الخميس، 28 فبراير 2013

بقينا عيلة... الحلقة 3

الحلقة 3
مجدى ف اوضته... بيسطر البودرة...وبيشمها
بعد ما اخد نشوة الهيروين ولم اثاره...خرج م الاوضة
"فى ايه يابا"
"بنت عمك راجعالى ف انصاص الليالى قال ايه من الكلية"
الساعة دقت 7 ورا صبحى
"روق دمك يابا... هى البت دى مش هتتلم الا بالجواز..بلا جامعة بلا قرف"
هانم"ايوه صحيح... انت تروح تكلم امها وبعد اخوك ما يربعن ناخدها لمجدى وتكن ف البيت بلا جامعة بلا علام"
صبحى"انا ناوى على كده فعلا"
مجدى"وهتجوز فين"
صبحى"هنا طبعا"
هانم"اهو يبقى زيتنا ف دقيقنا ولا تقدر تقول ورثى ولا فلوسى"
صبحى"انا مش مستريح للمصراوية حاسس انها مش هتسكت"
هانم"وانت هتخاف منها ولا متقدرش عليها"
صبحى"ماتنقى الفاظك يا ولية انتى...انا هخاف منها"
مجدى"ايه يا اما الكلام ده...ابويا قدها وقدود ...مش كده يابا"
صبحى"انت عارف ياض ...ابوك محدش يقدر يتنى له كلمة"
مجدى بفرحة مستفزة
"عارف يابا"
                       *******************

شذى داخلة بيتها بتعيط...جريت عليها ضحى
"مالك يا شذى...حد زعلك؟"
وسمعتهم مديحة ونزلت من فوق
"مالك يا شذى بتعيطى ليه"
شذى"قابلت عمى وانا جاية بهدلنى وزعق لى وقالى انى مخرجش الا باذنه حتى لو للكلية"
مديحة"ولا كان يخطر على بالى ابدا انه يتحكم فينا كده بعد موت ابوكم... حتى اللقمة بيتحكم بيها فينا ...حسبى الله ونعم الوكيل فيه"
ضحى بعد ما كانت بتطبطب على شذى قعدت تطبطب على مامتها
شذى"انا مش هروح الكلية"
مديحة"نعم... كلية ايه اللى مش هتروحيها... هتروحى وانا عايزاه يتكلم تانى...كله الا ولادى"
شذى"انا قصدى مش هروح كل يوم علشان المصاريف... انا ببقى خايفة الميكروباص يعطل واضطر اركب تانى لانى مبيبقاش معايا فلوس زيادة"
مديحة"ياحبيبتى يا بنتى... روحى كليتك ولا يهمك انتى ف تالتة يعنى هانت...ومن بكرة هتصرف وهيبقى معاكى مصروف يكفيكى ويفيض ان شاءالله"
شذى"منين؟؟"
وقبل ما ترد عليها مديحة... رن موبايل شذى
طلعت التليفون من الشنطة وبصت فيه
"ماما ده خالد... كان عايزنى اقولك"
"ردى عليه الاول وبعدين نحكى"
ردت شذى وهى طالعة فوق
"الو... معلش ياخالد ...لا ملقتش حد فاتح اشحن من عنده هنا ف البلد... نسيت اشحن م طنطا....بكرة ان شاءالله... لا لسه مكلمتهاش... مين بيزعق جنبك... مامتك!! ليه؟؟ حاضر يا خالد هقولها...بس مامتك مستعجلة كده ليه...لا مقصدش حاجة ...حاضر يا خالد هقولها...مع السلامة"
                    *****************

كريم قاعد مع مامته وبيحكى
"واتفاجئت والله ياماما لما قالت انها جت الشركة مخصوص علشانى"
"اخيرا ياكريم جاى تحكى لى على بنت"
كريم بكسوف
"زى ما بحكى لك على اى حد"
"بس لما بتحكى لى على اى حد عينيك مبتلمعش ولا وشك بيضحك كده"
"انا حسيت انى مش عارف اقولها ايه... بقالنا يومين مع بعض ف الشغل بس هى بتعاملنى كأن السنتين اللى فاتوا دول مفاتوش...كاننا لسه زملا مع بعض ولقيتها بتقولى انى بقيت اجتماعى عن الاول"
"دى حافظاك بقى"
"باين كده"
"اكلم ابوك؟"
"على ايه"
"لو البنت عاجباك نخطبهالك يا كريم... انت بتقول انها بنت ناس وكويسة وانا نفسى افرح بيك"
"هى بنت ناس وكويسة"
"وشكلها بتحبك...انت ايه دماغك"
كريم بيضحك
"نشوف الحكاية دى"
                            *******************

شذى نازلة بعد ما غيرت هدومها...قعدت مع مامتها وضحى
"ماما خالد ومامته عايزين نقرا فاتحة وبيقولوا لك ييجوا امتى"
مديحة"وده وقته يا شذى"
شذى"قلت له والله بس مامته عمالة تقول احنا بنأجل كل شوية ليه"
مديحة"ليه ايه؟؟هى معندهاش دم ابوكى كان عيان وف غيبوبة وبعدين مات يبقى ده وقت خطوبة"
شذى"هما بيقولوا ممكن ييجوا والاهل يتعرفوا على بعض ونقرا الفاتحة وبعدين الخطوبة تبقى بعدين"
مديحة"ماهما حتى لو هييجوا هبقى محتاجة مصاريف اكتر واكتر... طيب يا شذى ادينى فرصة اكلم عمك وعمتك "
"عمى"
"الاصول كده...مهما كان بيننا مينفعش يقلك لك ف جوازك غير اهلك"
                     *********************

مديحة بتنزل من الميكروباص  ف موقف البلد
معاها حاجات اشترتها وماشية ناحية البيت
قابلت هانم
"كنتى ف المركز ولا ايه"
"ازيك الاول ياهانم...اه كنت ف المركز"
"ليه"
"كنت بشترى حاجات للبيت"
هانم بتبص للحاجات اللى ف ايدها
"الاشية معدن اهى اومال كانت ليه الشكية"
"هبقى اجيلكم بالليل علشان عايزة ابو مجدى"
"خير؟؟فلوس تانى ولا ايه"
"لا مش فلوس بس عايزاه ف حاجة تخص شذى"
"خير؟"
"لما يجيلى هقوله... سلامو عليكو ياهانم"
              *********************

دعاء قاعدة مع كريم ف كافيه
"ميرسى يا كريم ع العزومة"
"على ايه.. انا قلت نفصل شوية عن الشغل ونقعد نشرب حاجة"
"فكرة جامدة"
"قوليلى بقى.. كنتى بتعملى ايه السنتين اللى فاتوا"
"مش حكيت لك"
"لا انا قصدى يعنى ارتبطتى اتخطبتى؟؟"
"لا"
"سؤال غبى لو سألتك ليه صح ..اصل اكيد جالك عرسان كتير"
"يعنى... نصيب"
"بصى يا دعاء انا هتكلم دوغرى كده مبحبش المقدمات"
"اتكلم"
"انا حكيت لماما عنك وسألتنى عليكى"
وارتبك كريم شوية
"ايه يا كريم كمل"
"انا عايز اخطبك...ايه رايك؟؟"
"مش مصدقة"
"ليه"
"علشان مكنتش متخيلة انك ممكن تحس بيا"
"مش فاهم"
"انت كنت مطنشنى خالص ف الكلية"
"انا؟؟ لا والله انتى كنتى زميلة عزيزة"
"ايووه...زميلة عزيزة زى كل الزميلات انما انت بالنسبة لى مكنتش زميل عزيز زى باقى الزملاء"
"يبقى خلينا ف الجاى...موافقة اتقدم لك"
ردت دعاء بفرحة
"طبعا"
"انا هكلم بابا وماما وانتى كلمى باباكى ومامتك ونشوف هنجيلكم امتى ان شاءالله"
"تنوروووووا يا كريم"
                          ******************

كريم بيخبط على باب شقة
"كريم..اهلا يا حبيبى اتفضل"
"ازيك ياعمتى اخبارك ايه"
دخل كريم وقعد
"الحمدلله ...ماما اخبار صحتها ايه"
"مستقرة اليومين دول الحمدلله"
"ربنا يشفيها يارب... الاكل جهز هلفهولك حالا... زياد نايم جوه لو عايزه"
"اه عايزه جداا...هدخله"
دخلت جليلة تلف الاكل اللى هياخده كريم

دخل كريم يصحى زياد
"زيزووووو...قوم"
"كريم... ازيك"
"ازيك انت...قوم بسرعة اما احكيلك على حاجة"
"خير"
"هخطب"
"لا... كنت بتحب من ورايا ياندل"
"انا عمرى خبيت عليك حاجة...اتعدلى كده اما احكيلك كل اللى حصل"
                        ******************

مديحة رايحة تفتح الباب اللى بيخبط
"اهلا يا ابو مجدى اتفضل"
"ازيك يا ام شذى...ازى البنات"
"بخير الحمدلله"
قعد صبحى
"عايزك ف كلمتين مهمين"
"وانا كمان كنت عايزاك"
"خير... انا لسه مديكى فلوس"
"لا مش فلوس"
"اتفضلى"
"قبل العيا الاخير لماهر الله يرحمه كان فيه جماعة عايزين ييجوا يتكلموا على شذى بس لما حصل اللى حصل اجلنا وهما عايزين ييجوا يتكلموا عليها ويقروا فاتحة"
"شذى مخطوبة"
"ايه؟؟ مخطوبة ازاى يعنى انا امها بتقولى بنتى مخطوبة"
"اه...انا قارى فاتحتها على مجدى مع ماهر "
"مش ممكن ...لو كان حصل كان قالى"
وزعق صبحى
"انا كذاب يعنى... قالك ولا مقالكيش بنت اخويا مياخدهاش غريب وانا ابنى موجود... بعد الاربعين نكتب الكتاب سكيتى ويدخلوا عندنا"
"ايه اللى بتقوله ده ...مستحيل"
"انتى هتتحدينى... اياكى تتحدينى يا مصراوية... يا تسمعى كلامى يا تطلعى بره وملكيش عندى حاجة"
"اطلع منين واروح فين"
"انتى ناسية ان ده بيت ابويا وانا واختى لينا فيه...يعنى بكلمة منى تبقى ف الشارع...اعقلى الكلام يا بنت الناس وفكرى وردى عليا"
خرج صبحى من البيت ومديحة واقفة مش عارفة تقول ايه
فضلت واقفة مكانها لحد ما شافت شذى راجعة من الكلية
"روحى هاتى اختك من عند عمتك"
"مالك ياماما"
"طالعة انام ومحدش يصحينى .. ابقى بس عرفينى انكم رجعتوا"
طلعت مديحة اوضتها وقفلت عليها وهى عايزة تقعد لوحدها خالص من غير ما تكلم حد علشان تفكر فى الكلام اللى حصل وازاى هتتصرف وازاى هتقول لشذى
بعد ساعة خبطت عليها شذى
"ماما...ماماااااا احنا جينا"
"طيب... قولى لاختك تنام بدرى وهصحيها للمدرسة الصبح"
                        ******************

كريم بيلبس الصبح ...دخل عليه باباه
"صباح الخير ياكريم"
"صباح النور يابابا"
"مبروك...مامتك كلمتنى ف موضوع الخطوبة وان شاءالله ربنا يتمم بخير"
"شكرا يابابا ربنا يخليك...هى ماما صاحية"
"لا نايمة...انا لما سمعتك قلت اقولك ان اى معاد اهل العروسة يحددوه انا جاهز"
بص ابراهيم لكريم بفخر وحب...قرب منه كريم وحضنه
"مكنتش اعرف ياواد انى هفرح كده"
"ربنا يخليك لينا يابابا...بس عايز اتكلم معاك فى امكانياتى والفلوس اللى معايا"
"فلوس ايه يا ابو فلوس... خلى فلوسك معاك ...انا معنديش غيرك افرح بيه واعمله الحلو كله"
"مش عارف اقولك ايه بس يا بابا ربنا يخليك"
"ويخليك لينا...يالا هتتأخر على شغلك"
                    *****************

شذى بتاخد كتبها وخارجة
"ماما انا ماشية عايزة حاجة"
"لا"
"مالك من امبارح"
"مفيش حاجة عندى صداع وضغطى واطى فنمت بدرى"
"لسه تعبانة؟؟اجيبلك دوا وانا جاية"
"لا انا كويسة...خلى بالك من نفسك"
                 *****************

كريم خارج من مكتب مديره
"ايه ياكريم كان عايزك ف ايه"
"نازل كام مشوار ف طنطا"
"انا معاك؟؟"
"لا انتى نازلة شغل هنا لوحدك"
"رايح بعربيتك"
"اه"
"خلى بالك من الطريق ياكريم"
"متخافيش مش اول اسافر"
"بس اول مرة واحنا مع بعض"
ابتسم لها كريم بفرحة... واخد حاجته وشاور لها ونزل
                   *******************

شذى ماشية ف الشارع ف طنطا بتكلم شيماء ف التليفون
"كنتى قلتيلى انك مش جاية النهاردة من بدرى ... انتى بتونسينى ف الطريق... بالليل بقى ابقى كلمينى ...مع السلامة"

شذى قفلت وحطت التليفون ف الشنطة وماشية على الرصيف

كريم سايق عربيته وماشى...فجأة جت عربية ربع نقل قدامه وكنت ع اليمين جنب الرصيف
شتمه كريم ف سره"غبى"

كريم بيبص ف المراية على العربية اللى وقفت فجأة

العربية الربع نقل نزل منها مجدى لما شاف شذى
"انتى رايحة فين كده؟؟"
"مجدى؟؟ انا رايحة الكلية"
"ماخدتيش اذنى ليه...اطلعى اما اروحك"
"اطلع فين...اوعى متعطلنيش"

كريم هدا عربيته...شاف ف المراية سواق العربية النقل معترض طريق بنت وشايف ان فيه شذ وجذب بينهم والسواق بيشدها من دراعها ناحية العربية

نزل كريم بسرعة
كريم"فى ايه يا جدع انت"
مجدى"مال امك انت"
كريم"ماتحترم نفسك...عايز منها ايه"
شذى بتحاول تخلص دراعها من مجدى...معرفتش
شدها مجدى ناحية العربية وبيزق كريم بايده التانية
كريم"انت هتخطف البنت م الشارع"
شذى بتعيط بخوف وتقول لمجدى"سيبنى... ملكش دعوة بيا"
حاول كريم يخلصها من ايده... طلع مجدى بسرعة مطواة من جيبه
ضرب بيها كريم ف جنبه
كريم مسك مكان الدم وهو بيقع... بيبص لشذى
شذى بتصرخ
"عملت ايه يا مجدى ...قتلت الراجل"
مجدى"اركبى بسرعة هنروح ف داهية"
ركبت شذى مع مجدى بسرعة
كريم بيبص عليهم وهما بيركبوا العربية
شاف ناس كتير اتجمعوا حواليه..وسامع اصوات
"اسعاااااف... حد يلحق الراجل بيموت"
وكانت اخر حاجة تشوفها عيون كريم



هناك 31 تعليقًا:

  1. واااو الاحداث بتتطور بسرعة شكل في مفاجات كتيير
    منتظرة جديدك

    ردحذف
  2. حلوه جداااااااااااااااااااااااا

    ردحذف
  3. حاســه انى شوفت الاحداثـ دى فـ مسلسل قبل كــده .. بـــــس تمااام بتقفليها بحتت مشووووقه جدااااا

    ردحذف
  4. حرااااااااااااااااااااااام كده والله انا مش قادرة انا هعيط على كرييييييييييم مامته مالهاش غيره وباباه وشكله كان طيب اووووووووي وراح ضحية علشان بيدافع عنها وهي سابته ومشيت مع مجدي كمان لالالالالالالالا

    ردحذف
  5. الحلقه التانيه امتا

    ردحذف
  6. حلووووووووووووووة اوووووووووووى يا دينااااااااا
    تسلم ايدك يارب
    مع انى متشوقة اشوف اية اللى هيحصل بعد كدة :)))

    amira slama

    ردحذف
  7. جااااااااااااااااامده جدااااااااا والله بس انا قاعده متغااظه من مجدي ده كل مره احس ان انا عايزه اولع فيه D:
    والقصه مشوقه جدا جدا ومستنيين الباقي يا مبدعتنا :)

    ردحذف
  8. الله الله حلللللللللللللللللللللللللللللللوة موووووووووووووووووووووووت

    ردحذف
  9. رووووووووووووووووووووووووووووووعة بجد تسلم ايدك

    ردحذف
  10. الله الله عليكى يا دينا جمييييييييييييييييييييييييييييله اوووووووووووووووووووووووى

    ردحذف
  11. جميله اووووووووووووووووووووي

    ردحذف
  12. جامده جدا بس لو سمحت لو ينفع تنزلى حلقتين مع بعض يبقى كويس اوى

    ردحذف
  13. الله عليكي يا دودو :))

    ردحذف
  14. حلووة اووي ربنا يستر من مجدي وابوه دول

    ردحذف
  15. حاسة ان ابو كريم دة ممكن يتجوز ام شذى

    ردحذف
  16. القصة جااااااااااااااامدة يادينا وشكلها هتحلو بس انا صبحى وابنو دول مضايقنى اوووووووى هما ملهم بشذى وصعب عليا كريم

    ردحذف
  17. بجد تحفه شوقتينا شكلها كده شذي ممكن تحب كريم

    ردحذف
  18. حلوة اوي يا دينا متشوقة للباقي بس حاسة ان كريم هيحب شذي وممكن ابوه يتجوز ممتها

    ردحذف
  19. انا كان نفسى صحيح ان كريم يقابل شذى ويحبها ويبقوا هما العيلة بس مش بالطريقة دى لان خالد ده شاكلة كده من اللى ماشى بدماغ مامتة
    ومامتة شكلها كدة من اللى بيعملو فيها حموات ولانى كنت بحب شذى بس بعد ما مشيت وسابت كريم كده سايح ف دمة نزلت من نظرى
    بس القصة جامده وفيها احاث مشوقة واحلى حاجة هى التنوع ف شخصيات القصص بتاعتك رووووووووووووووعة
    كملى واحنا معاكى

    ردحذف
  20. حقيقي انتي فنانه وصبرك طوووووووووووويل لما تنسقي الاحداث بالطريقه دي رااااااااااااااااااااااااااااااااااااااااااااااائع فعلا

    ردحذف
  21. تسلم ايديكي حقيقي مبدعة والحكاوي سلسة وماشية وكإنك بتوصفي حاجة بتحصل قدام عنيكي ..ربنا يحميكي بجد ..

    ردحذف
  22. جــــــمـــــيـــــــلة مووووووووووت
    بس حرام اللي حصل مع كريم مامتو وباباه ملحقوش يفرحو بيه

    ردحذف
  23. نزلي بعد كده حلقتين بالله عليكي مش بنلحق

    ردحذف
  24. بجد ياريت يتعمل مسسلسل فى التلفزيون
    احساسك جامد
    وفعلا الحاجات اللى بتحصل معايا انت بتحكيها بالتفاصيل

    ردحذف
  25. غبببببببببببببببببببببببببببببببببببببببى

    ردحذف
  26. حرام انا بحب كريم

    ردحذف
  27. جميييييييييييلة اووووي بجد والله انتي رائعة يا بنتي :* :*

    ردحذف
    الردود
    1. هو حضرتك اية حسام بتاعت القصصالي علي الفيس

      حذف
  28. :( حيوااان مجدى ده حسبى الله حيوااان

    فاطمة

    ردحذف
  29. توووووووووووووووحفة

    ردحذف

قول رأيك بلاش تقرا وتقفل من سكات...ارائكم تهمنى