الأربعاء، 13 مارس، 2013

بقينا عيلة... الحلقة 12

الحلقة 12
جليلة بعد ما شذى قفلت الباب وراها...اتصلت بالموبايل
"الو...ازيك يا كريم... انت فين؟؟ كويس انك مروحتش البيت...انا عايزاك ...موضوع مهم ياريت تيجى دلوقتى بدل انت لسه مروحتش... لا خير مفيش حاجة انا كويسة... هستناك دلوقتى... لو زياد ولا ابراهيم كلموك متقولش انك جايلى ... مع السلامة"
                     *********************

جليلة بتفتح الباب لكريم
بيسلم عليها وهو داخل
"ازيك ياعمتى ..خير؟"
"خير ياحبيبى ...اقعد بس الاول"
يقعد كريم وهو قلقان
"اعملك شاى ولا اجيبلك حاجة ساقعة"
مسكها من ايدها قعدها جنبه
"تسلمى ياعمتى...مش عايز والله اقعدى بس وقوليلى فيه ايه؟؟ هى دعاء كلمتك؟؟"
"دعاء!!"
"اه اكيد عملت نفس اللى حصل قبل كده مع ماما الله يرحمها...ضربنى وبكى وسبقنى واشتكى"
"انتوا متخانقين"
"اومال عايزانى ف ايه"
"احكيلى الاول متخانقين ليه"
                          *******************

دعاء داخلة البيت بتعيط
امال لسه داخلة قبلها بدقايق
"دعاء؟! مالك بتعيطى ليه"
"كريم ياماما...كريم بقى لا يطاق"
"ازاى"
"مش راضى نعمل خطوبة وبيقولى مش قبل سنة... وفجأة واحنا بنتكلم قام وقالى متكلمش واسكت وانا مستحملتش خدت تاكسى وجيت"
"هو بيعمل كده ليه وازاى يسيبك تيجى لوحدك...المفروض هو معاكى ميسبكيش غير لما يرجعك البيت"
"انا عايزة اعرف...هو انا اللى موت له امه... محملنى انا ذنب موتها ليه"
"هو بيقولك موتيها؟"
"تصرفاته اللى بتقول...من يوم ما ماتت وهو بقى مكشر وقالب وشه الكلمة بحساب الضحكة مبتطلعش...ايه ده مش كده يعنى"
"لا مش كده...انتى اتخطبتى علشان تفرحى ولا ينكد عليكى.. انا لازم اخدلك موقف معاه"
                         *****************

جليلة بعد ما خلص كريم كلامه
"كنت فهمها ...هى اكيد متقصدش"
"انا كنت بتفاهم معاها عادى...لما قالت لى كلمة انت مأفور اوى دى حسيت انها معندهاش احساس...شايفة ان حزنى على امى اكبر م اللى تستحقه... دى امى... امى وانا ابنها الوحيد ومكناش بنسيب بعض ابدا غير للضرورة وفجأة سابتنى...دعاء مستكترة عليا ازعل"
"ما انت برضه مينفعش تفضل طول عمرك حزين وحزنك ده يأثر على اللى حواليك"
"يا عمتى"
"قبل ما تكمل...سلوى مش هتتنسى..لا انت ولا ابوك ولا انا ولا اى حد عرفها ممكن ينساها وميزعلش عليها...بس برضه هى كانت نفسها تفرح بيك يعنى انت لما تفرح هى تفرح مش تزعل"
"وان كنت مش قادر افرح اعمل ايه؟؟"
"ربنا يصبرك"
"انا قلت لها هعملها فرح بس مش قبل سنة...اهو احاول اهيأ نفسى من دلوقتى انى اعمل فرح"
سكتت جليلة مش عارفة ترد عليه...كمل كلامه
"انتى متصلتيش بيا علشان دعاء...اومال كنتى عايزانى ف ايه"
"بعد كل الكلام اللى انت قلته ده... مش عارفة اتكلم اقول ايه...خايفة تزعل منى"
"انا ازعل منك ياعمتى؟؟ معقول يعنى...قولى اللى انتى عايزاه"
"كنت عايزة اقولك ان عيشتكم لوحدكم صعبة... ابوك بيحكيلى ان البيت لما بيعوز يتنضف بتجيبوا البواب ومش بيعمله كويس...والاكل كل واحد فيكم بياكل لوحده والغسيل اللى بتغسلوه انتوا غير اللى بتودوه المغسلة"
"هنعمل ايه بس...معندناش حل تانى"
"انت عاقل ياكريم واكيد هتفهمنى صح؟"
"قولى اللى عندك ياعمتى"
جليلة بصوت بيرتعش من الارتباك
"ابوك لازم يتجوز"
سكت كريم... فضلت جليلة مستنية منه اى رد فعل
مش لاقية غير سكوت
"ايه يا كريم...ساكت ليه؟؟على فكرة مامتك من قبل ماتموت وهى بتقوله اتجوز بس هو قال استحالة يعمل كده... وقالت لى كذا مرة وهو كان رافض خالص...بس دلوقتى الوضع مختلف"
"متبرريش ياعمتى...ده حقه"
استغربت جليلة من رده الهادى غير المتوقع
"يعنى موافق؟"
"لو رفضت مش هيتجوز؟"
سكتت جليلة معرفتش ترد
"قوليله ياعمتى يتجوز ... هو اكيد محتاج حد يراعيه"
"يراعيكم...حد يراعيكم انتم الاتنين"
"انا كان ممكن استحمل لحد ما اتجوز... بس عادى هو حر"
"انت زعلت ياكريم وكلامك من ورا قلبك"
"اكيد زعلت بس انا مقدرش افرض رأيي على حد خاصة ان الحد ده بابا... المهم بس يارب يكون اختياره مناسب"
"قصدك ايه"
"يعنى متكونش واحدة اصغر منه بكتير مثلا ولا واحدة مش من مستواه  فتدخله ف مشاكل هو مش قدها دلوقتى"
"هى واحدة.."
"مش مهم اعرف...كده كده هعرفها بعدين...هقوم انا ياعمتى مش عايزة حاجة"
"اقعد شوية"
"لا معلش... انا مروحتش م الصبح"
سلم عليها كريم...وباسها قبل ما ينزل
                       *****************

ابراهيم قاعد فى الصيدلية ...سرحان
رن تليفون الصيدلية ...رد بسرعة
"الو... ازيك ياجليلة...ايه جالك؟؟ وبعدين؟؟ احكيلى قالك ايه بالظبط؟؟... يعنى موافق... ايه اللى حصل مع خطيبته؟؟ ربنا يهديهم... هبقى احكيلك اللى حصل...مع السلامة"

قفل ابراهيم مع جليلة ...جت له مديحة وهى ماسكة شنطتها
"حضرتك تؤمر بحاجة قبل ما امشى"
بص فى الساعة..شافها 7
"انتى مروحة"
"ايوه"
"مروحة على طول ولا رايحة ف حتة"
"مروحة على طول"
"طب استنى اوصلك ف سكتى انا رايح لجليلة"
ارتبكت مديحة...
توافق... ولو حد شافها؟؟
ترفض... بس هو راجل محترم واخته فعلا ف طريقها
قبل ماترد..كان ابراهيم قام ولم مفاتيحه وموبايله
"امييييييرة انا رايح مشوار لو مجتش ابقى اقفلى انتى"
                    ***********************

مديحة راكبة جنب ابراهيم ومكسوفة وبتبص من الشباك
"اخبار بناتك ايه"
"الحمدلله كويسين"
"بنتك هتتجوز امتى"
"كام شهر كده لحد ما خطيبها يخلص وتتجوز"
"هنا ف القاهرة"
"لا ف طنطا ...اصل لسه لها سنة ف الكلية فتبقى هناك احسن"
"وبنتك التانية قد ايه"
"رايحة رابعة"
"ربنا يخليهوملك... مرتاحة عند اختك"
"الحمدلله... احسن من عيشتى مع من لا يرحم"
"مين؟ اهل جوزك"
"اخوه بس...انما اخته وبقيت العيلة طيبين وبحبهم وبيحبونى"
"انتى بنت حلال واللى يعرفك لازم يحبك"
"شكرا"
قالتها وهى مرتبكة...
"هو بيلمح لايه؟؟ هو علشان بشتغل عنده فاكرنى سهلة ولا ايه؟"
"مديحة انا عايز اكلمك ف موضوع وفكرى فيه كويس... بس شغلك ف الصيدلية مالوش علاقة بردك...يعنى قرارك ليكى كامل الحرية فيه"
قلقت... خافت... شكت... بدأت تفهم او تستغرب
سكوتها وارتباكها فهمه... كمل كلامه
"انا مراتى اتوفت زى ما انتى عارفة وابنى الوحيد خاطب ...ظروفنا ملائمة لبعض انا محتاج زوجة وانتى محتاجة زوج واب لبناتك وبيت يكون بيتك... اذا وافقتى وده يسعدنى اكيد بيتى هيبقى بيتك وبناتك هيكونوا بناتى... واى حاجة تحتاجيها ف جواز بنتك عليا... انا مش بغريكى علشان توافقى او بأثر على قرارك... انا اتعاطفت مع ظروفك من قبل ما اعرفك وخصوصا انك شكلك مش واخدة ع الشغل والبهدلة"
مديحة متفاجئة بكل اللى اتقال... اخر حاجة تتوقعها انها ممكن تتجوز بعد ماهر
وصلوا قدام البيت..وقف ابراهيم
"فكرى وزى ما قلتلك...لو رفضتى شغلك زى ماهو"
                  ***********************

كريم قاعد فى اوضة مامته ...ف نفس مكانها على السرير
فتح درج الكومودينو... مسك السبحة بتاعتها
وظرف فيه صور قديمة ليهم هو ومامته وباباه
قعد يتفرج ع الصور وهو بيبتسم لمامته اللى كانت بتضحك ف الصورة وبكامل صحتها

سمع صوت موبايله ف الاوضة التانية
رجع كل حاجة مكانها وراح يرد ع الموبايل
"الو... اهلا ياعمى ...مفيش حاجة... هى قالت ايه بالظبط... الكلام حصل بس مش بالطريقة دى...فيه حاجات مقالتهاش... حاضر هاجى لحضرتك بكرة...مع السلامة"
                       ******************

مديحة قاعدة ف البلكونة وسرحانة
جت شذى جنبها
"ماما انتى لسه صاحية ليه...مبتتأخريش ف النوم كده"
"هما فين"
"خالتى وعمو محمود وضحى ناموا واحمد ومحمد لسه مرجعوش"
"انتى عاملة ايه مع خالد"
"كويسة الحمدلله...انتى فيه حاجة مضايقاكى"
"لا مفيش... انا بس علشان مش بلحق اقعد معاكى انتى واختى حاسة انى مقصرة"
"احنا كمان متضايقين بس هنعمل ايه"
"قوليلى يا شذى... مبسوطين هنا"
"من بعد بابا ما مات ومفيش حاجة تبسط...لا كنا مبسوطين ف بيتنا ولا هنا... كفاية اننا حاسين اننا ضيوف ..عارفة ياماما لما ضحى بتعمل شقاوة عادية بزعق لها وازعلها قبل ما حد يزعلها...هى لو زعلت منى هتنسى انما لو حد زعقلها هتتأثر... مع انها صعبانة عليا اوى"
"ليه؟"
"كل يوم بتفضل تستناكى ف البلكونة من الساعة 5 ولما اقولها ماما لسه بدرى على معادها تقولى يمكن تيجى بدرى شوية النهاردة"
سكتت مديحة...مترددة ..بتفكر
"مالك ياماما... انتى النهاردة متغيرة اوى"
"علشان النهاردة حصل حاجة مكنتش على بالى...هحكيلك علشان مش قادرة افكر لوحدى"
                      ********************

كريم قاعد مع حماه فى المصنع
"والله ياكريم انتوا الاتنين غلطانين"
"انا غلطان ف ايه"
"هى قالت الكلمة اللى زعلتك دى ومخدتش بالها...وانت زعلت من كلمة ومقلتش انا زعلت من كذا او غلطتى ف كذا"
"دعاء بتفكر فى الفرح ومبتفكرش ف مشاعرى"
"ازاى كده...لا طبعا انت اهم من الفرح..هو فيه فرح من غير عريس"
فهم كريم ان حماه بيهزر معاه علشان يخفف من المشكلة
محبش كريم يحرجه
"ياعمى انا مش رافض الفرح... بس علشان نقفل الموضوع ده لما ماما تكمل سنة هنعمل فرح ونتجوز"
"عداك العيب... انا هتصل بدعاء قدامك اهو واقولها متتكلمش ف الموضوع ده تانى"
                      *****************

دعاء وكريم قاعدين مع بعض ف كافيه
"يعنى لو مكنش بابا صالحنا كنا هنفضل متخاصمين"
"تخيلى ..علشان سبب تافه"
"انت كمان ضايقتنى يا كريم بتعند وخلاص"
"انتى تعرفى انى امبارح كنت محتاجك جدا ...امبارح كنت مخنوق وحاسس ان مفيش حد جنبى حتى افضفض معاه...تخيلى مكنش فيه غيرك اتكلم معاها وكل ما اجى اكلمك افتكر انك متستهترة بحزنى على امى ارجع ف كلامى واقول ازاى هتحس بيا"
"اشمعنى امبارح... حصل ايه؟ وحتى لو كنا متخاصمين يا كريم كان المفروض تكلمنى"
"مقدرتش اكلمك واسمع منك كلام بايخ"
"الله يسامحك...قولى ف ايه امبارح"
"عمتى قالت لى ان بابا عايز يتجوز"
"ايه؟ بجد ؟؟ هههههه"
بص لها كريم بضيق
"سورى ياكريم...سورى مقصدش اضايقك"
"بتضحكى على ايه"
"تخيلت عمو وهو عريس بقى وكده ويخلف ويجيلك اخ نونو"
"تصدقى انا غلطان انى بتكلم معاكى"
"قبل ما تتقمص...اسفة والله اسفة...هسكت خالص اهو...بس قولى هيتجوز مين وانت قلت ايه وكده"
"معرفش هيتجوز مين..وهتفرق ف ايه..المهم ان فيه واحدة تانية هتيجى مكان ماما الله يرحمها"
"هو قال ايه لما رفضت"
"انا مرفضتش... هو حر يتجوز وانا حر اكرهها قبل ما اعرفها"
"وهيتجوز امتى"
"معرفش وهيفرق معايا ف ايه...انا هستحمل الكام شهر اللى فاضل لحد مانتجوز ونبعد"
"ونستنى ليه... مانتجوز احنا كمان"
"وتوافقى من غير فرح؟؟"
"لا طبعا... استنى احسن"
"كنت متوقع .. علشان كده معرضتش عليكى الفكرة"
                  **********************

مديحة ف الصيدلية... حاسة كأنها اول مرة تشتغل مع ابراهيم
متوترة ومرتبكة لدرجة ان فيه رف وهى بترتبه وقعت اللى عليه
حس ابراهيم بارتباكها
"مديحة"
راحت عنده
"انا اسفة ...هرتبهم"
"انا شايفك متوترة...لو حابة تاخدى اجازة تفكرى فيها براحتك معنديش مانع"
"انا فكرت واتكلمت مع بنتى الكبيرة"
"وردك؟؟"
"موافقة"

هناك 42 تعليقًا:

  1. ايوا بقي هوا دا

    ردحذف
  2. ربنا يتمم علي خير يا مديحة وكريم هيحبها الا خايف منو مقابلة كريم لا شذي لانو لما يشوفها راح يفتكر الحادث بتاعو وهون راح تبقي المشكلة والا صعبان عليا البت ضحي العسولة ربنا يتولهم وينتقم من عمهم وابن عمهم وهانم الا ربنا ياخدها
    وتسلم ايدك يا فنانة يا مبدعة

    ردحذف
  3. علي فكرة انا ممنوع الكلام

    ردحذف
  4. كنت متأكده كنت متأكده .. مع انى كنت شاكه :D

    بس دعاء دى مستفزه اخر حاجه انا لو مكان كريم اطلقها ^^

    ردحذف
  5. كل حلقة بتحلو وشكل الحلقات الجاية جااامدة مستنية بقية القصة بسرررعة
    تسلم ايديك يادينا على القصص الجاامدة دي

    ردحذف
  6. opaaaaaaaaaaaaaaaaa wl3t b2a kda :D:D:D
    keep going dodo :):)

    ردحذف
  7. لوووووووووووووووووووووولوووووووووووووووووووو الف مبروك

    ردحذف
  8. تحفففففففففففففففففففففففففففففففففة بجد
    هو دا الكلام اللى ع اصولو

    AMIRA SLAMA

    ردحذف
  9. وتوتة توتة خلصت الحدوتة

    الدوكتور هيتجوز الماما أم البنتين
    والعريس هيتجوز خطيبته بعد ما يتغلب على أحزان الماما العيانة اللى ماتت
    والعروسة اللى لسه بتدرس فى طنطا هتسيب خطيبها الأونطة عشان أمه بتتلكك
    وإبن جليلة هيتجوزها على اعتبار إنها خام ولسه وشها بيحمر لما حد يكلمها

    وهييييييييييييييييييييييييييييييييييييييييه
    هييييييييييييييييييييييييييييييييييييييييييييه

    ومن أول يناير هاكتب كتاب قديم هكتب كتاب قديم

    قصص بايخه بايخه بايخه

    روحى يا بنتى اتعالجى الله يشفيكى و يشفينا و يهديكى و يهدينا بلا فقع مرارة

    ردحذف
    الردود
    1. sorry but if you don't like it don't read it :D
      dina i like it so much, you have talent, I encourage you continue and I really love your writings

      حذف
    2. انتي مطرقعة ع فكرة او انت يعني
      او مش عاوزة تقري قصص متقريش وربنا يشفيكي انتي نكتي عليا بردك

      حذف
    3. والله قصص مدام دينا كلها تحفه
      واللى مش عجباه ميقراش دا ابسط رد
      استمرى يا دينا وربنا يوفقك

      حذف
    4. ههههههههههههههههههههههههههههه والله انتي او انت اللي عايز/ة تتعالج/ي بجد مش ممكن حاجة غريبة جدا اللي مش عاجبه مايقراش ولا بس عشان الناس بقت معقدة بتطلع عقدها ع الناس التانية لا اله الا الله

      دينا حبيبتي :) انتي موهبتك كبيرة جدا وانا بتابعك من اول القصص اللي كتبتيها وكل يوم اول مااقوم اقرا الحلقة الجديدة متخليش اي رأي سلبي يأثر عليكي انتي المعجبين بقصصك كتير جدا وانا اولهم دول عالم مايعلم بيهم الا ربنا .. ربنا يحميكي يارب واستمري مستنيين الجديد:) {كوكوتتحدث}

      حذف
  10. هوووووووووو دة الكلام بقى وكريم وشذى هايبقوا اخوات وهيصة هههههههههههههه شعللت يا ديدى على فكرة

    ردحذف
  11. جااااااااااااااااااااااااااااااامدة ايوه بقي كدا بدأنا ندخل ف الجد ... بس اانا مش قادرة استحمل بجد نفسي اقراها كلها مرة واحدة :D :D

    ردحذف
  12. لولولولييييييييييييي ههههههه ايوه بقي يا دوندن

    ردحذف
  13. حلوه جداااااااااااااا

    ردحذف
  14. بانتظار الحلقه اللي جايه يا دودو يا جميله

    ردحذف
  15. gamela awyyyy w do3a2 di 8ateta awy

    ردحذف
  16. دودو بليـــــــــــــــــــــــــــز متأخريش الحلقه اللى جايه
    روووووووووووووعه يا حبى استمرى

    L0L0

    ردحذف
  17. انا مش هقولك متزعلييش من كلام الأخت المريضة اللى فوق
    عشان انتى أكبر من ان كلامها يزعلك ل مدة دقيقة اصلا

    دى اسمها النفسنة ورأيها فى وسط 100 رأى ميأثرش فى حاجة وانتى اتعرضتى لمواقف هجووم كتيير ,, وماشاء الله ناجحة ومكملة طريقك

    ربنا معاكى متتأخريش بئا فى حلقة بكرة :*

    Dr/Emy

    ردحذف
    الردود
    1. طيب يا ست ايمك مادمتى دكتورة اد الدنيا و شايفانى مريضة متوصفيلى علاج
      هههههههههههههههههههههههههههه
      ههههههههههههههههههههههههههههههههههههه
      والله انتوا عالم تحف و محتاجين تتحطوا فى متحف الهبل البشرى

      حذف
    2. غير معرف: و الله انت / انتي مش محترم ﻷن القصة حلوة جدا و لو حتى مش عجباك ممكن تقول رأيك بكل احترام مش بالطريقة البايخة دي و كمان بتشتم بجد و الله انت متستحقش اصلا انه يترد عليك بس انا رديت علشان مدام دينا تشوف تعليقات كتيرة بتعرفك مقامك و ان انت اللي عايز تتعالج

      حذف
    3. عندك حق دي اصلاغيرانه من النجاح اللي دينا وصلت ليه بجد انتي موهبه كفايه ان احنا بنستني حلقاتك ع نار كل يوم

      حذف
    4. ههههههههههههههههههههههههههه واما انت مش عاجباك القصص دي وبتقول اننا عايزين نتحط ف متحف الهبل البشري داخل تاني تكتب كومنت ليه ولا هو غباء وخلاص كنت قولت رأيك وطلعت ومتفتحش الصفحة تاني ولا مبسوط بالناس اللي بتهزقك دانت متحف الهبل ذات نفسه

      حذف
  18. لا بجد تحفة الحلقة جدا
    ولا يهمك الكلام الوحش دى غيرة ونفسنة عادىى انتى اكبر من ان كلام زى ده يضايقك

    ردحذف
  19. ايييييييييييييييييييييييييوة بقاااااااااااااااا ابتدت تحلو طدا تحفة

    ردحذف
  20. ايوة كدة بقة

    ردحذف
  21. حلوة جدااااا يا دينا و متزعليش من كلام البتاع ده اللي مش عجبه ميقراش و بعدين هو اصلا مايستهلش

    ردحذف
  22. تعرفي تنفضي لكلام اي شخص يضايقك اصلا دولا حقودين

    ردحذف
  23. fen al 7l2a al gdeda b2a ha

    ردحذف
  24. موافقه !!!!! أن أن أن تششششش

    ردحذف
  25. كل حلقة احلى من الللي قبلها بجد جميلة اووي

    ردحذف
  26. كريم عنيد اوى طبعا من حقه يزعل بس مش بالشكل ده
    الحلقة حلوة

    ردحذف
  27. تؤتؤتؤتؤتؤتتؤتؤتؤتؤ اكييييييييييييد كريم هيشووف شذى ده هيبقى موقف تيييييييييت :D

    ردحذف
  28. كدا لما كريم هيشوف شذى هيكرهها اكترر !! لانها كانت السبب ف تعبه و كمان بنت مديحه بس جامده مووت :))

    ردحذف
  29. بصراحه قصه جميله اوووووووووووى

    ردحذف
  30. لولولولوبولو احلي تحيه للعريس والعروس عقبال شذا وكريم انا مش متخيله شذا مع خالد ابن امو ده ولا متخيله كريم مع دعاء الهبله دي

    ردحذف
  31. ايوووه بقااااا شكلهاا هتروق وتحلاااااا


    فاطمة

    ردحذف
  32. اااه والله مديحه ست طيبه وتستحق راجل كويس ..بس معتقدش عم شذي الحيوان دا هيسكت ويعادي الجوازه علي خير

    ردحذف
  33. الرواية حلوة وكل حاجة
    بس حاسة ان كريم مش هايحب مديحة
    على وضعك يادينا

    ردحذف

قول رأيك بلاش تقرا وتقفل من سكات...ارائكم تهمنى