الاثنين، 25 مارس 2013

بقينا عيلة... الحلقة 21

الحلقة 21
رن موبايل مديحة...بتقول قبل ما تطلعه
"تلاقيها ضحى..اصلى سايباها عند خالتها"
ردت مديحة قبل ماتشوف الاسم
"الو... جليلة!!ازيك ...خير؟؟؟ اييييييه.... ابراهيييييييم"

شذى مخضوضة
"فى ايه ياماما"
مديحة بفزع
"جليلة بتقول ابراهيم فى المستشفى وتعبان...انا خايفة ليكون جراله حاجة"
ام خالد"ربنا يطمنك عليه"
وكتمت ضحكة وهى بتغمز لخالد على مديحة

مديحة"معلش يا حاجة انا لازم امشى حالا...هنيجى تانى ناخد المقاسات"
شذى"مش مهم اى حاجة ياماما...المهم نطمن عليه...يالا"
خالد"شذذذذى"
كان بيناديها وهى ماسكة فى دراع مامتها ورايحة ع الباب
شذى"هنبقى نتكلم فى التليفون ياخالد...لازم نمشى حالا"
                     *********************

شذى ومديحة وجليلة وماجدة وضحى ودعاء قاعدين جنب بعض على كراسى فى طرقة المستشفى
دعاء قاعدة قصادهم... وكل شوية نظرات لشذى من فوق تحت بكل غرور

كريم وزياد خرجوا من اوضة الدكتور
قاموا كلهم
جليلة ومديحة"الدكتور قال ايه"
قامت دعاء حطت ايدها ف ايده
بعد كريم عنهم كلهم وهو بيتصل بالموبايل
دعاء راحت معاه ...رغم انه بِعد خطوات...هى معاه
زياد بيرد على مامته ومديحة
"الدكتور بيقول لازم يعمل عملية تغيير شرايين ف اسرع وقت"
مديحة"فجأة كده...ده كان كويس"
زياد"معرفش ازاى كان تعبان وسايب نفسه كده"
جليلة"هو كريم بيكلم مين"
زياد"دكتور قلب صاحب خالى بس مش هنا"
جليلة"مش هنا؟؟اومال فين"
زياد"ثوانى ياماما...مش عارف"

كريم بيتكلم...ودعاء جنبه
"ماشى يادكتور... هخلص كل حاجة واكلمك...مع السلامة"
"مين ياكريم"
"انا مش عارف اتكلم منك يادعاء..مسكانى كده ليه"
"انت متضايق علشان انا واقفة جنبك"
"انتى مش واقفة جنبى...انتى مكتفانى"

سحب نفسه منها وراح لجليلة ومديحة
مديحة"ايه ياكريم باباك كويس؟"
كريم"ان شاءالله هيبقى كويس... بس لازم يسافر يعمل العملية ف تركيا"
جليلة"ليه حالته خطيرة؟"
كريم"هناك احسن... انا هروح اعمل اجراءات السفر"
جليلة"مين هيروح معاه"
كريم"انا"
مديحة"انا مقدرش اسيبه ياكريم...انا لازم اروح معاه"
                   *********************

دعاء نازلة مع كريم خارجين من المستشفى
"ازاى يعنى اللى هيحصل ده"
"ازاى ايه"
"انت هتقعد مع ولاد الست دى فى البيت"
"ما احنا قاعدين مع بعض فعلا"
"باباك مسافر وهى هتسافر معاه...ولادها يغوروا ف اى حتة"
كانوا وصلوا للعربية وبيركبوا مع بعض
بعد ما قعدوا وكريم بيسوق
"دعاء لو سمحتى انا مفييش دماغ خالص لتفاهاتك دى... بابا تعبان ومسافر يعمل عملية وبحضر له كل حاجته ...وانا هكون مكانه هنا...وهاخد اجازة من الشغل علشان اراعى الصيدلية وطلب منى مقفلهاش...يعنى دماغى فيها 100 حاجة وانتى شاغلة نفسك بولاد مرات بابا... هما جايين يقعدوا عندك؟"
"انا مبقبلش البت الفلاحة دى"
"متقبليهاش خليكى ف حالك"
"ايه الطريقة دى ياكريم"
"ارحمينى بقى"
"خلاص ماشى... بس متكلمهاش"
"حاضر...اوامر تانية"
"احلف"
"والله العظيم لو فضلتى ترغى كده كتير ف الهيافات دى لانزل واسيبك قاعدة كده"
سكتت دعاء... ووصل كريم عند بيتها
وهى نازلة
"هبقى اكلمك"
"لما اخلص خالص واطمن على بابا هبقى اكلمك"
                           *****************

مديحة بتحضر شنطة هدوم ليها ولابراهيم وشذى بتساعدها
"ماما هتقعدوا قد ايه"
"مش عارفة يا شذى... ربنا يشفيه بس اهم حاجة"
"يارب"
قعدت مديحة وسابت اللى ف ايديها
"انا مش عارفة لو جراله حاجة هنعمل ايه ولا نروح فين... الدنيا لطشت معانا اوى من بعد ابوكى ومفيش حد وقف جنبنا الا ابراهيم... يارب اشفيه "
"متخافيش ياماما ان شاءالله هيبقى كويس"
"يارب... بقولك ايه يا شذى...معلش ياحبيبتى انى هسيبكم هنا...لو كان ينفع تروحوا عند خالتكم بس انتى شايفة ان اخت محمود عندها هى وعيالها ومفيش مكان لحد والبيت ضيق وميستحملش"
"متقلقيش علينا ياماما"
"انا عارفة انك وكريم مبتكلموش بعض... بس علشان خاطر ابوه خلى بالك من طلباته متخليهوش يحس ان مالوش حد...ده غلبان وطيب يا حبيبى"
"حاضر ياماما..كأنك هنا بالظبط"
"وخلى بالك من نفسك انتى واختك...متخرجوش لوحدكم مش عايزة ابقى قلقانة وانا هناك"
"متخافيش ياماما...اطمنى"
                        *********************

كريم فى المطار مع ابراهيم ومديحة
كريم كان ماسك ابراهيم بيسنده
اخدته منه مديحة
كريم"طنط انا معاكى بالتليفون ف اى حاجة...د. عبد المجيد هتلاقيه ف المستشفى وهو هيتعامل...الورقة اللى فيها عنوان المستشفى معاكى؟"
مديحة"اه معايا"
كريم"تمام... لو فيه اى حاجة كلمينى...انا كنت عايز اجى معاكم بس بابا هو اللى عايزنى افضل هنا"
ابراهيم"خليك انت هنا مكانى"
كريم"حاضر...يالا علشان متتأخروش...مع السلامة"
سلم على باباه وحضنه
"تيجى بالسلامة ان شاءالله"
سلم على مديحة
"كريم خلى بالك من البنات...مالهمش غيرك"
"متقلقيش ياطنط ف عنيا...خلى بالك من بابا"
                  ********************

شذى فى البيت قاعدة... كل شوية تليفونها يرن ومتردش
ضحى قاعدة ع الكمبيوتر
"مين اللى بيتصل بيكى يا شذى كل ده ...دماغى وجعتنى"
"خليكى ف اللى انتى فيه ياضحى مش ناقصاكى"

رن الموبايل تانى...قامت دخلت الاوضة وردت
"الو...نعم ياخالد"
"طول اليوم مبترديش عليا ليه... انتى سايبانى اهاتى لوحدى كده"
"وبعدين"
"وبعدين ايه؟؟"
"خلص كل اللى عايز تقوله"
"انتى ازاى بتردى عليا كده"
"نعم يا خالد... عايز تقول حاجة"
"جوز امك مات ولا ايه...جريتوا كده ليه"
"تعبان شوية...ربنا هيشفيه ان شاءالله"
"ومكنتيش بتردى ليه طول اليوم...لسه فاكرة تردى عليا بالليل"
"ومكنتش عايزة ارد خالص"
"ايه اللهجة الجديدة دى"
"علشان جبت اخرى منك ياخالد"
"انتى اتجننتى تقولى كده..مالك طالعة فيها على ايه مش تحمدى ربنا ان..."
"الحمدلله انى فقت لنفسى ف الوقت مناسب...انت كذاب"
"انتى قليلة الادب"
"شكرا"
وقفلت ف وشه ...اتصل بيها تانى...ردت
"عايز ايه من واحدة قليلة الادب"
"انا كذبت عليكى ف ايه"
"هو ده السيراميك اللى اختارناه مع بعض؟"
"ملقيتش عندنا شبهه بالظبط جبت قريب منه"
"قريب ايه دى الوان تانية خالص انت فاكرنى عبيطة"
"بصى بلاش قلة عقل وهيافة سيراميك ومش سيراميك...عيب اعقلى"
"ماشى...هعقل...الشقة باسم مين"
"شقتى"
"باسم مين"
"انتى مالك...ليكى تعيشى ف شقة وخلاص"
"خالد... انا قلت لك جبت اخرى معاك خلاص"
"يعنى ايه"
"يعنى خلاص...مفيش نصيب"
"مش اول مشكلة تحصل بيننا وبنتصالح"
"بس انا خلاص لا هتصالح ولا هكمل معاك...روح خلى مامتك تعيش فى الشقة اللى باسمها واللى اختارت توضيبها على ذوقها"
"انتى حاطة ماما ف دماغك ليه"
"مفيش حاجة تربطنى بيها علشان احطها ف دماغى...كل شئ نصيب"
"طب انا عايز الدهب اللى جبتهولك"
"حاضر.. هيجيلك"
"انتى صدقتى انا بهزر معاكى... انا مستغناش عنك"
"بس انا مبهزرش... حكايتنا خلصت"
" بالسهولة دى"
"لا مش بسهولة...بتصرفاتك"
"انتى فاكرانى هتحايل عليكى"
"متتحايلش يا خالد... مع السلامة وحاجتك هتوصلك قريب...متتصلش بيا تانى علشان مش هرد عليك"
قفلت بسرعة قبل ما يرد عليها... وخرجت قعدت مع ضحى
                       *******************

كريم طالع السلم وبيتكلم ف الموبايل
"خلاص وصلتهم...اه وصلت البيت...هطلع انام يادعاء... لا مش قادر اقعد ...انا م الصبح واقف على رجلى... اخدت الاجازة بالتليفون وهبقى امضى عليها لما ارجع... هنزل على 10 كده ..مش عارف هعمل ايه...هبقى اكلمك الصبح...مع السلامة"
                       *****************

كريم بيفتح الباب بالمفتاح
دخل ...قعد... قدام شذى
وكانت ضحى على الكمبيوتر جنبهم

شذى عايزة تسأله ومترددة
سبق هو واتكلم
"وصلتهم وأكدت عليهم يطمنونا لما يوصلوا"
"ربنا يرجعهم بالسلامة"
"يارب... انا تعبت م الوقفة طول اليوم..تصبحوا على خير"
ضحى"انا مستنياك تلعب معايا"
كريم"مش قادر يا ضحى"
شذى"هحضرلك العشا"
قامت شذى دخلت المطبخ
وقام كريم دخل يغير هدومه
                  ******************

قاعدين ال3 على السفرة
وقدامهم بيتزا...وكل واحد قدامه طبق وحاجة ساقعة
كريم"انتوا جبتوا ديلفرى؟"
ضحى"دى شذى اللى عملتها"
كريم بص لها باستغراب
"شبه الجاهزة بالظبط"
شذى"يعنى اول مرة نجحت الحمدلله"
كريم"دى اول مرة؟"
شذى"اه .. ما انا قاعدة فاضية وضحى سايبانى وقاعدة تلعب ...قيمتها بالعافية اخدت الطريقة من ع النت وقلت اجرب"
كريم"لا بجد تسلم ايدك"
كريم كان خلص طبقه...اخدته شذى من قدامه وحطت له حتة تانية
ابتسم لها ابتسامة شكر واخد منها الطبق
                ********************

كريم نايم فى اوضته

ضحى نايمة ...وشذى قاعدة ف اوضتهم صاحية وبتفكر
"انا اتصرفت صح ولا غلط مع خالد... انا استحملت وعديت مواقف كتير تبين ان مامته هى اللى ممشياه... بس هعمل ايه...هستحمل اعيش هنا ازاى...كريم مبقاش بيعاملنى وحش زى الاول... بس ممكن يرجع تانى يغلس عليا... حتى لو رجع تانى مسيرى هتجوز وامشى... طب نفرض عمو ابراهيم حصل له حاجة وماما وضحى مبقالهمش حد ولا مكان ..هبقى حمل تقيل عليهم... لا نبقى كلنا مع بعض واحنا ونصيبنا ربنا مبينساش حد"

رن جرس تليفون البيت... اتخضت شذى... الفجر قرَب
"مين هيتصل على البيت دلوقتى؟؟"

قامت فتحت اوضتها...فى نفس الوقت كريم خارج من اوضته
راحوا الاتنين على التليفون... ورد كريم




هناك 38 تعليقًا:

  1. تحففففففففففففففففه اووووووووي ي دوندووون بجد
    انتي رااااائعه مستنيه الحلقه اللي جايه
    ي رتني كنت اختك ولا بنتك حتي كنت
    اشوف الحلقات بسرعه وانتي بتكتبيها
    بدل التشويق ده xDDDD

    ♥ yaSsO ♥

    ردحذف
    الردود
    1. يااااااااااااااااااااااااااااريت بجد يااااااااسو


      ♥ ESSO ♥

      حذف
  2. قصيره اووووووووووي :(
    يا دينا طويلها شويه

    ردحذف
  3. اخيرا شذى فاقت لنفسها
    ياترى مين الغتت اللى بيتصل اكيد خالد او دعاء
    مستنين الحلقه الجديده يا دودو واهنيكى على اسلوبك بجد :)
    ~~AZZA~~

    ردحذف
  4. جاااااااااااامدة بجد تسلم ايدك يارب وبالتوفيييق

    ردحذف
  5. إبداع ليس له حدود
    حقا..، لا أجد وصف أو حتى عبارة أصف فيها إبداعاك :)
    دام الله عليكي موهبتك ..

    ردحذف
  6. حراااااااااااااااااااااام عليكى يا دينا
    انتى بتشوقينا اوى للحلقه الى بعدها
    بس بجد تحفه تسلم ايديكى يارب

    ردحذف
  7. ya tara ibrahim haymout? walla khaled walla doaa howa eli beyetkalem?

    ردحذف
  8. قصيررررة يا دينا بقي مش تضايقي بس مبحسش اني لحقت اقرا واندمج الاقيها خلصت

    ردحذف
  9. حلووووووووووووووووووووووووة اوووووووووووووووي

    ردحذف
  10. هيه حلوه بس قصيره يا دينا المفروض تلبى طلبات القراء بتوعك لان همه اللى بيقيموا شغلك و شكرا

    ردحذف
  11. استر يارب من تليفونات الفجر دي
    الواحد بيخاف منها قوي

    ردحذف
  12. جاااااااااااااامده اوى وشذى كدا عجبتنى انها مبقتش سلبيه
    بس الحلقه قصيرة جدا يا دينا ياريت تطول شويه

    ردحذف
  13. جميله اوي انا متبعاها من اول حلقه وكل حلقه بجد بتشدني اكمل تسلم ايدك يا دودو

    ردحذف
  14. حلوه بس قصيره جدااااااااااااااااا

    ردحذف
  15. روعه تجنن مستنين الحلقه الجايه بتشويق

    ردحذف
  16. جامده اخر حاجه بس يا تري مين الللي عالتليفون الغلسه دعاء ولا مديحه وابراهيم ربنا يستر

    ردحذف
  17. جامدة يا دودو

    ردحذف
  18. حلوووة اوووي بس قصيرة اوي اوي اووووووووي

    ردحذف
  19. لالالالا ليه قصيرة كدة بس بجد انا مش بلحق ونفسي اكملها كبريها شوية بالله عليكي

    ردحذف
  20. جامده بس قصيره جدااااااااااااا
    طولى الحلقات شويه ... انتى مش معبرانا خالص ومش بتتواصلى معانا :(

    ردحذف
  21. شكرا جزيلاااااا لكل الاراء
    ومنورين بالمتابعة

    واسفة انى مش بتواصل وارد بشكل يومى
    لانى والله ما بلحق ...اغلب التواصل بيكون على الفيس بوك وكمان مش بلحق اتواصل مع الكل

    اتمنى تلتمسوا لى العذر

    اما بالنسبة لحكاية قصيرة فالحلقة مش قصيرة ولو قارنتوا حلقة القصص الحالية بالقصص ف بداية المدونة هتلاقوا الحلقة الواحدة ضعفين ونص الحلقة القديمة

    والحلقة الواحدة بتاخد منى ع الاقل كتابة 5او 6 ساعات... ودى كل طاقتى فى الكتابة بالاضافة لباقى مسئولياتى الاسرية

    وبكرر شكرى لمتابعتكم واللى عايزنى فى اى حاجة هيلاقينى على صفحة الفيس بشكل اكبر

    ردحذف
    الردود
    1. 5 او 6 سعات :o لا براحتك ي قمر وهي فعلا طويله
      بس احنا اللي طماعين حبتين xDDDD
      وربنا يعينك ي رب :))

      ♥YaSsO

      حذف
  22. تحفةةةةةةةةةةةةةةةةةةةةةةةةة بجد يا دينااا تسلم ايد يا ققمرىىى

    amira slama

    ردحذف
  23. جميلة اوووووووووووووووووووووووى تسل ايدك

    ردحذف
  24. الله يخليكى نزلى الحلقات أسرع وأطول من كده الحكايه دى عمله أزمه معايا أنا وزوجى

    ردحذف
  25. من فضلك طولى الحلقات شوية

    ردحذف
  26. raw3a machailah 3aliki ya dina bas bif3il hal9a tawila bas ihna bindal mtchawi9in wi ana khayfa min ha tilfoun taba3 fajre rabina youstour o maykoun ibrahim wa la madiha

    ردحذف
  27. رووووووووووووووووووعه بجد انا فرتها 5 مرات بجد مبسوطه اوي انها سابت خالد وبقو كويسين مع بعض هي وكريم احليييي قصه واستمرييييييييييييييي ^________^

    ردحذف
  28. بجد القصه دي جمييله أووي يا دينا وأنتي قصصك كلها حلووه، والحلقه طوييله بس متتأخرييش علينا في الحلقات الجديده بجد بنكون متشوقيين جداً، تسلم إيدك وربنا يستر من التليفون ده بقى

    ردحذف
  29. الحلقه تحفه ... مبدعه كالعادة .. وربنا يستر من التليفون ده

    ردحذف
  30. الله عليكى يا دودو الحلقه جمييييييييييييييله جدا جدا تسلم ايديك

    ردحذف
  31. حللللللللللللللللللللللللللللللللللللللللللوة اوووووووووي بقى تسلمي بجد تحفة

    ردحذف
  32. حلو اوى
    بصراحة شدى عندها حق

    ردحذف
  33. لا جاااااااااامدة وكويس انها سابت خالد دوت بيكلمها بطريقه زباله اووى

    ردحذف
  34. تحفففففففففففففففة بجد تسلم ايدك

    ردحذف
  35. الحمدلله ادينا خلصنا من خالد عقبال دعاء

    ردحذف
  36. شكل زياد هايتجوز شيماء

    ردحذف

قول رأيك بلاش تقرا وتقفل من سكات...ارائكم تهمنى