الأحد، 13 يناير 2013

الحب على كفة ميزان...الحلقة 7

الحلقة 7
علا بتدخل مكتبها فى الجريدة
مكتب شيك ومكتوب عليه
علا صالح
رئيس قسم التحقيقات
اول ما تدخل يدخل وراها شاب
"صباح الخير يا استاذة"
"صباح النور يا حازم"
"اتفضلى الموضوع اللى كلفتينى بيه"
"طيب سيبهولى وشوف مع ندى هتعملوا ايه موضوع جديد"
"تمام...اى اوامر تانية"
"شكرا"
يخرج حازم وتفتح علا الكمبيوتر اللى قدامها وهى بتبص فى الموضوع اللى سابه حازم
يدخل عليها وحيد المكتب
"ازيك ياعلا"
"الحمدلله يا وحيد"
"كل سنة وانتى طيبة"
"وانت طيب وحمدالله ع السلامة"
"الله يسلمك... كلمتك امبارح تليفونك كان مقفول"
"كنت فى المحاكمة ورجعت ع الجورنال اشتغل وقفلت التليفون لانى كنت مصدعة والتليفون مش بيبطل رن"
"وحشتينى"
"انا ورايا شغل يا وحيد انت راجع من اجازة وفايق"
"انتى زعلانة منى ف حاجة"
"هزعل منك ليه"
"علشان كنت مسافر مع ولادى ومامتهم كانت معاهم"
"وانا ازعل ليه"
"قولى ومتخبيش عليا"
وسابت علا اللى ف ايديها وبصت له
"مش محتاجة انى اخبى لانى ماليش دعوة تسافر تروح تيجى ميخصنيش...ممكن تسيبنى اكمل شغلى"
"طيب ممكن نتعشا مع بعض النهاردة "
"لا النهاردة مش فاضية... انت نسيت ان النهاردة اول يوم للبرنامج"
"اه صحيح...طيب اجى معاكى"
"وحييييد قوم شوف شغلك وسبنى اشوف شغلى انا عايزة امشى بدرى"
"وموضوعنا"
"لازم هنتكلم فيه بس من دلوقتى ولا هنا...خلاص"
"ماشى ياعلا... هكلمك بالليل"
خرج وحيد وعلا بتقول لنفسها
"لا اوفر كده اوى...الله يخربيت شورتك ياداليا"

حسام فى عربيته داخل فيلا مكتوب عليها
فيلا د. حسام كامل

 حسام داخل الفيلا وسمع صوت مروة بتزعق
"قلت لأ يعنى لأ مفيش مرواح فى حتة لوحدك انا بقلك اهو"
"ياماما هو انا صغير... انتى بتعملى كده ليه"
مروة تشوف حسام"تعالى يا حسام اتصرف انا تعبت"
حسام"فى ايه يامروة من ساعة ماجينا وانتى بقيتى عصبية اوى كده ليه"
مروة"ابنك عايز يروح يركب جمال فى الهرم اقوله ايه ده والنبى"
وضحك حسام من قلبه على طلب سيف
سيف"فيها ايه يابابا... من واحنا ف امريكا وانا نفسى اشوف الاهرامات جينا مصر اهو يبقى اروح براحتى"
مروة"انت بتضحك يا حسام وشايفنى هطق من جنابى...ايه البرود الامريكانى اللى بقيت فيه ده...دى بقت عيشة تخنق"
طلعت مروة فوق وسابتهم واقفين
ولما وصلت للدور اللى فوق كلمتهم
"اقسم بالله يا حسام لو خليته يروح غصب عنى ما هكلمك ولا لسانى يخاطب لسانك"
اختفت مروة... بص حسام لسيف
"عجبك كده اهى قلبت عليا"
"انا عايز اعرف فيها ايه يعنى لو روحت"
"عايز الحق يعنى مفيهاش حاجة... بس لازم تسمع كلام ماما يا سيف"
"وماما رافضة ليه"
"مش عارف...وبعدين لما تكون نفسك فى حاجة وحاسس انها مش هتوافق تعالى بينى وبينك وقولى...احنا مش رجالة زى بعض"
"يعنى مش هروح الهرم"
"هتروح كل مكان نفسك فيه بس انت مستعجل على ايه احنا جينا مصر وقاعدين فيها ...متستعجلش يا سيف... اخواتك فين"

حورية فى اوضتها على سجادة الصلاة وماسكة السبحة
سمعت خطوات مروة ماشية بره الاوضة
"مرررووووة....يامروة"
فتحت مروة الباب
"عايزة حاجة ياخالتى"
"اه عايزاكى"
قربت منها مروة تسندها وهى قايمة من على السجادة...قعدتها ع السرير وقعدت جنبها
"خير"
"مالك بتزعقى ليه"
"سيف عايز يروح قال ايه يركب جمل ويشوف الاهرامات"
"وده اللى مضايقك"
"يعنى ينفع يروح لوحده وكل شوية نسمع عن بلطجة وسرقة وخطف"
حطت حورية ايديها على ايد مروة وهى بتطبطب عليها
"مالك يامروة من ساعة ما رجعنا وانتى مش مبسوطة وعصبية وحسام بدأ يلاحظ... مالك ايه اللى مضايقك"
دمعت عيون مروة
"خايفة"
"خايفة من ايه"
سكتت مروة وهى مش قادرة تصارح حد بمخاوفها
"ايه يامروة مالك...خايفة من ايه قوليلى"
"مفيش يا خالتى خلاص"
"يا بت انتى عندك حد تانى تحكيله غيرى... هو انا مش امك"
"طبعا ياخالتى ... والله ما عارفة من غيرك كنت عملت ايه... انتى خففتى عنى موت ماما وانا بعيد عنها"
"الله يرحمها...انا وهى مسبناش بعض بعد ما انتوا سافرتوا يعنى مكنتش لوحدها يا مروة"
"عارفة من ساعة ما جيتى وقعدتى معانا هناك... اخر 5 سنين دول كنت حاسة كأنك امى مش ام حسام... ربنا يخليكى ليا ياخالتى"
"انا امكم انتم الاتنين...مالك بقى احكي اللى ف قلبك"
"كان نفسى منرجعش مصر تانى ابدا"
"ليه"
"خايفة اقولك تقولى عليا شكاكة وموسوسة"
"لا مش هقول حاجة...قولى"
"خايفة حسام يدور على علا ولا يقابلها ولا اى حاجة تخليهم يشوفوا بعض تانى"
"ههههه يا شيخة حرام عليكى"
"بتضحكى عليا يا خالتى"
"يا بنتى حسام جوزك وابو عيالك وبقيتى تعرفيه اكتر من نفسك...حسام ممكن يعمل اى حاجة غلط او يظلمك ويظلم ولاده؟"
"انا عارفة انه بيحبنا ...بس هنا كل حاجة هتفكره بيها"
"وهو يعنى لسه فاكرها"
"ايوه"
"ليه حصل ايه"
"محصلش حاجة... بس احساس"
"متخليش الشيطان ينكد عليكى عيشتك يا مروة... اطمنى حسام مش ممكن يظلمك ابدا ... وبعدين حتى لو قابلها ولا شافها لازم تكونى واثقة ف جوزك هى زمانها اتجوزت وخلفت واتغيرت ... هما يعنى عرفوا بعض 3 \4 سنين انما انتى مراته وعشرة 13سنة"
مروة ساكتة وبدأت تقتنع
"وتعالى هنا...اللى ماغيرتى عليه وهو ف بلاد بره وسط الاشكال والالوان جاية تغيرى عليه من وهم ف دماغك"
"انا بثق فى حسام بس غصب عنى ياخالتى... هو لما اتجوزنى مكدبش عليا وقالى انه بيحبنى... انا اللى وافقت من غير تردد علشان بحبه"
"يبقى تحاجى عليه وعلى ولادك وبلاش عصبيتك اللى مالهاش معنى دى من يوم ما رجعنا"
واتفتح الباب
"انتى هنا يامروة...ازيك ياماما"
الام"الحمدلله ياحبيبى"
مروة"ايوه ياحسام...عايز حاجة"
حسام بعد ما دخل وباس راس مامته رد على مروة
"اه عايزك"
                       ********************
مروة داخلة ورا حسام الاوضة
"نعم"
"كنتى بتزعقى لسيف كده ليه...الولد مغلطش"
"معلش ياحسام انا متوترة اوى اليومين دول"
"ملاحظ كده وعايز اعرف مالك"
"مش مرتاحة اننا رجعنا مصر"
"ليه...انتى عارفة ان اكيد مسيرنا كنا هنرجع"
"ايوه بس نرجع ليه...انت كنت مستقر هناك ف شغلك وخالتى بقالها 5سنين عايشة معانا هناك يعنى مالناش حد هنا علشان نرجع"
"وولادنا؟"
"مالهم"
"عايزاهم يتربوا على عادات بره...عايزة بنتك لما تكبر تدخل عليكى بصاحبها وتقولك عادى ده البوى فريند بتاعى ولا ابنك كمان كام سنة يقولك انا هعيش مع الجيرل فريند بتاعتى ...هنعرف نخلى ولادنا يصلوا ويصوموا فى المجتمع ده... انا عايز ولادى يتربوا على عاداتنا وديننا يا مروة"
"كنا استنينا شوية كمان... مش جينا والبلد بايظة كده"
"بايظة فين...ماكل حاجة ماشية اهى"
"برضه قلقانة"
"متقلقيش ... وعايزين ناخد الولاد يوم نوديهم الهرم وفى الشتا نبقى نروح الاقصر واسوان نفسحهم ايه رأيك"
"اللى تشوفه يا حسام ...من امتى يعنى بتغير قرارك"
"سيف لما ييجى يصالحك ابقى قوليله اننا هنروح كلنا مع بعض"

علا بتتمشى فى مول...وقفت قدام محل ملابس تتفرج
"منه...كنت هنسى"
طلعت الموبايل واتصلت بمنه
"الو..ازيك يامنونة... انتى لسه فى النادى مش كده... طيب مش هتأخر عليكى ... هكلمك ابقى اطلعيلى لما اجيلك... يالا سلام"
ودخلت المحل وشاورت للبياعة على تايير معروض

علا ومنه بيخبطوا على الباب...داليا بتفتح
"اخيرا رضيتى تيجى تتغدى معانا...يعنى لولا ان احمد هو اللى عزمك امبارح مكنتيش رضيتى تيجى"
علا وهى داخلة
"اولا مفيش حاجة اسمها عزمنى لانى مش محتاجة عزومة...ثانيا جوزك ده بتاع مقالب وشكلى هتبرا منه قريب واقولك مش عايزة اعرفك تانى"
داليا وهى بتسلم عليه وبتبوسها
"بس وحشتينى وكنت فاكرة هعرف ازعل منك"
"تزعلى منى..هو انا ليا غيرك"
دخلوا وقعدوا مع بعض...بعد ما منه دخلت على اوضتها
"قوليلى احمد عمل فيكى ايه"
"اولا الورطة الكبيرة بتاعة البرنامج دى اللى مش عارفة وافقت عليها ازاى"
"ثانيا"
"ثانيا امبارح قالى تعالى نتغدا مع بعض ونروح اللاستوديو سوا...الاقيه يتصل بيا الصبح ويقولى مش جاى ع الغدا"
"عادى...غيره"
"قالى جيبى منه وانا كنت هنساها"
"لا كله الا منه اخص عليكى يا علا... ده انا بكلمه بقوله جايين امتى؟؟  قالى انا مش هلحق اجى وعلا هتجيبها"
"يالا انا خلاص اخدت على مقالب احمد... بس كله كوم والحلم اللى صحانى منه كوم تانى"
"طيب تعالى اقعدى معايا وانا بكمل الاكل واحكيلى"
                          ***************
علا قاعدة على ترابيزة المطبخ وبتعمل سلطة وداليا واقفة قدام البوتاجاز
"انا مش عارفة هتفضلى كده لحد امتى يا علا...عايشة على حلم وذكريات حسام اللى الله اعلم هو فين دلوقتى"
"انا حاولت اسمع كلامك ...بس ندمانة اشد الندم"
"ليه"
"وحيد يا ستى علشان قلتله طيب هفكر ومن يومها وهو بيعاملنى كأنى وافقت خلاص"
"بيتقرب لك ياعلا"
"بصى انا فكرت...انا مش عايزة اعيش مع واحد وانا قلبى عايش على ذكرياتى مع حسام...ايوه عارفة انها ذكريات وايوه عارفة انى عبيطة وهبلة بس مش بإيدى... مقدرتش انساه"
"اقولك ايه بس...ياريتك كنتى سافرتى معاه"
"ومين قالك انى كنت هبقى مبسوطة لو اتخليت عن احلامى"
"يا سبحان الله...صحيح محدش مرتاح"
"بصى يا داليا...حسام خلانى اختار بينه وبين حلمى وطموحى... غصب عنى رجحت كفة عقلى عن قلبى...علشان كده لازم افضل افكر بعقلى...جواز مش هتجوز"
"بس انا متضايقة من قعدتك لوحدك دى...تصدقى بالله...كل طبخة بطبخها ببقى هموت وابعتلك منها بس اعمل فيكى ايه بترجعى البيت ع النوم"
"يا سلااااااام... والاكل اللى بروح البيت الاقيكى عاملاه وسايبهولى ده ايه"
"برضه مقصرة...بقولك ايه ماتبيعى شقتك وتيجى جنبنا... اصل بيتك بعيد اوى عليا"
"يا بنتى متشغليش نفسك بأكلى وشربى والله ده ما بيسببلى اى مشكلة"
"مش بيهون عليا"
"اقولك حاجة...انتى عوضتينى اوى عن ماما"
"اخرسى قطع لسانك... ماما!! ده انتى اكبر منى بشهرين"
"ههههههه طيب انا خلصت السلطة عمالة تقلبى ف ايه كل ده... فين الاكل"

حسام داخل مكتبه اللى ف الفيلا
اول مادخل... شغل cd  وراح قعد على كرسى المكتب
وسرح فى صوت ام كلثوم
"يا فؤادي لا تسل اين الهوى..
..
كان صرحا من خيال فهوى..
..
اسقني واشرب.. على اطلاله..
..
وارو عني طالما الدمع روى"
غمض عينيه وهو بيفتكر ايامه هو وعلا مع بعض
مقابلاتهم فى الجامعة...وكازينو النيل... وكلام الحب بينهم
ولما وصلت للجزء اللى بيقول
"وحنيني لك يكوي اضلعي والثواني جمرات من دمي"
قفل الاغنية وهو بيقول
"آآآه من الحنين اللى واجع قلبى ... كويس انى افتكرت الدوا قبل ما اشتغل وانسى"

علا لبست التايير الجديد ... ومنه وداليا قاعدين معاها
منه"حلو اوى يا طنط ... هتعملى ميك اب على لون ايه"
داليا"يا مصيبتى... بتتدخلى فى الميك اب من دلوقتى"
علا"مش هعمل ميك اب ولا شعر...الكوافير هو اللى هيعمل"
داليا"ربنا معاكى ويجعل ف وشك القبول ويحبب فيكى خلقه يارب...هنتفرج عليكى انا ومنه واول ما تخلصى هنكلمك"
علا"فاكرة زمان لما قلتلكم مبحبش غير الصحافة...مش عارفة ايه اللى خلانى اوافق على زن احمد انى اقدم برنامج"
"صاحب القناة بيكلم احمد عليكى من زمان ياعلا... عارف نشاطك فى السياسة وارائك الجريئة ولسانك الطويل"
"لسانى الطويل ده مدح"
"طبعا مدح فى زماننا ده... يالا بقى علشان متتأخريش"

حسام قاعد فى مكتبه بيشتغل...دخلت عليه مروة
"حسام لسه قدامك كتير"
"عايزة حاجة"
"كنت عايزة اخد رحمة ونروح كام مشوار"
"طيب عايزة فلوس"
"لا... بس عايزة افكرك... انت لحد دلوقتى مشفتش مين دكتور قلب كويس هتتابع معاه هنا"
"بسأل وهحجز متقلقيش...ماما فين"
"نامت... ووصيت ام سعيد تطلع لها كل شوية لحد مااجى"
"معاذ وسيف فين"
"بيلعبوا بلاى ستيشن فى اوضة سيف"
"طيب خلى بالك من رحمة ومتتأخريش"

احمد جنب علا بيراجع معاها سكريبت الحلقة
"شدى حيلك يا علا فاضل دقيقة ع الهوا"
وصوت المخرج بينادى على احمد
"يالا يا احمد... هنطلع هوا...مستعدة يا علا"
احمد بيمشى ... علا بتاخد نفس عميق وبتقول فى سرها
"بسم الله الرحمن الرحيم"

حسام بيرجع ضهره لورا ع الكرسى
بيفرد دراعه بعد ما بيسيب القلم والورق اللى كان بيكتب فيه

بيقوم بملل يفتح التليفزيون اللى فى المكتب
يدور على قنوات الاخبار... وهو بيقلب على قناة قناة
يلمح صورة عابرة وهو بيقلب...يرجع للقناة تانى اللى مر عليها
يدقق فى المذيعة اللى قدامه... كل تركيزه فيها هى ومش سامع بتقول ايه
"علا؟؟ ايوه علا"
وابتسم لها وكأنها شايفاه وبدأ يكلمها ف سره
"وحشتينى اوى ياعلا ... مكنتش متوقع انى هشوفك تانى... لسه زى ما انتى ايمانك بنفسك واجتهادك باينين عليكى... كان معاكى حق لما اتمسكتى بحلمك اللى انا قللت منه وقتها وقلتلك عليه وهم... ... انتى تستحقى النجاح... مبروك النجاح يا حبيبتى"

هناك 40 تعليقًا:

  1. ايه اللخبطه دى,آدام حسام بيحبها اوى كده سبها لييييييييييييييه

    ردحذف
  2. يعني اححمد اتجوز داليا و خلفوا منه فهمت حلوه اوي يا دينا

    ردحذف
  3. بجد حلووووووووة جدااااااا تسلم ايدك وبالتوفيق

    ردحذف
  4. طب ما كان من الاول لازم العذااب ده ,, بس جامده الحلقه يا دندن :)

    ردحذف
  5. حلوه جداااااااااااااااااااااااااااااااااااااااااااااااااااااااااااااااااااااا

    ردحذف
  6. حلوه بس في الاول لخبطتني منه دي بس في الاخر عرفت انها بنت داليا تسلم ايدك يادودو :*

    ردحذف
  7. حلوة اوووووووووووووووووووى انا افتكرت ان علا اتجوزت احمد بس بجد حلوة مفيش حلقة تانية كمالة بقى :)

    ردحذف
  8. جميله اوي يا دينا

    توتا

    ردحذف
  9. احلا حاجه فى قصصك ان فى
    ششخصية اسمهم منه زاى :)

    ردحذف
  10. بجد حسام دة جزمة ازاى يفضل يفكر فى علا طول السنين دى وهى سابته عشان شغلها وينسى مراته اللى ناسية نفسها عشانه بجد اتضايقت منه اوى .... بس بارضو البارت حلو

    ردحذف
  11. روووووووووووعه

    ردحذف
  12. لا هى مش سابته علشان شغلها هو اللى ضيعها من ايدو علشان قلل من احلامها ومحاولش حتى يفكر معاها لحل وسط فضل نفسه وبس

    ردحذف
  13. هو لما ساب علا كان انانى و مفكرش غير فى نفسه و دلوقتى لسة برضه انانى عشان بيفكر فى علا و ناسى مراته


    ياسمين

    ردحذف
  14. يااااااااااااااااااربيييييييى جميلة اوى يا دينا ....حاسة ان قلبى هيوقف من جمال الاحداث ....ربنا يوفقك كمان و كمان و تبهرينا :)

    ردحذف
  15. بغض النظر انا ادايقت ان حسام متجوزش علا وبيني وبينك لاسباب شخصيه هههههههههههههه (نفس حسام ونفس مروة وانا واقفه تايهه اقوم الاقيكي بتكتبي قصه بنفس الاسماء كتيرررررررررر كد ياربي

    ردحذف
  16. شكلها كدا حتقلب على فيلم "اغلى من حياتي" او "اذكريني"

    ردحذف
  17. جااااااااااااااااامدة اوى والله :) :) :)
    علا طلعت مخلصة اوى انها لسه متجوزتش وفعلا حققت نجاحها زى ما عازت هى بجد المسلسل رائع

    ردحذف
  18. الله جميله اووووووووووووووووووى

    ردحذف
  19. اوباااااااااااااا بجد يعنى قافلة ولا ل القفلات الصراحة
    شكلها هتبدأ تحلو بجد
    تسلم الايادى

    amira slama

    ردحذف
  20. لا بقا دا كتير مش بعد 13 سنه لسه بيحبها زنبها ايه مروه حرام عليه وربنا :(
    tota

    ردحذف
  21. لالالالالالالالالالالالالا انا بكره الراجل اللى يفكر فى واحدة تانية غير مراته علشان ده نوع من انواع الخيانة ليهاوهو اللى اختار مروة بأرادته يبقى ايه ذنبها وكمان فات 13 سنة ولسه فاكراها اوى كده كأنه لسه سايبها اول امبارح بليل ممكن اه الواحد يفتكر حبه الاول بس عابرا كنوع من الذكريات
    مش مقتنعة

    ردحذف
  22. حلقه جميله

    ردحذف
  23. انا كرهت حسام ده

    ردحذف
  24. الحلقه جمييييله جدا بس حسام مش كويس

    ردحذف
  25. جميلة جدااااااااا بس ع فكرة حسام مش حقيته يرجع لعلا ومروووووووووووة اتظلمت

    ردحذف
  26. Teslam ydek ya dina l9esa 7lowa barcha w kol 7ala9a tzid ta7la w tchedeni aktar enti raw3a w kol kitabatek gamila w hayla rabina ywafa2ek ya rab ena makontch bakteb comment awel mara bas l7ala2a di la9it nafsi bakteb men 4ir mach3or 3ala fekra ana men tunis w batkalm bel masri 3achan tefhamini w sa7bati ktir ytab3ouki Rabina ywafa2ek
    Rahma

    ردحذف
  27. فى الحقيقة انا عازره حسام وعلا جدا لان القلب و المشاعر حاجات مالناش يد فيها وانا شايفة ان حسام مغلطش لانه مظلمش مراته زى ما قال وبيعملها كويس وغصب عنه مش قادر ينسى علا
    dentist aya

    ردحذف

  28. dina ya 2lby el 7l2a kteeeeeeer 7lwa awiiiii

    ردحذف
  29. جميل أسلوبك جدا يا ديـــــــــــــــــــنا

    ردحذف
  30. جميله اوي الحلقه يادينا انا متابعاكي من زمان بس اول مره اعلق
    دمتِ متالقه ياقمر

    ردحذف
  31. رووووووووووووووووووووووعة الحلقة القادمة بلييييييييييييييييييييييييز

    ردحذف
  32. أوحش حاجه الانانيه وفرض الرأي بتبوظ كل حاجه
    تسلم ايديكي يا دينا مفيش بارت كمان :)

    ردحذف
  33. ايمتا الحلقة الجاي حدا بعرف ؟

    ردحذف
  34. فييييييييييييين الحلقه ال 8 يا قمر tota

    ردحذف
  35. دينااااااااااا
    فين الحلقه 8؟؟؟؟؟؟؟؟؟

    ردحذف
  36. لسة بيحبها وبيفكر فيها ازاي كل واحد خد طريقه وهو اتجوز واحدة تانية ايه البني ادم دة دة انا قربت اكرهه

    ردحذف
  37. ده انسان خاين ملهوش امان وليها حق مروة تقلق
    بس المفروض يتقي ربنا في مراته وعياله بدل ميجري ورا حب قديم
    راجل اناني زبالة وظالم
    هبة حلمي

    ردحذف
  38. حبك بورص يابعيد

    yoka

    ردحذف
  39. حبك بووووووووووورص وعشره خووووووووووورس يا حيواااااااااااااان ومراتك وعيالك يا اهبل :@ :@

    ردحذف

قول رأيك بلاش تقرا وتقفل من سكات...ارائكم تهمنى