الخميس، 28 مارس، 2013

بقينا عيلة... الحلقة 23

الحلقة 23
كريم خارج من الحمام...شاف ضحى خارجة من الاوضة
"ازيك يادودو دلوقتى"
"الحمدلله"
"والمغص"
"خف"
دخلت ضحى الحمام ودخل كريم يلبس

بعد ماخلص لبس...خرج من الاوضة شاف شذى بتحضر الفطار
"صباح الخير"
"صباح النور...انا صحيت ضحى وحضرت الفطار علشان نفطر مع بعض كلنا بدل ماكل واحد يفطر لوحده"
"احسن كده"
                    *****************

كريم قاعد فى الصيدلية...سرحان
قطع تفكيره صوت الموبايل
"الو...ازيك يادعاء... انا كويس الحمدلله... مفيش حاجة انا محبتش اتصل بيكى علشان عارفة انك ف الشغل... ايوه ف الصيدلية... من امتى ايه من الصبح...اه روحت نمت امبارح بدرى... لا متجيش متتعبيش نفسك... مش حكاية مش عايزك بس هتبقى من الشغل للصيدلية كده...خلاص براحتك...هتيجى امتى..5\6 طيب... ماشى مع السلامة"
قفل معاها وقعد يشخبط على ورق قدامه من غير تركيز
رفع سماعة التليفون واتصل بالبيت
"الو.. ازيك يادودو...عاملة ايه دلوقتى... المغص جه تانى...طيب الحمدلله... انتى بتعملى ايه؟؟ بقولك ايه ...هى شذى فين.. هاتيها كده"

شذى كانت فى اوضة كريم..فاتحة الشباك بتهويها بعد ما مسحتها وروقتها... دخلت لها ضحى
"كريم عايزك"
"كريم!! هو جه؟"
"لا ع التليفون"
مشيت ضحى وراحت شذى ترد على التليفون
"الو"
"ازيك يا شذى"
"الحمدلله"
"انا قلت اطمن على ضحى خفت تكون تعبت تانى"
"لا الحمدلله هى كويسة"
"طب مش عايزة حاجة"
"لا شكرا"
"كنتى بتطبخى ولابتعملى ايه"
"لا كنت بعمل اوضتك"
"شكرا"
"على ايه بس"
"قوليلى هتعملى ايه ع الغدا النهاردة...بفكر اجى اتغدا معاكم وارجع تانى الصيدلية...اصل فيه حقنة لضحى لازم تاخدها علشان المغص ميرجعش تانى"
ردت شذى بفرحة
"عايز تاكل حاجة معينة"
"لا كل اللى تعمليه حلو"
"ماشى...هنستناك"
"تمام...مع السلامة"
"كريييم"
كريم كان هيقفل...سمع اسمه لاول مرة من شذى وهى بتلحقه قبل مايقفل... حس قلبه ارتجف فجأة... وحس ان صوته وهو بيرد عليها مكنش صوته الطبيعى
"نعم"
"هتيجى الساعة كام؟"
"على 2ونص 3 كده ان شاءالله"
"ان شاءالله...مع السلامة"
قفل معاها كريم وهو مبتسم وبيبص فى الساعة يشوف فاضل وقت قد ايه لحد ما يروَح للغدا

شذى بعد ماقفلت...بدل ماتمشى تكمل اللى وراها...قعدت
"مالك يا شذى"
"مفيش"
"بتضحكى على ايه"
"انا بضحك؟"
"اه والله"
قامت شذى واكتشفت انها فعلا كانت مبتسمة وهى بتفتكر كلام كريم معاها
دخلت المطبخ وهى بتفكر
"ياترى ايه اكتر حاجة بيحبها"
                      ******************

شذى واقفة تبص على السفرة... بعد ما حضرتها
بصت ف الساعة...3 الا ربع
"ضحى...قومى كده اتصلى بكريم شوفيه اتأخر ليه"
"مش حافظة الرقم"
"هتصلك واتكلمى انتى"
قامت ضحى وقبل ماترفع السماعة...كان كريم بيفتح الباب
"اهو جه... اتأخرت ليه كنا لسه هنتصل بيك"
كريم"متأخرتش يادودو ولا حاجة... ولا انتى جُعتى"
ضحى"لا مجوعتش بس شذى محضرة الغدا وعمالة تستناك"
شذى"خفت الاكل يبرد...مكنش المفروض احضر السفرة الا لما تيجى"
كريم"هغسل ايدى واجى نتغدا"

وهما قاعدين ع الغدا
"كريم...مكلمتش ماما؟"
"اه كلمتهم وانا جاى... بابا هيعمل العملية النهاردة ان شاءالله"
"بالسلامة يارب"
"يارب"
"مقالتش هييجوا امتى"
"هى لسه مش عارفة بس الدكتور قالها يمكن اسبوع"
"معنى كده اننا هندخل ف الدراسة قبل ماما ماتيجى"
"اه"
"وهنعمل ايه؟"
"شايلة هم ايه... هى ضحى لسه محولتش؟"
"لا ماما حولتلها المدرسة من اسبوعين كده"
"خلاص ضحى تروح المدرسة عادى...بس رأيي خليكى انتى حتى الاسبوع الاولانى"
"اخلينى ليه"
"عايزة تروحى؟"
"عادى... بتكلم معاك عادى"
"انتى لسه معلقة موضوع خطيبك صح"
"لا غلط... ده قرار واخدته خلاص"
"بس هو ممكن يجيلك الجامعة"
"معرفش"
"معلش استنى شوية علشان لو حاول يروح لك فى بداية الدراسة ميلاقكيش "
"بس انا مش خايفة منه... وهو انتهى بالنسبة لى ومش هيأثر عليا"
"لو عايزة تروحى انتى حرة"
"لا خلاص خلينى لما يبقوا يرجعوا... حتى علشان ابقى اطمن على ضحى انها تعرف تروح وتيجى م المدرسة"
"اه صحيح هى مدرسة ايه"
"ابن سينا"
"اه...دى قريبة اوى تحفظ بس الطريق كويس وهتعرف تروح وتيجى لوحدها"
"هبقى اوديها واجيبها الاسبوع الاولانى لحد ما اطمن"
كريم وهو قايم
"ماشى... على فكرة"
"ها"
"كان نفسى ف المكرونة البشاميل ازاى عملتيها من غير ما اطلبها"
"مش عارفة...جت كده صدفة...يارب تكون عجبتك"
"اقولك سر"
"ف بيييييير"
"مكنتش مقتنع ان فيه اكل احلى من اكل امى الله يرحمها... بس النهاردة اكتشفت ان فيه زيه"
"بس انا مجيش حاجة جنب ماما بصراحة يعنى"
"معرفش ...انا قلتلك اللى حسيته وخلاص"
راح يغسل ايديه وشذى بتلم السفرة
خلص وراح ع الباب
"ايه ده انت نازل؟"
"اه يدوب ألحق"
"انت نسيت الحقنة اللى قلت عليها لضحى"
وافتكر كريم ان مفيش حقنة اصلا وانه اتكسف يقول انه عايز يتغدا معاهم ف البيت
"انا نسيت اجيبها معايا من الصيدلية... بدل المغص خف خلاص"
"ماشى... احتمال انزل انا وضحى نجيب حاجات ناقصاها للمدرسة علشان لو اتصلت متقلقش"
"لا يا شذى متنزليش... استنوا لما اكون معاكم احسن... ومتنسيش انك قافلة موبايلك يعنى مش هعرف اطمن عليكم"
"خلاص حاضر"
                       ******************

كريم قاعد مع دعاء فى الصيدلية
"كيمو"
"نعم"
"هنروح نشوف الشقة بتاعتى النهاردة بعد ماتقفل"
"النهاردة؟"
"اه انا خلاص اتفقت مع ماما وهتقابلنا هناك"
"لا مش هينفع النهاردة"
"ليه بقى ان شاءالله...احنا لازم نشوف الشقة علشان نلحق نعمل الديكورات ..وبعدين ليه انا حاسة انك مش مهتم اننا نتجوز..احنا ايه اللى ناقصنا"
"انتى شايفة ان ده وقت مناسب لكلامك ده"
"ومش وقت مناسب ليه"
"شكلك نسيتى ان بابا دلوقتى ف اوضة عمليات وبيعمل عملية ...ع الاقل ذوقيا منك متتكلميش ف جواز وتسألى عليه"
"ما احنا هنعرف لما يخلص ...وبعدين ايه اللى يمنع وهو هناك اننا نشوف شقتنا ونعيش عادى...مش هنوقف حياتنا يعنى"
بص لها كريم وهو مش لاقى كلام يرد بيه عليها
كل اللى جه ف باله كلام شذى
" يعنى اللى يحبك يقدر ظروفك مثلا... يكون صادق معاك ميكذبش عليك... يفهمك من غير ماتتكلم"

كانت دعاء بتتكلم وهو مش سامعها...هو مع كلام شذى
وفهم ايه الحلقة المفقودة اللى حسها امبارح ف كلامها
"مبتردش عليا ليه"
"كنتى بتقولى ايه"
"كنت بقولك ان بابا جاب مهندس ديكور وهيبدأوا ف ديكورات الشقة بعد مانشوفها"
"وبالنسبة لى وجودى ديكور برضه من الديكورات"
"قصدك ايه"
"قصدى اننا اتكلمنا اننا نعيش ف شقتى ومع ذلك ولا كأنى قلت حاجة راحة تجيبى مهندس ديكور وكأنى خلاص وافقت"
"هتوافق ياحبيبى اكيد علشان متزعلنيش صح"
"لا مش صح...ما تسمعى انتى كلامى علشان بتحبينى"
"بحبك اه انما محبش اسلوب سى السيد ده"
"هههههه والله ضحكتينى... كل ده واسلوب سى السيد... بامارة فستان الخطوبة ولا القرارات اللى بتاخديها ولا طريقة المستفزة دى"
"انا طريقتى مستفزة ولا انت اللى نكدى"
"مش اول مرة تقوليها يا دعاء وانا بحذرك انك تقوليها تانى"
"هتعملى ايه هتضربنى"
"انا مش همجى يادكتورة"
"خلاص متزعلش... بس علشان خاطرى نروح نشوف الشقة...انا اتفقت مع ماما"
"والله ما انا رايح...مش اتفقتى...روحى انتى...ويالا انا همشى ولا هتفضلى قاعدة؟"
                       *******************

كريم ماشى بالعربية ...بص ف الساعة
"كويس انى مشيت بدرى...نلحق ننزل نشترى الحاجات اللى ضحى عايزاها.. اتصل بيهم يجهزوا ولا اروح على طول"
اتصل كريم بالبيت...التليفون مشغول...مكررش الاتصال
وصل البيت... وهو بيفتح الباب
سامع صوت دوشة جوه
                    **********************

شذى وضحى قاعدين مع جليلة وماجدة
ماجدة"بجد يا ضحى انتى كويسة النهاردة"
ضحى"اه والله ياخالتو الحمدلله"
جليلة"هو كريم بييجى امتى"
شذى"بييجى بعد ما بيقفل الصيدلية يعنى على 10\11 كده"
جليلة"بصى ياشذى لو احتاجتوا اى حاجة كلمونى"
شذى"شكرا ياطنط"
ماجدة"والله لولا الضيوف اللى عندى ماكنت سبتكم...انا استغليت انهم نزلوا وسط البلد شوية قلت اجى اطمن عليكم"
شذى"متشيليش هم ياخالتو احنا كويسين والله ومش محتاجين حاجة"

وفتح كريم الباب... اتفاجئ بوجود جليلة وماجدة
سلم عليهم وقعد معاهم... وبعد شوية من الكلام ف مواضيع عامة

ماجدة"وبعدين يا شذى... ارد اقول ايه"
شذى"زى ماقلتلك ياخالتو... لما يجيلك تانى اديله الدهب بتاعه وقوليله خلاص انتهينا"
ماجدة"ماتفكرى تانى...ولا اقولك استنى لما مديحة تيجى"
كريم متابع ردود شذى بترقب
شذى"ماما عرفت وهى مش هتغصب عليا ...زى ما انا تمسكت بيه ف الاول دلوقتى انا متمسكة بقرارى"
رن جرس الباب...قامت ضحى تفتح
دخل زياد... سلم عليهم وقعد معاهم
لاول مرة كريم يحس بالتوتر من وجود زياد
احساس داخلى رافض وجوده ...عقله مش مقتنع بيه

قامت شذى تلم كاسات الحاجة الساقعة ودخلتهم المطبخ
زياد"انا قايم اشرب"
كريم"اقوم اجيبلك"
قام زياد بسرعة
"لا ياكيمو متتعبش نفسك"

سكت كريم.... جليلة وماجدة بيتكلموا مع بعض
كريم حس ان زياد طَوِل ف المطبخ
اتضايق ... قام يشوف كل التأخير ده ليه

كريم بيقرب من المطبخ ببطء
سمع زياد وهو بيكلم شذى بصوت واطى الى حد ما
"انا عايز رد يا شذى"
"اصبر يا زياد شوية"
"اصبر ايه انا عايز كلمة بس مش اكتر"
"الحاجات دى متجيش خبط لزق كده"
"انتى ليه مش حاسة بيا"
"حاسة والله... اصبر بس عليا..واتفضل من هنا عيب نسيبهم ونفضل هنا"

بِعد كريم عن مكان ما سمعهم...خرج زياد من المطبخ
ووراه شذى... وقعدوا كلهم مع بعض

طول ماهما قاعدين...وكريم نظراته بتراقب شذى وزياد
واحساس بالضيق بيسيطر عليه









هناك 52 تعليقًا:

  1. جامده اوووووووووووووى الحلقة دى بقى :)

    ردحذف
  2. حلوه بس هنتستنى لسه ليوم السبت حررررررررررررررررررررررررررام

    ردحذف
  3. تسلم ايدك يا دينا وبجد كل قصصك روعه انا بستناها كل يوم

    ردحذف
  4. تحفه يادينا تسلم ايدك واخيرا كريم حس بشذى

    ردحذف
  5. 7elwa awiiiiiiiiiiiii teslam edeki ya dondonnn :*

    ردحذف
  6. جاااااااااااااااااااااااااااااااااااااااااااامده بس اتاخرت اوووووووووووووووووووووى عموما تسلم ايدك ^_^


    جـــــــوبـا

    ردحذف
  7. حلووووووووووووووووووووووووووووة اوى


    وردة الكون

    ردحذف
  8. حلوه جدااااااااااااااااااااااااا
    بس انتى هاتسبينا كده ليوم السبت

    كنتى عرفتينا حتى زياد عاوز مييين؟؟؟؟؟؟؟
    بس هو أكيد بيحب صاحبتها

    ردحذف
  9. el 7l2a 7lwa aweeee bs 2syra 7bten bs ana nfse shaza tkon m3 kreem msh zyad



    mony

    ردحذف
  10. وااااااااااااااااااو يا دينا تحفة بس كدة كريم ممكن يفهمهم غلط

    ردحذف
  11. جميلة اوى الحلقة النهاردة ياريتك تكمليها وبلاش موضوع الاجازة يومين ده صعب اوى ههههههههههههههههه بس دعاء دى بجد مستفزة واكيد زياد عايز شيماء صاحبة شذى الاحداث احلووووووت متتاخريش علينا ههههههههههه

    ردحذف
  12. حلقه جاااااااااااااااااااااااااااامده اوووى

    ردحذف
  13. زياد عايز يخطب صاحبه شذى ان ان ااااااااااا

    ردحذف
  14. جميييييييييييييييله جدآآآآآآ أكيد زياد بيتكلم عن شيمااااااء

    ردحذف
  15. لا بجد حلوة الحلقة دى اوووووووووى اوووووووووووووووووووى بقى

    وبصراحة انا بحب زياده ده جداااااااااا مش عارفة ليه

    aYa

    ردحذف
  16. حللللللللللللللللللللللللوة اوي اوي اوووووووووووووي بقى يارب كريم يتجوز شذى متفاهمين جدا تسلمي بجد

    ردحذف
  17. حلقة جامدة جدا جدا

    ردحذف
  18. جميلة مووووووووووووووووووووووووووووووووووووت

    ردحذف
  19. جااااااااااااااااااامدة اوى و ربنا :)))))))))

    ردحذف
  20. آخ شكل زيآد بيحب شذى وكريم كذلك وخالد كذلك
    آه يا مقطعة قلوب العزآب يا شذى :D


    Mariam khattab

    ردحذف
  21. رووووووووووووووووووعه وجميييييييييييييييييييييييله جدا جدا تسلم ايديك

    ردحذف
  22. زياد بيسألها ع شيماء صاحبتها :D

    جامده تسلم ايدك :D

    ردحذف
  23. الحلقة حلوة اووووووووووووووووووووي لا لسة هصبر لحد يوم السبت كتير :(

    ردحذف
  24. حلووووة اووووووى كالعادة يادندون

    موها

    ردحذف
    الردود
    1. قلبي حاسس ان زياد عايز شيماء وكريم فهم غلط يااااااااارب يكون كدا وقلب كريم مش يتكسر

      حذف
  25. ايوووووووووووووووووووه بقي جااااااااااااااااااااااااااااااااااااااااااامدة :) :) بجد انا ادمنت قصصك يادينااااااااااااااااااااااااااااااا :D

    ردحذف
  26. اكيد زياد عايز شذى تكلم سيماء عنة وكريم فهم غلط

    ردحذف
  27. روووووووووووووووعة بجد تسلم ايدك يا قمرى
    الحلقة بجد جامدة جداااا

    amira slama

    ردحذف
  28. الحلقات جميله جدا وبجد بلاااااااااااااااش الاجازة عشان بننتظر الحلقات بفارغ الصبر وربنى يقويكى

    ردحذف
  29. ياريييت يكون قصده فعلاً على شيماء عشان أنا نفسي كرييم يبقى هو لشذى، لوو عرفتي تنزلي أي حلقه صغننه كده حاولي لأني بجد أدمنت القصه :D تسلم إيدك يا مُبدعه

    ردحذف
  30. هو مفيش الخميس وا لجمعه؟ !!!!!!!!!! :o
    لا يا دودو بلاش بالله عليكي عرفيننا اي حاجه :/

    ردحذف
  31. احساسى بيقولى ان زياد قصده على صحبت شذى اللى شافها معها
    لان شذى لسه سايبة خطيبها امته و ازاى حبيت زياد؟ و كمان هى شكلها بتتعلق بكريم

    ردحذف
  32. اوبا الموضوع سخن اوى وده الى كنت خايفة منه ان زياد و كريم يحبوا شذى بس انا حاسة ان الحكاية فيها مفاجاة حلوة استمرى يا دودو
    dentist aya

    ردحذف
  33. حبيبتى يالا بقى نزلى الحلقه اللى ورها

    ردحذف
  34. ايه موضوع السبت ده وانا قاعدة مستنية الحلقة امبارح طول اليوم بجد حلوة قووووووووووووووووووووى

    ردحذف
  35. بجد الحلقة جميلة جدا و يا رب زياد يكون عاوز شذى تكلم شيماء صاحبتها عليه علشان كريم ميزعلش .....

    ردحذف
  36. salam ilhal9a hilwa wi ana kaman hasa inou hakye 3a chaimae sahbit chada o karim rah yfham lhakye ghalat

    ردحذف
  37. جميلة

    ردحذف
  38. مفيش اخبار عن الحلقة الجديدة

    ردحذف
    الردود
    1. ايووه يا دودو انتي فيين

      حذف
  39. الحلقة فين؟
    بجد قصة جميلة وشيقة جدا واحداثها احلوت اووووى

    ردحذف
  40. ارجوكي كملي بسرعة بقى
    بجد روووووعة

    ردحذف
  41. الحلقة الجديدة امتى يا دينا كدا كتير اوى علينا

    ردحذف
  42. بجد رووووعةانتى كدهشوقتيناوعاااايزين الحلقة الجديدة

    ميوش

    ردحذف
  43. بجد رووووووووووعه جداااا،،،أسلوبك راقي جدا،،،امتي الحلقه كلنا بالأنظار ،،اليوم خلاص قرب علي الانتهاء

    ردحذف
  44. فين الحلقه الجديده و هتنزل امتي

    ردحذف
  45. فين الحلقه الجديده بقى

    ردحذف
  46. كريم بيحب شذى و بيغير عليها كمان

    ردحذف
  47. اووووووووووف يا زياد بقى :D :D

    ردحذف
  48. ايوووووا بقااااا

    ردحذف

قول رأيك بلاش تقرا وتقفل من سكات...ارائكم تهمنى