الحلقة 8
خرجت ايمان ونسرين من الاوضة بعد ما سابوا مايا
"كل ده حصل وانا مش عارفة حاجة... كلام مايا حسسنى انى قصرت معاها اوى"
"ليه ياماما... انتى كنتى هتعملى ايه بس...وليه بتحملى نفسك فوق طاقتك... مش انتى المسئولة عنها لوحدك"
"انا من يوم ما جت وقلت بينى وبين نفسى انى هكون مكان امها... اه ماما وحياة مقصروش معاها بس انا حسيتها مسئولة منى"
"وانتى قصرتى ف ايه بس"
"انى مكنتش حاسة بيها"
رن موبايل نسرين
"ده ممدوح"
وردت عليه
"الو...ازيك يا ممدوح...كويسة الحمدلله...انت هتبات عند مامتك ولا ف البيت... ابقى اقفل محبس المياه قبل ما تنزل... لا انا عند ماما"
وارتبكت وهى بتتكلم وبصت لايمان
"مايا...لا لسه مروحتش لمايا... هبقى اسلملك عليهم ان شاءالله... مع السلامة"
قفلت مع ممدوح ...سألتها ايمان
"ايه اللى جاب سيرة مايا"
"بيسأل عليها هى وفارس فاكرنى روحت لهم"
"كويس انك رديتى كده...يوه كنت هنسى"
"ايه؟"
"لازم انزل اعرف فؤاد ان مايا اتكلمت...هيفرح اوى"
"وهتحكى له؟"
"مش عارفة...انتى ايه رأيك"
"مش عارفة"
"انا هقوله اللى حصل انها اتكلمت بس لسه منعرفش حاجة"
"ماشى"
"هتنزلى معايا"
********************
ايمان داخلة بيت مامتها... لقيت فؤاد قاعد
دخلت قعدت
"ماما فين؟"
"نامت من شوية...اخبار مايا ايه"
"اتكلمت الحمدلله"
فؤاد بفرحة
"بجد؟؟ وحكت ايه اللى حصل ومين اللى عمل كده"
"لسه يا فؤاد... هى قعدت تتكلم معانا شوية لحد ما تعبت...بكرة ان شاءالله نبقى نعرف"
"الحمدلله انها اتكلمت... زعلانة منى؟"
"مجبتش سيرة والله...بس يعنى اللى مرت بيه مش سهل برضه"
"وانا؟؟ الصدمة اللى اتصدمتها مش سهلة ابدا"
********************
فؤاد ومامته بيخبطوا على باب ايمان الصبح
فتحت لهم نسرين
فؤاد"صباح الخير يانسرين"
الجدة"صحيتوا ولا لسه نايمين"
نسرين"صباح النور ياخالو... صحينا يا نينة"
دخلوا وقعدوا وسألها فؤاد
"مايا فين"
"ف الحمام وماما بتعمل الفطار"
جت ايمان تسلم عليهم
وخرجت مايا م الحمام...شافت باباها
راحت حضنته وهى بتعيط
وبتتكلم احسن من اليوم السابق
"انا اسفة يابابا انى حطيتك ف الموقف ده... انا غلطانة"
فؤاد وهو بيحاول يتحكم ف دموعه وحزنه
"ليه يامايا عملتى فينا كده"
"والله ما عملت حاجة... كل غلطتى انى سكت كل ده"
كلهم منتبهين لكل كلمة بتقولها مايا
ايمان"احكى لنا يامايا ... قصدك ايه"
قعدت مايا جنب باباها
مايا"هحكى لكم بس اوعدونى كلكم وعد مش عايزة غيره مهما كان رأيكم فيا او لومكم عليا"
نسرين"وعد ايه"
مايا وهى بتمسح دموعها وبنبرة تحدى
"فارس ومامته وباباه ميعرفوش حاجة من اللى هقولها دى"
بصوا كلهم لبعض...ردت مايا
"زى ما اتهمنى الاول قبل ما يسمعنى ...وحكم عليا انى مذنبة... مش لازم يعرف انى بريئة ومليش ذنب"
فؤاد"طب احكى"
مايا"وعد محدش يقولهم حاجة"
ردوا كلهم
"حاضر...نوعدك"
فلاش باك
فرح نسرين وممدوح وكلهم موجودين ماعدا فارس
صوت مايا
"الفترة اللى بعد ما سبت جاسر كانت قليلة اوى وانشغلت فيها ...ونسرين اتجوزت وسافرت مع بابا لندن"
*****************
فؤاد وهو بيسأل
"مين جاسر"
ايمان بتلحقها "زميلها من الجامعة وكان عايز يتقدم لها بس ظروفه مكنتش مناسبة"
فؤاد"وايه علاقته باللى حصل"
مايا بتكمل"علاقته غير مباشرة لانه أثر فيا اوى"
فلاش باك
مايا قاعدة لوحدها ف بيت مامتها
بتقلب ف التليفزيون بملل ...بتمسك المجلات الموجودة بملل اكتر
صوت مايا
"روحت عند ماما... والمرة دى كنت رايحة وبفكر انى اقعد عندها شوية زيادة بما ان مبقاش ورايا دراسة وفاضية...بس انشغالها اكتر الوقت ووجودى لوحدى خلانى مستنية اليوم اللى ارجع فيه مصر تانى... مكنتش اعرف انها اخر مرة هشوف ماما"
*********************
مايا قاعدة ف بيت جدتها... بتتكلم ف التليفون ودموعها نازلة
صوت مايا
"وبعد ما بابا جه وصلنى ورجع لندن تانى... اتصل بيا وقالى على وفاة ماما... واتفاجئت انى كنت بحبها اوى وموتها اثر فيا اكتر ما كنت اتخيل او بمعنى اصح مكنتش فكرت ف الموقف ده قبل كده"
*********************
مايا قاعدة ف اوضتها بتعيط... جنبها جدتها بتطبطب عليها
وعلامات السهر والارق على وشها
صوت مايا
"ورجع موتها يجر عليا الاحزان من اول وجديد... كل اللى بحبهم بيبعدوا عنى واحد ورا التانى... عيلتنا اتفرقت... قاعدة ف البيت على طول ومعنديش اصحاب حتى اتكلم معاهم"
*******************
مايا قاعدة بتحكى وكلهم منتبهين
"اسوأ فترة عشتها ف حياتى كانت بعد وفاة ماما اللى جه بعد جواز نسرين بشوية... تخيلوا قاعدة طول الليل والنهار افتكر الاوقات القليلة اللى قضيتها مع ماما ...والاوقات القليلة اللى قضيتها مع حمزة واعيط..حسيت انى مش مكتوب لى افرح... حياتى فاضية محدش معايا...نسرين اتجوزت وفارس مسافر ودول الوحيدين اللى كان ممكن اخرج معاهم لو عايزة اتفسح... مفيش حد مهتم بيا...اه نينة وعماتى بيهتموا بأكلت...نمت... عايزة حاجة نفسى فيها...انما برضه احساس الوحدة صعب... بقيت احن اوى لاهتمام جاسر بيا ومكالماته واتصالاته...فكرت كتير انى اكلمه تانى... ترددت اوى... وبعدين اتصلت بيه... قفل وبعتلى مسدج مختصرة...متتصليش بيا تانى... جرحنى ومفكرتش حتى انى اسأله ليه... بس حالتى زادت سوء...عياط على طول... مفيش نوم ...مليش نفس آكل... وطبعا كانوا نينة وعماتى حاسين"
الجدة"ايوه فعلا... انا كنت بتقطع عليكى... وقلت مش معقول موت امها اللى مقعدتش معاها يعمل فيها كده"
ايمان"انا ايامها كنت بسافر لنسرين كتير لما عرفت انها حامل"
مايا"فاكرة بقى ياعمتى لما نسرين اجهضت وروحتى قعدتى معاها شهر... وقتها حصلت المصيبة"
وانتبهوا كلهم
"ايه اللى حصل"
فلاش باك
مايا فى اوضتها قاعدة لوحدها كالعادة
حياة قاعدة مع مامتها بره
"ماما هى مايا لسه على حالها برضه"
"لسه يا حياة"
"البت دى محسودة...على جمالها ده ومحدش اتقدم لها خالص واهى داخلة على 22 سنة"
"معاكى حق صحيح"
"ولا تكون ياماما حد عملها حاجة"
"حد مين...هى عمرها اذت حد علشان حد يأذيها"
"الناس الوحشة كتير...نضمن منين"
"ونعمل ايه"
"معرفش انا بقولك يمكن يكون ده السبب"
********************
الجدة بتتكلم بعد ما افتكرت اللى حصل
"اه صحيح... وطلعت حياة معاها حق"
فؤاد"معاها حق ازاى؟"
الجدة"قعدت اسأل الجيران والمعارف على حد كويس بيفهم ف فك السحر علشان يشوف البت معمولها عمل بصحيح ولا لأ... ودلونى ع الشيخ خضر"
مايا بتمسح دموعها بسرعة علشان تقدر تكمل الحكاية
فؤاد بضيق"وده اسمه كلام ياماما تصدقى التخاريف دى"
الجدة"تخاريف ؟؟!! متقولش كده...بنتك كان معمولها عمل صحيح وربنا جاب الشفا على ايده"
مايا بوجع"جالى الشقا كله على ايده"
وانتبهوا لها باستغراب
فلاش باك
الجدة وحياة قاعدين
"لا ياماما مش هقدر اجى معاكى...توفيق لو عرف حاجة زى كده تبقى مصيبة"
"وهو مين بس اللى هيقوله"
"وانا بعد العمر ده كله هخرج من وراه ومن غير ما اقول رايحة فين"
"وانتى خارجة مع حد غريب...مش مع امك"
"لا ياماما ...مش عايزة مشاكل...عايزة تاخديها وتروحى روحى"
******************
مايا وجدتها قاعدين ف انتريه قديم وناس تانية قاعدين
وفيه واحدة ست ف الاربعينات بعباية سودة بتدخل وتخرج من عند الشيخ وتنظم مواعيده ومقابلاته
صوت مايا
"روحنا للشيخ خضر... البيت من اول ما دخلته وانا قلبى اتقبض... الست اللى زى سكرتيرة او مساعدته دى مريبة... نظراتها وضحكتها تخوف... وكلامها ف موضوعات غريبة... ومبتسألش اى حد عن سبب زيارته زى ما بنشوف ف الافلام"
*********************
مايا وجدتها داخلين اوضة الشيخ وفيها
ترابيزة صغير وقاعد وراها الشيخ و4 كراسى
محطوطين كل كرسيين جنب بعض
وكرسى تانى ف اخر الاوضة لوحده وضهره يبقى للناس
صوت مايا
"دخلنا للشيخ خضر...راجل ف الخمسينات ... اتقبضت منه اكتر من قبضتى من الست اللى شفتها بره...قعدت جنب نينة ع الكرسى اللى لازم فيها وانا ماسكة ف دراعها وخايفة اسيبها...قعدت تحكى له وقال انه لازم يرقينى الاول...وقالى اقعد على الكرسى اللى ف اخر الاوضة"
********************
مايا قاعدة على الكرسى ف اخر الاوضة....ضهرها لجدتها
والشيخ حاطط ايده على راسها وبيقرا كلام مش مسموع
صوت مايا
"نظرات الشيخ ليا كانت غريبة... مرعبة... حيوانية... لما قال هيرقينى خفت يلمسنى بحجة الرقية... بس ساعتها حط ايده على راسى وهو بيقرا لحد ما خلص وقالى قومى وراح قعد مكانه"
*********************
الشيخ قاعد على كرسيه...ومايا وجدتها قصاده
"بنتك يا حاجة مش معمول لها عمل ولا حاجة...دى محسودة من عين مصلتش ع النبى"
"يا خبر... منهم لله اللى بيحسدوا الناس...وبعدين؟"
" كل اللى اقدر اعملهولها انى احصنها ...وده هيحتاج جلستين تلاتة يمكن اكتر"
"ازاى الجلسات دى"
"ده شغلى بقى يا حاجة... وعلشان تعرفى انى مش نصاب ولا دجال انا قلتلك الحقيقة ...كان ممكن اقولك معمولها عمل وعايز يتفك انما انا جيت معاكى صريح"
"ربنا يكرمك يا شيخ خضر... ده انت صيتك سابقك"
********************
مايا قاعدة بتحكى
"ورجعنا قولت لنينة بلاش نروح تانى وانى مرتاحتش للناس دول وشكلهم نصابين...مسمعتش كلامى وقالت انى مش فاهمة حاجة وصممت اننا نروح معاد الجلسة اللى حددها"
**********************
مايا داخلة مع جدتها اوضة الشيخ
بيتكلم معاهم الشيخ...وتقوم الجدة تخرج من الاوضة
مايا بتقوم تقعد على الكرسى ف اخر الاوضة
صوت مايا
"روحنا معاد الجلسة ونفس احساسى متغيرش...خايفة من الناس دول ومش عارفة ليه... اتكلم الشيخ مع نينة وقالها الجلسة لازم اكون لوحدى...وخرجت فعلا...وبعدها قالى اقعد على الكرسى اللى ف اخر الاوضة"
***********************
مايا بتفتح عينيها ف سرير ف اوضة مفيهاش غير السرير وشماعة وكرسى
متغطية وهدومها جنبها على الكرسى
والشيخ واقف بيكمل لبسه من ع الشماعة
كلم مايا وخرج من باب ف الاوضة
صوت مايا بنشيج عالى
"بعد ما خرجت نينة من من الاوضة وورحت قعدت ف المكان بتاع المرة اللى فاتت ..فوقت لقيت نفسى ف سرير...معرفش نيمنى امتى وازاى...كل اللى فهمته انى خلاص مستقبلى ضاع واتدمرت... كان واقف ع باب الاوضة وبيهددنى... بصوت بشع وشكل ابشع
- لو اتكلمتى هتلاقى cd باللى حصل ف كل حتة ومستنيكى الجلسة الجاية"
بقى فى الاخر خضر هو السبب ياترى هتروحله كل الجلسات ولا ايه؟ رائعة يا دندون
ردحذف:( :(
ردحذفيااااااااه ماتوقعتش كدا خالص :(
ردحذفيا نهار ابيض عاللى بيحصلها ؟؟؟؟؟؟؟؟؟؟؟؟؟؟؟؟
ردحذفانا قلت انها مظلومه من الاول
احيـــــــــــــــــــــــــــــــكى عالحلقه بجد
يادى المصيبة !!!!!!!!!!!!
ردحذفيادي النيييييييييييييييله ياعيني يامايا :(
ردحذفيالهوووووي هو في كدااااااااااا !!
ردحذفده اسمووووووو تخللللللف
لأ وبيقو على نفسو شييييخ !!!! :/
حسبي الله ونعم الوكيل ف الاشكااال دي ><
Ya 7ywaaaaaaaan ya 5dr
ردحذفBgd el7l2a to7faaaaaaaaaaa :'(
بجد زعلت اوي معقول المقرف دة السبب انا افتكرت انة سبب طبيعي مش بالشكل دة :((((
ردحذفبس سرد رااااااااااااااائع يادينا بجد تسلمي
ايه ده :O !
ردحذفحاجه مخطرتش على بال حد خالص :(
بس الحلقه حلوه اوى
اقل ما يقال انك بجد ما اروعك انتى عبقرية
ردحذفتحفه يا دينا
ردحذفبجد حاجه صعبه أوي :(
يا ابن ال تييييييييييييييييييييييييييييت
ردحذفلا حول ولا قوه الا بالله.....ربنا يحفظ كل البنات يارب
ردحذفرائعه يا دينا تسلم ايدك
بسكوتا
حسبي الله ونعم الوكيل هقول ايه غير كده حاجه تحرق الدم بجد
ردحذفاخيرررررا عرفنا مين الساااااافل ابن السافل اللى عمل العامله دى هههههههههههه
ردحذفالحمد لله وصلنا القاهره هههههههههههههه
بس ولله صعبت عليا وكمان طلع فى cd وشغل عاااااااالى لالالالا كده المووووضوع وسع اووووووى ^_^
حلقه جاااااااامده جدا وغير متوقعه
ردحذفمتوقعتش نهائي حاجة زى دى .. بجد اسلوبك مشوق و غير متوقع و.دا اللى بيميزك .. استمري
ردحذفلا حاجه غكره غير متوقعه يا دندن تحفه مستنينك بليل بقي بسرعه خخخخخخخخخخخخخ
ردحذفده ايه المتخلف ده >_<
ردحذفوبعدين ازاى هى تسكت كل ده اصلاً
وازاى توافق ع جوازها من فارس ده وهى كده مفيش تفكير خااالص مش كانت تقولهم الاول
كم انتى غبيه يا مايا >_<
ya nhaaaar abyd ana dema8y ra7t fi 7tt tanyaa 5ales
ردحذفحيوووووووووووووووووووووووووووووان
ردحذفيا حبيبتى يا مايا ربنا معاكى
بس جامده اوووووووووووى واحساسى انها مظلومة صح الحمد لله
بس انا حاسه انها لسه فيها لغز تانى لان دينا قالت مش هيتحل اللغز الا اخر حلقه
مستنيييييييييييييييييييييين على ناااااااااااااااااااااااااااااااااااااااااااااااار
Teslam edek gamila awiiii
ردحذفلا حول ولا قوة الا بالله اللهم احفظ بنات المسلمين يارب
حذفايه الحلقة التحفة دى
تسلمى يا استاذة
مستنيين الحلقة الجديدة بسرعة جداااااااااا
ايووووووووووووووووة بقي يااااااااااا دودو
ردحذفمايا بريئة ...مايا بريئة .... مايا بريئة هيااااااااااه
يالهوي قشعر بدني يانااااااااااااااااس
ردحذفربنا ينتقم منه
بس معقول رجعت خضعت لتهديده
جميلة اووي الحلقة تسلم ايديكي وافكارك العبقرية
ردحذفومستنين الحلقة الجديدة بسرررعة يا دندون
ايه ده مش معقول بقى بعد الشك بين حمزه وجاسر او انه طبيعى
ردحذفيطلع المخلوق ده حلقه جامده
صعبت عليا مايا اوى :(
وها هى القصة الغامضة تكشفها لنا الأستاذه دينا تسلم إيدك مع إنى زعلان قوى على مايا حسبى الله ونعم الوكيل فكل من عمل كده فى بنات الناس ولا حول ولاقوة إلا بالله العلى العظيم بس فارس برضو معذور بس ده يعلمنا إننا مهما حصل منسبش بناتنا مع حد غريب ولو حتى دقيقة واحدة إنشالله يكون ملاك مش شيخ
ردحذفحسبي الله ونعم الوكييييييييييل ضيع مستقبلها
ردحذفتسلم ايدك يادندن
تعرفى يا دينا بجد بجد تفاصيل الحسد ونروح لواحد يفك الحاجات دى ... نفسى كل الناس تعرف انها تخلف فى زمنا ده الحسد مذكور فى القران بس الناصبين كتير
ردحذفبجدددددددددددددددد تسلم ايدك حلوة جدا وياريت فارس يحس على دم اهله ويعرف الحقيقة ويرجعها
ردحذفواااااااااااااااااااااو بجد تجنن برافوووووووووووووووووووووووووووووو
ردحذفمنككككككك لله يا خضر الكلببببببب اييييييييييه داااااااااا في كدا !!! دا احنا عايشين في غابة فعلا
ردحذفياااااااااااااااالهووووووووى ياعينى عليكى يا مايا ربنا ينتقم منه الحلقه جميييييييييييييله زى العاده تسلم ايديك
ردحذفمنك لله يا خضر واقولك فيكى ايه يا جدتها حراااام كده :(
ردحذفحاجة صعبة اوووووووووووووي حسبى الله ونعم الوكيل
ردحذفتحفه تحفه يادينا بس امر غير متوقع خالص وانت اسلوبك رائع
ردحذفحلوه اووووى الحلقه بس هى غلطانه جداااا انها سكتت وماتكلمتش بعد المصيبه ده وكان الحيوان ده اخد جزائه
ردحذفيا نهار اسود يا حبيتى يا مايا منه لله خربيتك
ردحذفياربنا بجد!!!!!
ردحذفروووووعه يا دودو بس هي هتكون قصيرة صح؟
DINE anty bgd 3asaaaaaaaaaaal we kash gamila msh kont mtok3a i like YOu
ردحذفomg bgd wahmyaaaaaaa 7elwa aweeee bgd
ردحذفkeep going y dodo :) tslm edk :*:*:*
كنت متأكدة انها هتكون مظلومة بجد
ردحذفروووووووووعه يا دندن مكملين معاكي يا حبيبتي
روووووووووووعة الحلقة-بس هي جدتها كانت فين لمن حصل اللي حصل
ردحذفاحيييييييييييييييييييييييييييه ماكانش في الحسبان دا الله يخرب بييييييتك يا خضر زي م خربت بيت البت
ردحذفحاسه ان لسة فاضل مفاجأت :)
مستنيين حلقة النهاردة يا دينا :*
الحلقه رائعه يا دينا وبجد اسلوبك تحفه وتطور الاحداث زاد القصه تشويق ومستنين الحلقه الي جايه بفارغ الصبر =)
ردحذفبجد تحفة اوووووي ياتري بقي فؤاد هيعمل ايه و هيقول لفارس ولا لا
ردحذفع فكرة انا متابعه كل القصص وطريقتك فى سرد الاحداث اكثر من رائعه وبجد شوقتينى مووت انى اشوف باقى القصه انتى كاتبه جميله ى دينا
ردحذفاتمنى استبدال كلمة "شيخ" بكلمة "دجال" وشكرا
ردحذفوالله قلبى وجعنى بجد لا حول ولا قوة الا بالله ربنا يحفظ كل البنات
ردحذفبس بجد حلقة تحفة تسلم الاياااادى
احلى حاجه انك جبتى حاجه مش ف الحسبان خاالص
ردحذفانا كنت حاسه انها مظلومه فى الاخر بس مكنتش متوقعه انه يكون هو دا السبب
ردحذفانا القصه دى المفروض الناستاخدها عظه ويخلوا بالهم كويس من الدجالين والنصابين دول
متوقعتش كدا خاااااااااااااااااالص يا نهااااااااااااااار بس ليه متكلمتش من الاول وكان الرجل ده يروح فى ستيييييين داهية
ردحذفبس ليه متخليش فارس يعرف يعنى هو غصب عنه لازم يتصرف كده كان المفروض يعملها ايه يعنى وهى مش راضيه تبرلله وعماله تستفزه وتقوله ايون بحب حمزة
ردحذفجامده
ردحذفشكلها هتقلب قصه بوليسيه والاحداث هتبقي ضرب نار يا دودو
ردحذفتوتا
يا نهاااار ابيض بجد الحلقة تحفه اوي ومستنيين القادم :) :)
ردحذفلا يا دينا والله كده حرام انا قلبي وجعني :(
ردحذفhadil gasser
يخرب بيتك وعاملي شيخ جتك القرف
ردحذفيانهار اسود ده سنه امه سودة ومنيلة بستين نيلة
ردحذفالحكاية دى حصلت قبل كده ف فيلم قديم كان الشيخ ده (محمود المليجى ) وكانت البنت (مريم فخر الدين )
ردحذفانا توقعت ان هو من اول ما قالت الشيخ خضر
بس هى حلوةة
الجدة غلطانة انها خرجت وسابتها لوحدها
ردحذفمنه لله ابن الكلب
دا الدجالين دوله ولاد كاب واللي يعرف ميروحش هناك خالص
ردحذفبس بجد منه لله
هييييييييييييييييييق كملى
ردحذفينهااار يعنى ده كله بسبب الراجل الكلب ده ....... راائعه الحلقه استمرى
ردحذف