الخميس، 21 فبراير، 2013

الخائنة... الحلقة 14 والاخيرة

الحلقة 14 والاخيرة
الظابط"كل اللى قلتيه ده كويس... بس هل عندك دليل؟"
هيام باستغراب
"دليل؟؟!!"
الظابط"ايوه دليل على كلامك"
هيام "لا... معنديش دليل غير كل اللى حكيته"
عواطف بتسأل
"يعنى ايه؟؟يعنى بعد اللى عمله ده كله ممكن يطلع منها...اكيد هتلاقوا غلطة عملها مش معقول هيكون دماغه ذرية كده ومسابش وراه حاجة"
هيام"واعترافى عليه مش كفاية"
الظابط"هى اقوالك تخلينا نبعتها للنيابة وتعيد فتح القضية بعد ما اتحفظت"
عواطف"تعيدوا فتح القضية بس"
الظابط"ايوه...هيتم القبض عليه ويتم عرضهم ع النيابة"

عادل قاعد ف الشغل...مكان مدحت
والمكتب مكتوب عليه
"عادل عزيز"
دخل عليه قوة من الشرطة
"اتفضل معانا"
"نعم؟؟ اتفضل ليه"
"مطلوب القبض عليك ...اتفضل معانا وهتعرف كل حاجة"

عادل داخل القسم وكل تفكيره انه بلاغ عن رشوة
ماشى مع العساكر ...وشاف عواطف قاعدة
ارتبك... مش عارف ف ايه
"فيه ايه ياحماتى... هيام حصل لها حاجة"
ورد فعل غير متوقع... ضربته عواطف بالقلم
وجالها حالة من الصراخ الهيستيرى
"منك لله ياظالم....ربنا ينتقم منك... دخلت بيتنا خربته ضيعت بناتى الاتنين ومَوِت جوزى"
اتدخل العساكر للفصل بينهم
"انتى اتجننتى...ضيعت ايه وموت مين؟؟ هو فيه ايه"
خرج الظابط يزعق
"ايه الدوشة دى...مش عايز صووووت...مين ده؟"
رد عسكرى
"عادل عزيز يا باشا"
"تعالالى"

عادل واقف قدام الظابط
"هو فيه ايه"
"مراتك مقدمة بلاغ لاعادة فتح قضية اختها"
وشرح الظابط لعادل كلام هيام اللى حكته
"هو اى كلام هتقوله تصدقوه... دى اكيد اتجننت"
"بس هى الشاهدة الوحيدة اللى اثبتت برائتك وبتنفيها"
"كذابة...انا معرفش هى جابت الكلام ده منين...ومحصلش حاجة من دى"

عواطف قاعدة فى النيابة
وهيام وعادل داخلين بعد ما اترحلوا
كل واحد فيهم ايديه فيها كلابشات
لما قربت هيام من عواطف عيطت وهى بتنادى عليها
"متسيبينيش ياماما... انا مليش غيرك..اوعى تسيبينى"
عواطف بتعيط ...ومش لاقية كلام تقوله

فى التحقيقات
حكت هيام كل اللى حكته قبل كده تانى
ولما اتسألت على دليل ...مكنش عندها دليل

خرجت هيام وجه دور التحقيق مع عادل
وكيل النيابة"ماهو قولك فيما هو منسوب اليه"
"بنكر كل الاتهامات الموجهه ليا...مراتى بعد وفاة ابننا حصل لها حالة نفسية وهجرتنى وطلبت الطلاق وانا لما فرضت اكيد لجأت للحكاية دى علشان تضغط عليا"
"بس دى مش وسيلة ضغط لان هى كمان ممكن تتعاقب"
"يبقى اتجننت...انا بتهمها بالبلاغ الكاذب او تكشفوا على قواها العقلية انا متأكد ان عندها خلل عقلى"
"عندك دليل انك مكنتش معاها وقت الحادثة"
"وهى معندهاش دليل على كلامها"
                    ******************
وكيل النيابة قاعد فاتح التحقيق قدامه بيقراه
وبيكلم نفسه
"كلامه قصاد كلامها...هى كلامها مقنع ومفيش دليل عليه.... تمت المواجهه بينهم وكل واحد متمسك بكلامه...مفيش غير تحويلها للكشف على قواها العقلية"

عواطف بتخبط على جارتها
"تعالى يا ام ولاء اتفضلى"
"معلش مستعجلة...انا عارفة انى تقلت عليكى ممكن اسيب ياسين عندك اروح مشوار واجى"
"متقوليش كده ...هاتيه طبعا... انا كنت عايزاكى ف موضوع كده"
"خير"
"الناس بتتكلم وتسأل هيام وجوزها فين؟ انا والله ما قلت حاجة لحد بس يعنى لو حد عرف وسألك هتقولى ايه"
"هقول مسافرين...انا هبيع الشقة واشوف حتة تانية ...مش عايزة الواد لما يكبر شوية يعرف اللى حصل...انا هروح للمحامى واعدى ع السمسار وانا راجعة اقوله يستعجل شوية"
"ربنا يصلح الحال...تعالى يا ياسين"

عواطف عند المحامى...حكت له اللى عرفته من هيام
"ده فعلا شيطان...ازاى قدر يخطط التخطيط الجهنمى ده"
"كلامك قلقنى...هو كده ممكن يخرج منها"
"احنا عايزين نفكر ازاى نثبت صحة كلام هيام... لان الادلة كلها اتطمست بعد الفترة دى كلها... تقرير الطب الشرعى اثبت ان الوفاة بتسرب غاز السخان وده خلى القضية تتقفل قضاء وقدر...والتخدير اللى استخدمه كان عن طريق الاستنشاق يعنى لو كان استخدم اقراص مخدرة يمكن كان الطب الشرعى لاحظها ف المعدة... الشقة بتقولى التحريات اثبتت انها اتباعت واتسكنت من فترة يعنى خلاص اى دليل ممكن يكون فيها مالوش اثر"
"كل الكلام ده بيقول ان مفيش امل اثبات التهمة عليه"
"انتى عارفة ان اثبات التهمة عليه احتمال يورط بنتك معاه"
ردت بانكسار
"انا جاية لك علشان تطلعها لان هى اللى اعترفت ومن غير كلامها مكنش فيه حاجة اتعرفت"
"هنشوف... هو الامل الوحيد اللى عندنا تقرير مستشفى الامراض العقلية"
"انا بنتى سليمة"
"لا انا ولا انتى نقدر نحدد هى سليمة ولا لأ... هنستنى ونشوف التقرير...بس انا ليا عندك سؤال"
"اتفضل"
"يعنى الحكاية كلها صعبة اوى وانتى اكتر ضحية ...انتى ضحية غير مباشرة ف كل ده...ازاى قادرة تقفى مع بنتك"
ردت عواطف بمحاولة للثبات
"لانها بنتى... غصب عنى مش قادرة اسيبها وهى كل اللى فاضلى بعد كل اللى راحوا...هى غلطت اه بس الشيطان عادل هو اللى غواها... انا قلبى بيتقطع لما بفتكر اللى عملته وف نفس الوقت عايزاها تطلع تصبرنى بوجودها معاها بعد غياب اختها وابوها"
"ربنا معاكى ويصبرك... انا هحاول بكل جهدى انى اثبت عليه التهمة ونعتبرها شاهد وتخرج بدون عقوبة"
"ياريت"

بعد سنة من جلسات القضية والتأجيل والبحث عن دليل
وخلالها اهل عادل اتخلوا عنه لما عرفوا اللى حصل
ومحامى عادل بيدافع عنه ان الكلام ده كله من تأليف هيام

اثناء جلسة الدفاع الاخيرة
النيابة" والنيابة بتوجه للمتهم تهمة القتل عمدا مع سبق الاصرار والترصد لزوجته وزميله...وتوجه للمتهمة تهمة تضليل العدالة والشهادة الزور والاشتراك فى الجريمة بالسكوت عنها"

القاضى"دفاع المتهم"
محامى عادل"يا سعادة الريس احنا قدمنا مذكرة الدفاع فيها انكار لكل التهم المنسوبة لموكلى...مفيش اى دليل سعادتك غير كلام مرسل من المتهمة"

القاضى"دفاع المتهمة"
محامى هيام"يا ريس احنا قدمنا مذكرة الدفاع وفيها كل ما يثبت كلام موكلتى... مرفق تقرير مستشفى الامراض العقلية اللى بيؤكد سلامة قواها العقلية وانها بتعانى من اكتئاب بعد وفاة ابنها وده لا يؤثر على عقلها او يدعوها لاختلاق الاكاذيب
ثانيا بطالب بسماع شهادة الدكتور جمعة علاء الدين وده الطبيب اللى كانت المتهمة بتتابع عنده حملها وهو اللى قام بتوليدها...الدكتور موجود لو تسمح سعادتك"
القاضى للسكرتير
"اثبت وجود الشاهد ونادى عليه"
محامى هيام" ثالثا سعادتك انا استأذنت النيابة ومرفق بيان مكالمات تليفون عادل"
وقرب المحامى من المنصة
"الرقم ده يافندم رقم السنترال اللى كانت بتشتغل فيه موكلتى.. وهتلاقى المكالمات الكتير اللى بينهم ... وبالتحديد المكالمة دى"
"مالها دى"
"دى كانت وقت الحادثة ودى المرة اللى اتصل بيها عادل علشان تشهد انه كان عندها...وبالعقل مش معقول يكون عندها وف نفس الوقت بيتصل بيها على تليفون السنترال"
القاضى"عندك حاجة تانية عايز تقولها"
محامى هيام"لا اكتفى بالدفاع وسؤال الدكتور عن شهادته"

نادى الحاجب على الشاهد
دخل الدكتور وبعد اخذ بياناته وترديد القسم
محامى هيام"تسمحلى يا ريس اسأله"
القاضى"اتفضل"
محامى هيام"حضرتك يادكتور تعرف المتهم والمتهمة؟"
الدكتور"اه.. المدام كانت بتتابع حملها وولدت عندى"
المحامى"هل كانت بتعانى من اى مشاكل ف الحمل"
الدكتور"لا الحمل كان طبيعى جدا"
المحامى"ولدت ف الشهر الكام؟"
الدكتور"ولدت ف نص التاسع تقريبا وكانت ولادة طبيعية"
المحامى بياخد ورق من ملف القضية وبيروح للقاضى
"حضرتك دى صورة من قسيمة الجواز وصورة من شهادة ميلاد الطفل ... تاريخ ميلاده بعد جوازهم ب6شهور تقريبا...شكرا يا دكتور...اكتفى باستجواب الشاهد... اعتقد بيان المكالمات يثبت عدم وجود المتهم مع موكلتى اثناء الحادثة والفرق بين الجواز والولادة يثبت صدق رواية موكلتى وان الحمل حصل قبل الجواز وده كان دافع للمتهم لارتكاب جريمته للتخلص من زوجته والزواج من شقيقتها"
القاضى"الحكم بعد المداولة"

اترفعت الجلسة للمداولة... قربت عواطف من هيام ف القفص
هيام بتمسك ايد مامتها تبوسها من ورا القضبان وهى بتعيط
عادل واقف متماسك لاخر لحظة ومش بيبص لهم

الحاجب على بدء الجلسة
يقعد القضاة على المنصة
"حكمت المحكمة حضوريا على المتهم الاول عادل السيد عزيز باحالة اوراقه لفضيلة المفتى وذلك لارتكابه القتل العمد مع سبق الاصرار والترصد لكل من ولاء ناصر حسين ومدحت احمد عثمان
وعلى المتهمة هيام ناصر حسين بالسجن خمس سنوات بتهمة تضليل العدالة واخفاء معلومات فى الجريمة السابق ذكرها...رفعت الجلسة"
قامت عواطف تقرب من هيام
بتضحك وبتعيط ف وقت واحد
"الحمدلله ان ربنا انتقم لى منه... استحملى يا هيام ومتزعليش"
"ده عقابى وانا استاهل...انا فرحانة ان عادل اخد جزاءه...سامحينى ياماما وابقى زورينى واوعى تسيبينى"
"سامحتك يابنتى... استحملى وهنستناكى انا وياسين"


هناك 90 تعليقًا:

  1. بجد جميلة جدا وواقعية جدا في كل احداثها بس انا زعلانة علشان خلصت

    ردحذف
  2. وربنا انتي مبدعة

    ومستنيين الجديد

    احمد

    ردحذف
  3. يا الله :'(
    برااافو عليكي يا دينا بجد
    رائعة :))

    ردحذف
  4. Gamila 2wyyyyyy ystahl :)

    ردحذف
  5. اوووووووووووووووووففففففف الحمد لله خلصت على خيييييييير تسلم ايييييييييييييييييييييييييييييييييييييييييييييييييييييييييييددددددددككك يا دينا عايزين بقى قصة رومانسيييييييي قرييييييب مستنيينك يا قمررر

    ردحذف
  6. انا صعبانه عليا هيام بس دا بردو عقبها هى خانت اختها

    ردحذف
  7. يحي العدددددددل

    ردحذف
  8. جاااااااامدة جدااااا يا دينا
    و النهاية حلوة و عادل يستاهل جدااااا
    و هيام برده ده جزائها

    ردحذف
  9. الله الله نهايه جميله فوق الوصف
    وكالعاده مبدعه يا دينا وتسلم ايدك
    ومستنيين الجديد

    ردحذف
  10. حلوة اوى مشاء الله وفى انتظار الجديد

    ردحذف
  11. ايه الروعة دي
    انا جسمي كله قشعر وبكيت بجد من مشهد النطق بالحكم
    تسلمي بجد ROOBE

    ردحذف
  12. بجد حلوة اويييي بس حزينة جداااااااااا و عادل ده مش معقوول هو في ناي كده بس بجد تسلم ايدك

    ردحذف
  13. طيب ازاي لما حملت هيام وخبرت ماماتها حكتلها انه من اول يوم جواز وهي كان بقالها اسبوعين متجوزة ؟! ولا هي دي كدبة بس

    ردحذف
    الردود
    1. ماهو هتلاقيها قالت لها بعد كدا انها خافت عليها اوى انها جبته ف السابع صح؟؟؟

      حذف
  14. احلى حاااااااااااجة ان كل واحد اخد جزااءه فى الاخر الحمد لله

    ردحذف
  15. تحففففففففففففففففه بجد بس فعلاااا صعبه اوووي ربنا مايكتبهاش ع حد ويرحم الناس من صنف عادل ده
    بس بجد انتي فناااااااااااااااااااااااااااااانة

    ردحذف
  16. حلوه اوي بس ولاء صعبانه عليا و كمان هيام بس بصراحه انتي مبدعه يا دينا

    ردحذف
  17. مستحيييييييييييييييييل مش لاقيه كلام اقوله ايه الابداع ده ربنا يوفقك يارب وفي تقدم مستمر

    ردحذف
  18. حلوة مووووووووت يا دينا تسلم ايديكي منتظرين القصة الجاية ان شاء الله

    ردحذف
  19. ابداع لا يمكن وصفه و نهاية رائعة جدا قصصك كلها راااائعة و عادل يستحق و هيام اخدت جزائها برضو و ننتظر القصة الجديدة

    ردحذف
  20. بجد روعه وجميله اوي ومستنيييين الجديد يا دينا

    ردحذف
  21. نهايه رائعه بجد
    تسلم ايديكي وعقلك اللي ابدع

    ردحذف
  22. Gamela Mooooooot Ya Dina Tslm 2edk w Bgd elnehaya Rw3a

    ردحذف
  23. رووووووووووووووووووووووعة بجد تسلللللللللللللللللللللللللللللللم اييييييييييييدك يا دينا
    دا جزاااااااتو فعلا ويستاااااااااهل كل اللى يجراااااة
    وبالنسبة لهيام دا حاجة اساسية لانها اتسترت علية
    بس بجد روووووووووووووووووعة
    وعقبال كل قصة يارب يا قمرى

    amira slama

    ردحذف
  24. Rw3aaaaaaaaaaaaaaaaaaaaaaaaaaaaaaaaaaaaaaaaaa :DDDDDD Bgaaaaaaaaaaaaaaaaad

    ردحذف
  25. هاااااااااىله ىا دىنا



    مىرا

    ردحذف
  26. جامده جدا يا دينا ونهايتها حلوه اوي
    ربنا يوفقك

    توتا

    ردحذف
  27. وااااااوووو تسلم ايديك يا دندون حلوة اوووووى الصراحة الاعدام قليل عليه دا دماغ شيطان ...هي القصة احداثها حقيقة كلها ولا لا؟ ....
    انتى كااااتبة جاااااامد جدااااا ومتميزة وكل اعمالك تستسحق النشر كل قصصك تحفة وفيهم تنوع ... هستني جديك وهيكون متميزة كالعادةان شاء الله... اتمنى ليكي كل التوفيق..

    ردحذف
  28. جميييييييييييييييييييله مووووووووووووووووووووت
    بجد حلوة اوى

    ردحذف
  29. انتى فنانه ربنا يخليكى لينا يارب

    ردحذف
  30. بجد روعه نتى فنانه بجد

    ردحذف
  31. ماشاء الله عليكي يادينا بجد بجد انتي فنانة وموهوبة جدا يارب قصصك تتعمل دراما لانها فعلا تستحق وانتي تستحقي كل خير :) تحففففففففففففة القصة :)

    ردحذف
  32. بجد برااااااااافوووووو يا دينا قصه جامده جدا

    ردحذف
  33. برااااافو دينا القصه جميله والنهايه اجمل
    ياتري هتكون القصه الجايه عن ايه ???

    ردحذف
  34. ممتازه ما شاء الله عليكى القصه جمييييييييييييييييله ربنا يوفقك ومن الافضل للافضل وانتى تستحقى اكتر من كده

    ردحذف
  35. جلوووووه اوي ومستنيين الجديد

    ردحذف
  36. بس هو مكنش ينفع يتجوزها لو طلق اختها لا يجوز شرعا لازم تموت اختها

    ردحذف
  37. رائعه جدااااااااااااا
    تسلم ايدك نهايه جميله ويستاهلو الاتنين العقاب
    صعبانه عليا عواطف اووووووي
    يسلم تفكيرك وموهبتك

    موجا

    ردحذف
  38. بجد جااااااااااااااااااااااااااامدة اووووووووووووووووووووووووى يا دينا تحفة اوووووووووووى والنهاية بجد مناسبة جدا يستهلوا اللى حصلهم نهاااااااااية رائعة يادينا وبجد انتى موهوبة اوووى

    ردحذف
  39. تسلمي يا عسل القصة دي بجد كانت روووووووووووعة و انت بجد وحدة مبدعة

    ردحذف
  40. حلوة كتير

    ردحذف
  41. جامده اخر حاجه بجد فنانه

    ردحذف
  42. الحمد لله انها خلصت بسرعة





    غ د

    ردحذف
  43. جامدة اوي يا دينا

    ردحذف
  44. واااااااااااااو الله عليكى يا دينا

    ردحذف
  45. تححححححححححححححححححححححفه بجد
    تسلم ايديكي يا قمر

    ردحذف
  46. يخربيتك انتي جامدة موووووت
    و بتكتبي حلو موووت, نفسي بنتي و ابني حد فيهم يبقي زيك يا قمرة

    ردحذف
  47. القصة حلوة اوى رغم بشاعتها بس فى الزمن اللى احنا فيه ده ممكن يحصل كده و ابشع كمان

    ردحذف
  48. 7elwa awee bs bsh3a ana kont 3yza awl3 fe 3adel daah x(
    Norhan

    ردحذف
  49. بجد خطة محكمة جدا للقصة وتسلمى وياريت تعملى قصص بوليسية اكيد هتكون جميلة

    ردحذف
  50. انا قرءت قصص كتير بس زى دى ملقتش بجد تحفة اووووووى انا بجد اتاثرت وللاسفف فى مجتمعنا دا اللى بيحصل وان ربنا مبيسبش حد مظلوم وظهر برئتها بجد يا دينا انتى مبدعة

    ردحذف
  51. حلووووة اووووي :)

    ردحذف
  52. ANA DII AWEL AMRA AKTBLK FEEHA .. BAS ENTII BGD MA'SHAA'ALLAH 3LIKII KTABTK RW3AAA .. W 7BIIT TRII2T SRDK LL27DAS ..B7S EN ANA 3IISHA ELQWSA F3LN .. =)
    BGD A7LAA T7IIA LIKII YA DEENA .. ;)

    ردحذف
  53. بس هى عرفت ازاى كل تفاصيل قتل اختها ؟؟؟ مع انه مقلهاش واتفاجئت بانه قتلها؟؟؟

    ردحذف
  54. تهببببل
    ماشاء الله

    ردحذف
  55. والله والله انا كل لما اقرا حاجه ليكى بتبقى احسن بكتير من الافلام اللى بنشوفها دلوقتى ليه ما تحوليش فى الاتجاه دا هتبقى رائعه وربنا معاكى

    ردحذف
  56. Gmda a5eeeeer kol el 7agaaat :D

    ردحذف
  57. جميلة اوى بس صعبة اوى
    لدرجة دي الدنيا مبقاش فيها امان
    لدرجة دى الواحد ميامنش لزوجه او اخته

    ردحذف
  58. حلوه اوى بس ولاء صعبانه عليا جدا جدا كنت حسه انها مظلومه كان نفسي انها مش تموت وتطلع القصه كلها حلم ف الاخر يا خساره انا زعلانه اوى والنبي يا دينا مستنيه منك قصص رومانسيه وقصه زى ليست عزراء دى رووووووووووووعه بجد تسلمى وتسلم ايدك

    ردحذف
  59. يــــــس بجد جاااااااااامده

    ردحذف
  60. Bgd bgd to7fa awiiiiiiii xD :D

    ردحذف
  61. بجد جامدة جدااااااااااااااااااااا

    ردحذف
  62. انتي كاتبه اكتر من رائعه انا قرأت كل كتاباتك بجد تحفه دائما للأفضل ان شاء الله يا دودو

    ردحذف
  63. روووووووووووووووووووووووعة فعلا


    ردحذف
  64. تسلم ايدك يا دودو بجد بجد مش عارفة اقول لك ايه شكرا جدا والحكاية حلوة جدييييييييييسس

    ﻻارا

    ردحذف
  65. روعة الرواية بجد الاحداث ممتعة ومثيرة

    ردحذف
  66. مش صعبان عليا قد ياسين اللى مش بقاله حد و اتيتم قبل ما يوعى ع الدنيا :(
    بس القصة تحححححححححفة

    ردحذف
  67. حلوووووووووووووووووووووه اووووووووووووووى يا دينا كعاويدك بجد بقيتى انتى وروياتك شئ اساسى فى حياتى

    ايـــــــــــــــــــات

    ردحذف
  68. رووعه جدا وواقعيه بس أنا شايفه ان هيام مفروض كانت تتعدم زى عادى لانها مشتركه فى الجريمه على الأقل لانها وافقت ان عادل يتهم ولاء بالخيانه بجد حسبى الله ونعم الوكيل فى كل بنى آدم بيبنى سعادته على حساب غيره

    آيه محمد

    ردحذف
  69. اكتر حاجه توجع فيها انها واقعيه و ان فعلا مبقاش ف امان حتى بين الاخوات للاسف :(

    ردحذف
  70. جامده اووووووووي ومحزنه وموجعه اوي

    ردحذف
  71. جميلة اووووووووووووووووووووووووووووووووووووى تسلم ايديك يا دينا

    ردحذف
  72. بالكلام هظلمك اكيد ")"

    ردحذف
  73. ولو رأي يهم حضرتك .. عدي بس ملحوظة ان القصة كانت طويلة حبة بس هي جميلة

    ردحذف
  74. قصه تحفه والدماغ ماشاء الله جباااااااااااااااااااااره تسلم ايدك

    ردحذف
  75. القصه كلها حلوه اوى تسلم ايدك






    ردحذف
  76. بجد انا مش لاقية كلام اقولة بجد ابداع

    ردحذف
  77. جميله اوووووووووووووووووووووووووووووووووووووي

    ردحذف
  78. very nice dena
    you will be big writer in the futer
    best wishes

    ردحذف
  79. انتي بجد كاتبه رائعه وافكارك رائعه ربنا يحميكي يارب :* <3

    ردحذف
  80. مجدي فريد حسن13 أكتوبر، 2014 9:20 ص

    الحبكة الدرامية ممنازة .. اما الحبكة البوليسية ففيها خطأ فادح وهو.. المفروض ان الوفاة حدثة بسبب تسرب غاز سخان الحمام ..
    اذن عند اقتحام الشقة بواسطة البوليس كان اول ما أكتشفوه هو رائحة الغاز التي بالتأكيد كانت انتشرت في الشقة بكثافى وخصوصا
    الحمام .. ويتم ذكر ذلك في محضر البوليس ايلي بالتالي ينفي تهمة القتل عن الزوج في المرحلة الاولي .. اما رومانسية العقاب الالهي
    بوفاة الطفل وفوقان امه فهذا موطن ضعف اخر
    عموما ارجوا لك التوفيق فيما تكتبية بلغنك العامية الرائعة

    ردحذف
  81. رائعة ولكن حبكة بوليسية محتاجة تظبيط بسبب موضوع الغاز وثانيا ميتحولش للمفتي من غير دليل مادي يعني اخرو سجن فقط

    ردحذف
  82. تحفههههههههه يا دينا

    ردحذف
  83. اول قصة اقرأها ليكي جذبتني جدا وخلصتها في يوم.. أراها واقعية في مجتمعنا جدا وممكن يكون حصل أسوأ من كدة لناس سترهم ربهم.. القصة فيها دروس مهمة اوى،، أولا مهما يكن اطمئنانك لأي حوار على الأرض ابعديها عن زوجك متحكيش ليها أو ليه مزاياهم حتى لو بصفو نية،، مش بقول دخلي شك قلبك بس للأسف كل إنسان بيبقى جواه غريزة وشيطان يوسوس له ومراكز ضعف.. ثانياً الساكت عن الحق شيطان أخرس خوفنا من الفضيحة الورطة الحياة المظلمة والمستقبل الأليم ما هي إلا جريمة لا سيما آخرها العقاب واذا هربت وتذاكيت على الدنيا فلن تتذاكي على الله في عقاب الآخرة.. لو اتكلمت كانت ممكن تلحق أرواح وتفادي ضرر أقل.. وأخيراً احذر ثم احذر.. طمع المال والرفاهية العامي فلا تدري من يحسدك على حياتك فأحمد.. أحمدي الله على نصيبك وقدرك ولا تنظري لحياه أخرى لكي لا تزيدي في قلبك من الغل والحسد والحقد ما يستغله الشيطان لأعماله اللهم إنا نستعيذ بك منه ومن شر أنفسنا..
    آسفة على الإطالة واحيييببكي على القصة أتمنى لك النجاح والتوفيق دائماً في دربك

    ردحذف
  84. قصة جميلة بس العيب موش ف عادل العيب ف الكلبة اختها اﻻلايمكن تتوصف غير بالحيوانة هى الا اداتلو الفرصة انة يعمل كدة كان نفسى عقابها يكون اكبر من كدة

    ردحذف
  85. بجد بجد بجد من اروع القصص اللي قريتها وبحب قصصك اوي وعندي جروب وبنشر قصصك فيه وكل الجروب عارف قصصك وبنشرها باسم حضرتك والمتابعه هايله والاحداث مشوقه جدا بجد تسلم ايدك هنا

    ردحذف

قول رأيك بلاش تقرا وتقفل من سكات...ارائكم تهمنى