الثلاثاء، 26 مارس 2013

بقينا عيلة... الحلقة 22

الحلقة 22
رن جرس تليفون البيت... اتخضت شذى... الفجر قرَب
"مين هيتصل على البيت دلوقتى؟؟"

قامت فتحت اوضتها...فى نفس الوقت كريم خارج من اوضته
راحوا الاتنين على التليفون... ورد كريم

"الو"
شذى واقفة قصاده بتبص له بتساؤل
"ايه ياكريم مالكم قلقتونى عليكم"
"حمدالله ع السلامة ياطنط...احنا كويسين ...طمنينى على بابا"
"الحمدلله على كل حال ...زى ماهو لسه...انتوا تليفوناتكم مالها"
"انا كنت عامل تليفونى سايلنت ونايم وصحيت على جرس التليفون"
"وشذى...تليفونها مقفول ليه؟"
"مش عارف"
"هى وضحى كويسين"
"الحمدلله...اهى معاكى"

ناولها السماعة ..اخدتها شذى...وهو واقف جنبها
"ازيك ياماما... الحمدلله كويسين... لا انا اللى قافلاه... مش هفتحه انتى ابقى كلمينى على تليفون البيت...متقلقيش مفيش حاجة... اه علشان خالد...لا خلاص قرار اخير... مش وقته ياماما متشغليش نفسك بحاجة كفاية اللى انتى فيه... لا مش هفتحه خالص... سلمى على عمو ابراهيم...مع السلامة"

قفلت شذى التليفون...كان كريم لسه واقف
"تصبح على خير"
ودخلت شذى وقفلت عليها الاوضة
                ********************

كريم خارج من اوضته الصبح
لابس هدوم الخروج... شاف شذى بتنضف

لما شافته شذى
"الفطار ع السفرة"
"هى ضحى فين"
"نايمة"
"انتى فطرتى"
"اه الحمدلله"
قعد كريم يفطر... ودخلت شذى المطبخ
بعد ما خلص فطار...راح ع الباب وقبل ما يفتح
"محتاجين حاجة للبيت"
"لا شكرا"
"ممكن لو احتاجتوا حاجة محدش فيكم ينزل"
"لا مش هننزل خالص ماما مأكدة علينا"
"معاكى رقم الصيدلية"
"اه"
"لو فيه اى حاجة كلمونى...سلامو عليكو"
وفتح الباب ونزل
                 ******************

كريم فى الصيدلية...بالليل
ودعاء قاعدة معاه
كريم"اميرة اتفضلى انتى وانا هقفل وامشى"
اميرة"حاضر يادكتور"
دعاء"هنروح فين؟"
كريم"هنروح"
دعاء"هتروح بدرى كده؟"
كريم"بدرى؟؟ انا هنا م الصبح...انتى مزهقتيش وعايزة تروحى"
"لا ياحبيبى مش بزهق من القعدة معاك علشان كده خلصت الشغل وجيت على هنا على طول"
"طيب...انا بقى تعبت وهروح انام"
قالها وقام يقفل الانوار... ودعاء وراه
خرجوا من الصيدلية...وركبت عربيتها وهو ركب عربيته ومشيوا
                      *******************

شذى قاعدة فى الاوضة...بتقرا كتاب
صحيت ضحى من النوم
"مالك يا ضحى"
"عايزة اشرب"
"حاضر"
قامت شذى تجيب لها تشرب...روجعت
بعد ماشربت
"بطنى بتوجعنى"
"من ايه  ياحبيبتى...ده انتى تقريبا متعشتيش...يمكن جعانة"
"لا مش جعانة بس بطنى بتوجعنى"
"هقوم اعملك نعناع تشربيه وهتبقى زى الفل ان شاءالله"

بعد ساعة... كانت الساعة 2 بالليل
ضحى بتعيط وتصرخ
"بطنى...آآآآآآآه بطنى بتوجعنى"
شذى"اهدى بس يا ضحى علشان متوجعكيش اكتر هعملك نعناع تانى"

كريم نايم فى اوضته...سمع صوت ضحى بتعيط
فى البداية شك انه بيحلم...ركز ف الصوت...اتأكد انه حقيقى

قام بعد ما بص فى الساعة ...خرج من اوضته
اتقابل مع شذى خارجة من الاوضة
"فى ايه؟"
"ضحى تعبانة شوية"
راحت المطبخ تعمل النعناع
بص كريم على ضحى...شافها بتعيط وماسكة بطنها
متردد يدخل الاوضة ولا يفضل واقف ع الباب
صعبت عليه...دخلها...كانت بتصرخ من العياط

شذى راجعة من المطبخ بالنعناع
"هى تعبانة كده من امتى"
"من ساعة تقريبا"
"اديتيها حاجة"
"اه قرص مسكن وعملت نعناع مرتين والمغص بيزيد"
"مصحتينيش ليه"
سكتت ومعرفتش ترد
"ادخلى لبسيها والبسى لحد ما البس...لازم نوديها مستشفى"
"ليه؟"
"ما هو المغص بدل بيزيد كده مينفعش نسيبها"
"انت شاكك ف حاجة"
"ايوه... يا مغص كلوى يا زايدة ولازم دكتور يشوفها"
خافت شذى... بدأت عينيها تدمع
"يعنى ممكن تحتاج عملية... اعمل ايه وانا لوحدى كده؟"
"لوحدك!!... انا معاكم متخافيش"
                     ******************

ضحى بتعيط وتصرخ من الالم... كريم شايلها وداخل المستشفى
شذى ماشية معاهم بتعيط على عياط اختها

بعد الكشف...عليها... خرج كريم مع الدكتور
وراحت شذى تساعد ضحى فى اللبس

رجع لهم كريم
"قال ايه؟"
"الحمدلله مش زايدة...مغص كلوى هتاخد علاج وهتبقى كويسة...خلصتوا؟"
"اه"
شذى ماشية مسندة ضحى اللى لسه بتعيط...راح كريم صيدلية المستشفى جاب العلاج
كريم"دودو هتاخدى حقنة حالا علشان المغص يروح"
ضحى"بلاش حقنة بتوجعنى"
كريم"الحقنة وجعها اقل من المغص...لازم الحقنة ..ماشى"
                       ******************

بعد ما رجعوا البيت... دخلت شذى وضحى اوضتهم
كان المغص بدأ يخف تدريجيا
قعدت شذى جنب ضحى لحد ما نامت

كريم بعد ما دخلوا البنات اوضتهم
دخل اوضته غير هدومه... وحس انه مش عايز ينام فاخد كتاب وطلع قعد ف البلكونة

شذى بعد ضحى مانامت... قامت
بصت على اوضة كريم...شافت النور مطفى
عرفت انه نام... خرجت تقعد فى البلكونة

شذى داخلة البلكونة... اتخضت
"انتى كل ماتشوفينى تتخضى كده"
"انا افتكرتك نايم والنور هنا مطفى فاتفاجئت"
"لا مش جايلى نوم... قلت اقعد اقرا شوية لقيت مليش نفس قعدت ف الهدوء شوية... ضحى نامت"
"اه نامت...شكرا"
"على ايه...اقعدى"
قعدت شذى معاه وكملت
"على انك قمت من عز النوم واهتميت بضحى ..انا كنت خايفة عليها ومكنتش عارفة اتصرف"
"ده واجب عليا...مامتك موصيانى عليكم وانا مقدرش اشوف حد محتاج مساعدة ومساعدوش"
"زى ماكنت هتساعدنى قبل كده وانت متعرفنيش... واتسببت لك فى اذى"
"مش انتى قلتى كويس انها جت بسيطة"
"انا اه قلت كده... كنت بحاول اعتذر وانا عارفة انى كنت السبب"
"خلاص بقى اللى حصل حصل... بس اللى مجننى من يومها... هو عمل كده ليه وكان عايز منك ايه"
واتنهدت شذى وهى بتفتكر من بعد وفاة باباها...وبدأت تحكى لكريم

بعد ما وصلت شذى وحكت عن يوم الحادثة وعن تهديده ليها واللى حصل بعد كده لحد ماجم هنا
"لو كنتى بلغتى عنه يمكن كان خاف"
"خفنا...انا وماما خفنا اوى...كل حاجة كانت ف ايدين عمى وخفنا منه زائد اننا كمان خفنا من تهديد مجدى ليا"
"انا اسف اوى يا شذى"
شذى... اتردد اسمها على سمعهم هما الاتنين
اول مرة يناديها باسمها بعد الشهور دى اللى عايشينها ف بيت واحد
كريم استغرب الكلمة على لسانه وعلى سمعه
نفس استغراب شذى... قطعت شذى تفكيرها وسألته
"اسف على ايه"
"على المعاملة الجافة اللى كنت بعاملهالك... فعلا صعب الواحد يحكم على حد من موقف او من غير ما يعرفه...انا مكسوف من نفسى"
ردت عليه بايتسامة سماحة
"حصل خير"
سألها بتردد
"ممكن اسألك سؤال...بس لو هيضايقك متجاوبيش"
"اتفضل"
"انتى امبارح قلتى لطنط انك قافلة التليفون ومش هتفتحيه...انتى متخانقة مع خطيبك"
سكتت لحظات مترددة تحكى له ولا لأ
"مش خناقة...انا فسخت الخطوبة"
ورفعت ايديها قصاده...توريله انها قلعت الدبلة وهى بتضحك
"ليه كده؟"
"مواقف كتير مش هصدعك بيها...بس اللى عرفته واتأكدت منه انى مش هقدر اكمل حياتى معاه ابدا"
"وقفلتى تليفونك ليه؟ ماهو ممكن يكلمك هنا"
"قفلت تليفونى علشان ميتصلش بيا ويحاول يأثر على قرارى... اما حكاية يتصل هنا فالحمدلله لامعاه تليفون البيت هنا ولا تليفون البيت عند خالتى"
"والحب اللى بينكم"
"الحب زى الورد... حساس...لو اهتمينا بيه هيزيد لو اهملناه هيموت"
"ونهتم بيه ازاى"
"الاهتمام...ومقصدش بالاهتمام الكم..لأ الكيف... يعنى مش مهم كتر الكلام المهم الافعال اللى تعبر عن الحب ده..يعنى اللى يحبك يقدر ظروفك مثلا... يكون صادق معاك ميكذبش عليك... يفهمك من غير ماتتكلم ... وبعدين انت بتسألنى بتختبرنى مثلا..انت مش بتحب وعارف"
كريم كان سرحان فى كلامها..بياخد الكلام منها وبيقارن الكلام مع علاقته بدعاء... حس ان فيه حاجة مفقودة...وهو مش عارف ايه هى... لما سألته شذى انت مش بتحب وعارف
"اه..انا بسألك علشان بس اعرف البنات بتفكر ازاى"
"كل واحد تفكيره بيختلف عن التانى...مش كل البنات زى بعض ولا كل الشباب زى بعض"
"معاكى حق"
قطع كلامهم صوت اذان الفجر
استغرب كريم
"ايد ده... الفجر بسرعة كده"
"انا رغيت كتير وصدعتك...معلش بقى بقالى كتير قاعدة ساكتة فجت فيك"
"لا بالعكس مصدعتنيش خالص...انا محستش بالوقت علشان كده استغربت"
"احنا صحيناك من عز نومك وملحقتش ترتاح... انا هقوم اصلى الفجر وانام"
"انتى بتصلى؟"
"اه..انت مستغرب؟"
"اصل مشفتكيش يعنى"
"هههه علشان انت مش قاعد معانا طول الوقت...انا كمان مشفتكش بتصلى بس مش معنى كده انك مبتصليش"
"اه طبعا... طب نصلى الفجر قبل ماننام"
"ماشى"

دخل كريم اتوضا... ودخلت شذى بعده
وقف كل واحد فيهم على باب اوضته
"تصبحى على خير"
"وانت من اهله"

صلوا الفجر فى نفس الوقت
ومن غير اتفاق... اتوحدت دعواتهم فى السجود
"يارب اكتب لى الخير وابعد عنى الشر"


تنويه: الحلقة مش قصيرة وهى نفس حجم الحلقات السابقة
وردى على قِصر الحلقات عامة من وجهه نظركم "لانها مش قصيرة فى الحقيقة يعنى"
ان دى طاقتى فى الكتابة اليومية ياريت تعذرونى :)

هناك 51 تعليقًا:

  1. روووووووووووووووووووووووعة تسلمى

    ردحذف
  2. :)))))))))))))))))))))))

    ردحذف
  3. 7lwa awi bgd <3

    ردحذف
  4. رائعه بجد واحلوت اوووووووووووووي

    ردحذف
  5. هايله يا دينا
    بس مش معنى اننا بنقول ان الحلقات قصيره انو بنعيب او كده احنا بس بنحب كتاباتك ونفسنا انها تكون أطول بالذات انو بيكون فى يومين أجازه ف الأسبوع بس اكيد مش هنضغط عليكى
    ربنا يوفقك

    ردحذف
  6. يا دينا من كتر ماهى جميلة أنا عن نفسي مش ببقى عايزاها تخلص
    استمري
    بجد رائعة وبنتظرها كل يوم بفارغ الصبر

    ردحذف
  7. طوووويوله طووويله يا ستي ^^

    ردحذف
  8. جميله اوى يار يت يتجوز شذى هما الاثنين ليقين على بعض

    ردحذف
  9. جااااااااااااااامده جدا تسلم ايديك روووووووووووووعه

    ردحذف
  10. جميله اووووووووووووووووووووووووووي
    احنا بنشوف الحلقات قصيره عشان بنبقي مستمتعين اوي بيها
    ربنا يقويكي ياجميل

    موجا

    ردحذف
  11. بصى هو احنا بنحسها صغيره من حلوتها من كتر مابنعيش فيها وبعد ماندخل فى المود قوى نلقى الحلقه بخ نزعل
    نعملك ايه بقى ما انتى اللى كتباتك تحفه

    ردحذف
  12. جااااااااااااامدة اوى
    وعجبنى الكومنت الى فى الاخر ده

    ردحذف
  13. جااااااااااااااااااااااااامدة اوووووووووووووووووووووووووووووووووووووي :)

    ردحذف
  14. تحفة بجد يا دينا ,, واكيد لو قلتلك قصيرة هيبقى عشان انا عاوزة اكملها كلها مش انها فعلا قصيرة ,, مستنية الحلقة الجاية ومتاكدة انها هتكون جميلة اوى :)

    ردحذف
  15. جاااااااااااااااااامده أوى تسلم أيدك

    ردحذف
  16. جميلة جداً إحنا مش قصدنا نقول ان حضرتك مبتعرفيش تكتبى لما بنقول قصيرة بس حب فيصح والاستمتاع بيها نعمل اية بقى

    ردحذف
  17. حلوه يا دودو هستنى الحلقه اللى جايه على ناااااااار

    ردحذف
  18. الله الحلقة النهارده جمييييييييييييلة اوي تسلمي يا عسل واحنا مقدرين مجهودك وتعبك ربنا يكرمك ويوفقك دايما
    يا اجمل دينا :)


    ddy dody

    ردحذف
  19. جميلة جدا وتحفة من هنا لحد بكرررررررررررررررة مستنيين الباقي نفسي كريم يبقى لشذى :)

    ردحذف
  20. جميلة اوى الحلقة حبيتها اوى اوى النهاردة بس برضه قصيرة ههههههههههههههههههه الفكرة ان الحلقات اللى فاتت مكنش فيها احداث كتير و قصيرة اوى عشان كده عن نفسى كنت بحس ان مفيش جديد بس بجد تسلم ايدك برافوووووووووووووو

    ردحذف
  21. تحفة بجد يا دينا

    ردحذف
  22. الحلقة حلوووووووووووووووووووووووووووووة

    وعجبتنى اوى الحتة بتاعت الصلاة وجملته نصلى مع بعض


    والحلقات ممكن متكنش قصير بس ممكن من حلاوة القصة والحلقة مبنحسش بطولها وبالنسبة لنا بتبقى قصيرة :)



    وردة الكون

    ردحذف
  23. يـــــــــارب اكتبلي الخير وابعد عني الشر جميله اوى الدعوة دي واحلي حاجه كمان وصفك للحب هو فعلا حساس زي الورد بجد وصف جميل ودي الحقيقه فعلا اهنيكي من كل قلبي يادينا ع تعبيرك واسلوبك ف الكتابه

    ردحذف
  24. الحلقه حلوة مووووووووت وعايزة اقوول حاااجة ان الحلقة قصيرة من وجهة نظر الي بيقرا بس عشان التشويق بس الحجات الحلوة بتبقي كدا يعنيممكن تقعدي طوول النار تعملي اكل يتاكل في عشر دقااايق :)الي بينتج غير الي بيستهلك :D :D

    ردحذف
  25. جميييله اوووووي بجد، ويارب يبقوا من نصييب بعض، متتأخرييش علينا بالبعدييها بسرعـه يا دودوو

    ردحذف
  26. Wawwww gamila gdn gdn gdn bgd, aywa b2a ya dondon ebherinaaa b2aaa =D

    ردحذف
  27. مين بس قال انها قصيرة ,, كل الموضوع اللى احنا عشنا مع الحكاية اوووووووى فعلشان كده احنا مش عايزنها تخلص ابدا وعن نفسى انا بفضل مستنى لحد ما تنزلى الحلقة اللى بعدها بلهفة وشوق ,,, لكى منى ارق التحيات

    ردحذف
  28. يا ربي حرام عليكي يا دينا بدي انجن يا ريت كريم وشذى يتجوزوا ودعاء تغووووور

    ردحذف
  29. حلوه اوى الحلقه ... انتى كاتبه رائعه بجد
    مستنيين الحلقه الجديده بفارغ الصبر

    ردحذف
  30. gamelaaaaaaaaaaaaaaaaaaaaaaaaaa awiiiiiiiiiiiiiiiiiiiiiiiiiiiiiiiiiiiiiiiiiiiiii bgd ^_______________^

    ردحذف
  31. جامده جدی یا دودو

    ردحذف
  32. جميلة جداااااااا....تسلم ايديك يااحلى دندونة فى الدنيا انا بجد بستنى الحلقة كل يوم بفارغ الصبر ربنا يقويكى يااااااااارب
    بس يارب شذى تكون لكريم عشان هم مينفعوش غير لبعض واحلى حاجة ان شذى حكت لكريم قصتها عشان يتعامل معاها
    بشكل كويس ومستنين الحلقة الجاية ياجميل
    من......ايمى الا معجبة بدينا كتير اووووووووووووى

    ردحذف
  33. الحلقه تحفه فوق الوصف ... وعجبني جدا مشهد الصلاه ده .. فعلا مبدعه يا دينا

    ردحذف
  34. اجمل حلقة قابلتنى فى القصة ده مش معناه ان الحلقات الى فاتت كانت وحشة دى كانت حلوة جدا بس دى الاحلى لان مشاهد الحب الى فيها رقيقة اوىىىىىى استمرى فى النجاح يا احلى دودو
    dentist aya

    ردحذف
    الردود
    1. وحبيت الابطال اكتر لما عرفت انهم بيصلو (ملحوظة)

      حذف
  35. بجد جميله اوى يا دودو وبجد انا حبيت القصه ديه اوى انا بحب الدعوه ديه يا رب اكتب لى الخير وابعد عنى الشر

    ردحذف
  36. جميلة جميلة جميلة ياا أحلى دندونه فى الدنيا

    ردحذف
  37. بجد ماشاء الله عليكي انا متابعه الحلقات من زمان بس بجد قصه تحفه وكمان انتي رائعه في كتبتك وفي اسلوبك بجد مميز ربنا يوفقك ويكون ليكي شاء كبير في الادب العربي
    انا مستنيه الحلقه الجديده بفارغ الصبر ...........تسلم ايداك وافكارك

    ردحذف
  38. http://www.facebook.com/permalink.php?story_fbid=510835428953265&id=212279342142210

    ردحذف
  39. هي دعاء بتحب كريم الحب اللي يخنق و بتتعامل غلط خاااااالص معاه الغيرة الزايده دي تخنق مش عارفه ليه شخصيتها مسخت بعد ما مامت كريم ماتت بقت لا تطاااااق الصراحه -_-

    ردحذف
  40. رووووووووووووووووووووووووووعة بجد يا دينا
    تسلم ايدك يا قمرى
    ومش قصيرة ولا حاجة كتير الف خيرك كمان :)))
    تسلم ايدك يا حبيبتى

    amira slama

    ردحذف
  41. تسلم ايديكى يا أحسن كاتبة انا باحبك اوى و باحب كتابتك جدااا ربنا يوفقك فى الفن بتاعك اللى بينور يومنا و يوفقك فى حياتك <3

    انا باعلق كمجهولة عشان مش عندى اكونت مش أكتر =))

    حضرتك مبدعه ^^

    ردحذف
  42. رووووووووووووووووووووووعة و جميلة جدا بجد انا مش عارفة اوصفها برده
    بس تسلم ايديك و ياريت شذى و كريم يتجوزوا لانهم شبه بعض اوووووووووى

    ردحذف
  43. القصة جميله جدا

    ردحذف
  44. الله بجد يعني بسم الله ماشاء الله فنانه
    رووووووعه القصه
    استمري يا قمر <3

    <3 اهلاويه وافتخر <3

    ردحذف
  45. حلوووووووووووه

    ردحذف
  46. اعتقد ان الخير اللى هيكتبوا ربنا انهم هيحبوا بعض ويسب كريم دعاء ويتجوز شذي

    ردحذف
  47. يااااااااااا جامد ايواااااااااااااااااااااااااا كداااااااااااااا شكلها هتحلو اكتر

    ردحذف

قول رأيك بلاش تقرا وتقفل من سكات...ارائكم تهمنى