السبت، 17 نوفمبر 2012

البيت القديم... الحلقة 5

الحلقة 5
خرجت سهام بسرعة تشوف معتز
اول ما خرجت من الاوضة...شافت الطرقة فاضية
"معتززززز"
نادت عليه...ومسمعتش رد
بدأت تتباطئ علشان الحرامى ميسمعهاش
فكرت وهى ماشية بهدوء
"يكون الحرامى ضربه ومستنينى انا كمان"
بصت حواليها تشوف حاجة تدافع بيها عن نفسها
ملقتش حاجة

رجعت الاوضة بسرعة...بصت حواليها
اخدت اسبراى من بتوع معتز وولاعته
وهى بتفكر
"لو الحرامى هاجمنى...اولع فى وشه"
مسكت الاسبراى والولاعة فى وضع الاستعداد
نزلت بسرعة على امل انها تنقذ نفسها وتنقذ معتز
وصلت لاعلى السلم
بصت لتحت... المكان واسع قدامها وفاضى
لا فيه اثر لمعتز ولا لحرامى
وقفت مكانها...مش عارفة تنزل ولا ترجع
نادت بصوت عالى
"معتزززززززز"
مفيش حد رد عليها
رجعت تانى لنفس الدور
شافت باب الاوضة اللى جنب اوضتها بيتفتح ويتقفل
راحت بسرعة تشوف معتز
الاوضة مضلمة... دخلت تفتح النور
الباب اتقفل عليها...والنور مش بينور
حاولت تفتح الباب ...بتنادى على معتز وهى خايفة
ولعت الولاعة علشان الضوء
حست كأن حد معاها فى الاوضة بيتحرك
خيال اسود ضخم مش شايفة اى تفسير لشكله
بيقرب منها...صررررررخت والتفتت تحاول تفتح الباب
بتلف تبص على الخيال ...بيقرب منها
صراخها بيزيد...بتصرخ بهيستريا
الخيال بيقرب منها ...ايدين بتقرب من رقبتها تخنقها
                             **************

معتز لما خرج من الاوضة... سمع صوت الخطوات
مشى ورا الصوت... وهو بيلوح بالسكينة فى الهوا
الصوت بيتجه ناحية السلم...راح ورا الصوت وهو مش شايف اى حد
وهو على طرف السلم... حس بحد بيزقه
التفتت ...مكنش فيه حد وراه
وقع من ع السلم وهو بينادى
"سهااااااااااااااااااااااام"
لما وقع ... شاف خيال ناحية باب الجنينة الخلفى
قام يجرى بسرعة ناحية الباب
فتحه...وخرج يدور فى الجنينة
فضل يلف حوالين الفيلا ...وهو بيدور على الحرامى
لف مرتين... وهو راجع سمع صوت سهام بتصرخ
راح بسرعة على الباب اللى خرج منه
حاول يفتحه..مبيتفتحش
سهام بتصرخ بصوت عالى
باب الفيلا الخلفى مش بيتفتح
باب الاوضة اللى فيها سهام مش بيتفتح

فى نفس اللحظة
صوت قرآن الفجر على بُعد...
الباب اتفتح مع معتز
واتفتح الباب على سهام
                           ******************

سهام قاعدة فى اوضتها...بتعيط
ومعتز قاعد جنبها اخدها ف حضنه وبيطبطب عليها
"خلاص بقى يا سهام اهدى"
"انا هموت م الرعب... ايه اللى بيحصل ده"
"معلش انا هبقى اجيب حد الصبح يعمل حديد ع الابواب علشان محدش يدخل تانى"
"حد مين"
"الحرامى اللى اكيد كان فاكر الفيلا فاضية ميعرفش اننا سكننا من الليلة"
"حرامى؟؟طب لو افترضنا انه كان حرامى...مين اللى كان معايا فى الاوضة"
"خوفك بس اللى صورلك كده "
"والباب؟؟"
"علق واتفتح...بتحصل يعنى عادى...قومى قومى نامى"
قامت وهى بتمسح دموعها
"انا هتوضا واصلى الفجر...يمكن اعرف انام بعد الليلة السودة دى"
"ليلة دخلتنا تقولى عليها سودة... ماهو انتى اللى سودتيها علينا م الاول"
وبرقت له
"فايق يعنى تهزر...انا لسه قلبى واقع ف رجليا وانت ليك نفس تهزر"
"اسكتى انا وقعت وقعة ع السلم"
"تستاهل... علشان مش حاسس بالرعب اللى انا فيه"
"رعب ايه بس...مكنتش فاكر قلبك ضعيف كده"
قلعت سهام الروب بتاعها وحطته ع السرير...قبل ما تدخل الحمام لمحت السلسلة... مسكتها وافتكرت كلام الحاجة زينب
"صلاتك هى حِرزك وحمايتك...اوعى تفوتى فرض وخدى البسى دى متقليعاش من رقبتك ابدا"
لبست السلسلة ودخلت تتوضا علشان تصلى الفجر

تانى يوم... جت مامتها وباباها يباركولها
اكد عليها معتز قبل ما تقابلهم
"حبيبتى بلاش تحكى لهم حاجة علشان ميخافوش"
"متقلقش انا اصلا مش هحكى لهم"
"بعد ما يمشوا هجيب حد يعمل الحديد اللى قلتلك عليه ...متخافيش خالص"
سكتت سهام على مضض... ونزلت قابلت مامتها وباباها
قعدوا معاها نص ساعة ومشيوا
"هروح اشوف حد واجى"
"وهتسيبنى لوحدى"
"ياحبيبتى احنا بالنهار وخلاص مش ممكن الحرامى هييجى تانى"
"مليش دعوة... مش قاعدة لوحدى"
"طيب تعالى معايا وامرى لله"

سهام ومعتز واقفين مع الحداد...بياخد مقاسات الابواب والشبابيك
بعد ما خلص
"ان شاءالله 15 يوم ويخلصوا"
سهام ردت بفزع
"15 يوم ايه؟؟ لالالا مينفعش خالص"
الحداد"مينفعش يامدام قبل كده...ده انا قلتلك اقرب وقت"
سهام بتبص لمعتز
"15 يوم كتير"
معتز للحداد"طب ياريس ما تخليه قبل كده... حتى لو هتزود ساعات الشغل على حسابى"
الحداد بعد تفكير
"ماشى ...اعمل وردية زيادة على حسابك...كده ممكن 4 او 5 ايام ويخلصوا"
مشى الحداد... قعدت سهام وحطت ايدها على خدها
"مالك؟؟"
"انا خايفة"
"من ايه تانى"
"مش عارفة... خايفة وخلاص"
"طيب استهدى بالله ومتخافيش"

بالليل... كانوا سهام ومعتز قاعدين بيتفرجوا على التليفزيون
"انا هعمل كوباية شاى...اعملك معايا يا سهام؟؟"
"خليك اعملك انا"
"لا خليكى مرتاحة ...انتى عروسة ولازم تتدلعى"
ضحكوا مع بعض وخرج من الاوضة

سهام قاعدة بتتفرج على التليفزيون
لمحت نفس الضوء من الشباك
خافت تقول لمعتز يقولها انها تهيؤات
قامت تبص من ورا الشباك... شافت ضوء بيروح وييجى
فتحت الشباك فجأة...الضوء اختفى
ولاول مرة لمحت نور فى العمارة اللى قصادها فى الدور الاخير
قفلت نور الاوضة ورجعت تانى للشباك
لمحت حد بيتحرك من ورا الشباك اللى فيه الضوء
بس مكنتش قادرة تشوف اكتر من خيال...لانه اعلى
رجعت قعدت وهى بتفكر
"هى الشقة دى ساكنة ولا مسكونة"
سمعت صوت ازاز بيتكسر
والنور بيتقطع فجأة
جابت شمع من درج الكومودينو...كانت حضرته بالنهار لما حست ان النور بيتقطع كتير...
ولعت شمعة... وخرجت من الاوضة
ماشية وهى بتنادى على معتز
لما وصلت على طرف السلم
شافت كوباية الشاى مكسورة
والسلم كله فيه انعكاس مياه
قربت الشمعة علشان تشوف
"مش معقول كل ده كان فى كوباية الشاى"
حققت من اللى ع السلم... اتفاجئت انه دم
دم على درجات السلم...من فوق لتحت
صرخت.... عيطت...نزلت تجرى
وهى بتنادى على معتز

هناك 42 تعليقًا:

  1. وااااااااااااااااااااااااااو جامده

    ردحذف
  2. جامدة جدا بس نفسى تنزلى الحلقة التانية

    ردحذف
  3. حلوة اوى بس مخيفه شويه

    ردحذف
  4. تحففففففه بس ابتديت اخاف

    ردحذف
  5. يماماااااااااااا

    ردحذف
  6. يامامى انا بجد خايفة اوى كويس انى بنام بالنهار

    ردحذف
  7. ايه الرعب والتشويق ده

    ردحذف
  8. تحفه بس ياريت تنزليها بدري شويه لان كده يستحيل نعرف ننام

    ردحذف
  9. حلوه بس الاحداث بطيئه اوى

    ردحذف
  10. يا مااااااااااااااااااااااامى بجد روعة
    تسلم ايدك والصراحة انا خفت كتير

    amira slama

    ردحذف
  11. الدنيا رعب اوى والاوضه عندى ضلمه والباب عمل صوت اقسم بالله اترعبت بجد الله يكون ف عنكم قصه بجد رهيبه يادينا

    ردحذف
  12. حلووووة الحلقات
    عايزين حاجة أرعب بقي
    تسلم إيديكي

    ردحذف
  13. حرااااااااااااااااااااااااااااااااام اة دة انا هموووووووووت بجد دى احسن قصة ويارت الحلقة 6

    ردحذف
  14. v,,,,,,,,,,,,,ui

    ردحذف
  15. جاااااااااامده

    ردحذف
  16. هاااااااار اسوووود انا كده مش هنااام النهاردة

    ردحذف
  17. ايه الرعب ده انا لما باجى انام بتخيل حاجات من القصه لالالالالالالالالالالالا بس بجد تسلمى القصه حلوه اوووووووى بس مرعبه اوى اوى اوووووووووووووووووووووووى

    ردحذف
  18. ايه الرعب ده يا دينا بس تحفة

    ردحذف
  19. جمييييييييييلة اوى القصة لكن انتى كل مرة بتسبينا على اعصابنا كدة لية ؟؟ :)

    ردحذف
  20. اه يا قلبي ههههههههههههههههههههه حرام عليكوا يا دندن كده انتى شكلك هتعلجينى علي حسابك قريب هيجيلي صرع بس الحلقه تجنن

    ردحذف
  21. تحفة بجد

    ردحذف
  22. يالهوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووي

    ردحذف
  23. السلام عليكم

    ردحذف
  24. دودو انا بخاف من الرعب بس لحد دلوقتى مترعبتش \بس عاجبانى موت القصه اصلا \\انا توقعت ان معتز هيكون اتعور من الكبايه المكسوره بس لما قرات السلم كله عليه انعكاس ميه عرفت انه لا

    ردحذف
  25. جاااااااااااااامدة اووووووى الحلقة دى...بسرعة الحلقة6

    ردحذف
  26. اوبااااااااااا .. بجد جامده ربنا يستر عليهم :(

    ردحذف
  27. gamda gdn bgd nazlyy l 7al2aat bsoooooooooooooooooooooooor3aaaaaaaaaaa

    ردحذف
  28. ايه الرعب ده كله يا دندون ده مفيش بعد كده
    اية

    ردحذف
  29. الحلقه جامده جدا

    ردحذف
  30. هموووووووووووووووووووت من الرعب

    ردحذف
  31. ايه الرعب الجامد ده

    ردحذف
  32. احييييييه انا هموووت من الرعب

    ردحذف
  33. دلوقتى بقيت خيفة علي معتز اوى بتشوقينى اووووووووووووووووووووووووووووووووووى

    ردحذف
  34. بمووووووووووووووت فى جو الرعب ده
    تسلم ايدك يا دينا

    ردحذف
  35. جميلة جداااااااااااااااااا

    ردحذف

قول رأيك بلاش تقرا وتقفل من سكات...ارائكم تهمنى