الثلاثاء، 30 أبريل 2013

ليست عذراء... الحلقة 13

الحلقة 13
فؤاد بيفتح الباب الخارجى
ومعاه ايمان ونادر
ايمان"اتفضلوا عندى فوق"
ايمان سابقاهم...فؤاد هيقف عند شقة مامته
فؤاد"لا احنا هنتعشا هنا... زمان ماما نامت تعالى اعمليلنا العشا يا ايمان"
ايمان"حاضر"
فؤاد بيفتح شقة مامته
"اتفضل يانادر"
يدخلوا ويسيبوا الباب مفتوح

تدخل ايمان ع المطبخ...تتصل من موبايلها
"الو...انزلى لى يامايا انتى ونسرين بسرعة...يالا متتأخروش"
                   ******************

نسرين نزلت شايلة ابنها ومعاها مايا
دخلوا
نسرين"نادر!!اهلا وسهلا...طنط عاملة ايه"
نادر بيقوم يسلم"اهلا يا نسرين ازيك...الحمدلله انا مشيت وكانت لسه خارجة من العمليات...بس الدكتور طمنى"
نادر واقف...خلص كلامه مع نسرين
مايا واقفة فهمت من الكلام يبقى مين
فؤاد"تعالى اقعدى يامايا...مايا بنتى"
مايا"اهلا وسهلا"
نادر وهو بيسلم عليها
"تشرفنا"
                ********************


فارس داخل البيت... مستغرب العربية اللى واقفة قدام الباب
فتح الباب الخارجى ودخل
وهو طالع ع السلم...شاف الباب مفتوح
وشاف مايا وفؤاد ونسرين قاعدين مع شخص غريب
اللى لفت انتباهه هو متابعة مايا باهتمام للشخص اللى بيتكلم
وواضح ان كلامه بيتوجه ليها
استغرب...وقف لحظات...اتضايق من وقوفه كده
كمل طلوع للبيت وهو بيفكر
"مين اللى قاعد مع مايا وخالى ده"
                  *********************

مايا وهى قاعدة بتسمع نادر
"الموضوع اللى كنت عايزك فيه يا استاذ فؤاد...هو انى بفكر افتح فرع للشركة هنا..انا بشتغل مع مراتى ف شركة السياحة بتاعتها ف تركيا...وكنت بفكر افتح فرع ليا هنا...بس بصراحة لقيت التكلفة عالية عليا لوحدى وبما انك كنت بتفكر تعمل بزنس هنا فانا بعرض عليك الشراكة"
فؤاد بتردد"مفيش مانع...ايه رأيك يامايا"
مايا بتفكر"مش عارفة يابابا...رأيك اهم"
فؤاد"انتى هتبقى معايا ولازم رأيك"
نادر بيبص ف الساعة
"الوقت اتأخر... انا متشكر ع العشا وحضرتك فكر براحتك يا استاذ فؤاد ورد عليا... استأذن"
                 *********************

فارس داخل البيت وهو سرحان
"مين ده اللى قاعد معاهم تحت"
قعد على اقرب كنبة من غير ما يفتح النور
ماسك ميدالية المفاتيح باديه الاتنين وبيشد فيها بعصبية
سمع صوت عربية بتدور...قام بسرعة يبص من الشباك
شاف العربية اللى واقفة قدام البيت وهى بتتحرك
وايد اللى بيسوقها بيشاور لحد جوه البيت

قفل الشباك بعصبية ووراح ع الباب...وخرج
                        *******************

فؤاد راجع بعد ما وصل نادر
دخل قعد معاهم
"ايه رأيك يامايا ف اللكلام اللى قاله نادر"
مايا"لازم نفكر كويس الاول يابابا ومنتسرعش... ونطمن برضه على شغله هناك ...ماشى كويس وصادق ولا كداب...سورى يا نسرين بس مبقاش عندى ثقة ف حد"
نسرين"الحق ميزعلش وانا اعرفه عادى بس معرفش طريقة شغله...فكروا بعيد عن قرابته لممدوح"

دخل فارس فجأة... بيحاول يهدى عصبيته
ايمان"فارس...تعالى مالك؟؟"
مايا شافته ...قامت تدخل اوضتها
وقبل ما تدخل
"مايا...مين ده اللى كان هنا"
التفتت له مايا...وهى بتبص لباباها
فؤاد"فى ايه يافارس"
فارس بيحاول يتحكم ف عصبيته وبيوطى صوته
"مفيش ياخالى...بسأل بس مين ده اللى كان هنا"
مايا"وبتسألنى انا ليه؟"
ارتبك فارس...بص للموجودين كلهم
فارس"بسألك يامايا....مين ده"
نسرين"ده ابن خالة ممدوح"
فارس مستغرب
"وابن خالة ممدوح ايه علاقته بمايا"
مايا"مايا مايا...مالك ومال مايا"
فارس"علشان شفت اهتمامك بيه...وكلامه اللى بيتوجه لك... وتوصيلك ليه وهو ماشى"
مايا"توصيلى ليه!!... حتى لو كنت انت مالك ومالى...فوق يافارس انت طلقتنى خلاص ومبقاش لك حكم عليا"
زعق لها فارس وهو بيقرب منها...وف حركة لا ارادية حطت ايدها على وشها وكأنه هيضربها
حركتها اللا ارادية وقفته مكانه من غير ما يقرب منها
ووقفت الكلام على لسانه
فؤاد بيشخط فيه"فااااااارس ...انا عايش وموجود مع بنتى.... محدش خالص بقى له حكم عليها من هنا ورايح"
مايا وكل ذكرياتها السيئة مع فارس ف الليلة المشئومة بقت قدام عينيها... عيطت
"ابعد عن حياتى خالص يا فارس... كفاية اللى حصل لى منك ومن غيرك... انا كل ما احس انى اتقدمت خطوة وبقيت كويسة تيجى انت ترجعنى 100 خطوة لورا... سيبنى ف حالى بقى"
تقعد وهى بتعيط... ايمان تقعد جنبها وتحضنها
"بس يامايا...محصلش حاجة لده كله.. مش كويسة العصبية دى علشانك"
فارس بيحاول يدافع عن نفسه
"انا عملتلك ايه يامايا... انتى بتحملينى ذنب اللى حصل ليا لوحدى ليه... وانتوا كلكم حاسين بيها ومحدش حاسس بيا ليه... انت نفسك ياخالى لحظة ما اتصدمت اتصرفت ازاى...بتلومونى لوحدى ليه"

محدش بيرد عليه... مايا بتعيط... فارس صوته مخنوق
كمل كلامه
"خلاص ... خلاص كده... استريحى اوى يا مايا... اعملى اللى يريحك... دوسى عليا اوى علشان غلطة غلطتها مش عايزة تسامحينى عليها...رغم ان غلطتك انا سامحتك عليها وجيت اراضيكى"
مايا وهى بتعيط"وهى دى المشكلة اللى بيننا...انك بتحملنى غلطة معملتهاش"
فارس"غلطتك انك خبيتى عليا وفاجئتينى... وانا فعلا غلطان انى سامحتك عليها"
خرج فارس من البيت...
طلع السلم وهو متضايق... وصل للسلم اللى بين شقتهم وشقة ايمان...قعد على السلم...ومسح دموعه اللى نزلت من كتر حبه وغيرته على مايا...اللى بتقابلهم بكل قسوة
                  ******************
خلال الشهرين التاليين
فاتت الايام على مايا... وهى بتشغل نفسها بالتفكير ف المشروع الجديد... كانت اغلب المقابلات بين فؤاد ونادر بره وكلام عام عن المشروع لقصر فترة الاجازة اللى جاى فيها...ومكنتش بتحضرها مايا لتعبها ف شهور الحمل الاولى

نسرين ترجع بيتها مع حماتها وخالة ممدوح بعد ما يتم علاجها

حياة علاقتها مازالت متوترة ببيت مامتها
ومش عارفة تراضى مامتها ولا توفيق وبتحاول تكون ع الحياد

توفيق مخاصم فارس من بعد ما رفض انه يخطب...ومستنكر ضعف شخصيته - من وجهه نظره – قصاد مايا

فارس ومن بعد اخر مرة اتكلم فيها مع مايا... وهو حس انه بيقلل من كرامته بحبه ليها... ندم على محاولته ارضائها وقرر انه هيتجنبها تماما...شعوره بالندم مع خصام باباه ليه...حسسه انه مبقاش مرتاح لوجوده قريب منهم
                      **********************

فؤاد داخل من بره بيتكلم ف التليفون
مايا قاعدة مع جدتها
"هقولك يا نادر واشوف هينفع ولا لأ... لازم نسأل الدكتور الاول... اه مايا اهى معاك"
وشاور لمايا
"نادر عايز يكلمك"
اخدت مايا التليفون من فؤاد
"الو... الحمدلله... اه كويس وبابا بدأ يدور على مكان مناسب... نيجى؟؟..اه عندى ايميل بس من زمان مفتحتوش ونسيت الباسوورد... اه ممكن اعمل واحد جديد... طيب ابعته ف مسدج على تليفون بابا... ان شاءالله ...مع السلامة"

قفلت مع نادر..وبصت لباباها وهى بتديله التليفون
"بيقولى هتيجوا؟"
"اه مصمم اننا نروح له تركيا فانا قلت له لازم نسأل الدكتور الاول"
"هو عايزنا ليه"
"بيقول نشوف الشركة هناك ونظام الشغل"
ورن الموبايل بنغمة رسالة
"اكيد بيبعت ايميله... بيقولى عايز ايميلى علشان يكون اسهل ف الشغل"
"طيب... وايه رايك ف السفر"
"لو الدكتور قال اسافر نسافر...لو قال لا سافر انت يابابا ولما تيجى تبقى تقولى عملت ايه "
"طيب ...ابقى قولى لعمتك تروح معاكى للدكتور علشان تسأليه ع السفر"
"انا كده كده معادى معاه بكرة ورايحين له"
"انتى وصلتى للكام"
"ف اول الخامس"
"والدكتور بيقولك ايه على التعب اللى انتى فيه ده"
"بيقول عادى"
                        **********************

فارس خارج من اوضته قعد مع باباه ومامته
توفيق اول ما شافه...قام
"بابا لو سمحت عايز اتكلم معاك"
توفيق"نعم"
فارس"ياريت متزعلش منى... مكنتش اقدر اروح اخطب واحدة وانا مش عايزها...حرام اظلمها معايا"
توفيق"واللى انت عايزها مينفعش ترجع لها"
حياة"استغفر الله العظيم يارب...احنا ايه اللى جرالنا بس"
فارس"اطمن يا بابا...انا خلاص عارف ان مبقاش ينفع ارجع لها"
توفيق"وهتفضل كده"
فارس"انا مسافر بكرة"
حياة بفزع"مسافر فين... كفاية سفر بقى انا تعبت من بعدك عنى"
فارس"متقلقيش ياماما..ده فرع الشركة هنا جوه مصر مش بره"
توفيق"فين"
"ف السويس"
توفيق"ليه"
"هبقى مرتاح اكتر"
توفيق"كله منها... هى السبب ف كل المصايب اللى بتحصل لنا"
فارس وهو قايم يدخل اوضته
"انا مسافر بكرة بالليل ان شاءالله...بعد اذنكم"
                        ********************

ايمان ومايا ف التاكسى
ايمان"نزلنى هنا لو سمحت"
ايمان بتميل على مايا
"هجيب حاجة من السوبر ماركت واحصلك"
نزلت ايمان وكملت مايا ف التاكسى
وقف التاكسى ورا عربية واقفة قدام البيت
نزلت مايا من التاكسى وهى بتبص على العربية الغريبة اللى واقفة قدام البيت بالظبط ...وشنطة العربية مفتوحة وفيها شنظة سفر كبيرة

قربت من الباب...شافته مفتوح
دخلت... وطلعت السلالم الاولى ...وقبل ما توصل لشقة الجدة
شافت فارس نازل بشنطة سفر صغيرة

فارس اتفاجئ بمايا قدامه وهو نازل
لفت نظره شكل بطنها اللى اول مرة يشوفها بعد ما بان عليها اثر الحمل

لحظات نفس التفكير بيدور ف خيال الاتنين
يتجاهلوا بعض ولا يسلموا على بعض
اول مرة يتقابلوا بعد ما كل واحد فيهم قطع اى صدفة ممكن تجمعهم

وقطع فارس افكاره
"ازيك يامايا"
"الحمدلله"
وكملت وهى بتبص للشنطة
"انت مسافر"
فارس بوجع قلب
"مش مرتاح ف بيتى ولا وسط عيلتى ولا مع اللى بحبهم...يبقى اقعد ليه"
"السعودية برضه"
"لا... السويس... تبع الشركة...طمنينى على صحتك"
"الحمدلله"
"خلى بالك من نفسك ومن ابننا"
فتحت مايا شنطتها وطلعت صورة صغيرة للسونار
ناولتها لفارس وهى بتحاول تبتسم
"شوف صورتها"
مسك فارس الصورة...بص لشكل الجنين وهو بيبتسم
"بنت؟"
"اه"
باس الصورة اللى مفيهاش غير جنين ابيض واسود
ناولها الصورة تانى
"خلى بالك منها... ومتزعليش منى ف اى حاجة فاتت او اى كلمة زعلتك فيها"
شافت لمعة دموع متحجرة ف عينيه... حست ان دموعها ممكن تنزل... اتكلمت بسرعة
"خلاص يا فارس... انت ابن عمتى وان كنا فشلنا ف جوازنا مش عايزين نفشل كأم واب ...خلى الصورة معاك لو عايز"
حط الصورة ف جيبه
"شكرا...بس احنا مفشلناش كزوجين...احنا ملحقناش"
وقاطعته مايا
"يالا انا طالعة...توصل بالسلامة ان شاءالله"
طلعت مايا وفتحت باب الشقة بالمفتاح....ونزل فارس ركب العربية اللى كانت مستنياه
                          *******************

مايا اول ما دخلت وقفلت الباب وراها...باباها سألها
"ايه يامايا...عملتى ايه...نادر كلمنى وسألنى هينفع تسافرى ولا لأ؟؟"





هناك 61 تعليقًا:

  1. nfse maya trg3 l fares b2a =(((((

    ردحذف
  2. لااااااا كل مرة توقفيها عند جزء حلو اوييييييييييي و يا رب مايا ترجع لفارس

    ردحذف
  3. حلوة اوى الحلقة خليهم يرجعو لبعض بقي الواد حس بغلطه
    همس

    ردحذف
  4. مؤثره :(

    ردحذف
  5. حلوه اوي

    ردحذف
  6. حلوة الحلقة تسلم ايدك وبصراحة انا كنت حاقدة على فارس بس بديت احزن عليه

    ردحذف
  7. حلوه اوى يا دودو تسلم ايدك

    ردحذف
  8. بس كده حرااااااااااااام المفرو تكون الضعف دى قصيرة اوى بس حلوة

    ردحذف
  9. حلوا اوووووووووي و بجد نفسي تكون اكتر من حلقه ف اليوم او الحلقه تطوول شويا

    ردحذف
  10. جمييييييييييييييييييييييييييييييلة والواحد قلبه وجعههههه اوووووووووووي :(((((((

    ردحذف
  11. جاااااااااااااااامدة يا دودو بس بلاش فارس يسافر خليهم يتصالحوا بقي

    ردحذف
  12. هيرجعو لبعض يا استاذة دينا صح مايا وفارس هيرجعوا

    ردحذف
  13. ليه كده كنتى طولتيها شويه انا ثانويه عامه وبستناها علي اخرى والله :)
    تسلم ايديكى

    ردحذف
  14. قلبي يااااااااااااااا ناااااااااااااااس حرااااااااااام والله

    ردحذف
  15. القصه تحففففففففففه انا لسه بادئه اقرأها امبارح وحاسه انى ادمنتها ربنا يوفقك ومن نجاح الى نجاح

    ردحذف
  16. انا عيطت و هما بيتكلموا :'(

    salma

    ردحذف
  17. ايوه انا عايزه فارس يرجع ل مايا هو مالوش ذنب ف رد فعله طبيعى للـ حصل

    nousa

    ردحذف
  18. بجد انا مش شايفه فاارس وحش خالص

    ردحذف
  19. بس علي فكرة كاتنت فكرة كويسة اما بعدو عن بعض فترة
    منها فارس لو رجعو يتعلم يتحكم في اعصابه وميهنش كرامته اكتؤر من اللازم لان كل ما هيتحايل كل ما هتحس انها مش طايقاه
    ومنها مايا تعرف اذا كانت بتحب فارس فعلا وتعرف قيمته في حياتها

    ردحذف
  20. حلوة الحقة يادينا تسلم ايدك وربنا يقوم مايا بالسلامة
    مورا

    ردحذف
  21. وف حركة لا ارادية حطت ايديها على وشها كانه هيضربها
    حركتها اللاراديه وقفته مكانه من غير ما يقرب
    ووقت الكلام على لسانه

    الحته ديه يا دينا بجد تحفة حسيت اني هعيط فيها موقفها صعب وموقفه اصعب..تحفة يا دينا

    hadil gasser

    ردحذف
  22. نزلى الباقى بسرعة يقا يا دينااااااااااا

    ردحذف
  23. to7faaaaaaaaaaaa y dodo tslm eidk ♥ mo2sraa GDn

    ردحذف
  24. حلوة اوى يا دينا بس الحلقه قصيره اوى النهارده

    ردحذف
  25. جميله جدااااااااااااااااا

    ردحذف
  26. جميله اوووووووووووووووووي

    ردحذف
  27. الاحداث قليله جدا

    ردحذف
  28. جااااااااااااااااامده جدددددددى يا رب مايا وفارس يرجعو لبعض بقى

    ردحذف
  29. نادر ده بارد اوى .. مش عارفة ليه بس مش طايقاه لله ف لله

    ردحذف
  30. مقابلتهم على السلم وكلامهم اثر فيا كتير حسيت انى هعيط معاهم يسلم عقلك يا دينا الى بيبهرنا ديما
    dentist aya

    ردحذف
  31. بجد حلوة اوى وبصراحة نفسى يرجعوا لبعض بقا

    ردحذف
  32. جامده اوييييييييييييييييييييييييييييي

    ردحذف
  33. جميله اوي تسلم ايدك

    ردحذف
  34. جميله اوي تسلم ايدك

    ردحذف
  35. على فكره انا اول مره اتاثر بقصه واعيط بجد عجبك كده يا دينا :'(

    ردحذف
  36. اول مرة مشاعرى تتحرك وانا بقرا كنت خلاص هعيط تسلمى يا قمر على الحلقة الجميلة دى :*

    ردحذف
  37. 7elwa aweee tslm edk y dodo :)
    keep going :*:*:*

    ردحذف
  38. بجد الحلقة تحفة اوى اوى اوى بس نفسى مااايا تسمحوااا و ترجعلوا بقى الحكاية اللى حصلت غصب عنهم هما الاتنين

    ردحذف
  39. هترجعلو في الاخر لانها بتحبه

    ردحذف
  40. بجد تحفه بجد

    نفسي يرجعو لعبض
    احلى حاجة غيرته عليها دى
    فين باقى الحلقات بقاااااااااااااااااااااا

    ردحذف
  41. انا كنت م بحبش فارس بعد اللي عملو فيها لكن بعد كدا حس بغلطه ونفسي يرجعلها بقى
    ولكن انا كنت فاكرة انو نادر دا مش متجوز لكن طلع متجوز وافتكرت انو حيرتبط بمايا وخلاص
    الحلقة حلوة اوي بس بتمنى تطول لأني ع امتحانات

    ردحذف
  42. الحلقه روعه بس يادينا انا مش عايز مايا تسافر لانها لو سافرت ممكن يتعلقو ببعض
    وتكره فارس انا بتمني ترج لفارس وشوف ان كانت بتحبه ولا لاء
    مستني الجديد بفارغ الصبر

    ردحذف
  43. الحلقه جميله جدا احنا عايزين الحلق14 تنزل بسرعه بقا

    ردحذف
  44. المسلسل جميل جدا وانتي قصصك رائعه واتمنالك المزيد من النجاح والشهره بس عايزه اعرفك حاجه ان في ناس تانيه بتاخد حلقات المسلسل ةتنشرها في اماكن تانيه

    ردحذف
  45. الله تجنن صعبانبن عليا اوي يارب يرجعوا لبعض بقى :(

    ردحذف
  46. EEpisode rigid ČÓ friendly as possible goes Ahan two incomes on exams Lord help us tactful and complements the story remained friendly Mesh possible Tenslleha the Badri and Lord help you, O our professor

    ردحذف
  47. والله عيطت الحلقة مؤثرة جدا

    ردحذف
  48. الحلقة حلوه اوى النهارده :D

    ردحذف
  49. وزى العاده الحلقه جمييييييييييييييييييييييييييله اووووووووووووووى تسلم ايديك

    ردحذف
  50. حلوه اوي
    وبتشوقيني اكتر للحلقه الجايه
    يالا نزليها بسرعه بقي

    ردحذف
  51. تحفة بجد

    ردحذف
  52. بجد الحلقة ممتعة انتي مبدعة انا معجبه بقصصك من زمان وياريت النهاية تكون سعيدة و الاهم واقعيه

    ردحذف
  53. بجد القصة جميلة اوي تسلم ايدك فيها مشاعر مؤثرة اوي

    ردحذف
  54. ميرجعوا لبعض بقا

    ردحذف
  55. انا اول مرة ادخل هنا بس القصة جامده جدا ويارب مايا ربنا يهديها وترجع لفارس اناعيط عشان هو بيحبها بجد

    ردحذف
  56. ؤيببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببب

    ردحذف
  57. مايا صعبانه عليا

    ردحذف
  58. رائعة

    بجد القصة مشوقة و تسلسل الأحداث رائع

    طبعا نفسي ان النهاية تكون سعيدة و يرجع فارس ل مايا

    ردحذف
  59. قصه اكثر من رائعه
    انا عرفتها من صفحه ع الفيس
    ومن حبي فيها دورت عليها علي جوجل عشان اكملها

    ردحذف

قول رأيك بلاش تقرا وتقفل من سكات...ارائكم تهمنى