الاثنين، 15 أبريل 2013

ليست عذراء... الحلقة 2

الحلقة 2
مايا على السرير... من كتر الضرب بدأت تفقد قدرتها ع الصراخ
قلق فارس... بعد عنها بعد ما شاف الدم بينزف من شفتها
"قومى اغسلى وشك"
مايا موجوعة... ألم نفسى وألم جسدى
حاولت تقوم مش قادرة... فضلت مكانها
صرخ فيها
"بقولك قومى اغسلى وشك ده من الدم اللى عليه"
قامت وهى بتجر نفسها من الألام اللى فيها

قعد فارس على طرف السرير يبص عليها
احساس بالذنب ناحيتها... واحساس بالاشمئزاز منها
صراع داخلى بين احاسيسه المتناقضة مش عارف يميل لاى احساس فيهم

جت مايا من الحمام بعد ما غسلت وشها
وماسكة منديل بتكتم بيه الدم على شفتها اللى اتفتحت من الضرب

قام فارس وقف.... قعدت مايا على السرير وهى بتعيط
صرخ فيها
"مين اللى عمل كده؟؟ حمزة مش كده"
بصت له باستنكار...استفزه
"ايه؟؟؟ مش حمزة... حد وانتى مسافرة؟؟؟ خونتينى واحنا مخطوبين؟؟ انطقى عملتى فينا كده ... انا مصدوم فيكى"
ونطقت بلسان تقيل من ألمها
"انا اللى اتصدمت فيك... انت واحد تانى غير فارس اللى اعرفه"
وصرخ فيها اكتر وهو بيهم يضربها...خبت وشها بايديها
"كنتى عايزانى اقولك ولا يهمك... عادى يا حبيبتى نزوة وخلاص واخص عليه اللى سابك... احمدى ربنا انى مموتكيش"
"وانت فاكر كده مموتنيش وموت كل احساس جوايا ناحيتك"
"ليكى عين تتكلمى كمان... ماهو صحيح بعد اللى عملتيه ده مش بعيد يطلع منك اى حاجة"
مددت على السرير تنام بوجعها النفسى والجسدى
"انتى هتنامى... قومى قوليلى غلطتى مع مين"
ردت وهى بتشد عليها الغطا
"مبقتش تفرق"
                         *******************

مايا نايمة صاحية...دموعها نازلة بصمت
فارس نايم صاحى...الالم بيعتصر قلبه
كل واحد فيهم ضهره للتانى

فارس بيتكلم ف سره
"ليه تعملى فيا كده... ليه فاجئتينى خلتينى مقدرتش اتحكم ف اعصابى"

مايا بتكلم نفسها ف سرها
"كان نفسى تسمعنى الاول قبل ما تحكم عليا... كان نفسى تسامحنى ونبدأ مع بعض صفحة جديدة زى ما كنت بتوعدنى"

فارس بيكمل كلام ف سره
"كنت بحلم ان حياتنا هتبقى احلى حياة ...كنت بفكر ازاى اسعدك واعوضك عن كل حاجة فاتت... صدمتينى وحطمتى كل احلامى"

مايا بتكمل كلامها ف سرها
"كنت كل ما افتكر اللى حصل واخاف... اسمع كلامك واشوف حبك ليا اقول هيسامحنى... يا خسارة حبى ليك"

فارس بيكمل كلامه ف سره
"لسه فاكر اول مرة شفتك فيها... ياااه يا مايا... وفاكر كمان نظرة حمزة ليكى"

                                 فلاش باك
فارس وحمزة "8 سنين" ونسرين "5 سنين" بيلعبوا على السلم
باب البيت من تحت مقفول.... يظهر فؤاد قدام الباب
تدخل نسرين تجرى على بيت الجدة
"خالو فؤاد...خالو فؤاد جه يانينة"
تيجى الجدة بمفتاح الباب ... تفتح بلهفة لفؤاد
"حمدالله ع السلامة... ده ايه المفاجئة الحلوة دى"
تفتح الباب... اول ما الباب يتفتح
تظهر مايا "3 سنين" واقفة ف ايد فؤاد
طفلة جميلة بملامح اوروبية

فارس وحمزة واقفين جنب بعض
اتفاجئوا بالطفلة الضيفة
مال فارس على حمزة
"مين دى؟"
كانت عين حمزة مركزة على مايا وبيبتسم لها وهى كمان بتبتسم له
حمزة مسمعش سؤال فارس
دخل فؤاد البيت وهو ماسك مايا ف ايده
نزلت ايمان ع السلم ونسرين وراها
"فؤاد جه بصحيح... حمدالله ع السلامة"

دخل حمزة وفارس ورا فؤاد وايمان وجدتهم
حمزة راح لايمان
"مين دى ياماما"
ايمان"دى مايا بنت خالك"
                      *******************

فؤاد قاعد ف الصالون مع مامته
وايمان وجوزها مصطفى
وحياة وجوزها توفيق
وال3 اطفال واقفي يبصوا للضيفة الغريبة
توفيق"فارس خد اخواتك واطلعوا العبوا بره"

تقرب نسرين من مايا
"تعالى العبى معانا"
مايا بخوف تبعد وترجع لحضن فؤاد
فؤاد"روحى العبى معاهم"
مايا ترفض من غير ما تتكلم وتحضن فؤاد
ايمان"خلاص يا نسرين... اطلعوا انتوا العبوا وسيبوا مايا"

يطلع فارس وحمزة ونسرين يكملوا لعب ع السلم
                      *******************

مايا حست بصداع...ومع عدم قدرتها على النوم
قامت تدور على مسكن للصداع
فارس حس بيها وهى قايمة
"رايحة فين؟"
مردتش عليه... قامت تفتح النور
لمحت صورتها ف المراية
بصت لنفسها...اتفاجئت
شفتها وارمة وزرقا
وخدها متعلم عليه خطوط حمرا من الضرب
صعبت عليها نفسها... نزلت دموعها
راحت اخدت المسكن ورجعت مكانها تانى
حاولت تنام... وافتكرت اول يوم ليها ف مصر
             
                    فلاش باك
مايا قاعدة ف حضن فؤاد
مستغربة الناس اللى اول مرة تشوفهم
ورغم انها كانت صغيرة... بس فاكرة كويس
كلام كتير بيتقال بلغة مش مفهومة
اطفال موجودين ...وبنت بتكلمها وهى مش فاهماها
كل اللى فاكراه انها فضلت ف حضن باباها اسبوع
بيعلمها الكلمات المهمة واسامى الموجودين
وف اخر الاسبوع سابها وسافر
                 *******************

فارس لما قامت مايا فتحت النور
وشاف وشها... استغرب ازاى قدر يعمل فيها كده
وافتكر انه يوم ما فؤاد جاب ومايا وجه
وباباه قالهم يروحوا يلبعوا
رجع هو وحمزة ونسرين ...وقعدوا جنب الباب من غير ما حد يشوفهم
                فلاش باك

فؤاد" انا جبت مايا علشان تعيش هنا على طول"
الجدة"ليه يافؤاد...فين مامتها"
فؤاد"هنتطلق"
توفيق"بصراحة يعنى انت غلطت لما اتجوزت واحدة لا م بلدك ولا م دينك...لأ وخلفت منها كمان"
فؤاد"ايوه كنت غلطان... بس اهو ادينى بلحق الغلط بدرى بدرى"
ايمان"بس حرام يا فؤاد بنت صغيرة زى دى تتحرم من مامتها ف السن ده"
فؤاد"ما انا جايبها وعارف ان هيبقى لها 3 امهات مش ام واحدة... انا عايزها تتربى على عاداتنا واخلاقنا...مش عايز اللى شفته هناك يتكرر"
الجدة"ايه اللى شفته هناك"
فؤاد"واحد صاحبى هناك... بس اكبر منى ومتجوز من زمان ونفس الظروف شبيهه بظروفى... بنته هناك عايشة زى الاجانب مع انها مسلمة بس بالاسم بس وراحت عاشت مع صاحبها ومامتها بتشجعها"
توفيق"استغفر الله العظيم"
مصطفى"ماهى البنت طلعت زى المجتمع اللى عاشت فيه"
فؤاد"علشان كده خفت"
ايمان"ومراتك... سابت البنت ازاى ولا انت جبتها من وراها"
فؤاد"انا وهى بيننا مشاكل كتير فاتفقنا اننا ننفصل وانا اخد البنت"
الجدة"وهى وافقت"
فؤاد"الحمدلله وافقت علشان مش فاضية لها ووراها شغل"
الجدة"ياقلبها"
فؤاد"بس اتفقنا ان مايا تروح لها كل صيف اسبوع ولا اتنين وهى لو عايزة تشوفها تبقى تيجى هنا...المهم ان البنت تعيش وتتعلم هنا"
توفيق"خير ماعملت"
مصطفى"وانت هترجع تستقر هنا؟"
فؤاد"معدش ينفع...انا شغلى وحياتى استقرت هناك... انا لازم ارجع"
الجدة"روح يابنى شوف شغلك ومتقلقش على بنتك... اهى تتربى مع عيال اخواتك"
ايمان"هى بتفهم عربى"
فؤاد"لا ...بس اكيد هتتعلم وسطكم"

قام فارس من ع السرير وهو متضايق
فتح شباك الاوضة ووقف يبص للسما
وهو بيفكر
"اعمل ايه... كلها كام ساعة وهييجوا يسألونى... اهو اللى انت كنت خايف منه ياخالى حصل...بنتك مصانتش شرفك"
بص لها وهى على السرير وضهرها ليه
التفت بعيد عنها وهو مشمئز منها بعد ما افتكر اللى عملته
                     *****************

مايا مش عارفة تنام... حست بفارس وهو قايم من جنبها
متحركتش من مكانها...
"للدرجة دى انا اتخدعت فيك... كان لازم اعرف انك غير حمزة... كان لازم افتكر قسوتك عليا زمان زى ما قسيت عليا دلوقتى"
                        فلاش باك

مايا ونسرين ماسكين ف ايد بعض
بيشتروا حاجات حلوة من جنب البيت
حمزة وفارس بيلعبوا كورة مع اولاد تانيين
نسرين جريت سبقت على البيت

ولد ف سن فارس... راح لمايا
"انتى اسمك ايه"
"مايا"
"هو انتى ليه لابسة باروكة"
"يعنى ايه باروكة"
"شعر بيحطوه الستات على راسهم"
"لا مش حاطة حاجة...ده شعرى"
"لونه كده ازاى"
مد الولد ايده باستغراب يتأكد ان ده شعر مايا
مسكه بتعجب وانبهار واستكشاف لحاجة اول مرة يشوفها

جه فارس يجرى هو وحمزة عليهم
فارس"انتى سايباه يمسك شعرك ليه"
حمزة للولد"انت بتشدها من شعرها ليه"
الولد"مش بشدها انا بشوفه بس"
مايا مش عارفة ترد على فارس
زعق لها
"متخليش حد يلمسك تانى انتى فاهمة...يالا ع البيت"
زقها ناحية البيت وقعت ع الارض
عيطت وهى واقعة... ومد حمزة ايده يساعدها تقوم من ع الارض
وهو بيزعق لفارس
"وقعتها ليه"
"موقعتهاش انا كنت بقولها تروح ع البيت"
مد حمزة ايده لايد مايا وهو بيزعق لفارس
"هقول لباباك"
جرى حمزة ومايا ف ايده
ووراهم فارس بيلحقهم قبل ما يروحوا لباباه
                      ********************

حياة داخلة اوضتها
توفيق بيخلص صلاة
"تقبل الله"
"منا ومنكم"
قام توفيق... وقعد على كنبة ف الاوضة
وسرح وضحك
"بتضحك على ايه"
"عارفة افتكرت ايه دلوقتى"
"ايه"
"اول خناقة بين فارس ومايا... سبحان الله اللى يشوفهم يومها يقول هيطلعوا ميطيقوش بعض"
"شوف النصيب... اهى بقت مراته...ربنا يهنيهم"
"يومها مع انه كان صغير بس طلع راجل بجد...مش زى حمزة"
جت سيرة حمزة... قطعت الضحكة من على وش حياة
                          فلاش باك
حمزة ومايا داخلين على توفيق البيت من الباب المفتوح دايما
"عمو... فارس وقع مايا ع الارض"
مايا بتعيط...دخل فارس يجرى
توفيق بيشخط ف فارس
"زعلت بنت خالك ليه"
"سايبة ولد يمسك شعرها...مش عيب كده"
توفيق وهو بيبص لمايا...
"صحيح؟"
حمزة"هى معملتش حاجة... هو يوقعها ع الارض ليه"
توفيق"مينفعش يا حمزة انها تسيب حد يلمسها...جدع يافارس... راجل"

هناك 62 تعليقًا:

  1. حلوة اوي يا دندن كمليييي بس صغيرة شوية

    ردحذف
  2. واااااااو كالعاده يا اجما كاتبه فى الدنيا


    دينا

    ردحذف
  3. gamda awii b2a bs 7ass enha 2osyra na 3la tul b2ra w askot awl mara a3ml comment bs bgd gamda awii

    a7md

    ردحذف
  4. حلوه بس كلها ذكرياااات ^__^

    ردحذف
  5. طب اييه الدونيا :(

    ردحذف
  6. جميله بجد لسه هستنى لبعد بكره :(
    روكا

    ردحذف
  7. 7elwa bs 2osyara we m3rfnash 7aga gdeda kollo flash back :D

    ردحذف
  8. ايـــــــه ده مفيش جديــــد مفيــــش احــــدااث كده نتوقع منها اى حاجه مثلاً >_<

    بس حلـــو الفلاش باك ده :D ابيض واسود بقا وكده

    ردحذف
  9. لااااااااااااااااااااااااااااااااااااااااااااااااااااا
    كملى أى حاجة هنستنى لبعد بكرة :(


    جوبا

    ردحذف
  10. الحلقه حلوة اوووووووووووووووووووى
    مستنيه باقى الحلقات بفااااااااااااااااارغ الصبر مش عارفه ليه عندى احساس غريييييييييييب ان مايا مظلومه

    ردحذف
  11. حلوة يا دندن
    يمنى مجدي

    ردحذف
  12. تسلم ايديكي رااااائعه استمرررررري

    ردحذف
  13. جاااااااااااااامده اووووووووووووووووى :)

    ردحذف
  14. جاااااااااااااااااااامدة يا دودو بس للاسف بكرة اجاااااااااااااازة

    ردحذف
  15. فى تطويل غير عادى يعنى انا مستنياها من امبارح و مطلعتش بمعلومة جديدة غير وجود حمزة مع احترامى ليكى و اسلوبك حلو بسده رأى :)

    ردحذف
  16. حلوه اوي يادينا بس قصيره
    انا سهرانه مستنياكي و هروح الشغل متأخره
    ذنبي في رقبتك

    توتا

    ردحذف
  17. 7elwa aweeeeeeeeee ya dodo bgd :)

    ردحذف
  18. جميلة اوي بس كان نفسي تطوليها شوية
    مش قادرة استني الحلقة الجاية
    وكمان بكرة اجازة.
    علي فكرة انا ادمنت رواياتك بجد
    وطول اليوم مش بعمل حاجة غير اني اقراهم من الاقدم

    ردحذف
  19. حلوة اوى بس حاسة ان مايا مظلومة يا ترى ايه اللى حصلها

    ردحذف
  20. تحفة يا دينا واكيد مايا مظلومة او اللي حصل مش بارادتها بس هو عنده حق طبيعي انو يعمل كده وخصوصا انو اتصدم صدمة كبيرة
    ومستنية الحلقة الجايه بفاااااااااااااااااااارغ الصبر

    hadil gasser

    ردحذف
  21. جميلة اووووووووووووووووووووووووى نفسى اعرف الباقى بسرعة

    ردحذف
  22. شكلها هتبقى جاااااااااااااامده تسلمىوجميله جدا بس انا عندى مشكله مش بحب اتعلق بحاجه كدا هو مينفعش تالفى قصص كالمه مره واحده D:

    ردحذف
  23. ممممم دايما تشوقينااااا كده لحد تانى يوم..يعنى اعمل ايه استنى لحد القصه ما تنتهى واقراها مره واحده :)
    تسلم ايدك ما شاء الله
    انا قريت اكتر من قصه اكتر من رائعه ولسه مخلصه بين نارين زقبله الحب الملعون اووووووووووف تحفه استمرى وربنا يوفقك

    بسكوتا......

    ردحذف
  24. البت دي هبلة ولا بتستهبل؟؟
    didi makky

    ردحذف
  25. البت دي ياهبلة يا بتستهبل!!!!! فاكرها من حبه ليها هيسامحها ازاي يعني؟؟!!!!111
    didi makky

    ردحذف
  26. رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤعه

    ردحذف
  27. جميله اوووووي بجد هموت واكملها .. كمان بكره اجازه م الحلقه :( ليه كده يا دودو بقى .. ربنا يوفقك مستنيانها ع نار

    ردحذف
  28. روحت فين يا حمزة وسبتها ؟ كدا يا دينا مش تقوليلنا حمزة راح فين

    ردحذف
  29. ^__________^

    just woooooooooooooow

    ردحذف
  30. تسلم إيدك يا أستاذه بجد روووووووووووووووووووعة جداً وغامضة قوى غير كل القصص إل فاتت بس الأمهات كمان محتاجة توعية إنها كل سنة تتطمن على أطفالها عشان الظاهرة إل موجوده فى أيامنا دى وهى إغتصاب البنات قصدى الأطفال الصغيرة من أقرب الناس ليهم وطبعاً الأطفال ملهومش ذنب بس من خلال التهديد إل بيشوفوه مش بيقدروا يقولوا لأمهاتهم ولا لأهلهم ياريت يا أستاذه تكون فيها بند يوعى الأمهات بطريقتك وإسلوبك الخاص والمتميز بس كل إل قال على القصة دى جريئة أو هتجرح مشاعر البنات أو حاجة زى كده لازم هيعتزرلك فى الأخر لما يفهم تسلم إيدك يا استاذه بجد جميلة جداً بس من متعتها حاسس إنها قصيرة قوى

    ردحذف
  31. تسلم ايدك يا دينا رائعه كالعاده =‫)
    شكل مايا مظلومه
    وهزعل لو مطلعتش مظلومه بجد
    بس بصراااااحه القصه رائعه وفكرتها حلوه
    زي كل قصصك

    ردحذف
  32. تسلم ايديك يا دندونة على الحلقة بس هى كلها ذكريات بس انا متاكدة ان
    مايا مظلومةبس هى كانت عيزاه يعمل ايه وهو اتفاجه فيها بس المفروض كان يسمعها ويقيم يختار ايه
    مستنية الحلق الجاية بفارغ الصبر
    بس ياريت يكون فيها احداث اكتر
    من ايمى الا معجبةبكل اعمال دندونة

    ردحذف
  33. انا بجد مش عارفة اعمل اية بعد ماقريت قصصك كلها يا دينا كلللللللللللللللللللللللللللللللللللهااااااااااااااا روعة
    بجد تسلم ايك والقصة دى شكلها هتبقى خطيره
    تسلم ايك مره تانية

    ردحذف
  34. رووووووووووووووووووووووووووعة بجد تسلم ايدك يا قمرى
    والقصة تحفة بجد مع انها كلها فلاش باك بس جميلة
    مستنين الباقى....

    amira slama

    ردحذف
  35. القصه جميله آوى بـس انا مش بحب الذكريااات بعـد اذنك حاولى تخلى الذكريات صغيره شويه أصل الحلقه النهارده كلها فلاش باك :(

    ردحذف
  36. حلللللللللللللللللللللللللللللللللللللوة هستنى الباقي

    ردحذف
  37. هي كلها فلاش باك ولا إية يا دينا
    عموما شكلالقصة مشوقة
    متابعك للنهاية

    ردحذف
  38. قوبه واسلوبها شيق بالنسبه لفقد العذريه بسبب الرياضه هذا كلام ليس له اي اساس من الصحه والدراسه في الازهر شئ والطب شئ تاني الكلام ده بيتقال عشان البنات ما يلعبوش رياضه وده خطا كبير بس بجد شغل جامد متمكنه يا دندونه اختك هناء زياد حمزه هشام

    ردحذف
  39. قوبه واسلوبها شيق بالنسبه لفقد العذريه بسبب الرياضه هذا كلام ليس له اي اساس من الصحه والدراسه في الازهر شئ والطب شئ تاني الكلام ده بيتقال عشان البنات ما يلعبوش رياضه وده خطا كبير بس بجد شغل جامد متمكنه يا دندونه اختك هناء زياد حمزه هشام

    ردحذف
  40. قوبه واسلوبها شيق بالنسبه لفقد العذريه بسبب الرياضه هذا كلام ليس له اي اساس من الصحه والدراسه في الازهر شئ والطب شئ تاني الكلام ده بيتقال عشان البنات ما يلعبوش رياضه وده خطا كبير بس بجد شغل جامد متمكنه يا دندونه اختك هناء زياد حمزه هشام

    ردحذف
  41. الحلقه التالته امتى يا ريت بسرعه بليززززز

    ردحذف
  42. حلوة اوى ... ربنا يوفقك

    ردحذف
  43. حلوة جدا جدا جـــــــــدا منتظرين باقي الحلقات

    ردحذف
  44. جميلة جميلة جميلة تسلمى ويسلم قلمك

    ردحذف
  45. شوقتيني :)
    في انتظار الحلقة التالتة على احر من الجر :)

    ردحذف
    الردود
    1. بس ابقي طوليها شوية :D

      حذف
  46. جميله جدا بس صغيره

    ردحذف
  47. فين الحلقه الجديده بقي
    لا كده حرام
    وااااااء

    ردحذف
  48. حلوة اوي امتعتينا تسلم دماغك مستنيينك على ناااااااااااااااااااااااار

    ردحذف
  49. لا كده عيب عليكي بصراحه
    يعني انا مستنيه من امبارح
    بجد حرام
    الحلقه دي حلوه بس صغيره اوي :(
    و اسفه علي طريقتي في الكلام انا مش قصدي حاجه وحشه
    بس الحلقه جامده و القصه كده من اسمها باين انها جامده

    ردحذف
  50. الحلقة جميلة بس قصيرة اوى ياريت احداث اكتر

    ردحذف
  51. لا كده كتير
    فين الحلقه الجديده بقي :(
    من امبارح و انا مستنيه الحلقه
    انا من كتاباتك حبيتك اوي بس انا زعلانه منك بقي :(

    ردحذف
  52. روووووعة بس انا بتوه لما بتقطعي حبل افكاري شوية ماضي وشوية حاضر ممكن تخرجيني من الحاضر واحدة واحدةللماضي بس هي جميلة بردك وانا معاكي لاخر القصة

    ردحذف
  53. 7elw awiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

    ردحذف
  54. هو ازاي الحلقة ديه حلوة كدة :D
    لا ما شاء الله عليكي اسلوبك فيها حلو بزيادة عن طريق الفلاش باك ده :D
    i like it to infinity

    ردحذف
  55. حلوه جدا بس فلاش باك دى كتيره اوى

    ردحذف
  56. جااااااااااااااااااااااااااااااااامدة

    ردحذف
  57. تربية اجانب لو كانت في الصعيد كانو طخوها عيارين

    ردحذف
  58. أسلوب سلس كالعادة ..
    دمج بين الفلاش باك وواقع القصة فوق الممتاز

    ردحذف

قول رأيك بلاش تقرا وتقفل من سكات...ارائكم تهمنى