الخميس، 4 أبريل، 2013

بقينا عيلة... الحلقة 28

الحلقة 28
كريم بيفتح الباب...شاف دعاء قدامه
"دعاء!!"
دخاء وهى داخلة البيت
"كده اهون عليك يا حبيبى"
كريم بجدية بيحذرها
"دعاء مفيش حد ف البيت"
ردت وهى بتقفل الباب
"وايه يعنى... مش مهم انا عايزة اتكلم معاك وافهم ايه اللى قلته لبابا ده"
"مش محتاجة كلام... احنا خلاص اللى بيننا انتهى"
دعاء بتعيط وتقرب منه
"انا بحبك يا كريم... ليه بتعمل معايا كده"
بتعيط ف حضنه... استغرب واتخض... بيبعد عنها
فى اللحظة اللى فتحت شذى الباب بالمفتاح

شذى اول ما شافت ارتباك كريم ودعاء وهما قريبين من بعض
وقفت مصدومة لحظات من المفاجئة

كريم اول ما شاف شذى ارتبك ووقف يبص لها

دعاء لما شافت شذى ونظرات الصدمة ف عينيها
وكريم ونظرات الدفاع عن نفسه ف عينيه
اتغاظت اكتر وقبل ما تتكلم

جريت شذى على اوضتها من غير ما تنطق ولا كلمة

كريم بشدة لدعاء
"انا مش فاهم انتى ازاى كده... انتى كل مرة بتأكدى لى ان كلامى صح"
دعاء ببرود"مالك... لما شفتها خفت كده ليه"
"ملكيش دعوة بيها يا دعاء...واتفضلى من هنا لو سمحتى... كلامى مع باباكى ومعدش بينى وبينك اى كلام"
ضربته دعاء ف صدره وهى خارجة وكلها حقد
"اشبع بيها الفلاحة البيئة بتاعتك..جتك الارف انت وهى"
خرجت دعاء وهى بترزع الباب وراها
دخل كريم يشوف شذى
                       ******************

شذى بعد ما شافت كريم ودعاء... اتصدمت
مقدرتش تواجه الموقف من اى ناحية ولا حتى تتصنع اللامبالاة
دخلت الاوضة بسرعة وقفلت عليها بالترباس

قعدت على السرير تعيط
"هو ده كريم اللى فاكراه مؤدب ومحترم... كان رايح مع ماما المستشفى ايه اللى قعده...ولا وصلهم ورجع يقابلها هنا...هنا فى البيت!! ليه...للدرجة دى بيحبها ...انا اللى غلطانة لما سبت نفسى احبه... ميستاهلش اى احساس حلو حسيته"

الباب بيخبط
"شذى.. اطلعى اكلمك اوعى تفهمى غلط"
شذى ساكتة وبتعيط بصمت...خايفة يسمع صوت عياطها
"شذى ردى عليا "
شذى بتتصنع القوة
"نعم"
"اطلعى عايز افهمك"
"وتفهمنى ليه.... انت حر ف حياتك مليش دعوة بيك"
دموعها خانتها وهى بتتكلم...سمعها كريم
"يا شذى اسمعينى وافهمينى"
شذى بتعيط بصوت عالى
"مش عايزة اسمع منك حاجة"
اتنرفز كريم... حاول يفتح الباب...مفتحش
"افتحى يا شذى وكلمينى... افتحى لا والله اكسر الباب اللى بينى وبينك ده"

قبل ما يكمل كلامه...فتحت شذى الباب
لحظات متواجهين وهما ع الباب
شذى معيطة وكريم متنرفز
"ليه بتعملى معايا كده"
"انا معملتش حاجة"
رجعت اخدت الفلوس وشنطتها وعدت من جنبه
"انا نسيت الفلوس رجعت اخدها ونازلة على طول...اسفة انى جيت ف وقت مش مناسب"
عدت من جنبه خارجة من الاوضة ماشية ف الطرقة
شدها من ايدها لحد الانتريه
"مفيش نزول...تعالى اقعدى هنا ...دوختينى"
سابها وهو بيزقها برفق على الكنبة وقعد قصادها
شذى بتبص له مستغربة انه مسكها كده وطريقة كلامه اللى مش قادرة تحدد نوعها... كريم بيبص لها بحب
"انتى ايه اللى عملتيه فيا ده"
"انا؟؟"
"لخبطتينى وجننتينى وحيرتينى"
"انا!!!"
"ايوه انتى... ازاى مش حاسة بيا لحد دلوقتى"
شذى متلخبطة... مش فاهمة كلامه... او مش مصدقة اللى فهمته
افتكرت دعاء... والمنظر اللى شافته...قامت وقفت
"كريم انت حر ف حياتك ومش محتاج تبرر لى حاجة"
"مش ببرر.. انا لازم اقولك الحقيقة...انى اتفاجئت بدعاء جاية علشان ارجع فى كلامى ومفسخش الخطوبة"
شذى بفرحة داخلية وهى بتقعد
"فسخ الخطوبة!! ليه؟"
كريم بكل حب
"علشان بحبك انتى"
مشاعر كتير حست بيها شذى
فرحة... استغراب... مفاجئة... دموع فرح بتنزل وهى بتضحك
كريم بيبص لها بحب
"مكنتيش مديانى فرصة اتكلم معاكى... استنيتك اول امبارح طول الليل ف البلكونة لحد مانمت وانا قاعد... استنيتك امبارح وكنت ناوى تكونى اول واحدة تعرف انى سبت دعاء ...انما نمت ومقدرتش اقوم...اخدت برد بسببك"
"سلامتك"
"الله يسلمك.. دلوقتى ممكن اسألك قرارك ايه بالنسبة لخالد"
"انا عايزة افهم لما انت فسخت الخطوبة ايه المنظر اللى شفته ده"
"والله اتفاجئت بيها... انا روحت لباباها امبارح وقلتله...معرفش ايه اللى جابها دلوقتى...ممكن نسيبنا منها ونخلينا ف نفسنا"
بفرحة"نفسنا؟"
"اه...قوليلى انتى كمان حاسة بيا ولا وطمنينى لسه بتفكرى ف خالد"
"تفتكر ياكريم انا كنت ببعد عنك اوى كده ليه"
"ليه"
"علشان كنت خايفة من احساسى بيك يكبر اكتر واكتر"
كريم بفرحة
"بجد يا شذى... بتحبينى زى ما بحبك"
قام كريم يقعد جنبها... قامت من مكانها
"انا لازم انزل...اتأخرت"
"يعنى يوم ما اعرف اتكلم معاكى تنزلى وتسيبينى... خليكى قاعدة معايا"
"مش هينفع ...زياد جاى لنا الجامعة النهاردة وشيماء مش هترضى تقابله لوحدها"
"طيب... خلى بالك من نفسك"
"وانت خلى بالك من نفسك وارتاح ف السرير... شكلك باين انك تعبان واتكلمنا كتير"
"انا خفيت لما اتكلمت معاكى"
راحت ع الباب...فتحته وهو بيوصلها
"هتيجى الساعة كام"
"مش قبل 6"
"هستناكى ع الغدا"
"ماشى...سلام"
                       ******************

دعاء فى اوضتها...عمالة تصرخ وتكسر فى المرايات
تدخل عليها مامتها
"ايه يادعاء... ايه اللى رجعك من الشغل...كسرتى الاوضة كده ليه"
"شفتى كريم سابنى ليه"
"انتى قابلتيه؟"
"ايوه.... بيسيبنى علشان الفلاحة بنت الفلاحة اللى ف بيتهم"
"بنت مرات ابوه!!"
"اه ياماماا...هموت م الغيظ... يسيبنى انا علشان البيئة دى"
"مش معقول...كريم يبص لها ازاى...انتى عرفت منين"
"شفتهم.. انا كنت حاسة"
"البت وامها لفت الواد وابوه ... قادرين"
"انا مش مصدقة عنيا... امها كانت شغالة عند ابوه واتجوزها..البت كمان اللى مكنش طايقها يحبها...هتجنن يامامااااا"
"سلامتك من الجنان ولا تضايقى نفسك...كريم اقل منك بكتير وكويس اننا وافقنا عليه"
وبنظرة حقد وشر
"مش انا اللى حد ياخد منى حاجة بتاعتى...انا ارمى مترميش"
                      *******************

كريم بيلبس فى اوضته...سمع الباب
طلع قابل باباه بره
"حمدالله ع السلامة...طمنى الدكتور قالك ايه"
ابراهيم"الحمدلله...العملية تمام"
مديحة"انت لابس ونازل؟؟ انت مش تعبان يا كريم...خليك مرتاح"
كريم"اصل عندى مشوار مهم...لازم اروحه"
ابراهيم"مشوار ايه"
ابراهيم داخل اوضته... مديحة مسنداه
كريم دخل وراهم
ابراهيم قاعد على طرف السرير...مديحة بتجيب له الهدوم من ع الشماعة...كريم واقف ع الباب
"انا رايح لابو دعاء اخد الشبكة"
مديحة وابراهيم بصوا لبعض
ابراهيم"ايه اللى حصل"
كريم"دعاء متناسبنيش خالص يابابا...كل حاجة بيننا مختلفة... جريئة جدا...اسلوبها وحش... عايزانى امشى بدماغها هى"
ابراهيم"والله انت اللى اختارتها وانت حر ف اللى تشوفه"
مديحة بتساؤل
"كريم... اوعى يكون حد مننا السبب"
ابراهيم"واحنا هنبقى السبب ازاى؟"
مديحة بتبص لكريم
لحقها كريم
"محدش السبب يا طنط...السبب انى اتسرعت ف خطوبتى لدعاء"
لف كريم يخرج..وقف لحظات متردد...التفت لهم تانى
"انا عايز اتجوز شذى"
مديحة اتفاجئت... بصت على ابراهيم شافته مكشر
كريم بعد ما قال جملته... خرج م الاوضة
"سلامو عليكو"
خرج كريم وسمعوا الباب بيتقفل
مديحة مستنية ابراهيم يعلق على كلام كريم
"مالك يا ابراهيم... مقلتش حاجة يعنى"
"عايز بس انام شوية...بعدين نتكلم"
                        *********************
شذى قاعدة مع شيماء فى الكلية
شيماء متوترة
"والله ما انا عارفة انا ازاى رضيت...انا مكسوفة جدا"
"يا بنتى عادى... انتو هتتكلموا مع بعض ...اعتبريه واحد زميلنا عادى"
"طب هو هييجى فين"
"انا اديته رقمى...لما يوصل هنطلع نقابله بره ونروح نقعد ف اى مكان"
دقايق ورن موبايل شذى
"اهو..بيتصل"
ردت"الو... وصلت...طب احنا طالعين لك حالا"
قامت شذى ومعاها شيماء
"يالا مستنينا بره"

شذى وشيماء خارجين من باب الجامعة
بيدوروا بعنيهم على زياد
اتفاجئت شذى بزياد وكريم واقفين جنب عربية كريم
فرحت شذى بالمفاجئة
حست انها عايزة تجرى لحد كريم
شيماء شافت ابتسامتها
"مين اللى معاه ده"
وبتنهيدة"كرييييم"
                     *********************

كريم وشذى قاعدين مع بعض على ترابيزة لوحدهم
شيماء وزياد قاعدين على ترابيزة تانية
"ليه مقلتليش انك جاى"
"حبيت اعملهالك مفاجئة..اتضايقتى؟"
"بالعكس فرحت جدا"
"تعرفى انى حاسس انى بشوفك بعين تانية"
"ازاى يعنى"
"فرق كبير لما كنت بحبك بينى وبين نفسى ومش عارف احساسك ناحيتى ايه... وانى دلوقتى قاعد اتكلم معاكى وانا عارف انك بتحبينى زى مابحبك"
ابتسمت شذى بكسوف
"انا فرحان اوى يا شذى... مكنتش حاسس ان الحب حلو اوى كده"
بصت له بشك
"ايه مش مصدقانى؟"
"ودعاء كانت ايه؟"
"محستش معاها باللى حسيته معاكى... انتى بقى قوليلى لسه بتفكرى ف خالد"
سكتت شذى تفكر...
"ايه يا شذى... انتى بتفكرى فيه لسه"
"حب لآ... انتهى بالنسبة لى وعلى مراحل مش مرة واحدة...بس انا كنت بفكر ارجع له"
"ترجعى له...ليه"
"علشان كنت عايزة ابعد عنك خالص... انا لما عرفت انك قربت تتجوز كنت هموت"
"من ساعتها وانا بحاول اتكلم معاكى"
"كنت هتقول ايه يا كريم... مكنش فيه كلام يتقال"
"لا كان فيه...عمر كلامنا ما هيخلص"
ابتسمت شذى بفرحة وكسوف
"على فكرة ...قبل ما انزل قلت لبابا انى عايز اتجوزك"
مسكت شذى قلبها
"بالراحة عليا ياكريم... كل الحاجات الحلوة دى مع بعض"
"انسى اى حاجة وحشة...كل اللى جاى هيبقى احلى واحلى... طول ما احنا مع بعض مفيش اى حاجة هتضايقنا"
جه زياد وشيماء
زياد"احم احم... انتوا قاعدين ولا ايه... فيه بيت ممكن تكملوا كلامكم فيه"
كريم وشذى قاموا
شذى سبقت مع شيماء... وكريم وزياد بيحاسبوا

"قوليلى يا شيماء...ايه رايك"
شيماء بتضحك"هنبقى نكمل كلامنا ف التليفون"
شذى"الله الله ما كنا رافضين التليفونات"
شيماء"معرفتش اقوله لآ... حسيت انى عايزة اتكلم معاه تانى كتيييييير...انتوا عملتوا ايه"
"مش مصدقة الفرحة اللى انا فيها"
"انتى تعبتى كتير وتستاهلى ...ربنا يسعدكم يارب"
                     ********************

مديحة وهى قاعدة جنب ضحى وهى بتذاكر...بتفكر
"ليه رد الفعل الغريب ده من ابراهيم لما كريم قال عايز يتجوز شذى... ليه طول اليوم مفتحش معاها سيرة الموضوع ده... لا سألها عن رأيها ولا فرح ولا حتى اعترض... ايه السبب"
وهى بتفكر...سمع الباب بيتفتح وكريم وشذى داخلين مع بعض
شافت الفرحة اللى عينيهم وفهمت انهم كانوا مع بعض
فيه حاجات محتاجة تفهمها...حبوا بعض امتى وازاى
مديحة"انتوا كنتوا مع بعض"
قربت منها شذى وحضنتها بفرحة
"كريم جه مع زياد عملهالى مفاجئة"
مديحة بتبص لنظرات الحب بينهم
حست بوجع ف قلبها من القلق من اللى جاى
كريم"هو بابا فين"
مديحة"نايم"
سمعوا صوت كحة ابراهيم
كريم"بابا صحا... انا داخل له"
ابتسمت مديحة غصب عنها
شذى بتبوس مديحة
"انا فرحانة اوى ياماما"
قالتها ودخلت تغير هدومها

كريم دخل لابراهيم الاوضة
"صاحى يابابا"
"كنت مستنيك"
كريم بيقعد على طرف السرير
"مستنينى... خير فيه حاجة"
"اقفل الباب وتعالى اقعد جنبى... عايز اقولك كلمتين"



 متابعى المدونة اللى مش بيتابعوا على الفيس بوك
الحلقة 29 يوم السبت ان شاءالله

هناك 41 تعليقًا:

  1. هتجننينا يا دينا بالقفلات الشيقة دة بجد ررررررررررررررررررررررائعه

    ردحذف
  2. لسه هنستنى السبت

    ردحذف
  3. يعني بعد نفرح انهم اعترفوا لبعض بالحب تسبنيا قلقانين كده
    ده انا قشعرت لما كريم قال "علشان بحبك انتي"

    ردحذف
  4. حلوووووووووووووووووووووة اووووووووووووووووووووووووووووووووووووووووووووووووووووى تحفة .. بس ليه ابراهيم شكله مش موافق ... ودعاء الغتتة الدزمة ديه شكلها حتعمل مصيبة

    ردحذف
  5. انتى كاتبة موهوبة جدااااا

    ردحذف
  6. اوووووووووووه بقى جامدة :)
    مستنية التكملة على احر من الجمر :)

    ردحذف
  7. هو ابووووووووووووه هيعترض على ايه ان شاء الله :( ده ايه الشلل ده :'(

    ردحذف
  8. بس الحلقة جامده و القصه رائعه :)

    ردحذف
  9. ابتهال شندي4 أبريل، 2013 1:11 ص

    الحلقه تحفه قوووووووووووووي يا دينا تسلم ايدك بجد

    ردحذف
  10. ايــــــــــــــــه دااااااااااا انا مش موافقه انها تخلص دلوقتى
    انتى بجد رائـــــــــعه
    انا اول مره اعلقلك
    انا قرأت كل القصص اللى فاتت فى اقلل من اسبوعين
    رائعه رائعه رائعه

    ردحذف
  11. وبعدين بقى لازم السبت كده لاء يا دندونه عايزين نعرف ايه اللى حيحصل بعد قفله الباب :)

    ردحذف
  12. الله الله الله عليكي يا دندون

    ردحذف
  13. الله الحلقه تحفه يا دينا بس مش هنقدر نستني لحد يوم السبت

















    ردحذف
  14. تحححححححححححححححححححححححححححححححححححححححححححححفة بجد يااااااااااااااه ع التشويق تسلم ايدك

    ردحذف
  15. dina aktaaaaar mn to7fa bgd ente rw3aaaa



    mony moka

    ردحذف
  16. عارفه يامدام دينا امبارح كنت عايز اخنقك ... اسف علي الكلمه بس هو تقدري تقولي تفاعل مع الاحداث

    بس الصراحه بعد اللي حصل انهارده حاسس اني عايز *:
    ..... اسف مره تانيه

    بس بجد تسلم ايدك وربنا يخليكي لينا يارب

    ردحذف
  17. اووووووووووووف خاااااااااااايفة ابراهيم يرفض .. ياااااااارب مايرفض ودعاااء دي شكلها هتعمل مصيبة ربنا يستررررررررررر
    بس بجد جااااااااااااااااااامدة تسلمي :)

    ردحذف
  18. تحفة يا دودوووووووووووووووو

    ردحذف
  19. مش عارفة ليه مع ان الحلقة حلوة بس حاسة ان قلبي مقبوووووووووووووض من اللي جاي
    مش قادرة اتوقع ايه وجهة نظر ابراهيم ولا قادرة اتخيل اللي ممكن تعمله دعاء البت دي مؤذية اوووووووي
    بس الحلقة جمييييييييييلة يا دودو تسلمي يا سعسولة انتي :D


    ddy dody

    ردحذف
  20. لا بقى مش هنخلص من دعاء يجيلنا ابراهيم عايزين الليلة ديه تخلص انا ماصدقت

    ردحذف
  21. a5errrrrrrrn :) tslmy ya dina

    do3a2

    ردحذف
  22. حلوووووووووووووووووووووووووووووووووووووووووووووة اوى اوى بجد يا ديناا تسلم ايدك يا قمرى
    وبجد الحلقة روعة

    amira slama

    ردحذف
  23. يادودو حرام عليكى افلاتك دى وحيراتينا بجديا ترا ابراهيم هيقول لكريم اية ربنا يستر من المفاجئة تكون سارة نفرح بيها كلنا

    ردحذف
  24. بجد حلوه اوووووى وشيقه جدا وكانت طويله تسلم ايدك والله تحفه اووووووووووووووى

    ردحذف
  25. يالهووووووووووووي بتقفل ع المهم :) بس المهم اكتر ان شذى وكريم يتجوزوا من غير مشاكل بققققققققققققى انا تعبتلهم سلف حيييييييييييييييح

    ردحذف
  26. الله الله عليكى يا دودو الحلقه جميييييييييييييييييله وررررررررررررروعه ومتشوقه اللى هيحصل بعد كده ربنا يستر شكل ابراهيم مش هيوافق
    تسلم ايديك

    ردحذف
  27. حلوه جدااااااااااااااااااااااااااااااااااا

    ردحذف
  28. انا قريت الحلقه مرتين من جمالها يا دينا والله نفسي بجد اقابل حد شبه كريم كدا في اخلاقه وطباعه وادبه ورومانسيته وجدعنته يااااااااااااااااه
    ربنا يستر من اللى جاى خايفه من ابراهيم ورد فعله ليكسر قلب شذى وخايفه من غرور دعاء لانها مش سهله

    ردحذف
  29. gamela awe ya dodo

    ردحذف
  30. salam dina el hal9a raw3a bas ana kaman khayfa min radit fi3l ibrahim chou haghmoud kolou rabina youstre

    ردحذف
  31. رووووووووووووووووووووووووووووعة جداااااااااااااااااااااااااااااااااااا بس هو انا لسة هستنى لحد السبت؟؟؟؟؟؟؟؟؟؟

    ردحذف
  32. الحلقة بجد تحفة وروووووووووووووووووووووووووووووووعة
    مش عارفة اقول ايه بس ليه دايما هتخلينا نستنى كتير يا دندن يا رب السبت يجى بقا

    ردحذف
  33. تحفففة بجد ي أ/دينــا :)
    ومستنيه الحلقة الجااايه :)

    ردحذف
  34. الحلقه تحفه يا دودو بس يارب تبقى النهايه سعيده

    ردحذف
  35. الحلقه تحفه يا دودو بس يارب تبقى النهايه سعيده

    ردحذف
  36. حلوة الحلقة
    بس ابراهيم و دعاء مش مريحنى

    ردحذف
  37. لسه شايفه القصه من ساعتين بس
    بجد حلوه جداً انا ازاي مشفتهاش من زمان
    تسلم دماغك يا دينا بجد

    ردحذف
  38. اتضايقت اووووووووووووى انى مشفتش الحلقة 29 الا دلوقتى تحفة يا دودو تسلم ايديكى

    ردحذف
  39. هو انتي مش قلتي هتنزل يوم السبت
    حرام ... مش قادره اصبر :(

    ردحذف
  40. عايز يقوله اييييييييييه شكله مش موافق :@ :@

    ردحذف
  41. مش موافق :@@

    ردحذف

قول رأيك بلاش تقرا وتقفل من سكات...ارائكم تهمنى