الأحد، 18 نوفمبر 2012

البيت القديم... الحلقة 6والاخيرة

الحلقة 6 والاخيرة
حققت سهام من اللى ع السلم... اتفاجئت انه دم
دم على درجات السلم...من فوق لتحت
صرخت.... عيطت...نزلت تجرى
وهى بتنادى على معتز
رجليها بتحس بالدم اللزج وسخونته على درجات السلام
بتصرخ... ومعتز مش بيرد عليها
نزلت درجات السلم كلها...جريت
اتكعبلت فى حاجة من غير ماتقع
وطت الشمعة علشان تشوف

معتز مدبوح من ... والدم الغزير بينزف من رقبته
صرخت... وطت تقومه... تشوفه لسه عايش ولا لأ
معتز مبيتحركش...ماااات

جه النور فجأة... بصت حواليها شافت منظر غريب
                         *****************
سهام قاعدة على كرسى جنب باب الفيلا
حمدى واقف جنبها بيطبطب عليها وهى بتعيط
النيابة بتعاين الفيلا ...فوق وتحت
وجه ظابط سألها
"ايه اللى شفتيه بالظبط... وتفسرى بإيه اللى مكتوب ده"
حكت اللى حصل وكملت
"اول ما النور جه... ببص على الحيطة لقيت المكتوب عليها ده ومفهمتش حاجة"
"مكتوب التار... تار مين؟؟ هو القتيل كان عليه تار"
"لا... معرفش"
"لا ولا متعرفيش"
"معتز اهله متوفيين ومالوش حد من اهله عايش ... معرفش حاجة عن التار ده"
شاور الضابط لعسكرى يحط الكلبشات فى ايديها
"هنكمل كلامنا فى المكتب"
حمدى"مكتب ايه يا فندم... هتاخدوها ليه"
"لانها المتهمة الوحيدة فى جريمة القتل دى... هى الوحيدة اللى كانت مع القتيل"
"هتقتله ليه... دى عروسة مكملتش يومين"
"ماهو ده اللى هنعرفه من التحقيقات...ليه قتلته"
سهام بتعيط بدموع صامتة... ومش بتتكلم ولا بتعلق
حمدى بيطمنها
"متخافيش يا سهام... مش هسيبك "
وصلوا مامتها وباباها وهى خارجة من الفيلا بالكلبشات
صرخت مامتها... وباباها فضل يسأل
وحمدى بيهديهم

بعد 15 يوم... سهام خارجة من الحبس
ومعاها حمدى
"حمدالله ع السلامة يا سهام...شدى حيلك"
سهام بترد بحزن
"التار... انا قعدت افكر ايه معنى كلمة التار دى لحد ما فهمت"
"ايه؟؟"
"معتز اللى كتبلى كده علشان اخد بتاره"
"وانتى هتضيعى مستقبلك وتمشى ورا كلام فاضى"
"مستقبلى؟؟؟ لما اترمل وانا عروسة وجوزى يتدبح بالبشاعة دى ويوصينى انى اخد تاره...عايزنى اسكت واحط ايدى على خدى"
"يابنتى هتودى نفسك فى داهية ..زده انتى خرجتى باعجوبة"
"التار مش هاخده بانى اقتل...التار انى اعرف مين اللى قتله واسلمه للنيابة علشان يتعاقب"
"ماشى...لو كده انا معاكى... يالا بقى علشان باباكى ومامتك مستنيينك"
"هو المحامى فين...انا عايزة اعرف منه حاجات كتير"
"هو كان مستعجل ومشى... نبقى نروح له بالليل"
"مين الشاهد اللى شاف الحادثة"
"معرفش التفاصيل بالليل هنعرف"

فى بيت سهام
حمدى قاعد مع باباها... وهى خارجة من اوضتها ولابسة
مامتها بتحط صينية الشاى قدامهم
سهام"انا جاهزة ياحمدى"
الام"استنوا متنزلوش الا لما تشربوا الشاى"
الاب"بصى بقى يا سهام...انتى تكلمى المحامى يشوفلك بيعة للفيلا الزفت دى"
سهام"معتز قال انه مش عارف يبيعها علشان مش لاقى الحجة"
الاب"اسألى المحامى...او اسألى عن المحامى اللى كان ماسك موضوع الورث ده وهو يشوفلك حل..المحامين مش هيغلبوا"
سهام"حاضر"
الام"قدمها شوم عليكى يا بنتى...يا عينى على شبابك يا معتز"
عيطت سهام وهى بتفتكر معتز... زعق الاب
"وهو ده وقته تفكريها يعنى"
الام"والنبى ما اقصد... متزعليش يا بنتى ربنا يعوضك"

فى مكتب المحامى...سهام وحمدى داخلين
وبعد ما سلموا على المحامى وقعدوا
المحامى"حمدالله ع السلامة يا مدام سهام"
سهام"الله يسلمك"
ومدت ايديها بظرف
"ده باقى اتعاب حضرتك"
اخد المحامى الظرف وحطه ف الدرج
"متشكر"
سهام"هو مين الشاهد اللى خرجنى من القضية"
المحامى"شاب اسمه...ثوانى كده"
ومسك ملف القضية يدور على اسمه
سهام"مش مهم اسمه...المهم هو شاف ايه وازاى"
المحامى"هو يبقى ساكن فى العمارة اللى قدام الفيلا... وبيقول انه كان فى الشباك لحظة ما حصلت الجريمة"
سهام"الشباك...الدور الكام؟؟"
المحامى"فى الدور التالت علشان كده كان شايف كويس"
رددت سهام بهمس
"الدور التالت"
سألها حمدى
"تعرفيه؟؟"
سهام"هقولك بعدين...كمل يااستاذ شاف ايه"
المحامى"شاف معتز على السلم وبيتدبح من غير ما يشوف مين القاتل...مكنش ظاهر بس ساعتها الشاى وقع من ايد معتز وده اللى اثبت للنيابة صحة كلامه...وبيقول ان اللحظة دى كنتى فى الشباك...هو كان شايفك وشايف معتز لانه مكانه كاشف جزء كبير من الفيلا...وبعدها بيقول النور اتقطع مشفش حاجة... اللى ايد كلامه الحداد اللى جه وشهد ان معتز طلب منه عمل حديد على كل الابواب علشان حرامى دخل الليلة اللى قبلها"
"مظبوط"
سرحت سهام لحظات...وقامت وهى بتسلم على المحامى
"متشكرة جدا... بس ممكن عنوان او رقم تليفون الاستاذ صلاح ماهر"
"صلاح ماهر مين؟؟"
"المحامى"
"معرفش حد بالاسم ده"
"طيب اسأل عليه فين"
"اسألى فى النقابة بكرة الصبح واكيد هتعرفى توصليله"

سهام وحمدى ماشيين
"قوليلى بقى انتى استغربتى ليه لما المحامى قال على الشاهد ده"
"لانى فعلا ساعتها لمحت حد فى الشباك ده...زى ما يكون كان بيراقبنا.. ومن الليلة اللى قبلها وانا بلمح ضوء بيعكس فى شباك الاوضة زى مايكون كشاف"
"ايه ده يعنى بيراقبكم فى اوضة النوم...ده قليل الادب اوى...بس مش مهم اهو انقذ حياتك"
"ويراقبنا ليه"
"فراغ ..هيكون ليه"
"عايزة اقابله واسأله...واشكره"
"نروح دلوقتى"
"لا خليها بكرة احسن...انا عايزة اروح وانام"
"هوصلك واروح انا...هترجعى الشغل امتى"
"لسه شوية... هتيجى معايا بكرة نقابة المحامين"
"اكيد"

تانى يوم الصبح...فى النقابة
ومن مكتب لمكتب
خرجوا سهام وحمدى
"انا مش فاهمة حاجة... هو الكلام ده معناه ايه"
"واضح يا سهام... مفيش محامى بالاسم ده"
"انا متأكدة ان ده الاسم اللى قاله معتز الله يرحمه"
"مش عارف بقى"
"انا احترت"
"تعالى نروح لجاركم اللى شهد ده ونسأله يمكن يعرف حاجة"

سهام وحمدى طالعين العمارة اللى قدام الفيلا
وصلوا للدور التالت...خبطوا ع الباب
فتح لهم شاب فى بداية العشرينات وقبل ما يتكلموا
"اهلا وسهلا...اتفضلوا"
سهام"انا سهام وده..."
عامر"انا عارف حضرتك...انا عامر"
وحمدى قدم نفسه...ودخلوا وقعدوا
"تشربوا ايه؟؟"
حمدى"مفيش داعى...احنا كنا عايزين نفهم بس شوية حاجات"
عامر"تحت امركم"
سهام"انت كنت بتراقبنا؟؟"
عامر وهو بيحط وشه ف الارض
"ايوه"
سهام"ليه"
"علشان كنت عارف ان هيحصل حاجة... وفرحت اوى فى جوزك ده"
قامت سهام واتعصبت
"انت مجنون...فرحت فيه يعنى ايه"
"ربنا انتقم منه...والقاتل يُقتل"
قعدت سهام وهى مستغربة من كلامه...حمدى استغرب
"ربنا انتقم منه ليه؟؟"
عامر"علشان قتل الحاج فوزى"
سهام"لالالا انا مش فاهمة حاجة...انت شكلك مجنون وبتخرف"
حمدى"اهدى ياسهام... احنا مش فاهمين منك حاجة"
عامر"انا هجكيلكم الحكاية كلها... انا جيت ادرس هنا فى مصر من 5 سنين وزى ما انتوا شايفين العمارة قديمة وشبه مهجورة فكان ايجارها بسيط يناسبنى... مرة اشتريت منظار مقرب من محل بيبع حاجات قديمة... المهم كنت بتسلى وابص بيه حواليا فكنت بتابع الحاج فوزى...كانت حياته غريبة شوية... بيكلم ناس مش موجودة... يقرا كتب قديمة... لحد مالقيته يوم شاورلى انزله..استغربت وخفت هو شايفنى ازاى؟"
سهام"انت كداب...اللى كانت ساكنة الفيلا دى عمة معتز"
عامر"لأ.. محدش كان ساكن غير الحاج فوزى... واتفضلى اتأكدى"
طلع وصل نور من جيبه
"ده اخر وصل دفعته للحاج فوزى وملحقتش اديهوله..فيه الاسم والعنوان بتاع الفيلا"
اخد حمدى الوصل
"ده السنة دى"
"ايوه من 4شهور"
سهام"كمل"
عامر"شاورلى وبعد تردد نزلتله... مش هطول عليكم اتعرفت عليه وحبيته لانه كان راجل طيب اوى ولقيت فيه ابويا...كنت ساعات بقعد معاه شوية..اجيبله حاجة عايزها كده...لحد ما سألته عن الحاجات الغريبة اللى بشوفها بعد ما كنت اخدت عليه.. عرفت انه على اتصال بالعالم التانى"
سهام"عالم ايه"
عامر"اللهم احفظنا الجن والارواح... انا مكنتش بصدق الحاجات دى لحد ما شفت بعينى"
حمدى"شفت ايه"
"انا جايلكم اهو ... جوزك القاتل ده اتعرف على الحاج فوزى من ييجى 8 شهور... كان بييجى يوصل له الدوا ساعات"
سهام"لما كان بيشتغل فى الصيدلية"
عامر"ايوه كان بيشتغل فى صيدلية... قبل ما تيجوا وتسكون هنا بشهرين...شفته بيقتل الحاج فوزى وانا ببص من المنظار كعادتى... بصراحة المفاجأة خلتنى اكمل مراقبة بعد ما شفته قتله...اخد الجثة دفنها فى الجنينة"
حمدى"مبلغتش عنه ليه"
عامر"بلغت... جه البوليس ودور...ملقاش الجثة واتهمنى القاتل بالبلاغ الكاذب ومعايا ارقام البلاغات...واحتل الفيلا لان الحاج فوزى لاكان ليه قرايب ولا حد غيرى"
سهام"والجثة راحت فين"
عامر"معرفش"
حمدى"معقول يكون كل ده حقيقى"
عامر"ده اللى اعرفه... واللى شفته يوم حادثة معتز كان اغرب حاجة"
سهام"ايه؟؟"
عامر"عارفة من يوم ماجيتوا الفيلا وكان فيه خيال عايش معاكم... خيال مكنتش عارف افسر شكله... هو ده اللى دبح جوزك"
سهام بتقول لحمدى
"اللى حبسنى فى الاوضة اول يوم وكان هيموتنى"
قامت سهام وهى مصدومة
"شكرا انك جيت شهدت وخرجتنى من مصيبة كنت هتحط فيها"
عامر"العفو..انتى مظلومة ف كل الاحوال"
نزلت سهام وحمدى من عند عامر...وقفت قدام الفيلا
"معقول ياحمدى يكون كل ده حقيقى"
"انتى مش عشتيه بنفسك... رغم غرابته بس اهو حقيقى"
"ده كابوس"
"احمدى ربنا انه نجاكى"
"الحمدلله"
"يالا يا سهام من هنا...واضح ان الحاجة زينب كان معاها حق لما قالت كله مكتوب فى العتبة الجديدة"
حطت سهام ايديها على السلسلة
"معتز مكنش بيصلى"
"وكان قاتل"
مشيوا الاتنين بعيد عن الفيلا ...وسهام مازالت مستغربة من اللى سمعته
                        النهاااااااااااااااااااااااية

انتظروااااا القصة الجديدة
"جوه البيوت"




هناك 68 تعليقًا:

  1. لالالالالالالالالالالالالالالالالالالالالالالالالالالالالالالالايك

    ردحذف
    الردود
    1. قصه رخخخخخخخخخخخخخخخخخخخخخخخخخخخخخخخخخخمههههههههههههههه

      حذف
  2. يلهويييييييييييي الحلقه جمده ناااار يا دينا تسلمي يارب وابهرينا بقي بالجديد

    ردحذف
  3. مش فاهمة حاجة ؟؟؟ايه تفسير الظل

    ردحذف
    الردود
    1. روح الحج فوزي
      والحجه زينب كانت شايفه كل ده انه هيحصل

      حذف
  4. رووووووعه

    ردحذف
  5. بجد تعفه اخر حاجه .. ما شاء الله عليكي ..

    ردحذف
  6. الملاك الوردى18 نوفمبر 2012 في 10:48 م

    جميله جداااااااااااااااااااااا

    ردحذف
  7. مش حلوه يادينا

    ردحذف
  8. القصه ديه حقيقه و لا من تاليفك انتى نشفتى دمى

    ردحذف
  9. بصراحه يا دينا احسن حاجه انك خلصتى القصه دى هى حلوه بس مخيفه ومرعبه احسن انها خلصت بدرى فعلا كفايه عليها كده

    ردحذف
  10. الحلقة رووووووووووووعة و مستنية القصة الجديدة

    ردحذف
  11. تحفة يا دينا بجد الحلقة حلوة اوييييي

    ردحذف
  12. حلوه اوى بس القصة صغيره اوى

    ردحذف
  13. القصه الجديده امتى يا دودو

    ردحذف
  14. لالالالالالالا حقيقي ملكيش حل انا مش قادره بجد مستمتعة جدا جدا ربنا يوفقك ويقويكي يارب

    ردحذف
  15. انا مش لاقيه كلام اعبر بيه عن اعجابى الشديد بيكى يا دندون انت رائعة بل اكثر من رائعة بتعرفى تدخلينا ف قتل و دبح وبعدين تطلعينا على رومانسية و مشاكل اجتماعية كانها بتحصل معانا بالظبط وكل كلامك مقنع و مؤثر انت ساحرة
    dentist aya

    ردحذف
  16. حلوه جدا يا دينا

    ردحذف
  17. القصة مخيفة جدا جدا جدا بس برده جامدة اوي اوي اووي

    ردحذف
  18. حلوووووووووووووووة جدااااا
    بس صغيره قوووى .. الاحداث جريت بسرعه..

    ردحذف
  19. رووووووووووووووووووووووووووووووووووعة بجد تسلم ايدك
    وفعلا عشت الحكاية والله
    بجد انتى رائعة وعقبال كل قصة يارب

    amira slama

    ردحذف
  20. انا كنت فاكره هيروحوا للحاجه زينب وتتكلم معاهم والقصه هتحلو بس برضو تسلم ايدك حلوة اوى

    ردحذف
  21. تجنننننننننننن يادندن يااقمر نهاية تجنن وحلوة موت

    ردحذف
  22. القصه جنان بس يا خساره خلصت

    ردحذف
  23. waaaaaaaaaaaaaaaaaaaw

    ردحذف
  24. الله عليكى الحلقه جميييييييييييييييييييييييييييييله وربنا يوفقك

    ردحذف
  25. شغاله ومش هقولك دي افتكاسات لإن الكلام دا بيحصل فعلا وأنا كنت أعرف ناس متصله بالعالم التاني والحاجات دي بس الفكره هنا إن إنتي مهتمتيش بالقصه صح وأنا واثق جدا إنك لو كنتي اهتميتي كنتي هتعملي حاجه أحسن من كده و ع العموم خيرها في غيرها .. ومتنسيش أنا عايز إسم كاريمان في القصه الجايه من فضلك

    ردحذف
  26. بالرغم ان القصة صغيرة جداا بس والله يا دينا اثبتي جدارة فيها اولا الاحداث جبتيها بشكل جميل جداً ومبسط ثانيا قدمتي فيها نصيحة غير مباشرة ان الناس تخلي عندها دم وتصلي :D
    بس اللي عجبني ف ده كلو حمدي وده فعلا االلي يستحق سهام
    بس خليهم أخوات أحسن :)
    ا.ه

    ردحذف
  27. مع احترامى الشديد ليكى انا بحب قصصك وقرتها كلها وكلهم جامدين الا القصة دى مش حلوة خالص

    ردحذف
  28. الحمد لله انها خلصت بدري بدري قبل ماشعرنا يبيض

    ردحذف
  29. القصه كانت حتبقى ممتازه جدا بس باين انك خوفتي تكمليها مش عارفه اذا كان خوف من العفاريت و لا خوف لان دا نوع جديد بالنسبه ليكي و لا خوف من اعتراض البعض على النوع دا من القصص
    و انها تنتهى بالسرعه دي و بالشكل المقتضب دا صراحه اضر بالقصه جامد انا كنت متوقعه ان احداث تانيه كتيير حتحصل و القصه حتبدا
    دي حتى لو النوع دا مزعل حد كانت ممكن تقلب بوليسي و كانت حتبقى تحفه برضوا و على راي الاستاذ صلاح جاهين
    " ولدى نصحتك لما صوتى اتنبح متخفش من جنى ولا من شبح وان هب فيك عفريت قتيل اسالة مدافعش لية عن نفسة يوم ما اندبح .......... وعجبى"

    ردحذف
  30. ya gma3a ya ely pt2olo we74a we 2osyra hya gapet kol el 27das ento p2a ely 3alam mtfweka we te3rafo tektpo 7l2a wa7da e3melo ento kman mdwena wla a we el kesa ya dina gamda fa7t we el gdeda fast ya dina

    ردحذف
  31. salam hiya 9isa bitkhawif chewaya bas hilwa 3la 9akal ghayart namat taba3 9isas okhra yalah ya dounia takharti 3lina ktiiir bi 9isa jadida 3am nstana bi faghire sabr

    amirat maghreb

    ردحذف
  32. حلوة و مرعبه بس كان في حاجة دايقتني .. إنك مباينه هنا إن كلام الدجاله صح و إنها بتعرف الغيبيات .. و ده حرام لإن مفيش حد يعرف الغيبيات غير ربنا .. و كمان الدجالات كدابين !

    ردحذف
  33. تسلم ايدك يا دندن

    ردحذف
  34. جميله يادينا بس كنتى تفسري ايه الخيال الى كان عايش معاهم ده يعنى دى روح الحاج فوزى ؟؟؟؟؟

    ردحذف
  35. القصه جميله قوي يا دينا

    ردحذف
  36. فين باقي الفصه المفروض يكون ليها تكلمله يا ريت يا دينا تكمليها هتبقي احلي انا متشوق اشوف باقي القصه ...القصه دي لازم تكمل

    ردحذف
  37. يا دودى يا جااااااااااااااااااااااااااااامد بجد روووووووووعه وبجد رعبتينى
    doaa heiba

    ردحذف
  38. جميله اوي يا دودو تسلمي نزلي بقي روايات عن الجامعه

    ردحذف
  39. الصفحات مش عاوزة تفتح مش عارفه ليه

    ردحذف
  40. مش عارفه افتح بقيت الصفحات

    ردحذف
  41. raw3a awiiiiiiiiiiiiiiiiii msa 3lekeeeeeeeeee ana b342 el rooooo3b ktre mnooo plz :)

    ردحذف
  42. جامده بجد القصه روووووووووعه

    ردحذف
  43. حلوة جدا

    ردحذف
  44. قصةغريبة بس اسلوبك مشوق اوى

    ردحذف
  45. دي بجد قصة رووووووووووووووووووووووووعة جميلة جدا جدا جدا بجد من اروع ما كتبتي يا استاذه دينا تسلم ايدك على القصة الجاااااااااااااااااااااامد دي

    ردحذف
  46. سؤال بس ليه قصص الرعب اللي بتكتبيها
    بتبقي قصيرة
    انا بحب قصص الرعب مع اني بخاف من خيالي
    والقصة حلوة بس كنت عايزاكي تطوليها شوية

    ردحذف
  47. ملكت الحزن4 مايو 2013 في 3:18 م

    خامدة اوى كالعادة بس ليه مش صوت بدلان من كتابة عيزة رد هرجع تانى

    ردحذف
  48. امممم هى مش وحشة بس مش مقتنعة بيها اوى بصراحة بس دة مايمنعش انك لسه مبدعة يا دينا برافو :)

    ردحذف
  49. بجد تسلم الايادى جميله ومرعبه شويه

    ردحذف
  50. والنبي ابقي اكتبي جنب عنوان القصه ملحوظه اما تكون مرعيه انا كدا مش هنام اسبوع بس كان عندى فضول اكملها اوووووى

    ردحذف
  51. روووووووووووووووووووووووووووووووووعه

    ردحذف
  52. قصة جااااااااااااااااااااامدة اوووووي

    ردحذف
  53. تحفة بجد تسلم ايدك بس انا ليا سؤال هى الارواح دى موجودة بجد ولا لا؟

    ردحذف
  54. ايه القرف ده سخيفة اوي !

    ردحذف
  55. حلوة تسلم ايدك بس انا خفت اوي


    مها

    ردحذف
  56. القصة حلوة و استمتعت بيهاو ببساطتها .. شكرا
    و ما شاء الله عليكي عموما
    كنت بس عايزة اعلق ليه مبتحاوليش تطوري من اسلوبك الادبي او كدة في السرد
    انتي خيالك واسع و افكارك حلوة و كدة .. بس مش معظم اللي قريته حسيت كأنك بتحكي لحد مش اكتر .. مفيش فنيات و حبكات اوي
    عارفة انك معتمدة ع اسلوب الحوار و كدة .. بس يكون احلى لو عليتي بمستواكي
    و ربنا يوفقك

    ردحذف
  57. أزال المؤلف هذا التعليق.

    ردحذف
  58. حلوة يا دينا تسلم الايادي :D بس مرعبة انا خفت اكملها بليل و استنيت الصبح علشان اخلصها :\
    بس حسيتك مضطرة انك تقفليها بسرعة مش عارفة لية و في حاجات كتيرة مش مفهومة و مالهاش تفسير
    عموما اتجاة جديد من الدراما ربنا يوفقك :)

    ردحذف
  59. بصرأحه كنت خأيفه وأنأ بقرأهأ يدودو
    بس هي حلوه أنأ قولت أكيد أخرتهأ أن حمدي هيجوز سهأم بس هي قصيره
    تسلم أيدك أي كلمه منك ليهأ جمألهأ♥♥♥♥♥
    حور

    ردحذف
  60. المفروض يكون لها تكمله

    ردحذف
  61. طيب هى اتجوزت مين =D

    ردحذف
  62. جميلة وتحسي انها واقعية

    ردحذف
  63. حلوه اوى القصه رغم انها قصيره بس بجد استمتعت بيها

    ردحذف

قول رأيك بلاش تقرا وتقفل من سكات...ارائكم تهمنى