الخميس، 18 أبريل 2013

ليست عذراء... الحلقة 5

الحلقة 5
توفيق وحياة قاعدين مع فؤاد ومامته
توفيق"هتعمل ايه معاها يا فؤاد"
فؤاد بانكسار"هعمل ايه...العمل عمل ربنا"
توفيق"يعنى ايه... يعنى هتسكت لها"
فؤاد"هعمل ايه اكتر من اللى حصل"
توفيق"انت راضى يعنى انها تحط راسك ف الطين"
فؤاد بضيق" اللى حصل حصل خلاص... لما تخف هبقى افهم منها ايه اللى حصل بالظبط"
توفيق"اخص على كده...عيشتك بره خلتك بارد"
فؤاد"راعى كلامك يا توفيق... انت عازينى اموت بنتى الوحيدة"
توفيق"ده انت تموتها وترمى جتتها للكلاب"
فؤاد بنرفزة"انت عايز ايه بالظبط... ملكش حاجة عندى...بنتى وانا حر فيها...فارس طلقها وخلاص انتهينا...كفاية انى اتسرعت واتعاملت معاها بنفس طريقة ابنك الهمجية...مش كفاية المنظر اللى لقيناها فيه...عاجبك الضرب اللى كان ضاربهولها ده...والله لو ما كان ابن اختى ماكنت سيبته الا وانا حابسه"
الام بتحاول تهدى فؤاد
"اهدا يافؤاد خلاص"
توفيق قام يزعق هو كمان
"انت ليك عين تتكلم بعد اللى بنتك عملته... ده انت المفروض مترفعش عينك فينا بعد اللى حصل"
فؤاد"اسكت يا توفيق احسن لك انا اللى فيا مكفينى"
حياة"خلاص يا توفيق...خلاص يا فؤاد...يالا ياتوفيق"
توفيق"يالا ايه... حق ابنى عند مين؟"
فؤاد"حق ايه"
توفيق"فرحته اللى اتكسرت...المصاريف اللى صرفها على الجهاز والبيت والفرح"
فؤاد"يعنى مشكلتك ف الفلوس...ياخد اللى صرفه"
توفيق"ده انت غريب...دى لو كانت بنتى والله كنت دبحتها وانا رافع راسى"
فؤاد"الحمدلله انها مش بنتك... ومن هنا ورايح لا انت ولا ابنك ليكم دعوة بيها... وانا هظبط امورى واخدها تعيش معايا هناك"
توفيق"خدها...علشان تبقى على كيفها اكتر"
فؤاد"اخرس بقى ده انت معندكش دم"
حياة"عيب كده يافؤاد... محصلتش انك تشتمه"
فؤاد"كلمة زيادة وهضربه... سيبونا ف حالنا بقى"

قام فؤاد وسابهم ودخل اوضته
وقام توفيق وهو بيشتم ويزعق
وحياة طلعت وراه والام شايفة كل اللى بيحصل ومش عارفة تقول ايه ولا تعمل ايه...بعد ما طلعوا دخلت لفؤاد
                     *******************

فؤاد قاعد ف اوضته ...دخلت مامته عليه
"متزعلش يافؤاد...جوز اختك برضه زعلان على ابنه"
"وانا زعلان على بنتى وزعلان من اللى عملته... مصيبتى اكبر بكتير منه وهو جاى يلومنى... انا هتجنن من اللى عملته وف نفس الوقت لما افتكرها وهى واقعة ف ايد ايمان مبتنطقش بقول لنفسى انا ازاى قدرت اعمل فيها كده... وازاى هى قدرت تعمل فيا كده...ليه ياماما ماحفظتيش عليها"
واتفاجئت الام بتوجيه الاتهام ليه
"انا؟؟ انا محافظتش عليها يا فؤاد... ده انا كنت حاطاها ف عنيا...دى مكنتش بتخرج لوحدها ابدا غير ع المدرسة ولا الكلية... ولما كانت بتخرج بيكون ولاد عمتها معاها"
"هو ليه توفيق شك ف حمزة بالذات؟؟"
                        *******************

توفيق وحياة داخلين شقتهم... دخلوا لقوا فارس قاعد
توفيق"شوف انت صرفت كام علشان اجيبهولك من خالك"
فارس"مش عايز فلوس...كفاية اللى خسرته"
توفيق"هيبقى خسارة من كله.. انت تاخد الفلوس وتتجوز احسن واشرف منها"
قام فارس يدخل اوضته وهو بيرد عليه
"مش عايز اتجوز حد... كفاية اللى حصل"

توفيق"شفتى...الواد اللى حيلتنا عقدته بنت اخوكى"
حياة"انا مبقتش عارفة اقول ايه ولا اعمل ايه بعد اللى حصل... مش عارفة هتعامل مع اخواتى ازاى... معقول يكون حمزة صحيح"
"انا مش ياما قلت لك قعدة السطح دى غلط... كتير كنت بشوفهم نازلين من فوق لوحدهم...ولما لمحت لامك طنشت ولا مفهمتش مش عارف"
"الله يجازيهم ع اللى عملوه فينا"
                   *********************

ايمان داخلة بكوباية لبن على مايا
شافتها نايمة... اتسحبت رجعت تانى وقفلت الباب عليها

طلعت قعدت بره...وافتكرت انها متصلتش تطمن على نسرين
فاتصلت بيها
"الو... ازيك يانسرين"
"ازيك ياماما...مال صوتك"
"مفيش يا حبيبتى...انتى عاملة ايه السفر تعبك ولا حاجة؟"
"لا الحمدلله...بس قوليلى صوتك ماله... واخبار مايا وفارس ايه"
"ممدوح عندك؟"
"لا نزل"
وعيطت ايمان غصب عنها
"مايا وفارس اتطلقوا"
صرخت نسرين
"بتقولى ايه ياماما... انتى بتهزرى صح؟"
"والحاجات دى فيها هزار"
"ليه طيب...ايه اللى حصل؟"
"اللى حصل ميتحكيش"
"ماما احكى لى ...ايه اللى حصل علشان يتطلقوا تانى يوم"
"مطلعتش بنت"
شهقت نسرين من الصدمة
"مش معقول... اكيد فيه حاجة غلط...هى قالت ايه"
"مقالتش... احنا روحنا لقيناها مضروبة ومعدومة العافية ولما فارس قال فام عليها فؤاد وفضل يضرب فيها لحد ما اغمى عليها بين ايديا وجبنالها الدكتور قالت فقدت النطق"
"يا حبيبتى يامايا...ياريتنى ماكنت مشيت"
"بالعكس...الحمدلله انك مشيتى... كان هيبقى ايه موقفنا قدام ممدوح... اوعى تقوليله حاجة"
"بس انا عايزة اجى لمايا"
"لو عايزة تيجى قولى له اى حاجة وتعالى لوحدك..مش ناقصين فضايح"
"طيب ... هى فين دلوقتى مينفعش اكلمها"
"مبتنطقش يا نسرين...بقولك ايه؟؟انتى كنتى تعرفى حاجة"
"لا والله ابدا انا اتفاجئت بكلامك ...بس عايزة اعرف منها ايه اللى حصل وليه سابت نفسها لحد ماتتجوز ماقالتليش ليه على الاقل"
"مش قادرة اضغط عليها ف الاسئلة... لو شفتى شكلها يصعب ع الكافر"
"ياحبيبتى يامايا... واخص عليه فارس..كده يطلقها"
"المصيبة انهم شاكين ف حمزة"
                      *********************

فؤاد بالليل لابس ورايح ع الباب
"انت رايح فين دلوقتى"
"عايز اطلع اطمن على مايا"
"طيب استنى اجى معاك"
"طيب"

فؤاد ومامته بيخبطوا على ايمان
"اهلا ياماما...اتفضلوا"
فؤاد"مايا اتكلمت؟"
ايمان"لآ"
الجدة"وهى فين"
ايمان"من ساعة ماجت وهى بتعيط...فضلت تعيط كتير اوى ولما اخدت الدوا بعدها بربع ساعة لقيتها نامت"
                      ********************

مايا بتفتح عينيها...شافت ايمان نايمة جنبها
قامت تتسحب من جنبها...وايمان محسيتش بيها

خرجت من الاوضة... راحت اوضة حمزة وفتحتها
دخلت فتحت النور... بتبص على كل جزء ف الاوضة
راحت على المكتب... قعدت على الكرسى
فتحت الدرج... شافت برواز صغير فيه صورتهم هما ال4
فارس ونسرين وهى وحمزة قاعدين جنب بعض ف بيت الجدة

حطت الصورة ع المكتب... وشافت اجندة
طلعتها من الدرج...فتحتها وقعدت تقلب فيها بابتسامة حنين ودموع
                        فلاش باك
حمزة ماسك الاجندة بتاعته وقاعد
راحت مايا قعدت جنبه...قفل الاجندة
"بتعمل ايه"
"ملكيش دعوة"
"اخص عليك ياحمزة...هزعل منك والله"
"هوريكى بس مش دلوقتى"
"امتى طيب"
"لما اخلص"
"طب ايه هو اللى هتخلصه"
"بكتب لك حاجة"
"وتكتبها لى ..ماتقولهالى"
"اصلها مش اول مرة"
"ازاى"
"كنت كل ما احب اقولك حاجة اكتبها ف الاجندة دى... يوم خطوبتنا هديهالك تبقى تقراى فيها براحتك... ونبقى نحتفظ بيها ف بيتنا ونوريها لولادنا"

تمسح مايا دموعها وهى بتقلب فى الاجندة اللى مليانة كلام كتير كلها بخط حمزة

يلفت نظرها رسمة تصميم لدعوة فرح
صممه حمزة وكتب فيه اسمه واسمها ويوم الخطوبة
                        فلاش باك
حمزة واقف قدام باب المدرسة ومايا خارجة راحت ناحيته
"ايه الاخبار"
"تمام"
"مبروك"
"على ايه مش لما النتيجة تبان"
"هتبان وهتنجحى وهتدخلى الجامعة ان شاءالله"
"يارب يا حمزة"
بيكملوا كلامهم وهما ماشيين
"انا اتكلمت مع بابا وماما امبارح وقلت انى عايزهم يكلموا خالو فؤاد"
"وبعدين"
"بابا رفض"
مايا بزعل"ايه؟"
حمزة بيضحك"قالى مينفعش يتكلم الا لما اشتغل ..قال اول ما اشتغل واستقر ف الشغل ساعتها هيقدر يكلم خالو فؤاد"
مايا"يارب ياحمزة تلاقى شغل"
حمزة"النتيجة تظهر بس وانا هقلب الدنيا على شغل علشان نتخطب واقدر اقول للدنيا كلها انى بحبك"
                  ********************

حمزة ومايا وفارس ونسرين قاعدين ف بيت الجدة
فارس بيقوم"الوقت اتأخر هطلع انام انا...تصبحوا على خير"
نسرين"اه واحنا كمان يالا ياحمزة انت لازم تنام بدرى"
حمزة وهو قايم"ماشى جاى معاكم اهو"
حمزة بيميل على مايا
"عايزك فوق ضرورى"
"ف ايه؟"
"نص ساعة واطلعى قابلينى فوق... هستناكى"
"لما نينة تنام هطلع"
                       ****************

مايا داخلة السطح شافت حمزة مستنيها وقاعد ع الارض وساند ضهره على السور وممدد رجله
راحت ناحيته وقعدت جنبه
"ايه ياحمزة عايزنى ف ايه"
"عايز اقعد معاكى لوحدنا"
"لو كنت عايز تقعد معايا مكنتش تسافر وتسيبنى"
"اساااافر ههههه...دول 3 ايام مع اصحابى ف اسكندرية"
"بتضحك وبتستهون بيهم صح"
"ما انتى يا ستى بتسافرى وتسيبينى"
"ماشى يا حمزة براحتك"
"لا مش عايز اخر حاجة اشوفها قبل ما امشى تكشيرة...انا عايز اشوفك مبسوطة على طول"
"هتوحشنى"
"وانتى هتوحشينى..هبقى اكلمك كل شوية لحد ما تزهقى منى"
"طب يالا انزل علشان زى نسرين ما قالت لازم تنام بدرى"
"لا يا مايا خليكى معايا"
مسك ايدها وهو بيبص لها بحب... وقرب وباسها من خدها

"مايا...مايا"
مايا بتصحا
"قومى احنا نعسنا وافجر هيشقشق"
"يا خبر اسود... لتكون نينة صحيت وملقتنيش نايمة ف اوضتى"
"قومى انزلى بسرعة وانا هنزل بعدك... اشوف وشك بخير انا يدوب هلبس قبل ما اصحابى يعدوا عليا"
"ماشى...سلام"

مايا بتفتح الباب وبتتسحب وهى داخلة البيت
راحت بصت على جدتها...اطمنت انها نايمة
جريت على اوضتها ...غيرت هدومها بسرعة ونامت

مايا بتصحا على صوت صراخ عالى
الصوت قريب منها اوووووى
بتقوم تخرج من الاوضة تجرى
بتلاقى جدتها بتعيط وايمان ونسرين بيصرخوا
وحياة بتاخد ايمان ف حضنها وتعيط
مايا بتجرى عليهم
"فى ايه"
حياة"حمزة... ياحبيبى يابنى"
مايا وهى بتعيط"ماله حمزة"
حياة"عمل حادثة هو واصحابه...وراحوا كلهم ...يصبر قلبك يا ايمان يا ختى"
                           ***************

تعيط مايا بحرقة وهى بتحضن اجندة حمزة وصورتهم اللى ع المكتب... صوت عياطها عالى
دخلت ايمان الاوضة على صوت مايا
"قمتى امتى... الله يرحمك يابنى"
مايا بتعيط وهى حاضنة حاجته
ايمان بدأت دموعها تنزل وهى بتاخد منها الحاجة بهدوء
"قومى يامايا... انا مبحبش ادخل اوضته... قلبى بيتوجع وانا مبقتش مستحملة احزان... كفاية ان ابوه راح وراه بسنة م الحسرة عليه"
قامت مايا معاها... دخلوا اوضة ايمان
قعدت مايا ع السرير... وايمان قصادها
مايا بتعيط ... وايمان بتحاول تتماسك وبتمسح دموعها
"قوليلى... لو مش قادرة تتكلمى هزى راسك... طمنينى انا هموت من امبارح ومش عايزة اضغط عليكى...ريحينى الهى يريح قلبك"
مايا بتنتبه لايمان وبتمسح دموعها
ايمان بتكمل
"هو حمزة فعلا؟؟ غلطتى مع حمزة؟؟"


هناك 66 تعليقًا:

  1. كملى بقااااااااااااااااااااااااا

    ردحذف
  2. بصى الحلقة جااااااااااااااامدة مووووووووووت و مؤثرة وقمة التشويق

    ردحذف
  3. ليه كده انا كنت فاكره ان حمزة موجود بس في مشاكل....زعلت والله :(

    ردحذف
  4. يعني كل ده وحمزه مات :‏(‏ الحته دي صعبه اوي انا عيطت بس جميله اوي والله بس أنا حاسه انه مش حمزه _مايسه_‏

    ردحذف
  5. جميلة جدااااااااا

    ردحذف
  6. قصيرة يادينا اوووووووووووي
    هاتجنينينا ليوم السبت كدة انتي

    ردحذف
  7. جاااااااااااااااااااااامده مستنيه الحلقة اللي بعدها بفاررغ الصببر
    وبجد القصصصصصة رووووووووووووووووووعة

    ردحذف
  8. جميلة اوي

    ردحذف
  9. حلقه مؤثره وجمييييييييييييييله جدا جدا بجد تسلم ايديك

    ردحذف
  10. بردو حاسة ان ممدوح ده هو اصل الحكاية مش عارفة ليه !!

    ردحذف
  11. 7lwa awii bgd taslam ediik :)

    ردحذف
  12. حرام يا دينا الي بتعمليه فينا ده لسه نستنى ليوم السبت حراااااااااااااااااااااااااااااااااااااااااااااااااام انتي بجد موهوبه ده عليكي قليله

    ردحذف
  13. هى حلوة اوووووى بس عيبها ان الحلقات قصيره جدااااا
    يااما تطوليها شويه يا اما تنزلى حلقتين مع بعض الواحد مش عارف يندمج كدا

    ردحذف
  14. ليه بتنزلى الحلقات متأخر كده انتى بتشوقينا اكتر واكتر كل لما تتأخرى فى النشر طب انا عندى اقتراح ممكن تبقي تعملى ملخص للحقة اللى بعدها اهو اقل ما فيها تصبرينا شوية بدل ما بتعلقينا كده :(

    ردحذف
  15. ياربي علي القفله صعب قوي القفله دي وبعدها اجازه .
    ولا اجمل يادينا :)

    ردحذف
  16. جبارة كالعاده :D

    ردحذف
  17. حلوة اووووووووووووووووووووووى بس ليه القفله دى ؟؟؟؟؟؟؟ :( :( طب حتى تجاوب بس

    ردحذف
  18. جميييييله يا موهوووبه

    ردحذف
  19. حلقة رائعة رائعة يادينا
    بالتوفيق دايما

    ردحذف
  20. كتيييييير حلوة وانا متشوقة للحلقة الجاية
    تسلم ايدك

    ردحذف
  21. لالالالا موتي حمزه ليييييييه؟
    انا حبيتو اوي ع العموم الحلقه جميله جدااااااااا
    موجا

    ردحذف
  22. a7eeeh 3leky ya dina bgad ana 3ayat fy 2a5r ma4haden :( :(

    ردحذف
  23. لالالالالالالالالا قصيرة وكمان مافيش بكرة :(

    ردحذف
  24. إيه ده لأ انا كنت عايزه حمزه، زعلت أوي عشانه :( الحلقه جمييله أووي كالعاده طبعاً
    مستنيه الجديييده بقى متتأخرييش

    ردحذف
  25. اهئ بقاااااااااااااااا طب ماتكملى حتة حمزة دى يا دودو

    ردحذف
  26. تصدقى قلبى وجعنى من انك بتفضلى تلعبى على اعصابنا
    كتير جدا يا دينا انك تعملى تشويق كده لانه هايقلب بزهق
    انا مدايقة جدا لانك مش بتراعى النقذة ده
    5 حلقات و لسه مافيش حاجة واضحة شكلنا هانعرف على الحلقة قبل الاخيرة ايه اللى حصل

    ردحذف
  27. لييييييييييييه تموتي حمزه حرام عليكي ده انا حبيته خلاص

    ردحذف
  28. جاااااااااامده بس كنتى طولتى الحلقه شويه
    ياريت تعملي الحلقه طويله شويه

    ردحذف
  29. بجد اتصدمت لما عرفت ان حمزه مات
    بس هو فعلا الي عمل كده
    انا معتقدش ان يكون هو
    حاسه ان مايا مظلومه وحمزه كمان الكل ظلمه
    علي العموم هانعرف

    ردحذف
  30. طب سطر كمان يا أستاذه هههههههههههههههههههههههههههههههه يارب ميكنش حمزة عشان ميكنش مات على معصية كبيرة زى دى ربنا يستر بس بجد أنتى مبدعة جداً ومازالت القصة غامضة

    ردحذف
  31. ااااااااااااااااااهاعيط حرام عليكى عايزة اكملها انتى رائعة

    ردحذف
  32. موتي حمزة ليه لييييييييبه لييييييييييييه هههههههههههههههههههه

    ردحذف
  33. الحلقه حلوه اووووووووووووووووووى بجد تسلم ايديكى بس انا عيط اووى لما عرفت ان حمزه ده ماات بس يلاا خير
    بس نفسى اعرف بقى مين ال عمل كده مع مايا

    ردحذف
  34. الحلقه جميله جدا بس انا عيط كتير علي حمزه بجد كانت صدمه جامده لماياو لينا

    ردحذف
  35. leh 7amza mat ? :(

    ردحذف
  36. طب كنتي سيبتيهآ ترد عآلأقل مش كفآية فقدت آلنطق وكمان هتسيب آلرد في زورهآ ليوم السبت =( ... بس بجد ربنآ يحميكي على أسلوبك الرآئع ده يآ دينآ ^^

    ردحذف
    الردود
    1. بجد انا تلك كمن مستنيه الرد بالجد القصه تجنننننننننننننننننننننننننننننن وووانتي تجنني

      حذف
  37. روعه الحلقه بس مكنشى بلاها القفله دى انتى كده سيبانا على نار لسه هنستنى يوم السبت

    ردحذف
  38. حلوة اووووووووووووووووووووي يا دينا بجد انا اتأثرت جداااااا وحسيت النهارده بأحاسيس مختلفة شفقة على مايا وايمان واندهاش من الاحداث اللي محدش توقعها بالمرة ومشمئزة من توفيق وحياة وفارس

    وابتديت اتشد للقصة اكتر مع اني متزعليش مني مكنتش مشدودة اوي من الاول بس الاحداث بدأت تجذب اكتر
    واتوقع ان مش حمزة اللي عمل كده بس ياترى ميييييييين اكيد كانت حاجة غصب عنها ومقدرتش تحكي


    ddy dody

    ردحذف
  39. المشهد الاخير ده كان هيخليني اشك انه حمزة بس مش حمزة هو اللي عمل كده اكيد

    hadil gasser

    ردحذف
  40. لالالالا حرام حمزه يموت بلاش خليها حتى حلم فارس ولا حاجه حرام انا عيطت عشانه

    ردحذف
  41. ما شاء الله رااااااااااائعة كملى

    للاسف الرجالة كلهم واطيين :(

    ردحذف
  42. اووووووووة كملى بقى حلوة اوى تسلمى بس نفسى اكملها بقى

    ردحذف
  43. جاااااااااااااااااااااااااامدة اخر حاجة بجد عايزاها كلهاااااااااااااااااااا

    ردحذف
  44. حلقة جاااااااااامدة بجد بس لأيه حمزة مات بجد يارب يطلع فاقد الذاكرة حتى ‎;(‎

    ردحذف
  45. هى حلوة طبعا كالعادة بس لى رأى مختلف شوية وهو إن معظم الردود إن لم يكن كلها متعاطف مع مايا إلا أنا متغاظة منها جداااااااا لأنها غبية فى تصرفاتها _ وبالرغم من إنى متأكدة إنه كانه غصب عنها _ لكنها إتصرفت غلط لما سكتت وماصارحتش أى حد بالمصيبة دى قبل الزواج وده رأيى الشخصى ياريت محدش يزعل منى.

    ردحذف
  46. جاااااااامدة اوى يخربيت الحلاوة يا جدعان :D

    ردحذف
  47. بجد جميله اوى وروعه كمليها بقى بسرعه

    ردحذف
  48. اللى بعدها والنبي وبعدين انا زعلانه اوى القصه ماشيه ببطئ ومش بتنزليها كل يوم ليه :(

    ردحذف
  49. حساها شاية رسالة لكل بنت

    ربنا يكرمك و يجزيكى عنها كل خير

    ردحذف
  50. يا ريت لو تنزليها كتاب ونحمله لما تخلص الله يحليكي دي حلوه اوي ولسه الحماس هبيدا

    ردحذف
  51. الله يا دودو ايه الجمااال دة ؟؟؟؟ انا بقول بقي انالحلقة اللي بعدها تنزل الصبح بدري

    ردحذف
  52. بجد قصه فظيعه والحلقه جامده
    انا اول مره قصه تخلينى اعيط تسلم ايدك
    روكا الوكيل

    ردحذف
  53. اتصدمت ان حمزة متوفى :( بس الحلقة جامدة اوووووووووووى

    ردحذف
  54. كده يادينا نلاقى حمزه مات فى الاخر دا انا على كده كل التوقعات بتاعتى طلعت مش فى ملحها خالص يالا خلينا معاكى فى قصتك الروعه ونشوف هيحصل ايه مستنينيك ياجميل

    ردحذف
  55. حمزة مات ليييييييه :/ كملىىىىىىىى

    ردحذف
  56. بس فعلا القصة دي شدانى جداا .. ما شاء الله عليكي استمرى

    ردحذف
  57. احييييييييه حمزه ميت!!!!! :o
    يالهوووووووي بجد عيطت :'(((
    بس روعه

    ردحذف
  58. فين الحلقه الجديده بقي :(

    ردحذف
  59. الله عليكى بجد انتى كدا ازاى

    ردحذف
  60. اتصدكت إن حمزة ميت اصلا :((

    ردحذف
  61. يا خسارة لية حمزة يموت بقى

    ردحذف
  62. مجدي فريد حسن16 سبتمبر 2014 في 2:54 م

    وجعتي قلبي ياشيخة .. حرام عليكي

    ردحذف

قول رأيك بلاش تقرا وتقفل من سكات...ارائكم تهمنى