الخميس، 25 أبريل 2013

ليست عذراء... الحلقة 10

الحلقة 10
فؤاد نازل من تاكسى ف منطقة شعبية
بيبص حواليه...شاف قهوة
راح قعد عليها

القهوجى بيبص على فؤاد
راح وشوش صاحب القهوة بشك
شاور له صاحب القهوة انه يروح له

راح لفؤاد
"اؤمر يا باشا"
"شاى لو سمحت"
"تحت امر سعادتك"
"بقولك ايه"
"اؤمرنى"
"هو الشيخ خضر فى انهى بيت هنا؟؟"
وطلع فؤاد 50 جنيه من جيبه ناولهم للقهوجى
اخدهم القهوجى ف جيبه بسرعة وهو بيستغرب
"الشيخ خضر !!!"
"ايوه...الشيخ خضر... مالك مستغرب ليه"
"هو سعادتك جاى له ليه؟"
"عندى مشكلة كده وعايزُه فيها وناس دلونى عليه"
"بس اكيد الناس دول مجوش من زمان"
"من سنتين تقريبا"
"الشيخ اتقتل السنة اللى فاتت"
"اتقتل؟!"...مين اللى قتله"
"واحد وسلم نفسه ومحدش يعرف ليه"
"والقاتل ده مقالش قتله ليه"
"اللى بسمعه من الناس انه مقالش سبب"
ونادى واحد من الموجودين على القهوجى
"تؤمرنى لحاجة تانية سعادتك"
"شكرا"
                          ******************

فؤاد داخل على مايا اوضتها
"بتعملى ايه؟"
"مفيش"
قعد على طرف السرير قصادها
"انا مكنتش هسكت على حقك...انا اه مكنتش هبلغ عن الاغتصاب زى ما طلبتى بس كنت هبلغ عنه كنصاب ودجال"
مايا ساكتة بتسمع
"روحت وسألت عليه...عرفت انه اتقتل"
ظهرت الراحة والفرحة والشماتة على وش مايا
"يستاهل"
"اكيد يستاهل...واضح يا مايا انك مكنتيش لوحدك ضحيته"
"ده حيوان بشع"
"اللى يعمل كده طبعا حيوان واهو اخد جزاؤه ولسه جزاؤه عند ربنا"
"ربنا ينتقم منه"
طبطب على ايديها وهو بيكمل
"انا بقول نقول لفارس النهاردة اللى حصل"
ردت باصرار
"لأ"
"ليه بس... انتى عايزة تفضلى ف نظر توفيق يعنى.."
"ارجوك يابابا ... مش عايزاه يعرف علشان ميفتكرنيش بلتمس اعذار ولا بستدر عطفه... يابابا شوف الفرق بينك وبينه...انت ضربتنى اه بس سمعتنى بعدها... حسيت بحنيتك عليا وخوفك عليا... فارس شك فيا على طول وخوفى وارتباكى فسره بمزاجه هو وصدق تفسيره...انا شفت معاه ليلة من اسوأ ايام حياتى...ده فضل يضرب فيا كام مرة وبقسوة... ولما نمت م التعب والوجع اللى انا فيه صحانى يضربنى... فارس مبقاش فارق معايا ولا هو ولا عمو توفيق"
"فكرتى كويس يعنى"
"مفيهاش تفكير...انا اللى عايزة اتطلق منه ...انا كنت مرعوبة منه مكنتش فاكرة ان فارس ممكن يبقى بالقسوة دى... ده انا حسيت ان ربنا بعتهولى بعد اللى حصل لى ده علشان يكون جنبى...انت متعرفش كان بيقول لى ايه يابابا عن سعادته وحبه ليا... كل ده راح ف لحظة ... فارس المتعلم مفكرش للحظة انى ممكن اكون طبيعية واتهمنى ...فارس خلاص بره حساباتى... وانا مستعدة للطلاق"
                         ******************

ف بيت الجدة... المأذون موجود وقاعد معاه فؤاد

ايمان والجدة مع مايا ف الاوضة
الجدة"يا بنتى انا غلبت معاكى ليه مش عايزانى اقولهم... كفاية انى السبب"
مايا"يا نينة كفاية الله يخليكى... خلاص مش عايزة افكر ف اللى فات...ساعدونى انسى"
ايمان"خلاص ياماما سيبيها براحتها"
الجدة"مكنتيش عِندية كده"
قامت الجدة وخرجت من الاوضة

راحت لفؤاد
"هما فين"
"كلمتهم وزمانهم نازلين"

دقايق ودخلت حياة وتوفيق وفارس
قعدوا بعد ما القوا التحية
توفيق بيبص لفؤاد
فؤاد حط قدامه ظرف الفلوس
المأذون"نبتدى الاجراءات...فين الزوجة"
قامت الجدة نادت على ايمان ومايا

جت مايا ...ماشية جنب ايمان وبتتجنب النظر لفارس
فارس لما شاف مايا... مقدرش يمع عينه م انه يتابعها لحد ما قعدت جنب فؤاد

المأذون بيتكلم
فارس بيبص لمايا بعتاب ولوم وحزن
مايا بتبص ف لاشئ وهى متماسكة وبتحاول تشغل تفكيرها بعيد تماما عن الموقف علشان متتأثرش

خلص المأذون اجراءاته ف اتمام الطلاق
ناولها الدفتر تمضى...مضت وقامت بسرعة على اوضتها
قامت ايمان وراها

فارس مضى ف الدفتر...لم المأذون اوراقه وقام

قام فارس بخطوات تقيلة من الحزن
قامت حياة وتوفيق
الموقف صعب على كل الموجودين
وفَضلوا كلهم الصمت
                   **********************

ايمان مع مايا ف الاوضة
مايا بتعيط ف حضن ايمان
"ما انتى اللى صممتى يا مايا"
"مش ندمانة... انا مدبوحة"
                    **********************

فارس ع السلم
"انا نازل"
توفيق"رايح فين... الحمدلله انك خلصت منها"
حياة"متزعلش نفسك يافارس ربنا يعوضك خير"
فارس مردش ونزل خرج من البيت خالص
                        *******************

فارس خرج...وفضل ماشى وهو سرحان وبيفكر
"ايه الصلابة اللى كنتى فيها دى يا مايا... ازاى كلهم ساكتين عليكى كده وكأنى انا المُلام... بيداروا علشان حمزة...طول عمرهم بيحبوه ... الله يسامحك يامايا... وجعتى قلبى وكسرتى فرحتى ... نفسى اكرهك مش قادر"
                      ********************

فؤاد مع مايا والجدة بيتغدوا
فؤاد"مايا هتعملى ايه؟؟ هتيجى معايا...انا لازم اسافر علشان شغلى"
مايا"لا يابابا ...مش عايزة اسافر...انا معرفش حد هناك على الاقل انا هنا مع نينة وعمتو ايمان...هناك صعب اوى"
فؤاد"طيب مش عايزة حاجة قبل ما اسافر"
مايا"شكرا"
فؤاد"مش عايزة تشتغلى... لو عايزة انا موافق"
مايا"بجد يابابا... يعنى ممكن توافق انى اشتغل"
فؤاد"ايوه...انتى كبرتى ولازم تواجهى الدنيا"
الجدة"وايه لازمة الشغل بس"
فؤاد"وليه لأ"
الجدة"احنا ناقصين ...اللى ما اشتغلت وهى بنت هتشتغل وهى متطلقة"
مايا بابتسامة تصنع اللامبالاة
"يعنى القفلة عليا حمتنى !!"
                               *******************

مايا بتتكلم ف الموبايل
"ازيك يا عمتو... منزلتيش ليه النهاردة... انا مستنياكى... لا انزلى انتى... مش عايزة اطلع يكون حد م فوق نازل ولا حاجة... لا مفيش جديد ...ما تيجى نخرج شوية طيب... بقالى شهر وزيادة مخرجتش واتنخقت اوى من البيت... بجد...طيب هلبس لحد ماتنزلى"
                     ********************

ايمان لابسة وقاعدة مع مامتها
"ماتيجى معانا ياماما"
"هتروحى فين الساعة دى"
"اهو نروح اى حتة نشم هوا"
"لا انا مش قادرة...متتأخروش بالليل"

خرجت مايا من اوضتها
"انا جاهزة ياعمتو"
الجدة"ابقى افتحى الباب بالمفتاح انا داخلة انام"

خرجوا ايمان ومايا... وهما بيقفلوا الباب الخارجى
نزل فارس من تاكسى قدام البيت
ايمان"وقفه يا فارس والنبى"
فارس للتاكسى"ثوانى لو سمحت"
قرب فارس عليهم...وهو بيبص لمايا
"ازيك يا خالتى"
وقبل ما ترد عليه...سبقتها مايا وركبت التاكسى وهى متجاهلاه تماما
ايمان بترد على فارس
"ازيك يا فارس...سأله عليك يا حبيبى حياة قالت لى انك بقيت بتقعد ف الشغل اوفر تايم وبتيجى متأخر"
"الله يخليكى ياخالتى... اعمل ايه مبقاش ورايا غير شغلى يمكن ينسينى اللى حصل"
حاولت تتجاهل تلميحه
"طيب هروح انا علشان منوقفش الراجل اكتر من كده"
وسألها بعفوية
"رايحين فين"
"خارجين شوية كده...مع السلامة"

وقف فارس وايمان بتركب... وهو بيتابع التاكسى لحد ما مشيوا
                      ********************

فارس ف اوضته... دخل له باباه
"عايزك ف كلمتين يا فارس"
"اتفضل يابابا"
"انت مش هتشوف حالك بقى"
"اشوف حالى ازاى"
"تشوف عروسة بنت حلال وتخطبها وتتجوز...انت شقتك جاهزة من مجاميعه"
"لا مبفكرش ف الجواز"
"يعنى ايه مبتفكرش...حتى لو مبتفكرش ..فكر"
"لا مش عايز اتجوز"
"انت هتخلى واحدة منحلة تعقدك... انت الف واحدة تتمناك"
"على الاقل مش دلوقتى يا بابا"
"لا انت لازم تتجوز... لازم البت اللى تحت دى تعرف غلطتها وتندم عمرها كله على اللى عملته"
وف محاولة للانهاء الكلام بهدوء
"ربنا يسهل يابابا...لما ابقى الاقى واحدة مناسبة"
                        *******************

الجدة داخلة بشوربة اوضة مايا
ايمان قاعدة جنبها ع السرير
الجدة"انتوا اكلتوا ايه بره عمل ف البت كده"
ايمان"اتعشينا بس"
الجدة"ادى اكل بره...البت مبتثبتش حاجة ف معدتها... تلاقى الاكل بايظ"
ايمان"ما انا اكلت معاها محصليش حاجة"
قامت مايا راحت ع الحمام
الجدة"نجيب لها دكتور ولا ايه"
ايمان" انا اديتها دوا كده يهدى معدتها شوية... لو معملش حاجة نوديها لدكتور"
رن موبايل ايمان
"الو... ازيك يا حبيبتى"
رجعت مايا م الحمام قعدت ف السرير تانى وعليها اثر الهبوط
ايمان بتكمل كلامها مع نسرين
"وبعدين قالك ايه؟؟ ما تيجى انتى يا نسرين... طيب هشوف واكلمك...قولتيله على طلاقهم.. طيب كويس ...مع السلامة"
الجدة"خير مالها"
ايمان"كانت عند الدكتور وبيقولها احتمال كبير يولدها ف الاسبوع الاولانى من التاسع"
الجدة"ليه"
ايمان"ضغطها بيعلى والدكتور خايف يسيبها"
الجدة"هى هتولد فين هنا ولا هناك"
ايمان"الدكتور اللى متابعة معاه هناك وعايزانى اروح لها"
الجدة"اه طبعا روحى لبنتك ماتسيبيهاش... هى قالت لجوزها ايه على مايا"
ايمان"قالت اتخانقوا وف لحظة شيطان رمى عليها يمين الطلاق"
ايمان بتبص لمايا
"هتيجى معايا... ولا مش عايزة تكونى اول من يشيل ابن نسرين"
مايا"هاجى ان شاءالله بس اخف م اللى انا فيه"
                      *********************

فى المستشفى...وقدام اوضة العمليات
ممدوح ومايا وايمان قاعدين مستنيين
خرجت الممرضة بالمولود وادته لايمان
"مبروك"
مايا"وهى؟"
الممرضة"شوية وهتخرج"

ايمان بتبص للمولود وبتوريه لممدوح
راحت مايا تبص عليه... ناولتهولها ايمان

مسكته وقربته منها تبوسه
"ماشاءالله جميل اوى"
وفجأة حست مايا بدوخة
ايمان شافتها وهى بتدوخ...مسكت المولود بسرعة
ايمان"الحقنى يا ممدوح"
                    ******************

مايا بتفتح عيينها وهى ف سرير ف المستشفى
ايمان"خضيتينى عليكى"
ممدوح بضحك"يعنى اول ما تمسكى ابنى كنتى هتوقعيه كده"
مايا"حصل له حاجة"
ايمان"لا يا حبيبتى انا مسكته منك على طول"
ممدوح"انا هروح اقف عند العمليات...سلامتك يا مايا"
مايا بتقوم"روحى يا عمتى اطمنى على نسرين"
ايمان"خليكى... خلى البيبى جنبك هروح ابص عليها واجى"
دخلت ممرضة"سلامتك...دراعك لو سمحتى"
مايا"ليه"
ايمان"الممرضة اللى فوقتك كتر خيرها قالت لازم عمل تحاليل ونشوف سبب الاغماءة"
                       **********************

ف اوضة المستشفى
نسرين على السرير قاعدة وممدوح جنبها
مايا قاعدة على السرير التانى ...وايمان على طرف السرير والمولود ف حجرها
دخلت الممرضة
"نتيجة التحاليل طلعت يا مدام... واضح انك هتشرفينا قريب"
ايمان بعدم فهم
"خير؟"
الممرضة"خير ... الاغماء كان من الحمل...مبروك"


هناك 98 تعليقًا:

  1. لا لا لا لا بتهزري هتبقى حامل من فارس ليه كده بس ليه كده طب يارب مترجعلهوش ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب ياااااااااااااااااااااااااااااااااااااااااااااااااااااااااااااااااااااااااااااارب بالله عليكي بقى

    ردحذف
    الردود
    1. ما ترجعلوش ايه ده هو خساره فيها

      حذف
    2. برافوووووو أول مرة أشوف تعليق على القصه دى ويعجبنى الناس موازينها اتقلبت واللا يعنى علشان هى بنت وكمان إتأذت غصب عنها لكن فارس كمان إتكسرت فرحته واتأذى جامد جدا وطعنته ف رجولته لما حتى ماعبرتهوش إنها تقوله الحقيقة وبعد كده له الحرية إنه يقبل أو يرفض إنما كمان عايزة تحطه قدام الأمر الواقع؟؟؟؟ منطق غريب وعلى فكرة مايا محبتش فارس زى ماهو حبها هى لقيتها فرصه إنه بيحبها بعد كل الصدمات اللى مرت بيها لكن لم تقدر حبه الكبييييييييير لها بس انا زعلت إنها حامل لإن فارس خسااااااارة فيها.

      حذف
    3. فعلا هي ما بتحبوش وبدليل لما قعدت تعيط ودخلت ااوضت حمزه وتشوف الكلام المكتوب بتاعه وصورهم فمحدش يقول ان فارس هو اللي غلطان اي واحد مكانه كان عمل كدا واكتر ولسه هنشوف ايه اللي هيحصل

      حذف
    4. لا حامل من الشيخ

      حذف
  2. و هيييييييييييه مايا حامل و اكيد هتفكر تنزله من غير ما تقول لفارس بس اهلها مش هيوافقكو و لما فارس يعرف توفيق ممكن يقول انه ممكن ميكنش ابن فارس و كده طبعا مايا هتتضطر تقول اللي حصل بس يمكن مش يصدقوها ...مجرد توقعااات

    ردحذف
  3. يلهوووووووووووووووووووووووووووووووووووووووووي حامل الله يحرقك يا خضر الزفت الحلقه روعه روووووووووووووووووعه يا دينا

    ردحذف
  4. ايوةةةةةةةةةةةةةةةةة بقي :)

    ردحذف
  5. يا رب صبرنا

    ردحذف
  6. يانهااااااااااااااااااااااااااااااار ابيض

    ردحذف
  7. تحففففففففففففففففففففففففففففففففففه يامبدعه

    ردحذف
  8. لاااااااااااااااااااااااا حاااااااااامل من فااارس

    ردحذف
  9. طبعااااااااااا عمنا تووفيق هيقول مش ابن فااااااااااارس آآآآآه ما انا عارفة النوعية دى :/

    ردحذف
    الردود
    1. سمر ابراهيم26 أبريل 2013 في 3:39 ص

      هههههههههههههههههههههههههههههههههههههههههههه مسخرة والله

      حذف
  10. حامل :O
    جدتها هاتحكيلهم وش :D

    ردحذف
  11. حامل ومن مين ي ربي لكن م أظنش انه من الشيخ خضر



    حلقة حلوووووووووة اوي تسلمي ي دينا

    ردحذف
  12. هى اكيد حامل من فارس..مش من خضر لانه مات من سنه. ياريت يعرف عشان يحس بندمه ويحس ان ظلمها .ومدهاش فرصه تدافع عن نفسها

    ردحذف
  13. بصراحة انا اول مرة اعلق على قصصك بس انا قرتها كلها مسبتش واحدة غير وقراتها بس مكنتش بعلق على حاجة بصراحة قصصك كلها جميلة
    دودو

    ردحذف
  14. يلهويييييييييييييي يا عينى يا مايا

    ردحذف
  15. حامل :O :O
    الناس اللى بتقول حامل من الدجال ازاى و هو مات من سنة اية حامل ف فيل !
    :D :D

    salma

    ردحذف
    الردود
    1. هههههههههههههههههههههههههههههههههههههههههههههههههههههههههههههههههههه

      حذف
    2. ههههههههههههههههههه و اصلا اللى حصل لها حصل من سنتين

      حذف
  16. اوباااا بقى هتولع اكتر :D

    Ghada

    ردحذف
  17. جاااااااااااااااااامده اوووووووووووووووى بقى

    ردحذف
  18. ياعيني انا توقعت من قبل حلقتين يسلموا كتيييييييييير يعني ممكن ترجع لفارس بس بعد احداث كتيرة لسه

    ردحذف
  19. لا ثواني هي مش حامل من خضر ومش معقول يكون فارس كمل الموضوع للنهايه اكيد اول ما حس انها مش بنت مكملش وقام يبقي ايه ده

    ردحذف
    الردود
    1. وهو ازاى هيعرف انها مش بنت غير لما يكمل الموضوع للنهاية

      حذف
    2. مينفعش تكون حاجل من خضر لان الحكاية حصلت من سنتين

      حذف
  20. حلوة قوى تسلمى بجد تغير فى مجرى الاحداث

    ردحذف
  21. جمييييييييييييلة اوي يا دينا <3
    متتأخريش علينا بقا :) :*

    SoOSoO

    ردحذف
  22. احييييييييييييه حاجة غيير متوقعة خالص :@ !!
    تسلم ايدك ^^

    ردحذف
  23. يا نهار اسود حمل ياعينى عليكى يا مايا :(
    بس ازاى افهمها دى مش مقتنعه بالجزء ده يا دينا

    ردحذف
  24. يااااارب يرجعو لبعض الاتنين مظلومين


    تسلكم ايدك يادندن روعة والله

    ردحذف
  25. eeeeeeh hea n2sa blawy b2a

    ردحذف
  26. حــــــــلوه اوووووووووووووووووووى بجد يسلم ايدك ....

    ردحذف
  27. الحلقة رووووووووووعة بليييييز انا بتابع قصصك من امريكا الوقت بختلف بس والله بستناها علي احر من الجمررررر ما شا الله عليكي

    ردحذف
  28. الله الله حامل ياترى هيقولوا لفارس ولا لاء بقى

    ردحذف
  29. هـآآآآآآآآآآآآآر لونــه مشش لتييــف!! :O
    وبعـديـــن؟! :-؟

    ردحذف
  30. انا حاسه انها بدات تقلب على قصه تحت سقف واحد كده ليه يادودو :D

    ردحذف
  31. يلهووووي ي مايااا لييييييييييه أكيد حملت من فااااااارس بس ليييييييييه دة فارس دة غبي وتفكير ابوة هيأثرر علييييييييه اووووووووووووف

    ردحذف
  32. هى حامل من فارس لان خضر مات من سنتين وأكيد توفيق هيقول ان دة مش ابن فارس

    ردحذف
  33. ههههههههههه كان قلبي حاسس والله
    بس لازم فارس يتربي شويه برضو ...المفروض يكون عارف اخلاق اللي متجوزها
    وهيا كمان بلوم غليها انها مقلتلوش من الاول وسابته ياكل في نفسه كده
    تسلم ايدك يا دينا بجد انتى مبدعة

    ردحذف
  34. بس احتمال يشكو انه مش ابن فارس :(
    يلاخلينا نشوف ايه اللي هيحصل بقي

    ردحذف
  35. احييييييييية لاحرام مترجعيش دة ميستاهلش بجد
    لالالالالالالالالالالالالالالالالالالالالالالالالالالا بجد لالالالالالالالالالالالالالالالا

    ردحذف
  36. ياجماعه ازاى بتقولو انها حامل من خضر
    وهو اساسا ميت من سنه بس بصراحه انا مش
    عايزاها تبقي حامل من فارس كان نفسي تقابل
    حد متحضر ويفهم مشكلتها احسن من فارس لانه بجد
    انانى مفكرش غير في نفسه وبس حتى مداش لنفسه فرصه
    انه يعرف الحقيقه قبل مايتصرف بهمجيه كده
    بس بجد حلقه تحفه تسلم ايدك

    ردحذف
    الردود
    1. ازاى انانى وبيفكر ف همجي بتهاجموا كلكم ع اى اساس احنا ف مجتمع شرقي هيا الا غلطانه والف غلطانه كمان تستاهل الا يرجالها لانها ماحبتهوش كانت عايزه حد يحبها ووظنت يسامحه ويكون بارد تلج ويسمعه وهيا اساسا مفروض كانت صارحته وصارحت اهلها من الاول انسانه انانيه عايزه الا يضحي علشانها وبس وهيا عملتلى فيها بس الضحيه لا فارس زيها برضه لانها ماتاثرتش ببعده بالعكس هوه تعبا وكمان والدها واسرتها زي بالظبط بيشجعوها ع الغلط ربنا يهدي بجد هيا ماتستاهلش فارس اصلا خساره فيها

      حذف
  37. بجد الحلقه حلوه قوي
    وماكنتش متوقعه انها تبقي حامل بس عندي احساس انها مش هاتقول لفارس وهتسافر ل باباها لغايه ماتولد وبعدين ترجع ياريت تبقي الحلقه اطول من كده

    ردحذف
  38. اوووووووووووووووف .. يااااادى النيله..مفاجاه حلوه بس للاسف ممكن فارس واهله وبالذات والده يقولوا انه مش من فارس
    انت بجد بتشديناااا وتشوقينا فى كل حلقه عن اللى قبلهاااا تسلم ايدك :)

    بسكوتااااا♥

    ردحذف
  39. صح كده انا فارس صعبان عليا وعايزاه يعرف الحقيقة من اي حد ويرجع لمايا ويعيشو في تبات ونبات ويخلفو توأم ملتصق وشويه بنات

    hadil gasser

    ردحذف
  40. ازاى حامل ومحصلش بينهم حاجه اصلا

    ردحذف
    الردود
    1. اكيد طبعا امال هو عرف منين انها مش بنت

      حذف
  41. هيه حامل من مين انا مش فاهمه الجزء ده خاااااااالص هوة اصلا حصل حاجه بينها وبين فارس

    ردحذف
    الردود
    1. ايوة طبعا حصل اومال هو عرف انها مش بنت ازاى

      حذف
  42. اكيد حامل من فارس وش يعني مستحيل من الشيخ دي حاجه عدت عليها كتير... بس ياااااارب مترجعلوووش... بجد تسلم اديكي يا دودو انا بجد زعلانه اوي ان بكرا اجازه القصه مشوقه جداااا

    ردحذف
  43. ههههههههههههههههه اييييه

    ردحذف
  44. y lahwiiiiiiiiiiiii :@
    eh da bgd whmya y dodo tslm edk keep going :):) :*;*

    ردحذف
  45. اوبسسسسسسسسسسسسسسسسسسسسسسس حامل!!!!!!!!!!!!!!!!11

    ردحذف
  46. يا خرابى و بعدين دلوقتى

    ردحذف
  47. انا مش فاهمة الجزء دا ازاى حامل من فارس ؟ بس بجد الحلقة تحفة كملى يا مبدعة

    ردحذف
  48. حامل ربنا معاها بقا انا نفسي ترجع ل فارس و يعرف انها ملهاش ذنب و يعيشو مع بعض الاتنين صعبانين عليا

    ردحذف
  49. تحفه يادينا ماشاء الله عليكي ... بس انا زعلانه علشان لسه هنستني يو السبت

    ردحذف
  50. تحفه بجد يا دينا
    يريت الحلقات تكون اطول

    ردحذف
  51. انا جالى توقع انها هتسافر مع باباها لحد ماتولد ومتقولش لفارس عشان تعذبه زى ما عذبها وهانها :(

    ردحذف
  52. جميييييييييييله اوووووووووووووووى تسلم ايديك

    ردحذف
  53. جامدة يا استاذة
    احساسى طلع صح ان فى حاجة مش مظبوطة
    7abiba

    ردحذف
  54. الله تحفه يا دندون يس حامل من فارس يارب يرجعوا لبعض فارس كويس بس اي راجل كان هيعمل كده

    ردحذف
  55. الحلقه جاااااامده بجد وكويس انها طلعت حامل علشان ترجع لفارس ويعرف الحقيقه . لانه هو كمان صعبان عليا برضوو

    ردحذف
  56. احيييييييييييييييييييييييييييييييييييييييييييييييه

    ردحذف
  57. حلقة روعةةةةةةةةةةةةةةةةةةةةةةةةةةةةة بجد

    ردحذف
  58. بجد رووووووووووووعه وكان نفسى فعلا مترجعلوش بس ده مش عيب ف فارس لوحده كل رجاله مجتمعنا كده نفس التفكير والهمجيه دى
    جامده جدا يا دودو

    ردحذف
  59. روووووووووووووووووووووووووووووووووووووووووووووووووووووووووووووووووووعة بجد تحففففففففففففففففففففففففففففففففففففة
    بجد مش مصدقة
    الحلقة جااااااااااااااااااااااااااااااااااااااااااااااااااااااامدة

    amira slama

    ردحذف
  60. ازاى حامل من فارس محصلش حاجة بينهم اصلا
    فى حاجة مش تمام فى الموضوع
    بس الحلقة تحفة بجد

    ردحذف
  61. هاااااااااااااااه مايا حااااااااااااامل من فاااااااااااارس
    ده البارت ده ولع القصة اوى :D شوقتينى اعرف الباقى مستنية على نار

    ردحذف
  62. لأ لأ لاااااااااااااا فارس المفروض يتذل ويبوس رجلها لترجعله بالله ما ترجعيهم لبعض بلييييييييييييز لازم يدفع الثمن بليييييييييز هو انا متعاطفه معه نوعا ما بس برضو رد فعله كان سيئ وما سمعها

    ردحذف
  63. واااااااااااااااااااااااو بجد بجد تحفففففففففة ♥~~~

    ردحذف
  64. حااااااااااااااااااااااااامل استر يلي بتستر

    ردحذف
  65. كنت متأكده انها هتبقي حامل
    انا كده مستنيه الحلقه الجايه جدااااا

    ردحذف
  66. قلبي الصغير لا يتحمل

    الحلقه 11 هتنزل امتى

    ردحذف
  67. هو مين إل إنظلمت مايا إزاى تخبى على خطيبها إل بيحبها حاجة زى كده دا المفروض هو أقرب الناس ليها أنا مش عشان شاب بقول كده لا ده إل ولاد الأصول بيقولوه بالذات لو مش غلطانة وفارس بيحبها وكتر خيره إنه لحد دلوقتى مش إتجوز وخايف على مشاعرها وبعدين هو فارس بيشم على ضهر إيده عشان يعرف هى كده من إية فارس مش ظالم أبداً ومايا هى إل غلطانة بس بجد يا أستاذه تسلم إيدك أحسن حاجة إنك أول ما بتقفلى موضوع بتفتحى موضوع تانى خالص إثارة بجد

    ردحذف
  68. حلوة اوووووووووووووووووووووووووى

    ردحذف
  69. هييييييييييييييييييييييييييييييه جلوة اوي اوي يارب فارس يفهم بقى ويرجعوا لبعضيهم كدهون

    ردحذف
  70. الحلقة امتى ؟؟

    ردحذف
  71. واااااااااااااااو كده هتول اوييييييييييييييييي

    ردحذف
  72. اكيد مايا غلطانة انها ما قالتش لفارس على الى حصل بس فى نفس الوقت لازم تكون نظرتنا عادلة ونقول ان هو كمان غلط لما اتهور واتعامل بالطريقة الهمجية دى لانه المفروض مهندس يعنى عقلية متحضرة و رزينة مينفعش يكون اول كلامه بالضرب لانه عمره مابيحل مشكلة بالعكس ده بيعقد الامور اكتر يسلموووووووو دودو
    dentist aya

    ردحذف
  73. ييييييييييييي اكيد عمو توفيق الكلب هيقول ان مش ابن فارس هو الراجل ده مش هيمون بقي

    ردحذف
  74. كده بقى لازم يتلم الشمل البت بقيت حامل من فارس
    ياترى توفيق وفارس وحياه حيعملوا ايه

    "manar"

    ردحذف
  75. يا دي النيلة حامل طيب فارس ولا خضر الكلب

    ردحذف
  76. مجدي فريد حسن16 سبتمبر 2014 في 9:14 م

    الظاهر ان المؤلفة اتزنقت في موضوع اغتصاب مايا
    فدخلت عنصر جديد وهو المشعوذ خضر الذي اغتصابها
    اسلوب بلدي قوي واتكرر مليون مرة قبل ذلك
    كنت ارجوا من الكاتبة صاحبة الاسلوب الراقي الا تنزلق
    الي هذا المنحني لتهرب من هذا المطب .. وكمان المشعوذ
    تم قتله علي يد احد الضحايا ..
    اما بخصوص حمل مايا يبقي كده دخلنا في الفيلم الهندي
    يعني خلاص ياست دعاء هي مايا من اول لمسة حملت
    الجزئين دول اضعف مافي القصة مع اني انفعلت بها جدا

    ردحذف
  77. ده انا قريت من الحلقه التالته لحد التاسعه بس وصلت لهنا وحسيت اني مش فاهمه حاجه ازاي حامل وهي كل مكان بيحاول فارس يقرب لها بتبعه ولما حس بكده ازداد قلقه وقالها ايه ده ازاي حصل وضربها وعرف اناه مش عذراء يعني مجاش جنبها يبقي حامل منين
    والراجل خضر مات وهي مرحتلوش من فترة هي كانت لسه فاكرة تحمل دلوقت
    هو الحمل ده عفاريتي ولا ايييه

    ردحذف
  78. حامل من وين هههههههههههه

    ردحذف
  79. يوم جيد شعبي في المملكة العربية السعودية

    شهادة على كيف حصلت على قرض لشراء منزل من شركة حقيقية وديعة حقيقية دعا شركة القرض ألباكر. أنا سعيد جدا اليوم و الله صلى الله خوسيه لويس قرض الشركة.
    ،
    اسمي عبد الله أنا من مدينة الرياض لقد تم البحث عن شركة قرض حقيقية على مدى 5 أشهر، لشراء منزل
    كل ما حصلت عليه كان حفنة من الحيل الذي جعلني أن أثق بهم وفي النهاية
    من اليوم، أخذوا أموالي دون إعطاء أي شيء في المقابل، كل شيء
    فقدت أملي، وحصلت على الخلط والإحباط، وأنا لم أكن أريد أن يكون أي علاقة مع شركات القروض على شبكة الإنترنت، لذلك ذهبت إلى اقتراض بعض المال من
    صديق، قلت لها كل ما حدث وقالت انها يمكن أن تساعدني، ذلك
    أنها تعرف شركة القرض التي يمكن أن تساعدني مع أي مبلغ من القروض
    التي يحتاجها لي مع معدل فائدة منخفض جدا من 2٪، أنها حصلت للتو
    قرض من لهم، وقالت انها وجهت لي على كيفية التقدم بطلب للحصول على القرض، فعلت
    تماما كما قالت لي، وأنا تقدمت معهم على البريد الإلكتروني: (albakerloanfirm@gmail.com) لم أكن أعتقد ولكن حاولت وأنا
    أعظم مفاجأة حصلت على القرض في غضون 24 ساعة، لم أستطع أن أصدق،
    أنا سعيد وغني مرة أخرى وأنا أشكر الله أن هذا القرض
    شركات مثل هذا لا تزال موجودة على هذه الحيل في جميع أنحاء الأماكن،
    يرجى أنصح الجميع هناك الذين هم في حاجة إلى قرض للذهاب
    (albakerloanfirm@gmail.com) أنها لن تفشل لك، و
    يجب أن تتغير حياتك كما فعلت الألغام. الاتصال بسرعة (albakerloanfirm@gmail.com) اليوم والحصول على القرض الخاص بك منهم، بارك الله شركة ألباكر قرض للحصول على عرض قرض حقيقي.
     تأكد من الاتصال شركة ألبكر قرض للحصول على القرض الخاص بك لأنني حصلت على قرض بلدي بنجاح من هذه الشركة دون إجهاد.

    ردحذف
  80. يوم جيد شعبي في المملكة العربية السعودية

    شهادة على كيف حصلت على قرض لشراء منزل من شركة حقيقية وديعة حقيقية دعا شركة القرض ألباكر. أنا سعيد جدا اليوم و الله صلى الله خوسيه لويس قرض الشركة.
    ،
    اسمي عبد الله أنا من مدينة الرياض لقد تم البحث عن شركة قرض حقيقية على مدى 5 أشهر، لشراء منزل
    كل ما حصلت عليه كان حفنة من الحيل الذي جعلني أن أثق بهم وفي النهاية
    من اليوم، أخذوا أموالي دون إعطاء أي شيء في المقابل، كل شيء
    فقدت أملي، وحصلت على الخلط والإحباط، وأنا لم أكن أريد أن يكون أي علاقة مع شركات القروض على شبكة الإنترنت، لذلك ذهبت إلى اقتراض بعض المال من
    صديق، قلت لها كل ما حدث وقالت انها يمكن أن تساعدني، ذلك
    أنها تعرف شركة القرض التي يمكن أن تساعدني مع أي مبلغ من القروض
    التي يحتاجها لي مع معدل فائدة منخفض جدا من 2٪، أنها حصلت للتو
    قرض من لهم، وقالت انها وجهت لي على كيفية التقدم بطلب للحصول على القرض، فعلت
    تماما كما قالت لي، وأنا تقدمت معهم على البريد الإلكتروني: (albakerloanfirm@gmail.com) لم أكن أعتقد ولكن حاولت وأنا
    أعظم مفاجأة حصلت على القرض في غضون 24 ساعة، لم أستطع أن أصدق،
    أنا سعيد وغني مرة أخرى وأنا أشكر الله أن هذا القرض
    شركات مثل هذا لا تزال موجودة على هذه الحيل في جميع أنحاء الأماكن،
    يرجى أنصح الجميع هناك الذين هم في حاجة إلى قرض للذهاب
    (albakerloanfirm@gmail.com) أنها لن تفشل لك، و
    يجب أن تتغير حياتك كما فعلت الألغام. الاتصال بسرعة (albakerloanfirm@gmail.com) اليوم والحصول على القرض الخاص بك منهم، بارك الله شركة ألباكر قرض للحصول على عرض قرض حقيقي.
     تأكد من الاتصال شركة ألبكر قرض للحصول على القرض الخاص بك لأنني حصلت على قرض بلدي بنجاح من هذه الشركة دون إجهاد.

    ردحذف

قول رأيك بلاش تقرا وتقفل من سكات...ارائكم تهمنى