الخميس، 15 نوفمبر، 2012

البيت القديم... الحلقة 4

الحلقة 4
خرجوا كلهم من الفيلا...
وهما بيركبوا العربية
حمدى"ما تستنى يا معتز وتشوف اى بيعة للفيلا دى"
بص له معتز
"ليه انت هتسكن معانا وانا مش عارف"
ارتبك حمدى
"انا اسف مقصدش اتدخل بس الفيلا كئيبة اوى"
سهام"ايه يا معتز... حمدى بيتكلم عادى"
معتز"عادى ايه... هو من بقية عيلتك وانا معرفش"
حمدى"خلاص يا سهام... سلام"
مشى حمدى وجريت وراه سهام ووقفته
"استنى ياحمدى... متزعلش"
"مش زعلان... هو معاه حق انا مكنش ينفع اتدخل كده"
"هو انت غريب"
بص على مع معتز اللى كان واقف حاطط ايده ف وسطه وبيبص عليهم
"سهام...انتى عارفة معزتك عندى وانا عارف معزتى عندك...علشان منخسرش بعض خلينى بعيد عن معتز خالص"
"ليه بتقول كده"
"هو مش طايقنى وانا مش هستحمله كتير"
"يعنى ايه...انا مقدرش استغنى عنك"
"ولا انا طبعا... احنا اخوات وعمر ما حد هيدخل بيننا... علشان كده بلاش نتجمع انا ومعتز ف مكان واحد"
"وفرحى؟؟ اوعى تقول مش هتيجى"
"هاجى طبعا...اومال مين اللى هيصور...انا بتكلم على اى مقابلة ممكن تجمعنا"
معتز بينادى
"سهااااااااام"
"روحى يالا... اشوفك بكرة ف الجورنال"
مشى حمدى...وراحت سهام ناحية معتز وركبت العربية وهى ساكتة
لف معتز وركب ... واتحرك بالعربية
سهام بتبص من الشباك... معتز كلمها
"انتى كمان زعلانة"
"بقولك ايه يا معتز انت عارف ان حمدى زى اخويا ومن قبل الشغل واحنا زملاء يعنى اللى يضايقه يضايقنى"
"وهو بيتدخل ليه ف حياتنا"
"مش تدخل...هو انا لما اقوله رايي فى حاجة تخصه ابقى بتدخل"
"انا من حقى اغير عليكى"
"لا والله...من امتى بتغير من حمدى...ماانت بقالك سنين عارف علاقتنا القوية وعمرك ما علقت"
"الوضع مختلف دلوقتى"
"ايه الاختلاف"
"انتى هتبقى مراتى"
"لو كنت هبقى مراتك علشان تتحكم فيا يبقى  شكرا متنازلة عن الشرف ده"
"يعنى حمدى احسن منى"
"انت خطيبى وهو اخويا وزميلى واقرب حد ليا فى الدنيا واعرفه من قبل ما اعرفك ومش هتحط فى الاختيار ده"
"خلاص يبقى زميلك واخوكى ف الشغل بس ومشوفوش تانى"
"عز الطلب"
"ايه؟؟"
"مفيش"


عربيات كتير قدام الفيلا
عربية معتز عليها ورد
سهام ومعتز نازلين من العربية وهما عروسين
مامتها وباباها وقرايبها بيسلموا عليها
حمدى واقف على بعد بيشاور لها
دخلت سهام ومعتز من باب الفيلا ...مشيوا فى الجنينة اللى مازالت مهملة...لحد ما وصلوا لباب الفيلا الداخلى
                               ***************
سهام بتبص على معتز وهو بيقفل بالترباس
"الفيلا اتغيرت خالص لما اتوضبت"
"مش قلتلك..لو عجبتك خلينا فيها"
"لما اشوف"
مسك ايدها... وطلعوا على السلم وهو بيغنى
"طالعة السلالم يا مشا الله عليها"
"هههههه ايه يامعتز الاغنية القديمة دى"
"بمناسبة السلم يعنى"
                       ******************

فتح باب الاوضة... شال سهام وهى بتضحك... حطها ع السرير
"مبروك ياعروستى... اخيرا اتجوزنا"
"اخيرا يا حبيبى"
قعد جنبها... قرب منها
قامت مكسوفة... وقفت قدام المراية
فكت طرحتها
"انزل يا معتز هات العشا من تحت لحد ما اغير هدومى... هتلاقيه جاهز ع السفرة"
"مكسوفة انتى صح"
شدته بره الاوضة
"يالا جعانة"
خرج معتز... وقفلت الباب وراه
بتفك الفستان... سمعت صوت احتكاك فى الباب
حست ان معتز واقف ورا الباب
اتسحبت وهى بتضحك علشان تفتح فجأة
فتحت الباب فجأأأأأأة

مشافتش حد... طلعت بره الاوضة
بصت فى الطرقة الطويلة يمين وشمال
مشافتش حد استغربت ورجعت الاوضة وقفلت الباب
                       *****************

سهام ومعتز قاعدين على كنبتين جنب بعض وقدامهم ترابيزة حاطين عليها العشا
قامت سهام
"الحمدلله"
"رايحة فين"
"داخلة اغسل ايدى"
قام معتز ومسك ايدها وهما واقفين
"ورينى ايدك كده ...ولا اقولك ورينى بؤك"
قرب منها... معتز ضهره للشباك... وسهام وشها ليه
معتز بيقرب منها...بعدت سهام فجأة
"اييييه... انتى مراتى"
"عارفة...انا اتخضيت زى ما يكون حد بيبص علينا"
سهام عينيها ع الشباك... راح معتز فتح الشباك الجرار المقفول
"يابنتى حد مين احنا فى الهِو"
"والله العظيم شفت حاجة نورت"
"يمكن عمود من اللى ف الشارع شاور عقله ونور واطفا تانى"
"والعمارة اللى قدامنا دى"
"مالها...زى ماانتى شايفة كلها مضلمة ومش معقول يكون حد ساكن فيها"
"طيب اقفل الستارة"
                              ***************

سهام ومعتز على السرير... سهام تزقه بعيد عنها
"اوعى يامعتز"
"ايه تانى"
"الشباك... حد بيبص علينا"
"ام الشباك على ام الليلة اللى مش فايتة مش عارف اركز"
"قوم شوف فى ايه بدل ما انت بترغى كده"
قام معتز وفتح الستارة
"يعنى الستارة مقفولة... حد مين اللى هيبص علينا"
فتح الشباك
"تعالى بصى...ضلمة وهس ومفيش مخلوق"
قامت سهام بصت... رجعت قعدت على طرف السرير
"بيتهيألى يعنى انى شفت زى ما يكون حد بيحرك كشاف وضوئه جه على الشباك وانا شفت الانعكاس بتاعه"
"انعكاس وضوء وكشاف انتى ف حصة علوم... ايه يا سهام مالك"
نامت على السرير وضهرها لمعتز
"باين عليا متوترة شوية...تصبح على خير"
"اصبح على خير؟؟؟ قومى وانا افكك من التوتر ده"
بصت له سهام بتحذير
"بقولك ايه بقى... انا مودى اتغير وهنام..فيه اعتراض"
"يخربيتك هو انا متجوز ايه"
"هااااااااااا"
"نامى...نامى...احكيلك حدوتة طيب"
قامت سهام وهى متنرفزة
"تصدق معندكش دم...وهنام ف الاوضة التانية"
"خلاص خلاص...نامى وانا هسكت"
نامت... السلسلة شبكت فى المخدة
"اوووو...انتى هتزهقينى هو انا ناقصاكى"
قلعت السلسة وحطتها جنبها على الكومودينو

                       *******************

سهام بتفتح عينيها على صوت خطوات بره الاوضة
التفتت لقيت معتز جنبها...نايم
قامت اتعدلت بشويش... وصحت معتز وهى بتهمس
"معتز...معتز قوم"
قام معتز وهو بيفرك عينيه
"ايه ؟؟"
"ششش... سامع؟؟"
ركز معتز... ورد وهو بيبص لها
"اااه"
قام يتسحب
"خليكى هنا...ممكن يكون حرامى"
"مش قلتلك حد بيبص علينا...يمكن كان بيراقبنا"
دور معتز حواليه
بص على السكينة اللى على الترابيزة على صينية العشا
"هتاخد سكينة ليه"
"افرضى الحرامى معاه حاجة... ادافع عن نفسى"
"هاجى معاك"
"لا خليكى"
صوت الخطوات مسموعة وواضحة
اتسحب معتز وفتح الباب...طلع راسه بيبص
سهام بتطلع راسها هى كمان
زقها جوه الاوضة وهو بيشاورلها تقفل الباب وبيشاور على الاوضة التانية
                        ****************

لحظات عدت على سهام وهى فى الاوضة...خايفة
وفجأة سمعت صوت خبطة... ومعتز بيصرخ وبيقول
"سهااااااااااااااااااااااام"


هناك 36 تعليقًا:

  1. حلوة اوووووووووووووووووووووى

    ردحذف
  2. تحفه رائعه وكالعاده تسبينا متشوقين للحلقه الجايه

    ردحذف
  3. الف سلامه عليكى يا ديناربنا يشفيكى يا رب\\ميرسى يا دينا انك نزلتى الحلقه دى حكايه وشكلها هتحلو اووووى

    ردحذف
  4. بصراحه انا بفكر مكملش القصه لاني بجد خفت جدا تسلم ايدك

    ردحذف
  5. اييييييييييه دهانا خفت طب عاوزه اعرف ايه هو بصراحه القصه روووووووووووعه

    ردحذف
  6. أزال المؤلف هذا التعليق.

    ردحذف
  7. ياااااااااااه يا استاذه دينا حمد لله على سلامتك الاول و ربنا يتمم شفاكى على خير :) الحلقة روووووووعة كالعادة ربنا يبارك فيكى يا رب
    د.علاء

    ردحذف
  8. حمدلله على سلامتك ياأ/ دينــآ وربنا يعوضك خير ان شاء الله عن الى راح
    الحلقه جامده جداااااا النهارده وشكلنا دخلنا فى الرعب اهو :D بس يارب ما يكون معتز مات بصراحه هزعل اوى :(



    ,, مــآيســـه ,,

    ردحذف
  9. يا الله انا كدة مش هنام النهاردة
    ربنا يستر :||

    ردحذف
  10. حمدالله على السلامه يا دودو والقصه رائعه

    ردحذف
  11. اوباااااااااااااااااااااااااااااا الحلقه جامده فحت ... حمدلله ع السلامه

    ردحذف
  12. رووووووووووووووووووووووووعة بجد وفرحت اوى انها نزلت بجد
    شكرا اوى ع تعبك معانا

    amira slama

    ردحذف
  13. والله انا ظالمه بقرا القصه في معاد زي ده انا موت في جلدي بس الحلقخ نار النار مش هقدر مكملش القصه

    ردحذف
  14. حمدلله على السلامة يا دينا وحشتينا اووووووووووووووووووووى
    الحلقة النهارده لذيذة بدأت ادخل فى المود بس فيها لسه غموض شوية

    ردحذف
  15. انا خااااااااااايفة ناااااااااااااااو مووووووووووووووووووووووووت الكل نايم عندى وانا لوحدى صاحية وعمالة اتلفت حواليااااااااااااااااااا

    ردحذف
  16. نهاااااااار أسووود
    في ايييييه ..؟!
    لسه مش خايفة انا :D :D
    كممممملي

    ردحذف
  17. هااااااااااااااااااااااااااااااااااااااراسود اية الى هيحصل حاجة مشوقة جدا جدا

    ردحذف
  18. انا مرعووووووووووووووووووووووووبة بجد

    متشوقينش يا دينا كده

    ردحذف
  19. انا بحب الرعـــــــب بس اعصابى سابت كملى رعب وألـــــــف سـلاامه عليــــــــكى وربنا يقومك بالسلامه وتقدرى عالمشاكل النفسيـه


    NoOoODy

    ردحذف
  20. الله عليكى هوه دا الرعب

    ردحذف
  21. شكلها فيلا مسكونه

    ردحذف
  22. OoOoOoOoOoOH MY GOD..REALLY IT MADE ME AFRAID.. U R A WITTY WRITER

    ردحذف
  23. حلوووووووووو جدا جدا جداااااا ..
    اكيد معتز اتقتل ..

    ردحذف
  24. حمدا لله على سلامتك تسلم ايداكى حلقة روعة بصراحة انا خفت اوى وانا بقراها وربنا ما يحرمناش منك ابدا بصراحة اليومين الى فاتوا كانوا صعبين من غير حلقاتك الجميلة ربنا يتمم شفاكى على خير
    اية

    ردحذف
  25. dina plZ 7al2a 5 b2a heyah hatnzl 2day wla no

    ردحذف
  26. fen el7l2a el5amsa...yaret bosr3a

    ردحذف
  27. حمد لله على سلمتك يا دودو ويلا بقى الحلقه الخمسه على السريع لحسن انا فضولى بيكولنى

    ردحذف
  28. ي مااااااااااااااماااااااااااا

    ردحذف
  29. يا ماااااااااااا مااااااا الحمد لله اني مقراتهاش بليل

    ردحذف
  30. نهااااااااااار ابيض
    ايه اللي حصل

    ردحذف
  31. ملكت الحزن4 مايو، 2013 2:46 م

    مش عرفه اقول ايه غير اني ادمنت حاجة اسمها قصص رعب على اد كدة مش رعب اوى بحبك

    ردحذف
  32. 2lby hyo2f :(

    ردحذف

قول رأيك بلاش تقرا وتقفل من سكات...ارائكم تهمنى