اميرة من غير ما تعرف
اتصلت بباباها... وكلمته
"الو.. بابا انا هتفق مع ماما وارجع معاك امريكا... هتكلم معاها واشوف ردها على طلبك...وايا كان انا هرجع معاك"

فاتت الايام... وكل واحد استسلم لقدره من غير ما ماحد يكلم التانى
اميرة اعتقدت ان بقرارها ده محمد هيرجع لانجى

انجى اعتقدت ان بعدها هيرجع اميرة لمحمد

محمد قرر انه يكمل حياته من غير اى ارتباط لانه مش هيحب غير اميرة مهما اقنع نفسه بغيرها
                       ****************
بعد شهر... وقبل معاد طيارة انجى بيوم
قررت انها تروح لاميرة وتعتذر لها وتأكد لها انها مش زعلانة منهم
لما وصلت عند اميرة... قابلتها منى وطلعتها لاميرة اللى كانت قاعدة اغلب وقتها ف اوضتها
اميرة اول ما شافتها... قامت سلمت عليها
انجى دخلت لها وهى مكسوفة
"هتقابلينى ولا تطردينى"
"معقول يا جيجى انا اعمل كده...لسه مش عارفانى برضه"
"انا اسفة يا ايمى على كل اللى قلتهولك... انا مكنتش اعرف حاجة وانتى غلطانة انك مقلتليش من اول يوم"
"يا جيجى خلاص الموضوع انتهى...انا افرحلك انتى ومحمد مش ازعل منكم"
"محمد بيحبك انتى...انا وهو متقابلناش ولا اتكلمنا من لحظة ما عرفت الحقيقة...محمد محبنيش وانا مش هتجوز واحد اعترفلى بحب صاحبتى... انا مش زعلانة منكم بالعكس انا بحمد ربنا انى عرفت الحقيقة قبل ما اتجوزه وكنت برضه هختار نفس الاختيار"
"تضحيتك دى كبيرة وانا مقدرش ابنى سعادتى على تعاستك"
"يا عبيطة ... انا اعرف محمد من شهور انما ده حب عمرك وانتى حب عمره... متضيعيهوش من ايدك ... يوم الحفلة لما بابا طلبنا كان عايز يرجع لماما... ماما وافقت وكتبوا الكتاب امبارح وهنرجع كلنا امريكا تانى... ارجعى لمحمد وبلاش العبط اللى انتى فيه ده"
ابتسمت اميرة وهى فرحانة بكلامها...وفرحانة انها هترجع لمحمد
"انا مسافرة بكرة الساعة 11... ولما اوصل امريكا هكلمك... مش هنخسر بعض ابدا"

تانى يوم الصبح...محمد قاعد فى مكتبه مشغول ف ورق قدامه
سمع خبط ع الباب وهو مفتوح...بيبص شاف اميرة
قام من مكتبه بسرعة وهو ف قمة سعادته
"اميرة... انتى بجد"
اميرة وهى بتضحك
"اه والله انا بجد...وحشتنى اوى"
مسك ايدها وهو بيبص لها
"انتى وحشتينى اكتر... انتى مش هتتجوزى صح؟؟"
"لا هتجوز طبعا ...هتجوزك انت"


                     

هناك 100 من التعليقات:

  1. جلوووووووة اوي

    ردحذف
  2. جميييييييييييييييييييييلة

    ردحذف
  3. بجد حلقه روعه تسلمى ياحبيبتى

    ردحذف
  4. نياهاهاهاهاااا اومال يا حجه قعرتينا ف النص لييييييييييه وخليتى الدموع تنزل كده خليتينا نسححح..بس جاامده اوى تسلم ايدك آ فناااااانه

    ردحذف
  5. شكرا يا دندن و دايما كده من ابداع لابداع و مستنين القصه الجديده

    ردحذف
  6. هيييييييييييييييييييييييييييييييييه انا فرحت ^_^
    ايواااااا بقي يا أميرة انتي ومحمد :D ^_^


    آلاء الهواري

    ردحذف
  7. جميييييييييييييييييييييييييييييييله تسلمى يا دينا بجد على احلى قصص بنقرها منك
    lola7amd

    ردحذف
  8. يا واااااااااااااااااااااااااااااد بجد جاااااامدة جداااااااااااااااا
    تسسسلم ايدك يا دوندن

    amira slama

    ردحذف
  9. الحلقه تحفه بس النهايه مفتوحه اوى انا مكنتش اعتفد ان النهايه هتبقى مفتوحه وبعدين يا دينا هما كل ده معملوش حاجه رسميه

    ردحذف
  10. رووووووووووووووووووووووووووووووووووووووووووووووووووووووووووعة بجد

    عقبال حبيبي ما يرجعلي يااااااااااااااااااااااااااااااارب

    ردحذف
  11. يسلموا عن جد روووووووووووووووووووووعة

    ردحذف
  12. بضراحه بعد دا كله مكنش ينفع نهايه غير كدا
    حلوه اووووي القصه دي

    ردحذف
  13. القصت الجديدت بقى :D

    ردحذف
  14. ع فكرة جامدة اوى وانا بجد حبيتها اوى

    yasmeen

    ردحذف
  15. اخيراااااااااا هيتجوزوا

    ردحذف
  16. القصه الجديده بقى

    ردحذف

  17. جمييييله جداا حقيقي احساسها جميل وكل تفاصيلها

    ردحذف
  18. بجدددد هايلة ياديناا ياقمر وتسلم الايادى ياقمر بجد اتنى رائعة وقصصك تجنن بجد كفاية انى لما بتكون رومانسي بحس بيها اوى ولما بتكون حزينا ببكى اوى اوى بجد انتى اكتر من مبدعة

    غادة

    ردحذف
  19. جميلة اوووووى يا دينا بس القصة دى كان ناقصها احداث تفرح اكتر انا بحب قصصك الرومانسية جدا وبحب اقراها كتير لأنها بتقنعنى بواقعيتها ان لسه فيه حب بجد
    مستنيين جديدك يا قمر


    ddy dody

    ردحذف
  20. طب كان ايه لزمة القفلة اللى فى نص الحلقة دى :) روووووعة و الله العظيم

    ردحذف
  21. بجد نهاية رائعة جدا يادينا
    بجد قمة الابداع
    ومستنية منك اعمال جديدة

    ردحذف
  22. حلوة والله وكويس انها نهاية حلوة لان الواحد مش ناقص

    ردحذف
  23. روعااااااااااااااااه تسلم ايدك
    احلى نهاية للحب بجد

    ردحذف
  24. حلوه جدااااااااااااااااااااااااا

    ردحذف
  25. ربنا يكررمك

    ردحذف
  26. حلوة بجد مع انى حاسة شوية انها تشبه ذكرى سارة لما غادة عرفت ان ادهم بيحب سارة واتنازلت من الواضح انك مثالية ههههههه وده بينطبق على قصصك وخصوصآ النهايات بس كالعادة ربنا يوفقك
    سمورة

    ردحذف
  27. يوهوووووووووووووووووووووو رووووووووووووعه جدا يا دينا

    ردحذف
  28. ايوة كدا يا دينا كلنا فرحنا جدا لمحمد واميرة وبجد نهايه جميله جدا

    ردحذف
  29. حلوووووووه اوي يادينا
    اينعم كان في حبة حزن كدااا ف النص بس فرحتينااا ف الاخر
    تسلملنا يا قمر

    ردحذف
  30. حلوة اوي النهاية مكنتش ينفع تتقفل غير كده
    يا تري القصة الجديدة امتي




    Menna

    ردحذف
  31. جميله جميله جميله ما شاء الله
    ونهايه سعيده وجميله
    بس لو كانت اقوى شويه
    تظهرى المشاعر اكتر كده يعنى

    كانت حتبقى اجمد ما هى جامده بجد فظييييييييييييييعه
    مستنين الجديد

    ردحذف
  32. تحفففففففففه جدااااااا وكويس ان النهايه حلووه الواحدمش مستحمل تبقي النهايه وحشه حتي في القصص كفايه علينا الواقع :(
    بس بجدتسلللمي مع اني مش عارفه ليه مش باحب محمد اوي باحس فيه شويه انانيه

    ردحذف
  33. تحفه بجد تسلم ايدك :)

    ردحذف
  34. بجد جامده اخر حاجه حببتينى فى القراءه يا دودو

    ردحذف
  35. بصراحه الله يسامحها اللى بعتت لى اللينك بتاع مدونتك بجد حسيت وانا بقراها انى تفرج على فيلم عربى قديم وطويل ايه يابنتى لقيتى وقت منين تكتبى فيه كل دة. انا ماكنتش هعلق لكن انتى اللى صممتى بس انتى بتكتبى بفكر الاربعينات وبجد الله يسامحها اللى كانت السبب

    ردحذف
    الردود
    1. والله القصة احلى منك

      حذف
  36. سلمت يداكِ .. بجد قصة جميلة .. في انتظار المزيد :)

    ردحذف
  37. بجد تسلم ايدك يادينا قصه جميله ومن اول يوم رعب كدا ههههههههههه

    mohamed shalaby

    ردحذف
  38. رووووووووووووووعة خرافة حلوة اويييى القصة دى خليتنى اعيش فيها كانها واقع واتمنيت الحب بجد والتسامح الى فيها رائع
    اية

    ردحذف
  39. قصه تجنن اوى والنهايه تحفه اوى

    ردحذف
  40. gbaaaaaaaaraaa b2aaa
    Tu2aa

    ردحذف
  41. دي اول قصة اقرأها ليكي و بجد عجبتني جدا و اثرت فيا اكتر و بقيت متشوقة اني اعرف ايه اللي هيحصل فالاخر.
    و بالتوفيق الدائم ان شاء الله :)

    ردحذف
  42. ياااااااااااااااالهوى ايه القصه دى انا دمعت فيها كتير اوووووى الحب دا حلووو اووى اووى اووى

    ردحذف
  43. حلووووووووووووووووه اووووووووووى

    ردحذف
  44. بجد مش لاقيه كلام يقدر يوصف احساسى دلوقتى
    بجد جامده اوى

    ردحذف
  45. جميله جداااااااااا ورائعة فعلا :)

    ردحذف
  46. جاامدة موووووووت

    ردحذف
  47. جامده جدا

    ردحذف
  48. جامدة جدددددددددددددا و انتي فنانة

    ردحذف
  49. بجد حلوة خالص كل قصصك جميلة ومبدعة

    ردحذف
  50. قلبى واجعنى اووووووووووووى بجد على انجى ومش عارفة ليه مافرحتش بمحمد و اميرة ف الاخر

    ولو ايمى وجيجى فضلوا صحاب احسن بكتير من محمد لان الحب بيروح ويجى وهو كده فعلا لعب بانجى ومشاعرها وماعملهاش اى حساب ... الصداقة احسن من اى حاجة

    اول مرة مافرحش ف نهاية قصة ليكى يا أ/ دينا :)

    ردحذف
    الردود
    1. وانا كمان والله اللى حصل ده اصلا هو اللى خيانة فى الاخر انا مش حابه رجوعهم وتكلمتهم على تعاسة الاخرين ,, واصلا هو كان حب انجى بس هو خان وانا مبحبش النهايات الخاينة :D

      حذف
  51. تحفه اووى .. انا دموعى مأدرتش امسكها و انا بقرأ الكلام .. تسلم ايدك

    ردحذف
  52. بجد روعة :)

    ردحذف
  53. انت فعلا رائعه الاحساس

    ردحذف
  54. هييييييييييييه جميله جميله جميله بغض النظر عن كميه العذابات بس تحففه (ريرى ) ^____^

    ردحذف
  55. ya laaaaaaaaaaaaahwi dana kan 7aygili sokar wi daght finoss el 9issa bass b gad gamdaaaaaaaaaaaaaaa tisslamiiiiiidik ya don don

    ردحذف
  56. حلوة قوي يا دندونه انا بشتغل في الكويت مدرسه وهوايتي القراءة وعرفت قصصك صدفه بجد مبدعه وقلت لاصحابي عليكي يارب علي طول في تقدم

    ردحذف
  57. حلوة قوي يا دندونه انا بشتغل في الكويت مدرسه وهوايتي القراءة وعرفت قصصك صدفه بجد مبدعه وقلت لاصحابي عليكي يارب علي طول في تقدم

    ردحذف
  58. جميلة جدا ومؤثرة جدا والعذاب فيها كان اكتر

    ردحذف
  59. انا صعبان عليا انجى او ى :(

    ردحذف
  60. تسلم ايديكي حلووووووووووووووووة يافنانة

    ردحذف
  61. النهاية حلوة
    بس انجي صعبت عليا اوي

    ردحذف
  62. بجد روعه بس كان لازم حد ينجرح

    ردحذف
  63. جااااااااااااااااااااااااااااااامده حلوه اووووووووووووووووووووي

    ردحذف
  64. راااااااااااااااااااائعة وانتي روووعة عجبتني اووووووووووووووي

    ردحذف
  65. رائعه وصعبه

    ردحذف
  66. حلوة اوى بس برده مؤثرة اوى :(

    ردحذف
  67. انا مش راضيه عن اللى حصل ل انجى هى ماتستاهلش يحصلها كده

    ردحذف
  68. تسلم ايديكي بجد حاجه ممتازه جدا بس انا اللى صاعبانه عليا بجد انجى :( هى اكتر واحده اتظلمت فالقصه دي اكتر واحده اتجرحت و اكتر واحده ضحت

    ردحذف
  69. تسلم ايديكي بجد حاجه ممتازه جدا بس انا اللى صاعبانه عليا بجد انجى :( هى اكتر واحده اتظلمت فالقصه دي اكتر واحده اتجرحت و اكتر واحده ضحت

    ردحذف
  70. حلوة قوي يا دينا بجد احاسيسها كتيرة و مختلفة و متناقضة و متنوعة في وقت واحد بجد تسلم ايديكي
    واحلي حاجة في قصصك انها بتناقش اكتر من جانب في قصة واحدة يعني هنا مثلا ناقشت علاقة الصداقة و الحب الطاهر و علاقة الاباء بالابناء و التمسك بالتقاليد بجد تسلم افكارك :)

    ردحذف
  71. قصة تحفة ومش قادرة اوصفلك انا اتأثرت قد ايه بيها بصراحة من اجمل القصص اللى انا قريتها ليكى

    ردحذف
  72. القصة جميلة اوى اوى بس حزينة جدا ومؤثرة بس بجد قصة هايلة تسلم ايدك

    ردحذف
  73. انا بموت فى القصص بتعتك بجد بتدخلينى فى مود مختلف فى كل قصة و بتخرجينى من مودى الاساسى

    ردحذف
  74. حبيت القصه دى اوووووووووووى اوى اوى اوووووى
    و قريت الحلقه الاخيره تانى بصوت عااالى من شدة استمتاعى بيها
    تحفففففففففه تسلم ايدك و دماغك
    ولااااااااء

    ردحذف
  75. تسلم ايدك بجد قصة روووعة

    ردحذف
  76. يعني الرواية تقدر تقول عليها عادية و مكررة شفنا زيها كتير

    ردحذف
  77. هيييييييييييييييييييييييح اووووى بئا نفسي الاقى صحاب كدة 3(

    ردحذف
  78. مين العبيط الي قال عن الرواية تافهة دي هايلة

    ردحذف
  79. احلي حاجة في قصصك ا نهاياتها كلها سعيدة زي ما اي بنت نفسها انتي مش متخيلة علي اد ما بتوجعني قلبي وانا بقراها علي اد ماانا بحبها وبتخفف عني بندمج فيها وبعيشها وكاني بطلتها هههههههه

    ردحذف
  80. بجد حلوه اوي انا بسببها عيط كتييييييييير اوي

    ردحذف
  81. بجد قصة جميلة جدا انا بتابع كل قصصك وبحب رواياتك جدا وبعيش معاها الاحداث لحظة بلحظة تسلم ايدك

    ردحذف
  82. مفيش حاجة جديدة تكتبيها يا دينا دي رواياتك كلها زي بعضها

    ردحذف
  83. جميله اووووووى

    ردحذف
  84. رؤؤؤؤؤؤؤؤؤؤؤؤؤؤؤؤعة تحفففففففففففة انا عيونى وجعتنى يا شيخة من العيييط بس الحمد لله رجعوا لبعض قصة حلوووه يا دينا




    فاطمة

    ردحذف
  85. لـآ بجد أكثـر من رآئعـة وأكيد وآحدة زي إنجي ربنـآ هيديهـآ وآحد أحسن من محمد وهي هتحبه أكتر من محمد وتتجـوز وتبـأة فرحتهـآ أكبر بـأنهـآ إتجوزت وآحد بتحبه وبـإن مـآمتهـآ وبـآبـآهـآ رجعو لبعض وبـإنهـآ مخسرتش صحبة عمرهـآ

    ردحذف
  86. بجد روعة يا دينا قريتا كلها ف ساعة وشويه
    بس الصراحة انجىكنت معصبانى اووووووى
    بس رائعة كالعادة

    ردحذف
  87. جميلة جدااااااااااااااااااااااااااااا

    ردحذف
  88. جميله جدااااااااااااااااااااا

    ردحذف
  89. نهاية حلوة اوى
    وانا فرحانة جدا بالقصة الحلوة دى
    جامدة القصة يادينا يارب دايما فى تقدم
    وع فكرة عجبانى قصصك الواقعية
    استمرى يادندون

    ردحذف
  90. ياااااالهوي
    والله بجد انا منهار
    والله جميله اووووي
    بجد اللي من نصيبك هيكون ليك اكيد
    ربنا يجمعني بيكي ياروح قلبي من جوه
    بحبك يامجنونتي

    ردحذف
  91. ايه ده النهايه حلوه اوى انا عنيا وجعانى كده من العييط
    اول قصه بجد اقراها احس انها واقعيه ميه فى الميه
    حلوه اوى بس بجد مؤلمه انا عيطت لان للحظه افتكرت بعد كل الالم ده فجاه اتحول لحب وسعاده بعد كل الصراعات دى بعد كل ده اخيرا ......

    شكرا يا دينا شكرا بجد القصه دى عرفتنيا الحياه ماشيه ازاى .... شكرا بجد

    ردحذف
  92. دى النهايه الصبح مع ان انجى صعبانه عليا مش عارفه تكمل بلاتوه حد بعرف اوصلها ازاى

    ردحذف

قول رأيك بلاش تقرا وتقفل من سكات...ارائكم تهمنى