الأحد، 20 يناير 2013

الحب على كفة ميزان... الحلقة 12

الحلقة 12
احمد داخل البيت... البيت هادى
دخل على اوضته...شاف داليا قاعدة مستنياه وهى بتتفرج على التليفزيون والنور مطفى
"انتى صاحية"
"طبعا"
وضحك احمد
"والله عارف هتقولى ايه"
"اترفدت طبعا انت وعلا...ما انتم كل شوية مصيبة"
"هونى على نفسك يادودو ...مفيش رفد ولا حاجة ده وقف عن العمل بس"
"يافرحتى"
"انتى عايزة جوزك حبيبك يبقى منافق"
"لا طبعا"
"يبقى زعلانة ليه"
"انا بخاف يااحمد...بخاف عليك من المظاهرات وبخاف على شغلك وبخاف على مستقبلك"
"المستقبل بايد ربنا...متخافيش"
"وطبعا علا ولا هاممها وقفكم عن العمل"
"خلاص بقى يادودو غيرى سيرة الشغل"
"وصلتها؟؟"
"لأ"
"ليه يااحمد...وهى هتسوق ازاى"
"انا كنت هوصلها فعلا بس لقينا وحيد جه يوصلها فنزلت وراحت معاه"
"وايه ؟؟ رد فعلها ايه"
"انا شايف انها مبسوطة... الراجل باين عليه كويس ومحترم وهى بدأت تتجاوب...ولا انتى شايفه ايه"
"ربنا يسعدها ويهديها... انا قلقانة منها"
"ليه بس"
"مش عارفة خايفة انها ترجع تفكر ف حسام تانى"
"معتقدش... منه نامت"
"اه علشان عندها مدرسة... انت بقى هتقعد معايا فى البيت صح؟"
"لا مش صح...انا سبت البرنامج انما لازم انزل اشوف شغلى من قلب الاحداث"
"ياااااااااااااااااااااااااااااااااالااااااااااااااهوى"

رجعت علا تكلم وحيد
حسام مش سامعهم ومش مفسر كلامها
كملت كلامها معاه.. وشاوروا لبعض ودخلت علا العمارة
فكر حسام انه ينزل يكلمها... تردد لانه لاحظ ان الشخص اللى وصلها لسه واقف يبص عليها لحد مادخلت وطلعت السلم واختفت عن الانظار ...مشى
حسام واقف مكانه...
"مين ده؟؟معقول علا اتغيرت كده...واحد يوصلها البيت بالليل متأخر... زميلها مثلا...بس طريقتها معاه مش طريقة زملا... طيب مين ده؟؟"

علا طالعة ...بتفتح الباب بالمفتاح
بتدخل على اوضتها...تسيب شنطتها على السرير
وترمى نفسها بفرحة
"انا ايه اللى مفرحنى كده...مبسوطة باللى حققته النهاردة فى البرنامج طبعا... شعور جميل لما اوصل اللى انا عايزاه للناس"
غمضت عينيها وهى بتفتكر
لما رجعت لوحيد
                          فلاش باك
"وحيييد...نسيت اقولك"
"ايه"
"شكرا"
"على ايه"
"على تشجيعك ليا...وانك جيت لى مخصوص علشان تقولى انى صح"
"علشان انتى صح فعلا يا علا...انا حقيقى فخور بيكى"

فتحت علا عينيها وكلمة وحيد "فخور بيكى"
بتتردد فى ودانها... قامت قعدت على السرير
وفجأة افتكرت حسام واخر مرة جالها البيت
                   فلاش باك
"هتسافرى معايا ولا لأ"
"لأ"
"ده كان متوقع منك... انانية ياعلا مبتفكريش غير ف نفسك"
"انا يا حسام انانية... انا فكرت فى اللى يرضينا احنا الاتنين رغم انى مش عايزة ابعد عنك بس برضه مش هقدر اسافر"
"انتى مش عايزة تسافرى علشان احلامك ...انتى بتجرى ورا وهم ياعلا... الشغل والطموح عمره ما بيحقق سعادة السعادة فى الاسرة والاستقرار"

قامت علا تغير هدومها وهى بتحاول تطرد حسام من افكارها

جرس الباب بيرن...علا بتفتح عينيها على صوت الجرس
بتبص فى الساعة... 2 بالليل
بتقوم تمشى بخوف لحد الباب
تبص من العين السحرية...فى ضلمة مش مفسرة مين بره
تقول بصوت بيرتعش
"مين"
صوت مش عارفة تفسره
"متخافيش يا علا افتحى"
فتحت علا شافت حسام قصادها
"حسام!!"
"انا جيت لك مخصوص علشان اقولك انتى صح"
"انا؟"
" انتى صح فعلا يا علا...انا حقيقى فخور بيكى"

فتحت علا عينيها...لقت نفسها على سريرها
فتحت الاباجورة وقعدت على السرير
"كان نفسى اسمع منك الكلام ده ياحسام..كان نفسى انت اللى تكون جنبى"
واتنهدت وهى بتقوم
"معدش ييجى منه... يارب ما اشوفك تانى فى احلامى"

حسام على سريره صاحى...مروة نايمة جنبه
"مين ده ياعلا اللى موصلك... فين اخلاقك بتاعة زمان ولا التحرر اللى عيشتيه خلاكى واحدة تانية مبتراعيش العادات والتقاليد"
مروة بتتقلب...تشوف حسام صاحى
"حسام...مالك"
يرد باقتضاب"مفيش"
"قولى ياحبيبى ايه اللى مصحيك دلوقتى"
"مفيش يامروة...نامى"
قام حسام من السرير ومروة قامت وراه
"رايحة فين؟"
"قايمة اشوفك رايح فين يمكن محتاج حاجة"
"مش محتاج حاجة...متجيش ورايا"
"مالك يا حسام"
"مفييييييييييش.... مالك مالك مالك زهقتينى.... سيبينى شوية عايز اقعد مع نفسى لوحدى...ايه كفَرت... لازم تفضلى زى ضِلى كده"
خرج من الاوضة ورزع الباب وراه
ومروة واقفة مبرقة عينيها مش مصدقة رد فعل حسام

علا داخلة مكتبها فى الجورنال...واحمد معاها
دخلت قعدت علا على مكتبها واحمد قصادها
"يالا يا احمد نزل كل الفيديوهات اللى صورتها النهاردة على فلاشة علشان ابعتها للموقع الالكترونى تنزل على طول"
"هتكتبى اى حاجة"
"مش محتاجين كتابة الفيديوهات كفاية"
وقامت علا من على مكتبها
"تعالى اشتغل على مكتبى وعندك الفلاشة فى الدرج...انا هروح اشوف وحيد هنا ولا لا"
قعد احمد على المكتب يشتغل...خرجت علا من المكتب
ورجعت بعد دقايق بتاخد شنطتها
"انا رايحة القصر العينى"
"ليه ف ايه"
"ابن وحيد اتصاب واصحابه نقلوه على القصر العينى"
"طيب استنى اخلص واجى معاكى"
"لا اشتغل انت... انا هاخد تاكسى"

حسام قاعد فى الكافيه مستنى البرنامج
وفى المعاد شاف مذيعة تانية ... والبرنامج شغال
ودور حسام على رقم القناة اللى على الموبايل واتصل
"الو..لو سمحت هى المذيعة علا صالح مطلعتش النهاردة ليه... اجازة... ماشى شكرا"
واتصل بعصام
"الو...عصام متعرفش علا ف اجازة ليه؟؟ تحقيق..للدرجة دى... طيب انت جاى امتى..لا انا همشى مش قاعد ...سلام"

علا ووحيد بيوصلها...فى الطريق
"شكرا ياعلا انك جيتى وكنتى جنبى"
"بتشكرنى على ايه بس...ربنا يشفيه ان شاءالله"
"منهم لله اللى بيضيعوا عيون الشباب... تامر كان نفسه يدخل الحربية...دلوقتى بعد عينه ماراحت حلمه كمان راح"
"مين بس اللى قال ان عينه راحت...الدكتور بيقول لما يفك الرباط هيعرف...تفائل ان شاءالله خير"
"يارب...قوليلى هى سامية ضايقتك فى حاجة...انا مكنتش مركز معلش"
"لا بالعكس دى ست ذوق ...انا ممكن اسألك انتوا اتطلقتوا ليه...انا عارفة ان دى اسرار وخصوصيات بس يعنى..."
"لا مش خصوصيات عليكى علشان انتى هتبقى مراتى وحقك تعرفى اتطلقنا ليه... علشان انا كنت مقصر معاها من وجهه نظرها"
"مقصر فى ايه"
"فى انى اقعد معاها واخرج معاها ونروح زيارات عائلية... مش مقدرة ان طبيعة شغلى مالهاش مواعيد ولا عندى حاجة اسمها اجازة ...وكانت دى اغلب المشاكل اللى بسببها تسيب البيت وتروح عند اهلها ونفضل كده وارجع اصالحها وترجع البيت ويتكرر موقف تانى وهكذا"
"هى بتشتغل"
"لأ"
"علشان كده كانت مفتقدة وجودك"
"حسينا ان الطلاق اريح لينا احنا الاتنين... هى قالتلى انها مش مرتاحة معايا وانها محتاجة زوج يكون جنبها دايما...وده حقها ربنا يوفقها"
"مش هتزعل لو هى اتجوزت"
"لا ازعل ليه...احنا اتفقنا اننا نحافظ على علاقتنا كأم واب لولادنا انما كل واحد حر فى حياته بدل مش هتضر الولاد"
"انا مش مصدقة ان فيه راجل بيفكر بالتحضر ده"
"لا فيه كتير عادى"
علا سرحت وقارنت بين وحيد وحسام

حسام بيلبس الصبح رايح الجامعة
وهو خارج من اوضته سمع مامته بتنادى عليه
دخل لها ...كانت قاعدة على السرير
"صباح الخير ياماما"
"صباح النور"
"عايزانى ف حاجة"
"اه...مزعل مراتك ليه"
"مزعلتش حد"
"بقالكم كام يوم متخاصمين"
"مش متخاصمين ولا حاجة...انا لما بعوز منها حاجة بقولها وهى كمان"
"مالك...بتقولى انك الكام يوم اللى فاتوا دول بقيت قاعد لوحدك على طول حتى مبقيتش تنزل زى الاول"
واتكلم بعصبية
"هو انا لاكده عاجب ولا كده عاجب...انزل تقولى رايح فين وجاى منين وليه بتنزل ...اقعد تقول قاعد ومبنزلش...هى عايزة منى ايه"
وسكتت حورية وهى بتبص له
"انا اتأكدت انك فعلا فى حاجة مغيراك....عصبيتك دى بتدارى بيها حاجة جواك اللى اعلم ايه هى"
"مفيش حاجة...انا هتأخر على الجامعة ...سلامو عليكو"

علا عند داليا وقاعدين مع بعض بيتفرجوا على التليفزيون
"الحمدلله ياعلا ان الاحداث هديت"
"الحمدلله...بس انا والله زعلانة اوى على ابن وحيد"
"ايه اللى وداه هناك مش يخليه ف مذاكرته"
"هههههههه ماشى ياحزب الكنبة"
"كنبة كنبة مش احسن من اللى بيرموا نفسهم فى التهلكة"
"احمد عمل ايه"
"كلمنى وقال هتأخر ولما سألته طيب ايه الاخبار قالى لما ارجع احكيلك"
"ربنا يوفقه.. على فكرة القناة اللى طلبته دى قناة كويسة ربنا يسهل ويكون عرض كويس"
"يارب ان شاءالله"
ورن موبايل علا...بصت فيه
"رقم دولى...يكون مين؟؟"
"ردى وانتى تعرفى"
"الو...ايوه انا...مين يافندم؟؟ اه اهلا وسهلا... الله يبارك فيك ..ميرسى اوى... هااا...هااا...ان شاءالله...مع السلامة"
قفلت علا...ونطت من مكانها وهى بتشد داليا وتحضنها
"لالالالالالالالا مش مصدقة نفسى يادودو"
"ايه يابنتى...مين.. احكى بسرعة علشان مش فاهمة حاجة"
"ده واحد مش عارفة اسمه ايه كده من مؤسسة اعلامية فى دبى عاملين حفلة فى راس السنة وهيكرموا بعض الصحفيين والاعلاميين من الدول العربية...وانا واحدة منهم "
قالتها وهى بتصرخ من الفرحة
"مبروك يالولو ...لولولولى ى ى ى ى"
"ههههه انا فرحانة اوى اوى"
"تستاهلى الخير ياحبيبتى... بس قوليلى هتسافرى امتى وازاى"
"قالى انهم حجزوا تذكرة الطيارة وحجزوا لى فى فندق انتركونتيننتال دبى فيستفال سيتى"
"كل ده اسم الفندق لوحده"
"انا عارفة انا حفظته كده وخلاص..انتى عارفة عمرى مارحت دبى قبل كده"
"وهتروحى اهو ياجميل وتتفسحى وتتكرمى وحاجة فل"
"الحمدلله ...هقوم اكلم وحيد اقوله"
"السفر امتى"
"يوم30\12"
"والجبس؟؟..هتروحى كده"
"لا ..ابقى افكه قبل المعاد وخلاص"

حسام وعصام قاعدين فى الكافيه
"ايه حكايتك بقى ...من يوم علا ما اتوقفت وانت مبتجيش"
"مخنوق اوى ياعصام"
"من ايه"
"علا ...مبقتش قادر مشوفهاش حتى لو على الشاشة"
"بالعكس كده احسن...ارجع لحياتك وانسى انك شفتها"
"مش قادر...انا حتى بقيت عصبى اوى فى البيت ومش طايق مروة حاسس انها بتخنقنى"
"اشمعنى محسيتش كده الا دلوقتى"
"مش عارف... بس انا مخنوق اوى...انت تعرف انى فكرت اكتر من مرة انى اروح لها واكلمها"
"تروح لمين...علا؟؟ وتقول لها ايه بس"
"مش عارف...عايز اشوفها واتكلم معاها...وحشتنى...مع انى متضايق منها اوى"
"ومتضايق ليه ان شاءالله"
"شفتها مع واحد بيوصلها بالليل عند بيتها"
"وانت ايه اللى وداك عند بيتها"
واتنرفز حسام
"هو انا كل مااتكلم تقولى ليه وعلشان ايه وايه اللى وداك...انت هتعمل زيهم وتخنقنى انت كمان"
قام حسام اخد موبايله ومفاتيحه من ع الترابيزة
عصام"استنى بس"
حسام"انا مروح"
عصام"ماشى ...بس ياريت تفكر كويس قبل ماتعمل اى تصرف ممكن تندم عليه"

حسام فى البيت...قاعد على السفرة مع مروة وولاده
مروة وحسام كل واحد فيهم بياكل من غير ما يتكلم
سيف ومعاذ ورحمة بيتكلموا ويحكوا عن المدرسة
مروة"محدش يتكلم ع الاكل...لما تخلصوا ابقوا اتكلموا"
حسام"انا مسافر الاسبوع الجاى اللى عايز حاجة يكتبهالى فى ورقة"
مروة"مسافر فين"
حسام"دبى... النهاردة فى الجامعة جالى دعوة لحضور مؤتمر عن الاعلام فى الوطن العربى "
مروة"كام يوم"
حسام"المؤتمر 3 ايام من 1ل3 يناير...وهسافر قبلها بيوم ان شاءالله"
مروة وهى قايمة"تروح وترجع بالسلامة"

وحيد وعلا فى المطار... ومعاهم احمد وداليا
"تروحى وترجعى بالسلامة ياعلا..خلى بالك من نفسك"
"ان شاءالله...هبقى اكلمك لما اوصل انشاءالله"
تسلم علا عليه...وبعدين على احمد... وتحضن داليا وهى بتودعها

حسام خارج من المطار
بيركب تاكسى...بيبص فى ورقة معاه
"انتركونتينتال دبى فيستيفال سيتى لو سمحت"

بيدخل حسام الاوتيل...بيروح الريسيبشن
"لو سمحت فى حجز باسم د.حسام كامل"
الموظف بيدور فى الكمبيوتر قدامه
حسام سأله
"هو مؤتمر الاعلام هيكون هنا فى الفندق مش كده؟"
"ايوه يا فندم...بس هيكون بكرة"
"هو الاوتيل زحمة النهاردة كده ليه"
"اصل النهاردة فيه اكتر من حفلة...النهاردة راس السنة كل عام وحضرتك بخير... غرفة حضرتك رقم 1040"

حسام واقف فى شباك اوضته فى الاوتيل
"ايه الصداع ده...انزل اخد فنجان قهوة تحت"

حسام بيقفل باب اوضته..وماشى فى الطرقة ناحية الاسانسير
                     *****************
علا بتكلم داليا وهى فى اوضتها
"شكلى هقعد يومين كده ولا حاجة يادودو...اعمل شوبنج واتفرج ..دبى حلوة اوى...الحفلة بالليل انا هنزل دلوقتى اتمشى شوية ...هبقى اكلمك تانى طبعا..يالا سلام"
                 *******************
حسام ماشى فى الاوتيل رايح ناحية المطعم
لمح علا بتكلم موظف الاستقبال وخارجة
مكنش مصدق انها هى

مشى بسرعة ناحيتها
هى ماشية ووشها ناحية الباب الرئيسى
حسام وراها مش متأكد انها هى

بينهم حوالى مترين...قرر حسام انه يتأكد
"علاااااااا"

علا ماشية ناحية الباب...سمعت اسمها
من صوت عمرها مانسيته ولا ممكن تنساه
حست بقلبها بيخفق وهو بتلتفت ببطء
وتتقابل وجها لوجه مع حسام بعد اكتر من 13سنة فراق


هناك 39 تعليقًا:

  1. اوبا لقاء الاحبه ههههههههههههههههه تسلم ايدك يا دندن

    ردحذف
  2. جامدة يا دينا كالعادة

    ردحذف
  3. to7faaaaaaaaaaaaaaaaaaaaaaaaaaaaaaaaaaa




    eman beais

    ردحذف
  4. تحفه اوي يا دينا

    ردحذف
  5. لا بقى مش هينفع كده حرام عليكي يا دودو والله لسه هستنى بعد بكره عشان اعرف ايه مصير اللحظة دى :(


    ddy dody

    ردحذف
  6. جميــــــــــــــــــــــــــــله اووووووووي

    ردحذف
  7. Kidaaa sa7 yet2ablo b3ed 3an kol el-nas sa7 w kol wa7d ytsaraf fehom mn 3'er da3't :D:D:D
    Dina ana mn el-samteen mo3zm el-wa2t bs 3agbtny awe el-nharda el-7al2a oult lazm mb2ash samta el-nharda :D:D:D:D
    you are amazing <3<3

    ردحذف
  8. Kidaaa sa7 yet2ablo b3ed 3an kol el-nas sa7 w kol wa7d ytsaraf fehom mn 3'er da3't :D:D:D
    Dina ana mn el-samteen mo3zm el-wa2t bs 3agbtny awe el-nharda el-7al2a oult lazm mb2ash samta el-nharda :D:D:D:D
    you are amazing <3<3

    ردحذف
  9. بجد حلقة تحففففففففففففففة تسلم ايدك

    ردحذف
  10. لالالالالالالالالالالالالالالالالالالالالالالا
    حرررررررررررام
    احنا هانستنى ليوم التلات
    بس بجد تحفه جداااااااااااااااااا

    ردحذف
  11. لالالا كده مش هقدر متشوقه بجد للحلقه اللي بعديها ربنا يستر

    ردحذف
  12. الكومت ده مهم...
    انا من المتبعين الصامتين و دي اول مره اكتب كومت مع اني متابع حضرتيك بقالي سنه و بحاول افهم اسلوبك و طريقتك و استمتع بقصصك الي فوق الرائعه ، بس عندي تعليق او سؤال ، ايه سر الوجع الي بحس به بعد كل حلقه في معظم القصص ،، ليه حضرتك بتحبي تعزبينا ، ليه بحس بالاحساس ده ،، هل ده جزء من اسلوب حضرتك ،، ام ده احساس انا بس الي بحسه ؟؟
    و كمان مره احب ابدي اعجابي بحضرتك و اسلوب حضرتك الرائع ويا رب اسمع رد علي استفساري قريبا :)

    ردحذف
  13. لالالالاااا متقليييش انك وقفتي هنا وبكره اجااازة
    لآلات مش قادرة بجد يا دينا الحلقة فووووووق الروعة جميييلة أويهي
    تسلمي يا رب :*

    ردحذف
  14. لاااااااااااااااااااااااااا وقفتي في حتة صعبة يا دينا نووووووووووووووووووووووووو

    ردحذف
  15. روووووووووووووعة بجد انا خلال 3شهور تابعت وقرأت كل قصصك بجد تحقة وان شاء الله دايما للاحسن

    ردحذف
  16. تحفففففففففففففففة بجد ورائعة يا دودو كالعادة يعنى
    وحلقة مميزة وبجد نفسى اشوف اللى جاى شكلو اية
    تسلم ايدك

    amira slama

    ردحذف
  17. دينااااااااااااا بكرة مينفعش يبقى اجازة خالص بلييييييييييز

    ردحذف
  18. Wo0o0o0o0o0o0o0o0o0o0oW P2aaaaaaaaaa

    ردحذف
  19. وااااااااااااااااااااااااااااااااااااااااء ذنبي في رقبتك حفضل اعيط كده لغايه ما اعرف ايه اللي حيحصل :(


    ASMAA TAREK

    ردحذف
  20. جميييييييييييييييييييييييلة جدا ومشوقه اوى :) :) :)

    ردحذف
  21. ليه كده يا دندونة انا زعلانة اوى ليه وقفتى فى حته تحفه كده
    بس الحلقة كانت تحفة تسلم ايديك

    ردحذف
  22. الله على جمال الحلقه الحلقه دى يا دودو روووووعه بجد الله يكون فى عونك انا مش عارفه ازاى هتخلى موقف علا لما تشوف حسام
    بس مفيش حاجه صعبه عليكى يا قمر

    ردحذف
  23. يا لهوي ي ي ي ي
    اموت واعرف اية احساسها

    ردحذف
  24. لاااااااااااااااااااااااااااااا الا الحتى دي انا مستنييييييي بفاااارغ الصبر اهئ:P اهئ :P اهئ:P يلااا نفسي اعرف ماذا سيحدث اهئ اهئ اهئ :P : P : P

    ردحذف
  25. يا سلاااااااااااااام متشوقه عايزه اعرف ايه اللى هيحصل

    ردحذف
  26. حلوة اوووووووووووووى بس يلا عاوزين نعرف اللى هيحصل بينهم

    ردحذف
  27. انا حسة ان النور قطع على احلى حطة هههههههههه

    ردحذف
  28. انا متابعه لكل اعمالك و بجد روعه
    انا حاسه انها يا اما حتبقى زي فيلم "الحب الضائع" او فيلم "اغلى من حياتي" و الاتنين نهايتهم وحشه اوي و البطل بيموت في الاخر
    كمان "مروه" القصه في دي بتفكرني"بهديل" في قصه "فوق احتمالي" الاتنين اتجوزوا واحد كان متعلق بحب واحده تانيه و فرق بينهم العند

    ردحذف
  29. اوبااااااااااااااااااااااااا رووووووووووووووووعه اوى اوى اوى اوى

    ردحذف
  30. ana nfsi 2lbi wg3ni w ana b2raha omal hya t3ml a b2a :D:D:D
    nice y dodo :)

    ردحذف
  31. راااااااااااااااااااااااااااااااااااااااائع أنا خلاص كل وقتي بقى ليومياتك

    ردحذف
  32. جميلة جداااااااااااااااااااااااااااااااااااااا تسلم ايدك

    ردحذف
  33. ايوة كداااااااااااااااااااااا اتقابلوا بقى وجعتوا قلبنا

    ردحذف
  34. اووووووووووووووووف بقققققققققى ليييييييييييه يا ماما شادى :D :D

    ردحذف
  35. حسام ده معندوش دم خالص و علا لو كلمته لما تعرف انه متجوز و مخلف تبقى هى كمان معندهاش دم

    ردحذف
  36. ليــــــــــــــــــــــه دايما الرجاله كلهم انانيـــــــــــــــــــن ؟!
    بيفكارو في نفسهم و بس
    طب بالنسبة يعني للي مجوزها حضرتك يعني ! كل ذنبها انها "مخلصــــــه" لسيادتك !!
    انا بقيت احتقر كل الرجاله
    حتى اللي يبان محترم يطلع بيخدع مراته برضة و يعاملها وحش و يرجع لماضيه !! اوووووووووووووووووووف :@

    ردحذف
  37. fkrteny b song ramy gamal
    "de sodfa 7biby wla .. wla de kant m3aad.. nt2abl mra tania.. b3d ma tal el b3aad .. <3"

    ردحذف

قول رأيك بلاش تقرا وتقفل من سكات...ارائكم تهمنى